ﺗﻪﺭﻩﻗﻘﯩﻴﺎﺕ ﯞﻩ ﺯﺍﻣﺎﻧﯩﯟﯨﻲ ﺧﯘﺭﺍﭘﺎﺗﻠﯩﻖ

ﺋﻮﺑﯘﻟﻘﺎﺳﯩﻢ ﻣﯘﮬﻪﻣﻤﯩﺪﻯ

      ﺑﯜﮔﯜﻥ ﺋﯩﺸﺘﯩﻦ ﺑﯘﺭﯗﻥ ﭼﯜﺷﯜﭖ ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﭗ ﺋﯘﺯﺍﻕ ﻛﯩﺘﺎﺏ ﺋﻮﻗﯘﺩﯗﻡ . ﺋﺎﺧﯩﺮﻯ ﻛﯩﺘﺎﺑﻨﻰ ﻳﯧﻴﯩﭗ ﻗﻮﻳﯘﭖ ، ﺗﯧﻠﯧﯟﺯﻭﺭﻧﻰ ﺋﺎﭼﺘﯩﻢ . ﺗﯧﻠﯧﯟﺯﻭﺭﺩﺍ ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻤﻨﯩﯔ << ﻛﯧﭽﻪﻟﻤﻪﻳﻤﻪﻥ ﺳﯧﻨﯩﯖﺪﯨﻦ ﯞﻩﺗﻪﻥ >> ﺩﯦﮕﻪﻥ ﻧﺎﺧﺸﯩﺴﻰ ﭘﻪﻳﺪﺍ ﺑﻮﻟﺪﻯ . ﺑﯘ ﻧﺎﺧﺸﯩﻨﻰ ﻛﯚﺭﯛﭖ ﭼﺎﺭﭼﯩﻐﺎﻥ ﻧﯧﺮﯞﯨﻠﯩﺮﯨﻢ ﻗﺎﻳﺘﯩﺪﯨﻦ ﺋﯘﺭﻏﯘﺩﻯ . ﺋﯚﺯﯛﻣﻨﻰ ﺷﯘﻧﺪﺍﻕ ﻳﯧﻨﯩﻚ ﮬﯧﺲ ﻗﯩﻠﺪﯨﻢ . 
      ﻧﺎﺧﺸﺎ ﺗﯜﮔﯩﺪﻯ . ﺋﯜﻧﺪﯨﻦ ﺑﯩﻠﺪﯨﻤﻜﻰ ، ﺑﯘ << ﺗﻪﻟﻪﭖ ﯞﻩ ﺗﻪﻗﺪﯨﻢ >> ﭘﯩﺮﻭﮔﯩﺮﺍﻣﻤﯩﺴﻰ ﺋﯩﻜﻪﻥ . ﺑﯘ ﭘﯩﺮﻭﮔﯩﺮﺍﻣﻤﺎ ﺩﺍﯞﺍﻡ ﻗﯩﻠﺪﻯ . 
