ﯮﺗﺘﯘﺭﺍ ﯬﺳﯩﺮ ﻗﺎﻧﯘﻧﺸﯘﻧﺎﺳﻠﯩﻖ ﺗﺎﺭﯨﺨﯩﺪﯨﻜﻰ ﯰﻟﯘﻏﯟﺍﺭ ﻧﺎﻣﺎﻳﻪﻧﺪﻩ
«ﻗﯘﺗﺎﺩﻏﯘ ﺑﯩﻠﯩﻚ»ﺗﯩﻜﻰ ﻗﺎﻧﯘﻧﺸﯘﻧﺎﺳﻠﯩﻖ ﺗﻪﻟﯩﻤﺎﺗﻠﯩﺮﻯ ﻫﻪﻗﻘﯩﺪﻩ
ﯪﺑﺪﯗﺷﯜﻛﯜﺭ ﻣﯘﻫﻪﻣﻤﻪتئىمىن
 

«ﻗﯘﺗﺎﺩﻏﯘ ﺑﯩﻠﯩﻚ» ﯰﻳﻐﯘﺭ ﭘﻪﻟﺴﻪﭘﻪ ﯞﻩ ﺋﯩﺠﺘﯩﻤﺎﺋﯩﻲ ﺋﯩﺪﯨﻴﯩﻠﻪﺭ ﺗﺎﺭﯨﺨﯩﺪﺍ ﺑﯩﺮ ﺩﻩﯞﺭﻧﯩﯔ ﺋﯩﺪﯦﯯﻟﻮﮔﯩﻴﯩﺴﻰ ﯞﻩ ﺋﯩﻠﯩﻢ - ﭘﻪﻥ ﺗﻪﺭﻩﻗﻘﯩﻴﺎﺕ ﻧﻪﺗﯩﺠﯩﺴﯩﻨﻰ ﻣﯘﺟﻪﺳﺴﻪﻣﻠﻪﺷﺘﯜﺭﮔﻪﻥ ﻳﯩﺮﯨﻚ ﺩﺍﺳﺘﺎﻥ . ﯰﻧﯩﯖﺪﯨﻜﻰ ﭘﻪﻟﺴﻪﭘﯩﯟﻯ ﺋﯩﺪﯨﻴﻪ ﯞﻩ ﺋﯩﺠﺘﯩﻤﺎﺋﯩﻲ ﻛﯚﺯ ﻗﺎﺭﺍﺷﻼﺭﻧﯩﯔ ﻣﯘﻫﯩﻢ ﺑﯩﺮ ﺟﻪﯞﻫﯩﺮﻯ ﻗﺎﻧﯘﻧﺸﯘﻧﺎﺳﻠﯩﻖ ﺗﻪﻟﯩﻤﺎﺗﯩﺪﯨﻦ ﺋﯩﺒﺎﺭﻩﺕ . ﮔﻪﺭﭼﻪ ، ﺑﯘ ﺗﻪﻟﯩﻤﺎﺗﺘﺎ : ﻓﺎﺭﺍﺑﯩﻨﯩﯔ « ﭘﻪﺯﯨﻠﻪﺗﻠﯩﻚ ﺷﻪﻫﻪﺭ ﯪﻫﺎﻟﯩﺴﻰ » ، « ﺟﺎﻣﺎﯬﺗﭽﯩﻠﯩﻚ ﺳﯩﻴﺎﺳﯩﺘﻰ » ، « ﺑﻪﺧﺘﻜﻪ ﺋﯧﺮﯨﺸﯩﺸﻨﯩﯔ ﯞﺍﺳﯩﺘﯩﻠﯩﺮﻯ » ﻗﺎﺗﺎﺭﻟﯩﻖ ﯬﺳﻪﺭﻟﯩﺮﯨﺪﻩ ﺗﯩﻠﻐﺎ ﺋﯧﻠﯩﻨﻐﺎﻥ ﯬﻗﯩﻞ - ﭘﺎﺭﺍﺳﻪﺕ ، ﺋﯩﻠﯩﻢ - ﭘﻪﺯﯨﻠﻪﺕ ، ﺩﺍﻧﯩﺸﻤﻪﻥ ﺭﻩﺋﯩﺲ ، ﯪﺩﺍﻟﻪﺗﻠﯩﻚ ﺳﯩﻴﺎﺳﻪﺕ ﯞﻩ ﭘﻪﺯﯨﻠﻪﺗﻠﯩﻚ ﺩﯙﻟﻪﺕ ﺗﻮﻏﺮﯨﺴﯩﺪﯨﻜﻰ ﺋﯩﻨﺴﺎﻧﭙﻪﺭﯞﻩﺭ ، ﻣﻪﺭﯨﭙﻪﺗﭽﻰ ﺋﯩﺪﯨﻴﯩﻠﻪﺭ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﺑﻮﻟﺴﯩﻤﯘ ، ﻟﯧﻜﯩﻦ ﺭﯦﯫﻝ ﺩﯙﻟﻪﺕ ﯪﭘﭙﺎﺭﺍﺗﯩﻨﻰ ﯪﻗﯩﻼﻧﻪ ، ﯪﺩﯨﻞ ، ﻣﯘﺳﺘﻪﻗﯩﻞ ﯞﻩ ﻛﻪﺳﻜﯩﻦ ﻗﺎﻧﯘﻥ ﺑﻮﻳﯩﭽﻪ ﺑﺎﺷﻘﯘﺭﯗﺵ ﺗﻮﻏﺮﯨﺴﯩﺪﯨﻜﻰ ﭘﯩﻜﯩﺮﻟﻪﺭ ﭘﯜﺗﯜﻧﻠﻪﻱ ﻳﯜﺳﯜﭖ ﺧﺎﺱ ﻫﺎﺟﯩﭙﻘﺎ ﺧﺎﺳﺘﯘﺭ .
«ﻗﯘﺗﺎﺩﻏﯘ ﺑﯩﻠﯩﻚ»ﺗﯩﻜﻰ ﻗﺎﻧﯘﻧﺸﯘﻧﺎﺳﻠﯩﻖ ﯴﺳﺘﯩﺪﻩ ﺳﯚﺯ ﺑﻮﻟﻐﺎﻧﺪﺍ ﻛﯩﺸﯩﻠﻪﺭ ﻳﻪﻧﻪ ﻳﯜﺳﯜﭖ ﺧﺎﺱ ﻫﺎﺟﯩﭙﺘﯩﻦ ﺳﻪﻛﻜﯩﺰ ﯬﺳﯩﺮ ﻛﯧﻴﯩﻦ ﯲﺗﻜﻪﻥ ﻧﯧﻤﯩﺲ ﻛﻼﺳﺴﯩﻚ ﭘﻪﻟﺴﻪﭘﯩﺴﯩﻨﯩﯔ ﺗﺎﺟﯩﺴﻰ ﻫﯧﺴﺎﺑﻼﻧﻐﺎﻥ ﮔﯧﮕﯧﻞ ( 1770 - 1831 )ﻧﻰ ﯬﺳﻜﻪ ﯪﻟﯩﺪﯗ .



ﻣﻪﻟﯘﻣﻜﻰ ، «ﻗﯘﺗﺎﺩﻏﯘ ﺑﯩﻠﯩﻚ»ﺗﻪ ﮔﯧﮕﯧﻠﻨﯩﯔ « ﻫﻮﻗﯘﻕ ﭘﻪﻟﺴﻪﭘﯩﺴﻰ » ﻧﺎﻣﻠﯩﻖ ﻛﯩﺘﺎﺑﯩﺪﯨﻜﻰ ﻗﺎﻧﯘﻧﺸﯘﻧﺎﺳﻠﯩﻖ ﻛﯚﺯ ﻗﺎﺭﺍﺷﻼﺭﻏﺎ ﯮﺧﺸﯩﺸﯩﭗ ﻛﯧﺘﯩﺪﯨﻐﺎﻥ ﺋﯩﺠﺘﯩﻤﺎﺋﯩﻲ ﺋﯩﺪﯨﻴﯩﻠﻪﺭﺩﯨﻦ ﯪﺩﻩﻡ ﯞﻩ ﯰﻧﯩﯔ ﻗﻪﺩﯨﺮ - ﻗﯩﻤﻤﯩﺘﯩﻨﯩﯔ ﯬﻗﯩﻞ - ﭘﺎﺭﺍﺳﻪﺕ ، ﺑﯩﻠﯩﻢ ﯞﻩ ﺗﻪﭘﻪﻛﻜﯘﺭﻏﺎ ﻳﯚﻟﯩﻨﯩﺪﯨﻐﺎﻧﻠﯩﻘﻰ ، ﯪﺩﻩﻣﻨﯩﯔ ﺋﯩﺮﺍﺩﻩ ﺋﯩﺨﺘﯩﻴﺎﺭﯨﻠﯩﻘﻰ ﯞﻩ ﯲﺯ ﺑﻪﺧﺘﻰ - ﺳﺎﯪﺩﯨﺘﻰ ﯴﭼﯜﻥ ﻛﯜﺭﯨﺸﯩﺶ ﻫﻮﻗﯘﻗﯩﻐﺎ ﺋﯩﮕﻪ ﺋﯩﻜﻪﻧﻠﯩﻜﻰ ، ﯪﻗﯩﻼﻧﻪ ﻗﺎﻧﯘﻥ ﯪﺳﺎﺳﯩﺪﺍ ﺋﯩﺠﺘﯩﻤﺎﺋﯩﻲ ﭘﺎﺭﺍﯞﺍﻧﻠﯩﻖ ﺑﻪﺭﭘﺎ ﻗﯩﻠﯩﺶ ﯬﯓ ﯪﻟﯩﻲ ﻳﺎﺧﺸﯩﻠﯩﻖ ﻫﯧﺴﺎﺑﻠﯩﻨﯩﺪﯨﻐﺎﻧﻠﯩﻘﻰ ﯪﻟﻠﯩﻘﺎﭼﺎﻧﻼ ﯮﺗﺘﯘﺭﯨﻐﺎ ﻗﻮﻳﯘﻟﻐﺎﻧﯩﺪﻯ . ﻳﯜﺳﯜﭖ ﺧﺎﺱ ﻫﺎﺟﯩﭙﻨﯩﯔ ﮔﯧﮕﯧﻠﺪﯨﻦ ﭘﻪﺭﻗﻰ ، ﻣﻪﻟﯘﻡ ﻣﻪﻧﯩﺪﻩ ﻫﻪﺗﺘﺎ ﯰﻧﯩﯖﺪﯨﻦ ﺋﯩﻠﻐﺎﺭﻟﯩﻘﻰ ﺷﯘ ﻳﻪﺭﺩﯨﻜﻰ ، ﮔﯧﮕﯧﻞ ﻓﺮﺍﻧﺴﯘﺯ ﺑﯘﺭﮊﯗﯪﺯﯨﻴﻪ ﺋﯩﻨﻘﯩﻼﺑﯩﺪﯨﻦ ﻛﯧﻴﯩﻨﻜﻰ ﺳﯩﻴﺎﺳﯩﻲ ﺗﺎﺭﯨﺦ ﺳﻪﻫﻨﯩﺴﯩﺪﻩ ﻧﯧﻤﯩﺲ ﯪﻗﺴﯚﯕﻪﻙ ﻓﯧﯯﺩﺍﻝ ﺟﻪﻣﺌﯩﻴﯩﺘﯩﻨﻰ ﻛﻮﻧﯩﺴﺘﯩﺘﻮﺗﺴﯩﻴﯩﻠﯩﻚ ﭘﺎﺩﯨﺸﺎﻫﻠﯩﻖ ﺗﯜﺯﯛﻣﻰ ﺑﯩﻠﻪﻥ ﻳﻮﭘﯘﻗﺪﺍﺵ ﯪﺭﻗﯩﻠﯩﻖ ﯰﻧﻰ ﺑﯘﺭﮊﯗﯪﺯﯨﻴﻪ ﺋﯩﻨﻘﯩﻼﺑﯩﻨﯩﯔ ﺑﻮﺭﺍﻧﻠﯩﺮﯨﺪﯨﻦ ﺳﺎﻗﻼﭖ ﻗﺎﻟﻤﺎﻗﭽﻰ ﺑﻮﻟﻐﺎﻧﯩﺪﻯ . ﯞﻩﻫﺎﻟﻪﻧﻜﻰ ، ﻳﯜﺳﯜﭖ ﺧﺎﺱ ﻫﺎﺟﯩﭗ ﻛﻮﻧﯩﻠﯩﻘﻨﻰ ﻫﯩﻤﺎﻳﻪ ﻗﯩﻠﻐﯘﭼﻰ ﮔﯧﮕﯧﻠﺪﯨﻦ ﭘﻪﺭﻗﻠﯩﻖ ﻫﺎﻟﺪﺍ ، ﯮﺗﺘﯘﺭﺍ ﯬﺳﯩﺮ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﻩ ﻓﯧﯯﺩﺍﻝ ﺋﯧﺮﺍﺭﺧﯩﻴﯩﻠﯩﻚ ﻫﺎﻛﯩﻢ ﻣﯘﺗﻠﻪﻕ ﺧﺎﻧﻠﯩﻖ ﺗﯜﺯﯛﻣﯩﻨﻰ ﯪﺩﺍﻟﻪﺗﻠﯩﻚ ﻗﺎﻧﯘﻥ ﺑﯩﻠﻪﻥ ﺗﯩﺰﮔﯩﻨﻠﻪﺵ ﭘﯩﻜﺮﯨﻨﻰ ﯮﺗﺘﯘﺭﯨﻐﺎ ﻗﻮﻳﺪﻯ .



