ﻣﻪﯞﺟﯘﺗﻠﯘﻕ ﻧﯩﻤﯩﻠﻪﺭﮔﻪ ﺑﺎﻏﻠﯩﻖ؟
ئابدۇرەھىم ﺩﯙﻟﻪﺕ
ئابدۇرەھىم ﺩﯙﻟﻪﺕ
ﺗﻪﺑﯩﺌﻪﺕ ﻣﻪﯕﮕﯜ ﺳﯩﺮﻟﯩﻖ، ﻣﻪﯕﮕﯜ ﺟﻪﻟﭙﻜﺎﺭ، ﻣﻪﯕﮕﯜ ﻳﯧﯖﻰ، ﺗﻪﺑﯩﺌﻪﺗﺘﯩﻜﻰ ﮬﻪﺭ ﺑﯩﺮ ﻣﻪﯞﺟﯘﺩﺍﺕ ﻣﻪﻳﻠﻰ ﻧﻪﺳﻠﻰ ﻗﯘﺭﯗﭖ ﻛﻪﺗﻜﻪﻥ ﺩﯨﻨﻮﺯﺍﯞﺭﻻﺭ ﺑﻮﻟﺴﯘﻥ ﻳﺎﻛﻰ ﻗﯘﺭﺕ - ﻗﻮﯕﻐﯘﺯ، ﭘﯩﺖ - ﺑﯜﺭﮔﯩﻠﻪﺭ ﺑﻮﻟﺴﯘﻥ ﯞﻩ ﻳﺎﻛﻰ ﺋﺎﺳﻤﺎﻥ ﭘﻪﻟﻪﻙ ﺷﻪﻣﺸﺎﺩ، ﻳﺎﻛﻰ ﺗﻪﺳﻜﻪﻱ ﺯﻩﻳﻜﻪﺷﻠﻪﺭﺩﯨﻜﻰ ﻣﯘﺧﻼﺭ ﺑﻮﻟﺴﯘﻥ، ﯞﻩ ﻳﺎﻛﻰ ﺋﺎﺳﻤﺎﻧﺪﯨﻜﻰ ﺳﺎﻧﺴﯩﺰ ﻳﯘﻟﺘﯘﺯﻻﺭ ﯞﻩ ﺯﯦﻤﯩﻨﺪﯨﻜﻰ ﺋﯘﺷﺸﺎﻕ ﺗﺎﺵ، ﺷﯧﻐﯩﻠﻼﺭ ﺑﻮﻟﺴﯘﻥ، ﮬﻪﻣﻤﯩﺴﻰ ﺑﯩﺮ ﻣﯚﺟﯩﺰﻩ، ﺑﯩﺮ ﮬﯧﻜﻤﻪﺕ، ﺋﻪﺳﺮﺍﺭﻻﺭﻏﺎ ﺑﺎﻱ ﻛﯩﺘﺎﺏ. ﺗﻮﻟﯩﻤﯩﺰ ﻏﻪﭘﻠﻪﺗﺘﻪ ﺑﻮﻟﻐﺎﭺ ﺑﯘ ﻣﯚﺟﯩﺰﯨﻠﻪﺭﻧﻰ ﮬﯧﺲ ﻗﯩﻼﻟﻤﺎﻳﻤﯩﺰ. ﺳﯩﺰ ﺗﺎﻏﺪﺍ ﻛﯧﺘﯩﭗ ﺑﯧﺮﯨﭗ ﺗﯘﻳﯘﻗﺴﯩﺰ ﺑﯩﺮ ﻧﻪﺭﺳﯩﮕﻪ ﭘﯘﺗﻠﯩﺸﯩﭗ ﻳﯩﻘﯩﻠﺪﯨﯖﯩﺰ، ﻗﺎﺭﯨﺴﯩﯖﯩﺰ ﺋﯘ ﺑﯩﺮ ﺗﺎﺷﻜﻪﻥ، ﺳﯩﺰ ﺋﻮﺭﻧﯩﯖﯩﺰﺩﯨﻦ ﺗﯘﺭﯗﭖ ﻳﻪﻧﻪ ﻳﻮﻟﯩﯖﯩﺰﻏﺎ ﺭﺍﯞﺍﻥ ﺑﻮﻟﺪﯨﯖﯩﺰ، ﺋﻪﻣﻤﺎ ﻳﻪﻧﻪ ﺑﯩﺮﺩﻩﻣﺪﯨﻦ ﻛﯧﻴﯩﻦ ﻳﻪﻧﻪ ﭘﯘﺗﻠﯩﺸﯩﭗ ﻳﯩﻘﯩﻠﺪﯨﯖﯩﺰ، ﻗﺎﺭﯨﺴﯩﯖﯩﺰ ﺑﯘ ﻗﯧﺘﯩﻢ ﭘﯘﺗﻼﺷﻘﯩﻨﯩﯖﯩﺰ ﺑﯩﺮ ﺋﯜﺳﺘﻪﻝ ﺳﺎﺋﯩﺘﯩﻜﻪﻥ، ﺗﯘﻳﯘﻗﺴﯩﺰ ﺑﯘﻧﯩﯖﺪﯨﻦ ﻧﺎﮬﺎﻳﯩﺘﻰ ﮬﻪﻳﺮﺍﻥ ﻗﺎﻟﺪﯨﯖﯩﺰ، ﺑﺎﺷﺘﺎ ﺗﺎﺷﻘﺎ ﭘﯘﺗﻼﺷﻘﺎﻧﺪﺍ ﻣﯧﯖﯩﯟﻩﺭﮔﻪﻥ ﺋﯩﺪﯨﯖﯩﺰ، ﺋﻪﻣﺪﻯ ﻳﻪﻧﻪ ﻧﯧﻤﯩﺸﻘﺎ ﻣﯧﯖﯩﯟﻩﺭﻣﻪﻳﺴﯩﺰ؟ ﺗﺎﺷﻘﺎ ﭘﯘﺗﻠﯩﺸﯩﺶ ﺑﯩﻠﻪﻥ ﺳﺎﺋﻪﺗﻜﻪ ﭘﯘﺗﻠﯩﺸﯩﺸﻨﯩﯔ ﻧﯧﻤﻪ ﭘﻪﺭﻗﻰ ﺑﺎﺭ؟ ﻳﺎﻛﻰ ﺗﯧﺨﯩﻤﯘ ﺋﺎﺩﺩﯨﻴﺮﺍﻕ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺗﺎﺵ ﺑﯩﻠﻪﻥ ﺳﺎﺋﻪﺗﻨﯩﯔ ﭘﻪﺭﻗﻰ ﻧﯧﻤﻪ؟ ﻧﯧﻤﯩﺸﻘﺎ ﺳﺎﺋﻪﺕ ﺩﯨﻘﻘﯩﺘﯩﯖﯩﺰﻧﻰ ﻗﻮﺯﻏﯩﻴﺎﻻﻳﺪﯗ؟ ﺗﺎﺵ ﻗﻮﺯﻏﯩﻴﺎﻟﻤﺎﻳﺪﯗ؟ ﻣﺎﻧﺎ ﺑﯘ ﺋﯩﻨﺴﺎﻧﻼﺭﻧﯩﯔ ﮬﯩﺪﺍﻳﻪﺕ ﻳﺎﻛﻰ ﺯﺍﻻﻟﯩﺘﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺗﻪﭘﻪﻛﻜﯘﺭ ﺋﯘﺳﯘﻟﻰ.
ﭘﯩﻜﯩﺮ ﻗﯩﻠﯩﺶ ﺋﺎﺩﯨﺘﯩﮕﻪ ﺋﯩﮕﻪ ﻛﯩﺸﯩﻠﻪﺭ ﺋﯜﭼﯜﻥ ﺗﻪﺑﯩﺌﻪﺕ ﺋﺎﺟﺎﻳﯩﭗ ﺑﯩﺮ ﻣﻪﻛﺘﻪﭖ، ﺋﻮﻗﯘﺵ ﭘﯘﻟﻰ ﺋﺎﻟﻤﺎﻳﺪﯨﻐﺎﻥ، ﮬﻪﻣﻤﻪ ﺋﺎﺩﻩﻣﮕﻪ ﺑﺎﺭﺍﯞﻩﺭ ﺋﯧﭽﯩﯟﯦﺘﯩﻠﮕﻪﻥ ﻣﻪﻛﺘﻪﭖ، ﺋﯩﻨﺴﺎﻧﻼﺭﺩﯨﻜﻰ ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﯩﻨﯩﯔ ﺋﻮﺧﺸﺎﺵ ﺑﻮﻟﻤﺎﺳﻠﯩﻘﻰ ﺗﯜﭘﻪﻳﻠﯩﺪﯨﻦ، ﺋﯘﻻﺭﻧﯩﯔ ﺑﯘ ﻣﻪﻛﺘﻪﭘﺘﯩﻦ ﻗﻮﺑﯘﻝ ﻗﯩﻠﯩﺪﯨﻐﺎﻥ ﺗﻪﺳﯩﺮﺍﺕ ﺋﯩﻠﮭﺎﻣﻠﯩﺮﯨﻤﯘ ﺋﻮﺧﺸﯩﻤﺎﻳﺪﯗ. ﺋﯘﻻﺭ ﺋﯚﺯﻟﯩﺮﯨﻨﯩﯔ ﺋﯚﺯﯨﮕﻪ ﺧﺎﺱ ﻳﺎﺷﺎﺵ ﺋﺎﺩﯨﺘﻰ، ﺋﯩﻨﺘﯩﺰﺍﻣﻰ ﺑﯩﻠﻪﻥ ﺑﺎﺷﻘﺎ ﮬﺎﻳﯟﺍﻧﻼﺭﻏﺎ ﺋﻮﺧﺸﯩﻤﺎﻳﺪﯨﻐﺎﻥ ﺑﯩﺮ ﺋﯩﺠﺘﯩﻤﺎﺋﯩﻲ ﺗﻮﭖ ﺷﻪﻛﯩﻠﻠﻪﻧﺪﯛﺭﮔﻪﻥ ﺑﻮﻟﯘﭖ، ﮬﻪﺳﻪﻝ ﮬﻪﺭﯨﻠﯩﺮﻯ ﺑﯩﺮ ﻛﻪﻡ - ﻛﯜﺗﯩﺴﯩﺰ ﻣﯘﻛﻪﻣﻤﻪﻝ ﺟﻪﻣﺌﯩﻴﻪﺕ، ﺋﯘﻻﺭﺩﯨﻜﻰ ﺋﯩﺶ ﺗﻪﻗﺴﯩﻤﺎﺗﻰ، ﺳﺎﻻﮬﯩﻴﻪﺕ ﭘﻪﺭﻗﻰ، ﺋﯩﻨﺘﺎﻳﯩﻦ ﺋﯩﻨﯩﻖ ﺋﺎﻳﺮﯨﻠﻐﺎﻥ ﺋﯘﻻﺭ ﮬﻪﻡ ﺋﯩﺠﺘﯩﻤﺎﺋﯩﻲ ﺑﯩﺮﻟﯩﻚ ﮬﻪﻡ ﺋﯩﻘﺘﯩﺴﺎﺩﻯ ﺋﯩﻲ ﺑﯩﺮﻟﯩﻚ، ﮬﻪﻡ ﺳﯩﻴﺎﺳﯩﻲ ﺑﯩﺮﻟﯩﻚ، ﺋﯘﻻﺭﻧﯩﯔ ﺳﺎﻗﭽﯩﻠﯩﺮﻯ ﺗﺎﺯﯨﻠﯩﻖ ﺋﯩﺸﭽﯩﻠﯩﺮﻯ، ﺑﺎﻻ ﺑﺎﻗﻘﯘﭼﯩﻠﯩﺮﻯ، ﺳﺎﺗﯩﺮﺍﺷﻠﯩﺮﻯ، ﺟﺎﻧﻠﯩﻖ ﺳﯘ ﺋﺎﻣﺒﺎﺭﻟﯩﺮﻯ، ﺟﺎﻧﻠﯩﻖ ﺷﺎﻣﺎﻟﺪﯗﺭﻏﯘﭼﻼﺭ، ﮬﻪﺳﻪﻝ ﭘﯩﺸﺸﯩﻘﻼﺵ ﺋﯜﺳﻜﯜﻧﯩﻠﯩﺮﻯ، ﮔﯜﻟﭽﯧﯖﻰ ﺗﻪﻳﻴﺎﺭﻻﺵ ﺳﯧﺨﻠﯩﺮﻯ، ﺋﺎﻧﺎ ﮬﻪﺭﻩ ﺟﻪﯞﮬﯩﺮﻯ ﺋﯩﺸﻠﻪﺵ ﻣﺎﮬﯩﺮﻟﯩﺮﻯ، ﻣﻮﻡ، ﻳﯩﻠﯩﻢ ﺋﯩﺸﻠﻪﺵ ﺋﻮﺭﯗﻧﻠﯩﺮﻯ ﺑﺎﺭ. ﺋﯘﻻﺭﻧﯩﯔ ﭘﺎﺋﺎﻟﯩﻴﯩﺘﻰ ﻣﯘﺗﻠﻪﻕ ﺑﯩﺮ ﺋﯩﻨﺘﯩﺰﺍﻡ ﺋﺎﺳﺘﯩﺪﺍ ﺑﯩﺮﻟﯩﻜﻜﻪ ﻛﻪﻟﮕﻪﻥ، ﺋﯘﻻﺭﻧﯩﯔ ﻗﻪﺗﺌﯩﻲ ﺧﯩﻼﭘﻠﯩﻖ ﻗﯩﻠﯩﺸﻘﺎ، ﺋﯚﺯﮔﻪﺭﺗﯩﺸﻜﻪ ﺑﻮﻟﻤﺎﻳﺪﯨﻐﺎﻥ ﻣﯘﻗﻪﺩﺩﻩﺳﻠﯩﺸﯩﭗ ﻛﻪﺗﻜﻪﻥ ﭘﺮﯨﻨﺴﯩﭗ - ﻗﺎﺋﯩﺪﯨﻠﯩﺮﻯ، ﺋﻪﻧﺌﻪﻧﯩﻠﯩﺮﻯ، ﻗﯧﻠﯩﭙﻼﺷﻘﺎﻥ ﻳﺎﺷﺎﺵ ﺋﺎﺩﯨﺘﻰ ﺑﺎﺭ. ﺷﯘﯕﻼﺷﻘﯩﻤﯘ ﺋﯘﻻﺭﻧﻰ ﺑﯩﺮ ﺟﻪﻣﺌﯩﻴﻪﺕ، ﺑﯩﺮ ﭘﺎﺩﯨﺸﺎﮬﻠﯩﻖ ﺩﻩﻳﻤﯩﺰ.
ﮬﻪﺳﻪﻝ ﮬﻪﺭﻩ ﺟﻪﻣﺌﯩﻴﯩﺘﯩﻨﯩﯔ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﯩﻨﯩﯔ، ﻳﻪﻧﻪ ﻛﯧﻠﯩﭗ ﻳﻪﻛﻜﻪ - ﻳﯧﮕﺎﻧﻪ ﮬﺎﻟﻪﺗﺘﻪ ﺋﻪﻣﻪﺱ ﺑﻪﻟﻜﻰ ﺋﯚﺯﯨﻨﯩﯔ ﮬﻪﺳﻪﻝ ﮬﻪﺭﯨﺴﮕﯩﻼ ﺧﺎﺱ ﺑﻮﻟﻐﺎﻥ ﺋﯩﺠﺘﯩﻤﺎﺋﯩﻲ ﺟﻪﻣﺌﯩﯩﻴﻪﺗﻨﯩﯔ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﻰ ﺗﯚﯞﻩﻧﺪﯨﻜﯩﺪﻩﻙ ﺋﯘﭺ ﺋﺎﻣﯩﻠﻐﺎ ﺑﺎﻏﻠﯩﻖ.
ﺑﯩﺮﯨﻨﭽﯩﺪﯨﻦ ﮬﻪﺳﻪﻝ ﮬﻪﺭﯨﻠﯩﺮﻯ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﻰ، ﺗﯩﺮﯨﻚ ﻳﺎﺷﯩﺸﻰ ﺋﯜﭼﯜﻥ ﮔﯜﻝ - ﭼﯧﭽﻪﻛﻠﻪﺭﮔﻪ ﭘﯜﺭﻛﻪﻧﮕﻪﻥ ﺗﺎﻍ، ﺩﺍﻻ، ﺑﺎﻏﻼﺭﺩﺍ، ﺋﯧﺘﯩﺰﻻﺭﺩﺍ ﻳﺎﺷﯩﺸﻰ ﻛﯧﺮﻩﻙ. ﺋﻮﺯﯗﻗﻠﯘﻕ ﺋﯘﻻﺭﻧﯩﯔ ﻣﻪﯞﺟﯘﺗﻠﯘﻗﯩﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ، ﺋﻮﺭﮔﺎﻧﯩﻚ ﺋﺎﺳﺎﺳﻰ. ﺋﯘﻻﺭﻏﺎ ﺋﯚﺯﯨﮕﻪ ﺧﺎﺱ ﻻﻳﯩﻖ ﺑﻮﻟﻐﺎﻥ ﺗﻪﺑﯩﺌﯩﻲ ﻣﯘﮬﯩﺖ ﺑﻮﻟﯘﺷﻰ ﻛﯧﺮﻩﻙ. ﺗﻪﺑﯩﺌﯩﻲ ﻣﯘﮬﯩﺖ ﺑﻮﻟﻤﺎﻱ ﺋﯘﻻﺭ ﻳﺎﺷﯩﻴﺎﻟﻤﺎﻳﺪﯗ. ﺩﯦﻤﻪﻙ، ﺋﯘﻻﺭﻧﯩﯔ ﻣﻪﯞﺟﯘﺗﻠﯘﻗﻰ ﺋﯜﭼﯜﻥ ﺯﯙﺭﯛﺭ ﺑﯩﺮﯨﻨﭽﻰ ﺷﻪﺭﺕ ﺋﯘﻻﺭﻧﯩﯔ ﻳﺎﺷﯩﺸﯩﻐﺎ ﻣﺎﺱ ﺑﻮﻟﻐﺎﻥ ﺗﻪﺑﯩﺌﯩﻲ ﻣﯘﮬﯩﺖ. ﻳﺎﻛﻰ ﺗﯧﺨﯩﻤﯘ ﭼﯜﺷﯩﻨﯩﺸﻠﯩﻚ ﺩﯦﮕﻪﻧﺪﻩ ﺋﻮﺭﯗﻧﻠﯘﻕ.
ﺋﯩﻜﻜﯩﻨﭽﯩﺪﯨﻦ: ﮬﻪﺳﻪﻝ ﮬﻪﺭﯨﻠﯩﺮﻯ ﻳﻪﻛﻜﻪ ﻳﺎﺷﯩﻤﺎﻳﺪﯗ، ﺋﯘﻻﺭ ﺗﻮﭘﻠﯩﺸﯩﭗ ﻳﺎﺷﺎﻳﺪﯨﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺧﯩﻼﭘﻠﯩﻖ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﻳﺎﺷﺎﺵ ﻗﺎﻧﯘﻧﻠﯩﺮﻯ ﺑﺎﺭ. ﺋﯘﻻﺭ ﺑﯘ ﻗﺎﺋﯩﺪﻩ - ﺋﻪﻧﺌﻪﻧﯩﻠﯩﺮﯨﮕﻪ ﺧﯩﻼﭘﻠﯩﻖ ﻗﯩﻠﺴﺎ ﮔﻪﺭﭼﻪ ﻳﻪﻛﻜﻪ - ﻳﻪﻛﻜﻪ ﺗﯩﺮﯨﻚ ﻳﺎﺷﯩﻴﺎﻟﯩﺴﯩﻤﯘ، ﺋﻪﻣﻤﺎ ﮬﻪﻗﯩﻘﯩﻲ ﻣﻪﻧﯩﺪﯨﻜﻰ ﮬﻪﺳﻪﻝ ﮬﻪﺭﯨﺴﻰ ﺟﺎﻣﺎﺋﯩﺘﻰ ﺑﻮﻻﻟﻤﺎﻳﺪﯗ، ﻳﻪﻧﻰ ﺋﯚﺯﻟﯜﻙ ﺳﺎﻻﮬﯩﻴﺘﯩﻨﻰ ﻳﻮﻗﯩﺘﯩﺪﯗ، ﺩﯦﻤﻪﻙ ﮬﻪﺳﻪﻝ ﮬﻪﺭﯨﻠﯩﺮﯨﻨﯩﯔ ﮬﻪﻗﯩﻘﯩﻲ ﮬﻪﺳﻪﻝ ﮬﻪﺭﯨﻠﯩﺮﻯ ﺟﻪﻣﺌﯩﻴﯩﺘﻰ ﺑﻮﻟﯘﭖ ﻳﺎﺷﯩﺸﻰ ﺋﯘﭼﯘﻥ ﺋﯩﻜﻜﯩﻨﭽﻰ ﻣﯘﮬﯩﻢ ﺋﺎﺳﺎﺱ ﺋﯘﻻﺭﻧﯩﯔ ﻗﯧﻠﯩﭙﻼﺷﻘﺎﻥ، ﺗﯘﺭﺍﻗﻼﺷﻘﺎﻥ ﻳﺎﺷﺎﺵ ﺋﺎﺩﯨﺘﻰ.
ﺋﯜﭼﯩﻨﭽﯩﺪﯨﻦ ﺋﯘﻻﺭﺩﺍ ﮬﻮﻗﯘﻕ - ﻣﻪﺟﺒﯘﺭﯨﻴﻪﺕ ﻧﺎﮬﺎﻳﯩﺘﻰ ﺋﯧﻨﯩﻖ ﺋﺎﻳﺮﯨﻠﻐﺎﻥ، ﺋﯘﻻﺭ ﺑﯩﺮ ﭘﺎﺩﯨﺸﺎﮬﻠﯩﻖ، ﮬﻪﺭ ﺑﯩﺮ ﺋﻪﺯﺍﺳﯩﻨﯩﯔ ﺋﯚﺯﯨﮕﯩﻼ ﺧﺎﺱ ﮬﻮﻗﯘﻗﻰ - ﻣﻪﺟﺒﯘﺭﯨﻴﯩﺘﻰ ﺑﺎﺭ. ﺋﯘﻻﺭ ﺷﯘ ﭼﻪﻛﻠﯩﻤﯩﺪﯨﻦ ﭼﯩﻘﯩﭗ ﻛﻪﺗﻤﻪﻱ، ﭘﺎﺩﯨﺸﺎﮬﻠﯩﻖ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺪﯗ. ﻣﻪﺳﯩﻠﻪﻥ، ﺳﺎﻗﭽﻰ ﮬﻪﺭﯨﻠﻪﺭ . ﺳﯩﺮﺗﺘﯩﻦ ﻛﻪﻟﮕﻪﻥ ﻳﺎﺕ ﮬﻪﺭﯨﻠﻪﺭﻧﻰ ﺋﯘﯞﯨﺴﯩﻐﺎ ﻛﯩﺮﮔﯜﺯﻣﻪﻳﺪﯗ، ﺩﯦﻤﻪﻙ ﺋﯘﻻﺭﻧﯩﯔ ﺷﯘﻧﺪﺍﻕ ﺋﯧﻨﯩﻖ ﺋﺎﻳﺮﯨﻠﻐﺎﻥ ﮬﻮﻗﯘﻕ- ﻣﻪﺟﺒﯘﺭﯨﻴﯩﺘﻰ ﺋﯘﻻﺭﻧﯩﯔ ﺑﯩﺮ ﻳﯩﻤﯩﺮﯨﻠﻤﻪﺱ، ﺋﯩﻨﺎﻕ، ﺋﯩﻨﺘﯩﺰﺍﻣﭽﺎﻥ ﺑﯩﺮ ﺟﺎﻣﺎﺋﻪﺕ ﺑﻮﻟﯘﭖ ﻳﺎﺷﯩﺸﯩﻨﯩﯔ ﻣﯘﮬﯩﻢ ﺑﯩﺮ ﻛﺎﭘﺎﻟﯩﺘﻰ. ﻳﻪﻧﻰ ﺑﯩﺨﻪﺗﻪﺭﻟﯩﻚ ﻛﺎﭘﺎﻟﯩﺘﻰ.
ﺑﯩﺰ ﺑﯘﻧﻰ ﻳﻪﻧﻰ ﻣﻪﯞﺟﯘﺗﻠﯘﻗﻨﯩﯔ ﺑﯘ ﺋﯜﭺ ﺧﯩﻞ ﺷﻪﺭﺗﯩﻨﻰ ﻣﻪﻟﯘﻡ ﻣﯩﻠﻠﻪﺗﻜﻪ، ﺟﻪﻣﺌﯩﻴﻪﺗﻜﻪ، ﺩﯙﻟﻪﺗﻜﻪ، ﺗﻪﺗﺒﯩﻘﻠﯩﻴﺎﻻﻳﻤﯩﺰ؟ ﻣﯧﻨﯩﯖﭽﻪ ﭘﯜﺗﯜﻧﻠﻪﻱ ﺗﻪﺗﺒﯩﻘﻼﺷﻘﺎ ﺑﻮﻟﯩﺪﯗ. ﻣﯧﻨﯩﯖﭽﻪ ﺑﯩﺮ ﺟﻪﻣﺌﯩﻴﻪﺕ ﺑﯩﺮ ﻗﻮﯞﻣﻨﯩﯔ ﻣﻪﺟﯘﺗﻠﯘﻗﯩﻤﯘ ﺩﻩﻝ ﻳﯘﻗﯩﺮﯨﻘﻰ ﺋﯜﭺ ﺋﺎﻣﯩﻠﻐﺎ ﺑﺎﻏﻠﯩﻖ. ﺗﯚﯞﻩﻧﺪﻩ ﻣﻪﻥ ﺋﯘﻧﻰ ﺋﯩﻘﺘﯩﺴﺎﺩﻯ ، ﻣﻪﺩﻩﻧﯩﻴﻪﺕ، ﮬﻮﻗﯘﻕ ﺩﻩﭖ ﺋﺎﺗﺎﻳﻤﻪﻥ.
ﺋﯩﻘﺘﯩﺴﺎﺩﻯ
ﺑﯘ ﮬﻪﻣﻤﯩﮕﻪ ﺋﺎﻳﺪﯨﯔ ﺋﺎﺩﺩﯨﻲ ﮬﻪﻗﯩﻘﻪﺕ. ﺗﻪﺑﯩﺌﻪﺕ ﺩﯗﻧﻴﺎﺳﯩﺪﺍ ﮔﯜﻟﻠﻪﭖ ﻳﺎﺷﻨﺎﯞﺍﺗﻘﺎﻥ ﮬﻪﺭﻗﺎﻧﺪﺍﻕ ﻣﻪﯞﺟﯘﺗﻠﯘﻕ ﻣﻪﻳﻠﻰ ﺋﺎﺩﻩﻡ ﻳﺎﻛﻰ ﮬﺎﻳﯟﺍﻥ ﻳﺎﻛﻰ ﺋﯚﺳﯜﻣﻠﯜﻙ ﺑﻮﻟﻤﯩﺴﯘﻥ، ﮬﻪﻣﻤﯩﺴﻰ ﺋﯘﻻﺭﻧﯩﯔ ﮬﺎﻳﺎﺗﻠﯩﻘﻨﯩﯔ ﺋﻮﺭﮔﺎﻧﯩﻚ ﺋﺎﺳﺎﺳﯩﻨﻰ ﺷﻪﻛﯩﻠﻠﻪﻧﺪﯛﺭﯨﺪﯨﻐﺎﻥ ﺋﯧﻨﯧﺮﮔﯩﻴﯩﮕﻪ ﻣﻮﮬﺘﺎﺝ، ﺗﻪﺑﯩﺌﻪﺗﺘﻪ ﺳﯩﺮﺗﻘﻰ ﺋﯧﻨﯧﺮﮔﯩﻴﻪ ﺗﺎﭘﺎﻟﻤﺎﻱ ﻣﻪﯞﺟﯘﺕ ﺑﻮﻟﯘﭖ ﺗﯘﺭﺍﻻﻳﺪﯨﻐﺎﻥ ﻧﻪﺭﺳﻪ ﻳﻮﻕ. ﺋﯘﻧﺪﺍﻗﺘﺎ ﺋﯧﻨﯧﺮﮔﯩﻴﻪ ﻧﻪﺩﯨﻦ ﻛﯧﻠﯩﺪﯗ؟
ﻣﺎﻧﺎ ﺩﻩﻝ ﺑﯘ ﺳﻮﺋﺎﻟﻨﯩﯔ ﺟﺎﯞﺍﺑﻰ ﮬﺎﺯﯨﺮﻗﻰ ﺑﺎﻳﺎﻥ ﺗﯧﻤﯩﻤﯩﺰ ﺑﻮﻟﻐﺎﻥ «ﺋﯩﻘﺘﯩﺴﺎﺩﻯ » ﻧﯩﯔ ﻳﯩﻠﺘﯩﺰﻯ. ﺋﺎﺩﻩﺗﺘﻪ ﺋﺎﺩﻩﻡ ﺗﯩﺮﯨﻚ ﻳﺎﺷﯩﺸﻰ ﺋﯘﭼﯘﻥ، ﻳﯧﻤﻪﻙ - ﺋﯩﭽﻤﻪﻛﻜﻪ، ﻣﯘﯞﺍﭘﯩﻖ ﺗﯧﻤﭙﯩﺮﺍﺗﯘﺭﯨﻐﺎ ﻣﻮﮬﺘﺎﺝ، ﺑﯘ ﺋﻪﯓ ﺩﻩﺳﻠﻪﭘﻜﻰ ﺷﻪﺭﺕ. ﺑﯘﻧﯩﯖﻠﯩﻖ ﺑﯩﻠﻪﻥ ﺋﯩﻘﺘﯩﺴﺎﺩﻯ ﺑﯩﻠﻪﻥ ﻳﯧﻤﻪﻙ- ﺋﯩﭽﻤﻪﻙ، ﻛﯩﻴﯩﻢ-ﻛﯧﭽﻪﻛﻨﯩﯔ ﻣﯘﻧﺎﺳﯩﯟﯨﺘﻰ ﻳﻮﻕ، ﺋﯩﻜﻜﯩﺴﻰ ﺋﺎﻳﺮﯨﻢ-ﺋﺎﻳﺮﯨﻢ ﺋﯘﻗﯘﻡ ﺩﻩﭖ ﻗﺎﺭﯨﺴﺎﻕ ﺑﻮﻻﻣﺪﯗ؟ ﺋﻪﻟﯟﻩﺗﺘﻪ ﻳﯧﻤﻪﻙ- ﺋﯩﭽﻤﻪﻙ ﺋﯩﻘﺘﯩﺴﺎﺩﻯ ﻗﺎ ﺗﻪﯓ ﺋﻪﻣﻪﺱ، ﺷﯘﻧﺪﺍﻗﻼ ﺋﯩﻘﺘﯩﺴﺎﺩﻯ ﯞﻩ ﻳﯧﻤﻪﻙ -ﺋﯩﭽﻤﻪﻛﻨﯩﯔ ﺋﯚﺯﻯ ﺩﯦﮕﻪﻧﻠﯩﻚ ﺗﯧﺨﯩﻤﯘ ﺋﻪﻣﻪﺱ. ﺋﻪﻣﻤﺎ ﭘﺎﻛﯩﺖ ﺷﯘﻛﻰ، ﺋﺎﺩﻩﻣﻨﯩﯔ ﺗﯩﺮﯨﻜﻠﯩﻜﻰ ﺋﻪﯓ ﺋﺎﯞﯞﺍﻝ ﺑﯩﯟﺍﺳﯩﺘﻪ ﻳﯧﻤﻪﻙ - ﺋﯩﭽﻤﻪﻛﻜﻪ ﺑﺎﻏﻠﯩﻖ، ﺋﺎﺩﻩﻡ ﺋﯩﻘﺘﯩﺴﺎﺩﻯ ﺋﺎﻣﯩﻠﻠﯩﺮﻯ ﺑﻮﻟﻐﺎﻥ ﭘﯘﻝ ﻳﺎﻛﻰ ﺑﺎﺷﻘﺎ ﺑﺎﻳﻠﯩﻘﻼﺭﻧﻰ ﻳﯧﺴﯩﻤﯘ ﺋﯚﻟﯜﭖ ﻗﺎﻟﻤﺎﻳﺪﯗ، ﺯﺍﯞﯗﺕ، ﻛﺎﻥ - ﻛﺎﺭﺧﺎﻧﯩﻼﺭ، ﺑﺎﺯﺍﺭ- ﺋﯧﺘﯩﺰﻻﺭ ﺑﻮﻟﺴﯩﻤﯘ ﺋﯩﻨﺴﺎﻥ ﻗﻮﺭﺳﯩﻘﯩﻨﻰ ﺗﻮﻳﻐﯘﺯﺳﯩﻼ ﺗﯩﺮﯨﻚ ﻳﺎﺷﺎﭖ ﻛﯧﺘﯩﯟﯦﺮﯨﺪﯗ، ﻳﻪﻧﯩﻼ ﻣﻪﯞﺟﯘﺕ ﺑﻮﻻﻻﻳﺪﯗ، ﺋﯘﻧﺪﺍﻗﺘﺎ ﻧﯧﻤﯩﺸﻘﺎ ﺑﯩﺰ ﺑﯘ ﻳﻪﺭﺩﻩ ﻣﻪﯞﺟﯘﺗﻠﯘﻗﻨﯩﯔ ﺑﯩﺮﯨﻨﭽﻰ ﺷﻪﺭﺗﯩﻨﻰ ﺋﻮﺯﯗﻗﻠﯘﻕ ﺩﯦﻤﻪﻱ ﻧﯧﻤﻪ ﺩﻩﭖ ﺋﯩﻘﺘﯩﺴﺎﺩﻯ ﺩﻩﻳﻤﯩﺰ؟
ﺑﯘﻧﯩﯖﺪﺍ ﺋﺎﯞﯞﺍﻝ ﺑﯩﺰ، ﻣﻪﻥ ﺗﯩﻠﻐﺎ ﺋﺎﻟﻐﺎﻥ ﻣﻪﯞﺟﯘﺗﻠﯘﻗﻨﯩﯔ ﻗﺎﻳﺴﻰ ﻣﻪﻧﯩﺪﯨﻜﻰ ﻣﻪﯞﺟﯘﺗﻠﯘﻕ ﺋﯩﻜﻪﻧﻠﯩﻜﯩﻨﻰ ﭼﯜﺷﯩﻨﯩﯟﯦﻠﯩﺸﯩﻤﯩﺰ ﻛﯧﺮﻩﻙ.
ﺑﯩﺮﯨﻨﭽﯩﺪﯨﻦ ﺑﯘ ﺑﯩﺮ ﺷﻪﺧﺴﻨﯩﯔ ﻣﻪﯞﺟﯘﺗﻠﯩﻘﯩﻐﺎ ﻗﺎﺭﯨﺘﯩﻠﻐﺎﻥ، ﺑﻪﻟﻜﻰ ﺑﯩﺮ ﻗﻮﯞﻡ، ﺑﯩﺮ ﺟﻪﻣﺌﯩﯩﻴﻪﺗﻨﯩﯔ ﻣﻪﯞﺟﯘﺗﻠﯘﻗﯩﻐﺎ ﻗﺎﺭﯨﺘﯩﻠﻐﺎﻥ.
ﺋﯩﻜﻜﯩﻨﭽﯩﺪﯨﻦ ﺑﯘ ﻣﻪﻳﻠﻰ ﻗﯘﻝ، ﻣﻪﻳﻠﻰ ﺧﺎﻥ ﺑﻮﻟﺴﯘﻥ، ﺋﯩﺸﻘﯩﻠﯩﭗ ﺋﯚﻟﯜﭖ ﻗﺎﻟﻤﯩﻐﺎﻧﻼ ﮔﻪﯞﺩﯨﻠﻪﺭﮔﻪ ﻗﺎﺭﯨﺘﯩﻠﻐﺎﻥ، ﺑﻪﻟﻜﻰ ﺑﺎﺷﻘﯩﻼﺭﻧﯩﯔ ﺋﯩﺰﺯﻩﺕ ﮬﯚﺭﻣﯩﺘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﯩﻐﺎ ﺋﯧﺮﯨﺸﻪﻟﯩﮕﻪﻥ ﺋﻮﺭﯗﻧﺪﺍ ﺑﺎﺷﻘﯩﻼﺭ ﺑﯩﻠﻪﻥ ﺑﺎﺭﺍﯞﻩﺭ ﻣﻪﯞﺟﯘﺗﻠﯘﻗﻘﺎ ﻗﺎﺭﯨﺘﯩﻠﻐﺎﻥ.
ﺋﯜﭼﯩﻨﭽﯩﺪﯨﻦ ﺋﯚﺯﻟﯩﺮﯨﻨﯩﯔ ﺳﺎﻻﮬﯩﻴﻪﺕ ﻗﯩﻤﻤﯩﺘﯩﻨﻰ ﻳﻮﻗﺎﺗﻤﺎﻱ ﺳﺎﻗﻼﭖ ﻗﺎﻟﻐﺎﻥ، ﺋﯚﺯﻟﯩﺮﯨﮕﻪ ﺋﯜﺯﯛﻝ - ﻛﯧﺴﯩﻞ ﯞﻩﻛﯩﻠﻠﯩﻚ ﻗﯩﻼﻟﯩﻐﺎﻥ، ﺭﯦﺌﺎﻟﻠﯩﻘﻨﻰ ﺋﯚﺯﯨﻼ ﺋﯩﻨﻜﺎﺱ ﻗﯩﻼﻟﯩﻐﺎﻥ، ﯞﻩﻛﯩﻠﻠﯩﻚ ﻣﻪﯞﺟﯘﺗﻠﯘﻗﻘﺎ ﻗﺎﺭﯨﺘﯩﻠﻐﺎﻥ.
ﺑﯘﻧﯩﯖﺪﯨﻦ ﻛﯚﺭﯛﻧﯜﭖ ﺗﯘﺭﯗﭘﺘﯘﻛﻰ، ﺑﯩﺮ ﻗﻮﯞﻣﻨﯩﯔ ﻧﻪﺳﻠﻰ ﭘﯘﺭﺳﯩﺘﯩﻨﯩﯔ ﻗﯘﺭﯗﭖ ﻛﻪﺗﻤﻪﻱ، ﻧﯧﻤﯩﮕﻪ ﺋﻮﺧﺸﯩﺴﺎ ﺋﻮﺧﺸﺎﭖ، ﺋﯩﺸﻘﯩﻠﯩﭗ ﺗﯩﺮﯨﻚ ﻣﯩﺪﯨﺮﻻﭖ ﻳﯜﺭﮔﯩﻨﻰ ﺋﯘﻻﺭﻧﯩﯔ ﻣﻪﻥ ﺩﯦﮕﻪﻥ ﻣﻪﻧﯩﺪﯨﻜﻰ ﻣﻪﯞﺟﯘﺗﻠﯘﻗﻰ ﺋﻪﻣﻪﺱ، ﻣﻪﻥ ﺩﯦﻤﻪﻛﭽﻰ ﺑﻮﻟﻐﺎﻥ ﻣﻪﯞﺟﯘﺗﻠﯘﻕ ﺋﻮﻗﯘﻣﯩﺪﺍ ﺋﯩﻨﺴﺎﻧﻼﺭﻧﯩﯔ ﺋﯩﺸﻘﯩﻠﯩﭗ ﺋﯚﻟﯜﭖ ﻗﺎﻟﻤﺎﻱ ﻳﺎﺷﺎﺷﺘﻪﻙ ﺋﻪﯓ ﺋﯩﭙﺘﯩﺪﺍﺋﯩﻲ، ﺋﻪﯓ ﺋﻪﻗﻪﻟﻠﯩﻲ ﻣﻪﯞﺟﯘﺗﻠﯘﻕ ﭼﯜﺷﻪﻧﭽﯩﺴﯩﺪﯨﻦ ﺋﺎﺳﻤﺎﻥ ﺯﯦﻤﯩﻦ ﭘﻪﺭﻗﻠﯩﻨﯩﺪﯗ. ﻳﻪﻧﻪ ﻛﯧﻠﯩﭗ ﻣﻪﻥ ﺗﻪﻛﯩﺘﻠﻪﯞﺍﺗﻘﺎﻥ ﻣﻪﯞﺟﯘﺗﻠﯘﻕ ﺋﯘﻗﯘﻣﻰ ﺋﯩﻨﺴﺎﻧﯩﻴﻪﺕ ﺗﺎﺭﯨﺨﯩﺪﯨﻜﻰ ﻗﻮﯞﻡ - ﺟﻪﻣﺌﯩﻴﻪﺗﻠﻪﺭﻧﯩﯔ ﻣﻪﯞﺟﯘﺗﻠﯘﻗﻰ ﺑﻮﻟﻤﺎﺳﺘﯩﻦ ﺑﻪﻟﻜﻰ ﮬﺎﺯﯨﺮﻗﻰ ﺯﺍﻣﺎﻧﺪﯨﻜﻰ ﺟﻪﻣﺌﯩﻴﻪﺗﻠﻪﺭﻧﯩﯔ ﻣﻪﯞﺟﯘﺗﻠﯩﻘﯩﺪﯗﺭ. ﮬﺎﺯﯨﺮﻗﻰ ﺯﺍﻣﺎﻥ ﺟﻪﻣﺌﯩﻴﻴﻪﺗﻠﯩﺮﻯ ﺋﯜﭼﯜﻥ ﻧﻮﻗﯘﻝ ﻳﯧﻤﻪﻙ - ﺋﯩﭽﻤﻪﻙ ﮬﻪﺭﮔﯩﺰﻣﯘ ﺋﯘﻻﺭﻧﯩﯔ ﻣﻪﻥ ﻳﯘﻗﯩﺮﯨﺪﺍ ﺗﯩﻠﻐﺎ ﺋﺎﻟﻐﺎﻥ ﺋﯜﭺ ﺧﯩﻞ ﻣﻪﻧﯩﺪﯨﻜﻰ ﻣﻪﯞﺟﯘﺗﻠﯘﻗﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ ﺑﻮﻻﻟﻤﺎﻳﺪﯗ. ﺑﯘ ﺋﯩﭙﺘﯩﺪﺍﺋﯩﻲ ﺟﻪﻣﺌﯩﻴﺌﻪﺗﻜﯩﻼ ﻣﺎﺱ ﻛﯧﻠﯩﺪﯨﻐﺎﻥ ﺋﯚﻟﭽﻪﻡ، ﺷﯘﯕﻼﺷﻘﺎ ﺑﯩﺰ ﺑﯘ ﻳﻪﺭﺩﻩ ﺋﯩﻘﺘﯩﺴﺎﺩﻯ ﺩﯦﮕﻪﻥ ﺑﯘ ﺋﯘﻗﯘﻣﻨﻰ ﺋﺎﻟﺪﯨﻨﻘﻰ ﺷﻪﺭﺕ ﻗﯩﻠﯩﻤﯩﺰ، ﮬﺎﺯﯨﺮﻗﻰ ﺯﺍﻣﺎﻥ ﺋﯩﻨﺴﺎﻧﻠﯩﺮﯨﻨﯩﯔ ﺗﯘﺭﻣﯘﺷﻰ ﺑﯩﻠﻪﻥ ﺋﯩﻘﺘﯩﺴﺎﺩﻯ ﻧﯩﯔ ﻣﯘﻧﺎﺳﯩﯟﯨﺘﻨﻰ ﺗﺎﺭﯨﺨﺘﯩﻜﻰ ﮬﻪﺭ ﻗﺎﻧﺪﺍﻕ ﺑﯩﺮ ﺩﻩﯞﺭﺩﯨﻜﯩﺪﯨﻦ ﺯﯨﭻ ﮬﻪﻡ ﺋﺎﻳﺮﯨﻠﻤﺎﺱ.