      ﺑﯩﺮ ﺟﯜﭖ ﺋﻪﺭ- ﺧﻮﺗﯘﻧﻐﺎ ﺗﻮﻱ ﻗﯩﻠﻐﺎﻧﻠﯩﻘﯩﻨﯩﯔ 30 ﻳﯩﻠﻠﯩﻘﯩﻨﻰ ، ﺋﯩﻨﺎﻕ ﻳﺎﺷﺎﭖ ﺋﯚﺯﻟﯩﺮﯨﺪﻩﻙ ﺋﯜﭺ ﺑﺎﻟﯩﻨﻰ ﻗﺎﺗﺎﺭﻏﺎ ﻗﻮﺷﻘﺎﻧﻠﯩﻘﯩﺪﯨﻦ ﺳﯚﻳﯜﻧﯜﭖ ، ﺷﯘ ﺋﺎﺗﺎ- ﺋﺎﻧﯩﺴﯩﻐﺎ ﺳﺎﻻﻣﻪﺗﻠﯩﻚ ، ﺋﯘﺯﯗﻥ ﺋﯚﻣﯜﺭ ﺗﯩﻠﻪﭖ xxx ﻧﺎﺧﺸﯩﭽﻰ ﺋﻮﺭﯗﻧﻠﯩﻐﺎﻥ xxxﻧﺎﺧﺸﯩﻨﻰ ﺋﯘﻻﺭ ﺋﯜﭼﯜﻥ ﺗﻪﻟﻪﭖ ﻗﯩﻠﺪﻯ . ﺑﯩﺮﻩﻳﻠﻪﻥ ﺩﺍﺩﯨﺴﻨﯩﯔ ﺩﻭﺧﺘﯘﺭﺧﺎﻧﯩﺪﯨﻦ ﺳﺎﻗﯩﻴﯩﭗ ﭼﯩﻘﻘﺎﻧﻠﯩﻘﯩﺪﯨﻦ ﺧﯘﺷﺎﻝ ﺑﻮﻟﯘﭖ ، ﺩﻭﺧﺘﯘﺭﺧﺎﻧﯩﺪﯨﻜﻰ ﺧﻪﻟﯩﻘﻨﯩﯔ ﮬﻪﻗﯩﻘﯩﻲ ﭼﺎﻛﯩﺮﻯ ﺑﻮﻟﯘﭖ ، ﺩﺍﺩﯨﺴﻨﯩﯔ ﮬﺎﻟﯩﺪﯨﻦ ﺋﻮﺑﺪﺍﻥ ﺧﻪﯞﻩﺭ ﺋﺎﻟﻐﺎﻥ ﺋﺎﻕ ﺧﺎﻻﺗﻠﯩﻖ ﭘﻪﺭﺷﯩﺘﯩﻠﻪﺭﻧﯩﯔ ﺗﯘﺭﻣﯘﺷﯩﻐﺎ ﺑﻪﺧﯩﺖ ﺗﯩﻠﻪﭖ xxx ﻧﺎﺧﺸﯩﭽﻰ ﺋﻮﺭﯗﻧﻠﯩﻐﺎﻥ xxx ﻧﺎﺧﺸﯩﻨﻰ ﺳﻮﯞﻏﺎ ﻗﯩﻠﺪﻯ ...
ﺋﺎﺧﯩﺮﻯ ﻏﻪﺯﻩﭖ - ﻧﻪﭘﺮﯨﺘﯩﻤﯩﻨﻰ ﺑﯧﺴﯩﭗ ﺑﻮﻻﻟﻤﺎﻱ ﺗﯧﻠﯧﯟﺯﻭﺭﻧﻰ ﺋﯚﭼﯜﺭﯛﭖ ﺗﺎﺷﻠﯩﺪﯨﻢ . ﺑﯩﺮﺍﻕ ﺋﯚﭼﯜﺭﯛﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻧﯘﺭﻏﯘﻥ ﺳﯘﺋﺎﻟﻼﺭ ﺋﯩﭽﯩﺪﻩ ﻗﺎﻟﺪﯨﻢ . ﻗﻮﻟﯘﻣﻐﺎ ﻗﻪﻟﻪﻣﻨﻰ ﺋﺎﻟﺪﯨﻢ . 