«ﻗﯘﺗﺎﺩﻏﯘ ﺑﯩﻠﯩﻚ» ﯬﻳﻨﻰ ﺯﺍﻣﺎﻥ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﯩﺪﯨﻜﻰ ﻫﯚﻛﯜﻣﺮﺍﻥ ﻛﺎﻻﻣﯩﺰﻡ ( ﺩﯨﻨﯩﻲ ﻫﻮﻗﯘﻗﭽﯩﻠﯩﻖ ) ﻛﯚﺯ ﻗﺎﺭﺍﺷﻠﯩﺮﯨﺪﺍ ﻛﯜﭼﻪﭖ ﺗﻪﺭﻏﯩﺐ ﻗﯩﻠﯩﻨﻐﺎﻥ ﻓﯧﯯﺩﺍﻝ ﯪﻗﺴﯚﯕﻪﻙ ﯞﻩ ﺩﯨﻨﯩﻲ ﻣﯘﺗﻪﯬﺳﺴﯩﭙﻠﻪﺭ ﻫﺎﻛﯩﻢ ﻣﯘﺗﻠﻪﻗﻠﯩﻘﻰ ﺑﯩﻠﻪﻥ ﺳﺎﻣﺎﯞﻯ ﯪﻟﻪﻡ ﺑﻪﺧﺖ - ﺳﺎﯪﺩﯨﺘﻰ ﺗﻮﻏﺮﯨﺴﯩﺪﯨﻜﻰ ﯬﭘﺴﺎﻧﯩﻼﺭﻏﺎ ﻏﻪﺭﻕ ﺑﻮﻟﻐﺎﻥ ﺗﻪﺭﻛﯩﺪﯗﻧﻴﺎ ﺋﯩﺴﺘﯩﻘﺎﻣﻪﺗﭽﯩﻠﯩﻜﻰ ﺗﻪﺷﻪﺑﺒﯘﺳﻠﯩﺮﯨﻐﺎ ﺯﯨﺖ ﻫﺎﻟﺪﺍ ﺋﯩﻨﺴﺎﻧﻨﯩﯔ ﺭﯦﯫﻝ ﺋﯩﺠﺘﯩﻤﺎﺋﯩﻲ ﻫﺎﻳﺎﺗﺘﯩﻜﻰ ﺑﻪﺧﺖ - ﺳﺎﯪﺩﯨﺘﻰ ﯞﻩ ﺩﯙﻟﻪﺗﻨﻰ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﺵ ﺗﻪﻟﯩﻤﺎﺗﯩﻨﻰ ﯮﺗﺘﯘﺭﯨﻐﺎ ﻗﻮﻳﯘﭖ ، ﯮﺗﺘﯘﺭﺍ ﯬﺳﯩﺮ ﻗﺎﻧﯘﻧﺸﯘﻧﺎﺳﻠﯩﻘﻰ ﺗﺎﺭﯨﺨﯩﺪﺍ ﺩﻩﯞﺭ ﺑﯚﻟﮕﯜﭺ ﻣﯘﻧﻪﯞﯞﻩﺭ ﻧﺎﻣﺎﻳﻪﻧﺪﻩ ﻳﺎﺭﺍﺗﺘﻰ . ﺭﻭﺷﻪﻧﻜﻰ ، ﻫﻪﻣﻤﻪ ﯪﺩﻩﻣﻨﯩﯔ ﺧﺎﻥ ﯬﯞﻻﺩﻯ ، ﯬﻣﻪﻟﺪﺍﺭ ﻳﺎﻛﻰ ﻗﯘﻝ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﻗﺎﻧﯘﻥ ﯪﻟﺪﯨﺪﺍ ﺑﺎﺭﺍﯞﻩﺭﻟﯩﻜﻰ ( 818 - ﺑﯧﻴﯩﺖ ) ، ﻗﺎﻧﯘﻥ ﯪﻻﻣﻪﺗﻠﯩﺮﯨﻨﯩﯔ ﯪﺩﺍﻟﻪﺗﻠﯩﻜﻰ ( 819 - ، 821 - ﺑﯧﻴﯩﺘﻼﺭ ) ، ﺩﻩﺧﻠﯩﺴﯩﺰﻟﯩﻜﻰ ( 833 - ، 834 - ﺑﯧﻴﯩﺘﻼﺭ ) ، ﺋﯩﺰﭼﯩﻞ ﺑﯩﺮﺩﻩﻛﻠﯩﻜﻰ ( 824 - ، 825 - ﺑﯧﻴﯩﺘﻼﺭ ) ، ﻫﻪﻡ ﯮﭼﯘﻕ - ﻳﻮﺭﯗﻕ ( 827 - ﺑﯧﻴﯩﺖ ) ، ﺋﯩﻠﻠﯩﻖ ( 829 - ﺑﯧﻴﯩﺖ ) ﺑﻮﻟﯘﺷﻰ ، ﻫﻪﻡ ﻛﻪﺳﻜﯩﻦ ( 811 - ﯞﻩ ﺑﺎﺷﻘﺎ ﺑﯧﻴﯩﺘﻼﺭ ) ﺑﻮﻟﯘﺷﻰ ﺗﻮﻏﺮﯨﺴﯩﺪﯨﻜﻰ ﻛﯚﺯ ﻗﺎﺭﺍﺷﻼﺭ ﯮﺗﺘﯘﺭﺍ ﯬﺳﯩﺮﻧﯩﯔ ﺟﺎﻫﺎﻟﻪﺗﻠﯩﻚ ﻣﯘﻫﯩﺘﯩﮕﻪ ﺧﺎﺗﯩﻤﻪ ﺑﯧﺮﯨﺸﻨﯩﯔ ﻣﯘﻗﻪﺩﺩﯨﻤﯩﺴﯩﻨﻰ ﯪﭼﻘﺎﻥ ﻏﻪﺭﺑﯩﻲ ﻳﺎﯞﺭﻭﭘﺎ ﺑﯘﺭﮊﯗﯪﺯﯨﻴﻪ ﺋﯩﻨﻘﯩﻼﺑﻰ ﯪﻟﺪﯨﺪﯨﻜﻰ ﺳﯩﻴﺎﺳﯩﻲ ﺗﻪﻟﯩﻤﺎﺗﻼﺭ ﺗﺎﺭﯨﺨﯩﻐﯩﻤﯘ ﻛﯩﺮﮔﻪﻧﯩﺪﻯ .



ﻳﯜﺳﯜﭖ ﺧﺎﺱ ﻫﺎﺟﯩﭙﻨﯩﯔ ﻗﺎﻧﯘﻧﺸﯘﻧﺎﺳﻠﯩﻖ ﺋﯩﺪﯨﻴﯩﺴﻰ ﺑﯩﺮ ﭘﯜﺗﯜﻥ ﺳﯩﺴﺘﯧﻤﺎ ﺑﻮﻟﯘﭖ ، ﯰ : ﺩﯙﻟﻪﺗﻨﯩﯔ ﯪﺳﺎﺳﻰ _ ﻫﻪﺭ ﺧﯩﻞ ﻛﻪﺳﭗ ﯞﻩ ﺗﻪﺑﯩﻘﯩﺪﯨﻜﻰ ﺧﻪﻟﻖ ﯪﻣﻤﯩﺴﻰ ﺋﯩﻜﻪﻧﻠﯩﻜﻰ ، ﺩﯙﻟﻪﺗﻨﯩﯔ ﯪﺳﺎﺳﯩﻲ ﯞﻩﺯﯨﭙﯩﺴﻰ ﺧﻪﻟﻘﻨﯩﯔ ﺋﯩﺠﺘﯩﻤﺎﺋﯩﻲ ﺑﻪﺧﺖ - ﺳﺎﯪﺩﯨﺘﯩﻨﻰ ﺑﻪﺭﭘﺎ ﻗﯩﻠﯩﺶ ﺗﻮﻏﺮﯨﺴﯩﺪﯨﻜﻰ ﺗﻪﻟﯩﻤﺎﺗﻼﺭ ؛ ﺩﯙﻟﻪﺕ ﺑﺎﺷﻠﯩﻘﯩﻨﯩﯔ ﺩﺍﻧﯩﺸﻤﻪﻥ ﻣﯘﺗﻪﭘﻪﻛﻜﯘﺭ ﺑﻮﻟﯘﺷﻰ ﯞﻩ ﺩﯙﻟﻪﺕ ﺧﺎﺩﯨﻤﻠﯩﺮﯨﻨﯩﯔ ﯬﻗﻠﯩﻲ ، ﻛﻪﺳﭙﯩﻲ ﻗﺎﺑﯩﻠﯩﻴﯩﺘﻰ ، ﯬﺧﻼﻗﯩﻲ ﯞﻩ ﺟﯩﺴﻤﺎﻧﻲ ﺷﻪﺭﺗﻠﯩﺮﻯ ﺗﻮﻏﺮﯨﺴﯩﺪﯨﻜﻰ ﺗﻪﻟﯩﻤﺎﺗﻼﺭ ؛ ﺩﯙﻟﻪﺗﻨﻰ ﯪﺩﺍﻟﻪﺗﻠﯩﻚ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﺵ ﯞﻩ ﻫﻪﻣﻤﻪ ﯪﺩﻩﻣﻨﯩﯔ ﻗﺎﻧﯘﻥ ﯪﻟﺪﯨﺪﺍ ﺑﺎﺭﺍﯞﻩﺭﻟﯩﻜﻰ ﺗﻮﻏﺮﯨﺴﯩﺪﯨﻜﻰ ﺗﻪﻟﯩﻤﺎﺗﻼﺭﻧﻰ ﯲﺯ ﺋﯩﭽﯩﮕﻪ ﯪﻟﯩﺪﯗ . ﻳﯜﺳﯜﭖ ﺧﺎﺱ ﻫﺎﺟﯩﭗ ﺧﻪﻟﻖ ، ﯬﻗﯩﻞ ﯞﻩ ﺑﯩﻠﯩﻢ ، ﺑﻪﺧﺖ - ﺳﺎﯪﺩﻩﺕ ، ﯬﺧﻼﻕ ﯞﻩ ﻳﺎﺧﺸﯩﻠﯩﻖ ، ﯪﺩﺍﻟﻪﺕ ﯞﻩ ﻗﺎﻧﯘﻥ ﻛﺎﺗﯧﮕﻮﺭﯨﻴﯩﻠﯩﺮﯨﻨﻰ ﺑﯩﺮﻟﻪﺷﺘﯜﺭﯛﭖ ﺑﯩﻠﯩﻤﻠﯩﻚ ﺧﺎﻗﺎﻥ ، ﯬﺧﻼﻗﻠﯩﻖ ﺑﻪﮒ - ﯬﻣﻪﻟﺪﺍﺭﻻﺭ ﺭﯨﻴﺎﺳﻪﺗﭽﯩﻠﯩﻜﯩﺪﻩ ﺭﯦﯫﻝ ﺩﯙﻟﻪﺕ ﯪﭘﭙﺎﺭﺍﺗﯩﻨﻰ ﯪﺩﺍﻟﻪﺗﻠﯩﻚ ﻗﺎﻧﯘﻧﻼﺭ ﺑﯩﻠﻪﻥ ﺑﺎﺷﻘﯘﺭﯗﭖ ، ﻫﻪﺭ ﻛﻪﺳﭗ - ﻫﻪﺭ ﺗﻪﺑﯩﻘﻪ ﺧﻪﻟﻖ ﯪﻣﻤﯩﺴﯩﻨﻰ ﺑﻪﺧﺘﻠﯩﻚ ﻫﺎﻳﺎﺗﻘﺎ ﺋﯧﺮﯨﺸﺘﯜﺭﯛﺷﻨﯩﯔ ﺑﯩﺮ ﭘﯜﺗﯜﻥ ﺳﯩﻴﺎﺳﯩﻲ ﺋﯩﺠﺘﯩﻤﺎﺋﯩﻲ ﭘﺮﻭﮔﺮﺍﻣﻤﯩﺴﯩﻨﻰ ﯮﺗﺘﯘﺭﯨﻐﺎ ﻗﻮﻳﺪﻯ . ﻣﺎﻗﺎﻟﯩﻤﯩﺰﺩﺍ ﭘﻪﻗﻪﺕ ﯰﻧﯩﯔ ﺩﯙﻟﻪﺗﻨﻰ ﯪﺩﺍﻟﻪﺗﻠﯩﻚ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﺵ ﯞﻩ ﻫﻪﻣﻤﻪ ﯪﺩﻩﻣﻨﯩﯔ ﻗﺎﻧﯘﻥ ﯪﻟﺪﯨﺪﺍ ﺑﺎﺭﺍﯞﻩﺭﻟﯩﻜﻰ ﺗﻮﻏﺮﯨﺴﯩﺪﯨﻜﻰ ﯪﻟﻪﻣﺸﯘﻣﯘﻝ ﺗﺎﺭﯨﺨﯩﻲ ﯬﻫﻤﯩﻴﻪﺗﻠﯩﻚ ﻛﯚﺯ ﻗﺎﺭﺍﺷﻠﯩﺮﯨﻨﯩﯔ ﻧﻪﻣﯘﻧﯩﻠﯩﺮﻯ ﺑﯩﻠﻪﻥ ﺗﻮﻧﯘﺷﯘﭖ ﭼﯩﻘﻤﺎﻗﭽﯩﻤﯩﺰ .


ﻳﯜﺳﯜﭖ ﺧﺎﺱ ﻫﺎﺟﯩﭗ ﯲﺯﯨﺪﯨﻦ ﺋﯩﻠﮕﯩﺮﯨﻜﻰ ﺩﯙﻟﻪﺕ ﯞﻩ ﺟﻪﻣﺌﯩﻴﻪﺗﻨﻰ ﺗﯜﺯﻩﺵ ﻫﻪﻗﻘﯩﺪﯨﻜﻰ ﺑﺎﺭﻟﯩﻖ ﻣﻪﺭﯨﭙﻪﺗﭙﻪﺭﯞﻩﺭ ﻛﯚﺯ ﻗﺎﺭﺍﺷﻼﺭﺩﯨﻦ ﻫﺎﻟﻘﯩﻐﺎﻥ ﻫﺎﻟﺪﺍ ﯪﺩﺍﻟﻪﺗﻠﯩﻚ ﻗﺎﻧﯘﻥ ﻛﺎﺗﯧﮕﻮﺭﯨﻴﯩﺴﯩﻨﻰ ﯮﺗﺘﯘﺭﺍ ﯬﺳﯩﺮ ﺋﯩﺪﯦﯯﻟﻮﮔﯩﻴﯩﻠﯩﻚ ﻗﯘﺭﯗﻟﻤﯩﺴﯩﻨﯩﯔ ﻏﻮﻟﻰ ﻫﯧﺴﺎﺑﻼﻧﻐﺎﻥ ﺗﻪﯕﺮﻯ ﻛﺎﺗﯧﮕﻮﺭﯨﻴﯩﺴﻰ ﺑﯩﻠﻪﻥ ﺑﯩﺮﺩﻩﻙ ، ﻫﻪﺗﺘﺎ ﯬﻣﻪﻟﯩﻴﻠﯩﻜﺘﻪ ﯰﻧﯩﯖﺪﯨﻨﻤﯘ ﻳﯘﻗﯩﺮﻯ ﯮﺭﯗﻧﻐﺎ ﻗﻮﻳﯘﭖ ، ﯰﻧﯩﯔ ﯬﻫﻤﯩﻴﯩﺘﯩﻨﻰ ﻛﯚﻛﻜﻪ ﻛﯚﺗﯜﺭﺩﻯ . ﯰ ﺩﺍﺳﺘﺎﻧﺪﺍ ﻣﯘﻧﺪﺍﻕ ﻳﺎﺯﯨﺪﯗ :