ﺑﻮﻟﯘﭘﻤﯘ ﺳﯘﻻﻟﯩﻠﻪﺭ ﺩﻩﯞﺭﯨﻨﯩﯔ ﺋﺎﺧﯩﺮﻟﯩﺸﯩﭗ ﺳﺎﻧﺎﺋﻪﺗﭽﯩﻠﯩﻜﻨﯩﯔ ﺗﯜﺭﺗﻜﯩﺴﯩﺪﻩ ﻣﻪﻳﺪﺍﻧﻐﺎ ﻛﻪﻟﮕﻪﻥ ﻛﺎﭘﯩﺘﺎﻟﯩﺰﯨﻤﻨﯩﯔ ﮬﻪﻗﯩﻘﯩﻲ ﻣﻪﻧﯩﺪﯨﻜﻰ ﮬﺎﺯﯨﺮﻗﻰ ﺯﺍﻣﺎﻥ ﺟﻪﻣﺌﯩﻴﻪﺗﻠﯩﺮﯨﻨﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﯛﺵ ﺋﯩﻘﺘﯩﺴﺎﺩﻯ ﻧﯩﯔ ﺑﯩﺮ ﻗﻮﯞﻣﻨﯩﯔ ﻣﻪﯞﺟﯘﺗﻠﯘﻗﻘﺎ ﺑﻮﻟﻐﺎﻥ ﺗﻪﺳﯩﺮﯨﻨﻰ ﺗﺎﺭﯨﺨﺘﯩﻜﻰ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﭘﻪﻟﻠﯩﮕﻪ ﻳﻪﺗﻜﯜﺯﺩﻯ. ﺋﯩﻘﺘﯩﺴﺎﺩﻯ ﺩﯙﻟﻪﺕ، ﺟﻪﻣﺌﯩﯩﻴﻪﺗﻨﯩﯔ ﻣﺎﺩﺩﯨﻲ ﻧﯧﮕﯩﺰﯨﻼ ﺑﻮﻟﯘﭖ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﺋﯘﻧﯩﯔ ﺋﯩﺰﺯﻩﺕ - ﮬﯚﺭﻣﯩﺘﻰ، ﮬﻮﻗﯘﻗﻰ، ﺑﯩﺨﻪﺗﻪﺭﻟﯩﻜﯩﻨﻰ ﻛﺎﭘﺎﻟﻪﺗﻠﻪﻧﺪﯛﺭﯨﺪﯨﻐﺎﻥ ﻣﯘﮬﯩﻢ ﯞﺍﺳﯩﺘﯩﮕﻪ ﺋﺎﻳﻼﻧﺪﻯ. ﺩﯙﻟﻪﺗﻠﻪﺭﻧﯩﯔ ﺋﻮﻧﻰ ﺋﯘﻻﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺋﻪﮬﯟﺍﻟﯩﻐﺎ ﺋﺎﺳﺎﺳﻪﻥ ﺑﻪﻟﮕﯩﻠﯩﻨﯩﺪﯨﻐﺎﻥ ﺑﻮﻟﺪﻯ، ﺋﻪﻟﯟﻩﺗﺘﻪ ﺋﯩﻘﺘﯩﺴﺎﺩﻯ ﺩﯙﻟﻪﺗﻠﻪﺭﻧﯩﯔ ﻛﯜﭼﻠﯜﻙ - ﺋﺎﺟﯩﺰﻟﯩﻘﯩﺪﯨﻜﻰ ﻣﯘﮬﯩﻢ ﭘﻪﺭﻕ ﻛﯚﺭﺳﻪﺗﻜﯜﭼﻜﻪ ﺋﺎﻳﻼﻧﺪﻯ، ﺩﯙﻟﻪﺕ، ﺟﻪﻣﺌﯩﻴﻪﺗﻨﯩﯔ ﺑﺎﺭﻟﯩﻖ ﭘﺎﺋﺎﻟﯩﻴﯩﺘﻰ ﺋﯩﻘﺘﯩﺴﺎﺩﻯ ﻧﻰ ﻣﻪﺭﻛﻪﺯ ﻗﯩﻠﯩﭗ ﺋﺎﻳﻠﯩﻨﯩﺪﯨﻐﺎﻥ ﺑﻮﻟﺪﻯ، ﺋﻪﻟﯟﻩﺗﺘﻪ ﺑﺎﻳﻠﯩﻖ ﺗﺎﺭﯨﺨﺘﯩﻜﻰ ﺩﯙﻟﻪﺗﻠﻪﺭﻧﯩﯖﻤﯘ ﺩﯙﻟﻪﺕ ﻗﯘﺭﯗﺷﺘﯩﻜﻰ ﮬﻪﻝ ﻗﯩﻠﻐﯘﭺ ﻣﺎﺩﺩﯨﻲ ﺋﺎﺳﺎﺳﻰ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭﻧﯩﯔ ﻣﻪﯞﺟﯘﺗﻠﯘﻗﻨﻰ ﻛﺎﭘﺎﻟﻪﺗﻠﻪﻧﺪﯛﺭﯨﺪﯨﻐﺎﻥ ﻛﯜﭼﻠﯜﻙ ﺋﺎﺟﯩﺰﻟﯩﻘﻨﻰ - ﺋﺎﺟﯩﺰﻟﯩﻘﯩﻨﻰ ﺑﻪﻟﮕﯩﻠﻪﺵ ﺭﻭﻟﻰ ﮬﺎﺯﯨﺮﻗﻰ ﺯﺍﻣﺎﻥ ﺩﯙﻟﻪﺗﻠﯩﺮﯨﻨﯩﯔ ﻛﯜﭼﻠﯜﻛﻠﯜﻙ ﺋﻮﻗﯘﻣﯩﺪﺍ ﭘﻪﺭﻕ ﺑﺎﺭ. ﻛﯜﭼﻠﯜﻛﻠﯜﻙ ﺭﻭﺷﻪﻧﻜﻰ ﻣﻪﻟﯘﻡ ﺑﯩﺮ ﺋﺎﺭﻗﺎ ﻛﯚﺭﯛﻧﯜﺵ ﺋﺎﺳﺎﺳﯩﺪﺍ ﺋﺎﻳﺮﯨﻠﯩﺪﯗ، ﺳﯩﺰﻧﻰ ﻛﯜﭼﻠﯜﻙ ﺩﻩﭖ ﻗﺎﺭﯨﺴﺎﻕ، ﺋﯘ ﮬﺎﻟﺪﺍ ﺑﯘ ﺋﻪﺗﺮﺍﭘﯩﯖﯩﺰﺩﺍ ﺳﯩﺰﺩﯨﻦ ﺋﺎﺟﯩﺰ ﻛﯩﺸﯩﻠﻪﺭﻧﯩﯔ ﺑﺎﺭﻟﯩﻘﯩﻨﻰ ﺋﯩﭙﺎﺩﯨﻠﻪﻳﺪﯗ، ﭼﯜﻧﻜﻰ ﺋﺎﺷﯘ ﺋﺎﺟﯩﺰﻻﺭﺩﯨﻦ ﻛﯜﭼﻠﯜﻙ ﺑﻮﻟﻐﺎﻧﻠﯩﻘﯩﯖﯩﺰ ﺋﯜﭼﯜﻧﻼ ﺳﯩﺰﻧﻰ ﻛﯜﭼﻠﯜﻙ ﺩﻩﻳﻤﯩﺰ. ﺋﻪﮔﻪﺭ ﺋﻪﺗﺮﺍﭘﯩﯖﯩﺰﺩﯨﻜﻰ ﻛﯩﺸﯩﻠﻪﺭ ﺳﯩﺰﺩﯨﻦ ﻛﯜﭼﻠﯜﻙ ﺑﻮﻟﺴﺎ ﺳﯩﺰﻧﻰ ﻛﯜﭼﻠﯜﻙ ﺩﯦﻴﯩﺸﻨﯩﯔ ﺋﯚﺯﻯ ﺑﯩﺮ ﮬﺎﻣﺎﻗﻪﺗﻠﯩﻚ ﺑﻮﻟﯩﺪﯗ. ﺩﯦﻤﻪﻙ، ﻗﻪﺩﯨﻤﻜﻰ ﺩﯙﻟﻪﺗﻠﻪﺭ ﺋﺎﺳﺎﺳﻪﻥ ﺋﯚﺯﯨﻨﯩﯔ ﻛﯜﭼﻠﯜﻛﻠﯜﻛﯩﻨﻰ ﺋﯚﺯ ﺧﻪﻟﻘﯩﮕﻪ ﺳﯧﻠﯩﺸﺘﯘﺭﯗﭖ، ﻗﺎﺭﺷﻰ ﺗﯘﺭﯗﭖ ﻗﺎﻟﺴﺎ ﺑﺎﺷﻘﯘﺭﺍﻟﯩﻐﯘﺩﻩﻙ ﻛﯜﭼﻰ ﺑﻮﻟﺴﺎ، ﺋﯚﺯﯨﻨﻰ ﻛﯜﭼﻠﯜﻙ ﮬﯧﺴﺎﺑﻼﭖ، ﺋﯚﺯﯨﻨﻰ ﺋﻪﺗﺮﺍﭘﺘﯩﻜﻰ ﺑﯩﺮ ﻧﻪﭼﭽﻪ ﻗﻮﺷﻨﯩﺴﯩﻐﻼ ﺳﯧﻠﯩﺸﺘﯘﺭﯗﭖ ﺧﯘﻻﺳﯩﮕﻪ ﻛﻪﻟﮕﻪﻥ ﮬﻪﻡ ﻗﻪﺩﯨﻤﻜﻰ ﺩﯙﻟﻪﺗﻠﻪﺭﻣﯘ ﮬﺎﺯﯨﺮﻗﻰ ﺯﺍﻣﺎﻥ ﺩﯙﻟﻪﺗﻠﯩﺮﯨﮕﻪ ﻣﻪﻧﻪ ﺟﻪﮬﻪﺗﺘﯩﻦ ﺋﻮﺧﺸﯩﻤﺎﻳﺪﯗ، ﻗﻪﺩﯨﻤﻜﻰ ﺩﯙﻟﻪﺗﻠﻪﺭﺩﻩ ﮬﺎﺯﯨﺮﻗﻰ ﺩﯙﻟﻪﺗﻠﯩﺮﯨﺪﯨﻜﯩﺪﻩﻙ ﺭﻭﺷﻪﻥ ﭼﯧﮕﺮﺍ ﭘﻪﺭﻗﻰ ﺑﻮﻟﻤﯩﻐﺎﻥ، ﺋﯘﻻﺭ ﭘﻪﻗﻪﺕ ﭘﺎﺳﯩﻞ ﺑﻮﻟﻐﺎﻥ ﭘﯘﻗﺮﺍﻧﯩﯔ ﺳﺎﻻﮬﯩﻴﻪﺕ ﻣﻪﻧﯩﺴﯩﻤﯘ ﺋﻮﺧﺸﯩﻤﺎﻳﺪﯗ.
ﺷﯘﯕﻼﺷﻘﺎ، ﻣﺎﺭﻛﻮﭘﯘﻟﻮ، ﻧﻪﺳﯩﺮﺩﯨﻦ ﺋﻪﭘﻪﻧﺪﻯ، ﺗﺎﯓ ﺷﯘﻩﻧﺰﺍﯕﻼﺭﻣﯘ ﭘﺎﺳﭙﻮﺭﺗﺴﯩﺰ ﺳﻪﭘﻪﺭ ﻗﯩﻼﻟﯩﻐﺎﻥ، ﺩﯦﻤﻪﻙ ﻗﻪﺩﯨﻤﻜﻰ ﺩﯙﻟﻪﺗﻠﻪﺭﺩﻩ ﻛﯜﭼﻠﯜﻙ، ﺭﻭﺷﻪﻥ ﻗﻮﺷﻨﺎ ﺋﯘﻗﯘﻣﻰ ﺑﻮﻟﻤﯩﻐﺎﻥ، ﺷﯘﯕﻼﺷﻘﺎ ﺋﯘﻻﺭﻧﯩﯔ ﻗﯘﺩﺭﯨﺘﯩﻤﯘ ﺑﯩﺮ ﺗﻮﻟﯩﻤﯘ ﺋﯧﻨﯩﻘﺴﯩﺰ ﻧﯩﺴﭙﯩﻲ ﺋﯘﻗﯘﻡ. ﺋﻪﻣﻤﺎ، ﮬﺎﺯﯨﺮﻗﻰ ﺯﺍﻣﺎﻥ ﺩﯙﻟﻪﺗﻠﻪﺭﺩﻩ ﻗﻮﺷﻨﯩﻨﯩﯔ ﻣﻪﻧﯩﺴﻰ ﺋﯚﺯﮔﻪﺭﺩﻯ، ﮬﺎﺯﯨﺮ ﺟﯘﻏﺮﺍﭘﯩﻴﯩﯟﻯ ﻣﻪﻧﯩﺪﯨﻜﻰ ﺗﺎﻡ ﻗﻮﺷﻨﯩﺴﯩﻨﯩﯔ ﯞﺍﻗﺘﻰ ﺋﯚﺗﺘﻰ، ﮬﺎﺯﯨﺮ ﻳﻪﺭ ﺷﺎﺭﯨﺪﯨﻜﻰ 200ﻧﻪﭼﭽﻪ ﺩﯙﻟﻪﺗﻨﯩﯔ ﮬﻪﻣﻤﯩﺴﻰ ﺑﯩﺮ- ﺑﯩﺮﻯ ﺑﯩﻠﻪﻥ ﻗﻮﺷﻨﺎ، ﮬﺎﺯﯨﺮ ﺋﺎﺳﯩﻴﺎ ﻗﯩﺘﺌﻪﺳﯩﺪﯨﻜﻰ ﺋﯩﺮﺍﻕ، ﺋﯚﺯﺑﯧﻜﯩﺴﺘﺎﻥ، ﺋﯩﺮﺍﻥ، ﺗﯜﺭﻛﯩﻴﻪ ﻳﺎﻛﻰ ﻛﻮﯞﻩﻳﺖ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﯨﻦ ﻏﻪﻡ ﻳﯩﻤﻪﻱ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﺪﯨﻜﻰ ﺋﺎ ﻕ ﺵ ﺩﯨﻦ ﻳﺎﻛﻰ ﻳﺎﯞﺭﻭﭘﺎﺩﯨﻜﻰ ﺋﻪﻧﮕﯩﻠﯩﻴﯩﺪﯨﻦ ﻏﻪﻡ ﻳﻪﯞﺍﺗﯩﺪﯗ، ﮬﺎﺯﯨﺮﻗﻰ ﺯﺍﻣﺎﻥ ﺩﯙﻟﻪﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﺋﯧﮭﺘﯩﻴﺎﺟﻰ ﻗﻪﺩﯨﻤﻜﻰ ﺩﯙﻟﻪﺗﻠﻪﺭﻧﯩﯖﻜﯩﺪﯨﻦ ﻛﯚﭖ ﻛﯜﭼﻠﯜﻙ، ﺷﯘﻧﺪﺍﻗﻼ ﺑﯘ ﺩﯙﻟﻪﺗﻠﻪﺭﻧﯩﯔ ﺋﯚﺯﯨﻨﻰ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﺋﯧﺘﯩﺮﺍﭖ ﻗﯩﻠﺪﯗﺭﯗﺵ، ﺧﻪﻟﻘﺌﺎﺭﺍﻟﯩﻖ ﺟﻪﻣﺌﯩﻴﻪﺕ ﺗﯚﺭﯨﺪﯨﻦ ﺋﻮﺭﯗﻥ ﺋﯧﻠﯩﺶ ﺋﺎﺭﺯﯗ - ﺋﯩﺴﺘﯩﻜﯩﻤﯘ، ﺗﺎﺭﯨﺨﺘﯩﻜﻰ ﮬﻪﺭ ﻗﺎﻧﺪﺍﻕ ﺩﻩﯞﺭﺩﯨﻜﯩﺪﯨﻦ ﻧﻪﭼﭽﻪ ﮬﻪﺳﺴﻪ ﻛﯜﭼﻠﯜﻙ، ﺩﯦﻤﻪﻙ ﮬﺎﺯﯨﺮﻗﻰ ﺯﺍﻣﺎﻥ ﺩﯙﻟﻪﺗﻠﻪﺭﻧﯩﯔ ﺑﯘﻧﺪﺍﻕ ﻛﯜﭼﻠﯜﻙ ﺑﻮﻟﯘﺵ ﺭﻭﻟﻰ، ﺑﯩﺨﻪﺗﻪﺭﻟﯩﻚ ﺋﯧﮭﺘﯩﻴﺎﺟﻰ ﮬﺎﺯﯨﺮﻗﻰ ﺯﺍﻣﺎﻧﺪﺍ ﺋﯩﻘﺘﯩﺴﺎﺩﻯ ﻧﯩﯔ ﻣﯩﺴﻠﯩﺴﯩﺰ ﺩﻩﺭﯨﺠﯩﺪﻩ ﻣﯘﮬﯩﻤﻠﯩﻘﯩﻨﻰ ﺑﻪﻟﮕﯩﻠﯩﮕﻪﻥ، ﺷﯘﯕﻼﺷﻘﯩﻤﯘ ﺋﯧﻨﯧﺮﮔﯩﻴﻪ ﮬﺎﺯﯨﺮﻗﻰ ﺩﻩﯞﺭﺩﯨﻜﻰ ﺩﯗﻧﻴﺎ ﺳﯩﻴﺎﺳﯩﺘﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﻣﺎﮬﯩﻴﻪﺗﻠﯩﻚ ﺋﺎﻣﯩﻠﻐﺎ ﺋﺎﻳﻠﯩﻨﯩﭗ ﻗﺎﻟﻐﺎﻥ.
ﻳﻪﻧﻪ ﺑﯩﺮ ﺟﻪﮬﻪﺗﺘﯩﻦ ﮬﺎﺯﯨﺮﻗﻰ ﺯﺍﻣﺎﻥ ﺩﯙﻟﻪﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ، ﻣﯘﻗﯩﻤﻠﯩﻘﻰ، ﺷﯘ ﺩﯙﻟﻪﺗﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﻗﯘﺭﯗﻟﻤﯩﺴﯩﻨﯩﯔ ﺋﯩﻠﻐﺎﺭ ?C ﻗﺎﻻﻕ، ﺋﻮﻣﯘﻣﻠﯘﻕ - ﺋﯘﻗﯘﻣﺴﯩﺰﻟﯩﻖ ﺑﯩﻠﻪﻥ ﭼﻪﻣﺒﻪﺭﭼﺎﺱ ﺑﺎﻏﻼﻧﻐﺎﻥ، ﺋﯩﻘﺘﯩﺴﺎﺩﻯ ﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ?C ﻗﯩﻠﺪﯗﺭﻣﺎﺳﻠﯩﻖ ﺷﯘ ﮬﺎﻛﯩﻤﯩﻴﻪﺗﻨﯩﯔ ﺋﯩﻘﺘﯩﺪﺍﺭﯨﻨﻰ، ﻗﺎﻧﯘﻧﯩﻴﻠﯩﻘﯩﻨﻰ ﺋﯚﻟﭽﻪﻳﺪﯨﻐﺎﻥ ﻣﯘﮬﯩﻢ ﺋﯚﻟﭽﻪﻡ . ﺩﯙﻟﻪﺗﻨﯩﯔ ﺗﯜﭘﻜﻰ ﺑﺎﺵ ﺳﯩﻴﺎﺳﯩﺘﯩﻤﯘ ﻳﻪﻧﯩﻼ ﺋﯩﻘﺘﯩﺴﺎﺩﻯ ﻧﻰ ﺭﺍﯞﺍﺟﻼﻧﺪﯗﺭﯗﺵ ﺩﯦﮕﻪﻧﺪﻩﻙ ﮬﻪﻣﻤﻪ ﺳﺎﮬﻪﻟﯩﺮﻯ ﺋﯩﻘﺘﯩﺴﺎﺩﻯ ﺋﯩﻲ ﻗﯩﻤﻤﯩﺘﻰ ﻣﻪﺭﻛﯩﺰﻯ ﺧﯩﺰﻣﯩﺘﻰ ﻧﯘﻗﺘﯩﺴﻰ ﻗﯩﻠﯩﺪﯗ، ﮬﻪﺗﺘﺎ ﺋﻮﺗﺘﯘﺭﺍ- ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﻣﯘ ﺑﯘﻧﯩﯖﺪﯨﻦ ﻣﯘﺳﺘﻪﺳﻨﺎ ﺋﻪﻣﻪﺱ . ﺋﯩﻘﺘﯩﺴﺎﺩﻯ ﺑﺎﺭﻟﯩﻖ ﺧﯩﺰﻣﻪﺗﻠﻪﺭﻧﯩﯔ ﺋﯜﻧﯜﻣﯩﻨﻰ ﺋﯚﻟﭽﻪﻳﺪﯨﻐﺎﻥ ﺋﻪﯓ ﻣﯘﮬﯩﻢ ﮬﺎﻟﻘﺎ، ﮬﺎﺯﯨﺮ ﺋﯩﻘﺘﯩﺴﺎﺩﻯ ﺑﯩﺮﯨﻨﭽﯩﺪﯨﻦ ﺩﯙﻟﻪﺗﻨﻰ ﻗﯘﺭﯗﺵ ﺋﺎﺳﺎﺳﻰ، ﺋﯩﻜﻜﯩﻨﭽﯩﺪﯨﻦ ﻗﻮﻏﺪﺍﺵ ﻛﺎﭘﺎﻟﯩﺘﻰ، ﺋﯜﭼﯩﻨﭽﯩﺪﯨﻦ ﺑﯩﺨﻪﺗﻪﺭﻟﯩﻚ ﺋﯩﭽﻜﻰ ﺋﯧﮭﺘﯩﻴﺎﺟﻰ، ﻗﺎﺭﺍﭖ ﺑﺎﻗﯩﺪﯨﻐﺎﻥ ﺑﻮﻟﺴﺎﻕ، ﮬﺎﺯﯨﺮﻗﻰ ﺩﯗﻧﻴﺎﺩﯨﻜﻰ ﺋﺎﺳﺎﺳﻠﯩﻖ ﺗﻮﻗﯘﻧﯘﺵ، ﺋﯘﺭﯗﺷﻼﺭﻣﯘ ﺗﻪﺭﻩﻗﻘﯩﻲ ﻗﯩﻠﻤﯩﻐﺎﻥ 3-ﺩﯗﻧﻴﺎ ﺋﻪﻟﻠﯩﺮﯨﺪﻩ ﻳﯜﺯ ﺑﯧﺮﯨﯟﺍﺗﯩﺪﯗ، ﻛﯚﭘﯩﻨﭽﻪ ﺷﯘ ﺋﻪﻟﻠﻪﺭﻧﯩﯔ ﺋﯩﭽﻜﻰ ﺳﯩﻴﺎﺳﯩﺘﯩﻤﯘ ﺗﯩﻨﭻ، ﻗﻪﺩﯨﻤﻜﻰ ﺧﻪﻟﻘﻠﻪﺭ ﺋﻪﻣﻪﺱ ﺑﯩﻠﻪﻥ ﮬﺎﺯﯨﺮﻗﻰ ﺯﺍﻣﺎﻥ ﺧﻪﻟﻘﻠﯩﺮﻯ ﺋﻮﺧﺸﯩﻤﺎﻳﺪﯗ، ﻗﻪﺩﯨﻤﻜﻰ ﺩﯙﻟﻪﺗﻠﻪﺭﺩﯨﻜﻰ ﺧﻪﻟﻘﻠﻪﺭ ﭘﻪﻗﻪﺕ ﭘﺎﺳﺴﯩﭗ ﻗﻮﺑﯘﻝ ﻗﯩﻠﻐﯘﭼﻰ ﺋﯩﺪﻯ، ﺩﯙﻟﻪﺗﻜﻪ ﮬﺎﻛﯩﻤﯩﻴﻪﺗﻨﯩﯔ ﻛﯜﭼﻠﯜﻙ ﺑﯧﺴﯩﻢ ﺷﻪﻛﯩﻠﻠﻪﻧﺪﯛﺭﻩﻟﻤﻪﻳﺘﺘﻰ، ﺧﻪﻟﻖ ﺩﯙﻟﻪﺗﻨﯩﯔ ﮔﯧﭙﯩﻨﻰ ﺋﺎﯕﻼﻳﺪﯨﻐﺎﻥ ﭘﻪﻟﺴﻪﭘﻪ، ﺧﻪﻟﻖ ﭘﻪﺭﯞﺍ ﻗﯩﻠﻤﺎﻳﺪﯨﻐﺎﻥ ﮬﺎﻟﻪﺕ ﺋﯩﺪﻯ. ﺩﯙﻟﻪﺗﻨﯩﯔ ﺧﻪﻟﻘﻨﻰ ﺭﺍﺯﻯ ﻗﯩﻠﻤﯩﻘﯩﻤﯘ ﺋﻮﯕﺎﻱ ﺋﯩﺪﻯ، ﺋﻪﻣﻤﺎ ﮬﺎﺯﯨﺮ ﺧﻪﻟﻘﻠﻪﺭ ﺑﯩﯟﺍﺳﯩﺘﻪ ﮬﺎﻛﯩﻤﯩﻴﻪﺗﻜﻪ ﺑﯧﺴﯩﻢ ﺷﻪﻛﯩﻠﻠﻪﻧﺪﯛﺭﻩﻟﻪﻳﺪﯗ، ﮬﺎﺯﯨﺮ ﺑﯩﺮ ﻛﯜﻧﻠﯜﻙ ﻗﻮﺭﺳﯩﻘﻰ ﺗﻮﻳﺴﯩﻼ ﺷﯜﻛﺮﻯ ﺩﻩﻳﺪﯨﻐﺎﻥ ﺧﻪﻟﻖ ﻳﻮﻕ، ﺋﯘﻻﺭ ﺋﯚﻳﺪﯨﻜﻰ ﻳﻮﻟﻠﯘﻕ ﯞﯦﻠﯩﺴﯩﭙﯩﺘﻨﻰ ﺑﺎﺷﻘﺎ ﺋﻪﻝ ﭘﯘﻗﺮﺍﻟﯩﺮﯨﻨﯩﯔ ﭘﯩﻜﺎﭘﻠﯩﺮﯨﻐﺎ ﺳﯧﻠﯩﺸﺘﯘﺭﯗﭖ، ﮬﯚﻛﯜﻣﻪﺗﻠﯩﺮﯨﺪﯨﻦ ﺋﺎﻏﺮﯨﻨﯩﺪﯗ، ﻧﺎﺭﺍﺯﻯ ﺑﻮﻟﯩﺪﯗ، ﻧﺎﺭﺍﺯﯨﻠﯩﻖ ﻛﯜﭼﯩﻴﯩﭗ، ﺋﯚﺯﯨﻨﻰ ﭘﯩﻜﺎﭘﻘﺎ ﺋﯩﮕﻪ ﻗﯩﻼﻟﻤﯩﻐﺎﻥ ﮬﺎﻛﯩﻤﯩﻴﻪﺗﻨﻰ ﺗﻪﺧﺘﺘﯩﻦ ﭼﯜﺷﯜﺷﻜﻪ ﻣﻪﺟﺒﯘﺭﻻﻳﺪﯗ، ﻗﻮﺷﻨﺎ ﺋﯘﻗﯘﻣﻨﯩﯔ ﺋﯚﺯﮔﯩﺮﯨﺸﻰ، ﺧﻪﻟﻘﻠﻪﺭﻧﯩﯔ ﺋﯚﺯ ﺩﯙﻟﯩﺘﯩﺪﯨﻦ ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯖﻤﯘ ﺋﻪﮬﯟﺍﻟﯩﻨﻰ ﺑﯩﻠﯩﭗ ﺗﯘﺭﺍﻟﯩﺸﻰ، ﺋﯘﻻﺭﺩﺍ ﺋﯚﺯ ﮬﯚﻛﯜﻣﻪﺗﻠﯩﺮﯨﻨﻰ ﺑﺎﺷﻘﺎ ﺋﻪﻝ ﮬﯚﻛﯜﻣﻪﺗﻠﯩﺮﮔﻪ ﺳﯧﻠﯩﺸﺘﯘﺭﯗﭖ، ﺧﯘﻻﺳﻪ ﭼﯩﻘﯩﺮﺍﻻﻳﺪﯨﻐﺎﻥ ﺋﯩﻤﻜﺎﻧﯩﻴﻪﺗﻨﻰ ﯞﯗﺟﯘﺩﻗﺎ ﻛﻪﻟﺘﯜﺭﮔﻪﻥ، ﺑﯘ ﺧﯩﻞ ﮬﺎﻛﯩﻤﯩﻴﻪﺗﻨﯩﯔ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﻰ ﺑﻮﻟﺴﺎ ﺧﻪﻟﻘﻨﻰ ﺭﺍﺯﻯ ﻗﯩﻠﯩﺸﺘﯩﻜﻰ ﺋﺎﻣﯩﻞ ﺋﯩﻘﺘﯩﺴﺎﺩﻯ ﻧﻰ ﺑﺎﺵ ﻧﯩﺸﺎﻧﻰ ﻗﯩﻠﯩﺶ ﺗﯜﭖ ﺩﯙﻟﻪﺕ ﺳﯩﺘﯩﺮﺍﺗﯧﮕﯩﻴﺴﻰ ﺑﻮﻟﯘﺵ ﺯﯙﺭﯛﺭﯨﻴﯩﺘﯩﻨﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ .
ﮬﺎﺯﯨﺮﻗﻰ ﺯﺍﻣﺎﻥ ﮬﯚﻛﯜﻣﻪﺗﻠﯩﺮﻯ ﺋﯜﭼﯜﻥ ﺋﯩﻘﺘﯩﺴﺎﺩﻯ ﻧﻰ ﻳﺎﺧﺸﻰ ﺑﺎﺷﻘﯘﺭﯗﺵ ﺋﯩﻘﺘﯩﺪﺍﺭﯨﻨﻰ ﮬﺎﺯﯨﺮﻻﺵ ﺋﻪﯓ ﻣﯘﮬﯩﻢ ﺗﻪﻟﻪﭖ، ﺋﯩﻠﮕﯩﺮﻯ، ﺩﯙﻟﻪﺗﻠﻪﺭ ﺑﺎﺷﻠﯩﻘﻠﯩﺮﯨﻨﯩﯔ ﻣﻪﺳﻠﯩﮭﻪﺗﭽﯩﺴﻰ ﮬﻪﺭﺑﯩﻲ ﺋﺎﻟﯩﻢ، ﺳﯩﻴﺎﺳﯩﻴﻮﻧﻼﺭ ﺑﻮﻟﻐﺎﻥ ﺑﻮﻟﺴﺎ، ﮬﺎﺯﯨﺮ ﻣﻪﺳﻠﯩﮭﻪﺗﭽﯩﻠﻪﺭ، ﺋﯩﻘﺘﯩﺴﺎﺩﻯ ﺷﯘﻧﺎﺱ، ﺟﻪﻣﺌﯩﻴﻪﺗﺸﯘﻧﺎﺳﻼﺭﺩﯨﻦ ﭼﯩﻘﯩﺪﯨﻐﺎﻥ ﺑﻮﻟﺪﻯ، ﺑﻮﻟﯘﭘﻤﯘ ﮬﺎﺯﯨﺮﻗﻰ ﺩﯗﻧﻴﺎﺩﺍ ﺋﯚﺯ ﺩﯙﻟﯩﺘﯩﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺋﯩﺴﺘﺮﺍﺗﯧﮕﯩﻴﻪ، ﺳﯩﻴﺎﺳﯩﺘﯩﻨﻰ ﻗﺎﻧﺪﺍﻕ ﺗﯜﺯﯛﺵ، ﺋﯘﻻﺭﻧﯩﯔ ﮔﯜﻟﻠﯩﻨﯩﺶ ﻳﺎﻛﻰ ﮬﺎﻻﻛﯩﺘﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺋﻪﯓ ﻣﯘﮬﯩﻢ ﺋﺎﻣﯩﻞ. ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺩﯗﻧﻴﺎ ﺋﯩﻘﺘﯩﺴﺎﺩﻯ ﺋﯩﻲ ﭼﯩﮕﺮﺍﻻﺭ ﺋﺎﺳﺎﺳﻪﻥ ﻳﻮﻗﺎﻟﻐﺎﻥ ﺩﯗﻧﻴﺎ ﺑﻮﻟﯩﺪﯗ، ﺋﻪﮔﻪﺭ ﺩﯙﻟﻪﺗﻠﻪﺭ ﻧﺎﮬﺎﻳﯩﺘﻰ ﺩﺍﻧﺎ ﺑﻮﻟﻤﯩﺴﺎ، ﺋﯘﻻﺭ ﺑﯩﻠﯩﭗ -ﺑﯩﻠﻤﻪﻱ ﺋﯚﺯﯨﻨﯩﯔ ﺋﯩﻘﺘﯩﺴﺎﺩﻯ ﺋﯩﻐﺎ ﺋﯚﺯﻯ ﺋﯩﮕﻪ ﺑﻮﻻﻟﻤﺎﻳﺪﯨﻐﺎﻥ ﺋﻪﮬﯟﺍﻝ ﻛﯧﻠﯩﭗ ﭼﯩﻘﯩﺪﯗ، ﮬﺎﺯﯨﺮ ﮔﻪﺭﭼﻪ ﺩﯙﻟﻪﺗﻠﻪﺭﻧﯩﯔ ﺋﯩﻘﺘﯩﺴﺎﺩﻯ ﺋﻰ ﻳﺎﺧﺸﻰ ﺗﻪﺭﻩﻗﻘﯩﻲ ﻗﯩﻠﻐﺎﻥ، ﺋﯩﻘﺘﯩﺴﺎﺩﻯ ﺋﯩﻲ ﺋﺎﺳﺎﺳﻰ ﻳﺎﺧﺸﻰ ﺑﻮﻟﻐﺎﻥ ﺗﻪﻗﺪﯨﺮﺩﯨﻤﯘ، ﺑﯘ ﺧﯩﻞ ﻳﺎﺧﺸﻰ ﮬﺎﻟﻪﺕ ﻣﯘﺗﻠﻪﻕ ﻛﺎﭘﺎﻟﻪﺗﻜﻪ ﺋﯩﮕﻪ ﺋﻪﻣﻪﺱ. ﮬﻪﺭ ﯞﺍﻗﯩﺖ ﺋﯩﻘﺘﯩﺴﺎﺩﻯ ﻧﯩﯔ ﯞﻩﻳﺮﺍﻥ ﺑﻮﻟﯘﺵ، ﺗﯜﮔﯜﺷﯩﺶ ﺧﻪﯞﭘﻰ ﺑﺎﺭ. ﮬﯚﻛﯜﻣﻪﺗﻨﯩﯔ ﺋﯩﻘﺘﯩﺴﺎﺩﻯ ﺑﺎﺷﻘﯘﺭﯗﺷﺘﯩﻜﻰ ﻧﺎﺑﺎﭘﻠﯩﻘﻰ ﮬﻪﺭ ﯞﺍﻗﯩﺖ ﺷﯘ ﺩﯙﻟﻪﺗﻨﻰ ﮬﺎﻻﻛﻪﺕ ﮔﯩﺮﺩﺍﺑﯩﻐﺎ ﺋﯩﺘﺘﯩﺮﯨﺸﻰ ﻣﯘﻣﻜﯩﻦ. 1997-ﻳﯩﻠﯩﺪﯨﻜﻰ ﺷﻪﺭﻗﯩﻲ - ﺟﻪﻧﯘﺑﯩﻲ ﺋﺎﺳﯩﻴﺎ ﭘﯘﻝ - ﻣﯘﺋﺎﻣﯩﻠﻪ ﻛﺮﯨﺰﯨﺴﻰ ﯞﻩ ﮬﺎﺯﯨﺮﻗﻰ ﺋﺎﺭﮔﯧﻨﺘﯩﻨﺎﻧﯩﯔ ﺋﯘﭼﺮﯨﻐﺎﻥ ﻗﯩﻴﯩﻨﭽﯩﻠﯩﻘﻰ ﺑﯘ ﻣﻪﺳﯩﻠﯩﻨﻰ ﺗﻮﻟﯘﻕ ﭼﯜﺷﻪﻧﺪﯛﺭﯛﭖ ﺑﯧﺮﯨﺪﯗ، ﺑﯘﻧﯖﺪﯨﻦ 3-4 ﻳﯩﻞ ﺋﺎﯞﯞﺍﻝ ﺋﺎﺭﮔﯧﻨﺘﯩﻨﺎ 3- ﺩﯗﻧﻴﺎ ﺋﻪﻟﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺕ ﺋﯜﻟﮕﯩﺴﻰ ﺩﻩﭖ ﺗﻪﺭﯨﭙﻠﯩﻨﻪﺗﺘﻰ، ﻣﺎﻧﺎ ﺋﻪﻣﺪﻯ ﻛﯚﺯﻧﻰ ﻳﯘﻣﯘﭖ - ﺋﺎﭼﻘﯘﭼﯩﻼ ﯞﻩﻳﺮﺍﻧﻪ ﺩﯙﻟﻪﺗﻜﻪ ﺋﺎﻳﻠﯩﻨﯩﭗ ﻗﺎﻟﺪﻯ.
ﺩﯦﻤﻪﻙ، ﺑﯜﮔﯜﻧﻜﻰ ﺩﯗﻧﻴﺎ ﺟﻪﻣﺌﯩﻴﯩﺘﯩﻨﻰ ﻏﺎﻳﻪﺕ ﺯﻭﺭ ﺑﯩﺮ ﺗﻮﺭ ﺩﯦﺴﻪﻙ، ﺑﯘ ﺗﻮﺭ ﺋﯩﻘﺘﯩﺴﺎﺩﻯ ﺗﯩﻦ ﺋﯩﺒﺎﺭﻩﺕ ﻳﯩﭙﺘﺎ ﺗﻮﻗﯘﻟﻐﺎﻥ، ﻧﯘﺭﻏﯘﻥ ﺳﺎﺩﺩﺍ، ﺋﺎﻕ ﻛﯚﯕﯜﻝ، ﻗﯩﺰﯨﻘﻘﺎﻥ ﻛﯩﺸﯩﻠﻪﺭ ﺋﯩﻘﺘﯩﺴﺎﺩﻯ ﻧﯩﯔ ﺭﻭﻟﯩﻨﻰ ﺋﯩﻨﻜﺎﺭ ﻗﯩﻠﯩﭗ ﺭﻭﮬﯩﻲ ﻛﯜﭼﻨﯩﯔ ﺭﻭﻟﯩﻐﺎ ﮬﻪﺩﺩﯨﺪﯨﻦ ﺯﯨﻴﺎﺩﻩ ﺋﯩﺸﻪﻧﭻ ﻗﯩﻠﯩﺪﯗ. ﺋﯘﻻﺭ ﻧﺎﻣﺮﺍﺗﻠﯩﻖ ﺗﯜﭘﻪﻳﻠﯩﺪﯨﻦ ﺗﺎﺭﺗﻘﺎﻥ ﺗﺎﻻﭘﻪﺗﻠﯩﺮﯨﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺧﺎﻟﯩﻤﺎﻳﺪﯗ، (ﺭﯦﺌﺎﻟﻠﯩﻖ ﺗﺎﯕﻐﺎﻥ ﻣﻪﺳﯩﻠﯩﻠﻪﺭﮔﻪ ﺋﺎﺭﻗﯩﺴﯩﻨﻰ ﻗﯩﻠﯩﯟﯦﻠﯩﺶ ﺋﺎﺟﯩﺰﻻﺭﻧﯩﯔ ﺑﯩﺮ ﺋﻮﺭﺗﺎﻕ ﺋﺎﻻﮬﯩﺪﯨﻠﯩﻜﻰ) ﺋﯘﻻﺭ ﺋﯧﺮﯨﺸﯩﺸﻨﻰ ﺋﺎﺭﺯﯗﻻﯞﺍﺗﻘﺎﻥ ﻧﻪﺭﺳﯩﻠﻪﺭ ﺋﯚﺯﻯ ﺋﯧﺘﯩﺮﺍﭖ ﻗﯩﻠﻤﺎﻳﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺋﯩﻠﻜﯩﺪﻩ ﺑﻮﻟﻐﺎﭼﻘﺎ، ﺷﯘ ﻧﻪﺭﺳﯩﻠﻪﺭﻧﯩﻤﯘ ﺋﯩﻨﻜﺎﺭ ﻗﯩﻠﯩﺪﯗ. ﺋﯘﻻﺭ ﻗﻮﺭﺳﯩﻘﻰ ﻧﺎﮬﺎﻳﯩﺘﻰ ﺋﯧﭽﯩﭗ ﻛﻪﺗﻜﻪﻥ، ﺋﻪﻣﻤﺎ ﺑﺎﺷﻘﯩﻼﺭﻧﯩﯔ ﻗﻮﺭﺳﯩﻘﯩﻨﻰ ﺗﻮﻳﻐﯘﺯﯨﯟﺍﺗﻘﺎﻥ ﻧﺎﻧﻨﯩﯔ ﺋﯚﺯﯨﻨﯩﯖﻤﯘ ﻗﻮﺭﺳﯩﻘﯩﻨﻰ ﺗﻮﻳﻐﯘﺯﺍﻻﻳﺪﯨﻐﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺧﺎﻟﯩﻤﺎﻳﺪﯨﻐﺎﻥ ﮬﺎﻣﺎﻗﻪﺗﻠﻪﺭﺩﯗﺭ. ﺋﺎﺟﯩﺰﻻﺭﻧﯩﯔ ﺋﯧﺮﯨﺸﻪﻟﻤﯩﮕﻪﻥ ﻧﻪﺭﺳﯩﻠﯩﺮﻯ ﻛﯜﭼﻠﯜﻛﻠﻪﺭﺩﻩ ﺑﻮﻟﺴﺎ، ﺷﯘ ﻧﻪﺭﺳﯩﺪﯨﻨﻤﯘ ﺋﯧﯟﻩﻥ ﺗﯧﭙﯩﭗ ﭼﯩﻘﺎﻻﻳﺪﯗ. ﻳﯘﻗﯩﺮﯨﻘﯩﺪﯨﻦ ﻳﻪﻛﯜﻥ ﭼﯩﻘﺎﺭﻣﺎﻕ ﮬﺎﺯﯨﺮﻗﻰ ﺯﺍﻣﺎﻥ ﺟﻪﻣﺌﯩﻴﻪﺗﻠﯩﺮﯨﻤﯘ ﭘﻪﻥ ﺗﯧﺨﻨﯩﻜﺎ ﺳﺎﻧﺎﺋﯩﺘﯩﻨﯩﯔ ﺋﯩﻘﺘﯩﺴﺎﺩﻯ ﻧﻰ ﻏﺎﻳﻪﺕ ﺯﻭﺭ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻰ ﻧﻪﺗﯩﺠﯩﺴﯩﺪﻩ ﻣﻪﻳﺪﺍﻧﻐﺎ ﻛﻪﻟﮕﻪﻥ. ﺩﯦﻤﻪﻙ، ﺋﯘﻻﺭﻧﯩﯔ ﻣﻪﻳﺪﺍﻧﻐﺎ ﻛﯧﻠﯩﺸﯩﻤﯘ ﺋﯩﻘﺘﯩﺴﺎﺩﻯ ﺗﯩﻦ ﺋﺎﻳﺮﯨﻼﻟﻤﯩﻐﺎﻥ ﮬﺎﺯﯨﺮﻗﻰ ﻣﻪﯞﺟﯘﺗﻠﯘﻗﻠﯩﻘﻰ ﯞﻩ ﻛﻪﻟﮕﯜﺳﻰ ﺗﻪﺭﻩﻗﻘﯩﻴﺎﺗﯩﻤﯘ ﺋﻮﺧﺸﺎﺷﻼ ﺋﯩﻘﺘﯩﺴﺎﺩﻯ ﻧﻰ ﺑﺎﺵ ﺷﻪﺭﺕ ﻗﯩﻠﯩﺪﯗ.
ﺧﻮﺵ، ﺋﯩﻘﺘﯩﺴﺎﺩﻯ ﻧﯩﯔ ﮬﺎﺯﯨﺮﻗﻰ ﺯﺍﻣﺎﻥ ﺟﻪﻣﺌﯩﻴﻪﺗﻠﯩﺮﻯ ﺋﯜﭼﯜﻥ ﻗﺎﻧﭽﯩﻠﯩﻚ ﻣﯘﮬﯩﻤﻠﯩﻘﻨﻰ ﺳﯚﺯﻟﻪﭖ ﺋﯚﺗﺘﯘﻕ، ﺋﯘﻧﺪﺍﻗﺘﺎ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻲ ﻗﯩﻠﯩﺶ ﺋﯜﭼﯜﻥ ﻧﯧﻤﯩﻠﻪﺭﮔﻪ ﺗﺎﻳﯩﻨﯩﺪﯗ؟
ﺑﯩﺮﯨﻨﭽﯩﺪﯨﻦ ﺋﯩﻘﺘﯩﺴﺎﺩﻯ ﻧﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺋﺎﯞﯞﺍﻝ ﻣﺎﺩﺩﯨﻲ ﺑﺎﻳﻠﯩﻖ ﻣﻪﻧﺒﻪﺳﻰ، ﻳﻪﻧﻰ ﺧﺎﻡ ﺋﻪﺷﻴﺎ ﺑﻮﻟﯘﺵ ﻛﯧﺮﻩﻙ، ﺑﯘ ﺑﯩﺮﯨﻨﭽﻰ ﺷﻪﺭﺕ، ﻣﻪﺷﻨﯩﯔ ﺋﯚﻳﻨﻰ ﺋﯩﺴﺴﯩﺘﯩﺸﻰ ﺋﯜﭼﯜﻥ، ﺋﺎﯞﯞﺍﻝ ﺋﻮﺗﯘﻥ - ﻛﯚﻣﯜﺭ ﺑﻮﻟﻤﯩﺴﺎ ﺑﻮﻟﻤﯩﻐﺎﻧﺪﻩﻙ ﺑﯩﺮ ﺋﯩﺶ، ﺑﯘ ﮬﻪﺭﮔﯩﺰﻣﯘ ﺑﺎﻳﻠﯩﻖ ﻣﻪﻧﺒﻪﺳﻰ ﻣﻮﻝ ﺯﯦﻤﯩﻨﻐﺎ ﺟﺎﻳﻼﺷﻘﺎﻥ ﺧﻪﻟﻘﻠﻪﺭ ﭼﻮﻗﯘﻡ ﺑﺎﻳﻠﯩﻖ ﻣﻪﻧﺒﻪﺳﻰ ﻛﻪﻣﭽﯩﻞ ﺯﯦﻤﯩﻨﺪﯨﻜﻰ ﺧﻪﻟﻘﻠﻪﺭﺩﯨﻦ ﺑﺎﻱ، ﻛﯜﭼﻠﯜﻙ ﻛﯧﻠﯩﺪﯗ ﺩﯦﮕﻪﻧﻠﯩﻚ ﺋﻪﻣﻪﺱ، ﻣﻪﻳﻠﻰ ﺧﺎﻡ ﺋﻪﺷﻴﺎ ﺷﯘ ﺯﯦﻤﯩﻨﺪﯨﻦ ﭼﯩﻘﺴﯘﻥ ﻳﺎﻛﻰ ﺑﺎﺷﻘﺎ ﭼﯩﻘﯩﺪﯨﻐﺎﻥ ﺟﺎﻳﻼﺭﺩﯨﻦ ﺳﯧﺘﯩﻠﯩﯟﯦﻠﯩﻨﺴﯘﻥ، ﺋﯘ ﭼﻮﻗﯘﻡ ﺋﯩﻘﺘﯩﺴﺎﺩﻯ ﺋﯩﻲ ﻗﯘﺭﯗﻟﯘﺷﻨﯩﯔ ﻣﺎﺩﺩﯨﻲ ﺋﺎﻟﺪﯨﻨﻘﻰ ﺷﻪﺭﺗﻰ، ﺋﯘﻧﯩﯔ ﺋﯚﺯ ﺭﻭﻟﯩﻨﻰ ﺗﻮﻟﯘﻕ ﺟﺎﺭﻯ ﻗﯩﻠﺪﯗﺭﯗﺷﻰ ﺋﯘﻧﯩﯔ ﺋﺎﺯ - ﻛﯚﭘﻠﯜﻛﻰ ﺗﻪﺭﭘﯩﺪﯨﻨﻼ ﺋﻪﻣﻪﺱ، ﺋﻪﯓ ﻣﯘﮬﯩﻤﻰ ﺋﯘﻧﯩﯖﺪﯨﻦ ﻗﺎﻧﺪﺍﻕ ﭘﺎﻳﺪﯨﻠﯩﻨﯩﺶ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ. ﻣﺎﻧﺎ ﺑﯘ ﺋﯩﻘﺘﯩﺴﺎﺩﻯ ﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﺘﯩﻜﻰ ﺋﯩﻜﻜﯩﻨﭽﻰ ﻣﯘﮬﯩﻢ ﺋﺎﻣﯩﻞ ﺋﻪﻗﯩﻞ ﺟﯘﻏﻼﻧﻤﯩﺴﻰ.