      ﺯﺍﻣﺎﻧﻼﺭ ﺋﯩﻠﮕﯩﺮﻯ ﺋﺎﺗﺎﻟﻤﯩﺶ ﺋﻪﯞﻻﺩﻯ ﭘﻪﻳﻐﻪﻣﺒﻪﺭﻟﻪﺭ ﺑﻮﻟﻤﯩﺶ ﺧﻮﺟﺎ ﺋﯩﺸﺎﻧﻼﺭﺩﯨﻦ ﺟﻪﻧﻨﻪﺕ ، ﺑﺎﻳﻠﯩﻖ ﯞﻩ ﭘﻪﺭﺯﻩﻧﯩﺖ ﺋﺎﺗﺎ ﻗﯩﻠﯩﺸﻨﻰ ، ﮔﯘﻧﺎﮬﻠﯩﺮﯨﻤﯩﺰﻧﻰ ﻛﻪﭼﯜﺭﯛﺷﯩﻨﻰ ﺗﯩﻠﻪﭖ ﻳﯜﺭﺩﯗﻕ . ﻛﺎﻟﻠﯩﻤﯩﺰﻧﻰ ﺳﯩﻠﻜﯩﭗ ﺗﯘﺭﯗﭖ ﺋﻮﻳﻠﯩﻨﯩﭗ ﺑﺎﻗﻤﺎﻱ ﺧﻮﺟﺎ ، ﺋﯩﺸﺎﻧﻼﺭ ﺋﯚﺯﻟﯩﺮﯨﮕﻪ ﺑﻮﻳﺴﯘﻧﺪﯗﺭﯞﺍﻟﻐﺎﻥ ﺩﯨﻨﺪﺍ ﺗﯘﺭﺩﯗﻕ . ﺋﯩﺰﺩﯨﻨﯩﭗ ﺑﺎﻗﻤﯩﺪﯗﻕ . ﻳﺎﺭﺍﺗﻘﯘﭼﻰ << ﺗﻪﭘﻪﻛﻜﯘﺭ ﻗﯩﻠﯩﯖﻼﺭ ، ﻣﻪﻥ ﺳﺎﯞﺍﺏ ﺑﯧﺮﯨﻤﻪﻥ >> ﺩﯦﺴﻪ ، ﺗﻪﭘﻪﻛﻜﯘﺭ ﻗﯩﻠﻤﺎﺳﺘﯩﻦ ﭘﻪﻳﻐﻪﻣﺒﻪﺭ ﺋﻪﯞﻻﺩﻯ ﺩﻩﭖ ﺷﯘ ﺋﯩﺸﺎﻧﻼﺭﻏﺎ ﭼﻮﻗﯘﻧﯘﭖ ﻳﯜﺭﺩﯗﻕ . ﭘﻪﻳﻐﻪﻣﺒﻪﺭ ﺋﻪﺭﻩﺏ ، ﺋﯘﻳﻐﯘﺭﻏﺎ ﺩﯨﻨﻲ ﺋﯩﺴﻼﻣﻨﻰ ﺗﺎﺭﻗﺎﺗﯩﻘﯩﻨﻰ ﺋﯘﻳﻐﯘﺭ ﺋﻮﻏﻠﻰ ﺑﯘﻏﺮﺍﺧﺎﻥ ﺩﯦﮕﻪﻧﻨﻰ ﻛﯚﯕﻠﯩﻤﯩﺰﮔﻪ ﺋﻪﻛﯩﻠﯩﭗ ﻳﯜﺭﻣﯩﺪﯗﻕ . ﻣﯘﮬﻪﻣﻤﻪﺩ ﺋﻪﻟﻪﻳﮭﺴﺎﻻﻡ ﯞﺍﭘﺎﺕ ﺑﻮﻟﯘﭖ ، ﺋﯚﻣﻪﺭ ﻣﯘﺳﯘﻟﻤﺎﻧﻼﺭﻧﯩﯔ ﻳﻮﻟﺒﺎﺷﭽﻰ ﺧﻪﻟﯩﭙﯩﺴﻰ ﺑﻮﻟﻐﺎﻥ ﯞﺍﻗﯩﺘﺘﺎ ، ﺭﻩﺳﯘﻟﯘﻟﻼﮬ ﺗﯜﯞﯨﺪﻩ ﺋﻮﻟﺘﯘﺭﯗﭖ ﻣﯘﺳﯘﻟﻤﺎﻧﻼﺭﻧﯩﯔ ﺑﻪﻳﺌﯩﺘﯩﻨﻰ ﻗﯘﺑﯘﻝ ﻗﯩﻠﻐﺎﻥ ﺩﻩﺭﻩﺧﯩﻨﻰ ﺋﯚﻣﻪﺭﻧﯩﯔ ﻛﻪﺳﺘﯜﺭﯞﻩﺗﻜﻪﻧﺪﯨﻜﻰ ﮬﯧﻜﯩﻤﯩﺘﯩﻨﻰ ﺋﻮﻳﻼﭖ ﺑﺎﻗﻤﯩﺪﯗﻕ . ( ﺑﯘ ﺩﻩﺭﻩﺥ ﻛﯧﻴﯩﻦ ﺭﯨﺰﯞﺍﻥ ﺩﻩﺭﯨﺨﻰ ﺩﻩﭖ ﺋﺎﺗﺎﻟﻐﺎﻥ . ﻛﯩﺸﻠﻪﺭ ﺩﻩﺭﻩﺧﺘﯩﻦ ﻧﻪﺭﺳﻪ - ﻛﯧﺮﻩﻙ ﺗﻪﻟﻪﭖ ﻗﯩﻠﺪﯨﻐﺎﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ، ﮬﻪﺯﯨﺮﯨﺘﻰ ﺋﯚﻣﻪﺭ ﺋﯘﻧﻰ ﻛﻪﺳﺘﯜﺭﯞﻩﺗﻜﻪﻥ ). 
      ﻳﯩﻠﻼﺭﻧﯩﯔ ﻛﻪﻳﻨﯩﺪﯨﻦ ﻳﯩﻠﻼﺭﻧﯩﯔ ﻗﻮﻏﻠﯩﺸﻰ ﺳﻪﯞﻩﺑﻰ ﺑﯩﻠﻪﻥ ﻧﯘﺭﻏﯘﻥ ﺋﻪﺳﯩﺮﻟﻪﺭ ﺗﺎﺭﯨﺨﻘﺎ ﺋﺎﻳﻠﯩﻨﯩﭗ ، ﻛﯩﺘﺎﺑﻠﯩﺮﯨﻤﯩﺰﻏﺎ ﺧﺎﺗﯩﺮﻟﯩﻨﯩﭗ ﻗﺎﻟﺪﻯ. ﺋﯘﻻﺭﻧﻰ ﺧﺎﺗﯩﺮﻟﻪﭘﻼ ﻗﻮﻳﻤﺎﻱ ﺋﯚﮔﯩﻨﯩﺸﯩﻤﯩﺰ ﻛﯧﺮﻩﻙ ﺋﯩﺪﻯ . ﺑﯩﺰ ﻳﺎﺷﻼﺭ ﻛﯩﻼﺳﺴﯩﻜﻠﯩﺮﯨﻤﯩﺰﻧﻰ ﺋﺎﺳﺎﺳﻪﻥ ﻧﺎﺩﺍﻥ ﺩﯦﮕﻪﻧﮕﻪ ﭼﯩﻘﯩﺮﯨﭗ ﻗﻮﻳﺪﯗﻕ . ﺋﯘﻻﺭﻧﻰ ﻧﺎﺩﺍﻥ ﺩﻩﭘﻤﯘ ﺗﯘﺭﺍﻳﻠﻰ ﺑﻮﻟﺪﻯ ، ﺋﻪﻣﺪﻯ 21- ﺋﻪﺳﯩﺮﻧﯩﯔ ﺑﯜﮔﯜﻧﯩﺪﻩ ﻳﺎﺷﺎﯞﺍﺗﻘﺎﻥ ﺑﯩﺰﺩﻩﻛﻠﻪﺭﻧﻰ ﻧﯧﻤﻪ ﺩﯦﻴﯩﺶ ﻛﯧﺮﻩﻙ ... ؟!ﺑﯩﺰ ﺋﯧﺘﯩﻘﺎﺩﯨﻤﯩﺰﻧﻰ ﻳﺎﺧﺸﻠﯩﻤﺎﻱ ﺗﯘﺭﯗﭖ ﺋﻪﺧﻼﻗﻨﻰ ، ﺋﯘﺯﯗﻥ ﺋﯚﻣﯜﺭ ﯞﻩ ﺳﺎﻻﻣﻪﺗﻠﯩﻜﯩﻨﻰ ﻛﯩﻤﺪﯨﻦ ، ﻗﻪﻳﻪﺭﺩﯨﻦ ﺳﻮﺭﺍﻳﻤﯩﺰ ؟ ﻛﯩﻤﺪﯨﻦ ، ﻗﻪﻳﻪﺭﺩﯨﻦ ﺗﻪﻟﻪﭖ ﻗﯩﻠﯩﻤﯩﺰ ؟!