ﯪﺩﯨﻞ ﻗﺎﻧﯘﻥ ﻛﯚﻛﻜﻪ ﺑﯩﺮ ﺗﯜﯞﺭﯛﻙ ﺋﯧﺮﯗﺭ ،
ﺑﯘﺯﯗﻟﺴﺎ ﯰ ﻗﺎﻧﯘﻥ ﯪﺳﻤﺎﻥ ﻳﯩﻘﯩﻠﯘﺭ . ( 1463 - ﺑﯧﻴﯩﺖ )
ﻳﻮﻕ ﯬﺭﺳﻪ ﻗﺎﻧﯘﻧﻠﯘﻕ ﺑﻪﮔﻠﻪﺭ ﻣﯘﺑﺎﺩﺍ ،
ﻳﻪﺗﺘﻪ ﻗﺎﺕ ﺯﯦﻤﯩﻨﻨﻰ ﺑﯘﺯﺍﺗﺘﻰ ﺧﯘﺩﺍ . ( 3464 - ﺑﯧﻴﯩﺖ )
ﻳﯜﺳﯜﭖ ﺧﺎﺱ ﻫﺎﺟﯩﭗ ﯲﺯ ﺩﺍﺳﺘﺎﻧﯩﺪﺍ ﯪﺩﺍﻟﻪﺗﻠﯩﻚ ﻗﺎﻧﯘﻧﻨﻰ ﮔﻪﯞﺩﯨﻠﻪﻧﺪﯛﺭﮔﯜﭼﻰ ﺩﯙﻟﻪﺕ ﺑﺎﺷﻠﯩﻘﯩﻨﻰ ﯬﻣﻪﻟﺪﯨﻜﻰ ﻳﺎﺧﺸﯩﻠﯩﻘﻨﯩﯔ ﻧﺎﻣﺎﻳﻪﻧﺪﯨﺴﻰ ﺳﯜﭘﯩﺘﯩﺪﻩ ﻣﯘﻧﺪﺍﻕ ﻣﯘﯬﻳﻴﻪﻧﻠﻪﺷﺘﯜﺭﯨﺪﯗ :
ﯪﺩﯨﻞ ﺑﻪﮒ ﻳﯜﺯﯨﻦ ﻛﯚﺭﺳﻪ ، ﻗﯘﺗﻠﯘﻕ ﺑﻮﻟﯘﺭ ،
ﺳﺎﯞﺍﺑﯩﻦ ﺗﺎﭘﯘﺭ ﻫﻪﻡ ﮔﯘﻧﺎﻫ ﻳﻮﻗﯘﻟﯘﺭ . ( 3465 - ﺑﯧﻴﯩﺖ )
ﯪﺩﻩﻡ ﺑﻮﻟﻐﯘﻧﯘﻣﻐﺎ ، ﺑﯩﻠﺴﻪﯓ ، ﺑﯘ ﺯﺍﻣﺎﻥ ،
ﺳﻪﯞﻩﺑﻰ ، ﻳﯚﻟﻪﻛﭽﻰ ﻣﺎﯕﺎ ﺑﻮﻟﺪﻯ ﺧﺎﻥ . ( 3466 - ﺑﯧﻴﯩﺖ )


ﻳﯜﺳﯜﭖ ﺧﺎﺱ ﻫﺎﺟﯩﭗ ﻗﺎﻧﯘﻧﻨﯩﯔ ﻣﯩﺴﻠﯩﺴﯩﺰ ﯬﻫﻤﯩﻴﯩﺘﯩﻨﻰ ﯰﻟﯘﻏﻠﯩﻐﺎﻧﺪﯨﻦ ﻛﯧﻴﯩﻦ ، ﭘﻪﻗﻪﺕ ﺩﺍﻧﯩﺸﻤﻪﻥ - ﯪﻟﯩﻢ ﻫﯚﻛﯜﻣﺪﺍﺭﻻﺭ ﯞﻩ ﯪﺩﺍﻟﻪﺗﻠﯩﻚ ﻗﺎﻧﯘﻥ ﺟﻪﻣﺌﯩﻴﻪﺗﻨﻰ ﻳﯜﻛﺴﻪﻟﺪﯛﺭﻩﻟﻪﻳﺪﯗ ، ﺩﻩﭖ ﻛﯚﺭﺳﯩﺘﯩﺪﯗ . ﺑﯘ ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﺘﻠﯩﺮﯨﺪﺍ ﺑﯘ ﺋﯩﺪﯨﻴﯩﻨﻰ ﻣﯘﻧﺪﺍﻕ ﺑﻪﺩﯨﺌﯩﻲ ﻣﯩﺴﺮﺍﻻﺭ ﺑﯩﻠﻪﻥ ﺑﺎﻳﺎﻥ ﻗﯩﻠﯩﺪﯗ :


ﺟﺎﻫﺎﻥ ﺑﻪﮔﻠﯩﺮﯨﺪﯨﻦ ﻛﯩﻢ ﯪﻟﯩﻢ ﺋﯩﻜﻪﻥ ،
ﯰﻻﺭ ﻳﺎﺧﺸﻰ ﻗﺎﻧﯘﻥ ﺗﯜﺯﻩﭖ ، ﯲﺭﻟﯩﮕﻪﻥ . ( 252 - ﺑﯧﻴﯩﺖ )
ﻳﺎﻣﺎﻥ ﺗﯜﺯﻣﻪ ﻗﺎﻧﯘﻧﻨﻰ ، ﺑﻪﻙ ﻳﺎﺧﺸﻰ ﺗﯜﺯ ،
ﻛﯜﻧﯩﯔ ﻳﺎﺧﺸﻰ ﺑﻮﻟﻐﺎﻱ ﻫﻪﻡ ﺑﻪﺧﺘﯩﯖﻤﯘ ﯰﺯ . ( 1456 - ﺑﯧﻴﯩﺖ )
ﻛﯩﻢ ﯰ ﻳﺎﺧﺸﻰ ﻗﺎﻧﯘﻧﻨﻰ ﺑﻪﺭﭘﺎ ﻗﯩﻼﺭ ،
ﯰﻧﯩﯔ ﺷﯚﻫﺮﯨﺘﻰ ﺗﺎ ﯬﺑﻪﺗﻜﻪ ﻳﺎﺷﺎﺭ . ( 1461 - ﺑﯧﻴﯩﺖ )
ﭘﯜﺗﯜﻥ ﭘﻪﺯﻟﻰ ﺑﻮﻟﺴﺎ ﺟﯩﻤﯩﺪﯨﻦ ﯴﺳﺘﯜﻥ ،
ﺑﯧﺮﻩﻟﯩﺴﯘﻥ ﯬﻟﮕﻪ ﯰ ﻳﺎﺧﺸﻰ ﻗﺎﻧﯘﻥ . ( 2171 - ﺑﯧﻴﯩﺖ )


ﺩﺍﺳﺘﺎﻧﻨﯩﯔ 2130 - ، 2131 - ﺑﯧﻴﯩﺘﻠﯩﺮﯨﺪﯨﻦ ﺗﯜﺯﯛﻟﮕﻪﻥ ﺭﯗﺑﺎﺋﯩﺪﺍ ﯪﺩﺍﻟﻪﺗﻠﯩﻚ ﻗﺎﻧﯘﻥ ﯪﺳﺎﺳﯩﺪﯨﻜﻰ ﺳﯩﻴﺎﺳﻪﺕ ﻫﻪﻗﻘﯩﺪﻩ ﻣﯘﻧﺪﺍﻕ ﺑﺎﻫﺎ ﺑﯧﺮﯨﻠﮕﻪﻥ :


ﺑﯘ ﺑﻪﮔﻠﻪﺭ ﺋﯩﺸﯩﮕﯩﻦ ﺳﯩﻴﺎﺳﻪﺕ ﺗﯜﺯﻩﺭ ،
ﺳﯩﻴﺎﺳﻪﺕ ﺑﯩﻠﻪ ﺑﻪﮒ ﺋﯧﻠﯩﻨﻰ ﺗﯜﺯﻩﺭ . ( 2130 - ﺑﯧﻴﯩﺖ )
ﻳﺎﻣﺎﻧﻐﺎ ﺳﯩﻴﺎﺳﻪﺕ ﻳﯜﺭﯛﺗﻤﻪﻙ ﻛﯧﺮﻩﻙ ،
ﺑﯘﻟﻐﺎﻧﺴﺎ ﺧﻪﻟﻖ ﮔﻪﺭ ، ﺳﯩﻴﺎﺳﻪﺕ ﺳﯜﺯﻩﺭ . ( 2131 - ﺑﯧﻴﯩﺖ )


ﺭﻭﺷﻪﻧﻜﻰ ، ﻣﯘﺗﻪﭘﻪﻛﻜﯘﺭ ﺳﯩﻴﺎﺳﻪﺗﻨﻰ ﻗﺎﻧﯘﻧﻨﯩﯔ ﺑﯩﺮ ﺧﯩﻞ ﺟﻪﯕﮕﯩﯟﺍﺭ ﯞﺍﺳﯩﺘﯩﺴﻰ ﺳﯜﭘﯩﺘﯩﺪﻩ ﺗﻪﺭﯨﭙﻠﯩﮕﻪﻥ .
ﻳﯜﺳﯜﭖ ﺧﺎﺱ ﻫﺎﺟﯩﭗ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﺷﻨﻰ ﺩﯙﻟﻪﺗﻨﯩﯔ ﮔﯜﻟﻠﯩﻨﯩﺸﻰ ﻳﺎﻛﻰ ﻣﯘﻧﻘﻪﺭﺯ ﺑﻮﻟﯘﺷﯩﺪﯨﻜﻰ ﻫﯘﻟﻠﯘﻕ ﻣﻪﺳﯩﻠﻪ ﺳﯜﭘﯩﺘﯩﺪﻩ ﺟﯩﺪﺩﯨﻲ ﺗﻪﻛﯩﺘﻠﻪﭖ ، ﯰﻧﻰ ﺋﯧﻐﯩﺰﺩﺍ ﻳﺎﻛﻰ ﺷﻪﻛﯩﻠﺪﻩ ﻛﯚﺭﯛﻧﯩﺪﯨﻐﺎﻥ « ﯮﻳﯘﻥ »ﻏﺎ ﯪﻳﻼﻧﺪﯗﺭﯗﭖ ﻗﻮﻳﯘﺷﻘﺎ ﻗﺎﺭﺷﻰ ﺋﯩﺪﻯ . «ﻗﯘﺗﺎﺩﻏﯘ ﺑﯩﻠﯩﻚ»ﻧﯩﯔ ﺗﯚﯞﻩﻧﺪﯨﻜﻰ ﺑﯧﻴﯩﺘﻠﯩﺮﯨﺪﺍ ﻗﺎﻧﯘﻥ ﺑﯩﻠﻪﻥ ﻣﺎﻟﯩﻴﻪ - ﺋﯩﻘﺘﯩﺴﺎﺩﻧﻰ ﺩﯙﻟﻪﺗﻨﯩﯔ ﺋﯩﻜﻜﻰ ﻧﯧﮕﯩﺰﻯ ﺳﯜﭘﯩﺘﯩﺪﻩ ﻣﯘﻧﺪﺍﻕ ﺗﻪﺭﯨﭙﻠﻪﻳﺪﯗ :


ﺑﯘ ﺩﯙﻟﻪﺕ ﺗﯩﺮﯨﻜﻰ ، ﯰﻟﻰ ، ﺑﻪﻛﻠﯩﻜﻰ ،
ﺑﯘ ﺋﯩﻜﻜﻰ ﻧﻪﺭﺳﯩﺪﯗﺭ ﻳﯩﻠﺘﯩﺰﻯ _ ﻛﯚﻛﻰ : ( 2132 - ﺑﯧﻴﯩﺖ )
ﺑﯩﺮﻯ ، ﺧﻪﻟﻘﻘﻪ ﺑﻪﺭﻣﻪﻙ ﻗﺎﻧﯘﻥ ﯴﻟﯜﺵ ،
ﺑﯩﺮﻯ ، ﺧﯩﺰﻣﻪﺕ ﯬﺗﻜﻪﻧﮕﻪ ﺑﻪﺭﻣﻪﻙ ﻛﯜﻣﯜﺵ . ( 2133 - ﺑﯧﻴﯩﺖ )
ﺷﯘ ﺋﯩﻜﻜﯩﺴﻰ ﺑﻪﮔﺪﯨﻦ ﺧﻮﺵ ﯮﻟﻐﺎﻥ ﺯﺍﻣﺎﻥ ،
ﯬﻝ ﺭﻩﺗﻜﻪ ﭼﯜﺷﯜﭖ ، ﺑﻪﮒ ﯪﯞﯗﻧﯘﺭ ﺷﯘ ﯪﻥ . ( 2135 - ﺑﯧﻴﯩﺖ )



«ﻗﯘﺗﺎﺩﻏﯘ ﺑﯩﻠﯩﻚ»ﺗﻪ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﺵ ﻧﻮﻗﯘﻝ ﻫﻪﺭﺑﯩﻲ ﻫﺎﻛﯩﻢ ﻣﯘﺗﻠﻪﻗﻠﯩﻘﻘﻪ ﺯﯨﺖ ﻫﺎﻟﺪﺍ « ﻗﻪﻟﻪﻡ » ﯞﻩ « ﯬﻟﻪﻡ »ﺩﯨﻦ ﺋﯩﺒﺎﺭﻩﺕ ﺩﯙﻟﻪﺕ ﺑﺎﺷﻘﯘﺭﯗﺷﻨﯩﯔ ﺋﯩﻜﻜﻰ ﯪﺳﺎﺳﯩﻲ ﻫﺎﻟﻘﯩﺴﯩﻨﯩﯔ ﺑﯩﺮﻯ ، ﻫﻪﺗﺘﺎ ﯪﺳﺎﺳﻠﯩﻖ ﺗﻪﺩﺑﯩﺮ ﺳﯜﭘﯩﺘﯩﺪﻩ ﻛﯜﭼﻪﻳﺘﯩﻠﯩﭗ ﺋﯩﺰﺍﻫﻼﻧﻐﺎﻥ ، ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﯩﺘﻠﯩﺮﯨﺪﺍ ﺑﯘ ﻫﻪﻗﺘﻪ ﻣﯘﻧﺪﺍﻕ ﻳﯧﺰﯨﻠﻐﺎﻥ :