ﺋﯩﻜﻜﯩﻨﭽﯩﺴﻰ، ﺋﻪﻗﯩﻞ ﺟﯘﻏﻼﻧﻤﯩﺴﻰ. ﺑﯘ ﻣﺎﺩﺩﯨﻲ ﺋﺎﻣﯩﻞ، ﻳﻪﻧﻰ ﺧﺎﻡ ﺋﻪﺷﻴﺎﺩﯨﻦ ﻗﺎﻧﺪﺍﻕ ﭘﺎﻳﺪﯨﻠﯩﻨﯩﺸﻨﻰ، ﺋﯘﻧﯩﯔ ﻳﻮﺷﯘﺭﯗﻥ ﺋﯩﻘﺘﯩﺪﺍﺭﯨﻨﻰ ﻗﺎﻧﺪﺍﻕ ﻗﯩﻠﻐﺎﻧﺪﺍ ﺋﻪﯓ ﻳﯘﻗﯩﺮﻯ ﭼﻪﻛﻜﻪ ﻳﻪﺗﻜﯜﺯﯛﺷﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺋﺎﻣﯩﻞ ﺑﻮﻟﯘﭖ، ﺋﺎﺩﺩﯨﻴﺮﺍﻕ ﺋﯧﻴﺘﻘﺎﻧﺪﺍ، ﮬﯜﻧﻪﺭ ?C ﺳﻪﻧﺌﻪﺕ، ﮬﺎﺯﯨﺮﻗﻰ ﺯﺍﻣﺎﻥ ﺗﯩﻠﻰ ﺑﯩﻠﻪﻥ ﺋﯧﻴﺘﻘﺎﻧﺪﺍ، ﭘﻪﻥ ﺗﯧﺨﻨﯩﻜﺎ، ﺑﯩﻠﯩﻤﻨﻰ ﻛﯚﺭﺳﯩﺘﯩﺪﯗ، ﺋﯘﻧﯩﯔ ﻓﯘﻧﻜﺴﯩﻴﺴﻰ ﺧﺎﻡ ﺋﻪﺷﻴﺎﻧﻰ ﺗﯩﺮﯨﻠﺪﯛﺭﯨﺪﯗ . ﺧﺎﻡ ﺋﻪﺷﻴﺎ ﺋﻪﺳﻠﻰ ﺑﯩﺮ ﺋﯚﻟﯜﻙ ﻣﺎﺩﺩﯨﻲ ﻧﻪﺭﺳﻪ، ﺋﻪﻣﻤﺎ ﺋﯘ ﺋﻪﻗﯩﻠﻨﯩﯔ ﭘﯩﺸﺸﯩﻘﻠﯩﺸﯩﺪﯨﻦ ﺋﯚﺗﻜﻪﻧﺪﻩ، ﻳﯧﯖﻰ ﻗﯩﻤﻤﻪﺕ ﺋﯩﻘﺘﯩﺪﺍﺭ ﻗﯧﺘﯩﻠﻐﺎﻥ ﻳﯧﯖﯩﭽﻪ ﺑﯩﺮ ﺑﯘﻳﯘﻣﻐﺎ ﺋﺎﻳﻠﯩﻨﯩﺪﯗ، ﮬﺎﺯﯨﺮﻗﻰ ﺯﺍﻣﺎﻧﺪﯨﻜﻰ ﺑﺎﻱ - ﻧﺎﻣﺮﺍﺗﻼﺭ ﭘﻪﺭﻗﻰ ﺋﯚﺯﯨﺪﯨﻜﻰ ﺧﺎﻡ ﺋﻪﺷﻴﺎﺩﯨﻦ ﻗﺎﻧﭽﯩﻠﯩﻚ ﭘﺎﻳﺪﯨﻠﯩﻨﯩﺶ ﺋﯩﻘﺘﯩﺪﺍﺭﻯ، ﻳﻪﻧﻰ ﭼﯜﺷﯩﻨﯩﺸﻠﯩﻚ ﺩﯦﮕﻪﻧﺪﻩ ﺋﯘﻻﺭﺩﯨﻜﻰ ﭘﻪﻥ_ﺋﯩﻚ ﺩﯦﮕﻪﻧﺪﻩﺋﯘﻻﺭﺩﯨﻜﻰ ﭘﻪﻥ ﺗﻪﺧﻨﯩﻜﺎ ﺟﯘﻏﻼﻧﻤﯖﺴﯩﺪﯨﻨﻦ ﻗﺎﻥ ﭼﯩﻠﯩﻚ ﻳﯧﯖﻰ ﻗﯩﻤﻤﻪﺕ ﺋﯩﻘﺘﯩﺪﺍﺭ ﻗﯧﺘﯩﻠﻐﺎﻥ ﻳﯧﯖﯩﭽﻪﺑﯩﺮ ﺑﯘﺗﯘﻣﻐﺎ ﺋﺎﻳﻠﯩﻨﯩﺪﯗ،ﮬﺎﺯﯨﺮﻗﻰ ﺯﺍﻣﺎ - ﺗﯧﺨﻨﯩﻜﺎ ﺟﯘﻏﻼﻧﻤﯩﺴﯩﺪﯨﻦ ﭘﻪﻳﺪﺍ ﺑﻮﻟﻐﺎﻥ، ﺑﯘ ﻳﻪﺭﺩﻩ ﻣﯧﯖﻪ ﺑﯩﺮﯨﻨﭽﻰ ﺋﺎﻣﯩﻞ، ﺗﯚﻣﯜﺭ ﺑﺎﻳﺪﯨﻤﯘ ﺑﺎﺭ، ﻧﺎﻣﺮﺍﺗﺘﯩﻤﯘ ﺑﺎﺭ، ﺋﻪﻣﻤﺎ ﺗﯚﻣﯜﺭ ﺑﺎﻳﺪﺍ ﻣﺎﺷﯩﻨﺎ، ﺗﺎﻧﻜﺎ، ﺋﺎﻳﺮﻭﭘﯩﻼﻧﻐﺎ ﺋﺎﻳﻼﻧﻐﺎﻥ ﺑﻮﻟﺴﺎ، ﻧﺎﻣﺮﺍﺗﺘﺎ، ﻛﻪﺗﻤﻪﻥ، ﮔﯜﺭﺟﻪﻙ، ﺑﻮﻟﻘﯩﻐﺎ ﺋﺎﻳﻼﻧﻐﺎﻥ، ﭘﻪﻥ - ﺗﯧﺨﻨﯩﻜﺎ ﺩﻩﻝ ﺗﯚﻣﯜﺭﻧﯩﯔ ﻧﯧﻤﯩﮕﻪ ﺋﺎﻳﻠﯩﻨﯩﺸﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺋﺎﻣﯩﻞ .
ﺋﻪﻗﯩﻞ ﺟﯘﻏﻼﻧﻤﯩﺴﻰ ﺋﯩﭽﯩﺪﯨﻜﻰ ﻳﻪﻧﻪ ﺑﯩﺮ ﻣﯘﮬﯩﻢ ﺋﺎﻣﯩﻞ ﺋﺎﺩﻩﻣﻠﻪﺭﺩﯨﻜﻰ ﺗﯩﺠﺎﺭﻩﺕ ﺋﯩﻘﺘﯩﺪﺍﺭﻯ، ﺑﯘ ﺗﻪﻳﻴﺎﺭ ﺑﻮﻟﻐﺎﻥ ﻣﻪﮬﺴﯘﻻﺗﻨﻰ ﺑﺎﺯﺍﺭﺩﺍ ﭘﺎﻳﺪﯨﻐﺎ ﺋﺎﻳﻼﻧﺪﯗﺭﯗﺷﻨﻰ ﻛﯚﺭﺳﯩﺘﯩﺪﯗ. ﺑﯜﮔﯜﻧﻜﻰ ﺯﺍﻣﺎﻧﺪﺍ ﺑﯘ ﭘﻪﯞﻗﯘﻟﺌﺎﺩﺩﻩ ﺋﯩﻘﺘﯩﺪﺍﺭ ﺑﻮﻟﯘﭖ، ﺑﯘﻧﯩﯔ ﺑﻮﻟﻤﺎﺳﻠﯩﻘﻰ ﺑﯩﻠﻪﻥ ﻧﯘﺭﻏﯘﻥ ﺧﺎﻡ ﺋﻪﺷﻴﺎﻟﯩﺮﻯ، ﻣﻪﮬﺴﯘﻻﺗﻠﯩﺮﻯ ﺑﺎﺭ ﻛﯩﺸﯩﻠﻪﺭ ﻳﻪﻧﯩﻼ ﺑﺎﻱ ﺑﻮﻻﻟﻤﺎﻱ ﻳﯜﺭﯨﺪﯗ. ﻣﻪﺳﯩﻠﻪﻥ، ﺩﯦﮭﻘﺎﻧﺪﺍ ﺯﯦﻤﯩﻦ ﺑﺎﺭ، ﺋﺎﺷﻠﯩﻖ ﻛﯚﭖ، ﺋﻪﻣﻤﺎ ﺋﺎﺷﻠﯩﻖ ﺳﻮﺩﯨﮕﻪﺭﻟﯩﺮﻯ ﺩﯦﮭﻘﺎﻧﺪﯨﻦ ﺑﺎﻱ، ﻗﺎﺳﺴﺎﭘﻼﺭ ﭼﺎﺭﯞﯨﭽﯩﺪﯨﻦ ﺑﺎﻱ.
ﺑﻪﺯﻯ ﮬﺎﻟﻼﺭﺩﺍ ﻣﻪﻟﯘﻡ ﺑﯩﺮ ﺟﺎﻳﻨﯩﯔ ﻛﯩﺸﯩﻠﯩﺮﻯ ﮬﯜﻧﻪﺭ، ﺗﯧﺨﻨﯩﻜﯩﻐﺎ، ﺗﯩﺠﺎﺭﻩﺗﻜﻪ ﻣﺎﮬﯩﺮ ﺑﻮﻟﯘﺷﻰ، ﺗﻪﺑﯩﺌﯩﻲ ﺑﺎﻳﻠﯩﻘﯩﻤﯘ ﺑﻮﻟﯘﺷﻰ، ﺋﻪﻣﻤﺎ ﻳﻪﻧﯩﻼ ﻧﺎﻣﺮﺍﺗﻠﯩﻘﺘﯩﻦ ﻗﯘﺗﯘﻻﻟﻤﺎﺳﻠﯩﻘﻰ ﻣﯘﻣﻜﯩﻦ، ﺑﯘﻧﺪﺍﻕ ﯞﺍﻗﯩﺘﺘﺎ ﺑﯩﺰ ﺳﻪﯞﻩﺑﻨﻰ، ﺷﯘ ﻳﻪﺭﺩﯨﻜﻰ ﺋﯩﻘﺘﯩﺴﺎﺩﻯ ﺋﯩﻲ ﺳﯩﺴﺘﯧﻤﯩﻨﯩﯔ ﺑﻪﺭﭘﺎﭼﯩﺴﻰ ﮬﯚﻛﯜﻣﻪﺗﺘﯩﻦ ﺋﯩﺰﺩﻩﻳﻤﯩﺰ.
ﺋﯜﭼﯩﻨﭽﯩﺴﻰ، ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﻪ ﻣﻪﻟﯘﻣﻜﻰ ﮬﺎﺯﯨﺮﻗﻰ ﺯﺍﻣﺎﻧﺪﺍ، ﺋﯩﻘﺘﯩﺴﺎﺩﻯ ﻳﯜﻛﺴﻪﻙ ﺩﻩﺭﯨﺠﯩﺪﻩ ﺗﯜﺯﯛﻣﻠﻪﺷﻜﻪﻥ، ﺳﯩﺴﺘﯧﻤﯩﻼﺷﻘﺎﻥ، ﺩﯙﻟﻪﺕ ﺗﻪﺭﯨﭙﯩﺪﯨﻦ ﺑﯩﺮ ﺗﯘﺗﺎﺵ ﺋﯩﺪﺍﺭﻩ ﻗﯩﻠﯩﻨﯩﺪﯨﻐﺎﻥ، ﺑﯩﺮ ﭘﯜﺗﯜﻥ ﺳﯩﺴﺘﯧﻤﺎ، ﺷﯘﻧﺪﺍﻗﻼ ﺩﯙﻟﻪﺕ ﺧﯩﺰﻣﯩﺘﯩﻨﯩﯔ ﻣﻪﺭﻛﯩﺰﯨﻲ ﮬﺎﻟﻘﯩﺴﻰ ﮬﯚﻛﯜﻣﻪﺕ ﺋﯚﺯ ﻓﯘﻧﻜﺴﺴﯩﻴﺴﯩﻨﻰ، ﺋﯩﻘﺘﯩﺪﺍﺭﯨﻨﻰ ﺟﺎﺭﻯ ﻗﯩﻠﺪﯗﺭﯨﺪﯨﻐﺎﻥ ﺳﺎﮬﻪ، ﻣﻪﻥ ﻳﯘﻗﯩﺮﯨﻘﻰ ﺗﯩﻠﻐﺎ ﺋﺎﻟﻐﺎﻥ ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﻪ ﺩﻩﻝ ﺩﯙﻟﻪﺗﻨﯩﯔ ﺋﯩﻘﺘﯩﺴﺎﺩﻯ ﺋﯩﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻰ ﺋﯜﭼﯜﻥ ﺗﯜﺯﯛﭖ ﭼﯩﻘﻘﺎﻥ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺩﺑﯩﺮ، ﺗﯜﺯﯛﻡ ﺳﯩﻴﺎﺳﻪﺗﻠﻪﺭﻧﯩﯔ ﺑﯩﺮ ﭘﯜﺗﯜﻥ ﺳﯩﺴﺘﯧﻤﯩﺴﯩﻨﻰ ﻛﯚﺭﺳﯩﺘﯩﺪﯗ، ﻳﺎﻛﻰ ﺑﯘ ﺑﺎﺷﻘﯩﭽﻪ ﺋﯧﻴﺘﻘﺎﻧﺪﺍ، ﻣﺎﺭﻛﺴﯩﺰﯨﻢ ﭘﻪﻟﺴﻪﭘﯩﺴﯩﺪﯨﻜﻰ ﺋﯩﻘﺘﯩﺴﺎﺩﻯ ﺋﯩﻲ ﺑﺎﺯﯨﻐﺎ ﻗﯘﺭﻭﻟﯩﺪﯨﻐﺎﻥ ﺋﯜﺳﺘﻘﯘﺭﯗﻟﻤﺎ، ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﯩﻨﯩﯔ ﻗﺎﻧﺪﺍﻕ ﺑﻮﻟﯘﺷﻰ، ﻣﻪﺯﻛﯘﺭ ﺭﺍﻳﻮﻧﺪﯨﻜﻰ ﺧﺎﻡ ﺋﻪﺷﻴﺎ، ﭘﻪﻥ - ﺗﯧﺨﻨﯩﻜﺎ ﺋﻪﯞﺯﻩﻟﻠﯩﻜﯩﻨﯩﯔ ﻗﺎﻧﭽﯩﻠﯩﻚ ﺩﻩﺭﯨﺠﯩﺪﻩ ﺋﯚﺯ ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﯗﺷﻨﻰ ﺷﺎﺭﺍﺋﯩﺖ، ﺗﺎﺷﻘﻰ ﻣﯘﮬﯩﺖ ﺟﻪﮬﻪﺗﺘﯩﻦ ﺑﻪﻟﮕﯩﻠﻪﻳﺪﯗ، ﺋﯩﻘﺘﯩﺴﺎﺩﻯ ﺋﯩﻲ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺋﯜﻧﯜﻣﻠﯜﻙ، ﺋﻮﯕﯘﺷﻠﯘﻕ ﺋﯧﻠﯩﭗ ﺑﯧﺮﯨﻠﯩﺸﻰ ﺋﯜﭼﯜﻥ ﺯﯙﺭﯛﺭ ﺑﻮﻟﻐﺎﻥ ﺗﺎﺷﻘﻰ ﻣﯘﮬﯩﺖ ﻳﺎﺭﯨﺘﯩﭗ ﺑﯧﺮﯨﺪﯗ، ﺑﯩﺮ ﺋﺎﺩﻩﻡ ﻳﯧﺰﺍ ﺋﯩﮕﯩﻠﯩﻚ ﺳﺎﮬﻪﺳﯩﺪﻩ ﻧﯘﺭﻏﯘﻥ ﭘﺎﻳﺪﯨﻠﯩﻖ ﺋﻪﻣﻪﻟﯩﻲ ﺑﯩﻠﯩﻢ ﺑﯩﻠﯩﺸﻰ، ﺷﯘ ﺭﺍﻳﻮﻧﺪﺍ ﺷﯘﻧﯩﯔ ﺑﯩﻠﯩﻤﯩﮕﻪ ﻣﺎﺱ ﺗﻪﺑﯩﺌﯩﻲ ﺷﺎﺭﺍﺋﯩﺘﻤﯘ ﺑﻮﻟﯘﺷﻰ ﻛﯧﺮﻩﻙ، ﺋﻪﻣﻤﺎ ﺷﯘ ﺟﺎﻳﺪﯨﻜﻰ ﺷﯘ ﺗﻪﺑﯩﺌﯩﻲ ﺑﺎﻳﻠﯩﻖ ﮬﻪﻗﻘﯩﺪﯨﻜﻰ ﺳﯩﻴﺎﺳﻪﺕ، ﺗﻪﺩﺑﯩﺮﻟﻪﺭ ﺗﻮﻟﯩﻤﯘ ﻗﺎﻻﻕ، ﺋﯜﻧﯜﻣﺴﯩﺰ (ﻣﻪﺳﯩﻠﻪﻥ، ﺑﺎﺝ ﻳﯘﻗﯩﺮﻯ، ﺭﻩﺳﻤﯩﻴﻪﺕ ﺗﻮﻻ ﺩﯦﮕﻪﻧﺪﻩﻙ ) ﮬﯧﻠﯩﻘﻰ ﺑﯩﻠﯩﻤﻠﯩﻚ ﺋﺎﺩﻩﻡ ﻳﻪﻧﯩﻼ ﺋﯚﺯ ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﺍﻟﻤﺎﺳﻠﯩﻘﻰ ﻣﯘﻣﻜﯩﻦ.
ﺟﯘﯕﮕﻮﻣﯘ ﺑﺎﺷﺘﺎ ﻛﻮﭘﯩﺮﺍﺗﺴﯩﻴﯩﻠﯩﺸﯩﺶ ﻳﻮﻟﯩﺪﺍ ﻣﺎﯕﺪﻯ (ﺋﻪﻣﻪﻟﯩﻴﻪﺗﺘﻪ ﺋﯘﻣﯘ ﺑﯩﺮ ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﻪ)، ﺋﻪﻣﻤﺎ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺕ ﻛﯚﯕﯜﻟﺪﯨﻜﯩﺪﻩﻙ ﺑﻮﻟﻤﯩﺪﻯ، 78- ﻳﯩﻠﺪﯨﻦ ﻛﯧﻴﯩﻦ ﺋﯩﺴﻼﮬﺎﺕ ﺋﯧﻠﯩﭗ ﺑﯧﺮﯨﺶ، ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ ﺋﯧﻠﯩﭗ ﺑﯧﺮﯨﻠﯩﭗ، ﺋﯩﻘﺘﯩﺴﺎﺗﺘﺎ ﻳﺎﺧﺸﯩﻠﯩﻨﯩﺶ ﻛﯚﺭﯛﻟﺪﻯ، ﺋﻪﻣﻤﺎ ﻳﻪﻧﯩﻼ ﺑﻪﺯﻯ ﻣﻪﺳﯩﻠﯩﻠﻪﺭ ﻳﻮﻗﺎﻟﻤﯩﺪﻯ، ﻛﯧﻴﯩﻦ ﭘﯩﻼﻧﻠﯩﻖ ﺋﯩﮕﯩﻠﯩﻜﺘﯩﻦ ﺑﺎﺯﺍﺭ ﺋﯩﮕﯩﻠﯩﻜﯩﮕﻪ ﺋﯚﺗﺘﻰ، ﺋﻪﻣﺪﯨﻠﯩﻜﺘﻪ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﻛﯩﺮﺩﻯ، ﺋﻪﻣﻪﻟﯩﻴﻪﺗﺘﻪ ﺑﯘﻻﺭﻧﯩﯔ ﮬﻪﻣﻤﯩﺴﻰ، ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﯩﺪﯨﻜﻰ ﺯﻭﺭ ﺋﯩﺴﻼﮬﺎﺗﻼﺭ ﺑﻮﻟﯘﭖ، ﮬﻪﺭ ﺑﯩﺮ ﻗﯧﺘﯩﻤﻠﯩﻖ ﺋﯩﺴﻼﮬﺎﺕ، ﺟﯘﯕﮕﻮﻏﺎ ﻏﺎﻳﻪﺕ ﺯﻭﺭ ﭘﺎﻳﺪﺍ ﺋﯧﻠﯩﭗ ﻛﻪﻟﺪﻯ. ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﯩﺪﯨﻜﻰ ﺋﯩﻘﺘﯩﺴﺎﺩﻯ ﻣﺎﮬﯩﻴﻪﺗﺘﻪ ﺋﯩﺸﻠﻪﭘﭽﯩﻘﯩﺮﯨﺶ ﻛﯜﭼﻠﯩﺮﯨﻨﻰ ﺋﺎﺯﺍﺩ ﻗﯩﻠﯩﺶ ﺋﻪﺭﻛﯩﻦ - ﺋﺎﺯﺍﺩﻩ ﺋﯩﻘﺘﯩﺴﺎﺩﻯ ﺋﯩﻲ ﻣﯧﺨﺎﻧﯩﺰﻡ ﻳﺎﺭﯨﺘﯩﭗ ﺑﯧﺮﯨﭗ ﮬﯚﻛﯜﻣﻪﺗﻨﯩﯔ ﺋﯩﻘﺘﯩﺴﺎﺩﻯ ﻧﻰ ﮬﻪﺩﺩﯨﺪﯨﻦ ﺯﯨﻴﺎﺩﻩ ﭼﯩﯔ ﻛﻮﻧﺘﺮﻭﻝ ﻗﯩﻠﯩﯟﯦﻠﯩﺸﯩﻨﻰ ﺑﻮﺷﺎﺷﺘﯘﺭﯗﺷﺘﯘﺭ، ﮬﺎﺯﯨﺮﻗﻰ ﺩﯗﻧﻴﺎﺩﯨﻜﻰ ﺋﯩﻘﺘﯩﺴﺎﺩﻯ ﺗﺎ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﻪﻟﻠﻪﺭﮔﻪ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺋﯘﻻﺭﻧﯩﯔ ﺗﯜﺯﯛﻟﻤﯩﺴﯩﺪﯨﻜﻰ ﻣﯘﻧﺪﺍﻕ ﺑﯩﺮ ﺋﻮﺭﺗﺎﻕ ﺋﺎﻻﮬﯩﺪﯨﻠﯩﻜﻨﻰ، ﻳﻪﻧﻰ ﮬﯚﻛﯜﻣﻪﺗﻨﯩﯔ ﺋﯩﻘﺘﯩﺴﺎﺩﻯ ﻗﺎ ﺋﺎﺭﯨﻠﺸﯩﯟﺍﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺑﺎﺯﺍﺭﻧﯩﯔ ﺗﻪﺑﯩﺌﯩﻲ ﻗﺎﻧﯘﻧﯩﻴﯩﺘﯩﮕﻪ ﺋﻪﻣﻪﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﻩﻟﻪﻳﻤﯩﺰ .
ﺋﻪﻣﺪﻯ ﺑﯘ ﺋﯜﭺ ﺋﺎﻣﯩﻠﻨﯩﯔ ﻣﯘﻧﺎﺳﯩﯟﯨﺘﻰ ﻗﺎﻧﺪﺍﻕ ﺑﻮﻟﯩﺪﯗ ؟ ﺋﻮﻣﯘﻣﯩﻲ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﯩﺪﺍ ﺑﯘ ﺋﯜﭼﯩﻨﯩﯔ ﻣﯘﻧﺎﺳﯩﯟﯨﺘﻰ ﺑﯩﺮ - ﺑﯩﺮﯨﮕﻪ ﭼﻪﻣﺒﻪﺭ ﭼﺎﺱ ﺑﺎﻏﻼﻧﻐﺎﻥ ﺑﻮﻟﯩﺪﯗ، ﺑﯩﺮ - ﺑﯩﺮﯨﮕﻪ ﺗﺎﻳﯩﻨﯩﺪﯗ، ﺑﯩﺮ - ﺑﯩﺮﯨﻨﻰ ﺷﻪﺭﺕ ﻗﯩﻠﯩﺪﯗ. ﮬﻪﺭﮔﯩﺰﻣﯘ ﺑﯘﻻﺭﻧﯩﯔ ﺋﯩﭽﯩﺪﯨﻜﻰ ﺑﯩﺮ ﺋﺎﻣﯩﻠﻨﻰ ﺋﺎﻻﮬﯩﺪﻩ ﮬﻪﻝ ﻗﯩﻠﻐﯘﭺ ﺋﻪﮬﻤﯩﻴﯩﺘﻰ ﺑﺎﺭ ﺩﻩﭖ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ، ﺑﯘﻻﺭﺩﯨﻦ ﺑﯩﺮﻯ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯗ، ﺷﯘﻧﺪﺍﻗﺘﯩﻤﯘ ﮬﺎﺯﯨﺮﻗﻰ ﺯﺍﻣﺎﻧﻨﯩﯔ ﺋﯩﻘﺘﯩﺴﺎﺩﻯ ﮬﺎﻟﯩﺘﯩﺪﯨﻦ ﻗﺎﺭﯨﻐﺎﻧﺪﺍ، ﻛﯧﻴﯩﻨﻜﻰ ﺋﯩﻜﻜﻰ ﺋﺎﻣﯩﻞ ﭘﻪﻥ-ﺗﯧﺨﻨﯩﻜﺎ ﺳﻪﯞﯨﻴﯩﺴﻰ ﯞﻩ ﺗﯜﺯﯛﻟﻤﻪ ﺋﻪﯞﺯﻩﻟﻠﯩﻜﻨﻰ ﺗﯧﺨﯩﻤﯘ، ﺑﻪﻛﺮﻩﻙ ﻣﯘﮬﯩﻢ ﺋﻮﺭﯗﻧﻐﺎ ﺋﯚﺗﻤﻪﻛﺘﻪ، ﺋﻪﻟﯟﻩﺗﺘﻪ ، ﺧﺎﻡ ﺋﻪﺷﻴﺎ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻨﯩﯔ ﻣﯘﮬﯩﻢ ﺋﺎﻟﺪﯨﻨﻘﻰ ﺷﻪﺭﺗﻰ، ﺋﻪﻣﻤﺎ ﮬﺎﺯﯨﺮ ﺧﺎﻡ ﺋﻪﺷﻴﺎﻧﻰ ﺧﺎﻡ ﺋﻪﺷﻴﺎ ﭘﯧﺘﻰ ﺳﯧﺘﯩﭗ ﺋﯩﻘﺘﯩﺴﺎﺩﻯ ﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﭘﻪﻗﻪﺕ ﻗﺎﻻﻕ ﺋﻪﻟﻠﻪﺭﻧﯩﯖﻼ ﺋﯩﻘﺘﯩﺴﺎﺩﻯ ﺋﯩﻲ ﺋﻪﻧﺪﯨﺰﯨﺴﯩﮕﻪ ﺋﺎﻳﻠﯩﻨﯩﭗ ﻗﺎﻟﺪﻯ، ﺑﯩﺮﻯ ﺑﯩﺮ ﺗﺎﻏﺎﺭ ﺑﯘﻏﺪﺍﻳﻨﻰ 100 ﻛﻮﻳﻐﺎ ﺳﯧﺘﯩﭗ ﺧﻮﺵ ﺑﻮﻟﺴﺎ، ﻳﻪﻧﻪ ﺑﯩﺮﻯ ﺑﯩﺮ ﺗﺎﻏﺎﺭ ﺑﯘﻏﺪﺍﻳﺪﯨﻦ 1000ﻛﻮﻳﻠﯘﻕ ﻗﯩﻤﻤﻪﺕ ﻳﺎﺭﯨﺘﯩﭗ ﭘﯘﻝ ﺗﺎﭘﺎﻻﻳﺪﯗ، ﺑﯘ ﻳﻪﺭﺩﻩ ﺑﯩﻠﯩﻢ ﺷﯘﻧﺪﺍﻕ ﺯﻭﺭ ﺩﻩﺭﯨﺠﯩﺪﯨﻜﻰ ﭘﻪﺭﻗﻨﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ. ﮬﺎﺯﯨﺮﻗﻰ ﺯﺍﻣﺎﻥ ﺩﯗﻧﻴﺎ ﺋﯩﻘﺘﯩﺴﺎﺩﻯ ﺋﻰ ﺧﻪﺭﯨﺘﯩﺴﯩﮕﻪ ﻗﺎﺭﺍﭖ ﺑﺎﻗﯩﺪﯨﻐﺎﻥ ﺑﻮﻟﺴﺎﻕ، ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﯩﯔ ﺋﺎﺳﺎﺳﻪﻥ ﺩﯦﮕﯜﺩﻩﻙ ﺗﻪﺭﻩﻗﻘﯩﻲ ﻗﯩﻠﻤﯩﻐﺎﻥ 3- ﺩﯗﻧﻴﺎ ﺋﻪﻟﻠﯩﺮﯨﮕﻪ ﺟﺎﻳﻼﺷﻘﺎﻧﻠﯩﻘﯩﻨﻰ، ﺋﻪﻣﻤﺎ ﺑﯘ ﺑﺎﻳﻠﯩﻘﻼﺭﺩﯨﻦ ﺷﯘﻻﺭ ﺋﻪﻣﻪﺱ، ﺑﻪﻟﻜﻰ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺋﻪﻟﻠﻪﺭﻧﯩﯔ ﺑﻪﻛﺮﻩﻙ ﯞﺍﻳﯩﻐﺎ ﻳﻪﺗﻜﯜﺯﯛﭖ ﭘﺎﻳﺪﯨﻠﯩﻨﯩﯟﺍﺗﻘﺎﻧﻠﯩﻘﯩﻨﻰ، ﺷﯘﻻﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻨﯩﯔ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﯞﺍﻻﻻﻳﻤﯩﺰ، ﺋﯚﺗﻜﻪﻧﺪﻩ ﺗﯧﻠﯧﯟﯨﺰﻭﺭﺩﺍ« ﺩﯗﻧﻴﺎﺩﯨﻜﻰ ﺋﯩﺸﻼﺭ» ﭘﺮﻭﮔﺮﺍﻣﻤﯩﺴﯩﺪﺍ 100 ﭼﻪ ﺋﺎﺩﻩﻣﻨﯩﯔ ﻟﻮﻧﺪﯗﻧﺪﺍ ﺋﯧﺸﻪﻛﻜﻪ ﻗﻪﮬﯟﻩ ﺋﺎﺭﺗﯩﭗ ﻧﺎﻣﺎﻳﯩﺶ ﻗﯩﻠﻐﺎﻧﻠﯩﻘﻰ ﻛﯚﺭﺳﯩﺘﯩﻠﺪﻯ، ﭼﯜﺷﻪﻧﺪﯛﺭﯛﻟﯜﺷﯩﭽﻪ، ﻳﻪﺭ ﺷﺎﺭﻯ ﻣﯩﻘﻴﺎﺳﯩﺪﺍ ﻗﻪﮬﯟﻩ ﮬﻪﺩﺩﯨﺪﯨﻦ ﺯﯨﻴﺎﺩﻩ ﻛﯚﭖ ﺋﯩﺸﻠﻪﭖ ﭼﯩﻘﯩﺮﯨﻠﯩﭗ ﻗﻪﮬﯟﻩ ﺗﻪﻣﯩﻨﻠﻪﺵ ﺋﯧﮭﺘﯩﻴﺎﺟﯩﺪﯨﻦ ﺋﯧﺸﯩﭗ ﻛﻪﺗﻜﻪﻥ، ﺷﯘﻧﯩﯔ ﺑﯩﻠﻪﻥ ﻗﻪﮬﯟﻩﻧﯩﯔ ﺯﻭﺭ ﺩﻩﺭﯨﺠﯩﺪﻩ ﭼﯜﺷﯜﭖ ﻛﯧﺘﯩﭗ ﻗﻪﮬﯟﻩ ﺋﯩﺸﻠﻪﭖ ﭼﯩﻘﺎﺭﻏﯘﭼﯩﻼﺭ ﺯﻭﺭ ﺯﯨﻴﺎﻥ ﺗﺎﺭﺗﻘﺎﻥ، ﭘﺎﻳﺪﯨﻨﻰ ﺋﻪﺭﺯﺍﻥ ﺑﺎﮬﺎﺩﺍ ﺳﯧﺘﯩﯟﯦﻠﯩﭗ ﭘﯩﺸﺸﯩﻘﻼﭖ ﺋﯩﺸﻠﻪﻳﺪﯨﻐﺎﻥ ﺯﺍﯞﯗﺕ - ﺷﯩﺮﻛﻪﺗﻠﻪﺭ ﺋﺎﻟﻐﺎﻥ، ﺑﯘ ﻛﯩﺸﯩﻠﻪﺭ ﺯﺍﯞﯗﺕ - ﻛﺎﺭﺧﺎﻧﯩﻼﺭﻧﯩﯔ ﭘﺎﻳﺪﯨﺴﯩﻨﯩﯔ ﺑﯩﺮ ﻗﯩﺴﻤﯩﻨﻰ ﻗﻪﮬﯟﻩ ﺗﯧﺮﯨﻐﯘﭼﯩﻼﺭﻏﺎ ﺋﺎﻳﺮﯨﭗ ﺑﻪﺭﺳﯘﻥ، ﺩﻩﭖ ﻧﺎﻣﺎﻳﯩﺶ ﻗﯩﻠﻐﺎﻧﯩﻜﻪﻥ، ﻗﻪﮬﯟﻩ ﻻﺗﯩﻦ ﺋﺎﻣﯧﺮﯨﻜﯩﺴﻰ ﯞﻩ ﺋﺎﻓﺮﯨﻘﯩﺪﯨﻜﻰ ﺩﯙﻟﻪﺗﻠﻪﺭﺩﯨﻦ ﭼﯩﻘﯩﺪﯗ، ﺋﯘﻧﻰ ﺳﯧﺘﯩﯟﯦﻠﯩﭗ ﭘﯩﺸﺸﯩﻘﻼﻳﺪﯨﻐﺎﻥ ﺷﯩﺮﻛﻪﺕ - ﺯﺍﯞﯗﺗﻼﺭ ﺑﻮﻟﺴﺎ، ﻳﺎﯞﺭﻭﭘﺎ، ﺋﺎﻣﯧﺮﯨﻜﯩﺪﺍ.
ﻳﺎﭘﻮﻧﯩﻴﻪ ﺩﯗﻧﻴﺎ ﺋﯧﺘﯩﺮﺍﭖ ﻗﯩﻠﻐﺎﻥ ﺗﻪﺑﯩﺌﯩﻲ ﺑﺎﻳﻠﯩﻖ ﺋﯩﻨﺘﺎﻳﯩﻦ ﻛﻪﻣﭽﯩﻞ ﺩﯙﻟﻪﺕ، ﺋﻪﻣﻤﺎ ﺋﯩﻘﺘﯩﺴﺎﺩﻯ ﺋﻰ ﻧﺎﮬﺎﻳﯩﺘﻰ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺩﯙﻟﻪﺕ . ﻳﺎﭘﻮﻧﯩﻴﯩﻨﯩﯔ ﭘﻪﻥ - ﺗﯧﺨﻨﯩﻜﺎ، ﺗﯜﺯﯛﻟﻤﻪ ﺋﻪﯞﺯﻩﻟﻠﯩﻜﻰ ﺋﯘﻻﺭﻧﯩﯔ ﺗﻪﺑﯩﺌﯩﻲ ﺑﺎﻳﻠﯩﻘﻰ ﻛﻪﻣﭽﯩﻞ ﺑﻮﻟﯘﺷﺘﻪﻙ ﻛﻪﻣﭽﯩﻠﯩﻜﯩﻨﻰ ﺗﻮﻟﯘﻗﻼﭖ ﻛﻪﺗﻜﻪﻥ.
ﻳﻪﻧﻪ ﻣﯩﺴﺎﻟﻐﺎ ﺋﺎﻟﯩﺪﯨﻐﺎﻥ ﺑﻮﻟﺴﺎﻕ، ﻳﯘﺭﺗﯩﻤﯩﺰ ﺷﯩﻨﺠﺎﯓ ﺟﯘﯕﮕﻮﻧﯩﯔ ﻣﯘﮬﯩﻢ ﭘﺎﺧﺘﺎ، ﺋﺎﺷﻠﯩﻖ ﺑﺎﺯﯨﺴﻰ، ﺋﻪﻣﻤﺎ ﻧﺎﻣﺮﺍﺗﻠﯩﻖ ﺑﯘ ﻳﻪﺭﻧﯩﯔ ﺋﻮﻣﯘﻣﯩﻴﯜﺯﻟﯜﻙ ﺋﺎﻻﮬﯩﺪﯨﻠﯩﻜﻰ، ﺑﯘ ﻳﻪﺭﺩﻩ ﭘﺎﺧﺘﺎ ﻛﯚﭖ ﺋﯩﺸﻠﻪﭖ ﭼﯩﻘﯩﺮﯨﻠﻐﺎﻥ ﺑﯩﻠﻪﻥ ﭘﺎﺧﺘﯩﺪﯨﻦ ﺋﯩﺸﻠﯩﻨﯩﺪﯨﻐﺎﻥ ﺑﺎﺯﺍﺭ ﺗﺎﭘﻘﺎﻥ ﺩﺍﯕﻠﯩﻖ ﻣﻪﮬﺴﯘﻻﺗﻼﺭ ﻳﻮﻕ ﺩﯦﻴﻪﺭﻟﯩﻚ. ﻣﯧﯟﻩ ﻛﯚﭖ ﭼﯩﻘﻘﺎﻥ ﺑﯩﻠﻪﻥ ﺑﺎﻗﻘﺎﻟﻼﺭ ﻧﺎﻣﺮﺍﺕ. ﺩﯦﻤﻪﻙ، ﺗﻪﺑﯩﺌﯩﻲ ﺑﺎﻳﻠﯩﻖ ﺋﻪﯞﺯﻩﻟﻠﯩﻜﻰ ﺗﯧﺨﻨﯩﻜﺎ، ﺗﯜﺯﯛﻟﻤﻪ ﺋﻪﯞﺯﻩﻟﻠﯩﻜﯩﺪﯨﻦ ﺋﺎﻳﺮﯨﻠﯩﭗ ﻗﺎﻟﺴﺎ، ﺋﯘ ﺑﯩﺮ ﻗﯘﺭﯗﻕ ﺷﻮﺋﺎﺭﻏﺎ ﺋﺎﻳﻠﯩﻨﯩﺪﯗ، ﻗﺎﺭﺍﭖ ﺑﺎﻗﯩﺪﯨﻐﺎﻥ ﺑﻮﻟﺴﺎﻕ، ﻗﻪﻳﻪﺭ ﻧﺎﻣﺮﺍﺕ، ﺋﯩﻘﺘﯩﺴﺎﺩﻯ ﺋﻰ ﻗﺎﻻﻕ ﺑﻮﻟﺴﺎ، ﺷﯘ ﻳﻪﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺳﯩﻴﺎﺳﻪﺕ ?C ﺗﯜﺯﯛﻟﻤﯩﺴﻰ ﻗﺎﻻﻕ، ﻗﯘﺭﯗﻕ ﺭﻩﺳﻤﯩﻴﻪﺕ- ﻗﺎﺋﯩﺪﻩ ﮬﻪﺩﺩﯨﺪﯨﻦ ﺯﯨﻴﺎﺩﻩ ﺗﻮﻻ. ﻧﺎﯞﺍﺩﺍ ﺑﯩﺮ ﺭﺍﻳﻮﻧﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺗﯜﺯﯛﻟﻤﯩﺴﻰ ﺋﯩﻠﻐﺎﺭ، ﺳﯩﻴﺎﺳﻪﺗﻠﯩﺮﻯ ﺋﯜﻧﯜﻣﻠﯜﻙ ﺑﻮﻟﺴﺎ، ﮔﻪﺭﭼﻪ ﺋﯘ ﻳﻪﺭﺩﯨﻦ ﺧﺎﻡ ﺋﻪﺷﻴﺎ ﭼﯩﻘﻤﯩﺴﯩﻤﯘ، ﭘﻪﻥ - ﺗﯧﺨﻨﯩﻜﺎ ﺋﻪﯞﺯﻩﻟﻠﯩﻜﻰ ﺑﻮﻟﺴﯩﻤﯘ، ﺷﯘ ﺭﺍﻳﻮﻥ ﭼﻮﻗﯘﻡ ﺗﻪﺭﻩﻗﻘﯩﻲ ﻗﯩﻠﯩﺪﯗ . ﺋﯩﻠﻐﺎﺭ ﺗﯜﺯﯛﻟﻤﯩﻠﻪﺷﻜﻪﻥ ﻣﯘﮬﯩﺖ ﺧﺎﻡ ﺋﻪﺷﻴﺎﻧﯩﻤﯘ، ﭘﻪﻥ ﺗﯧﺨﻨﯩﻜﯩﻨﯩﻤﯘ ﺟﻪﻟﭗ ﻗﯩﻠﯩﭗ ﺋﻪﻛﯧﻠﻪﻟﻪﻳﺪﯗ، ﺩﯦﯖﯩﺰ ﺑﻮﻳﯩﺪﯨﻜﻰ ﺋﯧﭽﯩﯟﯦﺘﯩﻠﮕﻪﻥ ﺷﻪﮬﻪﺭﻟﻪﺭ ﺑﯘﻧﯩﯔ ﺗﯩﭙﯩﻚ ﻣﯩﺴﺎﻟﻰ . ﺷﻴﺎﯕﮕﺎﯓ ﺋﻪﺳﻠﻰ ﺑﯩﺮ ﻛﯩﭽﯩﻜﻜﯩﻨﻪ ﺑﯧﻠﯩﻘﭽﯩﻠﯩﻖ ﻳﯘﺭﺗﻰ، ﺋﻪﻣﻤﺎ ﮬﺎﺯﯨﺮﻏﺎ ﻛﻪﻟﮕﻪﻧﺪﻩ ﺩﯗﻧﻴﺎﻧﯩﯔ ﻣﯘﮬﯩﻢ ﭘﯘﻝ-ﻣﯘﺋﺎﻣﯩﻠﻪ ﻣﻪﺭﻛﯩﺰﯨﻨﯩﯔ ﺑﯩﺮﻯ . ﺑﯘ ﻳﻪﺭﺩﯨﻜﻰ ﮬﻪﻝ ﻗﯩﻠﻐﯘﭺ ﺋﺎﻣﯩﻠﻤﯘ ﺷﻴﺎﯕﮕﺎﯕﻨﯩﯔ ﺗﻪﺑﯩﺌﯩﻲ ﺋﻪﯞﺯﻩﻟﻠﯩﻜﯩﻼ ﺋﻪﻣﻪﺱ، ﺑﻪﻟﻜﻰ ﺷﯘ ﺋﻪﯞﺯﻩﻟﻠﯩﻜﻜﻪ ﻗﯧﺘﯩﻠﻐﺎﻥ ﺗﯜﺯﯛﻟﻤﻪ ﺋﻪﯞﺯﻩﻟﻠﯩﻜﻰ.
ﺩﯦﻤﻪﻙ، ﻳﯘﻗﯩﺮﯨﻘﻰ ﺑﺎﻳﺎﻧﻠﯩﺮﯨﻤﯩﺰﺩﯨﻦ ﺷﯘ ﻣﻪﻟﯘﻡ ﺑﻮﻟﯘﭖ ﺗﯘﺭﯗﭘﺘﯘﻛﻰ، ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﯩﻴﺎﺗﺘﯩﻜﻰ ﻳﯘﻗﯩﺮﯨﻘﻰ ﺋﯘﭺ ﺋﺎﻣﯩﻠﻨﯩﯔ ﺑﯩﺮﻯ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯗ، ﺑﻮﻟﯘﭘﻤﯘ ﺗﯧﺨﻨﯩﻜﺎ، ﺗﯜﺯﯛﻟﻤﻪ ﺑﯜﮔﯜﻧﻜﻰ ﺩﯗﻧﻴﺎ ﺋﯩﻘﺘﯩﺴﺎﺩﻯ ﺋﯩﺪﺍ ﺗﯧﺨﯩﻤﯘ ﻣﯘﮬﯩﻢ، ﺗﯧﺨﯩﻤﯘ ﮬﻪﻝ ﻗﯩﻠﻐﯘﭺ ﺋﻮﺭﯗﻧﺪﺍ ﺗﯘﺭﯨﺪﯗ، ﺋﻪﮔﻪﺭ ﺑﯩﺰ ﻧﺎﻣﺮﺍﺗﻠﯩﻘﯩﻤﯩﺰﻧﯩﯔ ﺳﻪﯞﻩﺑﯩﻨﻰ ﺋﯩﺰﺩﯨﺴﻪﻙ ﭼﻮﻗﯘﻡ ﻣﯘﺷﯘ ﺋﯘﭺ ﺧﯩﻞ ﺋﺎﻣﯩﻞ ﺑﯩﻠﻪﻥ ﺋﯘﭼﺮﯨﺸﯩﭗ ﻗﺎﻟﯩﻤﯩﺰ. ﺧﺎﻡ ﺋﻪﺷﻴﺎ ﻣﺎﺩﺩﯨﻲ ﺷﻪﺭﺕ، ﺗﯧﺨﻨﯩﻜﺎ ﮬﻪﺭﯨﻜﻪﺗﻠﻪﻧﺪﯛﺭﮔﯜﭼﻰ ﻛﯜﭺ، ﺗﯜﺯﯛﻟﻤﻪ ﺑﻮﻟﺴﺎ ﺯﯙﺭﯛﺭ ﺷﺎﺭﺍﺋﯩﺖ.
2- ﻣﻪﺩﻩﻧﯩﻴﻪﺕ
ﻣﻪﻥ ﺑﺎﺷﺘﺎ ﺗﯩﻠﻐﺎ ﺋﺎﻟﻐﺎﻥ «ﺑﯘ ﻣﻪﯞﺟﯘﺗﻠﯘﻕ ﺋﯚﺯﯨﻤﯩﺰﮔﯩﻼ ﯞﻩﻛﯩﻠﻠﯩﻚ ﻗﯩﻼﻻﻳﺪﯨﻐﺎﻥ ﻣﻪﯞﺟﯘﺗﻠﯘﻕ ﺑﻮﻟﯘﺷﻰ ﻛﯧﺮﻩﻙ»ﺩﯦﮕﻪﻥ ﺳﯚﺯ ﮬﯧﻠﯩﻤﯘ ﺋﻮﻗﯘﺭﻣﻪﻧﻠﻪﺭﻧﯩﯔ ﺋﯧﺴﯩﺪﻩ ﺑﻮﻟﯘﺷﻰ ﻣﯘﻣﻜﯩﻦ، ﻣﺎﻧﺎ ﺑﯘ ﺩﻩﻝ ﺑﯩﺮ ﺟﻪﻣﺌﯩﯩﻴﻪﺗﻨﯩﯔ ﺋﯚﺯﯨﮕﻪ ﺧﺎﺱ ﻣﻪﺩﻩﻧﯩﻴﻪﺕ ﺳﺎﻻﮬﯩﻴﯩﺘﻰ ﻛﯚﺯﺩﻩ ﺗﯘﺗﯘﻟﯘﭖ ﺋﯧﻴﺘﯩﻠﻐﺎﻥ .
ﺋﯘﻧﺪﺍﻗﺘﺎ، ﺧﺎﺳﻠﯩﻖ ﺩﯦﮕﻪﻥ ﻧﯧﻤﻪ ؟ ﺑﯘ ﺳﯚﺯﻧﯩﯔ ﻣﻪﻧﯩﺴﯩﺪﯨﻨﻼ ﻣﻪﻟﯘﻡ ﺑﻮﻟﯘﭖ ﺗﯘﺭﯗﺩﯨﻜﻰ، ﺧﺎﺳﻠﯩﻖ ﻣﻪﻟﯘﻡ ﺷﻪﻳﺌﯩﻨﯩﯔ ﺋﯚﺯﯨﺪﯨﻼ ﺑﺎﺭ ﺑﻮﻟﻐﺎﻥ، ﺋﯘﻧﻰ ﺑﺎﺷﻘﺎ ﺷﻪﻳﺌﯩﻠﻪﺭﺩﯨﻦ ﭘﻪﺭﻗﻠﻪﻧﺪﯛﺭﯛﭖ ﺗﯘﺭﯨﺪﯨﻐﺎﻥ، ﺋﺎﻻﻣﻪﺕ، ﺧﯘﺳﯘﺳﯩﻴﻪﺗﻠﻪﺭ. ﺑﯘ ﺋﺎﻻﻣﻪﺕ، ﺧﯘﺳﯘﺳﯩﻴﻪﺗﻠﻪﺭ ﺑﯩﺮﻟﯩﺸﯩﭗ ﺷﯘ ﺷﻪﻳﺌﯩﻨﯩﯔ ﺳﺎﻻﮬﯩﻴﺘﯩﻨﻰ ﺷﻪﻛﯩﻠﻠﻪﻧﺪﯛﺭﯨﺪﯗ، ﻣﺎﻧﺎ ﺑﯘ ﺳﺎﻻﮬﯩﻴﻪﺕ ﺷﯘ ﺷﻪﻳﺌﯩﻨﯩﯔ ﺋﯚﺯﻟﯜﻛﯩﻨﻰ ﺳﺎﻗﻼﭖ ﺋﯚﺯﯨﮕﯩﻼ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ، ﺋﯚﺯﯨﮕﯩﻼ ﺩﯦﺮﻩﻙ ﺑﯧﺮﯨﺪﯨﻐﺎﻥ ﻳﺎﺕ ﺷﻪﻳﺌﯩﻠﻪﺭﮔﻪ ﺋﻮﺧﺸﺎﭖ ﻗﯧﻠﯩﺸﺘﯩﻦ ﺳﺎﻗﻼﻳﺪﯨﻐﺎﻥ ﻣﯘﮬﯩﻢ ﻛﺎﭘﺎﻟﻪﺕ .
ﺑﯩﺮ ﻣﯩﻠﻠﻪﺕ ﺑﯩﺮ ﻗﻮﯞﻡ، ﺑﯩﺮ ﺟﻪﻣﺌﯩﻴﻪﺗﻜﻪ ﻧﯩﺴﺒﻪﺗﻪﻥ ﺋﯘﻻﺭﻧﻰ ﺑﺎﺷﻘﺎ ﻗﻮﯞﻡ، ﺟﻪﻣﺌﯩﻴﻪﺗﻠﻪﺭﺩﯨﻦ ﻣﺎﮬﯩﻴﻪﺗﻠﯩﻚ ﭘﻪﺭﻗﻠﻪﻧﺪﯛﺭﯛﭖ ﺗﯘﺭﯨﺪﯨﻐﯩﻨﻰ ﻣﻪﺯﻛﯘﺭ ﺟﻪﻣﺌﯩﯩﻴﻪﺗﻨﯩﯔ ﺋﯩﻘﺘﯩﺴﺎﺩﻯ ﺋﻰ، ﭘﻪﻥ - ﺗﯧﺨﻨﯩﻜﺎ ﺳﻪﯞﯨﻴﺴﻰ ﻳﺎﻛﻰ ﻧﻮﭘﯘﺳﻰ ﯞﻩ ﻳﺎﻛﻰ ﺋﯘﻻﺭﻧﯩﯔ ﺋﯩﮕﻪ ﺑﻮﻟﻐﺎﻥ ﺗﯧﺮﯨﺘﻮﺭﯨﻴﯩﺴﻰ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺷﯘ ﺟﻪﻣﺌﯩﯩﻴﻪﺗﻨﯩﯔ ﻣﯩﺮﺍﺱ ﻣﻪﻧﯩﯟﻯ ﺗﯩﻨﺪﯗﺭﻣﯩﺴﻰ ﺑﻮﻟﻐﺎﻥ ﻣﻪﺩﻩﻧﯩﻴﺘﯩﺪﯗﺭ. ﭘﻪﻗﻪﺕ ﻣﻪﺩﻩﻧﯩﻴﻪﺗﻼ ﺋﯘﻻﺭﻧﯩﯔ (ﺷﯘ ﺟﻪﻣﺌﯩﯩﻴﻪﺗﻨﯩﯔ ) ﮬﻪﻗﯩﻘﯩﻲ ﺳﺎﻻﮬﯩﻴﯩﺘﯩﮕﻪ ﯞﻩﻛﯩﻠﻠﯩﻚ ﻗﯩﻼﻻﻳﺪﯗ، ﺋﯘﻧﯩﯔ ﻛﯩﻤﻠﯩﻜﯩﻨﻰ، ﻗﺎﻧﺪﺍﻕ ﺟﻪﻣﺌﯩﻴﻪﺗﻠﻪﺭﻧﯩﯔ ﺩﻭﺳﺘﻰ، ﻗﺎﻧﺪﺍﻕ ﺟﻪﻣﺌﯩﻴﻪﺗﻠﻪﺭﻧﯩﯔ ﺩﯛﺷﻤﯩﻨﻰ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﺑﯧﺮﻩﻟﻪﻳﺪﯗ،، ﺑﯘ ﺧﯘﺩﺩﻯ ﻛﯩﻤﻨﻰ ﻗﻮﻟﻼﭖ، ﻛﯩﻤﮕﻪ ﻗﺎﺭﺷﻰ ﺗﯘﺭﯗﺷﻨﻰ ﺑﯩﻠﻪﻟﻤﯩﮕﻪﻥ ﺋﺎﺩﻩﻣﻨﯩﯔ ﺋﯚﺯﯨﻨﯩﯔ ﺯﺍﺩﻯ ﻛﯩﻤﻠﯩﻜﯩﻨﯩﻤﯘ ﺗﺎﺯﺍ ﺋﻨﯩﻖ ﺋﺎﯕﻘﯩﺮﺍﻟﻤﯩﻐﺎﻧﺪﻩﻙ ﺋﯩﺶ .
ﺑﯩﺰﻧﯩﯔ ﮬﺎﺯﯨﺮﻗﻰ ﻣﯘﻻﮬﯩﺰﯨﻤﯩﺰ، ﻣﻪﺩﻩﻧﯩﻴﻪﺗﻨﯩﯔ ﺯﺍﺩﻯ ﻗﺎﻧﺪﺍﻕ ﺋﯘﻗﯘﻡ، ﺋﯩﻜﻪﻧﻠﯩﻜﻰ ﺋﯘﻧﯩﯔ ﻗﺎﻧﺪﺍﻕ ﺧﯘﺳﯘﺳﯩﻴﻪﺗﻠﯩﺮﯨﻨﯩﯔ ﺑﺎﺭﻟﯩﻘﻰ، ﺑﻪﻟﻜﻰ ﻣﻪﺩﻩﻧﯩﻴﻪﺗﻨﯩﯔ ﺑﯩﺮ ﺟﻪﻣﺌﯩﻴﻪﺕ ﻣﻪﯞﺟﯘﺗﻠﯘﻗﯩﺪﺍ ﺗﯘﺗﻘﺎﻥ ﺋﻮﺭﻧﻰ ﮬﻪﻡ ﻣﻪﺩﻩﻧﯩﻴﻪﺗﻨﯩﯔ ﻛﯜﭼﯩﻴﯩﺸﺪﻩ ﺗﺎﻳﯩﻨﯩﺪﯨﻐﺎﻥ ﺯﯙﺭﯛﺭ ﺋﺎﻣﯩﻠﻠﯩﺮﻯ ﮬﻪﻗﻘﯩﺪﻩ ﺑﻮﻟﯩﺪﯗ.
ﺋﯩﻨﺴﺎﻧﻨﯩﯔ ﻣﯧﯖﻪ، ﻗﻪﻟﺒﻜﻪ ﺋﯩﮕﻪ ﺋﯩﻜﻪﻧﻠﯩﻜﻰ ﺋﯘﻻﺭﻧﯩﯔ ﮬﺎﻳﯟﺍﻧﻼﺭﺩﯨﻦ ﭘﻪﺭﻗﻠﯩﻨﯩﭗ ﻣﻪﺩﻩﻧﯩﻴﻪﺗﻠﯩﻚ ﻳﺎﺷﯩﺸﯩﻨﻰ ﺑﻪﻟﮕﯩﻠﯩﮕﻪﻥ، ﺋﯩﻨﺴﺎﻧﻼﺭﻧﯩﯔ ﻣﻪﺩﻩﻧﯩﻴﻪﺗﺘﯩﻦ ﻣﻪﮬﺮﯗﻡ ﮬﺎﻟﻪﺗﺘﻪ ﺋﯩﻨﺴﺎﻥ ﮬﯧﺴﺎﺑﻼﻧﻐﺎﻧﻠﯩﻘﻰ ﺷﻪﻳﺌﻰ ﻗﯩﻤﻤﯩﺘﯩﻨﻰ ﮬﺎﺯﯨﺮﻗﻰ ﺯﺍﻣﺎﻥ ﻛﯩﺸﯩﻠﯩﺮﯨﺪﻩﻙ ﻣﺎﺩﺩﯨﻲ ﻧﯘﻗﺘﯩﺪﯨﻨﻼ ﺋﯚﻟﭽﻪﻳﺪﯨﻐﺎﻥ، ﻛﯚﺯﻩﺗﻤﻪﻳﺪﯨﻐﺎﻧﻼﺭﻏﺎ ﺋﺎﻳﺎﻥ ﺑﯩﺮ ﭘﺎﻛﯩﺖ.
ﺋﺎﺩﻩﻡ ﺋﯚﺯﯨﻨﯩﯔ ﺗﯩﺮﯨﻚ ﺗﯘﺭﺍﻟﯩﻐﺎﻧﻠﯩﻘﯩﻨﻰ ﺋﻪﯓ ﺯﻭﺭ ﻣﯘﯞﺍﭘﻪﻗﯩﻴﻪﺕ ﺩﻩﭖ ﺳﺎﻧﺎﭖ ﺷﯘﻧﯩﯖﺪﯨﻦ ﻗﺎﻧﺎﺋﻪﺕ ﮬﺎﺳﯩﻞ ﻗﯩﻠﯩﭗ ﺋﻮﻟﺘﯘﺭﻣﺎﻳﺪﯨﻐﺎﻥ ﺑﯩﺮ ﻣﻪﺧﻠﯘﻕ، ﺋﯘ ﻗﯩﻠﻐﺎﻥ ﮬﻪﺭ ﻗﺎﻧﺪﺍﻕ ﺋﯩﺸﺘﯩﻦ ﻣﻪﻧﻪ ﺋﯩﺰﺩﯨﮕﯜﭼﻰ، ﺩﻩﻝ ﺋﯩﻨﺴﺎﻧﻼﺭﻧﯩﯔ ﺗﻮﺧﺘﺎﯞﺳﯩﺰ ﻣﻪﻧﻪ ﺋﯩﺰﺩﻩﺵ ﺗﻪﺑﯩﺌﯩﺘﻰ ﻣﻪﺩﻩﻧﯩﻴﻪﺗﻨﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ، ﻣﻪﺩﻩﻧﯩﻴﻪﺗﻨﻰ ﻏﺎﻳﻪﺕ ﺯﻭﺭ ﻣﻪﻧﯩﻠﻪﺭ ﺗﯜﺭﻯ ﺩﯦﺴﻪﻙ، ﺋﯩﻨﺴﺎﻥ ﺷﯘ ﺗﻮﺭﻏﺎ ﻳﺎﻣﺎﺷﻘﺎﻥ ﺑﯩﺮ ﺋﯚﻣﯜﭼﯜﻙ، ﻣﻪﻟﯘﻡ ﺑﯩﺮ ﺋﺎﺩﻩﻣﻠﻪﺭ ﺗﻮﭘﯩﻨﯩﯔ ﺋﻮﺧﺸﺎﺵ ﺑﯩﺮ ﺟﯘﻏﺮﺍﭘﯩﻴﯩﻠﯩﻚ ﻣﯘﮬﯩﺘﺘﺎ ﺋﯘﺯﺍﻕ ﻣﯘﺩﺩﻩﺕ ﺑﯩﺮﮔﻪ ﻳﺎﺷﯩﺸﯩﻨﻰ ﺑﯧﺸﯩﺪﯨﻦ ﻛﻪﭼﯜﺭﮔﻪﻥ ﺋﻮﺭﺗﺎﻕ ﺗﺎﺭﯨﺨﯩﻲ ﻛﻪﭼﯜﺭﻣﯩﺸﻠﯩﺮﻯ ﺷﯘ ﺗﯜﭘﺘﯩﻦ ﺑﺎﺷﻘﺎ ﻛﯩﺸﯩﻠﻪﺭ ﺗﻮﭘﯩﺪﺍ ﺑﻮﻟﻤﯩﻐﺎﻥ ﺧﺎﺱ ﺋﺎﻻﮬﯩﺪﯨﻠﯩﻜﻠﻪﺭﻧﻰ ﺷﻪﻛﯩﻠﻠﻪﻧﺪﯛﺭﯨﺪﯗ،ﺑﯘ ﺧﺎﺳﻠﯩﻘﻼﺭ ﺷﯘ ﺗﻮﭘﻨﯩﯔ ﮬﻪﺭ ﻗﺎﻧﺪﺍﻕ ﺑﯩﺮ ﺳﺎﮬﻪﺳﯩﮕﻪ ﻣﻪﻳﻠﻰ ﺗﻪﭘﻪﻛﻜﯘﺭ ﺋﯘﺳﯘﻟﻰ، ﭘﻪﻟﺴﻪﭘﯩﯟﻯ ﺋﯩﺪﻳﯩﺴﻰ، ﻗﺎﺭﯨﺸﻰ،ﻣﻪﻳﻠﻰ ﻛﯩﻴﯩﻢ - ﻛﯧﭽﯩﻜﻰ، ﻳﯧﻤﻪﻙ - ﺋﯩﭽﻤﯩﻜﻰ، ﻳﯜﺭﯛﺵ ﺗﯘﺭﯗﺷﻰ، ﭘﺴﯩﺨﯩﻜﯩﺴﻰ،ﺗﯩﺮﯨﻜﭽﯩﻠﯩﻚ ﺋﯘﺳﯘﻟﻰ، ﺑﯩﻨﺎﻛﺎﺭﻟﯩﻖ . ﺋﯘﺳﯘﻟﻰ. . . ﺑﻮﻟﻤﯩﺴﯘﻥ، ﮬﻪﻣﻤﯩﮕﻪ ﺋﻮﺭﺗﺎﻕ ﺳﯩﯖﯩﭗ ﻛﻪﺗﻜﻪﻥ ﺑﻮﻟﯩﺪﯗ. ﻣﺎﻧﺎ ﺑﯘ ﺧﯩﻞ ﺧﺎﺳﻠﯩﻘﻼﺭ ﺩﻩﻝ ﺷﯘ ﺗﻮﭘﻨﯩﯔ ﻣﻪﺩﻩﻧﯩﻴﯩﺘﻰ ﮬﯧﺴﺎﺑﻠﯩﻨﯩﺪﯗ. ﺑﯘ ﻧﯘﻗﺘﯩﺪﯨﻦ ﻣﻪﺩﻩﻧﯩﻴﻪﺗﻨﻰ ﺑﻪﻟﮕﯩﻠﯩﻚ ﻛﯩﺸﯩﻠﻪﺭ ﺗﻮﭘﯩﻨﯩﯔ ﺋﯘﺯﺍﻕ ﻣﯘﺩﺩﻩﺗﻠﯩﻚ ﺋﻮﺭﺗﺎﻕ ﺗﺎﺭﯨﺨﯩﻲ ﻗﯩﺴﻤﻪﺗﻨﻰ ﺑﺎﺷﺘﯩﻦ ﺋﯚﺗﻜﯜﺯﯛﺵ ﺟﻪﺭﻳﺎﻧﯩﺪﺍﺋﯩﺠﺘﯩﻤﺎﺋﯩﻲ ﺗﯘﺭﻣﯘﺷﻨﯩﯔ ﮬﻪﻣﻤﻪﺳﺎﮬﻪ، ﻗﺎﺗﻼﻣﻠﯩﺮﯨﺪﺍ ﺷﻪﻛﯩﻠﻠﻪﻧﮕﻪﻥ ﺋﻮﺭﺗﺎﻗﻠﯩﻘﻼﺭﻧﯩﯔ ﻳﯩﻐﯩﻨﺪﯨﺴﻰ ﺩﻩﭖ ﺋﯧﻴﺘﯩﺸﻘﺎ ﺑﻮﻟﯩﺪﯗ. ﻳﺎﻛﻰ ﺋﯘ ﺋﯘﺯﺍﻕ ﺗﺎﺭﯨﺨﯩﻲ ﻣﯘﺳﺎﭘﯩﻠﻪﺭﺩﻩ ﺗﻪﺩﺭﯨﺠﯩﻲ ﺷﻪﻛﯩﻠﻠﻪﻧﮕﻪﻥ ﺋﯩﺠﺘﯩﻤﺎﺋﯩﻲ ﻣﯩﺮﺍﺱ. ﺋﺎﺭﺗﻮﻟﻮ ﺗﻮﻳﻨﯩﯔ ﻗﺎﺭﯨﺸﯩﭽﻪ ﺑﻮﻟﻐﺎﻧﺪﺍ، ﻣﻪﺩﻩﻧﯩﻴﻪﺗﻨﯩﯔ ﺋﯩﭙﺎﺩﯨﻠﯩﻨﯩﺸﻰ، ﺩﯨﻦ ﺑﻮﻟﺴﺎ ﻣﻪﺩﻩﻧﯩﻴﻪﺗﻨﯩﯔ ﻳﯩﻠﺘﯩﺰﻯ.
ﺋﯩﻨﺴﺎﻧﻼﺭ ﺋﯚﺯ ﺋﺎﺭﺍ ﭘﻪﺭﻕ - ﺋﻮﺧﺸﺎﺷﻠﯩﻖ ﺋﺎﺭﯨﻠﯩﺸﯩﭗ ﻛﻪﺗﻜﻪﻥ ﮬﺎﻟﻪﺗﺘﻪ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯨﺪﯗ، ﻣﯘﺗﻠﻪﻕ ﻛﻪﺳﻜﯩﻦ ﭘﻪﺭﻕ، ﻣﯘﺗﻠﻪﻕ ﺋﻮﺧﺸﺎﺵ ﻣﻪﯞﺟﯘﺕ ﺑﻮﻟﻤﺎﻳﺪﯗ، ﺋﯩﻨﺴﺎﻧﻼﺭﺩﺍ ﭘﻪﺭﻕ ﺑﺎﺭ، ﺋﻮﺭﺗﺎﻗﻠﯩﻤﯘ ﺑﺎﺭ، ﺋﻪﻣﻤﺎ ﭘﻪﺭﻕ، ﺋﻮﺭﺗﺎﻗﻠﯩﻖ ﺋﯩﻨﺴﺎﻧﻼﺭ ﺗﻪﯞﻩ ﺑﻮﻟﻐﺎﻥ ﻣﻪﺩﻩﻧﯩﻴﻪﺗﻨﯩﯔ ﺋﻮﺧﺸﯩﻤﺎﺳﻠﯩﻘﻰ ﺑﯩﻠﻪﻥ ﺋﻮﺧﺸﺎﺷﻤﺎﻳﺪﯗ، ﺋﻮﺧﺸﺎﺵ ﺑﯩﺮ ﻣﻪﺩﻩﻧﯩﻴﻪﺗﻜﻪ ﺗﻪﯞﻩ ﺋﺎﺩﻩﻣﻠﻪﺭﺩﻩ ﺋﻮﺧﺸﯩﻤﯩﻐﺎﻥ ﻣﻪﺩﻩﻧﯩﻴﻪﺗﻜﻪ ﺗﻪﯞﻩ ﺋﺎﺩﻩﻣﻠﻪﺭﮔﻪ ﻗﺎﺭﯨﻐﺎﻧﺪﺍ ﺋﻮﺭﺗﺎﻗﻠﯩﻖ ﻛﯚﭖ ﺑﻮﻟﯩﺪﯗ. ﺋﻮﺧﺸﺎﺵ ﺑﯩﺮ ﻣﻪﺩﻩﻧﯩﻴﻪﺕ ﺋﻪﮬﻠﻰ، ﻛﻮﻧﻜﯩﺮﯦﺖ ﻣﻪﺳﺴﯩﻠﯩﻠﻪﺭﺩﻩ ﭘﻪﺭﻗﻠﻪﻧﮕﻪﻥ ﺑﯩﻠﻪﻥ ﺋﻪﻣﻤﻪ ﺋﺎﺑﺴﺘﺮﺍﻛﺖ ﺋﯘﻣﯘﻣﯩﻲ ﻣﻪﺳﯩﻠﯩﻠﻪﺭﺩﻩ ﺋﻮﺭﺗﺎﻗﻠﯩﻘﻨﻰ ﺳﺎﻗﻼﻳﺪﯗ. ﻳﺎﯞﺭﻭﭘﺎﻟﯩﻘﻼﺭ ﺯﻭﻗﻼﻧﻐﺎﻥ ﻧﻪﺭﺳﯩﻠﻪﺭﺩﯨﻦ ﺋﻪﺭﻩﺑﻠﻪﺭ ﻧﻪﭘﺮﻩﺗﻠﯩﻨﯩﺸﻰ ﺋﻪﺭﻩﺑﻠﻪﺭ ﺋﺎﺭﺯﯗﻟﯩﻐﺎﻥ ﻧﻪﺭﺳﯩﻠﻪﺭﻧﻰ، ﻳﺎﯞﺭﻭﭘﺎﻟﯩﻘﻼﺭ ﻧﻪﺯﯨﺮﯨﮕﯩﻤﯘ ﺋﯩﻠﻤﺎﺳﻠﯩﻘﻰ ﻣﯘﻣﻜﯩﻦ. ﻣﺎﻧﺎ ﺑﯘﻧﻰ ﻣﻪﺩﻩﻧﯩﻴﻪﺕ ﺑﻪﻟﮕﯩﻠﻪﻳﺪﯗ،ﻣﻪﺩﻩﻧﯩﻴﻪﺕ ﺩﻩﻝ ﺷﯘ ﺟﻪﻣﯩﻴﻪﺗﻨﯩﯔ ﺋﯚﺯﻟﯩﻜﻰ ﮬﯧﺴﺎﺑﻠﯩﻨﯩﺪﯗ، ﻣﻪﺩﻩﻧﯩﻴﻪﺕ ﺋﯚﺯ ﺋﻪﮬﻠﯩﮕﻪ ﺋﻮﺭﺗﺎﻕ ﻏﺎﻳﻪ، ﺋﻮﺭﺗﺎﻕ ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﻰ، ﺋﻮﺭﺗﺎﻕ ﻗﯩﻤﻤﻪﺕ ﻗﺎﺭﯨﺸﻰ ﺑﯩﺮﯨﺪﯗ، ﻣﻪﺩﻩﻧﯩﻴﻪﺗﻨﯩﯔ ﺷﯘﻻﺭﻧﯩﯔ ﻣﻪﯞﻗﻪﺳﻰ، ﺑﺎﻳﺮﯨﻘﻰ ﮬﯧﺴﺎﺑﻠﯩﻨﯩﺪﯗ، ﺑﺎﺷﻘﯩﻼﺭ ﺋﯘﻻﺭﻧﻰ ﺷﯘ ﺑﺎﻳﺮﯨﻘﻰ ﺑﯩﻠﻪﻥ ﺗﻮﻧﯘﻳﺪﯗ، ﺷﯘﻧﯩﯔ ﺑﯩﻠﻪﻥ ﺋﯧﺘﺮﺍﭖ ﻗﯩﻠﯩﺪﯗ، ﺩﯦﻤﻪﻙ، ﺑﯩﺮ ﻗﻪﯞﻣﻨﯩﯔ ﻣﻪﯞﺟﯘﺗﻠﻮﻗﯩﻐﺎ ﻧﯩﺴﭙﻪﺗﻪﻥ ﺷﯘ ﻗﻪﯞﻣﻨﯩﯔ ﺳﺎﻻﮬﯩﻴﯩﺘﻰ، ﻛﯩﻤﻠﯩﻜﻰ، ﻛﯩﻢ ﺑﯩﻠﻪﻥ ﺑﯩﺮ ﺳﻪﭘﺘﻪ ﻛﯩﻢ ﺑﯩﻠﻪﻥ ﺋﻪﻣﻪﺳﻠﯩﻜﻰ ﺋﯘﻻﺭ ﺗﻪﯞﻩ ﻣﻪﺩﻩﻧﯩﻴﻪﺕ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ، ﻳﻪﻧﻪ ﻣﻪﺩﻩﻧﯩﻴﻪﺕ ﺑﯩﺮ ﻗﻮﯞﻣﻨﯩﯔ ﺗﯘﺭﻣﯘﺵ ﺋﯘﺳﯘﻟﯩﻨﯩﯔ ﻳﯩﻐﯩﻨﺪﯨﺴﻰ ﺑﻮﻟﻐﺎﭼﻘﺎ، ﺷﯘ ﻗﻮﯞﻣﻨﯩﯔ ﻣﻪﯞﺟﯘﺗﻠﯘﻗﻨﻰ ﺋﯘﻻﺭﻧﯩﯔ ﻣﻪﺩﻩﻧﯩﻴﯩﺘﯩﺪﯨﻦ ﺋﺎﻳﺮﯨﻠﯩﭗ ﺗﻪﺳﻪﯞﯞﯗﺭ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ .
ﺋﻪﺳﻜﻪﺭﺗﯩﺸﻜﻪ ﺗﯧﮕﯩﺸﻠﯩﻚ ﻣﯘﮬﯩﻢ ﺑﯩﺮ ﻧﯘﻗﺘﺎ ﺷﯘﻛﻰ، ﻣﻪﺩﻩﻧﯩﻴﻪﺕ ﺋﯚﺯ ﻗﻮﯞﻣﯩﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﺋﯚﺯﯨﮕﻪ ﺧﺎﺱ ﻗﯩﻤﻤﻪﺗﻜﻪ، ﻣﻪﻧﯩﮕﻪ ﺋﯩﮕﻪ ﻗﯩﻠﺴﯩﻤﯘ، ﺋﻪﻣﻤﺎ ﺷﯘ ﻗﻮﯞﻣﻨﯩﯔ ﺩﯗﻧﻴﺎﺩﯨﻜﻰ ﺋﻮﺭﻧﯩﻨﻰ ﻛﯜﭼﻠﯜﻙ - ﺋﺎﺟﯩﺰﻟﯩﻘﻰ ﺑﻪﻟﮕﯩﻠﯩﻴﻪﻟﻤﻪﻳﺪﯗ (ﺋﻪﻟﯟﻩﺗﺘﻪ ﺑﯘﻧﯩﯖﻐﺎ ﻣﯘﮬﯩﻢ ﺗﻪﺳﯩﺮ ﻛﯚﺭﺳﯩﺘﻪﻟﻪﻳﺪﯗ، ﺋﻪﻣﻤﺎ ﺑﻪﻟﮕﯩﻠﯩﻴﻪﻟﻤﻪﻳﺪﯗ ).
ﻣﻪﺩﻩﻧﯩﻴﻪﺕ ﺑﯩﺮ ﭘﯜﺗﯜﻥ ﺳﯩﺴﺘﯧﻤﺎ، ﺋﻪﻣﻤﺎ ﺋﯘ ﻧﯘﺭﻏﯘﻥ ﺗﻪﺭﻛﯩﭗ ﺋﺎﻣﯩﻠﻼﺭﺩﯨﻦ ﺗﻪﺭﻛﯩﺐ ﺗﺎﭘﻘﺎﻥ، ﺑﯘ ﺋﺎﻣﯩﻞ ﺗﻪﺭﻛﯩﺒﻠﻪﺭﻧﯩﯔ ﻣﯘﮬﯩﻢ، ﻳﺎ ﺋﻪﻣﻪﺳﻠﯩﻜﯩﻨﻰ ﺷﯘﻻﺭﻧﯩﯔ ﻣﻪﺩﻩﻧﯩﻴﻪﺕ ﺋﯩﭽﯩﺪﻩ ﺗﯘﺗﻘﺎﻥ ﺋﻮﺭﻧﻰ، ﻣﻪﺩﻩﻧﻴﻪﺗﻜﻪ ﻗﺎﺭﯨﺘﺎ ﺋﻮﻳﻨﺎﻳﺪﯨﻐﺎﻥ ﺭﻭﻟﻰ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ. ﺑﯘ ﺋﺎﻣﯩﻞ ﺗﻪﺭﻛﯩﭙﻠﻪﺭﻧﯩﯔ ﻣﯘﮬﯩﻢ، ﻳﺎ ﺋﻪﻣﻪﺳﻠﯩﻜﻰ ﺷﯘﻻﺭﻧﯩﯔ ﻣﻪﺩﻩﻧﯩﻴﻪﺕ ﺋﯩﭽﯩﺪﻩ ﺗﯘﺗﻘﺎﻥ ﺋﻮﺭﻧﻰ، ﻣﻪﺩﻩﻧﻴﻪﺗﻜﻪ ﻗﺎﺭﯨﺘﺎ ﺋﻮﻳﻨﺎﻳﺪﯨﻐﺎﻥ ﺭﻭﻟﻰ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ، ﺑﻪﺯﻯ ﺗﻪﻛﯩﺒﻠﻪﺭ ﻳﺎﺩﺭﻭﻟﯘﻕ، ﻧﯧﮕﯩﺰﻟﯩﻚ ﺑﻮﻟﯩﺪﯗ، ﻳﻮﻟﻼﺭ ﻣﻪﺩﻩﻧﯩﻴﻪﺗﻨﯩﯔ ﻳﯩﻠﯩﻜﻰ ﮬﯧﺴﺎﺑﻠﯩﻨﯩﺪﯗ ﻳﻪﻧﻪ ﺑﻪﺯﯨﻠﯩﺮﻯ ﺋﯩﻜﻜﯩﻠﻪﻣﭽﻰ ﺋﻮﺭﯗﻧﺪﺍ ﺑﻮﻟﯩﺪﯗ، ﺋﯘﻻﺭ ﻳﯩﻠﯩﻜﻨﯩﯔ ﺗﺎﺷﻘﻰ ﺋﯩﭙﺎﺩﯨﻠﯩﺮﻯ ﻳﺎﻛﻰ ﻗﺎﺳﯩﺮﯨﻘﻰ ﺑﻮﻟﯩﺪﯗ، ﻗﺎﺳﯩﺮﺍﻗﻨﻰ ﺋﺎﻟﻤﺎﺷﺘﯘﺭﯗﺵ ﮔﻪﺭﭼﻪ ﻣﻪﺩﻩﻧﯩﻴﻪﺗﻜﻪ ﺗﻪﺳﯩﺮ ﻛﯚﺭﺳﻪﺗﺴﯩﻤﯘ، ﺋﻪﻣﻤﺎ ﺋﯘ ﻣﻪﺩﻩﻧﯩﻴﻪﺗﻨﻰ ﻳﻮﻕ ﻗﯩﻠﯩﯟﻩﺗﻤﻪﻳﺪﯗ، ﺋﻪﻣﻤﺎ ﻳﯩﻠﯩﻚ ﭼﯘﻗﯘﻡ ﺑﻮﻟﯘﺷﻰ، ﻳﻮﻗﺎﻟﻤﺎﺳﻠﯩﻘﻰ ﺷﻪﺭﺕ، ﻣﻪﺩﻩﻧﯩﻴﻪﺕ ﻳﯩﻠﯩﻜﯩﻨﯩﯔ ﻳﻮﻗﯩﻠﯩﺸﻰ ﺋﻪﻣﻪﻟﯩﻴﻪﺗﺘﻪ ﻣﻪﺩﻩﻧﯩﻴﻪﺗﻨﯩﯔ ﻳﻮﻗﯩﻠﯩﺸﻰ ﮬﯧﺴﺎﺑﻠﯩﻨﯩﺪﯗ، ﻣﯧﻨﯩﯖﭽﻪ ﺑﯩﺮ ﻣﻪﺩﻩﻧﯩﻴﻪﺗﻨﯩﯔ ﺩﯗﻧﻴﺎ، ﺋﯩﻨﺴﺎﻥ ﺗﯘﺭﻣﯘﺵ ﮬﻪﻗﻘﯩﺪﯨﻜﻰ ﺗﯜﭘﻜﻰ ﭘﻪﻟﺴﻪﭘﯩﯟﻯ ﻗﺎﺭﺍﺷﻠﯩﺮﻯ ﮬﺎﻳﺎﺗﻠﯩﻖ ﮬﺎﺩﯨﺴﯩﻠﯩﺮﯨﺮﯨﮕﻪ ﺗﯘﺗﻘﺎﻥ ﻗﯧﻠﯩﭙﻼﺷﻘﺎﻥ ﮬﯚﻛﯜﻡ - ﺋﯚﻟﭽﻪﻣﻠﯩﺮﻯ ﺗﯩﻠﻰ ﻣﻪﺯﻛﯘﺭ ﻣﻪﺩﻩﻧﯩﻴﻪﺗﻨﯩﯔ ﻳﯩﻠﯩﻜﻰ ﮬﯧﺴﺎﺑﻠﯩﻨﯩﺪﯗ.
ﺋﺎﯞﺍﻡ ﺋﯚﺯ ﻣﻪﺩﻩﻧﯩﻴﺘﯩﻨﻰ ﮬﺎﺳﯩﻞ ﻗﯩﻠﻐﺎﻥ ﻣﯘﮬﯩﺘﺘﺎ ﺋﯩﺴﺘﯩﺨﯩﻴﯩﻠﯩﻚ ﺗﻪﺭﯨﺰﺩﻩ ﻣﻪﺩﻩﻧﯩﻴﺘﯩﻨﻰ ﺳﯩﺰﻏﺎﻥ ﻳﯩﻞ ﺑﻮﻳﯩﭽﻪ ﻳﺎﺷﺎﻳﺪﯗ، ﺋﻪﻣﻤﺎ ﺋﯘﻻﺭ ﺑﯘ ﺟﻪﺭﻳﺎﻧﺪﺍ ﺋﯚﺯﯨﻨﯩﯔ ﻣﻪﺩﻩﻧﯩﻴﯩﺘﯩﻨﯩﯔ ﺭﯦﺌﺎﻟﻠﯩﻘﺘﯩﻜﻰ ﺋﯩﺴﺘﯩﻘﺒﺎﻟﻰ، ﺗﻪﻗﺪﯨﺮﻯ، ﻗﯩﻤﻤﯩﺘﻰ ﮬﻪﻗﻘﯩﺪﻩ ﭘﯩﻜﯩﺮ ﻳﯜﺭﮔﯜﺯﻣﻪﻳﺪﯗ. ﻣﻪﺩﻩﻧﯩﻴﺘﻰ ﺗﻪﮬﺪﯨﺘﻜﻪ، ﻛﯜﭼﻠﯜﻙ ﺑﯧﺴﯩﻤﻐﺎ،ﻳﺎﺕ ﻣﺎﺩﻩﻧﯩﻴﻪﺗﻨﯩﯔ ﺗﺎﺟﺎﯞﯗﺯﯨﻐﺎ ﺋﯘﭼﺮﯨﻐﺎﻥ ﭼﺎﻏﺪﺍ، ﺋﺎﻧﺪﯨﻦ ﺋﯚﺯ ﻣﻪﺩﻩﻧﯩﻴﯩﺘﻰ ﮬﻪﻗﻘﯩﺪﻩ ﺋﻮﻳﻠﯩﻨﯩﺸﻘﺎ ﻗﯩﻤﻤﯩﺘﯩﻨﻰ ﻗﺎﻳﺘﯩﺪﯨﻦ ﺗﻮﻧﯘﭖ ﻳﯧﺘﯩﺸﻜﻪ ﺑﺎﺷﻼﻳﺪﯗ، ﺋﻪﻣﻤﺎ ﺑﯘ ﭼﺎﻏﺪﺍ ﺋﯘﻻﺭ ﺧﯧﻠﯩﻼ ﻛﯧﭽﯩﻜﻜﻪﻥ ﺑﻮﻟﯩﺪﯗ، ﺑﯘ ﭼﺎﻏﺪﺍ ﺋﯘﻻﺭ ﺋﯚﺯ ﻣﻪﺩﻩﻧﯩﻴﺘﯩﻨﻰ ﻗﻮﻏﺪﺍﺷﻘﺎ، ﺗﻪﺭﻩﻗﻰ ﻗﯩﻠﺪﯗﺭﯗﺷﻘﺎ ﻛﯜﭼﻪﻳﺘﯩﺸﻜﻪ ﺗﻮﻏﺮﺍ ﻛﯩﻠﯩﺪﯗ، ﺋﯘﻧﺪﺍﻗﺘﺎ ﻣﻪﺩﻩﻧﯩﻴﻪﺗﻨﯩﯔ ﻛﯜﭼﯩﻴﯩﺸﯩﺪﻩ ﺗﺎﻳﯩﻨﯩﺪﯨﻐﺎﻥ ﺋﺎﻣﯩﻠﻠﯩﺮﻯ ﻧﯧﻤﻪ؟
ﻣﻪﻥ ﺑﯘﻧﻰ ﺗﯚﯞﻩﻧﺪﯨﻜﻰ ﺗﯚﺕ ﺋﺎﻣﯩﻠﻐﺎ ﻳﯩﻐﯩﻨﭽﺎﻗﻠﯩﺪﯨﻢ.
1. ﻧﻮﭘﯘﺱ. ﺋﻪﻟﯟﻩﺗﺘﻪ ﺑﯘ ﺷﯘ ﻣﻪﺩﻩﻧﯩﻴﻪﺗﻜﻪ ﺗﻪﯞﻩ ﻛﯩﺸﯩﻠﻪﺭﻧﯩﯔ ﺋﺎﺯ ﻛﻮﭘﻠﯩﻜﯩﻨﻰ ﻛﯚﺭﺳﯩﺘﯩﺪﯗ ﻣﯧﻨﯩﯖﭽﻪ ﻧﯘﭘﯘﺳﻨﯩﯔ ﻣﯘﮬﯩﻤﻠﯩﻘﯩﻨﻰ ﺋﯘﻗﯘﺭﻣﻪﻧﻠﻪﺭ ﭼﯘﺷﻪﻧﺴﻪ ﻛﯧﺮﻩﻙ. ﺑﯘ ﻣﻪﺩﻩﻧﯩﻴﻪﺗﻨﯩﯔ ﻣﺎﺩﺩﯨﻲ ﺋﺎﻣﯩﻠﻰ ﺋﺎﺩﻩﻣﺴﯩﺰ ﻣﻪﺩﻩﻧﯩﻴﻪﺗﻨﯩﯔ ﻣﻪﯞﺟﯘﺕ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﮬﻪﻣﻤﯩﮕﻪ ﺋﺎﻳﺎﻥ ﮬﻪﻗﯩﻘﻪﺕ. ﺋﻪﻣﻤﺎ، ﻧﻮﭘﯘﺱ ﻳﻪﻧﯩﻼ ﮬﻪﻝ ﻗﯩﻠﻐﯘﭺ ﺋﺎﻣﯩﻞ ﺋﻪﻣﻪﺱ. ﻣﻪﺳﯩﻠﻪﻥ،19- ﺋﻪﺳﯩﺮﻟﻪﺭﺩﻩ ﮬﯩﻨﺪﻯ ﺟﯘﯕﮕﻮ ﻣﻪﺩﻩﻧﯩﻴﯩﺘﻰ ﻧﺎﮬﺎﻳﯩﺘﻰ ﺯﻭﺭ ﻧﯘﭘﯘﺳﻘﺎ ﺋﯩﮕﻪ ﺋﯩﺪﻯ، ﺋﻪﻣﻤﺎ ﻣﻪﺩﻩﻧﯩﻴﻪﺗﻨﯩﯔ ﺗﻪﺭﻩﻗﻘﯩﻴﺎﺕ ﺋﻪﮬﯟﺍﻟﻰ ﺋﯘﻻﺭﻧﯩﯔ ﻧﯘﭘﯘﺳﻰ ﺑﯩﻠﻪﻥ ﺋﻮﯓ ﺗﺎﻧﺎﺳﯩﭗ ﺗﯘﺯﻣﯩﺪﻯ.
2. ﺗﯧﺮﺭﯨﺘﻮﺭﯨﻴﻪ. ﺑﯘ ﻣﻪﺩﻩﻧﯩﻴﻪﺗﻨﯩﯔ ﻳﺎﻛﻰ ﺑﺎﺷﻘﯩﭽﻪ ﺋﯧﻴﺘﻘﺎﻧﺪﺍ، ﻣﻪﺩﻩﻧﯩﻴﻪﺕ ﮔﻪﯞﺩﯨﺴﯩﻨﯩﯔ ﻣﻪﯞﺟﯘﺕ ﺑﻮﻟﯘﺷﯩﺪﯨﻜﻰ ﺯﯦﻤﯩﻦ ﺋﺎﺳﺎﺳﻰ، ﺑﯘﻣﯘ ﺋﻮﺧﺸﺎﺷﻼﺑﻮﻟﻤﯩﺴﺎ ﻗﻪﺗﺌﯩﻲ ﺑﻮﻟﻤﺎﻳﺪﯨﻐﺎﻥ ﺋﺎﻣﯩﻞ. ﺋﻪﻣﻤﺎ ﻳﻪﻧﯩﻠﯩﻼ ﮬﻪﻝ ﻗﯩﻠﻐﯘﭺ ﺋﺎﻣﯩﻞ ﺋﻪﻣﻪﺱ، ﻳﯘﻗﯩﺮﯨﻘﻰ ﻣﯩﺴﺎﻝ ﻳﻪﻧﯩﻼ ﺑﯘﻧﻰ ﭼﯘﺷﻪﻧﺪﯛﺭﯛﭖ ﺑﯧﺮﻩﻟﻪﻳﺪﯗ، ﺟﯘﯕﮕﯘ، ﮬﯩﻨﺪﯨﺴﺘﺎﻧﻨﯩﯔ ﺯﯦﻤﯩﻨﯩﻨﯩﯔ ﭼﻮﯕﻠﯘﻗﻰ ﮬﻪﻣﻤﯩﮕﻪ ﺋﺎﻳﺎﻥ.