      << ﺋﯘﻳﻐﯘﺭﻻﺭ ﻧﺎﺧﺸﺎ ﺧﯘﻣﺎﺭ ﻗﻮﯞﻡ، ﺋﯘﺳﺴﯘﻝ ﺩﯦﮕﻪﻧﮕﻪ ﺋﯘﻧﺪﺍﻕ ﺋﯘﺳﺘﺎ ، ﻣﯘﻧﺪﺍﻕ ﻧﻪﭘﯩﺲ ﺋﻮﻳﻨﺎﻳﺪﯗ >> ﺩﯦﺴﻪ ، ﻧﻮﻣﯘﺱ ﻗﯩﻠﻤﺎﻱ ، ﺋﯚﺯﯨﻤﯩﺰﻧﻰ ﺗﯘﺗﯘﯞﺍﻻﻟﻤﺎﻱ ﻧﺎﺧﺸﺎ ، ﺋﯘﺳﺴﯘﻟﺪﯨﻦ ﺑﻪﺧﺘﯩﻨﻰ ، ﺋﯘﺯﯗﻥ ﺋﯚﻣﯜﺭﻧﻰ ﺗﯩﻠﻪﭖ ﻳﯜﺭﯨﻤﯩﺰﻏﯘ ؟!
      ﺑﯩﺰ ﻧﺎﺧﺸﯩﺪﯨﻦ ﮬﺎﺯﯨﺮﻗﯩﻐﺎ ﺋﻮﺧﺸﺎﺵ ﺑﻪﺧﺘﻨﻰ ، ﺳﺎﻻﻣﻪﺗﻠﯩﻜﻨﻰ ، ﺋﯘﺯﯗﻥ ﺋﯚﻣﯜﺭ ﻛﯜﺭﯛﺷﻠﻪﺭﻧﻰ ﺗﯩﻠﯟﻩﺭﺳﻪﻙ ، ﺳﯧﯟﯨﻦ ﮬﯩﺪﯨﻨﺪﻩﻙ ﻛﯩﺸﯩﺪﯨﻦ ﺑﯩﺮﺳﻰ ﻛﯧﻠﯩﭗ ﻗﺎﻟﺴﺎ ، ﺧﺎﺗﯩﺮﯨﺴﯩﮕﻪ :<< ﺗﺎﺭﺍﻧﭽﻰ ﺗﯜﺭﯛﻛﻠﯩﺮﻯ ﺑﯘﺭﯗﻥ ﻗﺎﻧﺪﺍﻕ ﻳﺎﺷﯩﻐﺎﻥ ﺑﻮﻟﺴﺎ ، ﮬﺎﺯﯨﺮﻣﯘ ﺷﯘ ﺭﯦﺘﯩﻢ ﺑﻮﻳﯩﭽﻪ ﺋﯩﻜﻪﻥ . ﺑﯘﺭﯗﻥ ﺋﯩﺸﺎﻧﻼﺭﺩﯨﻦ ، ﻗﻪﺑﯩﺮﻟﻪﺭﺩﯨﻦ ﺑﻪﺧﯩﺖ ، ﺑﺎﻳﻠﯩﻖ ، ﺳﺎﻻﻣﻪﺗﻠﯩﻜﻠﻪﺭﻧﻰ ﺗﯩﻠﯩﮕﻪﻥ ﺑﻮﻟﺴﺎ ، ﮬﺎﺯﯨﺮ ﺋﯘﻻﺭﻧﯩﯔ ﺋﻮﺭﻧﯩﻨﻰ ﻧﺎﺧﺸﺎ- ﺋﯘﺳﺴﯘﻝ ﺋﯩﮕﯩﻠﻪﭘﺘﯘ . ﺑﻪﺧﺘﻨﻰ ﻧﺎﺧﺸﺎ - ﺋﯘﺳﯘﻟﻼﺭﺩﯨﻦ ﺳﻮﺭﺍﻳﺪﯨﻜﻪﻥ ، ﺗﻪﻟﻪﭖ ﻗﯩﻠﺪﯨﻜﻪﻥ . ﺑﺎﻟﯩﻠﯩﺮﯨﻨﻰ ﺋﯩﺨﺘﺴﺎﺳﻠﯩﻘﻼﺭﺩﯨﻦ ، 21- ﺋﻪﺳﯩﺮﻧﯩﯔ ﺭﯨﻘﺎﺑﯩﺘﯩﺪﻩ ﺋﯜﺯﯛﭖ ﭼﯩﻘﺎﻻﻳﺪﯨﻐﺎﻥ ﺋﺎﺩﻩﻣﻠﻪﺭﺩﯨﻦ ﻗﯩﻠﯩﭗ ﭼﯩﻘﯩﻤﯩﺰ ﺩﻩﭖ ﺷﯧﺮﯨﻦ ﭼﯜﺵ ﻛﯚﺭﯛﭖ ﺋﻪﯓ ﭼﻮﯓ ﺑﺎﻳﻠﯩﻘﯩﺪﯨﻦ ﻣﻪﮬﺮﯗﻡ ﻗﯧﻠﯩﯟﯦﺘﯩﭙﺘﯘ . ﺋﻪﻧﺌﻪﻧﯩﺪﯨﻦ ﻳﺎﺗﻼﺷﻘﺎﻧﻠﯩﻘﻰ ﺳﻪﯞﻩﺑﯩﺪﯨﻦ ﺑﯘ ﻳﯩﺮﺍﻕ ﻣﺎﻛﺎﻧﻨﯩﻤﯘ ﺋﻪﻳﺪﯨﺰ ﯞﯨﺮﻭﺳﻰ ﺗﯧﭙﯩﭗ ﭼﯩﻘﯩﭙﺘﯘ . ﺋﻪﻳﺪﯨﺰﻻﻧﻐﺎﻥ ﺑﯩﻤﺎﺭﻻﺭ ﭘﯜﺗﯜﻥ ﻣﻪﻣﻠﯩﻜﻪﺗﻨﯩﯔ ﺋﺎﻟﺪﯨﺪﺍ ﺋﯩﻜﻪﻥ . <ﻗﻮﻟﻨﯩﯔ ﻳﻪﺗﻜﯩﻨﻰ ﺋﯘﺳﺴﯘﻝ ، ﺩﯦﻤﯩﻨﯩﯔ ﻳﻪﺗﯩﻜﯩﻨﻰ ﻧﺎﺧﺸﺎ > ﺋﯩﻜﻪﻥ . ﻛﯚﭖ ﻗﯩﺴﯩﻢ ﺋﺎﺗﯩﻼﺭ ﮬﺎﺭﺍﻕ ﺳﻮﺭﯗﻧﯩﺪﺍ ، ﻛﯚﭖ ﻗﯩﺴﯩﻢ ﺋﺎﻧﯩﻼﺭ ﻗﺎﺗﺎﺭ ﭼﺎﻳﺪﺍ ﺋﺎﻟﺪﯨﺮﺍﺵ ﻛﯜﻥ ﺋﯚﺗﻜﯜﺯﺩﯨﻜﻪﻥ . ﺑﯘﻧﺪﺍﻕ ﺋﯧﺘﯩﻘﺎﺩﺳﯩﺰﻟﯩﻘﻨﯩﯔ ﻗﯘﺭﺑﺎﻧﻰ ﺑﯩﭽﺎﺭﻩ ﻛﯩﭽﯩﻚ ﺑﺎﻟﯩﻼﺭ ﺋﯩﻜﻪﻥ . ﺷﯘﻧﺪﺍﻕ ﺳﻪﯞﻩﺑﻠﻪﺭ ﺑﯩﻠﻪﻥ ﯞﻩﺗﻪﻧﻨﯩﯔ ، ﻣﯩﻠﻠﻪﺗﻨﯩﯔ ﻳﯜﺯﯨﻨﻰ ﺗﯚﻛﯩﺪﯨﻐﺎﻥ ﻧﺎﺋﻪﮬﻠﻰ ﺷﯩﺪﺩﻩﺕ ﺑﯩﻠﻪﻥ ﻛﯚﭘﯩﻴﯩﺸﻜﻪ ﺑﺎﺷﻼﭘﺘﯘ . ﻳﺎﺷﻼﺭﻧﯩﯔ ﻗﯩﻴﯩﻦ ﺋﯩﺸﻼﺭﻏﺎ ﻗﯩﺰﯨﻘﯩﺸﻰ ﺑﻪﻙ ﺗﯚﯞﻩﻥ ﺋﯩﻜﻪﻥ . ﭼﻮﯓ - ﭼﻮﯓ ﺋﯩﺸﻼﺭ ﺗﯧﺨﻰ ﻗﻮﻟﯩﺪﯨﻦ ﻛﻪﻟﻤﻪﻳﺪﯨﻜﻪﻥ . ﻣﻪﻥ ﮬﯧﺲ ﻗﯩﻠﺴﺎﻡ ، ﺑﯘ ﻣﯩﻠﻠﻪﺗﻨﯩﯔ ﭘﻪﻥ - ﺗﯧﺨﻨﯩﻜﯩﻐﺎ ﺋﯧﺴﯩﻠﻤﺎﻱ ، ﻧﺎﺧﺸﺎ ﺋﯘﺳﺴﯘﻟﻼﺭﻏﺎ ﺋﯧﺴﯩﻠﯩﺸﻰ ﺋﺎﺩﻩﻣﻨﻰ ﺑﻪﻙ ﺋﯧﭽﯩﻨﺪﯗﺭﯨﺪﯨﻜﻪﻥ . ﺋﻮﻳﻠﯩﻐﺎﻧﺴﯧﺮﻯ ﺑﻪﺩﯨﻨﯩﻤﮕﻪ ﺗﯩﺘﯩﺮﻩﻙ ﺋﻮﯞﻻﺷﺘﻰ ﺩﯦﮕﻪﻧﻠﻪﺭﻧﻰ ﻳﺎﺯﻣﺎﺳﻤﯘ ؟
         ﺋﯧﺰﯨﺰ ﻗﯧﺮﯨﻨﺪﺍﺷﻼﺭ ، ﻣﻪﻧﻤﯘ ﻧﺎﺧﺸﯩﻨﻰ ﻳﺎﺧﺸﻰ ﻛﯚﺭﯨﻤﻪﻥ ، ﻣﻪﻥ ﮬﻪﺭﮔﯩﺰ ﻧﺎﺧﺸﯩﺪﯨﻦ ﮬﻪﻣﻤﻪﻳﻠﻪﻥ ﯞﺍﺯ ﻛﯧﭽﯩﺸﯩﻤﯩﺰ ﻛﯧﺮﻩﻙ ﺩﯦﻤﻪﻛﭽﻰ ﺋﻪﻣﻪﺱ . ﺳﯩﻠﻪﺭ ﺑﯩﻠﺴﯩﺰﻟﻪﺭ ، ﺋﯚﺗﻜﻪﻥ ﻳﯩﻠﻰ ﺋﯘﻟﯘﻍ ﺋﺎﻟﯩﻢ ﺑﻮﯞﯨﻤﯩﺰ ﻣﻪﮬﻤﯘﺩ ﻗﻪﺷﻘﻪﺭﻯ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﻪﻣﯩﻠﻜﻪﺗﻠﯩﻚ ﭼﻮﯓ ﺑﯩﺮ ﺋﻪﻧﺠﯜﻣﻪﻥ ﺑﻮﻟﯘﭖ ﺋﯚﺗﺘﻰ. ﺋﻮﻳﻼﭖ ﺑﯧﻘﯩﯖﻼﺭ ! 