ﯬﻝ - ﻳﯘﺭﺗﻨﻰ ﺗﯘﺗﻤﺎﻏﻠﯩﻖ ﻗﯩﻠﯩﭽﻠﻪ ﺑﻮﻟﯘﺭ ،
ﺑﯘ ﯬﻟﺪﻩ ﻫﯚﻛﯜﻣﻠﻪﺭ ﻗﻪﻟﻪﻣﻠﻪ ﻳﯜﺭﯗﺭ . ( 2711 - ﺑﯧﻴﯩﺖ )
ﺑﻮﻟﯘﺭ ﺗﯧﺰ ﻗﯩﻠﯩﭻ ﺑﯩﺮﻟﻪ ﻳﯘﺭﺕ ﯪﻟﻐﯩﻠﻰ ،
ﻗﻪﻟﻪﻣﺴﯩﺰ ﻣﯘﻣﻜﯩﻦ ﯮﻟﻤﺎﺱ ﯬﻝ ﺗﯘﺗﻘﯩﻠﻰ . ( 2426 - ﺑﯧﻴﯩﺖ )
ﻗﯩﻠﯩﭻ _ ﻣﻪﻣﻠﯩﻜﻪﺗﻨﻰ ﺋﯧﻠﯩﭗ ﯬﻝ ﺗﯘﺗﺎﺭ ،
ﻗﻪﻟﻪﻡ _ ﻣﻪﻣﻠﯩﻜﻪﺗﻨﻰ ﺗﯜﺯﻩﭖ ، ﻣﺎﻝ ﻳﯩﻐﺎﺭ . ( 2714 - ﺑﯧﻴﯩﺖ )
ﺟﺎﻫﺎﻥ ﺗﯜﯞﺭﯛﻛﯩﺪﯗﺭ ﻣﯘﺷﯘ ﺋﯩﻜﻜﯩﺴﻰ ،
ﻛﻰ ﻣﻪﻳﻠﻰ ﯲﺗﻤﯜﺷﺘﻪ ، ﻣﻪﻳﻠﻰ ﻛﻪﻟﮕﯜﺳﻰ . ( 2716 - ﺑﯧﻴﯩﺖ )
ﺑﯘ ﺋﯩﻜﻜﯩﺴﻰ ﯬﻟﻨﯩﯔ ﺗﻪﺭﺗﯩﭙﯩﻦ ﺗﯜﺯﻩﺭ ،
ﺑﯩﺮﯨﻜﺴﻪ ﺑﯘ ﺋﯩﻜﻜﻰ ﯰﻧﻰ ﻛﯩﻢ ﯴﺯﻩﺭ ؟ ( 2419 - ﺑﯧﻴﯩﺖ )



ﺷﯘ ﻧﻪﺭﺳﯩﻨﻰ ﯪﻻﻫﯩﺪﻩ ﺗﯩﻠﻐﺎ ﺋﯧﻠﯩﺶ ﻻﺯﯨﻤﻜﻰ ، ﻳﯜﺳﯜﭖ ﺧﺎﺱ ﻫﺎﺟﯩﭗ ﺧﻪﻟﻖ ﻣﻪﻧﭙﻪﯬﺗﻰ ﯞﻩ ﯬﻗﯩﻞ - ﺑﯩﯩﻠﯩﻢ ﺷﻪﺭﺗﻰ ﯪﺳﺘﯩﺪﺍ ﯪﺩﺍﻟﻪﺗﻠﯩﻚ ﻗﺎﻧﯘﻥ ﺑﯩﻠﻪﻥ ﺧﺎﻧﻠﯩﻖ ( ﻣﺎﻧﺎﺭﺧﯩﻴﯩﻠﯩﻚ ) ﺗﯜﺯﯛﻣﯩﻨﻰ ﺑﯩﺮﻟﻪﺷﺘﯜﺭﮔﻪﻥ ، ﻫﻪﺭﺑﯩﻲ ﺋﯩﺸﻼﺭ ﺑﯩﻠﻪﻥ ﻗﺎﻧﯘﻧﭽﯩﻠﯩﻖ ﺋﯩﺸﻠﯩﺮﯨﻨﻰ ﺑﯩﺮﻟﻪﺷﺘﺮﯛﮔﻪﻥ ﻫﺎﻛﯩﻤﯩﻴﻪﺕ ﺷﻪﻛﻠﯩﻨﯩﯔ ، ﺑﺎﺷﻘﯩﭽﻪ ﺋﯧﻴﺘﻘﺎﻧﺪﺍ ﻛﻮﻧﯩﺴﺘﯩﺘﻮﺗﺴﯩﻴﯩﻠﯩﻚ ﻣﺎﻧﺎﺭﺧﯩﻴﻪ ﺗﯜﺯﯛﻣﯩﺪﯨﻜﻰ ﻫﺎﻛﯩﻤﯩﻴﻪﺕ ﺷﻪﻛﻠﯩﻨﯩﯔ ﯮﺗﺘﯘﺭﺍ ﯬﺳﯩﺮ ﻓﯧﯯﺩﺍﻟﻠﯩﻖ ﻣﯘﻫﯩﺘﯩﺪﯨﻜﻰ ﺗﺎﺭﯨﺨﯩﻲ ﺧﺎﺭﺍﻛﺘﯧﺮﻟﯩﻚ ﺗﻪﺷﻪﺑﺒﯘﺳﭽﯩﺴﻰ ﺑﻮﻟﻐﺎﻧﯩﺪﻯ . ﺑﯘ ﯬﻣﻪﻟﯩﻴﻪﺗﺘﻪ ، ﻣﯘﺗﻪﭘﻪﻛﻜﯘﺭﺩﯨﻜﻰ ﯪﺩﺍﻟﻪﺗﻠﯩﻚ ﻗﺎﻧﯘﻥ ﯪﺭﻗﯩﻠﯩﻖ ﺧﺎﻧﻠﯩﻖ ﻫﻮﻗﯘﻗﯩﻨﻰ ﺗﯩﺰﮔﯩﻨﻠﻪﺷﺘﯩﻦ ﺋﯩﺒﺎﺭﻩﺕ ﺩﯦﻤﻮﻛﺮﺍﺗﯩﻚ ﺧﺎﻫﯩﺸﻨﯩﯔ ﻳﺎﺭﻗﯩﻦ ﺋﯩﭙﺎﺩﯨﺴﻰ ﺑﻮﻟﺪﻯ . ﯰ ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﯩﺘﻠﯩﺮﯨﺪﺍ ﻣﯘﻧﺪﺍﻕ ﺧﯩﺘﺎﺏ ﻗﯩﻠﯩﺪﯗ :



ﯪﺩﺍﻟﻪﺗﻠﯩﻚ ﯴﺳﺘﯩﺪﻩ ﺑﯘ ﺑﻪﮒ ﯰﻟﻰ ،
ﺑﯘ ﺑﻪﮔﻠﯩﻚ ﯪﺳﺎﺳﻰ ﯪﺩﺍﻟﻪﺕ ﻳﻮﻟﻰ . ( 821 - ﺑﯧﻴﺖ )
ﺑﯘ ﻫﯩﻤﻤﻪﺕ ﺑﯩﻠﻪﻥ ﻫﻪﻡ ﺳﯩﻴﺎﺳﻪﺕ ﻛﯧﺮﻩﻙ ،
ﺳﯩﻴﺎﺳﻪﺗﻜﻪ ﺑﻪﮔﻠﯩﻚ ﺭﯨﻴﺎﺳﻪﺕ ﻛﯧﺮﻩﻙ . ( 2127 - ﺑﯧﻴﺖ )
ﺗﯜﺯﻩﺭ ﯬﻝ ﻗﺎﻧﯘﻥ ، ﺳﯩﻴﺎﺳﻪﺗﻠﻪ ﺧﺎﻥ ،
ﯪﯞﺍﻡ ﺧﯘﻟﻘﯩﻨﻰ ﻫﻪﻡ ﺋﯩﻠﺘﻪﺭ ﺷﯘ ﺗﺎﻣﺎﻥ . ( 2128 - ﺑﯧﻴﺖ )



ﻳﯜﺳﯜﭖ ﺧﺎﺱ ﻫﺎﺟﯩﭗ ﯬﻝ ﺋﯩﭽﯩﮕﻪ ﯪﺩﺍﻟﻪﺗﻠﯩﻚ ﻗﺎﻧﯘﻥ ﻳﯜﺭﮔﯜﺯﯛﺵ ، ﺗﺎﺷﻘﻰ ﺩﯛﺷﻤﻪﻧﻠﻪﺭﮔﻪ ﻗﻮﺭﺍﻝ ﺑﯩﻠﻪﻥ ﺗﺎﻗﺎﺑﯩﻞ ﺗﯘﺭﯗﺵ ﻻﺯﯨﻤﻠﯩﻘﯩﻨﻰ ﺗﻪﻛﯩﺘﻠﻪﻳﺪﯗ ، ﻫﻪﻣﺪﻩ ﺗﺎﺷﻘﻰ ﺩﯛﺷﻤﻪﻧﮕﻪ ﺑﯩﻐﻪﻣﻠﯩﻚ ، ﺧﻪﻟﻖ ﺋﯩﺸﻠﯩﺮﯨﻐﺎ ﯞﻩﻫﯩﻤﯩﻠﯩﻚ ﯞﻩ ﺗﻪﻫﻠﯩﻜﯩﻠﯩﻚ ﻣﯘﯪﻣﯩﻠﯩﺪﻩ ﺑﻮﻟﯘﺷﻨﻰ ﺩﯙﻟﻪﺕ ﻣﯘﻧﻘﻪﺭﺯﻟﯩﻜﯩﻨﯩﯔ ﻣﯘﻫﯩﻢ ﺳﻪﯞﻩﺑﻰ ﺳﯜﭘﯩﺘﯩﺪﻩ ﻗﺎﺗﺘﯩﻖ ﯬﻳﯩﺒﻠﻪﻳﺪﯗ .


ﻳﯜﺳﯜﭖ ﺧﺎﺱ ﻫﺎﺟﯩﭗ ﻗﺎﻧﯘﻧﻨﯩﯔ ﯪﺩﺍﻟﻪﺗﻠﯩﻚ ﺑﻮﻟﯘﺷﻰ ﺑﯩﻠﻪﻥ ﯪﺩﺍﻟﻪﺗﺴﯩﺰ ، ﺳﺎﺧﺘﺎ « ﻗﺎﻧﯘﻥ » ﭘﻪﺭﻗﯩﻨﻰ ﻛﯚﺭﺳﯩﺘﯩﭗ ، ﭘﻪﻗﻪﺕ ﺧﻪﻟﻘﻘﻪ ﻳﺎﺧﺸﯩﻠﯩﻖ ﺑﯩﻠﻪﻥ ﻣﯘﯪﻣﯩﻠﻪ ﻗﯩﻠﯩﺸﻨﻰ ، ﺧﻪﻟﻖ ﻣﻪﻧﭙﻪﯬﺗﯩﻨﻰ ﻗﻮﻏﺪﺍﭖ ، ﺧﻪﻟﻘﻘﻪ ﺳﺎﯪﺩﻩﺕ ﻳﺎﺭﯨﺘﯩﺸﻨﻰ ﯪﺩﺍﻟﻪﺗﻠﯩﻚ ﻗﺎﻧﯘﻧﻨﻰ ﯲﻟﭽﯩﻤﻰ ﺳﯜﭘﯩﺘﯩﺪﻩ ﻛﯚﭖ ﻗﯧﺘﯩﻢ ﻗﻪﻳﺖ ﻗﯩﻠﯩﭗ ﯲﺗﻜﻪﻥ . ﺑﯘ ﻫﻪﻗﺘﻪ ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﺘﻠﯩﺮﯨﺪﺍ ﻣﯘﻧﺪﺍﻕ ﺩﯦﻴﯩﻠﯩﺪﯗ :


ﭘﯜﺗﯜﻥ ﺧﻪﻟﻖ ﯴﭼﯜﻥ ﺳﻪﻥ ﺑﻮﻟﯘﭖ ﻣﯧﻬﺮﯨﺒﺎﻥ ،
ﻛﯩﭽﯩﻚ - ﭼﻮﯕﻐﺎ ﯪﺩﯨﻞ ﻫﯚﻛﯜﻡ ﻗﯩﻞ ﻫﻪﺭ ﯪﻥ . ( 5197 - ﺑﯧﻴﯩﺖ )
ﭘﯧﻘﯩﺮ ، ﺗﯘﻝ ، ﻳﯧﺘﯩﻤﻨﻰ ﻗﻮﺭﯗﻏﺪﺍ ﯪﻣﺎﻥ ،
ﺷﯘ ﭼﺎﻏﺪﺍ ﺑﻮﻟﯘﺭ ﭼﯩﻦ ﻗﺎﻧﯘﻥ ﻧﺎﻣﺎﻳﻪﻥ . ( 5302 - ﺑﯧﻴﯩﺖ )
ﺟﺎﻫﺎﻧﺪﺍ ﺑﻮﻟﯘﺭﻛﻪﻥ ﻗﺎﻧﯘﻥ ﯞﻩ ﻧﯩﺰﺍﻡ ،
ﺑﻪﻟﮕﯩﺴﻰ ﻛﯩﺸﯩﮕﻪ ﻛﯩﺸﯩﻠﯩﻚ ﺗﺎﻣﺎﻡ . ( 5765 - ﺑﯧﻴﯩﺖ )



ﺭﻭﺷﻪﻧﻜﻰ ، ﻣﯘﺗﻪﭘﻪﻛﻜﯘﺭ ﯪﺩﺍﻟﻪﺗﻠﯩﻚ ﻗﺎﻧﯘﻥ ﺑﯩﻠﻪﻥ ﺩﯙﻟﻪﺕ ﺑﺎﺷﻘﯘﺭﯗﺷﻨﻰ ﺋﯩﻨﺴﺎﻧﭙﻪﺭﯞﻩﺭﻟﯩﻚ ﺭﻭﻫﺘﺎ « ﺋﯩﻨﺴﺎﻧﻐﺎ ﺋﯩﻨﺴﺎﻧﯩﻲ ﻣﯘﻧﺎﺳﯩﯟﻩﺗﺘﻪ ﺑﻮﻟﻤﺎﻕ » ﺩﻩﭖ ﭼﯜﺷﻪﻧﺪﯛﺭﯨﺪﯗ .
ﻳﯜﺳﯜﭖ ﺧﺎﺱ ﻫﺎﺟﯩﭗ ﻓﯧﯯﺩﺍﻝ ﺧﺎﻧﻠﯩﻖ ﻫﺎﻛﯩﻢ ﻣﯘﺗﻠﻪﻗﻠﯩﻘﯩﻨﻰ ﻗﺎﻧﯘﻥ ﺑﯩﻠﻪﻥ ﭼﻪﻛﻠﻪﺵ ﯞﻩ ﺗﯩﺰﮔﯩﻨﻠﻪﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻛﻮﻧﯩﺴﺘﯩﺘﻮﺗﺴﯩﻴﯩﻠﯩﻚ ﻣﺎﻧﺎﺭﺧﯩﻴﻪ ﺗﻪﺭﯨﺰﺩﯨﻜﻰ ﻗﺎﻧﯘﻧﺸﯘﻧﺎﺳﻠﯩﻖ ﺗﻪﺷﻪﺑﺒﯘﺳﻠﯩﺮﯨﻨﻰ ﯮﺗﺘﯘﺭﯨﻐﺎ ﻗﻮﻳﻐﺎﻧﺪﺍ ، ﺗﺎﺭﯨﺨﺘﺎ ﺑﯩﺮﯨﻨﭽﻰ ﺑﻮﻟﯘﭖ ﭘﺎﺩﯨﺸﺎﻫﻨﯩﯔ ﺧﻪﻟﻖ ﯪﻟﺪﯨﺪﯨﻜﻰ ﻣﻪﺟﺒﯘﺭﯨﻴﻪﺗﻠﯩﺮﻯ ﯞﻩ ﻣﯘﺷﯘ ﻣﻪﺟﺒﯘﺭﯨﻴﻪﺗﻠﻪﺭ ﯪﺳﺎﺳﯩﺪﯨﻜﻰ ﻫﻮﻗﯘﻗﻰ ﺑﯩﻠﻪﻥ ﺧﻪﻟﻘﻨﯩﯔ ﯪﺩﺍﻟﻪﺗﻠﯩﻚ ﻗﺎﻧﯘﻥ ﻳﯜﺭﮔﯜﺯﮔﻪﻥ ﺩﯙﻟﻪﺗﻜﻪ ﺑﻮﻟﻐﺎﻥ ﻗﺎﻧﯘﻧﯩﻲ ﻣﻪﺟﺒﯘﺭﯨﻴﻪﺗﻠﯩﺮﯨﺪﯨﻦ ﺋﯩﺒﺎﺭﻩﺕ ﯪﻟﻪﻣﺸﯘﻣﯘﻝ ﺗﺎﺭﯨﺨﯩﻲ ﻗﯩﻤﻤﻪﺗﻜﻪ ﺋﯩﮕﻪ ﭘﺮﯨﻨﺴﯩﭙﺎﻝ ﺗﻪﺷﻪﺑﺒﯘﺳﯩﻨﻰ ﯮﺗﺘﯘﺭﯨﻐﺎ ﻗﻮﻳﺪﻯ . ﺑﯘ ﻫﻪﻗﺘﻪ ﺩﺍﺳﺘﺎﻧﺪﺍ ﻣﯘﻧﺪﺍﻕ ﻳﺎﺯﯨﺪﯗ :