3. ﻛﯜﭺ. ﺑﯘ ﺳﯩﻴﺎﺳﯩﻲ ﺋﯩﻘﺘﯩﺴﺎﺩﻯ ﺋﻪﻣﻪﻟﯩﻲ ﻛﯘﭼﻰ، ﮬﻪﺭﺑﯩﻲ ﻛﯜﭺ، ﭘﻪﻥ - ﺗﯧﺨﻨﯩﻜﺎ ﻛﯘﭼﯩﻨﻰ ﻛﯚﺭﺳﯩﺘﯩﺪﯗ. ﺑﯜﮔﯜﻧﻜﻰ ﺩﻩﯞﺭﺩﻩ ﺑﯘﻧﯩﯔ ﻗﺎﻧﭽﯩﻠﯩﻚ ﻣﯘﮬﯩﻤﻠﯩﻘﯩﻨﻰ ﮬﻪﻣﻤﻪ ﺋﺎﺩﻩﻡ ﮬﯩﺲ ﻗﯩﻼﻻﻳﺪﯗ. ﺷﯘ ﻣﻪﺩﻩﻧﯩﻴﻪﺗﻨﯩﯔ ﺋﯩﻘﺘﯩﺪﺍﺭﯨﻨﻰ، ﮬﻪﺗﺘﺎ ﺗﻪﻗﺪﯨﺮﯨﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﻣﯘﮬﯩﻢ ﺋﺎﻣﯩﻞ. ﺑﯘ ﻣﻪﺩﻩﻧﯩﻴﻪﺗﻨﯩﯔ ﻛﯧﯖﯩﻴﯩﺸﯩﻨﯩﯔ، ﺗﻪﺭﻩﻗﻘﯩﻲ ﻗﯩﻠﯩﺸﯩﻨﯩﯔ ﻣﯘﮬﯩﻢ ﮬﻪﺭﯨﻜﻪﺗﻠﻪﻧﺪﯛﺭﮔﯜﭼﻰ ﻛﯜﭼﻰ.
4. ﻳﯧﯖﯩﻠﯩﻖ ﻳﺎﺭﯨﺘﯩﺶ ﺋﯩﻘﺘﯩﺪﺍﺭﻯ. ﺑﯘ ﻣﻪﺩﻩﻧﯩﻴﻪﺗﻨﯩﯔ ﮬﻪﺯﯨﻢ ﻗﯩﻠﯩﺶ، ﻣﺎﺳﻠﯩﺸﯩﺶ ﺋﯩﻘﺘﯩﺪﺍﺭﯨﻨﻰ ﻛﯚﺭﺳﯩﺘﯩﺪﯗ، ﻳﯘﻗﯩﺮﯨﺪﺍ ﺋﯧﻴﺘﻘﯩﻨﯩﻤﺪﻩﻙ ﻣﻪﺩﻩﻧﯩﻴﻪﺕ ﺋﯚﺯﯨﻨﯩﯔ ﺳﯩﺠﯩﻞ ﻣﻪﯞﺟﯘﺗﻠﯘﻗﯩﻨﻰ ﺳﺎﻗﻼﺵ ﺋﯜﭼﯜﻥ ﻗﺎﺳﯩﺮﺍﻕ ﺗﺎﺷﻼﻳﺪﯗ، ﺋﻪﻣﻤﺎ ﻗﺎﺳﯩﺮﺍﻗﻨﯩﯔ ﺗﺎﺷﻠﯩﻨﯩﺸﻰ ﻣﻪﺩﻩﻧﯩﻴﻪﺗﻨﯩﯔ ﺋﯩﭙﺎﺩﯨﺴﯩﮕﻪ ﺗﻪﺳﯩﺮ ﻛﯚﺭﺳﻪﺗﺴﯩﻤﯘ، ﻳﯩﻠﯩﻜﯩﮕﻪ ﺗﻪﺳﯩﺮ ﻛﯚﺭﺳﻪﺗﻤﻪﻳﺪﯗ، ﺭﻭﺷﻪﻧﻜﻰ ﻳﯧﯖﻰ ﻗﺎﺳﯩﺮﺍﻕ ﻳﻪﻧﯩﻼ ﺋﻪﺳﻠﯩﺪﯨﻜﻰ ﻣﯘﺳﻜﯘﻟﺪﯨﻦ ﺋﻮﺯﯗﻗﻠﯩﻨﯩﺪﯗ، ﻣﻪﺩﻩﻧﯩﻴﻪﺗﻨﯩﯔ ﺗﻪﺭﻛﯩﺒﯩﺪﻩ ﺋﻪﺑﻪﺩﯨﻴﻠﯩﻚ ﻗﯩﻤﻤﯩﺘﯩﮕﻪ ﺋﯩﮕﻪ ﻧﻪﺭﺳﯩﻠﻪﺭ، ﺷﯘﻧﺪﺍﻗﻼ ﯞﺍﻗﯩﺘﻠﯩﻖ ﻧﻪﺭﺳﯩﻠﻪﺭﻣﯘ ﺑﻮﻟﯩﺪﯗ.
ﻗﯩﺴﻘﯩﺴﻰ، ﺑﯩﺮﻣﻪﺩﻩﻧﯩﻴﻪﺗﻨﯩﯔ ﺋﻮﻣﯘﻣﯩﻲ ﺗﻪﺭﻩﻗﻘﯩﻴﺎﺕ ﮬﺎﻟﯩﺘﻰ، ﺋﯩﭙﺎﺩﯨﺴﻰ، ﺋﯘﻧﯩﯔ ﻳﯘﻗﯩﺮﯨﻘﻰ ﺋﺎﻣﯩﻠﻼﺭﺩﯨﻦ ﺷﻪﻛﯩﻠﻠﻪﻧﮕﻪﻥ ﺭﯦﺌﺎﻝ ﺋﻪﻣﻪﻟﯩﻲ ﻛﯜﭼﻰ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ، ﮬﻪﻡ ﺑﯘ ﺋﺎﻣﯩﻠﻼﺭ ﻣﻪﺩﻩﻧﯩﻴﻪﺗﻨﯩﯔ ﻛﯚﻟﯩﻤﻰ ﯞﻩ ﺋﯧﻨﯧﺮﮔﯩﻴﺴﯩﻨﻰ ﮬﺎﺳﯩﻞ ﻗﯩﻠﯩﺪﯗ، ﻣﻪﺩﻩﻧﯩﻴﻪﺗﻨﯩﯔ ﺧﺎﺳﻠﯩﻘﻰ ﭘﻪﻗﻪﺕ ﺋﯘﻧﻰ ﺑﺎﺷﻘﺎ ﻣﻪﺩﻩﻧﯩﻴﻪﺗﻠﻪﺭﺩﯨﻦ ﭘﻪﺭﻗﻠﻪﻧﺪﯛﺭﯛﭖ ﺗﯘﺭﯨﺪﯨﻐﺎﻥ ﺋﺎﻣﯩﻞ ﺑﻮﻟﯘﭖ ﻗﺎﻟﻤﺎﺳﺘﯩﻦ ﻣﯘﮬﯩﻤﻰ ﺷﯘ ﻣﻪﺩﻩﻧﯩﻴﻪﺕ ﻣﻪﯞﺟﯘﺗﻠﯩﻘﯩﻨﯩﯔ ﺋﯩﭽﻜﻰ ﻣﻪﺯﻣﯘﻧﻰ، ﻧﯧﮕﯩﺰﻯ ﺑﻮﻟﯩﺪﯗ، ﻳﯘﻗﯩﺮﯨﻘﻰ ﺗﻮﺕ ﺧﯩﻞ ﺋﺎﻣﯩﻞ ﺋﺎﺩﻩﺗﺘﻪ ﺑﯩﺮ ﺑﯩﺮﻯ ﺑﯩﻠﻪﻥ ﻛﯩﺮﯨﺸﯩﭗ ﻛﯧﺘﯩﺪﯗ، ﮬﺎﺯﯨﺮﻗﻰ ﺯﺍﻣﺎﻧﻨﯩﯔ ﺋﻮﻣﯘﻣﯩﻲ ﮬﺎﻟﯩﺘﯩﺪﯨﻦ ﻗﺎﺭﯨﻐﺎﻧﺪﺍ 3-ﯞﻩ4-ﺋﺎﻣﯩﻠﻨﯩﯔ ﻣﻪﺩﻩﻧﯩﻴﻪﺕ ﮔﻪﯞﺩﯨﺴﯩﮕﻪ ﻛﻮﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﺑﻪﻛﺮﻩﻙ ﮔﻪﯞﺩﯨﻠﯩﻚ ﺑﻮﻟﻤﺎﻗﺘﺎ.
ﻗﯩﺴﻘﯩﺴﻰ، ﻣﻪﺩﻩﻧﯩﻴﻪﺕ ﺑﯩﺮ ﺟﻪﻣﯩﺌﻪﺗﻨﯩﯔ ﮬﻪﻗﯩﻘﯩﻲ ﻗﯩﻤﻤﻪﺗﻜﻪ ﺋﯩﮕﻪ ﻣﻪﺯﻣﯘﻧﯩﺪﯨﻦ ﺋﯩﺒﺎﺭﻩﺕ، ﻣﻪﺯﻣﯘﻧﺴﯩﺰ ﮔﻪﯞﺩﻩ ﮬﯧﭽﻨﯩﻤﯩﮕﻪ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ، ﺋﯚﺯ ﻣﻪﺩﻩﻧﯩﻴﯩﺘﯩﺪﯨﻦ ﺋﺎﻳﺮﯨﻠﻐﺎﻥ ﺟﻪﻣﯩﺌﻴﻪﺕ، ﻳﯘﻗﺎﻟﻐﺎﻥ ﺟﻪﻣﯩﺌﻴﻪﺕ، ﮔﻪﺭﭼﻪ ﺋﺎﺩﻩﻣﻠﯩﺮﻯ ﺗﯩﺮﯨﻚ ﻳﯜﺭﺳﯩﻤﯘ.
ﺋﻪﻣﺪﻯ ﺗﻮﺧﺘﯩﻠﯩﺪﯨﻐﯩﻨﯩﻤﯩﺰ ﻣﻪﯞﺟﯘﺗﻠﯘﻗﻨﯩﯔ 3-ﻣﯘﮬﯩﻢ ﺋﺎﻣﯩﻠﻰ ﮬﯘﻗﯘﻕ.
ﺭﻭﺷﻪﻧﻜﻰ، ﺋﺎﺩﻩﻡ ﻳﻪﻛﻜﻪ - ﻳﯩﮕﺎﻧﻪ ﮬﺎﻟﺪﺍ ﻳﺎﺷﺎﻳﺪﯨﻐﺎﻥ ﻣﻪﺧﻠﯘﻕ ﺋﻪﻣﻪﺱ، ﺑﻪﻟﻜﻰ ﺋﯘ ﺑﯩﺮ ﺋﯩﺠﺘﯩﻤﺎﺋﯩﻲ ﺳﯩﻴﺎﺳﯩﻲ ﻣﻪﺧﻠﯘﻕ، ﺋﯩﻨﺴﺎﻧﻨﯩﯔ ﺑﯩﺮ ﺋﯩﺠﺘﯩﻤﺎﺋﯩﻲ ﮔﻪﯞﺩﯨﺴﯩﻨﯩﯔ ﺑﯩﺮ ﺋﻪﺯﺍﺳﻰ ﺑﻮﻟﯘﭖ ﻳﺎﺷﯩﺸﻰ ﺋﯘﻧﯩﯔ ﺳﯩﻴﺎﺳﻲ ﺳﺎﻻﻣﻪﺗﻜﻪ ﺋﯩﮕﻪ ﺑﯩﺮ ﺑﯩﺮﻟﯩﻚ ﺑﻮﻟﯘﺷﻰ ﺑﻪﻟﮕﯩﻠﻪﻧﮕﻪﻥ. ﺋﺎﺩﻩﻣﻠﻪﺭ ﺋﺎﺭﯨﺴﯩﺪﯨﻜﻰ ﻣﯘﺭﻩﻛﻜﻪﭖ ﺋﯩﺠﺘﯩﻤﺎﺋﻰ ﻣﯘﻧﺎﺳﯩﯟﻩﺕ ﻳﺎﻛﻰ ﺋﯩﻨﺴﺎﻧﻼﺭﺩﯨﻜﻰ ﺑﺎﺷﻘﯘﺭﯗﺵ ﺑﺎﺷﻘﯘﺭﯗﻟﯘﺵ، ﮬﯚﻛﯜﻣﯩﺮﺍﻧﻠﯩﻖ ﻗﯩﻠﯩﺶ، ﻗﯩﻠﯩﻨﯩﺶ ﻣﯘﻧﺎﺳﯩﯟﯨﺘﻰ ﮬﻪﺭ ﺑﯩﺮ ﺋﺎﺩﻩﻣﮕﻪ ﺋﯚﺯﯨﮕﻪ ﺧﺎﺱ ﺑﯩﺮ ﺋﯩﺠﺘﯩﻤﺎﺋﯩﻲ ﺑﻮﺷﻠﯘﻕ ﻳﺎﺭﺍﺗﻘﺎﻥ، ﺑﯘﻧﻰ ﺋﯩﻨﺴﺎﻧﻼﺭﻧﯩﯔ ﺳﯩﻴﺎﺳﯩﻲ ﭘﺎﺋﺎﻟﯩﻴﯩﺘﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ. ﻣﺎﻧﺎ ﺑﯘ ﺋﯩﺠﺘﯩﻤﺎﺋﯩﻲ ﺑﻮﺷﻠﯘﻕ ﺋﯩﭽﯩﺪﯨﻜﻰ ﺋﻪﯓ ﻣﯘﮬﯩﻢ ﻗﻮﺭﺍﻝ ﺷﯘ ﺑﻮﺷﻠﯘﻗﻘﺎ ﻻﻳﯩﻘﻼﺷﻘﺎﻥ ﮬﻮﻗﯘﻗﺘﯩﻦ ﺋﯩﺒﺎﺭﻩﺕ.
ﮬﻪﺭ ﺑﯩﺮ ﻳﻪﻛﻜﻪ ﺷﻪﺧﯩﺴﻨﯩﯔ ﺑﻪﮬﺮﯨﻤﻪﻥ ﺑﻮﻟﻐﺎﻥ ﮬﯘﻗﯘﻕ ﺷﯘ ﺷﻪﺧﺴﻨﯩﯔ، ﺷﯘ ﺋﯩﺠﺘﯩﻤﺎﺋﯩﻲ ﮔﻪﯞﺩﻩ ﺋﯩﭽﯩﺪﯨﻜﻰ ﺳﯩﻴﺎﺳﯩﻲ ﺳﺎﻻﮬﻴﺘﯩﻨﻰ، ﺋﯩﺠﺪﯨﻤﺎﺋﯩﻲ ﺋﻮﺭﻧﯩﻨﻰ ﺑﻪﻟﮕﯩﻠﻪﻳﺪﯗ، ﺑﯘ ﺋﯘﺭﯗﻥ ﺑﻮﻟﺴﺎ، ﺷﯘ ﺷﻪﺧﺴﻨﯩﯔ ﭘﺎﺋﺎﻟﯩﻴﻪﺕ ﺋﻪﺭﻛﯩﻨﻠﯩﻜﯩﻨﯩﯔ ﭼﯩﯔ ﭼﯧﮕﺮﯨﺴﯩﻨﻰ ﻛﯚﺭﺳﯩﺘﯩﭗ ﺑﯩﺮﯨﺪﯗ، ﻳﻪﻧﻪ ﺑﯩﺮ ﻗﯧﺘﯩﻢ ﺋﻪﺳﻜﻪﺭﺗﯩﺶ ﺯﯛﺭﯛﺭﻛﻰ، ﻣﻪﻥ ﺑﺎﺷﺘﯩﻼ ﺗﯩﻠﻐﺎ ﺋﺎﻟﻐﺎﻥ ﻣﻪﯞﺟﯘﺗﻠﯘﻗﻨﯩﯔ ﻣﻪﻧﯩﺴﯩﻨﻰ ﺷﻪﺭﮬﻠﯩﮕﻪﻧﺪﻩ «ﺑﯘ ﻣﻪﯞﺟﯘﺗﻠﯘﻕ ﻣﻪﻳﻠﻰ ﺧﺎﻥ، ﻣﻪﻳﻠﻰ ﻗﯘﻝ ﺑﻮﻟﺴﯘﻥ، ﺋﯩﺸﻘﯩﻠﯩﭗ ﺋﯚﻟﯜﭖ ﻗﺎﻟﻤﯩﻐﺎﻧﻼ ﮔﻪﯞﺩﯨﮕﻪ ﻗﺎﺭﯨﺘﯩﻠﻐﺎﻥ»، ﺩﯦﮕﻪﻧﯩﺪﯨﻢ، ﺑﯘﻧﯩﯖﺪﯨﻦ ﺷﯘﻧﻰ ﺑﯩﻠﻤﻪﻙ ﻗﯩﻴﯩﻦ ﺋﻪﻣﻪﺳﻜﻰ، ﻣﻪﻟﯘﻡ ﺑﯩﺮ ﻗﻮﯞﻣﻨﯩﯔ ﺑﺎﺷﻘﯩﻼﺭﻧﯩﯔ ﮬﯚﺭﻣﯩﺘﯩﮕﻪ ﺋﯧﺘﺮﺍﭖ ﻗﯩﻠﯩﺸﯩﺸﯩﻐﺎ ﺋﯧﺮﯨﺸﯩﺸﻰ ﺋﻮﺭﯗﻧﺪﺍ ﺑﺎﺭﺍﯞﻩﺭ ﺑﻮﻻﻟﯩﺸﻰ ﺩﻩﻝ ﺋﻮﻻﺭ ﺑﻪﮬﺮﯨﻤﻪﻥ ﺑﻮﻟﯩﯟﺍﺗﻘﺎﻥ ﮬﯘﻗﯘﻗﻨﯩﯔ ﺧﺎﺭﺍﻛﺘﯩﺮﻯ ﺩﻩﺭﯨﺠﯩﺴﻰ ﻛﯚﻟﯩﻤﻰ ﺗﻪﺭﯨﭙﯩﺪﯨﻦ ﺑﻪﻟﮕﯜﻟﯩﻨﯩﺪﯗ.
ﮬﻮﻗﯘﻗﻘﺎ ﺑﻮﻟﻐﺎﻥ ﭼﯘﺷﻪﻧﭽﻪ ﺗﺎﺭﯨﺨﺘﯩﻦ ﺑﯘﻳﺎﻥ ﮬﻪﺭﺧﯩﻞ ﺑﻮﻟﯜﭖ ﻛﻪﻟﺪﻯ، ﺗﺎ ﺑﯜﮔﯜﻧﮕﻪ ﻗﻪﺩﻩﺭ ﭘﯘﺗﯜﻥ ﺩﯗﻧﻴﺎ ﺧﻪﻟﻘﻰ ﺋﻮﺭﺗﺎﻕ ﺋﯧﺘﺮﺍﭖ ﻗﯩﻠﯩﺪﯨﻐﺎﻥ ﻣﯘﻗﯩﻢ ﺑﯩﺮ ﺋﯚﻟﭽﻪﻣﻠﯩﻚ ﮬﻮﻗﯘﻕ ﭼﯜﺷﻪﻧﭽﯩﺴﻰ ﻣﻪﻳﺪﺍﻧﻐﺎ ﻛﻪﻟﮕﯩﻨﻰ ﻳﻮﻕ. ﺋﻮﺧﺸﯩﻤﯩﻐﺎﻥ ﻣﻪﺩﻩﻧﯩﻴﻪﺕ، ﺋﻮﺧﺸﯩﻤﯩﻐﺎﻥ ﺋﯩﺪﯦﺌﻮﻟﻮﮔﯩﻴﻪ، ﺋﻮﺧﺸﯩﻤﯩﻐﺎﻥ ﺋﯩﺠﺘﯩﻤﺎﺋﯩﻲ ﺗﯜﺯﯛﻣﮕﻪ ﺗﻪﯞﻩ ﻗﻪﯞﻣﻠﻪﺭﻧﯩﯔ ﮬﻪﻣﻤﯩﺴﯩﻨﯩﯔ ﺋﯚﺯ ﺋﺎﻟﺪﯨﻐﺎ ﮬﻮﻗﯘﻕ ﮬﻪﻗﻘﯩﺪﯨﻜﻰ ﺑﯩﺮ ﻗﺎﺗﺎﺭ، ﺑﯩﺮ - ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﭼﯜﺷﻪﻧﭽﯩﻠﻪﺭ ﺑﺎﺭ. ﻣﻪﻟﯘﻡ ﻧﻮﻗﺘﯩﺪﯨﻦ ﮬﻮﻗﯘﻕ ﮬﻪﻗﻘﯩﺪﯨﻜﻰ ﺋﻮﺧﺸﯩﻤﺎﻳﺪﯨﻐﺎﻥ ﭼﯜﺷﻪﻧﭽﯩﻠﻪﺭ ﻳﯘﻗﯩﺮﯨﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ ﺋﻮﺧﺸﯩﻤﯩﻐﺎﻥ ﺋﯩﺠﺘﯩﻤﺎﺋﯩﻲ ﺳﯩﻴﺎﺳﯩﻲ ﻣﯘﮬﯩﺖ ﺋﺎﺳﺘﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺑﻪﮬﺮﯨﻤﻪﻥ ﺑﻮﻟﯩﺪﯨﻐﺎﻥ ﺋﻪﺭﻛﯩﻨﻠﯩﻚ ﯞﻩ ﺋﺎﺩﺍ ﻗﯩﻠﯩﺪﯨﻐﺎﻥ ﻣﻪﺟﺒﯘﺭﯨﻴﻪﺗﻠﻪﺭﻧﯩﯔ ﺋﻮﻣﯘﻣﯩﻲ ﺭﺍﻣﻜﯩﺴﯩﻨﻰ ﺑﻪﻟﮕﯩﻠﯩﮕﻪﻥ ﺷﯘﻧﺪﺍﻗﻼ ﮬﺎﺯﯨﺮﻗﻰ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﻰ ﺋﯩﺨﺘﯩﻼﭘﻼﺭﻧﯩﻤﯘ ﻛﻪﻟﺘﯘﺭﯛﭖ ﭼﯩﻘﺎﺭﻏﺎﻥ ﺩﻩﭖ ﺋﯧﻴﺘﯩﺸﻘﺎ ﺑﻮﻟﯩﺪﯗ، ﺑﻮﻟﯘﭘﻤﯘ ﮬﻮﻗﯘﻕ ﮬﻪﻗﻘﯩﺪﯨﻜﻰ ﭼﯘﺷﻪﻧﭽﯩﺪﻩ ﺷﻪﺭﻕ ﺑﯩﻠﻪﻥ ﻏﻪﺭﺏ ﭘﯜﺗﯜﻧﻠﻪﻱ ﺋﻮﺧﺸﯩﻤﺎﻳﺪﯨﻐﺎﻥ ﻗﺎﺭﺍﺷﻘﺎ ﺋﯩﮕﻪ.
ﻏﻪﺭﺑﻠﯩﻜﻠﻪﺭ ﻧﻪﺯﯨﺮﯨﺪﻩ ﺷﻪﻳﺌﯩﻠﻪﺭ ﭘﯘﺗﯘﻧﻠﻪﻱ ﮬﺎﻛﯩﻢ ﻣﯘﺗﻠﻪﻕ، ﻣﯘﺳﺘﻪﺑﯩﺖ ﺷﻪﺧﺴﻨﯩﯔ ﮬﻮﻗﯘﻗﻰ ﻣﯘﺗﻠﻪﻕ ﻛﺎﭘﺎﻟﻪﺗﻜﻪ ﺋﯩﮕﻪ ﺋﻪﻣﻪﺱ ﺑﯘ ﻳﻪﺭﺩﻩ ﻛﻮﻟﻠﯩﻜﺘﯩﭙﻨﯩﯔ ﮬﯘﻗﯘﻗﻰ ﭼﻪﻛﺴﯩﺰ، ﺷﻪﺧﺲ ﮬﻪﺭ ﯞﺍﻗﯩﺖ ﻛﻮﻟﻠﯧﻜﺘﯩﭗ ﺋﯜﭼﯜﻥ ﺋﯚﺯﯨﻨﯩﯔ ﮬﯘﻗﯘﻗﯩﺪﯨﻦ ﯞﺍﺯ ﻛﯧﭽﯩﺸﻰ، ﻛﻮﻟﻠﯧﻜﺘﯩﭗ ﺋﯜﭼﯜﻥ ﺋﯚﺯﯨﻨﯩﯔ ﮬﻪﻣﻤﻪ ﻧﯧﻤﯩﺴﯩﻨﻰ ﺗﻪﻗﺪﯨﻢ ﻗﯩﻠﯩﺸﻰ ﻛﯧﺮﻩﻙ. ﻛﻮﻟﻠﯩﻜﺘﯩﭗ ﺷﻪﺧﺴﻨﯩﯔ ﺋﻪﺭﻛﯩﻨﯩﻠﯩﻜﻰ، ﮬﯘﻗﯘﻗﻰ، ﺋﯩﻘﺘﯩﺪﺍﺭﯨﻨﻰ ﺑﯘﻏﯘﯞﺍﻟﻐﺎﻥ ﻛﻮﻟﻠﯧﻜﺘﯩﭗ ﺋﺎﻟﺪﯨﺪﺍ ﺷﻪﺧﯩﺲ ﮬﯧﭽﻨﯩﻤﯩﮕﻪ ﺋﻪﺭﺯﯨﻤﻪﻳﺪﯗ. ﭘﯘﻗﺮﺍﻟﯩﺮﯨﻨﯩﯔ ﻣﻪﺟﺒﯘﺭﯨﻴﺘﻰ ﺋﻮﻻﺭﻧﯩﯔ ﮬﻮﻗﯘﻗﯩﺪﯨﻦ ﺑﻪﻛﺮﻩﻙ ﺗﻪﻛﯩﺘﻠﯩﻨﯩﺪﯗ. . .
ﺷﻪﺭﻗﻠﯩﻘﻠﻪﺭﻧﯩﯔ ﻧﻪﺯﯨﺮﯦﺪﻩ ﺑﻮﻟﺴﺎ، ﻏﻪﺭﺏ ﺷﻪﺧﯩﺴﻨﯩﯔ ﮬﻮﻗﯘﻗﻨﻰ ﮬﻪﺩﺩﯨﺪﯨﻦ ﺯﯨﻴﺎﺩﻩ ﺗﻪﻛﯩﺘﻠﻪﭖ، ﺋﯘﻧﻰ ﻣﯘﻗﻪﺩﺩﻩﺱ ﺩﻩﺧﻠﯩﺴﯩﺰ ﺋﯘﺭﯗﻧﻐﺎ ﻗﻮﻳﻐﺎﻥ، ﻛﻮﻟﻠﯧﻜﺘﯩﭙﻨﯩﯔ ﮬﯘﻗﯘﻗﻰ ﻧﻪﺯﻩﺭﺩﯨﻦ ﺳﺎﻗﯩﺖ ﻗﻠﯩﻨﻐﺎﻥ. ﺷﯘ ﺳﻪﯞﻩﺑﺘﯩﻦ ﺟﻪﻣﺌﻴﻪﺗﺘﻪ ﺷﻪﺧﺴﯩﻴﻪﺗﭽﯩﻠﯩﻚ، ﻣﻪﻧﭙﻪﺋﻪﺗﭙﻪﺭﻩﺳﻠﯩﻚ ﺋﻪﺟﻪﻟﻠﯩﻚ ﺋﯩﺪﯨﻴﻠﻪﺭ ﺋﻪﯞﺝ ﺋﺎﻟﻐﺎﻥ، ﮬﻮﻗﯘﻕ ﺑﻪﻛﻼ ﺗﻪﻛﯩﺘﻠﯩﻨﯩﭗ ﻣﻪﺟﺒﯘﺭﯨﻴﻪﺗﻜﻪ ﺳﻪﻝ ﻗﺎﺭﺍﻟﻐﺎﻥ، ﻛﻮﻟﻠﯧﻜﺘﯩﯟﯨﺰﯨﻤﻠﯩﻖ ﺭﻭﮬﻰ ﻳﯘﻗﺎﭖ، ﺟﻪﻣﺌﯩﻴﻪﺗﻨﯩﯔ ﺋﯘﻳﯘﺷﯘﺵ ﻛﯜﭼﻰ ﺋﺎﺟﯩﺰﻟﯩﻐﺎﻥ . . . . . . .
ﺋﻪﻟﯟﻩﺗﺘﻪ، ﺋﻮﺧﺸﯩﻤﯩﻐﺎﻥ ﭼﯜﺷﻪﻧﭽﯩﻠﻪﺭﻧﯩﯔ ﺑﻮﻟﯘﺷﻨﻰ ﺳﯜﺭﯛﺷﺘﯜﺭﯛﭖ ﻛﻪﻟﮕﻪﻧﺪﻩ، ﻳﻪﻧﻪ ﺷﯘ ﺋﯩﻜﻜﻰ ﺟﺎﻳﻨﯩﯔ ﻣﻪﺩﻩﻧﯩﻴﻪﺕ ﭘﻪﺭﻗﯩﺪﯨﻦ ﻛﻪﻟﮕﻪﻥ، ﻣﻪﻳﻠﻰ ﮬﺎﺯﯨﺮ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺑﯩﺮﻩﺭ ﭼﯜﺷﻪﻧﭽﻪ ﺗﯧﺨﻰ ﻣﻪﻳﺪﺍﻧﻐﺎ ﻛﻪﻟﻤﯩﮕﻪﻥ ﺑﻮﻟﺴﯩﻤﯘ ﻳﺎﻛﻰ ﮬﻪﺭ ﻗﺎﻳﺴﻰ ﺋﻪﻝ ﺧﻪﻟﻘﻠﯩﺮﻯ ﺋﺎﺭﺳﯩﺪﺍ ﺑﯘ ﮬﻪﻗﺘﻪ ﺭﻭﺷﻪﻥ ﺋﯩﺨﺘﯩﻼﭘﻼﺭ ﺑﻮﻟﺴﯘﻥ، ﺷﯘﻧﯩﺴﻰ ﺋﯧﻨﯩﻘﻜﻰ، ﺩﯗﻧﻴﺎﺩﯨﻜﻰ ﮬﻪﺭ ﻗﺎﻧﺪﺍﻕ ﺑﯩﺮ ﺷﻪﺧﯩﺲ ﻳﺎﻛﻰ ﺟﻪﻣﯩﺌﻴﻪﺕ ﻣﯘﺋﻪﻳﻴﻪﻥ ﺑﯩﺮ ﮬﻮﻗﯘﻕ ﮬﺎﻟﯩﺘﯩﻨﻰ ﺋﯩﭽﯩﺪﻩ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯨﺪﯗ، (ﻣﻪﻳﻠﻰ ﺑﯘ ﺧﯩﻞ ﮬﯘﻗﯘﻕ ﮬﺎﻟﯩﺘﯩﻨﯩﯔ ﺩﻩﺭﯨﺠﯩﺴﻰ، ﺧﺎﺭﺍﻛﺘﯧﺮﻯ ﻗﺎﻧﺪﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ ) ﺋﯘﻻﺭﻧﯩﯔ ﻣﻪﯞﺟﯘﺗﻠﯘﻗﯩﻨﻰ ﺷﯘ ﮬﻮﻗﯘﻕ ﺋﺎﻳﺮﯨﭗ ﺗﻪﺳﻪﯞﯞﯗﺭ ﻗﯩﻠﻐﯩﻠﯩﻤﯘ، ﭼﯘﺷﻪﻧﮕﯩﻠﯩﻤﯘ ﺑﻮﻟﻤﺎﻳﺪﯗ، ﮬﻮﻗﯘﻗﺴﯩﺰ ﺋﯘﻻﺭﻣﯘ ﻣﻪﯞﺟﯘﺕ ﺑﻮﻟﯘﭖ ﺗﯘﺭﺍﻟﻤﺎﻳﺪﯗ.
ﻣﻪﻟﯘﻣﻜﻰ، ﺋﯩﻨﺴﺎﻥ ﺧﯘﺩﺩﻯ ﺋﺎﺭﯨﺴﺘﻮﺗﯩﻞ ﺋﯧﻴﺘﻘﺎﻧﺪﻩﻙ ﺑﯩﺮ ﺳﯩﻴﺎﺳﯩﻲ ﻣﻪﺧﻠﯘﻕ، ﺋﯘ ﺩﯙﻟﻪﺕ ﺟﻪﻣﯩﺌﯩﻴﻪﺕ ﺩﯦﮕﻪﻧﺪﻩﻙ ﺑﻪﻟﮕﯩﻠﯩﻚ ﺳﯩﻴﺎﺳﯩﻲ ﻛﺎﺗﮕﻮﺭﯨﻴﯩﻠﻪﺭﺩﻩ ﻳﺎﺷﺎﻳﺪﯗ، ﺑﯘ ﺳﯩﻴﺎﺳﯩﻲ ﻛﺎﺗﮕﻮﺭﯨﻴﯩﻠﻪﺭ ﺷﻪﺧﺴﻜﻪ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﮬﻮﻗﯘﻕ ﺑﯧﺮﯨﺪﯗ، ﺋﯘﻧﯩﯔ ﺳﯩﻴﺎﺳﯩﻲ ﺳﺎﻻﮬﯩﻴﯩﺘﯩﻨﻰ ﺑﻪﻟﮕﯩﻠﻪﻳﺪﯗ، ﺑﯘ ﻳﻪﺭﺩﯨﻜﻰ ﺳﯩﻴﺎﺳﯩﻲ ﺳﺎﻻﮬﯩﻴﻪﺕ ﻣﺎﮬﯩﻴﻪﺗﺘﻪ ﺷﯘ ﺷﻪﺧﺴﻨﯩﯔ ﺑﻪﮬﺮﯨﻤﻪﻥ ﺑﻮﻟﯩﺪﯨﻐﺎﻥ ﮬﻮﻗﯘﻕ ﻣﻪﺟﺒﯘﺭﯨﻴﯩﺘﯩﻨﯩﯔ ﺩﺍﺋﯩﺮﯨﺴﻰ، ﺧﺎﺭﺍﻛﺘﯩﺮﯨﮕﻪ ﺋﺎﺳﺎﺳﻪﻥ ﺋﯧﻴﺘﯩﻠﻐﺎﻥ. ﺑﻮﻟﯘﭘﻤﯘ ﺑﯜﮔﯜﻧﻜﻰ ﺩﯗﻧﻴﺎﺩﺍ ﺑﻪﻟﮕﯩﻠﯩﻚ ﺩﯙﻟﻪﺕ ﺗﻪﯞﻩﻟﯩﻜﻰ ﻳﻮﻕ ﺋﺎﺩﻩﻣﻠﻪﺭ ﺋﺎﺳﺎﺳﻪﻥ ﺩﯦﮕﯜﺩﻩﻙ ﻳﻮﻕ(ﭘﻪﻗﻪﺕ ﻳﺎﯞﺍﻳﻰ ﺋﺎﺩﻩﻣﻠﻪﺭﺩﯨﻦ ﺳﯩﺮﺕ) ﺋﺎﺩﻩﻣﻠﻪﺭ ﺩﻩﻝ ﺷﯘ ﺩﯙﻟﻪﺕ ﺋﯩﭽﯩﺪﻩ ﻳﺎﺷﺎﻳﺪﯗ، ﭘﺎﺋﺎﻟﯩﻴﻪﺕ ﻗﯩﻠﯩﺪﯗ، ﺩﯙﻟﻪﺕ ﺷﻪﺧﺴﻨﯩﯔ ﺷﯘ ﺩﯙﻟﻪﺕ ﭘﯘﻗﺮﺍﻟﯩﻖ ﺳﺎﻻﮬﯩﻴﺘﯩﻨﻰ، ﺋﯘﻧﯩﯔ ﺷﯘ ﺩﯙﻟﯩﺘﯩﻨﯩﯔ ﻗﺎﻧﯘﻧﯩﺪﺍ ﺑﻪﻟﮕﯩﻠﻪﻧﮕﻪﻥ ﮬﻮﻗﯘﻕ ﻣﻪﺟﺒﯘﺭﯨﻴﻪﺗﻠﯩﺮﻯ ﺋﺎﺭﻗﯩﻠﯩﻖ ﺑﻪﻟﮕﯩﻠﻪﭖ ﺑﯧﺮﯨﺪﯗ. ﻳﻪﻧﻰ ﺋﯘﻧﯩﯔ ﭘﯘﻗﺮﺍ ﺳﺎﻻﮬﯩﻴﯩﺘﯩﺪﯨﻜﻰ ﻗﺎﻧﯘﻧﻠﯘﻕ ﭘﺎﺋﺎﻟﯩﻴﻪﺕ ﭼﯩﮕﺮﯨﺴﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯗ، ﺑﯘ ﭘﻪﻗﻪﺕ ﺷﯘ ﺩﯙﻟﻪﺕ ﺋﯩﭽﯩﺪﯨﻜﻰ ﺷﻪﺧﺴﻜﻪ ﻧﯩﺴﺒﻪﺗﻪﻥ ﺋﻮﻣﯘﻣﻴﯜﺯﻟﯘﻙ ﺋﻮﺭﺗﺎﻕ ﺑﻮﻟﯩﺪﯗ، ﺋﻪﻣﻤﺎ ﭘﯘﻗﺮﻻﺭﺍﻧﯩﯔ ﺷﯘ ﺩﯙﻟﻪﺗﻨﯩﯔ ﺋﻮﺧﺸﯩﻤﯩﻐﺎﻥ ﺳﺎﮬﻪﻟﯩﺮﯨﺪﯨﻜﻰ ﺋﻮﺭﻧﻰ، ﺋﯘﻻﺭﻏﺎ ﻳﻪﻧﻪ ﻧﯘﺭﻏﯘﻧﻠﯩﻐﺎﻥ ﺋﺎﻳﺮﯨﻢ - ﺋﺎﻳﺮﯨﻢ ﺳﺎﻻﮬﯩﻴﻪﺕ، ﮬﯘﻗﯘﻕ ﺋﻪﻛﯧﻠﯩﺪﯗ، ﺩﯙﻟﻪﺗﻨﯩﯔ ﻳﻪﻧﻪ ﺋﻮﺧﺸﯩﻤﯩﻐﺎﻥ ﺭﺍﻳﯘﻧﻼﺭﻏﺎ ﻧﯩﺴﺒﻪﺗﻪﻥ ﺗﯜﺯﮔﻪﻥ ﻗﺎﻧﯘﻥ - ﺳﯩﻴﺎﺳﻪﺗﻠﯩﺮﻯ ﺑﻮﻟﯩﺪﯗ، ﺑﯘﻻﺭ ﺷﯘ ﺭﺍﻳﻮﻥ ﺧﻪﻟﻘﯩﻨﯩﯔ ﺳﯩﻴﺎﺳﯩﻲ ﮬﺎﻟﯩﺘﯩﻨﻰ ﺑﻪﻟﮕﯩﻠﻪﭖ ﺑﯧﺮﯨﺪﯗ، ﮬﻮﻗﯘﻗﻨﻰ ﺋﯧﻨﯩﻖ ﺑﻪﻟﮕﯩﻠﻪﭖ ﺑﯧﺮﯨﺸﺘﯩﻜﻰ ﺋﯩﭽﻜﻰ ﺳﻪﯞﻩﭖ ﺷﯘﻛﻰ، ‹‹ﺋﺎﺩﻩﻣﻠﻪﺭ ﺗﻮﻏﺮﺍ ﺋﯩﺸﻨﯩﻤﯘ، ﺧﺎﺗﺎ ﺋﯩﺸﻨﯩﻤﯘ، ﻗﺎﻧﯘﻧﻠﯘﻕ ﺋﯩﺸﻨﯩﻤﯘ، ﻗﺎﻧﯘﻧﺴﯩﺰ ﺋﯩﺸﻨﯩﻤﯘ ﻗﯩﻠﯩﺪﯗ››، ﺷﯘﯕﻼﺷﻘﺎ ﺋﯘﻻﺭﻏﺎ ﻗﯩﻠﯩﺪﯨﻐﺎﻥ ﺋﯩﺶ ﺑﯩﻠﻪﻥ ﻗﯩﻠﻤﺎﻳﺪﯨﻐﺎﻥ ﺋﯩﺸﻨﻰ، ﻗﺎﻧﯘﻧﻠﯘﻕ ﺋﯩﺶ ﺑﯩﻠﻪﻥ ﻗﺎﻧﯘﻧﺴﯩﺰ ﺋﯩﺸﻨﻰ ﻛﯚﺭﺳﯩﺘﯩﭗ ﺑﯩﺮﯨﺶ ﺋﯩﺠﺘﯩﻤﺎﺋﻰ ﺗﻪﺭﺗﯩﭙﻨﻰ ﺗﯩﻨﭻ ﺳﺎﻗﻼﺵ ﺯﯛﺭﯛﺭﯨﻴﻪﺗﻜﻪ ﺋﺎﻳﻠﯩﻨﯩﭗ ﻗﺎﻟﯩﺪﯗ . ﺷﯘﯕﻼﺷﻘﺎ، ﺑﯩﺮ ﻗﺎﺗﺎﺭ ﻗﺎﻧﯘﻥ - ﭘﺮﯨﻨﺴﯩﭙﻼﺭ ﺋﺎﺭﻗﯩﻠﯩﻖ ﺋﯘﻻﺭﻧﯩﯔ ﮬﻮﻗﯘﻕ ﺩﺍﺋﯩﺮﯨﺴﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺸﻜﻪ ﺗﻮﻏﺮﺍ ﻛﯧﻠﯩﺪﯗ . (ﺑﯘ ﻳﻪﺭﺩﻩ ﻧﺎﮬﺎﻳﯩﺘﻰ ﺑﯩﺮ ﻣﯘﮬﯩﻢ ﻣﻪﺳﯩﻠﻪ ﺷﯘﻛﻰ، ﻛﯩﻢ ﻛﯩﻤﮕﻪ ﺳﯩﺰﻧﻰ ﺑﻪﻟﮕﯩﻠﻪﭖ ﺑﯧﺮﯨﺪﯗ ؟ ﺑﻪﻟﮕﯩﻠﻪﭖ ﺑﻪﺭﮔﯜﭼﯩﺪﯨﻜﻰ ﺑﻪﻟﮕﯩﻠﻪﺵ ﮬﻮﻗﯘﻗﻰ ﻧﻪﺩﯨﻦ ﻛﻪﻟﮕﻪﻥ؟ ﺋﻪﮔﻪﺭ ﮬﯚﻛﯜﻣﯩﺮﺍﻧﻼﺭ ﺑﻪﻟﮕﯩﻠﯩﺴﻪ، ﺋﯘ ﮬﺎﻟﺪﺍ ﮬﯚﻛﯜﻣﺮﺍﻧﻼﺭﻧﯩﯔ ﻻﻳﺎﻗﯩﺘﯩﻨﻰ ﻛﯩﻢ ﺑﻪﻟﮕﯩﻠﯩﮕﻪﻥ؟ ﻛﯩﻢ ﺋﯧﺘﯩﺮﺍﭖ ﻗﯩﻠﻐﺎﻥ؟ ﺋﻪﻟﯟﻩﺗﺘﻪ، ﺑﯩﺰﻧﯩﯔ ﮬﺎﺯﯨﺮﻗﻰ ﻣﯘﻻﮬﯩﺰﯨﻤﯩﺰ ﺑﯘ ﻣﻪﺳﯩﻠﯩﻠﻪﺭ ﮬﻪﻗﻘﯩﺪﻩ ﺋﻪﻣﻪﺱ) ﺩﻩﻝ ﺷﯘ ﻛﯚﺭﺳﯩﺘﯩﭗ ﺑﯧﺮﯨﻠﮕﻪﻥ ﺩﺍﺋﯩﺮﻩ ﺋﺎﺩﻩﻣﻠﻪﺭﻧﯩﯔ ﻗﺎﻧﯘﻧﻠﯘﻕ، ﺋﻪﺭﻛﯩﻦ ﭘﺎﺋﺎﻟﯩﻴﻪﺕ ﻗﯩﻠﯩﺪﯨﻐﺎﻥ ﺩﺍﺋﯩﺮﯨﺴﻰ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ.
ﻧﯧﻤﯩﺸﻘﺎ ﺑﯩﺰ ﺑﯘﻳﻪﺭﺩﻩ «ﭘﺎﺋﺎﻟﯩﻴﻪﺕ» ﺩﯦﮕﻪﻥ ﺋﯘﻗﯘﻣﻨﻰ ﺋﺎﻻﮬﯩﺪﻩ ﺗﯩﻠﻐﺎ ﺋﺎﻟﯩﻤﯩﺰ؟ ﭼﯜﻧﻜﻰ، ﺑﯩﺮ ﺷﻪﺧﺴﻨﯩﯔ ﻳﺎﻛﻰ ﺑﯩﺮ ﺟﻪﻣﺌﯩﻴﻪﺗﻨﯩﯔ ﻣﻪﯞﺟﯘﺗﻠﯘﻗﻰ ﯞﻩ ﺗﻪﺭﻩﻗﻘﯩﻴﺎﺗﻰ ﺷﯘﻻﺭﻧﯩﯔ ﭘﺎﺋﺎﻟﯩﻴﯩﺘﯩﻨﻰ ﮬﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭺ ﻗﯩﻠﯩﺪﯗ، ﺷﯘ ﭘﺎﺋﺎﻟﯩﻴﻪﺗﻨﯩﯔ ﭼﻪﻛﻠﯩﻤﯩﺴﯩﺰ، ﺗﻮﺳﻘﯘﻧﯩﺴﯩﺰ ﺋﯧﻠﯩﭗ ﺑﯧﺮﯨﻠﯩﺸﻰ ﮬﻪﻣﺪﻩ ﭘﺎﺋﺎﻟﯩﻴﻪﺗﻨﯩﯔ ﺩﺍﺋﯩﺮﯨﺴﻰ، ﻣﻪﯞﺟﯘﺗﻠﯘﻕ ﺗﻪﺭﻩﻗﻘﯩﻴﺎﺗﻘﺎ ﺑﯩﺮ ﻗﺎﺗﺮﯨﭙﻘﺎﺵ ﺯﺗﯩﻤﺎﺋﻰ ﺑﯩﻠﻪﻧﺸﻨﯩﻤﯘ ﻗﯩﻠﯩﺪﯗﻩﻟﮕﯩﻠﻪﭖ ﺑﯩﺮﯨﺸﺘﯩﻜﻰ ﺋﯩﭽﻜﻰ ﺳﻪﯞﻩﭖ ﺷﯘﻛﻰ ،ﺋﺎﺩﻩﻣﻠﻪﺭ ﺗﻮﻏﺮﺍ ﺋﯩﺸﻨﯩﻤﯘ ،ﺧﺎﺗﺎ .ﻳﻪﻧﻪ ﻧﯘﺭﻏﯘﻧﻠﯩﻐﻐﺎﻳﻪﺕ ﻣﯘﮬﯩﻢ ﺗﻪﺳﯩﺮ ﻛﯚﺭﺳﯩﺘﯩﺪﯗ، ﺩﯦﻤﻪﻙ، ﮬﻮﻗﯘﻕ ﻣﻪﯞﺟﯘﺗﻠﯘﻗﻨﯩﯔ ﮬﺎﻟﯩﺘﯩﻨﻰ، ﺗﻪﺭﻩﻗﻘﯩﻴﺎﺗﯩﻨﻰ ﺑﻪﻟﮕﯩﻠﻪﺷﺘﻪ ﻧﺎﮬﺎﻳﯩﺘﻰ ﻣﯘﮬﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ. ﺑﺎﺷﻘﯩﭽﻪ ﺋﯧﻴﺘﻘﺎﻧﺪﺍ، ﮬﻮﻗﯘﻕ ﭘﺎﺋﺎﻟﯩﻴﻪﺗﻨﯩﯔ ﺳﯧﭙﯩﻠﻰ. ﻛﯩﺸﯩﻠﻪﺭ ﺑﯘ ﺳﯧﭙﯩﻞ ﺋﯩﭽﯩﺪﻩ ﻗﻮﻏﺪﯨﺸﯩﺪﯗ، ﺋﻪﺭﻛﯩﻦ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﯨﺪﯗ، ﻣﻪﯞﺟﯘﺗﻠﯘﻗﻰ ﯞﻩ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺩﻩﺧﻠﯩﺴﯩﺰ ﻛﯜﺭﻩﺵ ﻗﯩﻠﯩﺪﯗ. ﭼﻮﯓ - ﻛﯩﭽﯩﻜﻠﯩﻜﻨﻰ ﺑﻪﻟﮕﯩﻠﻪﻳﺪﯗ. ﺋﯘﻧﺪﺍﻗﺘﺎ ﺑﯘ ﺳﯧﭙﯩﻠﻨﯩﯔ ﭼﻮﯓ - ﻛﯩﭽﯩﻜﻠﯩﻜﯩﭽﯘ؟.
ﻗﺎﻧﯘﻥ ﺗﯜﺯﮔﯜﭼﯩﻠﻪﺭﻧﯩﯔ ﻳﺎﻛﻰ ﮬﯚﻛﯜﻣﺮﺍﻧﻼﺭﻧﯩﯔ ﮬﻮﻗﯘﻕ ﭼﯜﺷﻪﻧﭽﯩﺴﻰ ﺑﻪﻟﮕﯩﻠﻪﻳﺪﯗ. ﭼﯜﻧﻜﻰ، ﻗﺎﻧﯘﻥ ﺗﯜﺯﮔﯜﭼﯩﻠﻪﺭ ﺋﯚﺯ ﺋﯧﯖﯩﺪﯨﻜﻰ ﻛﯩﺸﯩﻠﻪﺭ ﻣﯘﺷﯘﻧﭽﯩﻠﯩﻚ ﮬﻮﻗﯘﻗﺘﯩﻦ ﺑﻪﮬﺮﯨﻤﻪﻥ ﺑﻮﻟﺴﺎ ﺑﻮﻟﯩﺪﯗ، ﺩﯦﮕﻪﻥ ﭼﯜﺷﻪﻧﭽﻪ ﺑﻮﻳﯩﭽﻪ ﻗﺎﻧﯘﻥ، ﺳﯩﻴﺎﺳﻪﺕ ﺗﯜﺯﯨﺪﯗ، ﭘﯘﻗﺮﺍﻻﺭﻧﯩﯔ ﮬﯘﻗﯘﻗﯩﻨﻰ ﺑﻪﻟﮕﯩﻠﻪﭖ ﺑﯧﺮﯨﺪﯗ.
ﻛﯩﺸﯩﻠﻪﺭﻧﯩﯔ ﺋﯚﺯﻟﯩﺮﯨﮕﻪ ﺑﻪﻟﮕﯩﻠﻪﭖ ﺑﯧﺮﯨﻠﮕﻪﻥ ﮬﻮﻗﯘﻗﻘﺎ ﺑﻮﻟﻐﺎﻥ ﭼﯜﺷﻪﻧﭽﯩﺴﯩﻨﻰ ﺑﻪﻟﮕﯩﻠﻪﻳﺪﯗ. ﻛﯩﺸﯩﻠﻪﺭﻧﯩﯔ ﺑﻪﺯﯨﻠﯩﺮﻯ ﺋﯚﺯﯨﻨﯩﯔ ﮬﻮﻗﯘﻗﯩﻨﯩﯔ ﻗﺎﻧﭽﯩﻠﯩﻚ ﺩﺍﺋﯩﺮﯨﺪﻩ ﺋﯩﻜﻪﻧﻠﯩﻜﯩﻨﯩﻤﯘ ﺑﯩﻠﻪﻟﻤﻪﻱ، ﺑﻪﮬﺮﯨﻤﻪﻥ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﮬﻮﻗﯘﻗﯩﺪﯨﻨﻤﯘ ﺑﻪﮬﺮﯨﻤﻪﻥ ﺑﻮﻻﻟﻤﺎﺳﻠﯩﻘﻰ ﻣﯘﻣﻜﯩﻦ. ﻳﻪﻧﻪ ﺑﯩﺮ ﺟﻪﮬﻪﺗﺘﯩﻦ ﻛﯩﺸﯩﻠﻪﺭ ﮬﯚﻛﯜﻣﺮﺍﻧﻼﺭ ﺋﯚﺯﻟﯩﺮﯨﮕﻪ ﺑﻪﻟﮕﯩﻠﻪﭖ ﺑﻪﺭﮔﻪﻥ ﮬﻮﻗﯘﻗﻰ ﻳﻪﻧﻪ ﻛﻪﻡ، ﺑﯩﺰ ﻳﻪﻧﻪ ﻣﯘﻧﯘ ﮬﻮﻗﯘﻗﻼﺭﺩﯨﻨﻤﯘ ﺑﻪﮬﺮﯨﻤﻪﻥ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺩﻩﭖ ﻗﺎﺭﺍﭖ، ﮬﻪﺭ ﺧﯩﻞ ﻳﻮﻟﻼﺭ ﺑﯩﻠﻪﻥ ﻳﻪﻧﯩﻤﯘ ﻛﯚﭘﺮﻩﻙ ﮬﻮﻗﯘﻗﻨﻰ ﻗﻮﻟﻐﺎ ﻛﻪﻟﺘﯜﺭﯛﺷﻰ ﻣﯘﻣﻜﯩﻦ.
ﺑﯩﺮ ﺩﯙﻟﻪﺕ ﺋﯩﭽﯩﺪﯨﻜﻰ ﺋﻮﺧﺸﯩﻤﯩﻐﺎﻥ ﺟﻪﻣﺌﯩﻴﻪﺗﻜﻪ ﻧﯩﺴﺒﻪﺗﻪﻥ ﻣﻪﺯﻛﯘﺭ ﺟﻪﻣﺌﯩﻴﻪﺗﻨﯩﯔ ﺷﯘ ﺩﯙﻟﻪﺕ ﺋﯩﭽﯩﺪﯨﻜﻰ ﺋﯩﻘﺘﯩﺴﺎﺩﻯ ﺋﯩﻲ - ﺳﯩﻴﺎﺳﯩﻲ ﺋﻮﺭﻧﻰ، ﺩﯙﻟﻪﺗﻨﯩﯔ ﺗﻪﺭﻩﻗﻘﯩﻴﺎﺗﻰ، ﺑﯩﺨﻪﺗﻪﺭﻟﯩﻜﻜﻪ ﻛﯚﺭﺳﯩﺘﻪﻟﻪﻳﺪﯨﻐﺎﻥ ﺗﻪﺳﯩﺮﯨﻨﯩﯔ ﻛﯜﭼﻠﯜﻙ ?C ﺋﺎﺟﯩﺰﻟﯩﻘﻰ ﺗﻪﺭﯨﭙﯩﺪﯨﻦ ﺷﯘ ﺟﻪﻣﺌﯩﻴﻪﺗﻨﯩﯔ ﺋﻮﻣﯘﻣﯩﻲ ﮬﻮﻗﯘﻕ ﮬﺎﻟﯩﺘﻰ ﺑﻪﻟﮕﯩﻠﯩﻨﯩﺪﯗ.
ﻗﯩﺴﻘﯩﺴﻰ، ﮬﻮﻗﯘﻕ ﺋﯩﻨﺴﺎﻧﻼﺭﻧﯩﯔ ﺋﯩﺠﺘﯩﻤﺎﺋﯩﻲ ﺳﯩﻴﺎﺳﯩﻲ ﻣﻪﻧﯩﺴﯩﮕﻪ ﺋﯧﻴﺘﯩﻠﻐﺎﻥ ﺑﻮﻟﯘﭖ، ﺋﯘﻧﯩﯔ ﺧﺎﺭﺍﻛﺘﯧﺮﻯ،ﺩﺍﺋﯩﺮﯨﺴﻰ، ﺩﻩﺭﯨﺠﯩﺴﻰ، ﺷﯘ ﺟﻪﻣﺌﯩﻴﻪﺗﻨﯩﯔ ﻣﻪﯞﺟﯘﺗﻠﯘﻗﻰ، ﺗﻪﺭﻩﻗﯩﻴﺎﺗﻐﺎ ﻣﯘﮬﯩﻢ ﺑﯩﺮ ﺋﻪﯞﺯﻩﻟﻠﯩﻚ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺪﯗ .ﮬﺎﺯﯨﺮﻗﻰ ﺯﺍﻣﺎﻧﻨﯩﯔ ﮬﺎﻟﯩﺘﯩﺪﯨﻦ ﻗﺎﺭﯨﻐﺎﻧﺪﺍ ﮬﻮﻗﯘﻕ ﺩﺍﺋﯩﺮﯨﺴﻰ ﻛﻪﯕﺮﻩﻙ ﺟﻪﻣﺌﯩﻴﻪﺗﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﻰ ﺗﯧﺨﯩﻤﯘ ﻳﺎﺧﺸﻰ،ﺗﯧﺰ ﺑﻮﻟﻤﺎﻗﺘﺎ. ﻣﻪﺳﯩﻠﻪﻥ، ﺟﯘﯕﮕﻮﻧﯩﯔ ﺩﯦﯖﯩﺰ ﺑﻮﻳﯩﺪﯨﻜﻰ ﺋﯧﭽﯩﯟﯦﺘﯩﻠﮕﻪﻥ ﺷﻪﮬﻪﺭﻟﻪﺭ، ﺋﯩﻘﺘﯩﺴﺎﺩﻯ ﺋﯩﻲ ﺋﺎﻻﮬﯩﺪﻩ ﺭﺍﻳﻮﻧﻼﺭﻧﯩﯔ ﺗﻪﺭﻩﻗﻘﯩﻴﺎﺗﻰ ﻳﯘﻗﯩﺮﯨﻘﻰ ﭘﯩﻜﺮﯨﻤﯩﺰﻧﻰ ﺩﻩﻟﯩﻠﻠﻪﻳﺪﯗ، ﭼﯜﻧﻜﻰ ﺋﯘ ﻳﻪﺭﺩﻩ ﺑﺎﺷﻘﺎ ﺭﺍﻳﻮﻧﻼﺭﺩﺍ ﺑﻮﻟﻤﯩﻐﺎﻥ ﺋﻪﯞﺯﻩﻟﻠﯩﻚ ﮬﻮﻗﯘﻕ ﺋﻪﯞﺯﻩﻟﻠﯩﻜﻰ ﺑﺎﺭ.
ﺋﯜﭼﯩﺴﯩﻨﯔ ﻣﯘﻧﺎﺳﯩﯟﯨﺘﻰ
ﺑﯩﺰ ﻳﯘﻗﯩﺮﯨﺪﺍ ﻣﻪﯞﺟﯘﺗﻠﯘﻗﺘﯩﻜﻰ ﺋﯜﭺ ﻣﯘﮬﯩﻢ ﺋﺎﻣﯩﻞ ﺋﯩﻘﺘﯩﺴﺎﺩﻯ ،ﻣﻪﺩﻩﻧﯩﻴﻪﺕ،ﮬﻮﻗﯘﻕ ﮬﻪﻗﻘﯩﺪﻩ ﺋﺎﻳﺮﯨﻢ-ﺋﺎﻳﺮﯨﻢ ﻳﯜﺯﻩﻛﻰ ﺑﻮﻟﺴﯩﻤﯘ ﺗﻮﺧﺘﯩﻠﯩﭗ ﺋﯚﺗﺘﯘﻕ .ﺋﻪﻣﺪﻯ ﺑﯘ ﺋﯜﭺ ﺋﺎﻣﯩﻠﻨﯩﯔ ﺋﯚﺯ ﺋﺎﺭﺍ ﻣﯘﻧﺎﺳﯩﯟﯨﺘﻰ ﮬﻪﻗﻘﯩﺪﻩ ﺗﻮﺧﺘﯩﻠﯩﭗ ﺋﯚﺗﯩﻤﯩﺰ.
ﺋﯩﻘﺘﯩﺴﺎﺩﻯ ﯞﻩ ﻣﻪﺩﻩﻧﯩﻴﻪﺕ،ﺋﯩﻘﺘﯩﺴﺎﺩﻯ ﺑﯩﻠﻪﻥ ﻣﻪﺩﻩﻧﯩﻴﻪﺗﻨﯩﯔ ﺑﯩﺮ ﺟﻪﮬﻪﺗﺘﯩﻦ ﺋﯧﻴﺘﻘﺎﻧﺪﺍ ﺑﯩﺮ-ﺑﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﯧﻠﯩﺶ ﻣﯘﻧﺎﺳﯩﯟﯨﺘﻰ ﺑﻮﻟﯩﺪﯗ . ﭼﯜﻧﻜﻰ، ﻣﻪﺩﻩﻧﯩﻴﻪﺗﻨﯩﯔ ﻣﺎﺩﺩﯨﻲ ﻗﺎﺗﻠﯩﻤﯩﻤﯘ، ﻣﻪﻧﯩﯟﻯ ﻗﺎﺗﻠﯩﻤﯩﻤﯘ ﺑﻮﻟﯩﺪﯗ. ﻣﻪﺩﻩﻧﯩﻴﻪﺗﻨﯩﯔ ﻣﺎﺩﺩﯨﻲ ﻗﺎﺗﻠﯩﻤﻰ ﺩﻩﻝ ﺑﯩﺮ ﺟﻪﻣﺌﯩﯩﻴﻪﺗﻨﯩﯔ ﻣﺎﺩﺩﯨﻲ ﻗﺎﺗﻠﯩﻤﻰ ﺩﻩﻝ ﺑﯩﺮ ﺟﻪﻣﺌﯩﯩﻴﻪﺗﻨﯩﯔ ﺋﯩﻘﺘﯩﺴﺎﺩﻯ ﭘﺎﺋﺎﻟﯩﻴﺘﯩﺪﯨﻜﻰ ﻗﯧﻠﯩﭙﻼﺷﻘﺎﻥ، ﺧﺎﺳﻼﺷﻘﺎﻥ ﺷﻪﻛﯩﻠﻠﻪﺭﻧﻰ ﮬﻪﻡ ﻣﻪﺩﻩﻧﯩﻴﻪﺗﻨﯩﯔ ﻣﺎﺩﺩﯨﻴﻼﺷﻘﺎﻥ ﺑﻪﻟﮕﯩﻠﻪﺭﻧﻰ ﻛﯚﺭﺳﯩﺘﯩﺪﯗ. ﻣﻪﻟﯘﻣﻜﻰ ﻣﻪﺩﻩﻧﯩﻴﻪﺕ ﺑﯩﺮ ﻗﺎﺗﺎﺭ ﺳﯩﻤﯟﻭﻟﻠﯘﻕ ﺑﻪﻟﮕﯩﻠﯩﺮﯨﻨﯩﯔ ﻳﯩﻐﯩﻨﺪﯨﺴﯩﺪﯨﻦ ﺋﯩﺒﺎﺭﻩﺕ. ﺑﯘﻧﯩﯖﺪﯨﻦ ﮬﻪﺭ ﺑﯩﺮ ﺑﻪﻟﮕﻪ ﺑﯩﺮﺩﯨﻦ ﻣﻪﻧﯩﮕﻪ ﺩﺍﻻﻟﻪﺕ ﻗﯩﻠﯩﭗ ﺗﯘﺭﯨﺪﯗ.
ﻳﻪﻧﻰ ﺋﺎﻣﯧﺮﯨﻜﯩﻠﯩﻖ ﺟﻪﻣﺌﯩﻴﻪﺗﺸﯘﻧﺎﺱ ﭘﺎﺭﺳﻮﻥ ﻣﻪﺩﻩﻧﯩﻴﻪﺗﻨﯩﯔ ﺋﯩﭽﻜﻰ ﻣﻪﺯﻣﯘﻧﯩﻨﻰ ﺗﯚﯞﻩﻧﺪﯨﻜﯩﺪﻩﻙ ﻗﺎﺗﻼﻣﻼﺭﻏﺎ ﺑﯚﻟﯩﺪﯗ. ﺟﻪﻣﺌﯩﯩﻴﻪﺗﻨﯩﯔ ﺋﯩﻘﺘﯩﺴﺎﺩﻯ ﻓﻮﺭﻣﯩﺴﻨﻰ، ﺑﯘ ﺟﻪﻣﺌﯩﯩﻴﻪﺗﻨﯩﯔ «A»ﻗﺎﺗﻠﯩﻤﻰ، ﻳﻪﻧﻰ ﺑﯩﺌﻮﻟﻮﮔﯩﻴﯩﻠﯩﻚ ﺗﻪﺷﻜﯩﻠﯩﻴﻲ ﻗﯘﺭﯗﻟﻤﯩﺴﻰ.
1. ﺟﻪﻣﺌﯩﻴﻪﺗﻨﯩﯔ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻠﯩﻲ ﺷﻪﻛﻠﻰ. ﺋﺎﺩﻩﻣﻠﻪﺭ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺗﯜﺭﻯ. ﺑﯘ ﺧﯩﻞ ﻣﯘﻧﺎﺳﯩﯟﻩﺕ ﺗﯜﺭﻯ ﺗﯜﺯﯛﻣﻠﻪﺷﻜﻪﻥ ﺷﻪﻛﯩﻠﺪﻩ ﺗﻮﻗﯘﻟﯩﺪﯗ. ﻣﻪﺳﯩﻠﻪﻥ، ﺋﯘﺭﯗﻕ-ﺗﯘﻏﻘﺎﻧﭽﯩﻠﯩﻖ، ﺋﯩﻘﺘﯩﺴﺎﺩﻯ ﺋﯩﻲ ﻣﯘﻧﺎﺳﯩﯟﻩﺕ، ﺳﯩﻴﺎﺳﻰ ﻗﺎﻧﯘﻥ ﺗﯜﺯﯛﻡ ﺩﯦﮕﻪﻧﺪﻩﻙ. ﺑﯘ «1» ﻗﺎﺗﻠﯩﻤﻰ ﺩﻩﭖ ﺋﺎﺗﯩﻠﯩﺪﯗ.
2. ﺟﻪﻣﺌﯩﻴﻪﺗﻨﯩﯔ ﺋﯧﺪﯨﺌﻮﻟﻮﮔﯩﻴﺴﻰ، ﻣﻪﻧﯩﯟﻯ ﻣﻪﮬﺴﯘﻻﺗﻠﯩﺮﻯ ﻣﻪﺳﯩﻠﻪﻥ، ﺩﯨﻦ ﺳﻪﻧﺌﻪﺕ ﺩﯦﮕﻪﻧﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.
3. ﺟﻪﻣﺌﯩﯩﻴﻪﺗﻨﯩﯔ ﻗﯩﻤﻤﻪﺕ ﺋﯚﻟﭽﻪﻡ ﺳﯩﺴﺘﯧﻤﯩﺴﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﻳﻪﻧﻰ ﻛﯩﺸﯩﻠﻪﺭ ﺋﯚﺯ ﮬﻪﺭﯨﻜﯩﺘﯩﻨﻰ ﺋﺎﯕﻠﯩﻖ ﻛﻮﻧﺘﺮﻭﻝ ﻗﯩﻠﯩﺶ،ﭼﻪﻛﻠﻪﺵ ﺋﯧﯖﻰ ﯞﻩ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﺗﻪﻟﯩﭙﻰ ﺑﻮﻟﻐﺎﻥ ﻗﯩﻤﻤﻪﺕ ﺋﯚﻟﭽﯩﻤﻰ ﺩﯦﮕﻪﻧﺪﻩﻙ، ﺑﯘ «L» ﻗﺎﺗﻠﯩﻤﻰ ﺩﻩﭖ ﺋﺎﺗﯩﻠﯩﺪﯗ.
ﺩﯦﻤﻪﻙ ﺷﯘ ﺭﻭﺷﻪﻧﻜﻰ، ﭘﺎﺭﺳﻮﻧﻨﯩﯔ ﻗﺎﺭﯨﺸﯩﭽﻪ ﺑﻮﻟﻐﺎﻧﺪﺍ ﺋﯩﻘﺘﯩﺴﺎﺩﻯ ﻣﻪﺩﻩﻧﯩﻴﻪﺕ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﯨﺪﯗ، ﻳﻪﻧﻰ «A» ﻗﺎﺗﻠﯩﻤﻰ.
ﺋﯩﻘﺘﯩﺴﺎﺩﻯ ﺑﯩﻠﻪﻥ ﻣﻪﺩﻩﻧﯩﻴﻪﺗﻨﯩﯔ ﺑﯩﺮ ?C ﺑﯩﺮﯨﮕﻪ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﻧﯘﻗﺘﯩﺴﯩﺪﯨﻦ ﺋﯧﻴﺘﻘﺎﻧﺪﺍ ﮬﻪﺭ ﺋﯩﻜﻜﯩﻠﯩﺴﻰ ﺑﯩﺮ ?C ﺑﯩﺮﯨﮕﻪ ﻣﯘﮬﯩﻢ ﺗﻪﺳﯩﺮ ﻛﯚﺭﺳﯩﺘﯩﺪﯗ،ﺑﯩﺮ - ﺑﯩﺮﯨﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ. ﺋﺎﯞﯞﺍﻝ ﺋﯩﻘﺘﯩﺴﺎﺩﻯ ﺋﯩﻲ ﻣﻪﺩﻩﻧﯩﻴﻪﺗﻨﯩﯔ ﻣﺎﺩﺩﯨﻲ ﺋﺎﺳﺎﺳﯩﻨﻰ ﻗﯘﺭﯗﭖ ﭼﯩﻘﯩﺪﯗ ﮬﻪﻡ ﻣﻪﺩﻩﻧﯩﻴﻪﺗﻨﻰ ﺋﯧﻨﯧﺮﮔﯩﻴﻪ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺪﯗ. ﻣﻪﺩﻩﻧﯩﻴﻪﺗﻨﯩﯔ ﻣﻪﯞﺟﯘﺗﻠﯘﻗﻰ، ﺗﻪﺭﻩﻗﻘﯩﻴﺎﺗﻰ، ﻛﯜﭼﻠﯜﻙ ?C ﺋﺎﺟﯩﺰﻟﯩﻘﻰ، ﺷﯘ ﻣﻪﺩﻩﻧﯩﻴﻪﺗﻨﯩﯔ ﺋﯩﻠﻐﺎﺭ ﮬﺎﻟﯩﺘﻰ، ﺗﻪﺷﻪﺑﺒﯘﺳﻠﯩﺮﻯ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﻪﻧﻤﻪﺳﺘﯩﻦ ﻣﯘﮬﯩﻤﻰ ﺷﯘ ﻣﻪﺩﻩﻧﯩﻴﻪﺗﻨﯩﯔ ﻣﺎﺩﺩﯨﻲ ﺋﺎﺳﺎﺳﻰ، ﺋﺎﺭﻗﺎ ﺗﯩﺮﯨﻜﻰ ﺑﻮﻟﻐﺎﻥ ﺋﯩﻘﺘﯩﺴﺎﺩﻯ ﺋﯩﻲ ﺋﻪﮬﯟﺍﻟﻰ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ، ﺑﺎﺷﻘﺎ ﻣﻪﺩﻩﻧﯩﻴﻪﺗﻠﻪﺭﻧﯩﯔ ﮬﯘﺟﯘﻣﻐﺎ ﺗﺎﻗﺎﺑﯩﻞ ﺗﯘﺭﺍﻟﯩﺸﻰ ﺋﺎﺳﺎﺳﻪﻥ ﻣﯘﻣﻜﯩﻦ ﺋﻪﻣﻪﺱ، ﻣﻪﺩﻩﻧﯩﻴﻪﺗﻠﻪﺭﻧﯩﯔ ﺯﺍﯞﺍﻟﻠﯩﻘﻰ، ﺋﯘﻧﯩﯔ ﯞﺍﻗﺘﯩﻨﯩﯔ ﺋﯚﺗﻜﻪﻧﻠﯩﻜﻰ ﻛﻮﻧﯩﺮﯨﻐﺎﻧﻠﯩﻘﻰ ﺗﯜﭘﻪﻳﻠﯩﺪﯨﻦ ﺋﻪﻣﻪﺱ، ﺑﻪﻟﻜﻰ ﺷﯘ ﻣﻪﺩﻩﻧﯩﻴﻪﺕ ﺋﻪﺳﻠﯩﺪﯨﻜﻰ ﺋﯩﻘﺘﯩﺴﺎﺩﻯ ﺋﯩﻲ ﻛﯜﭼﯩﻨﯩﯔ ﺋﺎﺟﯩﺰﻟﯩﻘﻰ، ﻣﻪﺩﻩﻧﯩﻴﻪﺗﻨﻰ ﻗﻮﻏﺪﯨﻐﯘﺩﻩﻙ ﻣﺎﻏﺪﯗﺭﯨﻨﯩﯔ ﻳﻮﻗﻠﯘﻗﻰ ﺗﯜﭘﻪﻳﻠﯩﺪﯨﻦ ﺑﻮﻟﯩﺪﯗ. ﻣﻪﺩﻩﻧﯩﻴﻪﺕ ﺋﯚﺯﻯ ﻛﯜﭼﯩﻴﯩﭗ ﻗﺎﻟﻤﺎﻳﺪﯗ، ﻳﻮﻗﺎﭖ ﻛﻪﺗﻤﻪﻳﺪﯗ، ﺑﯘ ﻳﻪﻧﯩﻼ ﺷﯘ ﻣﻪﺩﻩﻧﯩﻴﻪﺗﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺋﻪﻣﻪﻟﯩﻲ ﻛﯜﭼﻰ ﺗﻪﺭﯨﭙﯩﺪﯨﻦ ﺑﻪﻟﮕﯩﻠﯩﻨﯩﺪﯗ.ﻳﻪﻧﻪ ﺑﯩﺮ ﺋﻪﮬﯟﺍﻝ ﺷﯘﻛﻰ، ﺋﯩﻘﺘﯩﺴﺎﺩﻯ ﺋﯩﻲ ﺋﻪﮬﯟﺍﻟﻰ ﻛﯜﭼﻠﯜﻙ ﻗﻮﯞﻣﻠﻪﺭﻧﯩﯔ ﻣﻪﺩﻩﻧﯩﻴﯩﺘﻰ ﺑﺎﺷﻘﯩﻼﺭﻧﻰ ﺋﯚﺯﯨﮕﻪ ﺑﻪﻛﻼ ﺟﻪﻟﭗ ﻗﯩﻠﯩﺪﯗ. ﺑﺎﺷﻘﯩﻼﺭ ﺋﯘﻻﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻲ ﻣﯘﯞﻩﭘﭙﻪﻗﯩﻴﯩﺘﯩﻨﻰ ﺋﯘﻻﺭﻧﯩﯔ ﻣﻪﺩﻩﻧﯩﻴﯩﺘﯩﮕﻪ ﺑﺎﻏﻼﭖ ﭼﯜﺷﯩﻨﯩﭗ، ﺷﯘﻻﺭﻧﯩﯔ ﻣﻪﺩﻩﻧﯩﻴﯩﺘﯩﮕﻪ ﺋﯩﻨﺘﯩﻠﯩﺪﯗ، (ﻣﻪﺳﯩﻠﻪﻥ، ﻏﻪﺭﺑﻨﯩﯔ ﻏﺎﻳﻪﺕ ﺯﻭﺭ ﺋﯩﻘﺘﯩﺴﺎﺩﻯ ﺋﯩﻲ ﻣﯘﯞﺍﭘﻪﻗﯩﻴﯩﺘﯩﻨﻰ ﺋﯘﻻﺭﻧﯩﯔ ﻣﻪﺩﻩﻧﯩﻴﯩﺘﯩﻨﯩﯖﻤﯘ ﮬﺎﺯﯨﺮﻗﯩﺪﻩﻙ ﻛﻪﯓ ﻛﻮﻟﻪﻣﺪﻩ ﺗﺎﺭﻗﯩﻠﯩﺸﯩﻨﻰ ﺑﻪﻟﮕﯩﻠﯩﮕﻪﻥ) ﺋﯚﺯﻟﯩﺮﯨﻨﯩﯔ ﻣﻪﺩﻩﻧﯩﻴﯩﺘﯩﺪﯨﻦ ﮔﯘﻣﺎﻧﻠﯩﻨﯩﺪﯗ ﻣﻪﺩﻩﻧﯩﻴﻪﺗﻤﯘ ﺋﯩﻘﺘﯩﺴﺎﺩﻯ ﻗﺎ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯗ،ﺋﯩﻘﺘﯩﺴﺎﺩﻯ ﻣﯘ ﻣﻪﺩﻩﻧﯩﻴﻪﺗﻜﻪ ﺗﻪﺳﯩﺮ ﻛﯚﺭﺳﯩﺘﯩﺪﯗ.
ﻳﻪﻧﻰ ﻣﻪﺩﻩﻧﯩﻴﻪﺗﻜﻪ ﺗﻪﯞﻩ ﺑﻮﻟﻐﺎﻥ ﺗﻪﭘﻪﻛﻜﯘﺭ ﺋﯘﺳﯘﻟﻰ،ﻳﯧﯖﯩﻠﯩﻖ ﻳﺎﺭﯨﺘﯩﺶ ﺭﻭﮬﻰ ﺋﯩﺠﺎﺩﭼﺎﻧﻠﯩﻖ ﺋﯩﻘﺘﯩﺪﺍﺭﻯ، ﺑﺎﻳﻠﯩﻖ ﺩﯦﮕﻪﻧﻠﻪﺭ ﺋﯚﺯ ﻧﯚﯞﯨﺘﯩﺪﻩ ﻳﻪﻧﻪ ﺋﯩﻘﺘﯩﺴﺎﺩﻯ ﻗﺎ ﺗﻪﺳﯩﺮ ﻛﯚﺭﺳﯩﺘﯩﭗ ﭘﺎﺋﺎﻝ ﺋﯩﺠﺎﺑﯩﻲ ﻣﻪﺩﻩﻧﯩﻴﻪﺗﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺯﻭﺭ ﺩﻩﺭﯨﺠﯩﺪﻩ ﺋﯩﻠﮕﯩﺮﻯ ﺳﯜﺭﯨﺪﯗ.
ﺋﯚﺯ ﻧﯚﯞﯨﺘﯩﺪﻩ ﻳﻪﻧﻪ ﺋﯩﻘﺘﯩﺴﺎﺩﻯ ﻗﺎ ﺗﻪﺳﯩﺮ ﻛﯚﺭﺳﯩﺘﯩﭗ (ﻣﻪﺳﯩﻠﻪﻥ، ﻳﻪﮬﯘﺩﯨﻴﻼﺭﻧﯩﯔ ﻣﻪﺩﻩﻧﯩﻴﻪﺕ ﺋﯧﯖﯩﺪﯨﻜﻰ ﺋﯩﻘﺘﯩﺴﺎﺩﻯ ﻗﺎﺭﯨﺸﻰ ﺋﯘﻻﺭﻧﯩﯔ ﮬﺎﺯﯨﺮﻗﻰ ﺋﯩﻘﺘﯩﺴﺎﺩﻯ ﺋﯩﻲ ﮬﺎﻟﯩﺘﯩﮕﻪ ﻣﯘﮬﯩﻢ ﺗﻪﺳﯩﺮ ﻛﯚﺭﺳﻪﺗﻜﻪﻥ.ﻣﻪﺳﯩﻠﻪﻥ، ﻳﻪﻧﻪ ﺟﯘﯕﮕﻮ ﺗﺎﺭﯨﺨﯩﺪﯨﻜﻰ ﺧﻪﻥ،ﺳﯘﯓ ﺳﯘﻻﻟﯩﻠﯩﺮﻯ ﺩﻩﯞﺭﯨﺪﯨﻼ ﻛﺎﭘﯩﺘﺎﻟﯩﺰﻣﻨﯩﯔ ﺑﯩﺨﻠﯩﺮﻯ ﺑﻮﻟﻐﺎﻥ ﺋﯩﺸﺨﺎﻧﺎ ﺋﯩﮕﯩﻠﯩﻜﻰ ﻣﻪﻳﺪﺍﻧﻐﺎ ﻛﻪﻟﮕﻪﻥ، ﺋﻪﻣﻤﺎ ﻛﺎﭘﯩﺘﺎﻟﯩﺰﻡ ﺟﯘﯕﮕﻮﺩﺍ ﺋﻪﻣﻪﺱ، ﻳﺎﯞﺭﻭﭘﺎﺩﺍ ﻣﻪﻳﺪﺍﻧﻐﺎ ﻛﻪﻟﺪﻯ. ﺑﻪﻟﻜﻰ، ﺑﯘﻧﻰ ﺑﯘ ﺋﯩﻜﻜﻰ ﺭﺍﻳﯘﻧﺪﯨﻜﻰ ﺋﻮﺧﺸﯩﻤﯩﻐﺎﻥ ﻣﻪﺩﻩﻧﯩﻴﻪﺕ ﺑﻪﻟﮕﯩﻠﯩﮕﻪﻥ ﺑﻮﻟﯘﺷﻰ ﻣﯘﻣﻜﯩﻦ.
ﻣﺎﺭﻛﺲ ﯞﯦﺒﯧﺮ ﻛﺎﭘﯩﺘﺎﻟﯩﺰﻣﻨﯩﯔ ﭘﻪﻳﺪﺍ ﺑﻮﻟﯘﺷﯩﻨﻰ ﻳﺎﯞﺭﻭﭘﺎﺩﯨﻜﻰ ﺩﯨﻦ ﺋﯩﺴﻼﮬﺎﺗﻨﯩﯔ ﻧﻪﺗﯩﺠﯩﺴﻰ ﺑﻮﻟﻐﺎﻥ ﭘﯩﺮﻭﺗﺴﺘﺎﻧﺖ ﺩﯨﻨﯩﻐﺎ ﺑﺎﻏﻼﭖ ﺋﯩﺰﺍﮬﻼﻳﺪﯗ. ﮬﻪﺗﺘﺎ ﺑﯜﮔﯜﻥ ﺑﻪﺯﻯ ﺟﻪﻣﺌﯩﻴﻪﺗﺸﯘﻧﺎﺳﻼﺭ ﺋﯩﻘﺘﯩﺴﺎﺩﻯ ﻧﯩﯔ ﺗﻪﺭﻩﻗﻘﯩﻲ ﻗﯩﻠﯩﺸﯩﺪﯨﻜﻰ 1- ﺋﺎﻣﯩﻞ ﻣﻪﺩﻩﻧﯩﻴﻪﺕ ﺩﻩﭖ ﻗﺎﺭﯨﻤﺎﻗﺘﺎ. ﺳﺎﻣﯘﺋﯧﻞ ﺧﻮﻣﺘﯩﯖﺘﻮﻥ «ﻣﻪﺩﻩﻧﯩﻴﻪﺗﻨﯩﯔ ﺭﻭﻟﻰ» ﺩﯦﮕﻪﻥ ﻣﺎﻗﺎﻟﯩﺴﯩﺪﻩ ﻣﯘﻧﺪﺍﻕ ﻳﺎﺯﯨﺪﯗ:«90-ﻳﯩﻠﻼﺭﻧﯩﯔ ﺑﯧﺸﯩﺪﺍ ﻣﻪﻥ ﻛﺎﻧﺎ ﯞﻩ ﻛﻮﺭﯨﻴﯩﻨﯩﯔ 60- ﻳﯩﻠﻼﺭﺩﯨﻜﻰ ﺑﻪﺯﻯ ﺋﯩﻘﺘﯩﺴﺎﺩﻯ ﺋﯩﻲ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻧﻰ ﻳﻮﻟﯘﻗﺘﯘﺭﯗﭖ ﻗﺎﻟﺪﯨﻢ. ﮬﻪﻳﺮﺍﻥ ﺑﻮﻟﻐﯩﻨﯩﻢ ﺷﯘ ﺑﻮﻟﺪﯨﻜﻰ، ﺋﻮﻻﺭﻧﯩﯔ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻥ ﺋﻮﺗﺘﯘﺭﯨﭽﻪ ﺩﺍﺭﺍﻣﯩﺘﻰ ﺋﺎﺳﺎﺳﻪﻥ ﺩﯦﮕﯜﺩﻩﻙ ﺋﻮﺧﺸﺎﺵ ﺋﯩﺪﻯ،... 30 ﻳﯩﻠﺪﯨﻦ ﻛﯧﻴﯩﻨﻜﻰ ﺑﯜﮔﯜﻧﺪﻩ ﺑﻮﻟﺴﺎ ﻛﻮﺭﯨﻴﻪ ﺋﺎﻟﻠﯩﻘﺎﭼﺎﻥ ﺳﺎﻧﺎﺋﻪﺕ ﮔﯩﮕﺎﻧﯩﺘﯩﻐﺎ ﺋﺎﻳﻠﯩﻨﯩﭗ 14- ﺋﻮﺭﯗﻧﻐﺎ ﭼﯩﻘﺘﻰ...ﻛﺎﻧﺎﺩﺍ، ﺑﻮﻟﺴﺎ ﺑﯘﻧﺪﺍﻕ ﺋﯚﺯﮔﯩﺮﯨﺶ ﻳﯜﺯ ﺑﻪﺭﮔﯩﻨﻰ ﻳﻮﻕ، ﮬﺎﺯﯨﺮ ﺋﯘﻻﺭﻧﯩﯔ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻥ ﺋﻮﺗﺘﯘﺭﯨﭽﻪ ﺩﺍﺭﺍﻣﻪﺕ ﻛﻮﺭﯨﻴﯩﻨﯩﯔ 14ﺩﻩﻥ 1ﮔﻪ ﺗﻮﻏﺮﺍ ﻛﯧﻠﯩﺪﯗ. ﺗﻪﺭﻩﻗﻘﯩﻴﺎﺕ ﺳﯜﺭﺋﯩﺘﯩﺪﯨﻜﻰ ﺑﯘ ﺋﺎﺳﻤﺎﻥ ?C ﺯﯦﻤﯩﻦ ﭘﻪﺭﻗﻨﻰ ﻗﺎﻧﺪﺍﻕ ﭼﯜﺷﻪﻧﺪﯛﺭﯛﺵ ﻛﯧﺮﻩﻙ؟ ﺑﯘﻧﯩﯖﺪﺍ ﻧﯘﺭﻏﯘﻥ ﺋﺎﻣﯩﻠﻼﺭ ﺑﺎﺭ. ﻣﯧﻨﯩﯖﭽﻪ ﺑﻮﻟﺴﺎ ﻣﻪﺩﻩﻧﯩﻴﻪﺕ ﺑﯘﻧﯩﯖﺪﯨﻜﻰ ﺑﯩﺮ ﻣﯘﮬﯩﻢ ﺋﺎﻣﯩﻞ ﻛﻮﺭﯨﻴﻪﻟﯩﻜﻠﻪﺭ ﺗﯧﺠﻪﺷﻠﯩﻚ ﻣﻪﺑﻠﻪﻍ ﺳﯧﻠﯩﺸﻘﺎ، ﻣﺎﺋﺎﺭﯨﭗ، ﺗﻪﺷﻜﯩﻼﺕ،ﺋﯩﻨﺘﯩﺰﺍﻣﻐﺎ ﺋﻪﮬﻤﯩﻴﻪﺕ ﺑﯧﺮﯨﺪﯗ، ﺋﯩﺸﭽﺎﻥ ﺋﻪﻣﻤﺎ ﮔﺎﻧﺎﻟﯩﻘﻼﺭﻧﯩﯔ ﻗﯩﻤﻤﻪﺕ ﻗﺎﺭﯨﺸﻰ ﺋﻮﺧﺸﯩﻤﺎﻳﺪﯗ، ﻗﯩﺴﻘﯩﺴﻰ ﺑﯘ ﻳﻪﺭﺩﻩ ﻣﻪﺩﻩﻧﯩﻴﻪﺕ ﺭﻭﻝ ﺋﻮﻳﻨﺎﯞﺍﺗﯩﺪﯗ».
ﺑﯩﺰ ﺋﯚﺯﯨﻤﯩﺰﻧﯩﯔ ﺗﺎﺭﯨﺨﯩﻐﺎ ﻧﻪﺯﻩﺭ ﺳﺎﻟﺴﺎﻗﻤﯘ، ﻣﻪﺩﻩﻧﯩﻴﻪﺕ ﺋﯧﯖﯩﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻐﺎ ﻗﺎﻧﭽﯩﻠﯩﻚ ﺗﻪﺳﯩﺮ ﻛﯚﺭﺳﻪﺗﻜﻪﻧﻠﯩﻜﯩﻨﻰ ﺑﺎﻳﻘﺎﻳﻤﯩﺰ. ﺳﻮﭘﻰ ?C ﺋﯩﺸﺎﻧﻼﺭ ﺋﯩﻨﺴﺎﻧﻼﺭﻧﯩﯔ ﺋﯩﺪﯨﻴﯩﺴﯩﺪﻩ ﺋﻮﻣﯘﻣﯩﻲ ﻳﯜﺯﻟﯜﻙ ﮬﯚﻛﯜﻣﺮﺍﻥ ﺋﻮﺭﯗﻧﻐﺎ ﺋﯚﺗﻜﻪﻧﺪﯨﻦ ﺑﺎﺷﻼﭖ، ﺧﻪﻟﻘﻨﯩﯔ ﻣﻪﺩﻩﻧﯩﻴﻪﺕ ﺋﯧﯖﻰ، ﻗﯩﻤﻤﻪﺕ ﻗﺎﺭﯨﺸﯩﺪﺍ ﭼﻮﯕﻘﯘﺭ ﻣﻪﭘﻜﯘﺭﯨﻠﻪﺭ ﺋﻮﻻﺭﻧﯩﯔ ﺑﯘ ﺩﯗﻧﻴﺎ، ﺋﯘ ﺩﯗﻧﻴﺎ،ﮬﺎﻳﺎﺕ، ﺋﻪﻣﮕﻪﻙ،ﺋﯩﻘﺘﯩﺴﺎﺩﻯ ، ﺋﯩﻠﯩﻢ ﺩﯦﮕﻪﻧﻠﻪﺭﮔﻪ ﺗﯘﺗﻘﺎﻥ ﭘﻮﺯﯨﺘﺴﯩﻴﻪ، ﭼﯜﺷﻪﻧﭽﯩﺴﯩﻨﻰ ﺋﻮﻣﻮﻣﯩﻴﯜﺯﻟﯜﻙ ﺋﯚﺯﮔﻪﺭﺗﯩﭗ ﺗﺎﺷﻠﯩﺪﻯ. ﺳﻮﭘﻰ ﺋﯩﺸﺎﻧﻼﺭ ﺗﻪﻟﯩﻤﺎﺗﯩﺪﯨﻜﻰ ﺗﻪﺭﻛﯩﺪﯗﻧﻴﺎﭼﯩﻠﯩﻖ، ﺑﯘ ﺩﯗﻧﻴﺎﺩﯨﻦ ﻗﻮﻝ ﺋﯜﺯﯛﺵ، ﺑﺎﺭﻟﯩﻘﯩﻨﻰ ﺋﺎﺧﯩﺮﻩﺗﻜﯩﻼ ﺋﺎﺗﺎﺵ، ﺑﺎﺭﯨﻐﺎ ﻗﺎﻧﺎﺋﻪﺕ ﻗﯩﻠﯩﺶ،ﻳﻮﻗﻨﻰ ﺋﯩﺰﺩﯨﻤﻪﺳﻠﯩﻚ، ﮬﻪﻣﻤﯩﻨﻰ ﺳﯩﻐﺪﯗﺭﯗﯞﯦﺘﯩﺶ... ﺗﻪﻙ ﻗﺎﺭﺍﺷﻼﺭ ﺋﺎﺳﺘﺎ - ﺋﺎﺳﺘﺎ ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﻪﺕ ﺋﯧﯖﯩﻐﺎ ﺋﯚﺯﻟﯩﺸﯩﭗ ﺋﯘﻳﻐﯘﺭﻻﺭﺩﺍ ﺑﺎﻳﻠﯩﻖ، ﭘﯘﻟﻐﺎ ﺋﯩﻨﺘﯩﻠﻤﻪﻳﺪﯨﻐﺎﻥ، ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻨﻰ ﺯﯙﺭﯛﺭ ﺩﻩﭖ ﻗﺎﺭﯨﻤﺎﻳﺪﯨﻐﺎﻥ ﺧﺎﮬﯩﺶ ﺑﺎﺵ ﻛﯚﺗﻪﺭﺩﻯ. ﻣﺎﻧﺎ ﺑﯘ ﮬﺎﺩﯨﺴﻪ ﻣﻪﻟﯘﻡ ﻧﯘﻗﺘﯩﺪﯨﻦ ﺋﯘﻳﻐﯘﺭﻻﺭﻧﯩﯔ ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﺋﻪﺳﯩﺮﺩﯨﻦ ﺑﯘﻳﺎﻧﻘﻰ ﺋﻮﻣﯘﻣﻴﯜﺯﻟﯜﻙ ﻧﺎﻣﺮﺍﺕ ﮬﺎﻟﯩﺘﯩﻨﻰ ﺑﻪﻟﮕﯩﻠﯩﯟﻩﺗﺘﻰ، ﮬﻪﺗﺘﺎ ﺑﯜﮔﯜﻧﻤﯘ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﭗ ﺗﯘﺭﯗﯞﺍﺗﯩﺪﯗ، ﺩﻩﭖ ﺋﯧﻴﺘﯩﺸﻘﺎ ﺑﻮﻟﯩﺪﯗ.
ﺷﯜﺑﮭﯩﺴﯩﺰﻛﻰ، ﻗﯩﻤﻤﻪﺕ ﻗﺎﺭﺍﺵ ﺋﺎﺩﻩﻣﻨﯩﯔ ﮬﻪﺭﯨﻜﯩﺘﯩﮕﻪ، ﭘﺎﺋﺎﻟﯩﻴﯩﺘﯩﮕﻪ ﻳﯧﺘﻪﻛﭽﯩﻠﯩﻚ ﻗﯩﻠﯩﺪﯨﻐﺎﻥ ﻧﺎﮬﺎﻳﯩﺘﻰ ﻣﯘﮬﯩﻢ ﻣﻪﺩﻩﻧﯩﻴﻪﺕ ﺗﻪﺭﻛﯩﺒﻰ. ﺋﻮﺧﺸﺎﺵ ﺑﯩﺮ ﻣﻪﺩﻩﻧﯩﻴﻪﺕ ﺋﻪﮬﻠﯩﻨﯩﯔ ﻗﯩﻤﻤﻪﺕ ﻗﺎﺭﯨﺸﻰ ﺋﻮﻣﯘﻣﻪﻥ ﺋﻮﺧﺸﺎﺵ ﺑﻮﻟﯩﺪﯗ. ﺋﺎﺩﻩﻡ ﻳﺎﺧﺸﻰ،ﻳﺎﻣﺎﻧﻨﻰ، ﮔﯜﺯﻩﻟﻠﯩﻚ - ﺭﻩﺯﯨﻠﻠﯩﻜﻨﻰ ﻗﯩﻤﻤﻪﺕ ﻗﺎﺭﯨﺸﻰ ﺑﯩﻠﻪﻥ ﺋﯚﻟﭽﻪﻳﺪﯗ، ﺷﯘﻧﯩﯔ ﺑﯩﻠﻪﻥ ﮬﯚﻛﯜﻡ ﻗﯩﻠﯩﺪﯗ، ﻗﯩﻤﻤﻪﺕ ﻗﺎﺭﯨﺸﻰ ﺗﻪﺭﻛﯩﺒﯩﺪﻩ ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﯨﺸﯩﻤﯘ، ﯞﺍﻗﯩﺘﻠﯩﻖ ﻗﯩﻤﻤﻪﺕ ﻗﺎﺭﯨﺸﯩﻤﯘ ﺑﻮﻟﯩﺪﯗ، ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﯨﺸﻰ ﺩﯦﮕﯩﻨﯩﻤﯩﺰ: ﯞﻩﺗﻪﻧﭙﻪﺭﯞﻩﺭﻟﯩﻚ، ﯞﺍﭘﺎﺩﺍﺭﻟﯩﻖ ﺩﯦﮕﻪﻧﺪﻩﻙ ﺋﺎﺩﻩﻣﺪﻩ ﺳﺎﻗﻠﯩﻨﯩﺶ ﺯﯙﺭﯛﺭ ﻗﯩﻤﻤﻪﺕ ﻗﺎﺭﺍﺷﻼﺭ. ﯞﺍﻗﯩﺘﻠﯩﻖ ﻗﯩﻤﻤﻪﺕ ﻗﺎﺭﺍﺵ ﺩﯦﮕﯩﻨﯩﻤﯩﺰ ﺑﯩﺰﮔﻪ ﺑﯩﺮ ﻣﻪﺯﮔﯩﻞ ﻳﯧﺘﻪﻛﭽﯩﻠﯩﻚ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺑﯩﺰ ﺋﯘﻧﯩﯖﺪﯨﻦ ﯞﺍﺯ ﻛﯧﭽﯩﺪﯨﻐﺎﻥ، ﺋﻪﺳﻘﯧﺘﯩﺸﭽﺎﻥ ﺗﯩﭙﺘﯩﻜﻰ ﻗﺎﺭﺍﺷﻼﺭ،ﺑﯘ ﺧﯩﻞ ﻗﺎﺭﺍﺷﻼﺭ ﺑﯩﺰﮔﻪ ﺑﯩﯟﺍﺳﯩﺘﻪ ﭘﺎﻳﺪﯨﻠﯩﻖ ﺑﻮﻟﻐﺎﭼﻘﺎ، ﺑﯩﺰ ﺋﯘﻧﯩﯖﻐﺎ ﺋﻪﮔﯩﺸﯩﻤﯩﺰ، ﺋﻪﻣﻤﺎ ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﺍﺷﻼﺭﻏﺎ ﺑﻮﻟﺴﺎ ﺑﯩﺰ ﭘﺎﻳﺪﺍ ?C ﺯﯨﻴﺎﻥ ﮬﯧﺴﺎﺑﻼﺷﻤﺎﻳﻤﯩﺰ،ﻣﻪﺳﯩﻠﻪﻥ: ﺑﯩﺮ ﺩﯙﻟﻪﺕ ﺋﯩﻘﺘﯩﺴﺎﺩﻯ ﺗﺎ ﻛﯜﭼﯩﻴﯩﺸﻰ ﺋﯜﭼﯜﻥ، ﺩﯙﻟﻪﺗﺘﻪ ﺧﻪﻟﻘﻘﻪ ﺗﯩﺮﯨﺸﯩﭗ ﺋﯩﺸﻠﻪﺷﻨﻰ، ﺋﻪﻣﮕﻪﻛﭽﺎﻧﻠﯩﻖ ﮔﯜﺯﻩﻝ ﺋﻪﺧﻼﻕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺸﻰ... ﻣﯘﻣﻜﯩﻦ. ﺋﻪﻣﻤﺎ، ﺑﯧﻴﯩﭗ ﻣﻪﻟﯘﻡ ﭼﻪﻛﻜﻪ ﻳﻪﺗﻜﻪﻧﺪﻩ ﺑﻮﻟﺴﺎ ﺗﯩﺮﯨﺸﭽﺎﻧﻠﯩﻖ ﺗﻪﺑﯩﺌﯩﻴﻼ ﻛﯧﻤﯩﻴﯩﺸﻰ ﻣﯘﻣﻜﯩﻦ. ﺑﯘ ﻳﻪﺭﺩﻩ ﻳﯧﺘﻪﻛﭽﻰ ﺋﻮﺭﯗﻧﺪﯨﻜﯩﺴﻰ ﺩﻩﻝ ﯞﺍﻗﯩﺘﻠﯩﻖ ﻗﯩﻤﻤﻪﺕ ﻗﺎﺭﺍﺷﺘﯩﻦ ﺋﯩﺒﺎﺭﻩﺕ.
ﺑﻪﺯﻯ ﺩﯙﻟﻪﺗﻠﻪﺭ ﻧﺎﮬﺎﻳﯩﺘﻰ ﺑﺎﻱ، ﺧﻪﻟﻘﯩﻤﯘ ﺷﯘﻧﺪﺍﻕ ﺑﺎﻳﺎﺷﺎﺕ، ﺋﻪﻣﻤﺎ ﺋﯘﻻﺭ ﺧﯘﺩﺩﻯ ﮬﯧﭽﻨﯧﻤﯩﺴﻰ ﻳﻮﻕ ﻧﺎﻣﺮﺍﺗﻼﺭﺩﻩﻙ ﻧﺎﮬﺎﻳﯩﺘﻰ ﺗﯩﺮﯨﺸﭽﺎﻥ،ﻳﻪﻧﯩﻼ ﺗﻮﺧﺘﯩﻤﺎﻱ ﭘﯘﻝ ﺗﺎﭘﯩﺪﯗ، ﮬﻪﺗﺘﺎ ﻣﻪﻟﯘﻡ ﺩﻩﺭﯨﺠﯩﺪﻩ ﺑﯧﻴﯩﭗ، ﺗﯩﺮﯨﺸﻤﯩﺴﻤﯘ ﺟﯧﻨﯩﻨﻰ ﺧﺎﺗﯩﺮﺟﻪﻡ ﺑﯧﻘﯩﭗ ﻛﻪﺗﻜﯜﺩﻩﻙ ﮬﺎﻟﻪﺗﺘﯩﻤﯘ، ﻳﻪﻧﯩﻼ ﺗﻮﺧﺘﯩﻤﺎﻱ ﺗﯩﺮﯨﺸﯩﯟﯦﺮﯨﺪﯗ. ﺧﯘﺩﺩﻯ ﭘﯘﻟﻰ ﻳﻮﻕ ﭼﺎﻏﺪﯨﻜﯩﺪﻩﻛﻼ ﺗﯩﺮﯨﺸﯩﺪﯗ. ﻣﺎﻧﺎ ﺑﯘ ﻳﻪﺭﺩﻩ ﻳﯧﺘﻪﻛﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﯩﻨﻰ ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﯨﺸﻰ ﺩﯦﻤﻪﻙ، ﺋﯩﻘﺘﯩﺴﺎﺩﻯ ﻧﯩﯔ ﺳﯩﺠﯩﻞ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺯﯙﺭﯛﺭ ﺑﻮﻟﯩﺪﯨﻐﯩﻨﻰ ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﺍﺷﺘﯘﺭ.
ﺋﯩﻘﺘﯩﺴﺎﺩﻯ ﺋﯩﻲ ﺟﻪﮬﻪﺗﺘﯩﻜﻰ ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﯨﺸﯩﻐﺎ ﺋﯩﮕﻪ ﺋﺎﺩﻩﻣﻠﻪﺭﻧﯩﯔ ﺋﯚﺯﯨﻨﯩﯔ ﺋﯧﮭﺘﯩﻴﺎﺟﯩﻨﻰ ﺋﺎﺯﺍﺩﻩ ﻗﺎﻣﺪﯨﻴﺎﻟﯩﻐﯘﺩﻩﻙ ﭘﯘﻝ ?C ﻣﺎﻟﻐﺎ ﺋﯧﺮﯨﺸﻜﻪﻧﺪﯨﻦ ﻛﯧﻴﯩﻨﻤﯘ ﺗﻮﺧﺘﯩﻤﺎﻱ ﺗﯩﺮﯨﺸﻘﯩﻨﯩﺪﯨﻦ ﻗﺎﺭﯨﻐﺎﻧﺪﺍ ﺋﯘﻧﯩﯔ ﺗﯩﺮﯨﺸﯩﺶ ﻣﻪﻗﺴﯩﺘﯩﻨﯩﯔ ﻧﯘﻗﯘﻝ ﭘﯘﻝ ﺗﯧﭙﯩﺶ، ﺟﯧﻨﯩﻨﻰ ﺑﯧﻘﯩﺸﻘﯩﻼ ﺋﻪﻣﻪﺳﻠﯩﻜﯩﻨﻰ، ﺋﯘﻻﺭﻧﯩﯔ ﺗﻮﺧﺘﯩﻤﺎﻱ ﺗﯩﺮﯨﺸﯩﺸﯩﻐﺎ ﺗﯜﺭﺗﻜﻪ ﺑﻮﻟﯘﯞﺍﺗﻘﺎﻥ ﻣﻪﻟﯘﻡ ﺑﯩﺮ ﺋﺎﻣﯩﻞ ﺑﺎﺭﻟﯩﻘﯩﻨﻰ ﻛﯚﺭﯞﺍﻻﻻﻳﻤﯩﺰ.ﺩﻩﻝ ﻣﯘﺷﯘ «ﻣﻪﻟﯘﻡ ﺑﯩﺮ ﺋﺎﻣﯩﻞ» ﯞﺍﻗﯩﺘﻠﯩﻖ ﻗﯩﻤﻤﻪﺕ ﻗﺎﺭﺍﺷﻘﺎ ﺋﯩﮕﻪ ﺗﻪﯞﻩ ﺑﻮﻟﻤﺎﺳﺘﯩﻦ، ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﺍﺵ ﺗﻪﺭﻛﯩﺒﯩﺪﻩ ﺑﻮﻟﯩﺪﯗ.
ﺩﯦﻤﻪﻙ، ﺋﯩﻘﺘﯩﺴﺎﺩﻯ ﺋﻰ ﺗﻪﺭﻩﻗﻘﯩﻲ ﻗﯩﻠﻤﺎﻳﺪﯨﻐﺎﻥ ﮬﻪﻡ ﻗﯩﻠﻤﯩﻐﺎﻥ ﺟﻪﻣﺌﯩﻴﻪﺗﺘﻪ ﺩﻩﻝ ﮬﯧﻠﯩﻘﻰ «ﻣﻪﻟﯘﻡ ﺑﯩﺮ ﺋﺎﻣﯩﻞ» ﻳﻮﻕ. ﺑﯘﻧﯩﯖﺪﯨﻦ ﺷﯘﻧﺪﺍﻕ ﺧﯘﻻﺳﯩﮕﻪ ﻛﯧﻠﯩﺸﻜﻪ ﺑﻮﻟﯩﺪﯗﻛﻰ، ﺋﯩﻘﺘﯩﺴﺎﺩﻯ ﺯﯙﺭﯛﺭ ﺑﻮﻟﯩﺪﯨﻐﺎﻥ ﻳﺎﻛﻰ ﺑﺎﺷﻘﯩﭽﻪ ﺋﯧﻴﺘﻘﺎﻧﺪﺍ، ﭘﯘﻝ ﺑﻮﻟﻤﯩﺴﺎ ﺋﯩﺸﻘﺎ ﺋﺎﺷﯘﺭﻏﯩﻠﻰ ﺑﻮﻟﻤﺎﻳﺪﯨﻐﺎﻥ ﭘﯘﻟﻨﻰ ﺟﯩﺪﺩﯨﻲ ﺗﻪﻟﻪﭖ ﻗﯩﻠﯩﺪﯨﻐﺎﻥ ﻣﻪﻟﯘﻡ ﺑﯩﺮ ﻏﺎﻳﻪ، ﻣﻪﻗﺴﻪﺗﻤﯘ، ﺑﯩﺮ ﺷﻪﺧﺴﻨﯩﯔ، ﮬﻪﺗﺘﺎ ﺑﯩﺮ ﺟﻪﻣﺌﯩﯩﻴﻪﺗﻨﯩﯔ، ﻣﯩﻠﻠﻪﺗﻨﯩﯔ ﺑﺎﻱ ?C ﻧﺎﻣﺮﺍﺕ ﮬﺎﻟﯩﺘﯩﻨﻰ ﺑﻪﻟﮕﯩﻠﻪﻳﺪﯗ. ﻣﻪﯕﮕﯜﻟﯜﻙ ﻗﯩﻤﻤﻪﺕ ﻗﺎﺭﺍﺷﻨﯩﯖﻼ ﻛﯜﭼﻰ ﭘﯜﺗﻤﻪﺱ - ﺗﯜﮔﯩﻤﻪﺱ ﺑﻮﻟﯩﺪﯗ. ﺋﻪﻟﯟﻩﺗﺘﻪ ﺋﻪﺳﻜﻪﺭﺗﯩﺶ ﺯﯙﺭﯛﺭﻛﻰ، ﺑﯘ ﻗﯩﻤﻤﻪﺕ ﻗﺎﺭﺍﺵ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺑﯩﺮﺩﯨﻨﺒﯩﺮ ﮬﻪﻝ ﻗﯩﻠﻐﯘﭺ ﺋﺎﻣﯩﻞ ﺩﯦﮕﻪﻧﻠﯩﻚ ﺋﻪﻣﻪﺱ، ﺋﻪﻣﻤﺎ ﺋﯘﻧﯩﯔ ﺭﻭﻟﻰ ﻧﺎﮬﺎﻳﯩﺘﻰ ﺯﻭﺭ. ﺑﯩﺮ ﺟﻪﻣﺌﯩﻴﻪﺗﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻨﻰ ﻧﯘﻗﯘﻝ ﻗﯩﻤﻤﻪﺕ ﻗﺎﺭﺍﺷﻘﯩﻼ ﺑﺎﻏﻼﭖ ﻗﻮﻳﯘﺷﻤﯘ ﺗﺎﺯﺍ ﺋﺎﻗﯩﻼﻧﯩﻠﯩﻚ ﺋﻪﻣﻪﺱ.
ﺗﯚﯞﻩﻧﺪﻩ ﺑﻪﺯﯨﺒﯩﺮ ﻣﻪﺩﻩﻧﯩﻴﻪﺕ ﺋﺎﻣﯩﻠﻠﯩﺮﯨﻐﺎ ﺑﻮﻟﻐﺎﻥ ﭼﯜﺷﻪﻧﭽﯩﺪﯨﻜﻰ ﭘﻪﺭﻗﻨﯩﯔ ﺑﻪﻟﮕﯩﻠﯩﻚ ﺟﻪﻣﺌﯩﻴﻪﺗﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﯩﻐﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﯨﻨﻰ ﻗﯩﺴﻘﯩﭽﻪ ﺳﯧﻠﯩﺸﺘﯘﺭﯗﭖ ﭼﯩﻘﯩﻤﯩﺰ.
ﺑﯩﺮﯨﻨﭽﻰ ﺩﯨﻦ.
ﺭﻭﺷﻪﻧﻜﻰ، ﺩﯨﻦ ﺋﯩﻨﺴﺎﻧﻼﺭ ﺟﻪﻣﺌﯩﻴﺘﻰ ﻗﯩﻤﻤﻪﺕ ﻗﺎﺭﯨﺸﯩﻨﯩﯔ ﻣﯘﮬﯩﻢ ﻣﻪﻧﺒﻪﺳﻰ، ﺩﯨﻦ ﺋﯚﺯﻯ ﺑﯩﺮ ﭘﯜﺗﯜﻥ ﻣﯘﻛﻪﻣﻤﻪﻝ ﺳﯩﺴﺘﯧﻤﺎ ﺑﻮﻟﺴﯩﻤﯘ، ﺑﻪﻟﮕﯩﻠﯩﻚ ﺩﻩﯞﺭ، ﺑﻪﻟﮕﯩﻠﯩﻚ ﻣﺎﻛﺎﻥ، ﺋﻮﺧﺸﺎﺵ ﺑﯩﺮ ﺩﯨﻦ ﺗﻪﺭﻛﯩﺒﯩﺪﯨﻜﻰ ﺋﻮﺧﺸﯩﻤﯩﻐﺎﻥ ﺗﻪﺷﻪﺑﺒﯘﺳﻼﺭﻧﻰ ﺗﻪﻗﻪﺯﺯﺍ ﻗﯩﻠﯩﺪﯗ. ﺟﻪﻣﺌﯩﻴﻪﺗﺘﻪ ﺑﻪﺯﯨﻠﯩﺮﻯ ﻳﻪﻧﻪ ﺑﻪﺯﯨﻠﯩﺮﺩﯨﻦ ﺗﻪﺭﻏﯩﺐ ﻗﯩﻠﯩﻨﻤﺎﻳﺪﯗ ﯞﻩ ﺗﻪﻛﯩﺘﻠﻪﻧﻤﻪﻳﺪﯗ. ﺑﯘﻧﻰ ﻛﻮﻧﻜﺮﯦﺖ ﺋﯧﮭﺘﯩﻴﺎﺝ ﺑﻪﻟﮕﯩﻠﻪﻳﺪﯗ. ﺑﻪﻛﺮﻩﻙ ﺗﻪﻛﯩﺘﻠﻪﻧﮕﻪﻧﻠﯩﺮﻯ ﺟﻪﻣﺌﯩﯩﻴﻪﺗﻨﯩﯔ ﺑﯩﺮ ﭘﯜﺗﯜﻥ ﺋﯩﺪﯨﻴﯩﺴﯩﮕﻪ ﺋﺎﻳﻠﯩﻨﯩﭗ ﺟﻪﻣﺌﯩﻴﻪﺕ ﺋﻪﺯﺍﻟﯩﺮﯨﻨﯩﯔ ﻳﯧﺘﻪﻛﭽﻰ ﺋﯩﺪﯨﻴﯩﺴﯩﮕﻪ ﺋﺎﻳﻠﯩﻨﯩﺪﯗ. ﺗﻪﻛﯩﺘﻠﯩﻨﯩﯟﺍﺗﻘﺎﻥ ﻗﺎﺭﺍﺷﻼﺭﻧﯩﯔ ﺗﻪﺭﻛﯩﺒﯩﺪﯨﻜﻰ ﺑﺎﻳﻠﯩﻖ،ﻧﺎﻣﺮﺍﺗﻠﯩﻖ،ﭘﯘﻝ ﮬﻪﻗﻘﯩﺪﯨﻜﻰ ﺗﻪﺷﻪﺑﺒﯘﺳﻼﺭ ﺷﯘ ﺟﻪﻣﺌﯩﻴﻪﺕ ﺋﻪﺯﺍﻟﯩﺮﯨﻨﯩﯔ ﺋﯩﻘﺘﯩﺴﺎﺩﻯ ﺋﯩﻲ ﺋﯧﯖﯩﻨﻰ ﺷﻪﻛﯩﻠﻠﻪﻧﺪﯛﺭﯨﺪﯗ.ﺋﯩﻘﺘﯩﺴﺎﺩﻯ ﺗﯘﺭﻏﯘﻥ ﺟﻪﻣﺌﯩﻴﻪﺗﺘﻪ ﭼﻮﻗﯘﻡ ﺩﯨﻨﻨﯩﯔ ﺷﯜﻛﯜﺭ ﻗﯩﻠﯩﺶ، ﻧﺎﻣﺮﺍﺗﻠﯩﻖ،ﺑﯘ ﺩﯗﻧﻴﺎﻧﯩﯔ ﯞﺍﭘﺎﺳﯩﺰﻟﯩﻘﻰ، ﮬﻪﻗﻘﯩﺪﯨﻜﻰ ﺋﻪﮬﻜﺎﻡ ﺗﻪﺷﻪﺑﺒﯘﺳﻠﯩﺮﻯ ﺑﻪﻛﺮﻩﻙ ﺗﻪﻛﯩﺘﻠﯩﻨﯩﺪﯗ، ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻲ ﻗﯩﻠﯩﺪﯨﻐﺎﻥ ﺟﻪﻣﺌﯩﻴﻪﺕ ﺑﻮﻟﺴﺎ،ﺑﺎﻳﻠﯩﻘﻨﯩﯔ ﻣﯘﮬﯩﻤﻠﯩﻘﻰ، ﺋﯩﻘﺘﯩﺴﺎﺩﻯ ﺋﯩﻲ ﻛﯜﭼﻨﯩﯔ ﺩﯨﻨﻐﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﺑﻪﻛﺮﻩﻙ ﺗﻪﻛﯩﺘﻠﯩﻨﯩﺪﯗ. ﺑﯘ ﺧﯩﻞ ﭘﻪﺭﻕ ﺩﻩﻝ ﺷﯘ ﺟﻪﻣﺌﯩﻴﻪﺗﺘﯩﻜﻰ ﺑﺎﻱ - ﻧﺎﻣﺮﺍﺗﻼﺭﻏﺎ ﺑﻮﻟﻐﺎﻥ ﺑﺎﮬﺎ، ﻗﺎﺭﺍﺷﻼﺭﺩﺍ ﺑﻪﻛﺮﻩﻙ ﺭﻭﺷﻪﻥ ﺋﯩﭙﺎﺩﯨﻠﯩﻨﯩﺪﯗ.ﺋﯩﻘﺘﯩﺴﺎﺩﻯ ﻗﺎ ﺗﻮﺳﺎﻟﻐﯘ ﻗﯩﻠﯩﯟﺍﺗﻘﺎﻧﺪﻩﻙ ﺟﻪﻣﺌﯩﻴﻪﺗﺘﻪ ﻛﯩﺸﯩﻠﻪﺭ ﭘﯘﻝ ﺗﯧﭙﯩﯟﺍﻟﻐﺎﻧﻼﺭﻧﻰ ﮔﯘﻧﺎﮪ ﺳﺎﺩﯨﺮ ﻗﯩﻠﯩﯟﺍﺗﻘﺎﻧﺪﻩﻙ ﭘﯘﻝ ﺗﺎﭘﻤﺎﻱ ﺷﯜﻛﺮﺍﻧﻠﯩﻖ ﺑﯩﻠﻪﻥ ﻳﺎﺷﺎﻳﺪﯨﻐﺎﻧﻼﺭﻏﺎ ﺋﯘﻻﺭ ﺗﻮﻏﺮﺍ ﻳﻮﻟﺪﺍ ﻣﯧﯖﯩﯟﺍﺗﻘﺎﻧﺪﻩﻙ ﻗﺎﺭﺍﻳﺪﯗ.
ﺋﯩﻜﻜﯩﻨﭽﻰ ﺷﻪﺧﺴﻜﻪ ﺑﻮﻟﻐﺎﻥ ﺗﻮﻧﯘﺵ
ﺋﯩﻘﺘﯩﺴﺎﺩﻯ ﻗﺎ ﺗﻮﺳﺎﻟﻐﯘ ﺟﻪﻣﺌﯩﻴﻪﺗﺘﻪ، ﺷﻪﺧﺴﻨﯩﯔ ﺭﻭﻟﻰ ﻛﻮﻟﻠﯧﻜﺘﯩﭙﻨﯩﯔ ﺋﯩﭽﯩﮕﻪ ﻗﻮﺷﯘﯞﯦﺘﯩﻠﯩﺪﯗ. ﺷﻪﺧﺴﻜﻪ ﺋﯩﺸﻪﻧﭻ ﻗﯩﻠﯩﻨﻤﺎﻳﺪﯗ، ﺋﯩﻘﺘﯩﺴﺎﺩﻯ ﻧﯩﯔ ﮬﻪﻗﯩﻘﯩﻲ ﺗﯜﺭﺗﻜﯩﺴﻰ ﺷﻪﺧﺴﻨﯩﯔ ﺋﯩﺠﺎﺩﭼﺎﻧﻠﯩﻘﻰ ﯞﻩ ﺋﻪﺭﻛﯩﻨﻠﯩﻜﯩﺪﯗﺭ.ﺷﻪﺧﺴﻨﯩﯔ ﺋﻪﺭﻛﯩﻨﻠﯩﻜﻰ ﻛﻮﻟﻠﯧﻜﺘﯩﭙﻘﺎ ﺑﻪﺧﺸﻪﻧﺪﻩ ﻗﯩﻠﯩﻨﻐﺎﻥ ﺟﻪﻣﺌﯩﻴﻪﺗﺘﻪ ﺋﯩﻘﺘﯩﺴﺎﺩﻯ ﻧﯩﯔ ﺗﻪﺭﻩﻗﻘﯩﻴﺎﺕ ﻗﻪﺩﯨﻤﻰ ﺑﻪﻙ ﺋﺎﺳﺘﺎ ﺑﻮﻟﯩﺪﯗ. ﺷﻪﺧﺲ ﭘﻪﻗﻪﺕ ﺋﯚﺯﻯ ﺋﯜﭼﯜﻥ ﺋﯩﺸﻠﯩﮕﻪﻧﺪﯨﻼ، ﺋﯚﺯﯨﻨﯩﯔ ﺋﯩﺸﯩﻐﺎ ﺋﯚﺯﻯ ﺋﯩﮕﻪ ﺑﻮﻻﻻﻳﺪﯨﻐﯩﻨﯩﻨﻰ ﮬﯧﺲ ﻗﯩﻠﻐﺎﻧﺪﯨﻼ ﺋﯘﻧﯩﯔ ﺋﺎﻛﺘﯩﭙﭽﺎﻧﻠﯩﻘﻰ ﭼﻪﻛﺴﯩﺰ ﺑﻮﻟﯩﺪﯗ، ﮬﻪﻳﺪﻩﻛﭽﻰ ﻛﻪﺗﻤﻪﻳﺪﯗ،ﺋﻪﮔﻪﺭ ﺑﯩﺮ ﺋﺎﺩﻩﻡ ﺋﻪﻗﯩﺪﻩ - ﻗﺎﺭﺍﺷﻼﺭﺩﺍ ﺋﺎﺩﻩﻣﮕﻪ ﺋﻪﮔﻪﺷﺴﻪ، ﺋﯘﻧﺪﺍﻗﺘﺎ ﺋﯘﻧﯩﯔ ﺑﯩﺮﻩﺭ ﺋﯩﺸﺘﺎ ﮬﻪﺭﯨﻜﻪﺗﻠﻪﻧﺪﯛﺭﮔﯜﭼﻰ ﻛﯜﭼﻰ، ﺋﯩﺠﺎﺩﭼﺎﻧﻠﯩﻘﻰ ﺑﻮﻟﻤﺎﻳﺪﯗ. ﺷﻪﺧﺴﻜﻪ ﺋﯩﺸﯩﻨﯩﺶ، ﺋﯘﻧﯩﯔ ﺋﯩﻘﺘﯩﺪﺍﺭﻯ، ﻛﯜﭼﯩﮕﻪ ﮬﯚﺭﻣﻪﺕ ﻗﯩﻠﯩﺶ ﺋﯩﻘﺘﯩﺴﺎﺩﻯ ﺋﻰ ﺗﻪﺭﻩﻗﻘﯩﻲ ﻗﯩﻠﯩﺪﯨﻐﺎﻥ ﺟﻪﻣﺌﯩﻴﻪﺗﻨﯩﯔ ﺑﻪﻟﮕﯩﺴﻰ. ﺋﻪﻛﺴﯩﭽﻪ ﺷﻪﺧﺴﻨﻰ ﻧﺎﺯﺍﺭﻩﺕ ﻗﯩﻠﯩﺶ ﺑﺎﺷﻘﯘﺭﯗﺵ، ﻛﻮﻧﺘﺮﻭﻝ ﻗﯩﻠﯩﺶ ﺋﯩﻘﺘﺴﺎﺩﻯ ﺗﻪﺭﻩﻗﻘﯩﻲ ﻗﯩﻠﻤﺎﻳﺪﯨﻐﺎﻥ ﺟﻪﻣﺌﯩﻴﻪﺗﻨﯩﯔ ﺗﯩﭙﯩﻚ ﺋﺎﻻﻣﯩﺘﻰ. ﺧﯘﺩﺩﻯ ﺋﺎﻣﯧﺮﯨﻜﺎ ﺟﻪﻣﺌﯩﻴﻪﺗﺸﯘﻧﺎﺳﻰ ﻣﺎﺭﯨﺌﺎﻧﻮ ﺋﯧﻴﺘﻘﺎﻧﺪﻩﻙ ﭘﻪﻗﻪﺕ «ﺧﻪﻟﻖ»،«ﺋﺎﻣﻤﺎ»ﻻ ﺑﻮﻟﯘﭖ ﺑﻮﻟﯘﭖ ﺷﻪﺧﺲ ﺑﻮﻟﻤﯩﺴﺎ ﺗﻪﺭﻩﻗﻘﯩﻴﺎﺕ ﺑﻮﻟﻤﺎﻳﺪﯗ.
ﺋﯜﭼﯩﻨﭽﻰ ﻏﺎﻳﻪ.
ﺋﯩﻘﺘﯩﺴﺎﺩﻯ ﺋﻰ ﺗﻪﺭﻩﻗﻘﯩﻲ ﻗﯩﻠﻤﺎﻳﺪﯨﻐﺎﻥ ﺟﻪﻣﺌﯩﻴﻪﺗﺘﻪ، ﺧﯩﻴﺎﻟﻰ ﺋﻮﺗﻮﭘﯩﻴﻪ، ﻓﺎﻧﺘﺎﺯﯨﻴﻪ ﺑﻪﻛﺮﻩﻙ ﮬﯚﻛﯜﻡ ﺳﯜﺭﯨﺪﯗ، ﮬﯧﺴﺴﯩﻲ ﺋﯘﻗﯘﻣﻼﺭ ﺑﻪﻛﺮﻩﻙ ﺑﺎﺯﺍﺭ ﺗﺎﭘﯩﺪﯗ.ﺭﯦﺌﺎﻟﯩﺰﻣﻠﯩﻖ ﺋﯘﻻﺭﻧﯩﯔ ﺋﻪﺳﻪﺭﻟﯩﺮﯨﺪﯨﻦ ﺗﯧﭙﯩﻠﯩﺪﯗ، ﯞﻩﮬﺎﻟﻪﻧﻜﻰ ﺗﯘﺭﻣﯘﺷﻰ، ﺋﻪﻣﻪﻟﯩﻴﯩﺘﯩﺪﻩ ﺋﯘﻻﺭ ﺋﻪﻣﻪﻟﯩﻲ ﻛﯜﭼﯩﮕﻪ ﻗﺎﺭﯨﻐﺎﻧﺪﺍ ﻣﻪﯞﮬﯘﻡ ﻛﯜﭼﻠﻪﺭﮔﻪ ﺑﻪﻛﺮﻩﻙ ﺋﯧﺘﯩﻘﺎﺩ ﻗﯩﻠﯩﺪﯗ.ﺋﯘﻻﺭ ﻗﺎﻧﯘﻧﺪﯨﻦ ﮬﺎﻟﻘﯩﻐﺎﻥ ﻣﯘﯞﻩﭘﭙﻪﻗﯩﻴﻪﺗﻠﻪﺭﻧﻰ ﺗﻪﺭﻩﭘﺒﺎﻝ ﻧﻪﺗﯩﺠﯩﻠﻪﺭﻧﻰ ﺗﺎﻣﺎ ﻗﯩﻠﯩﺪﯗ.
ﺋﯩﻘﺘﯩﺴﺎﺩﻯ ﺋﻰ ﺗﻪﺭﻩﻗﻘﯩﻲ ﻗﯩﻠﯩﺪﯨﻐﺎﻥ ﺟﻪﻣﺌﯩﻴﻪﺗﺘﻪ ﺑﻮﻟﺴﺎ، ﺋﻪﻣﻪﻟﮕﻪ ﺋﺎﺷﯩﺪﯨﻐﺎﻥ، ﺋﻪﻣﻪﻟﯩﻴﻪﺗﻜﻪ ﺋﯘﻳﻐﯘﻥ ﺋﯩﺸﻼﺭ ﻣﻪﻗﺴﻪﺕ ﻗﯩﻠﯩﻨﯩﺪﯗ. ﺑﯩﺮﺍﻕ ﻛﻪﻟﮕﯜﺳﻰ ﺋﯩﺸﻼﺭﻏﺎ ﻗﺎﺭﯨﻐﺎﻧﺪﺍ ﺋﻪﺗﯩﻜﻰ ﺋﯩﺸﻼﺭﻧﻰ ﺑﺎﻟﺪﯗﺭ ﻛﯜﻧﺘﻪﺭﺗﯩﭙﻜﻪ ﻛﯩﺮﮔﯘﺯﯨﺪﯗ. ﺑﯘ ﺟﻪﻣﺌﯩﻴﻪﺗﺘﻪ ﺋﯜﺑﻴﯧﻜﺘﯩﭗ ﻗﺎﻧﯘﻧﯩﻴﻪﺗﻜﻪ ﮬﯚﺭﻣﻪﺕ ﻗﯩﻠﯩﺪﯗ .
ﺗﻮﺗﯩﻨﭽﻰ ﺑﺎﻳﻠﯩﻖ ﻗﺎﺭﯨﺸﻰ.
ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻲ ﻗﯩﻠﻤﺎﻳﺪﯨﻐﺎﻥ ﺟﻪﻣﺌﯩﻴﻪﺗﺘﻪ ﻛﯚﺯ ﺋﺎﻟﺪﯨﺪﯨﻜﻰ ﻧﻪﺭﺳﯩﻨﻰ ﺑﺎﻳﻠﯩﻖ ﺩﻩﭖ ﻗﺎﺭﺍﭖ،ﺋﯘﻧﯩﯔ ﻳﻪﻧﻪ ﺑﺎﻳﻠﯩﻖ ﻳﺎﺭﯨﺘﯩﺶ ﻗﯩﻤﻤﯩﺘﯩﮕﻪ ﻗﺎﺭﯨﻐﺎﻧﺪﺍ ﻧﻪﻕ ﺋﯩﺸﻠﯩﺘﯩﺶ ﻗﯩﻤﻤﯩﺘﯩﮕﻪ ﺑﻪﻛﺮﻩﻙ ﻛﯚﯕﯜﻝ ﺑﯚﻟﯩﺪﯗ. ﺑﺎﻳﻠﯩﻖ ﺋﯧﺘﯩﺰﺩﺍ،ﺑﺎﺯﺍﺭﺩﺍ....... ﺩﻩﭖ ﻗﺎﺭﯨﻠﯩﺪﯗ، ﺋﻪﻣﻤﺎ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻲ ﻗﯩﻠﯩﺪﯨﻐﺎﻥ ﺟﻪﻣﺌﯩﻴﻪﺗﺘﻪ ﺑﻮﻟﺴﺎ ﺑﺎﻳﻠﯩﻖ ﺋﯧﭽﯩﻠﻤﯩﻐﺎﻥ، ﺑﺎﻳﻘﺎﻟﻤﯩﻐﺎﻥ ﺟﺎﻳﻼﺭﺩﺍ، ﺑﺎﻳﻠﯩﻖ ﻳﯧﯖﯩﻠﯩﻖ ﻳﺎﺭﯨﺘﯩﺸﺘﺎ ﺩﻩﭖ ﺑﯩﻠﯩﺪﯗ. ﺧﯘﺩﺩﻯ ﻣﺎﺭﯨﺌﺎﻧﻮ ﺋﯧﻴﺘﻘﺎﻧﺪﻩﻙ «ﺋﯩﻘﺘﯩﺴﺎﺩﻯ ﺗﻮﺳﺎﻟﻐﯘ ﺟﻪﻣﺌﯩﻴﻪﺗﺘﻪ ﻛﯩﺸﯩﻠﻪﺭ ﻛﻮﻣﭙﻴﯘﺗﯧﺮﻧﯩﯔ ﺑﯜﮔﯜﻧﯩﮕﻪ ﻛﯚﯕﯜﻝ ﺑﯚﻟﺴﻪ،ﺋﯩﻘﺘﯩﺴﺎﺩﻯ ﻗﺎ ﺗﯜﺭﺗﻜﻪ ﺟﻪﻣﺌﯩﻴﻪﺗﺘﻪ ﻛﯩﺸﯩﻠﻪﺭ ﻛﻮﻣﭙﻴﯘﺗﯧﺮﻧﯩﯔ ﻛﯧﻴﯩﻨﻜﻰ ﺋﻪﯞﻻﺩﯨﻐﺎ ﻛﯚﯕﯜﻝ ﺑﻮﻟﯩﺪﯗ.»
ﺑﻪﺷﯩﻨﭽﻰ ﺭﯨﻘﺎﺑﻪﺕ ﺋﯧﯖﻰ.
ﺋﯩﻘﺘﯩﺴﺎﺩﻯ ﻗﺎ ﺗﻮﺳﺎﻟﻐﯘ ﺟﻪﻣﺌﯩﻴﻪﺗﺘﻪ ﺭﯨﻘﺎﺑﻪﺕ ﺩﯛﺷﻤﻪﻧﻠﯩﺸﯩﺶ ﺩﻩﭖ ﻗﺎﺭﯨﻠﯩﭗ، ﮬﻪﻣﻜﺎﺭﻟﯩﺸﯩﺶ،ﻳﺎﺭﺩﻩﻣﻠﯩﺸﯩﺶ ﺋﺎﻻﮬﯩﺪﻩ ﺗﻪﻛﯩﺘﻠﯩﻨﯩﺪﯗ. ﺋﯘﻻﺭ ﺭﯨﻘﺎﺑﻪﺗﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ ﺑﺎﺭﺍﯞﻩﺭﻟﯩﻚ ﺩﻩﭖ ﻗﺎﺭﺍﭖ، ﺭﯦﺌﺎﻟﻠﯩﻘﺘﺎ ﺑﻮﻟﯩﺸﻰ ﻣﯘﻣﻜﯩﻦ ﺑﻮﻟﻤﺎﻳﺪﯨﻐﺎﻥ ﺋﻮﺗﻮﭘﯩﻚ ﺑﺎﺭﺍﯞﻩﺭﻟﯩﻜﻨﻰ ﻗﻮﻏﻠﯩﺸﯩﺪﯗ.
ﺭﯨﻘﺎﺑﻪﺕ ﺋﯩﻘﺘﯩﺴﺎﺩﻗﺎ ﺗﯜﺭﺗﻜﻪ ﺟﻪﻣﺌﯩﯩﻴﻪﺗﻨﯩﯔ ﻣﯘﮬﯩﻢ ﺑﯩﺮ ﺋﺎﻻﮬﯩﺪﯨﻠﯩﻜﻰ .ﭘﻪﻗﻪﺕ ﺭﯨﻘﺎﺑﻪﺗﺘﯩﻼ ﺋﺎﺩﻩﻣﻨﯩﯔ ﺑﺎﺭﻟﯩﻖ ﺋﯩﻘﺘﯩﺪﺍﺭﻯ، ﻳﻮﺷﯘﺭﯗﻥ ﻛﯜﭼﻰ ﺗﻮﻟﯘﻕ ﻗﯧﺰﯨﻠﯩﺪﯗ.ﺋﯩﻘﺘﯩﺴﺎﺩﻯ ﻗﺎ ﺗﻮﺳﺎﻟﻐﯘ ﺟﻪﻣﺌﯩﻴﻪﺗﺘﻪ ﺑﻮﻟﺴﺎ ﻛﯩﺸﯩﻠﻪﺭ ﺭﯨﻘﺎﺑﻪﺗﻨﯩﯔ ﺋﻪﯓ ﻳﺎﺧﺸﻰ ﮬﻪﻣﻜﺎﺭﻟﯩﺸﯩﺶ ﺋﯩﻜﻪﻧﻠﯩﻜﯩﻨﻰ ﭼﯜﺷﻪﻧﻤﻪﻳﺪﯗ، ﺭﯨﻘﺎﺑﻪﺗﺘﻪ ﮬﻪﺭ ﺋﯩﻜﻜﻰ ﺗﻪﺭﻩﭖ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ ﺗﯩﺮﯨﺸﯩﺪﯗ. ﮬﺎﻟﺒﯘﻛﻰ، ﮬﻪﻣﻜﺎﺭﻟﯩﻘﺘﺎ ﺑﻮﻟﺴﺎ ﭼﻮﻗﯘﻡ ﺑﯩﺮ ﺗﻪﺭﻩﭖ ﺑﯩﺮ ﺗﻪﺭﻩﭘﻜﻪ ﻳﯘﻟﯩﻨﯩﯟﺍﻟﯩﺪﯗ، ﻣﻪﺳﺌﯘﻟﯩﻴﻪﺗﺘﯩﻦ ﻗﺎﭼﯩﺪﯗ، ﺗﯩﺮﯨﺸﭽﺎﻧﻠﯩﻘﻰ ﺯﻭﺭ ﺩﻩﺭﯨﺠﯩﺪﻩ ﻛﯧﻤﯩﻴﯩﭗ ﻛﯧﺘﯩﺪﯗ.
ﺋﺎﻟﺘﯩﻨﭽﻰ ﮬﻮﻗﯘﻕ ﻣﻪﺟﺒﯘﺭﯨﻴﻪﺕ ﺋﯧﯖﻰ .