100 ﻳﯩﻞ ! ﻛﯩﻢ ، ﻗﺎﻳﺴﻰ ﺑﯩﺮ ﻣﯩﻠﻠﻪﺕ ﭘﺎﻻﻧﻰ ﻧﺎﺧﺸﭽﯩﻨﯩﯔ ﺩﯗﻧﻴﺎﻏﺎ ﺗﻪﯞﻩﻟﻠﯘﺕ ﺑﻮﻟﻐﺎﻧﻠﯩﻘﯩﻨﯩﯔ 1000 ﻳﺎﻕ ، 500 ﻳﯩﻠﻠﯩﻘﯩﻐﺎ ﻣﻪﻣﻠﯩﻜﻪﺗﻠﯩﻚ ﭼﻮﯓ ﺋﻪﻧﺠﯜﻣﻪﻥ ﺋﯚﺗﻜﯜﺯﺩﻯ ؟ ﻳﻪﻧﻪ 1000 ﻳﯩﻠﺪﯨﻦ ﻛﯧﻴﯩﻨﻜﻰ ﺑﯜﮔﯜﻧﻜﻰ ﻛﯜﻧﺪﻩ ﺋﺎﺷﯘﻧﺪﺍﻕ ﭼﻮﯓ ﺑﯩﺮ ﺋﻪﻧﺠﯜﻣﻪﻧﻨﯩﯔ ﺑﯩﺰﻧﻰ ﺧﺎﺗﯩﺮﻟﻪﭖ ﺋﯧﭽﯩﻠﯩﺸﻰ ﺋﯜﭼﯜﻥ ﭼﻮﻗﯘﻡ ﺗﯩﺮﺷﯩﭗ ﺋﯩﺸﻠﯩﺸﯩﻤﯩﺰ ﻛﯧﺮﻩﻙ !
         ﺧﯘﻻﺳﻪ ﻛﺎﻻﻡ ، ﻣﺎﯕﺎ ﺋﻪﻣﺪﻯ ﮔﻪﭖ ﻗﯩﻠﯩﺸﻨﯩﯔ ﮬﺎﺟﯩﺘﻰ ﻳﻮﻕ . ﺋﻪﻣﺪﯨﻜﻰ ﮔﻪﭖ ﺋﻮﻗﯘﺭﻣﻪﻧﻠﻪﺭﺩﺍ ﻗﺎﻟﺪﻯ . ﮬﻪﻕ ﮔﻪﭖ ﻗﯩﻠﻐﺎﻥ ﺑﻮﻟﺴﺎﻡ ﺋﻮﻗﯘﺭﻣﻪﻥ ﺋﻮﻳﻠﯩﻨﯩﭗ ﺑﺎﻗﺴﯘﻥ ، ﺧﺎﺗﺎ ﮔﻪﭖ ﻗﯩﻠﻐﺎﻥ ﺑﻮﻟﺴﺎﻡ ﻣﻪﻧﺪﻩﻙ ﺑﯩﺮ ﻛﺎﻟﺘﻪﭘﻪﻣﻨﻰ ﻛﻪﭼﯜﺭﺳﯘﻥ !

( ﺋﺎﭘﺘﻮﺭ : ﻛﻮﺭﻻ ﺋﯘﻟﺘﺎﺵ ﻣﻪﻛﺘﯩﭙﻰ ﻣﻪﺳﺌﯘﻟﻰ )