ﺳﯧﻨﯩﯖﺪﻩ ﭘﯘﻗﺮﺍﻧﯩﯔ ﻫﻪﻗﻘﻰ ﺋﯧﺮﯗﺭ ﯴﭺ ،
ﺑﯘ ﻫﻪﻗﻨﻰ ﯲﺗﻪ ﺳﻪﻥ ﻫﯧﭻ ﺋﯩﺸﻠﻪﺗﻤﻪ ﻛﯜﭺ . ( 5574 - ﺑﯧﻴﯩﺖ )
ﺑﯩﺮﻯ ، ﯲﺯ ﺋﯧﻠﯩﯖﺪﻩ ﻛﯜﻣﯜﺷﻨﻰ ﭘﺎﻙ ﯬﺕ ،
ﯬﻱ ﺋﯩﻠﻤﻰ ﻛﯚﭖ ﯬﺭﺳﻪﻥ ﯪﻳﺎﺭﯨﻦ ﻛﯚﺯﻩﺕ . ( 5575 - ﺑﯧﻴﯩﺖ )
ﺑﯩﺮﻯ ، ﺗﻮﻏﺮﺍ ﻗﺎﻧﯘﻧﻨﻰ ﺧﻪﻟﻘﯩﯖﻐﻪ ﺑﻪﺭ ،
ﺑﯩﺮﯨﻦ - ﺑﯩﺮﻯ ﯬﺯﻣﻪﻛﻨﻰ ﯬﻟﺪﯨﻦ ﻛﯚﺗﻪﺭ . ( 5576 - ﺑﯧﻴﯩﺖ )
ﯴﭼﯩﻨﭽﻰ ، ﺋﯩﻤﯩﻦ ﻗﯩﻞ ﭘﯜﺗﯜﻥ ﻳﻮﻟﻠﯩﻨﻰ ،
ﻳﻮﻗﺎﺗﻘﯩﻦ ﻗﺎﺭﺍﻗﭽﻰ ﯞﻩ ﯮﻏﺮﯨﻠﯩﻨﻰ . ( 5577 - ﺑﯧﻴﯩﺖ )
ﭘﯘﻗﺮﺍﻻﺭ ﯴﺯﻩ ﺑﺎﺭ ﺳﯧﻨﯩﯔ ﯴﭺ ﻫﻪﻗﻘﯩﯔ ،
ﯰﻻﺭﺩﯨﻦ ﺳﻮﺭﺍ ، ﯪﭺ ﯬﻣﺪﻯ ﻗﯘﻻﻗﯩﯔ . ( 5579 - ﺑﯧﻴﯩﺖ )
ﺑﯩﺮﻯ ، ﻳﺎﺭﻟﯩﻘﯩﯖﻨﻰ ﺋﯧﺰﯨﺰ ﺗﯘﺗﺴﺎﻟﻪﺭ ،
ﻧﯧﻤﻪ ﺑﻮﻟﺴﺎ ﯰﻧﻰ ﺗﯧﺰﺩﯨﻦ ﻗﯩﻠﺴﺎﻟﻪﺭ . ( 5580 - ﺑﯧﻴﯩﺖ )
ﺋﯩﻜﻜﯩﻨﭽﻰ ، ﺧﻪﺯﯨﻨﻪ ﻫﻪﻗﯩﻦ ﺗﻮﺳﻤﯩﺴﺎ ،
ﯬﻱ ﻣﻪﺭﺩﺍﻥ ، ﻫﻪﻗﻨﻰ ﺩﻩﻝ ﭼﺎﻏﺪﺍ ﺗﺎﭘﺸﯘﺭﺳﺎ . ( 5581 - ﺑﯧﻴﯩﺖ )
ﯴﭼﯩﻨﭽﻰ ، ﻳﯧﻐﯩﻐﺎ ﻳﯧﻐﺎ ﺑﻮﻟﺴﺎﻟﻪﺭ ،
ﺳﯧﻨﻰ ﺳﯚﻳﮕﯜﭼﯩﻨﻰ ﯰ ﻫﻪﻡ ﺳﯚﻳﺴﻪﻟﻪﺭ . ( 5582 - ﺑﯧﻴﯩﺖ )
ﯲﺗﯜﮔﻪﻥ ﺑﻮﻟﯘﺭﺳﻪﻥ ﯲﺯﯛﯓ ﻫﻪﻗﻠﯩﺮﯨﻦ ،
ﯰﻻﺭﻣﯘ ﯲﺗﯜﮔﻪﻥ ﺑﻮﻟﯘﺭ ﯲﺯ ﻫﻪﻗﯩﻦ . ( 5583 - ﺑﯧﻴﯩﺖ )



ﺭﻭﺷﻪﻧﻜﻰ ، ﻳﯜﺳﯜﭖ ﺧﺎﺱ ﻫﺎﺟﯩﭗ ﭘﺎﺩﯨﺸﺎﻫﻨﯩﯔ ﻫﻮﻗﯘﻗﻰ ﺑﯩﻠﻪﻥ ﺧﻪﻟﻘﻨﯩﯔ ﻣﻪﺟﺒﯘﺭﯨﻴﻪﺗﻠﯩﺮﯨﻨﻰ ﻫﺎﻛﯩﻢ ﻣﯘﺗﻠﻪﻕ ﯮﺭﯗﻧﻐﺎ ﻗﻮﻳﻤﯩﻐﺎﻥ . ﯰ ﯪﯞﯞﺍﻝ ﻣﻪﺟﺒﯘﺭﯨﻴﻪﺕ ، ﯪﻧﺪﯨﻦ ﻫﻮﻗﯘﻕ ﭘﺮﯨﻨﺴﯩﭙﯩﻨﻰ ﯮﺗﺘﯘﺭﯨﻐﺎ ﻗﻮﻳﯘﭖ ، ﻣﻪﺳﯱﻟﯩﻴﻪﺕ ، ﻣﻪﺟﺒﯘﺭﯨﻴﻪﺕ ﺑﯩﻠﻪﻥ ﻫﻮﻗﯘﻗﻨﯩﯔ ﻣﯘﻧﺎﺳﯩﯟﯨﺘﯩﻨﻰ ﺑﯩﺮ ﻗﻪﺩﻩﺭ ﺗﻮﻏﺮﺍ ﺋﯩﺰﺍﻫﻠﯩﻐﺎﻥ . ﻗﯩﻤﻤﻪﺗﻠﯩﻚ ﻳﯧﺮﻯ ﺷﯘﻛﻰ ، ﯰ ﺋﯩﻘﺘﯩﺴﺎﺩﯨﻲ ﻣﻪﺳﯩﻠﯩﻨﻰ ، ﺑﻮﻟﯘﭘﻤﯘ ﺧﻪﻟﻘﻨﯩﯔ ﻛﯜﻧﺪﯨﻠﯩﻚ ﻫﺎﻳﺎﺗﯩﻐﺎ ﯪﻻﻗﯩﺪﺍﺭ ﺑﻮﻟﻐﺎﻥ ﭘﯘﻝ ﻣﯘﯪﻣﯩﻠﯩﺴﯩﺪﻩ ﭘﯘﻟﻨﯩﯔ ﺳﺎﭘﻠﯩﻘﻰ ﯞﻩ ﺗﯘﺭﺍﻗﻠﯩﻘﻰ ﻣﻪﺳﯩﻠﯩﺴﯩﻨﻰ ﯪﻟﺪﯨﻨﻘﻰ ﯮﺭﯗﻧﻐﺎ ﻗﻮﻳﻐﺎﻥ . ﺑﯘ ، ﯬﻳﻨﻰ ﺯﺍﻣﺎﻧﺪﺍ ﯬﻣﻪﻟﯩﻲ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﻪ ﺑﻮﻟﯘﭖ ، ﻛﯜﻣﯜﺵ ﭘﯘﻟﻼﺭﻧﯩﯔ ﺳﺎﭘﻠﯩﻘﻰ ﯞﻩ ﺗﯘﺭﺍﻗﻠﯩﻘﻰ ﺑﯘﺯﯗﻟﻐﺎﭼﻘﺎ ، ﻳﯜﺳﯜﭖ ﻗﻪﺩﯨﺮﺧﺎﻥ ، ﺋﯩﺒﺮﺍﻫﯩﻢ ﺑﯩﻨﻨﻰ ﻧﺎﺳﯩﺮ ﯪﺭﺳﻼﻥ ﺧﺎﻥ ﺩﻩﯞﺭﯨﺪﻩ ﻛﯜﻣﯜﺵ ﭘﯘﻝ ﺋﯩﺴﻼﻫﺎﺗﻰ ﺋﯧﻠﯩﭗ ﺑﯧﺮﯨﻠﻐﺎﻧﯩﺪﻯ .


«ﻗﯘﺗﺎﺩﻏﯘ ﺑﯩﻠﯩﻚ» ﺩﺍﺳﺘﺎﻧﯩﺪﺍ ﮬﻪﻣﻤﻪ ﺋﺎﺩﻩﻣﻨﯩﯔ ﻗﺎﻧﯘﻥ ﺋﺎﻟﺪﯨﺪﺍ ﺑﺎﺭﺍﯞﻩﺭﻟﯩﻜﻰ ﺋﯩﺪﯨﻴﯩﺴﻰ ﺗﻪﻧﺘﻪﻧﯩﻠﯩﻚ ﺟﯜﻣﻠﯩﻠﻪﺭ ﯞﻩ ﺋﻮﺑﺮﺍﺯﻟﯩﻖ ﻣﯩﺴﺮﺍﻻﺭ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ ، ﮬﻮﻗﯘﻕ ﭘﻪﻟﺴﻪﭘﯩﺴﻰ ﺗﺎﺭﯨﺨﯩﺪﺍ ﻗﯩﻤﻤﻪﺗﻠﯩﻚ ﺗﯚﮬﭙﻪ ﮬﯧﺴﺎﺑﻠﯩﻨﯩﺪﯗ .