ﺗﯧﮕﯩﺸﻠﯩﻚ ﻣﻪﺟﺒﯘﺭﯨﻴﯩﺘﯩﻨﻰ ﺋﺎﺩﺍ ﻗﯩﻠﯩﺶ، ﯞﻩﺯﯨﭙﯩﺴﯩﻨﻰ ﺗﻮﻧﯘﺵ ....... ﺩﯦﮕﻪﻥ ﭼﺎﻗﯩﺮﯨﻘﻼﺭ ﺋﯩﻘﺘﯩﺴﺎﺩﻯ ﻗﺎ ﺗﻮﺳﺎﻟﻐﯘ ﺟﻪﻣﺌﯩﯩﻴﻪﺗﻨﯩﯔ ﺋﺎﺳﺎﺳﯩﻲ ﻣﯧﻠﻮﺩﯨﻴﯩﺴﻰ، ﺋﯘ ﻳﻪﺭﺩﻩ ﻣﻪﺟﺒﯘﺭﯨﻴﻪﺕ ﮬﻮﻗﯘﻗﺘﯩﻦ ﺑﻪﻛﺮﻩﻙ ﺗﻪﻛﯩﺘﻠﯩﻨﯩﺪﯗ، ﻳﯘﻗﯩﺮﯨﻨﯩﯔ ﺑﻪﻛﺮﻩﻙ ﻛﯚﯕﯜﻝ ﺑﻮﻟﯩﺪﯨﻐﯩﻨﻰ ﭘﯘﻗﺮﺍﻧﯩﯔ ﮬﻮﻗﯘﻗﻰ ﻗﺎﻧﭽﯩﻠﯩﻚ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻟﺪﻯ؟ ﺑﻪﮬﺮﯨﻤﻪﻥ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺋﻪﻣﻤﺎ ﺑﻪﮬﺮﯨﻤﻪﻥ ﺑﻮﻻﻟﻤﯩﻐﺎﻥ ﻗﺎﻧﺪﺍﻕ ﮬﻮﻗﯘﻗﻠﯩﺮﻯ ﺑﺎﺭ؟ﺩﯦﮕﻪﻧﻠﻪﺭ ﺋﻪﻣﻪﺱ،ﺑﻪﻟﻜﻰ ﺋﯘﻻﺭ ﻗﺎﻳﺴﻰ ﻣﻪﺟﺒﯘﺭﯨﻴﻪﺗﻨﻰ ﺋﺎﺩﺍ ﻗﯩﻠﻤﯩﺪﻯ؟ ﻗﺎﻳﺴﻰ ﯞﻩﺯﯨﭙﻪ ﻣﻪﺳﺌﯘﻟﯩﻴﻪﺗﺘﯩﻦ ﺑﺎﺵ ﺗﺎﺭﺗﯩﯟﺍﺗﯩﺪﯗ؟......ﺩﯦﮕﻪﻧﻠﻪﺭﺩﯨﻦ ﺋﯩﺒﺎﺭﻩﺕ ﺑﯩﻠﯩﺶ ﻛﯧﺮﻩﻛﻜﻰ ﺷﻪﺧﺴﻨﯩﯔ ﻳﯧﯖﯩﻠﯩﻖ ﻳﺎﺭﯨﺘﯩﺶ ﺭﻭﮬﻰ، ﺋﯩﺠﺎﺩﭼﺎﻧﻠﯩﻘﻰ ﻣﯘﯞﺍﭘﯩﻖ ﮬﻮﻗﯘﻕ ﺩﺍﺋﯩﺮﯨﺴﯩﺪﻩ ﺋﺎﻧﺪﯨﻦ ﺋﻮﺑﺪﺍﻥ ﺟﺎﺭﻯ ﺑﻮﻟﯩﺪﯗ،ﻗﯧﺰﯨﻠﯩﺪﯗ.
ﻳﻪﺗﺘﯩﻨﭽﻰ ﻣﺎﺋﺎﺭﯨﭗ ﺋﯧﯖﻰ.
ﺋﯩﻘﺘﯩﺴﺎﺩﻗﺎ ﺗﻮﺳﺎﻟﻐﯘ ﺟﻪﻣﺌﯩﻴﻪﺗﺘﻪ ﻣﺎﺋﺎﺭﯨﭗ ﺑﯩﻠﯩﻨﯩﭗ ﺑﻮﻟﻐﺎﻥ ﺑﯩﻠﯩﻤﻠﻪﺭﻧﻰ ﺋﯚﮔﯩﺘﯩﺶ ﺟﻪﺭﻳﺎﻧﻰ ﺑﻮﻟﺴﺎ، ﺋﯩﻘﺘﯩﺴﺎﺩﻯ ﻗﺎ ﺗﯜﺭﺗﻜﻪ ﺟﻪﻣﺌﯩﻴﻪﺗﺘﻪ ﻣﺎﺋﺎﺭﯨﭗ ﺑﯩﻠﮕﻪﻥ ﺑﯩﻠﯩﻤﻠﻪﺭ ﺋﺎﺳﺎﺳﯩﺪﺍ ﺗﯧﺨﻰ ﺑﯩﻠﯩﻨﻤﯩﮕﻪﻥ ﺳﺎﮬﻪﻟﻪﺭﻧﻰ ﺑﺎﻳﻘﺎﺵ ﺟﻪﺭﻳﺎﻧﻰ .ﺋﯩﻘﺘﯩﺴﺎﺩﻯ ﻗﺎ ﺗﻮﺳﺎﻟﻐﯘ ﺟﻪﻣﺌﯩﻴﻪﺗﺘﻪ ﻛﯩﺸﯩﻠﻪﺭﻧﯩﯔ ﻣﯧﯖﯩﺴﻰ ﺗﻮﺷﻘﯘﺯﯗﺷﻘﺎ ﺗﯧﮕﯩﺸﻠﯩﻚ ﻗﺎﭼﺎ ﺑﻮﻟﺴﺎ، ﺋﯩﻘﺘﯩﺴﺎﺩﻯ ﻗﺎ ﺗﯜﺭﺗﻜﻪ ﺟﻪﻣﺌﯩﻴﻪﺗﺘﻪ ﻳﺎﻏﺪﯗﺭﯗﺷﻘﺎ ﺗﯧﮕﯩﺸﻠﯩﻚ ﻣﻪﺷﺌﻪﻟﺪﯗﺭ. ﺗﻪﻳﻴﺎﺭ ﻗﺎﺋﯩﺪﯨﻠﻪﺭﮔﻪ ﺧﯩﻼﭘﻠﯩﻖ ﻗﯩﻠﯩﻨﻤﺎﻱ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﯩﻠﻤﯩﻲ ﻧﻪﺗﯩﺠﯩﻨﯩﯔ ﻳﯘﻗﯩﺮﻯ ﺑﺎﮬﺎﻏﺎ ﺋﯧﺮﯨﺸﺸﺘﻰ، ﻣﯘﺋﻪﻳﻴﻪﻧﻠﻪﺷﺘﯜﺭﯛﻟﯘﺷﻰ ﺋﯩﻘﺘﯩﺴﺎﺩﻗﺎ ﺗﻮﺳﺎﻟﻐﯘ ﺟﻪﻣﺌﯩﻴﻪﺕ ﻣﺎﺋﺎﺭﯨﭙﻨﯩﯔ ﻣﯘﮬﯩﻢ ﺋﺎﻻﮬﯩﺪﯨﻠﯩﻜﻰ ﺑﻮﻟﺴﺎ،ﮔﯘﻣﺎﻧﻠﯩﻨﯩﺶ، ﻳﯧﯖﻰ، ﻣﯘﺧﺎﻟﯩﭗ ﭘﯩﻜﯩﺮ ?C ﻗﺎﺭﺍﺷﻼﺭﻧﻰ ﺋﻮﺗﺘﯘﺭﯨﻐﺎ ﻗﯘﻳﯘﺵ ﯞﻩ ﺋﯘﻧﻰ ﺭﯨﻐﺒﻪﺗﻠﻪﻧﺪﯛﺭﯛﺵ، ﺋﯩﻘﺘﯩﺴﺎﺩﻗﺎ ﺗﯜﺭﺗﻜﻪ ﺟﻪﻣﺌﯩﯩﻴﻪﺗﻨﯩﯔ ﻣﯘﮬﯩﻢ ﺋﺎﻻﮬﯩﺪﯨﻠﯩﻜﻰ.
ﺩﯦﻤﻪﻙ، ﺷﯘﻧﺪﺍﻕ ﺧﯘﻻﺳﯩﮕﻪ ﻛﯧﻠﯩﺸﻜﻪ ﺑﯘﻟﯩﺪﯗﻛﻰ، ﻣﻪﺩﻩﻧﯩﻴﻪﺕ ﺋﯩﻘﺘﯩﺴﺎﺩﻯ ﻧﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻧﺎﮬﺎﻳﯩﺘﻰ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﺑﯩﺮ ﻣﯩﻠﻠﻪﺗﻜﻪ ﻧﯩﺴﺒﻪﺗﻪﻥ ﻣﻪﺩﻩﻧﯩﻴﻪﺕ ﻗﯩﻤﻤﻪﺕ ﻗﺎﺭﯨﺸﯩﺪﯨﻜﻰ ﻧﯘﺭﻏﯘﻥ ﭘﺎﺳﺴﯩﭗ ﺗﻪﺭﻛﯩﺒﻠﻪﺭﻧﻰ ﭼﯩﻘﯩﺮﯨﭗ ﺗﺎﺷﻼﺵ، ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻨﻰ ﻗﻮﻟﻐﺎ ﻛﻪﻟﺘﯘﺭﯗﺷﺘﯩﻜﻰ ﻣﯘﮬﯩﻢ ﺑﯩﺮ ﯞﺍﺳﯩﺘﻪ.
ﺋﻪﻣﻤﺎ ﺷﯘﻧﻰ ﻗﻪﺗﺌﯩﻲ ﺋﯘﻧﺘﯘﻣﺎﺳﻠﯩﻖ ﻛﯧﺮﻩﻛﻜﻰ، ﻣﻪﺩﻩﻧﯩﻴﻪﺗﻜﻪ ﺗﺎﻳﯩﻨﯩﭙﻼ ﻛﯜﭼﻠﯜﻙ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ، ﻣﯘﮬﯩﻤﻰ ﻳﻪﻧﯩﻼ ﺋﯩﻘﺘﯩﺴﺎﺩﻯ ، ﺑﯘ ﺋﯩﻜﻜﯩﺴﻰ ﺑﯩﺮ ?Cﺑﯩﺮﻯ ﺑﯩﻠﻪﻥ ﭼﻪﻣﺒﻪﺭﭼﺎﺱ ﮔﯩﺮﻩﻟﯩﺸﯩﭗ ﻛﻪﺗﻜﻪﻥ.
2-ﺋﯩﻘﺘﯩﺴﺎﺩﻯ ﯞﻩ ﮬﻮﻗﯘﻕ.
ﺋﯩﻘﺘﯩﺴﺎﺩﻯ ﯞﻩ ﮬﻮﻗﯘﻕ ﻣﯘﻗﻪﺭﺭﻩﺭ ﻳﻮﺳﯘﻧﺪﺍ ﺑﯩﺮ ?C ﺑﯩﺮﯨﻨﻰ ﻛﯜﭼﻪﻳﺘﯩﺪﯗ، ﺑﯘﻻﺭﻧﯩﯔ ﻣﯘﻧﺎﺳﯩﯟﯨﺘﻰ ﺑﯩﺮ- ﺑﯩﺮﻯ ﺑﯩﻠﻪﻥ ﺋﻮﯓ ﺗﺎﻧﺎﺳﯩﭗ، ﺑﯩﺮﻯ ﻛﯚﭘﻪﻳﺴﻪ ﻳﻪﻧﻪ ﺑﯩﺮﻯ ﺋﯘﻧﯩﯖﻐﺎ ﺋﻪﮔﯩﺸﯩﭗ ﻛﯜﭼﯩﻴﯩﺪﯗ. ﺋﺎﺟﯩﺰﻟﯩﺴﺎ ﺋﺎﺟﯩﺰﻻﻳﺪﯗ.
ﮬﻪﻣﻤﯩﮕﻪ ﺋﺎﻳﺎﻧﻜﻰ، ﮬﻮﻗﯘﻕ ﻣﺎﮬﯩﻴﻪﺗﺘﻪ ﺳﯩﻴﺎﺳﯩﻲ ﺋﯘﻗﯘﻡ ﺑﻮﻟﯘﭖ، ﺋﯩﻘﺘﯩﺴﺎﺩﻯ ﺑﯩﻠﻪﻥ ﮬﻮﻗﯘﻗﻨﯩﯔ ﻣﯘﻧﺎﺳﯩﯟﯨﺘﻰ ﺋﻪﻣﻪﻟﯩﻴﻪﺗﺘﻪ ﺋﯩﻘﺘﯩﺴﺎﺩﻯ ﺑﯩﻠﻪﻥ ﺳﯩﻴﺎﺳﯩﻴﻨﯩﯔ ﻣﯘﻧﺎﺳﯩﯟﯨﺘﯩﺪﯗﺭ. ﮔﻪﺭﭼﻪ ﻛﯩﺸﯩﻠﻪﺭ ﺋﺎﺭﯨﺴﯩﺪﯨﻜﻰ ﺋﯩﻘﺘﯩﺴﺎﺩﻯ ﺋﯩﻲ ﻣﯘﻧﺎﺳﯩﯟﻩﺗﻠﻪﺭ ﻛﯩﺸﯩﻠﻪﺭﺩﯨﻜﻰ ﮬﻮﻗﯘﻕ ﺗﻪﻗﺴﯩﻤﻠﯩﻨﯩﺸﯩﮕﻪ ﺋﯩﻨﺘﺎﻳﯩﻦ ﻣﯘﮬﯩﻢ ﺗﻪﺳﯩﺮ ﻛﯚﺭﺳﻪﺗﺴﯩﻤﯘ، ﺋﻪﻣﻤﺎ ﻣﯧﻨﯩﯖﭽﻪ ﺑﯘﻧﻰ ﭘﯜﺗﯜﻧﻠﻪﻱ ﺑﻪﻟﮕﯩﻠﯩﻴﻪﻟﻤﻪﻳﺪﯗ، ﭼﯜﻧﻜﻰ ﺋﯩﻨﺴﺎﻧﻼﺭﻧﯩﯔ ﭘﺎﺋﺎﻟﯩﻴﯩﺘﻰ ﭘﻪﻗﻪﺕ ﺋﯩﻘﺘﯩﺴﺎﺩﻯ ﭘﺎﺋﺎﻟﯩﻴﻪﺗﻼ ﺋﻪﻣﻪﺱ. ﺑﯜﮔﯜﻧﻜﻰ ﺩﯗﻧﻴﺎﺩﺍ ﺋﯩﻘﺘﯩﺴﺎﺩﻯ ﺑﯩﻠﻪﻥ ﮬﻮﻗﯘﻗﻨﯩﯔ ﻣﯘﻧﺎﺳﯩﯟﯨﺘﻰ ﺗﯧﺨﯩﻤﯘ ﺑﻪﻙ ﺯﯨﭽﻠﯩﺸﯩﭗ ﻛﻪﺗﺘﻰ. ﺋﻮﻣﯘﻣﯩﻲ ﮬﺎﻟﻪﺗﺘﯩﻦ ﻗﺎﺭﯨﻐﺎﻧﺪﺍ ﺋﯩﻘﺘﯩﺴﺎﺩﻯ ﻛﯘﭼﻠﯘﻙ ﺑﻮﻟﻐﺎﻧﻼﺭﻧﯩﯔ ﻣﻪﻳﻠﻰ ﺷﻪﺧﺲ ﺑﻮﻟﺴﯘﻥ ﻳﺎﻛﻰ ﺩﯙﻟﻪﺕ ﺑﻮﻟﺴﯘﻥ ﺑﻪﮬﺮﯨﻤﻪﻥ ﺑﻮﻟﯩﺪﯨﻐﺎﻥ ﮬﻮﻗﯜﻗﯩﻤﯘ ﻛﯚﭖ ﺑﯘﻟﯩﯟﺍﺗﯩﺪﯗ. ﺑﯘﻧﻰ ﮬﺎﺯﯨﺮﻗﻰ ﺩﯗﻧﻴﺎﻧﯩﯔ ﺭﯦﺌﺎﻟﻠﯩﻘﯩﺪﯨﻦ ﻛﯚﺭﻣﻪﻙ ﺗﻪﺱ ﺋﻪﻣﻪﺱ. ﻏﻪﺭﺏ ﺋﯩﻘﺘﯩﺴﺎﺩﺗﺎ ﺋﻪﯓ ﻛﯜﭼﻠﯜﻙ، ﺷﯘﻧﺪﺍﻗﻼ ﺑﯜﮔﯜﻧﻜﻰ ﺩﯗﻧﻴﺎ ﺳﯩﻴﺎﺳﯩﺘﯩﺪﯨﻜﻰ ﻳﯧﺘﻪﻛﭽﻰ ﻛﯜﭺ، ﺑﯘﻧﻰ ﺋﻮﻻﺭﻧﯩﯔ ﻛﯜﭼﻠﯜﻙ ﺋﯩﻘﺘﯩﺴﺎﺩﻯ، ﻛﯜﭼﻠﯜﻙ ﮬﻪﺭﺑﯩﻲ ﻛﯜﭼﻰ ﺑﻪﻟﮕﯩﻠﯩﮕﻪﻥ. ﻳﻪﻧﻪ ﺑﯩﺮ ﺟﻪﮬﻪﺗﺘﯩﻦ ﺩﯙﻟﻪﺕ ﺋﯩﭽﯩﺪﯨﻜﻰ ﻏﺎﻳﻪﺕ ﺯﻭﺭ ﺋﯩﻘﺘﯩﺴﺎﺩﻯ ﺋﯩﻲ ﮔﯘﺭﯗﮬﻼﺭﻧﯩﯔ ﮬﻮﻗﯘﻗﯩﻤﯘ ﺋﺎﻻﮬﯩﺪﻩ ﺯﻭﺭ ﺑﻮﻟﯩﺪﯗ، ﺩﯙﻟﻪﺗﻤﯘ ﺋﯘﻻﺭﻏﺎ ﺋﺎﻻﮬﯩﺪﻩ ﻏﻪﻣﺨﻮﺭﻟﯘﻕ ﻗﯩﻠﯩﺪﯗ، ﺋﯘﻻﺭﻣﯘ ﺩﯙﻟﻪﺗﻨﯩﯔ ﺳﯩﻴﺎﺳﻪﺕ ﺑﻪﻟﮕﯩﻠﯩﺸﯩﮕﻪ ﺋﯩﻨﺘﺎﻳﯩﻦ ﮬﻪﻝ ﻗﯩﻠﻐﯘﭺ ﺗﻪﺳﯩﺮ ﻛﯚﺭﺳﯩﺘﻪﻟﻪﻳﺪﯗ.
ﮬﻮﻗﯘﻕ ﺑﻮﻟﺴﺎ ﻛﯩﺸﯩﻠﻪﺭﻧﻰ ﺗﯧﺨﯩﻤﯘ ﻛﻪﯕﺮﻯ ﭘﺎﺋﺎﻟﯩﻴﻪﺕ ﺑﻮﺷﻠﯘﻗﻰ ﺑﯩﻠﻪﻥ ﺗﻪﻣﯩﻨﻠﻪﭖ ﺋﯘﻻﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻜﻪ ﺗﯜﺭﺗﻜﻪ ﺑﻮﻟﯩﺪﯗ. ﺑﯜﮔﯜﻧﻜﻰ ﻛﯜﻧﺪﻩ ﮬﻮﻗﯘﻕ ﺳﯩﻴﺎﺳﻪﺕ ﺋﻪﯞﺯﻩﻟﻠﯩﻜﻤﯘ ﺋﯩﻨﺘﺎﻳﯩﻦ ﻣﯘﮬﯩﻢ ﺑﯩﺮ ﺧﯩﻞ ﻛﯚﺭﯛﻧﻤﻪﺱ ﻣﻪﺑﻠﻪﻍ ﺑﻮﻟﯘﭖ، ﻗﻮﻟﯩﺪﺍ ﭘﯘﻟﻰ ﺑﺎﺭ، ﺋﻪﻣﻤﺎ ﺳﯩﻴﺎﺳﻪﺕ- ﮬﻮﻗﯘﻕ ﺋﻪﯞﺯﻩﻟﻠﯩﻜﻰ ﻳﻮﻗﻼﺭ ﻧﺎﮬﺎﻳﯩﺘﻰ ﺗﯧﺰﻻ ﮬﻮﻗﯘﻕ ﺳﯩﻴﺎﺳﻪﺕ ﺋﻪﯞﺯﻩﻟﻠﯩﻜﻰ ﺑﺎﺭﻻﺭﻧﯩﯔ ﺋﺎﺭﻗﯩﺴﯩﺪﺍ ﻗﯧﻠﯩﺸﻰ ﻣﯘﻣﻜﯩﻦ. ﺑﻮﻟﯘﭘﻤﯘ ﺑﯜﮔﯜﻧﻨﻰ ﺩﯗﻧﻴﺎﺩﺍ، ﮬﻮﻗﯘﻕ، ﺳﯩﻴﺎﺳﻪﺕ ﺋﻪﯞﺯﻩﻟﻠﯩﻜﻰ ﺋﯩﻘﺘﯩﺴﺎﺩﻯ ﻧﻰ ﻛﯜﭼﻪﻳﺘﯩﺸﻜﻪ ﻣﻪﻟﯘﻡ ﻧﯘﻗﺘﯩﺪﯨﻦ ﺋﯧﻴﺘﻘﺎﻧﺪﺍ، ﺧﺎﻡ ﺋﻪﺷﺸﯩﻴﺎ ﺋﻪﯞﺯﻩﻟﻠﯩﻜﯩﺪﯨﻦ ﺑﻪﻛﺮﻩﻙ ﻣﯘﮬﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ. ﮬﺎﺯﯨﺮ ﻗﺎﺭﺍﭖ ﺑﺎﻗﯩﺪﯨﻐﺎﻥ ﺑﻮﻟﺴﺎﻕ، ﺋﯩﻘﺘﯩﺴﺎﺩﺗﺎ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﻪﻟﻠﻪﺭﻧﯩﯔ ﺋﯩﻘﺘﯩﺴﺎﺩﻯ ﺋﺎﺟﯩﺰ ﺋﻪﻟﻠﻪﺭﮔﻪ ﻗﺎﺭﯨﻐﺎﻧﺪﺍ ﮬﻮﻗﯘﻕ ﺗﯜﺯﯛﻟﻤﯩﺴﻰ ﺟﻪﮬﻪﺗﺘﻪ ﻛﯚﭖ ﺋﯩﻠﻐﺎﺭ. ﻣﯘﻛﻪﻣﻤﻪﻝ ﺋﯩﻜﻪﻧﻠﯩﻜﯩﻨﻰ، ﺷﻪﺧﺴﻠﻪﺭﻧﯩﯔ ﺋﯩﻘﺘﯩﺴﺎﺩﻯ ﺋﯩﻲ ﭘﺎﺋﺎﻟﯩﻴﻪﺕ ﮬﻮﻗﯘﻗﯩﻨﯩﯖﻤﯘ، ﺋﯩﻘﺘﯩﺴﺎﺩﻯ ﺋﺎﺟﯩﺰ ﺋﻪﻟﻠﻪﺭ،ﺧﻪﻟﻘﻠﻪﺭﮔﻪ ﻗﺎﺭﯨﻐﺎﻧﺪﺍ ﻛﯚﺭﯗﻧﻪﺭﻟﯩﻚ ﺩﻩﺭﯨﺠﯩﺪﻩ ﺋﻪﺭﻛﯩﻦ ﺋﯩﻜﻪﻧﻠﯩﻜﯩﻨﻰ ﺑﯩﻠﻪﻟﻪﻳﻤﯩﺰ.
3- ﮬﯘﻗﯘﻕ ﯞﻩ ﻣﻪﺩﻩﻧﯩﻴﻪﺕ.
ﺑﯩﺮ ﻗﻮﯞﻣﻨﯩﯔ ﮬﻮﻗﯘﻕ ﭼﯘﺷﻪﻧﭽﯩﺴﻰ ﺋﺎﯞﯞﺍﻝ ﺷﯘ ﺧﻪﻟﻘﻨﯩﯔ ﻣﻪﺩﻩﻧﯩﻴﺘﯩﺪﯨﻜﻰ ﮬﻮﻗﯘﻕ ﮬﻪﻗﻘﯩﺪﯨﻜﻰ ﻗﺎﺭﺍﺷﻼﺭﺩﯨﻦ ﻛﯩﻠﯩﺪﯗ. ﺷﯘ ﻗﻮﯞﯨﻢ ﮬﻮﻗﯘﻗﯩﻨﻰ ﺷﯘ ﻗﺎﺭﺍﺷﻼﺭ ﺑﻮﻳﯩﭽﻪ ﺗﻮﻧﯘﻳﺪﯗ ﯞﻩ ﺷﯘ ﺑﻮﻳﯩﭽﻪ ﺋﯩﺠﺮﺍ ﻗﯩﻠﯩﺪﯗ. ﻣﻪﺳﯩﻠﻪﻥ، ﻏﻪﺭﺑﻠﯩﻜﻠﻪﺭ ﺑﯩﻠﻪﻥ ﺷﻪﺭﻗﻠﯩﻘﻠﻪﺭﻧﯩﯔ ﮬﻮﻗﯘﻕ ﻣﻪﺳﯩﻠﯩﺴﯩﺪﻩ ﻧﯘﺭﻏﯘﻥ ﺋﯩﺨﺘﯩﻼﭘﻠﯩﻖ ﻣﻪﺳﯩﻠﯩﻠﻪﺭ ﺑﺎﺭ. ﻣﯘﻗﻪﺭﺭﻩﺭﻛﻰ ﻣﻪﻟﯘﻡ ﺑﯩﺮ ﻗﻮﯞﻣﻨﯩﯔ ﮬﻮﻗﯘﻕ ﭼﯜﺷﻪﻧﭽﯩﺴﻰ ﺷﯘ ﻣﯩﻠﻠﻪﺗﻨﯩﯔ ﺋﻮﻣﯘﻣﯩﻲ ﻣﻪﯞﺟﯘﺗﻠﯘﻕ ﮬﺎﻟﯩﺘﯩﮕﻪ ﻣﻪﺩﻩﻧﯩﻴﻪﺕ ﺗﻪﺭﻩﻗﻘﯩﻴﺎﺗﻰ، ﺋﯩﻘﺘﯩﺴﺎﺩﻯ ﺋﯩﻲ ﺗﻪﺭﻩﻗﻘﯩﻴﺎﺗﻐﺎ ﺋﯩﻨﺘﺎﻳﯩﻦ ﻣﯘﮬﯩﻢ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﺑﯩﺮ ﻗﻮﯞﻣﻨﯩﯔ ﺷﻪﻛﯩﻠﻠﻪﻧﮕﻪﻥ ﺑﻮﻟﯩﺪﯗ، ﮬﻪﺗﺘﺎ ﺋﯩﺠﺘﯩﻤﺎﺋﯩﻲ ﺗﯜﺯﯛﻡ ﺑﻪﺯﻯ ﺟﻪﻣﺌﯩﻴﻪﺗﺸﯘﻧﺎﺳﻼﺭ ﻣﻪﺩﻩﻧﯩﻴﻪﺕ ﺗﯜﺯﯛﻣﯩﻨﯩﯔ ﻣﺎﮬﯩﻴﻪﺗﺘﻪ ﺷﯘﻻﺭﻧﯩﯔ ﮬﻮﻗﯘﻕ ﭼﯜﺷﻪﻧﭽﯩﻠﯩﺮﯨﺪﯨﻦ ﺋﺎﺷﺘﻰ ﺩﻩﭖ ﻗﺎﺭﺍﻳﺪﯗ، ﺋﻪﺳﺌﻪﺕ ﺳﯘﻻﻳﻤﺎﻧﻨﯩﯔ «ﺗﺎﺭﯨﻢ ﻗﻮﯞﯗﻗﻰ ﭼﯩﻜﯩﻠﮕﻪﻧﺪﻩ» ﺩﯦﮕﻪﻥ ﺋﻪﺳﯩﺮﯨﺪﻩ ﻣﯘﻧﺪﺍﻕ ﺑﯩﺮ ﯞﻩﻗﻪﻟﯩﻚ ﺑﺎﺭ:«ﻳﺎﭘﻮﻧﯩﻴﻪ ﺋﯧﻜﯩﺴﭙﯩﺪﯨﺘﺴﯩﭽﯩﺴﻰ ﺗﺎﺟﯩﻨﺎ ﻗﻪﺷﻘﻪﺭﺩﯨﻦ ﺧﻮﺗﻪﻧﮕﻪ ﻣﺎﯕﯩﺪﯨﻐﺎﻥ ﻳﻮﻟﺪﺍ ﺑﯩﺮ ﻗﻮﻧﺎﻟﻐﯘﻏﺎ ﭼﯜﺷﯩﺪﯗ، ﺷﯘ ﭼﺎﻏﺪﺍ ﺑﯩﺮ ﺋﯘﻳﻐﯘﺭ ﻛﯧﻠﯩﭗ ﺋﯘﻻﺭﻏﺎ ﺑﯩﺮ ﺋﻪﺭﺯﻧﺎﻣﻪ ﺳﯘﻧﯩﺪﯗ، ﺋﻪﺳﻠﯩﺪﻩ ﺋﯘ ﺷﯘ ﺟﺎﻳﺪﯨﻜﻰ ﺟﯘﯕﮕﻮ ﺋﻪﻣﻪﻟﺪﺍﺭﻯ ﺑﯩﺮ ﺗﻪﺭﻩﭖ ﻗﯩﻠﯩﭗ ﺑﻮﻟﻐﺎﻥ ﻳﻪﺭ ﺗﺎﻟﯩﺸﯩﺶ ﻣﺎﺟﯩﺮﺍﺳﻰ ﺋﯩﻜﻪﻥ، ﺗﺎﺟﯩﺒﺎ ﺑﯘ ﺋﯩﺶ ﺗﻮﻏﺮﯗﻟﯘﻕ ﻣﯘﻧﺪﺍﻕ ﺩﻩﻳﺪﯗ: ﺑﯘ ﻛﯩﺸﯩﻠﻪﺭﻧﯩﯔ ﻣﻪﻧﭙﻪﺋﯩﺘﯩﮕﻪ ﻳﺎﺭﺩﯨﻤﻰ ﺑﻮﻟﯩﺪﯨﻐﺎﻧﻼ ﺑﻮﻟﺴﺎ، ﻛﯩﻤﻨﯩﯔ ﺋﯘﻻﺭﻏﺎ ﻛﯧﻠﯩﭗ ﺑﺎﺷﻠﯩﻖ ﺑﻮﻟﯘﺷﻰ ﺑﯩﻠﻪﻥ ﻛﺎﺭﻯ ﻳﻮﻕ ﺋﯩﻜﻪﻥ. ﺋﯩﻠﮕﯩﺮﯨﻤﯘ ﺷﯘﻧﺪﺍﻕ ﺋﯩﺪﻯ، ﮬﺎﺯﯨﺮﻣﯘ ﺷﯘﻧﺪﺍﻕ ﺋﯩﻜﻪﻥ».
ﺩﯦﻤﻪﻙ، ﺑﯘ ﯞﻩﻗﻪﻟﯩﻜﺘﯩﻦ ﺷﯘﻧﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ، ﺷﯘ ﯞﺍﻗﯩﺘﺘﺎ ﺋﯘﻳﻐﯘﺭﻻﺭﺩﺍ ﺷﯘ ﻣﻪﺳﯩﻠﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﺋﯚﺯﯨﻨﻰ ﮬﻮﻗﯘﻗﺴﯩﺰ ﺩﻩﭖ ﻗﺎﺭﯨﻐﺎﻥ،ﺑﯘ ﺩﻩﻝ ﺋﯘﻳﻐﯘﺭﻻﺭﻧﯩﯔ ﮬﻮﻗﯘﻕ ﭼﯜﺷﻪﻧﭽﯩﺴﯩﮕﻪ، ﺋﯧﯖﯩﻐﺎ ﺑﺎﻏﻠﯩﻖ.
ﺋﻪﻣﺪﻯ ﮬﻮﻗﯘﻗﻨﯩﯔ ﻣﻪﺩﻩﻧﯩﻴﻪﺗﻜﻪ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﯨﮕﻪ ﻛﻪﻟﺴﻪﻙ، ﮬﻮﻗﯘﻕ ﻳﻪﻧﯩﻼ ﺷﯘ ﻣﻪﺩﻩﻧﯩﻴﻪﺗﻨﯩﯔ ﻗﺎﻟﻘﯩﻨﻰ، ﻗﻮﻏﺪﯨﻐﯘﭼﯩﺴﻰ ﺑﻮﻟﯘﺵ ﺭﻭﻟﯩﻨﻰ ﺋﻮﻳﻨﺎﭖ، ﻣﻪﺩﻩﻧﯩﻴﻪﺕ ﺋﻪﮬﻠﯩﻨﯩﯔ ﺋﯚﺯ ﻣﻪﺩﻩﻧﯩﻴﯩﺘﯩﮕﻪ ﺋﻪﻣﻪﻝ ﻗﯩﻠﯩﺸﯩﻐﺎ، ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﻧﺎﻣﺎﻳﺎﻥ ﻗﯩﻠﯩﺸﯩﻐﺎ ﺋﻪﺭﻛﯩﻦ ﺑﻮﺷﻠﯘﻕ ﻳﺎﺭﯦﺘﯩﭗ ﺑﯩﺮﯨﺪﯗ، ﮬﻮﻗﯘﻗﺘﯩﻦ ﻣﻪﮬﺮﯗﻡ ﮬﺎﻟﻪﺗﺘﻪ ﻣﻪﺩﻩﻧﯩﻴﯩﺘﯩﻨﻰ ﺳﺎﻗﻼﭖ ﻗﺎﻟﻤﺎﻕ ﺗﻪﺱ. ﭼﯜﻧﻜﻰ، ﻣﻪﺩﻩﻧﯩﻴﻪﺕ ﺗﻪﺑﯩﺌﯩﻴﻼ ﺋﯚﺯﯨﻨﻰ ﻧﺎﻣﺎﻳﺎﻥ ﻗﯩﻠﯩﺪﯨﻐﺎﻥ ﮬﻮﻗﯘﻗﻘﺎ ﻣﻮﮬﺘﺎﺝ، ﺋﻪﮔﻪﺭ ﺑﯩﺮ ﻣﻪﺩﻩﻧﯩﻴﻪﺕ ﻗﻪﻏﻪﺯﺩﻩ، ﻧﻪﺯﻩﺭﯨﻴﻪ ﻣﻪﯞﺟﯘﺕ ﺑﻮﻟﯘﭖ ﺋﯚﺯﯨﻨﻰ ﻧﺎﻣﺎﻳﺎﻥ ﻗﯩﻠﯩﺪﯨﻐﺎﻥ ﮬﻮﻗﯘﻗﻘﺎ ﺋﯧﺮﯨﺸﻪﻟﻤﯩﺴﻪ، ﺑﯘﻧﺪﺍﻕ ﻣﻪﺩﻩﻧﯩﻴﻪﺕ ﺋﯚﺯﻟﯜﻛﯩﺪﯨﻦ ﺋﺎﺟﯩﺰﻟﯩﺸﯩﭗ ﻗﺎﻟﯩﺪﯗ. ﻣﻪﺩﻩﻧﯩﻴﻪﺗﻨﯩﯔ ﻣﻪﯞﺟﯘﺗﻠﯘﻗﻰ ﻣﻪﺩﻩﻧﯩﻴﻪﺕ ﺋﻪﮬﻠﯩﻨﯩﯔ ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﻗﺎﻧﭽﯩﻠﯩﻚ ﻧﺎﻣﺎﻳﺎﻥ ﻗﯩﻼﻟﯩﺸﻰ،ﺋﯩﭙﺎﺩﯨﻠﯩﺸﻰ، ﺑﺎﺷﻘﯩﻼﺭﻏﺎ ﺗﻮﻧﯘﺗﺎﻟﯩﺸﯩﻐﺎ ﺑﺎﻏﻠﯩﻖ. ﺋﻪﮔﻪﺭ، ﺑﯩﺮ ﻗﻮﯞﻡ ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﻧﺎﻣﺎﻳﺎﻥ ﻗﯩﻠﯩﺪﯨﻐﺎﻥ ﮬﻮﻗﯘﻗﺘﯩﻦ ﻣﻪﮬﺮﯗﻡ ﺑﻮﻟﻐﺎﻧﺪﺍ،ﺑﯩﺮ ﻣﻪﺯﮔﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺷﯘ ﻣﻪﺩﻩﻧﯩﻴﻪﺕ ﻣﻪﺯﻛﯘﺭ ﺟﻪﻣﺌﯩﻴﻪﺗﺘﻪ ﺋﺎﺳﺘﺎ- ﺋﺎﺳﺘﺎ، ﺑﺎﺷﻘﺎ ﺑﯩﺮ ﺗﺎﺟﺎﯞﯗﺯﭼﻰ ﻣﻪﺩﻩﻧﯩﻴﻪﺗﻜﻪ ﺋﻮﺭﯗﻥ ﺑﻮﺷﯩﺘﯩﺸﻘﺎ ﻣﻪﺟﺒﯘﺭ ﺑﻮﻟﯩﺪﯗ، ﺋﯘﻻﺭ ﺋﻪﯞﻻﺩﻟﯩﺮﯨﻤﯘ ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﻣﯘﺯﯦﻲ ﻣﺎﺯﺍﺭﻻﺭﺩﯨﻦ ﻛﯚﺭﯛﭖ ﻛﯜﻧﺪﯨﻠﯩﻚ ﺗﯘﺭﻣﯘﺷﺘﺎ ﺋﯘﻻﺭﻧﯩﯔ ﺋﯩﺰﻧﺎ، ﺋﯩﭙﺎﺩﯨﻠﯩﺮﯨﻨﻰ ﻛﯚﺭﻩﻟﻤﯩﮕﻪﭼﻜﻪ، ﺗﻪﺑﯩﺌﯩﻴﻼ ﺋﯚﺯ ﺋﻪﺳﻠﯩﺪﯨﻦ، ﻣﻪﺩﻩﻧﯩﻴﯩﺘﯩﺪﯨﻦ ﻳﺎﺗﻠﯩﺸﯩﺸﻘﺎ ﺑﺎﺷﻼﻳﺪﯗ.
ﺋﻪﻣﺪﻯ ﻳﯘﻗﯩﺮﯨﻘﯩﻼﺭﻧﯩﯔ ﻣﯘﻧﺎﺳﯩﯟﯨﺘﯩﻨﻰ ﻳﯩﻐﯩﻨﭽﺎﻕ ﻗﯩﻠﻐﺎﻧﺪﺍ ﺑﯘ ﺋﯜﭺ ﺧﯩﻞ ﻣﻪﯞﺟﯘﺗﻠﯘﻗﺘﺎ ﺧﯘﺩﺩﻯ ﺩﺍﯕﻘﺎﻧﻨﯩﯔ ﺋﯜﭺ ﭘﯘﺗﯩﺪﻩﻙ ﻣﯘﮬﯩﻢ ﺭﻭﻝ ﺋﻮﻳﻨﺎﻳﺪﯗ. ﺑﯩﺮﻯ ﻛﻪﻡ ﺑﻮﻟﺴﺎ ﺩﺍﯕﻘﺎﻥ ﺋﯚﺭﻩ ﺗﯘﺭﺍﻟﻤﺎﻳﺪﯗ.
ﻣﻪﺩﻩﻧﯩﻴﻪﺕ ﺑﯩﺮ ﺟﻪﻣﺌﯩﯩﻴﻪﺗﻨﯩﯔ ﻛﯩﻤﻠﯩﻚ ﺳﺎﻻﮬﯩﻴﯩﺘﯩﻨﻰ، ﻣﻪﻧﯩﺴﯩﻨﻰ، ﻣﻪﺯﻣﯘﻧﯩﻨﻰ ﺷﻪﻛﯩﻠﻠﻪﻧﺪﯛﺭﺳﻪ، ﺋﯩﻘﺘﯩﺴﺎﺩﻯ ﺷﯘ ﺟﻪﻣﺌﯩﻴﻪﺗﻨﯩﯔ ﻣﺎﺩﺩﯨﻲ ﺋﺎﺳﺎﺳﯩﻨﻰ ﺷﻪﻛﯩﻠﻠﻪﻧﺪﯛﺭﯛﭘﻼ ﻗﺎﻟﻤﺎﻱ، ﻣﻪﺩﻩﻧﯩﻴﻪﺗﻨﯩﯔ ﻛﯜﭼﻠﯜﻙ ﺗﯩﺮﯨﻜﻰ ﺑﻮﻟﯩﺪﯗ، ﮬﻮﻗﯘﻕ ﺑﻮﻟﺴﺎ ﻣﻪﺯﻛﯘﺭ ﺟﻪﻣﺌﯩﻴﻪﺗﻨﯩﯔ ﻗﺎﻧﯘﻧﻠﯘﻕ ﺋﯩﺰﺯﻩﺕ ?C ﮬﯚﺭﻣﯩﺘﯩﻨﻰ، ﺑﺎﺭﺍﯞﻩﺭﻟﯩﻜﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺪﯗ.
ﻗﯩﺴﻘﯩﺴﻰ، ﻣﻪﺩﻩﻧﯩﻴﻪﺕ- ﺳﺎﻻﮬﯩﻴﻪﺕ، ﺋﯩﻘﺘﯩﺴﺎﺩﻯ ﻗﻮﺭﺍﻝ، ﮬﻮﻗﯘﻕ، ﻗﺎﻟﻘﺎﻧﺪﯗﺭ.
ﺧﺎﺗﯩﻤﻪ.
ﺩﯗﻧﻴﺎﺩﺍ ﻣﻪﯞﺟﯘﺕ ﺑﻮﻟﯘﺷﻨﻰ، ﺗﻪﺭﻩﻗﻘﯩﻲ ﻗﯩﻠﯩﺸﻨﻰ ﺋﯩﺴﺘﯩﻤﻪﻳﺪﯨﻐﺎﻥ ﻗﻮﯞﻡ ﺑﻮﻟﻤﯩﺴﺎ ﻛﯧﺮﻩﻙ. ﮬﺎﺯﯨﺮ ﺋﺎﺟﯩﺰ ﻗﻮﯞﻣﻠﻪﺭﺩﻩ ﺷﯘﻧﺪﺍﻕ ﺑﯩﺮ ﺭﻭﮪ ﺑﻮﻟﯘﺷﻰ ﻛﯧﺮﻩﻛﻜﻰ، ﺋﯘﻻﺭ ﺑﺎﺭﻟﯩﻖ ﺭﻭﻣﺎﻧﺘﯩﻚ ﺧﯩﻴﺎﻝ، ﻓﺎﻧﺘﺎﺯﯨﻴﯩﻠﯩﻚ ﻏﺎﻳﯩﻠﻪﺭﻧﯩﯔ ﻣﻪﺳﺘﯘ - ﻣﻪﺳﺘﺎﻧﯩﻠﯩﻘﯩﺪﯨﻦ ﻗﯘﺗﯘﻟﯘﺷﻰ، ﭘﻪﻗﻪﺗﻼ ﺋﻪﻣﻪﻟﯩﻲ ﭘﺎﺋﺎﻟﯩﻴﻪﺗﻨﯩﯖﻼ ﺋﯚﺯﯨﻨﻰ ﻗﯘﺗﻘﯘﺯﺍﻻﻳﺪﯨﻐﺎﻧﻠﯩﻘﯩﻨﻰ، ﭘﻪﻗﻪﺕ ﺭﯦﺌﺎﻟﻠﯩﻘﻘﺎ ﺩﺍﺩﯨﻞ ﻳﯜﺯﻟﻪﻧﮕﻪﻧﺪﯨﻼ، ﺭﯦﺌﺎﻟﻠﯩﻘﻨﯩﯔ ﺳﻮﺋﺎﻟﻠﯩﺮﯨﺪﯨﻦ ﺋﯚﺯﻟﯩﺮﯨﻨﻰ ﻗﺎﭼﯘﺭﻣﯩﻐﺎﻧﺪﯨﻼ(ﮔﻪﺭﭼﻪ ﺑﯘ ﺭﯦﺌﺎﻟﻠﯩﻖ ﺋﯘﻻﺭ ﺧﺎﻟﯩﻤﯩﻐﺎﻥ ﺭﯦﺌﺎﻟﻠﯩﻖ ﺑﻮﻟﺴﯩﻤﯘ) ﺭﯦﺌﺎﻟﻠﯩﻘﺘﯩﻜﻰ ﺑﺎﺭﻟﯩﻖ ﺋﯚﺯﻟﯩﺮﯨﮕﻪ ﭘﺎﻳﺪﯨﻠﯩﻖ ﺋﺎﻣﯩﻠﻼﺭﻧﻰ ﺑﺎﻳﻘﺎﭖ ﭘﺎﻳﺪﯨﻼﻧﻐﺎﻧﺪﯨﻼ، ﺋﺎﻧﺪﯨﻦ ﻣﻪﺳﯩﻠﯩﻨﻰ ﮬﻪﻝ ﻗﯩﻠﻐﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﭼﯘﺷﯩﻨﯩﭗ ﻳﯧﺘﯩﺸﻰ ﻛﯧﺮﻩﻙ.
ﻏﺎﻳﻪ ﺗﯩﻜﻠﯩﻤﻪﻙ ﻗﯩﻴﯩﻦ ﺋﻪﻣﻪﺱ، ﯞﻩﮬﺎﻟﻪﻧﻜﻰ ﻏﺎﻳﯩﮕﻪ ﻳﻪﺗﻜﯜﺯﯨﺪﯨﻐﺎﻥ ﯞﺍﺳﯩﺘﻪ ﻳﻮﻝ ﺗﺎﻟﻠﯩﻤﺎﻕ ﺑﻪﺳﯩﻲ ﻣﯜﺷﻜﯜﻟﺪﯗﺭ.
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.