ﻳﯜﺳﯜﭖ ﺧﺎﺱ ﮬﺎﺟﯩﭗ ﺋﯚﺯﯨﻨﯩﯔ ﺑﯘ ﺗﺎﺭﯨﺨﯩﻲ ﺋﻪﮬﻤﯩﻴﻪﺗﻠﯩﻚ ﻗﺎﻧﯘﻧﺸﯘﻧﺎﺳﻠﯩﻖ ﺋﯩﺪﯨﻴﯩﺴﯩﻨﻰ ﺧﺎﻗﺎﻥ ﻛﯜﻧﺘﯘﻏﺪﯨﻨﯩﯔ ﺋﯚﺯ ﺳﯜﭘﻪﺗﻠﯩﺮﯨﻨﻰ ﯞﻩﺯﯨﺮ ﺋﺎﻳﺘﻮﻟﺪﯨﻐﺎ ﺗﻮﻧﯘﺷﺘﯘﺭﻏﺎﻧﻠﯩﻘﻰ ﺷﻪﻛﻠﯩﺪﻩ ﺑﺎﻳﺎﻥ ﻗﯩﻠﯩﺪﯗ . ﻳﯜﺳﯜﭖ ﺧﺎﺱ ﮬﺎﺟﯩﭗ ﻛﯜﻧﺘﯘﻏﺪﻯ ﺋﻮﺑﺮﺍﺯﻯ ﺗﯩﻠﯩﺪﯨﻦ ﻗﺎﻧﯘﻥ ﺋﺎﻟﺪﯨﺪﺍ ﮬﻪﻣﻤﻪ ﻛﯩﺸﯩﻨﯩﯔ ، ﮬﻪﺗﺘﺎ ﺷﺎﮬﺰﺍﺩﻩ ﺑﯩﻠﻪﻥ ﻗﯘﻟﻨﯩﯖﻤﯘ ﺑﺎﺭﺍﯞﻩﺭﻟﯩﻜﯩﺪﯨﻦ ﺋﯩﺒﺎﺭﻩﺕ ﻣﯘﮬﯩﻢ ﮬﻮﻗﯘﻗﺸﯘﻧﺎﺳﻠﯩﻖ ﺋﯩﺪﯨﻴﯩﺴﻰ ﺑﯩﻠﻪﻥ ، ﻗﺎﻧﯘﻧﻨﯩﯔ ﺋﯩﺰﺯﻩﺕ - ﮬﯜﺭﻣﯩﺘﻰ ﺋﯘﻧﯩﯔ ﻧﻮﭘﯘﺯﻟﯘﻗﻠﯘﻗﻰ ، ﺋﺎﺩﯨﻠﻠﯩﻘﻰ ﯞﻩ ﻛﻪﺳﻜﯩﻨﻠﯩﻜﯩﺪﻩ ﮔﻪﯞﺩﯨﻠﯩﻨﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺋﯩﺪﯨﻴﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ، ﻗﺎﻧﯘﻧﺸﯘﻧﺎﺳﻠﯩﻖ ﺗﺎﺭﯨﺨﯩﺪﺍ ﻳﯧﯖﻰ ﺳﻪﮬﯩﭙﻪ ﺋﺎﭼﺘﻰ . ﺩﺍﺳﺘﺎﻧﻨﯩﯔ 824 - ﺑﯧﻴﯩﺘﯩﺪﯨﻦ 835 - ﺑﯧﻴﯩﺘﯩﻐﯩﭽﻪ ﺋﺎﺭﯨﻠﯩﻘﺘﯩﻜﻰ ﻣﯩﺴﺮﺍﻟﯩﺮﯨﺪﺍ ﻛﯜﻧﺘﯘﻏﺪﻯ ﺋﯧﻠﯩﻚ ( ﺩﺍﻧﯩﺸﻤﻪﻥ ﭘﺎﺩﯨﺸﺎﮬ )ﻧﯩﯔ ﺋﺎﺩﺍﻟﻪﺗﻠﯩﻚ ﻗﺎﻧﯘﻧﻨﯩﯔ ﺳﯩﻤﺎﺳﻰ ﺳﯜﭘﯩﺘﯩﺪﻩ ﺑﯩﺮﯨﻨﭽﯩﺪﯨﻦ ، ﻗﯘﻳﺎﺵ ﻧﯘﺭﻯ ﮬﻪﺭ ﻛﯜﻧﻰ ﺑﯩﺮﺩﻩﻙ ﺑﻮﻟﻐﯩﻨﯩﺪﻩﻙ ﺋﺎﺩﺍﻟﻪﺗﺘﻪ ﺋﯩﺰﭼﯩﻠﻠﯩﻘﻘﺎ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ؛ ﺋﯩﻜﻜﯩﻨﭽﯩﺪﯨﻦ ، ﻗﯘﻳﺎﺷﻨﯩﯔ ﮬﻪﻣﻤﻪ ﻳﻪﺭﮔﻪ ﺑﯩﺮﺩﻩﻙ ﻧﯘﺭ ﭼﺎﭼﯩﺪﯨﻐﺎﻧﻠﯩﻘﯩﺪﻩﻙ ﺋﺎﺩﺍﻟﻪﺗﺘﻪ ﮬﻪﻣﻤﯩﮕﻪ ﺑﯩﺮﺩﻩﻙ ﻧﯘﺭ ﭼﺎﭼﯩﺪﯨﻐﺎﻧﻠﯩﻘﯩﻨﻰ ؛ ﺋﯜﭼﯩﻨﭽﯩﺪﯨﻦ ، ﻗﯘﻳﺎﺵ ﺋﯩﻠﻠﯩﻘﻰ ﺯﯦﻤﯩﻨﻨﻰ ﮔﯜﻟﻠﻪﻧﺪﯛﺭﮔﯩﻨﯩﺪﻩﻙ ، ﺋﺎﺩﺍﻟﻪﺗﺘﻪ ﺧﻪﻟﻘﻘﻪ ﺗﻪﯓ ﻣﻪﻧﭙﻪﺋﻪﺕ ﺑﻪﺧﺶ ﺋﯧﺘﯩﺪﯨﻐﺎﻧﻠﯩﻘﯩﻨﻰ ؛ ﺗﯚﺗﯩﻨﭽﯩﺪﯨﻦ ، ﺋﺎﻳﺪﻩﻙ ﺑﯩﻘﺎﺭﺍﺭ ﺑﻮﻟﻤﺎﻱ ، ﻣﻪﯕﮕﯜ ﻳﯘﻟﺘﯘﺯﻻﺭﺩﻩﻙ ﺋﯚﺯﯨﻨﯩﯔ ﺋﺎﺩﺍﻟﻪﺗﺘﯩﻜﻰ ﺋﯩﺰﭼﯩﻠﻠﯩﻖ ، ﺑﺎﺭﺍﯞﻩﺭﻟﯩﻚ ﯞﻩ ﺋﯩﻠﻠﯩﻘﻠﯩﻖ ﺧﯘﺳﯘﺳﯩﻴﻪﺗﻠﯩﺮﯨﻨﯩﯔ ﺑﻪﺭﻗﺎﺭﺍﺭﻟﯩﻘﯩﻨﻰ ﺋﯩﺰﺍﮬﻼﻳﺪﯗ . ﺑﯘ ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﯩﺘﻠﯩﺮﯨﺪﺍ ﻣﯘﻧﺪﺍﻕ ﺭﻭﺷﻪﻥ ﺋﯩﺪﯨﻴﻪ ﮔﻪﯞﺩﯨﻠﻪﻧﺪﯛﺭﯛﻟﮕﻪﻥ :



ﺑﯘ ﻗﺎﺷﯩﻢ ﺗﯜﺭﯛﻛﻰ ، ﺑﯘ ﻛﯚﺭﻛﺴﯩﺰﻟﯩﻜﯩﻢ ،
ﺯﯗﻟﯘﻡ ﻗﯩﻠﻐﯘﭼﯩﻐﺎ ﺑﯘ ﻳﯜﺯﺳﯩﺰﻟﯩﻜﯩﻢ . ( 816 - ﺑﯧﻴﯩﺖ )
ﻗﯩﻠﯘﺭﻣﻪﻥ ﺋﺎﺩﺍﻟﻪﺕ ﺑﯩﻠﻪﻥ ﮬﻪﻝ ﺋﯩﺸﯩﻦ ،
ﺋﺎﻳﺮﯨﻤﺎﺳﻤﻪﻥ ﺑﻪﮒ ﯞﻩ ﻗﯘﻝ ﺩﻩﭖ ﮬﯧﭻ ﻛﯩﺸﯩﻦ . ( 809 - ﺑﯧﻴﯩﺖ )
ﻛﯧﺮﻩﻙ ﺋﻮﻏﻠﯘﻡ ﺋﻮﻟﺴﯘﻥ ، ﻳﯧﻘﯩﻦ ﺗﯘﻏﻘﯩﻨﯩﻢ ،
ﻳﻮﻟﯘﭼﻰ ، ﺋﯚﺗﻜﯜﻧﭽﻰ ﺑﯩﺮﻩﺭ ﻗﻮﻧﯩﻘﯩﻢ . ( 817 - ﺑﯧﻴﯩﺖ )
ﻣﺎﯕﺎ ﺗﻪﯓ ﺋﯩﻜﻜﯩﺴﻰ ﻗﺎﻧﯘﻥ ﺋﺎﻟﺪﯨﺪﺍ ،
ﺑﯚﻟﻪﻛﭽﻪ ﺑﻮﻟﻤﺎﺳﻤﻪﻥ ﮬﯚﻛﯜﻡ ﯞﺍﻗﺘﯩﺪﺍ . ( 818 - ﺑﯧﻴﯩﺖ )
ﻣﯧﻨﯩﯖﻤﯘ ﮬﯚﻛﻤﯜﻡ ﺷﯘ ، ﻳﻮﻗﺎﻟﻤﺎﺱ ﺋﯚﺯﯛﻡ ،
ﭘﯜﺗﯜﻥ ﺧﻪﻟﻘﻘﻪ ﺑﯩﺮﺩﻩﻙ ﻗﯩﻠﯩﻘﯩﻢ ﺳﯚﺯﯛﻡ . ( 828 - ﺑﯧﻴﯩﺖ )



ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﻗﺎﻧﯘﻥ ﺋﺎﻟﺪﯨﺪﺍ ﮬﻪﻣﻤﻪ ﺋﺎﺩﻩﻣﻨﯩﯔ ﺑﺎﺭﺍﯞﻩﺭﻟﯩﻜﻰ ﺋﯩﺪﯨﻴﯩﺴﻰ ﺋﯘﻧﯩﯔ ﮬﻮﻗﯘﻗﺸﯘﻧﺎﺳﻠﯩﻖ ﺋﯩﻠﻤﯩﺪﯨﻜﻰ ﻏﺎﻳﻪﺕ ﺯﻭﺭ ﺗﯚﮬﭙﯩﺴﻰ ﺋﯩﻜﻪﻧﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﺵ ﻻﺯﯨﻢ . ﺑﯘ 18 - ﺋﻪﺳﯩﺮ ﻓﺮﺍﻧﺴﯘﺯ ﺑﯘﺭﮊﯗﺋﺎﺯﯨﻴﻪ ﺋﯩﻨﻘﯩﻼﺑﻰ ﺩﻩﯞﺭﯨﺪﯨﻜﻰ « ﻛﯩﺸﯩﻠﯩﻚ ﮬﻮﻗﯘﻕ ﺧﯩﺘﺎﺑﻨﺎﻣﯩﺴﻰ »ﺩﺍ ﺋﯧﻨﯩﻖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ « ﻗﺎﻧﯘﻥ ﺋﺎﻟﺪﯨﺪﺍ ﮬﻪﻣﻤﻪ ﺋﺎﺩﻩﻡ ﺑﺎﺭﺍﯞﻩﺭ » ﺩﯦﮕﻪﻥ ﻛﯚﺯ ﻗﺎﺭﺍﺷﺘﯩﻦ ﻳﻪﺗﺘﻪ ﺋﻪﺳﯩﺮ ﺋﯩﻠﮕﯩﺮﻯ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻧﻠﯩﻘﻰ ﺑﯩﻠﻪﻥ ﻣﯩﺴﻠﯩﺴﯩﺰ ﺗﺎﺭﯨﺨﯩﻲ ﻗﯩﻤﻤﻪﺗﻜﻪ ﺋﯩﮕﻪ .
«ﻗﯘﺗﺎﺩﻏﯘ ﺑﯩﻠﯩﻚ»ﺗﻪ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﻗﺎﻧﯘﻧﺸﯘﻧﺎﺳﻠﯩﻖ ﻛﯚﺯ ﻗﺎﺭﺍﺷﻠﯩﺮﯨﻨﯩﯔ ﻳﻪﻧﻪ ﺑﯩﺮﺳﻰ ﺋﺎﺩﺍﻟﻪﺗﻠﯩﻚ ﻗﺎﻧﯘﻧﻨﯩﯔ ﻣﯘﺳﺘﻪﻗﯩﻞ ﻧﻮﭘﯘﺯﻯ ، ﺋﯩﻨﺌﺎﻡ ﺑﯩﻠﻪﻥ ﺟﺎﺯﺍﻧﯩﯔ ﺭﻭﺷﻪﻧﻠﯩﻜﻰ ، ﻗﺎﻧﯘﻧﯩﻲ ﺗﻪﺩﺑﯩﺮﻟﻪﺭﻧﯩﯔ ﺋﯜﺯﯛﻝ - ﻛﯧﺴﯩﻠﻠﯩﻜﯩﺪﯨﻦ ﺋﯩﺒﺎﺭﻩﺕ . ﻳﯜﺳﯜﭖ ﺧﺎﺱ ﮬﺎﺟﯩﭗ « ﻗﺎﻧﯘﻥ ﮬﯚﻛﯜﻣﺮﺍﻧﻠﯩﻘﺘﯩﻦ ﺋﯜﺳﺘﯜﻥ ، ﮬﯚﻛﯜﻣﺮﺍﻧﻠﯩﻖ ﮬﻪﺭ ﻗﺎﻧﭽﻪ ﺋﯘﻟﯘﻍ ﺑﻮﻟﺴﯩﻤﯘ ﺋﯘﻧﯩﯖﺪﯨﻦ ﺋﯘﻟﯘﻏﻰ ﻗﺎﻧﯘﻧﺪﯗﺭ » ﺩﻩﭖ ﺗﻪﻛﯩﺘﻠﻪﻳﺪﯗ . ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﯩﺘﻠﯩﺮﯨﺪﺍ ﺋﺎﺩﺍﻟﻪﺗﻠﯩﻚ ﻗﺎﻧﯘﻥ ﯞﻩ ﺋﯘﻧﯩﯔ ﻣﯘﺳﺘﻪﻗﯩﻞ ﻧﻮﭘﯘﺯﻯ ﮬﻪﻗﻘﯩﺪﻩ ﻣﯘﻧﺪﺍﻕ ﺗﻮﺧﺘﯩﻠﯩﺪﯗ :



ﺋﺎﺩﺍﻟﻪﺕ ﯞﻩ ﻗﺎﻧﯘﻥ ﺋﯚﺯﯛﻡ ﻣﻪﻥ ، ﻗﺎﺭﺍ ،
ﻗﺎﻧﯘﻧﻨﯩﯔ ﯞﻩﺳﭙﯩﻨﻰ ﺑﯘﻻﺭﺩﯨﻦ ﺳﻮﺭﺍ . ( 800 - ﺑﯧﻴﯩﺖ )
ﻣﯘﻧﯘ ﻣﻪﻥ ﺋﻮﻟﺘﯘﺭﻏﺎﻥ ﺑﯘ ﻛﯘﺭﺳﯩﻐﺎ ﺑﺎﻕ ،
ﺋﻪﻱ ﻛﯚﯕﻠﯜﻡ ﺗﻮﻗﻰ ، ﺑﺎﺭ ﺋﯘﻧﺪﺍ ﺋﯜﭺ ﺋﺎﻳﺎﻕ . ( 801 - ﺑﯧﻴﯩﺖ )
ﭘﯜﺗﯜﻥ ﺋﯜﭺ ﺋﺎﻳﺎﻏﻠﯩﻖ ﻗﯩﯖﻐﺎﻳﻤﺎﺱ ﺑﻮﻟﯘﺭ ،
ﺗﯘﺭﯗﺭ ﺋﯜﭺ ﭘﯘﺗﻰ ﺗﯜﺯ ﮬﻪﻡ ﻗﺎﻳﻤﺎﺱ ﺑﻮﻟﯘﺭ . ( 802 - ﺑﯧﻴﯩﺖ )
ﻧﯧﻤﯩﻜﻰ ﺗﯜﺯ ﺑﻮﻟﺴﺎ ، ﭘﯜﺗﯜﻥ ﺋﯘﺯ ﺑﻮﻟﯘﺭ ،
ﻧﯧﻤﯩﻜﻰ ﺋﯘﺯ ﺑﻮﻟﺴﺎ ، ﺩﯦﻤﻪﻙ ﺗﯜﺯ ﺑﻮﻟﯘﺭ . ( 805 - ﺑﯧﻴﯩﺖ )
ﻧﯧﻤﯩﻜﻰ ﺋﯧﮕﯩﻠﺴﻪ ، ﺋﯘ ﺋﻪﮔﺮﻯ ﺑﻮﻟﯘﺭ ،
ﭘﯜﺗﯜﻥ ﺋﻪﮔﺮﻯ ، ﻳﺎﻣﺎﻧﻠﯩﻖ ﺋﯘﺭﯗﻗﻰ ﺑﻮﻟﯘﺭ . ( 806 - ﺑﯧﻴﯩﺖ )
ﺩﺍﺳﺘﺎﻧﻨﯩﯔ ﺗﯚﯞﻩﻧﺪﯨﻜﻰ ﺑﯧﻴﯩﺘﯩﺪﻩ :
ﭘﯩﭽﺎﻗﺘﻪﻙ ﻛﯧﺴﻪﺭﻣﻪﻥ ، ﭘﯩﭽﯩﭗ ﺋﯩﺸﯩﻨﻰ ،
ﺳﺎﻗﻼﺗﻤﺎﻱ ﺩﻩﯞﺍﻏﺎ ﻛﻪﻟﮕﻪﻥ ﻛﯩﺸﯩﻨﻰ . ( 811 - ﺑﯧﻴﯩﺖ )



ﺩﻩﭖ ، ﺋﺎﺩﺍﻟﻪﺗﻠﯩﻚ ﻗﺎﻧﯘﻧﻨﻰ ﻳﯜﺭﮔﯜﺯﯛﺷﺘﯩﻜﻰ ﺋﯜﺯﯛﻝ - ﻛﯧﺴﯩﻠﻠﯩﻜﻨﻰ ﺗﯩﻠﻐﺎ ﺋﺎﻟﺴﺎ ، ﺩﺍﺳﺘﺎﻧﻨﯩﯔ 812 - ، 813 - ، 814 - ، 815 - ﺑﯧﻴﯩﺘﻠﯩﺮﯨﺪﺍ ﺧﺎﻗﺎﻥ ﻛﯜﻧﺘﯘﻏﺪﯨﻨﯩﯔ ﺋﯩﻜﻜﻰ ﻳﯧﻨﯩﺪﯨﻜﻰ ﮬﻪﺳﻪﻝ ﺑﯩﻠﻪﻥ ﺯﻩﮬﻪﺭ ﺳﯧﻠﯩﻨﻐﺎﻥ ﻗﺎﭼﯩﻼﺭ ﺗﻪﻣﺴﯩﻠﯩﺪﻩ ﻳﺎﺧﺸﯩﻠﯩﻘﻘﺎ ﻣﯘﻛﺎﭘﺎﺕ ، ﻳﺎﻣﺎﻧﻠﯩﻘﻘﺎ ﺟﺎﺯﺍﻧﯩﯔ ﺭﻭﺷﻪﻥ ﺑﻮﻟﯘﺷﻠﯘﻗﯩﻨﻰ ﺗﻪﯞﺳﯩﻴﻪ ﻗﯩﻠﯩﺪﯗ .



«ﻗﯘﺗﺎﺩﻏﯘ ﺑﯩﻠﯩﻚ»ﻧﯩﯔ ﺳﯩﻴﺎﺳﯩﻲ ﺋﯩﺠﺘﯩﻤﺎﺋﯩﻲ ﭘﯩﻜﯩﺮﻟﻪﺭﮔﻪ ﺑﯧﻐﯩﺸﻼﻧﻐﺎﻥ ﻛﻪﯓ ﺳﻪﮬﯩﭙﯩﺴﯩﺪﻩ ﺯﯗﻟﯘﻡ ﯞﻩ ﺯﻭﺭﺍﯞﺍﻧﻠﯩﻖ ﺑﯩﺮ ﺧﯩﻞ ﻗﺎﺑﺎﮬﻪﺕ ﯞﻩ ﺟﯩﻨﺎﻳﻪﺕ ﺷﻪﻛﻠﯩﺪﻩ ﺋﻪﻳﯩﺒﻠﻪﻧﮕﻪﻥ . ﺑﯩﺰ ﺩﺍﺳﺘﺎﻧﻨﯩﯔ 2032 - ، 3107 - ﺑﯧﻴﯩﺘﻠﯩﺮﯨﺪﺍ ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﺯﯗﻟﯘﻣﻨﻰ ﺋﻮﺗﺘﻪﻙ ﺑﺎﻻﻳﻰ ﺋﺎﭘﻪﺕ ﺳﯜﭘﯩﺘﯩﺪﻩ ، ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﺷﻨﻰ ﺑﯘ ﺋﻮﺗﻘﺎ ﺯﯨﺖ ﺑﻮﻟﻐﺎﻥ ﮬﺎﻳﺎﺕ ﻛﯚﻛﻪﺭﺗﻜﯜﭼﻰ ﺳﯘﺩﻩﻙ ﺧﺎﺭﺍﻛﺘﯧﺮﻟﯩﮕﻪﻧﻠﯩﻜﯩﻨﻰ ﻛﯚﺭﺳﻪﻙ ، 2030 - ، 2031 - ، 2034 - ﺑﯧﻴﯩﺘﻼﺭﺩﯨﻦ ﻣﯘﺗﻪﭘﻪﻛﻜﯘﺭﻧﯩﯔ « ﺯﯗﻟﯘﻡ ﺟﺎﮬﺎﻧﻨﻰ ﯞﻩﻳﺮﺍﻥ ﻗﯩﻠﯩﺪﯗ ، ﺧﻪﻟﻖ ﺯﯗﻟﯘﻣﻨﻰ ﻛﯚﺗﯜﺭﻣﻪﻳﺪﯗ ، ﺯﻭﺭﺍﯞﺍﻥ ﮬﺎﻛﯩﻤﯩﻴﻪﺕ ﺋﯘﺯﯗﻥ ﺩﻩﯞﺭﺍﻥ ﺳﯜﺭﻩﻟﻤﻪﻳﺪﯗ ، ﭘﻪﻗﻪﺕ ﺋﺎﺩﺍﻟﻪﺗﻠﯩﻚ ﻗﺎﻧﯘﻥ ﺑﯩﻠﻪﻥ ﺟﺎﮬﺎﻥ ﺗﯜﺯﯛﻟﯩﺪﯗ » ﺩﯦﮕﻪﻥ ﺋﺎﻗﯩﻼﻧﻪ ﺳﯩﻴﺎﺳﯩﻲ ﻗﺎﻧﯘﻥ ﻛﯚﺯ ﻗﺎﺭﯨﺸﯩﻨﻰ ﺋﯘﭼﺮﯨﺘﯩﻤﯩﺰ . ﺋﯘ ﻣﯘﻧﺪﺍﻕ ﺩﻩﻳﺪﯗ :



ﺯﯗﻟﯘﻡ _ ﺋﻮﺕ ، ﻳﯧﻘﯩﻨﻼﺷﺴﺎ ، ﺋﯘ ﻛﯚﻳﺪﯛﺭﻩﺭ ،
ﻗﺎﻧﯘﻥ _ ﺳﯘ ، ﺋﯘ ﺋﺎﻗﺴﺎ ﻧﯧﻤﻪﺗﻠﻪﺭ ﺋﯜﻧﻪﺭ . ( 2032 - ﺑﯧﻴﯩﺖ )
ﻗﺎﻧﯘﻥ ﺳﯘ ﻛﻪﺑﯩﺪﯗﺭ ، ﺯﯗﻟﯘﻡ _ ﺋﻮﺕ ، ﺑﻪﻻ ،
ﺋﯧﻘﯩﺘﺘﯩﯔ ﺳﯜﺯﯛﻙ ﺳﯘ ، ﺋﯚﭼﺘﻰ ﺋﻮﺕ ﻣﺎﻧﺎ . ( 3107 - ﺑﯧﻴﯩﺖ )
ﺳﯜﺭﻩﻟﻤﻪﺱ ﺯﺍﻟﯩﻢ ﺑﻪﮒ ، ﺑﻪﮔﻠﯩﻚ ﺩﻩﯞﺭﯨﻨﻰ ،
ﻛﯚﺗﯜﺭﻣﻪﻳﺪﯗ ﺧﻪﻟﻘﻰ ﺋﯘﻧﯩﯔ ﺯﯗﻟﻤﯩﻨﻰ . ( 2030 - ﺑﯧﻴﯩﺖ )
ﻧﯧﻤﻪ ﺩﻩﻳﺪﯗ ﺋﺎﯕﻼ ﺑﯩﻠﯩﻤﻠﯩﻚ ﺳﯚﺯﯛﻥ :
ﺑﻮﻻﻟﻤﺎﻳﺪﯗ ﺯﺍﻟﯩﻢ ﮬﯚﻛﯜﻣﺮﺍﻥ ﺋﯘﺯﯗﻥ . ( 2031 - ﺑﯧﻴﯩﺖ )
ﺋﻪﻝ ﺋﺎﺭﺗﺎﺭ ﻗﺎﻧﯘﻥ ﺑﯩﺮﻟﻪ ، ﺗﯜﺯﯨﻠﯘﺭ ﺟﺎﮬﺎﻥ ،
ﺯﯗﻟﯘﻡ ﺑﯩﺮﻟﻪ ﻛﯧﻤﯩﭗ ﺋﻪﻝ ، ﺑﯘﺯﯗﻟﯘﺭ ﺟﺎﮬﺎﻥ . ( 2034 - ﺑﯧﻴﯩﺖ )



ﺷﯘﻧﻰ ﻛﯚﺭﺳﯩﺘﯩﭗ ﺋﯚﺗﯜﺵ ﻻﺯﯨﻤﻜﻰ ، ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﺑﯘ ﺋﯩﺪﯨﻴﯩﺴﻰ ﺋﻮﺗﺘﯘﺭﺍ ﺋﻪﺳﯩﺮ ﻓﯧﺌﻮﺩﺍﻝ ﮬﺎﻛﯩﻢ ﻣﯘﺗﻠﻪﻗﻠﯩﻘﻰ ، ﺷﻪﭘﻘﻪﺗﺴﯩﺰ ﺯﯗﻟﯘﻡ ﯞﻩ ﺋﯩﺠﺘﯩﻤﺎﺋﯩﻲ ﭘﺎﺟﯩﺌﻪ ﮬﻪﻣﻤﻪ ﺟﺎﻳﻨﻰ ﻗﺎﭘﻼﭖ ﻛﻪﺗﻜﻪﻥ ﺟﺎﮬﺎﻟﻪﺗﻠﯩﻚ ﺷﺎﺭﺍﺋﯩﺘﺘﺎ ﻛﯚﺭﯛﻧﻪﺭﻟﯩﻚ ﺋﯩﻨﺴﺎﻧﭙﻪﺭﯞﻩﺭ ﯞﻩ ﺗﻪﺭﻩﻗﻘﯩﻴﭙﻪﺭﯞﻩﺭﻟﯩﻚ ﺧﺎﺭﺍﻛﺘﯧﺮﯨﮕﻪ ﺋﯩﮕﻪ ﺑﻮﻟﻐﺎﻧﯩﺪﻯ . ﻟﯧﻜﯩﻦ ، ﻳﯜﺳﯜﭖ ﺧﺎﺱ ﮬﺎﺟﯩﭗ ﺗﯧﺨﻰ ﺳﯩﻨﯩﭙﯩﻲ ﺯﯗﻟﯘﻡ ، ﺋﯩﺠﺘﯩﻤﺎﺋﯩﻲ ﺯﻭﺭﺍﯞﺍﻧﻠﯩﻘﻨﻰ ﭘﯜﺗﯜﻥ ﺳﯩﻨﯩﭙﯩﻲ ﺟﻪﻣﺌﯩﻴﻪﺗﻨﻰ ﻳﻮﻗﯩﺘﯩﭗ ، ﺳﯩﻨﯩﭙﺴﯩﺰ ﺟﻪﻣﺌﯩﻴﻪﺕ ﺑﻪﺭﭘﺎ ﻗﯩﻠﯩﺶ ﺑﯩﻠﻪﻥ ﺋﺎﻧﺪﯨﻦ ﺗﯜﭘﺘﯩﻦ ﻳﻮﻗﺎﺗﻘﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﭼﯜﺷﻪﻧﻤﻪﻳﺘﺘﻰ . ﺋﯘﻧﯩﯔ ﺋﯜﺳﺘﯩﮕﻪ ﺋﯘ ﺗﯩﻠﻐﺎ ﺋﺎﻟﻐﺎﻥ « ﺯﯗﻟﯘﻡ » ﭘﻪﻗﻪﺕ ﻓﯧﺌﻮﺩﺍﻝ ﮬﯚﻛﯜﻣﺮﺍﻧﻠﯩﻖ ﺩﺍﺋﯩﺮﯨﻠﯩﺮﯨﺪﯨﻜﻰ ﭼﯧﻜﯩﺪﯨﻦ ﺋﺎﺷﻘﺎﻥ ﺯﻭﺭﺍﯞﺍﻧﻠﯩﻖ ﯞﻩ ﺋﺎﺩﺍﻟﻪﺗﺴﯩﺰﻟﯩﻚ ﮬﺎﺩﯨﺴﯩﻠﯩﺮﯨﻨﻰ ﻧﻪﺯﻩﺭﺩﻩ ﺗﯘﺗﻘﺎﻥ ﺑﻮﻟﯘﭖ ، ﻓﯧﺌﻮﺩﺍﻟﻠﯩﻖ ﺋﯧﻜﯩﺴﭙﯩﻼﺗﺎﺗﺴﯩﻴﻪ ﺗﯜﺯﯛﻣﯩﻨﻰ ﺗﯜﭖ ﻳﯩﻠﺘﯩﺰﻯ ﺑﯩﻠﻪﻥ ﻗﻮﻣﯘﺭﯗﭖ ﺗﺎﺷﻼﺵ ﺩﯦﮕﻪﻥ ﭼﯜﺷﻪﻧﭽﯩﺪﯨﻦ ﺗﻮﻟﯩﻤﯘ ﻳﯩﺮﺍﻕ ﺋﯩﺪﻯ .



«ﻗﯘﺗﺎﺩﻏﯘ ﺑﯩﻠﯩﻚ» ﺩﺍﺳﺘﺎﻧﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺳﯩﻴﺎﺳﯩﻲ ﺩﯙﻟﻪﺕ ﺋﺎﭘﭙﺎﺭﺍﺗﻰ ﯞﻩ ﻗﺎﻧﯘﻧﺸﯘﻧﺎﺳﻠﯩﻘﻘﺎ ﺋﺎﺋﯩﺖ ﺗﻪﻟﯩﻤﺎﺗﻼﺭ ﻛﻪﯓ ﺩﺍﺋﯩﺮﯨﻨﻰ _ ﺩﯙﻟﻪﺕ ﺑﺎﺷﻠﯩﻘﻰ ، ﯞﻩﺯﯨﺮ ﯞﻩ ﺳﻪﺭﻛﻪﺭﺩﻩ ، ﮬﻪﺭ ﺧﯩﻞ ﺋﯩﭽﻜﻰ - ﺗﺎﺷﻘﻰ ﺋﯩﺸﻼﺭ ﺑﻮﻳﯩﭽﻪ ﯞﻩﺯﯨﭙﻪ ﺋﯚﺗﯩﮕﯜﭼﻰ ﺑﻪﮒ - ﺋﻪﻣﻪﻟﺪﺍﺭﻻﺭ ، ﺩﯙﻟﻪﺕ ﺧﺎﺩﯨﻤﻠﯩﺮﯨﻨﯩﯔ ﻛﻪﺳﭙﯩﻲ ﯞﻩ ﺋﻪﺧﻼﻗﯩﻲ ﺷﻪﺭﺗﻠﯩﺮﻯ ، ﺧﯩﺰﻣﻪﺕ ﺋﯩﺴﺘﯩﻠﻰ ، ﺋﯩﻘﺘﯩﺴﺎﺩﯨﻲ ﻗﺎﻧﯘﻧﭽﯩﻠﯩﻖ ، ﺩﯙﻟﻪﺗﻨﯩﯔ ﮬﻪﺭ ﻗﺎﻳﺴﻰ ﺋﯩﺠﺘﯩﻤﺎﺋﯩﻲ ﺗﻪﺑﯩﻘﻪ ﯞﻩ ﻛﻪﺳﭗ ﺋﻪﮬﻠﯩﮕﻪ ﻗﺎﺭﺍﺗﻘﺎﻥ ﺳﯩﻴﺎﺳﻪﺕ ﭘﺮﯨﻨﺴﯩﭙﻠﯩﺮﻯ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﯧﻠﯩﭗ ، ﺋﻮﺗﺘﯘﺭﺍ ﺋﻪﺳﯩﺮ ﻗﺎﻧﯘﻧﺸﯘﻧﺎﺳﻠﯩﻘﯩﻨﯩﯔ ﻣﯘﮬﯩﻢ ﺑﯩﺮ ﺩﻩﺳﺘﯘﺭﯨﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ . ﻣﯘﺋﻪﻟﻠﯩﭗ ﺋﯚﺯﯨﻨﯩﯔ ﻗﺎﻧﯘﻧﺸﯘﻧﺎﺳﻠﯩﻖ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻪﻳﻨﻰ ﺯﺍﻣﺎﻥ ﭘﻪﻟﺴﻪﭘﻪ ﯞﻩ ﺋﯩﺠﺘﯩﻤﺎﺋﯩﻲ ﺋﯩﺪﯦﺌﻮﻟﻮﮔﯩﻴﯩﺴﯩﻨﯩﯔ ﺋﯩﻠﻐﺎﺭ ﺳﻪﻣﻪﺭﯨﺴﻰ ﮬﯧﺴﺎﺑﻼﻧﻐﺎﻥ ﺭﺍﺗﺴﯩﺌﻮﻧﺎﻟﯩﺰﻡ ﯞﻩ ﮔﯘﻣﺎﻧﯩﺰﻡ ﭘﺮﯨﻨﺴﯩﭙﻠﯩﺮﻯ ﺋﺎﺳﺎﺳﯩﺪﺍ ، ﺟﯜﻣﻠﯩﺪﯨﻦ ﺋﯘﻳﻐﯘﺭ ﯞﻩ ﮬﻪﺭ ﻗﺎﻳﺴﻰ ﺗﯜﺭﻛﯩﻲ ﺧﻪﻟﻘﻠﻪﺭ ﺗﺎﺭﯨﺨﯩﺪﯨﻜﻰ ﺋﻪﻧﺌﻪﻧﯩﯟﻯ ﮬﻪﺭﺑﯩﻲ ﺩﯦﻤﻮﻛﺮﺍﺗﯩﺰﻡ ﮬﻪﻡ ﻗﯘﺭﯗﻟﺘﺎﻱ ﺗﯜﺯﯛﻣﻰ ﻛﯚﺯ ﻗﺎﺭﺍﺷﻠﯩﺮﻯ ﺋﺎﺳﺎﺳﯩﺪﺍ ﺑﯩﺮ ﺳﯩﺴﺘﯧﻤﯩﻐﺎ ﻛﯩﺮﮔﯜﺯﯛﭖ ، ﺋﻮﺗﺘﯘﺭﺍ ﺋﻪﺳﯩﺮ ﻳﺎﯞﺭﻭﭘﺎﺳﯩﺪﺍ ﺑﻮﻟﯘﺷﻰ ﻣﯘﻣﻜﯩﻦ ﺑﻮﻟﻤﯩﻐﺎﻥ ﻳﯘﻗﯩﺮﻯ ﺳﻪﯞﯨﻴﻪ ﻳﺎﺭﺍﺗﻘﺎﻥ .



ﺷﯘﻧﺪﺍﻕ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ ، «ﻗﯘﺗﺎﺩﻏﯘ ﺑﯩﻠﯩﻚ»ﺗﯩﻜﻰ ﻗﺎﻧﯘﻧﺸﯘﻧﺎﺳﻠﯩﻖ ﺋﯩﺪﯨﻴﯩﻠﯩﺮﯨﺪﻩ ﺑﯩﺮ ﻗﺎﺗﺎﺭ ﺳﻪﻟﺒﯩﻲ ﺋﯩﻠﻠﻪﺗﻠﻪﺭ ﯞﻩ ﭼﻪﻛﻠﯩﻤﯩﻠﻪﺭﻣﯘ ﺳﺎﻗﻼﻧﻐﺎﻥ : ﻳﯜﺳﯜﭖ ﺧﺎﺱ ﮬﺎﺟﯩﭗ ﺩﯙﻟﻪﺕ ﺑﺎﺷﻠﯩﻘﻰ ﯞﻩ ﺋﻪﻣﻪﻟﺪﺍﺭ - ﺑﻪﮔﻠﻪﺭﻧﻰ « ﻳﯘﻗﯩﺮﻯ ﻧﻪﺳﻪﺑﺘﯩﻦ ﭼﯩﻘﻘﺎﻥ » ، « ﺋﯧﺴﯩﻠﺰﺍﺩﻩ » ﺑﻮﻟﯘﺷﻰ ﻻﺯﯨﻢ ، ﺩﻩﭖ ﻗﺎﺭﯨﺪﻯ . ﺋﯘ ﺳﻮﭘﯩﺰﻡ ﯞﻩ ﺳﻮﭘﯩﺰﻡ ﺗﻮﻧﯩﻐﺎ ﺋﻮﺭﺍﻟﻐﺎﻥ ﻳﯧﯖﻰ ﭘﻼﺗﻮﻧﯩﺰﻡ ﺋﯩﺪﯨﻴﯩﻠﯩﺮﯨﻨﯩﯔ ﻛﯚﺭﯛﻧﻪﺭﻟﯩﻚ ﺗﻪﺳﯩﺮﯨﺪﻩ ، ﺑﻮﻟﯘﭘﻤﯘ ﺋﯚﺯﯨﻨﯩﯔ ﻳﯘﻗﯩﺮﻯ ﻗﺎﺗﻼﻡ ﻓﯧﺌﻮﺩﺍﻝ ﺗﻪﺑﯩﻘﯩﭽﯩﻠﯩﻚ ﺳﯩﻨﯩﭙﯩﻲ ﭼﻪﻛﻠﯩﻤﯩﺴﻰ ﺗﻪﺳﯩﺮﯨﺪﻩ ﻗﺎﻧﺪﺍﻗﺘﯘﺭ « ﺗﻪﯕﺮﻯ ﺋﯘﻟﯘﻏﻼﺭﻧﯩﻤﯘ ، ﺋﺎﺩﺩﯨﻲ ﺧﻪﻟﻘﻨﯩﻤﯘ ﻳﺎﺭﺍﺗﻘﺎﻥ » ، « ﺋﯘﻧﯩﯔ ﺑﺎﻳﻠﯩﺮﻯ ﯞﻩ ﻛﻪﻣﺒﻪﻏﻪﻟﻠﯩﺮﻯ ، ﺋﻪﻗﯩﻠﻠﯩﻘﻠﯩﺮﻯ ﯞﻩ ﺩﯙﺗﻠﯩﺮﻯ ﺑﺎﺭ » ﺩﻩﻳﺪﯨﻐﺎﻥ ﻓﯧﺌﻮﺩﺍﻟﻠﯩﻖ ﺩﻩﺭﯨﺠﯩﭽﯩﻠﯩﻚ ، ﺋﺎﻗﺴﯚﯕﻪﻛﻠﯩﻚ ﻛﯚﺯ ﻗﺎﺭﯨﺸﯩﺪﯨﻦ ﺋﺎﻻﻗﯩﻨﻰ ﺋﯜﺯﻩﻟﻤﯩﮕﻪﻥ .
ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﻗﺎﻧﯘﻧﺸﯘﻧﺎﺳﻠﯩﻖ ﻛﯚﺯ ﻗﺎﺭﺍﺷﻠﯩﺮﻯ ﮔﻪﺭﭼﻪ ﺋﻪﻣﻪﻟﯩﻲ ﺗﻪﺩﺑﯩﺮ ﺷﻪﻛﻠﯩﺪﯨﻜﻰ ، ﺑﺎﺷﻘﯩﭽﻪ ﺋﯧﻴﺘﻘﺎﻧﺪﺍ ، ﺳﯩﻴﺎﺳﯩﻲ ﭘﺮﻭﮔﺮﺍﻣﻤﺎ ﺧﺎﺭﺍﻛﺘﯧﺮﯨﺪﯨﻜﻰ ﺗﻪﺷﻪﺑﺒﯘﺱ ﺑﻮﻟﯘﭖ ، ﻗﯩﺴﻤﻪﻧﻠﯩﻚ ﺟﻪﮬﻪﺗﺘﻪ ﺑﯘﻏﺮﺍ ﻗﺎﺭﺍﺧﺎﻥ ﺗﻪﺭﯨﭙﯩﺪﯨﻦ ﻗﻮﺑﯘﻝ ﻛﯚﺭﯛﻟﯜﭖ ﻣﯘﺋﻪﻳﻴﻪﻥ ﺗﻪﺳﯩﺮ ﭘﻪﻳﺪﺍ ﻗﯩﻠﻐﺎﻥ ﺑﻮﻟﺴﯩﻤﯘ ، ﻟﯧﻜﯩﻦ ﺋﻮﻣﯘﻣﯩﻴﻠﯩﻖ ﺟﻪﮬﻪﺗﺘﯩﻦ ﺋﯩﻨﺴﺎﻧﯩﻴﻪﺕ ﺗﺎﺭﯨﺨﯩﻲ ﻧﯘﻗﺘﯩﺴﯩﺪﯨﻦ ﻗﺎﺭﯨﻐﺎﻧﺪﺍ ، ﺑﯘ ﺗﻪﺷﻪﺑﺒﯘﺳﻼﺭ ﻳﻪﻧﯩﻼ ﺋﻮﺗﻮﭘﯩﻴﯩﻠﯩﻚ ﻛﯚﺯ ﻗﺎﺭﺍﺵ ﺋﯩﺪﻯ . ﺑﯩﺰ «ﻗﯘﺗﺎﺩﻏﯘ ﺑﯩﻠﯩﻚ» ﺩﯗﻧﻴﺎﻏﺎ ﭼﯩﻘﻘﺎﻧﺪﯨﻦ ﻛﯧﻴﯩﻦ ، ﮬﻪﺳﻪﻥ ﺑﯩﻨﻨﻰ ﺳﯘﻻﻳﻤﺎﻥ ﺋﺎﺭﺳﻼﻥ ﺧﺎﻥ ﯞﻩ ﺋﯘﻧﯩﯔ ﯞﺍﺭﯨﺴﻠﯩﺮﻯ ﺋﻪﺧﻤﻪﺕ ﺑﯩﻨﻨﻰ ﮬﻪﺳﻪﻥ ﺋﺎﺭﺳﻼﻥ ﺧﺎﻥ ( ﮬﺎﺭﯗﻥ ﺑﯘﻏﺮﺍﺧﺎﻥ ) ، ﺋﯩﺒﺮﺍﮬﯩﻢ ﺑﯩﻨﻨﻰ ﺋﻪﺧﻤﻪﺕ ﺯﺍﻣﺎﻧﻠﯩﺮﯨﺪﺍ ﮬﯧﭽﻘﺎﻧﺪﺍﻕ ﻛﻮﻧﯩﺴﺘﯩﺘﻮﺗﺴﯩﻴﯩﻠﯩﻚ ﻣﺎﻧﺎﺭﺧﯩﻴﻪ ﺗﯜﺯﯛﻣﯩﻨﯩﯔ ﻣﻪﻳﺪﺍﻧﻐﺎ ﻛﻪﻟﻤﯩﮕﻪﻧﻠﯩﻜﯩﻨﻰ ﺑﯩﻠﯩﻤﯩﺰ . ﺑﯘ ، ﭘﺎﺩﯨﺸﺎﮬﻨﯩﯔ ﺋﯩﻨﺴﺎﭖ - ﺗﻪﯞﭘﯩﻘﯩﻐﺎ ﺋﻪﻣﻪﺱ ، ﺑﻪﻟﻜﻰ ﺗﺎﺭﯨﺦ ﺗﻪﺭﻩﻗﻘﯩﻴﺎﺗﯩﻨﯩﯔ ﺋﯘﻧﻰ ﺗﻪﻟﻪﭖ ﻗﯩﻠﯩﺪﯨﻐﺎﻥ ﺋﯩﺠﺘﯩﻤﺎﺋﯩﻲ ﺷﻪﺭﺕ - ﺷﺎﺭﺍﺋﯩﺘﻘﺎ ﺑﺎﻏﻠﯩﻖ ﮬﺎﺩﯨﺴﻪ ﺋﯩﺪﻯ . ﺭﻭﺷﻪﻧﻜﻰ ، ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﻏﺎﻳﻪﺕ ﻣﯘﻧﻪﯞﯞﻩﺭ ﻗﺎﻧﯘﻧﺸﯘﻧﺎﺳﻠﯩﻖ ﺗﻪﺷﻪﺑﺒﯘﺳﻠﯩﺮﻯ ﺋﯚﺯﯨﻨﯩﯔ ﺧﯩﻴﺎﻟﯩﻴﻠﯩﻖ ﺧﺎﺭﺍﻛﺘﯧﺮﻯ ﺗﯜﭘﻪﻳﻠﻰ ﻣﯘﺗﻪﭘﻪﻛﻜﯘﺭﻏﺎ ﺋﯧﻐﯩﺮ ﺋﯜﻣﯩﺪﺳﯩﺰﻟﯩﻚ ﮬﯧﺴﺴﻴﺎﺗﻠﯩﺮﯨﻨﻰ ﺑﯧﻐﯩﺸﻠﯩﺪﻯ . ﺋﯘﻧﯩﯔ 6495 - ﺑﯧﻴﯩﺘﺘﺎ ﺋﯚﺯ ﺩﺍﺳﺘﺎﻧﯩﻨﯩﯔ ﻳﯩﻠﻨﺎﻣﯩﺴﯩﻨﻰ ﺑﯧﺮﯨﭗ ، ﺋﯘﻧﻰ ﺋﺎﺧﯩﺮﻻﺷﺘﯘﺭﻏﺎﻧﺪﯨﻦ ﻛﯧﻴﯩﻦ ، ﺩﺍﺳﺘﺎﻧﻐﺎ ﻗﻮﺷﯘﻣﭽﻪ ﻗﯩﻠﯩﭗ ﻳﺎﺯﻏﺎﻥ « ﻳﯜﺳﯜﭘﻨﯩﯔ ﻳﺎﺷﻠﯩﻘﻘﺎ ﺋﯧﭽﯩﻨﯩﭗ ، ﻗﯧﺮﯨﻠﯩﻖ ﮬﻪﻗﻘﯩﺪﻩ ﺋﯧﻴﺘﻘﺎﻧﻠﯩﺮﻯ » ، « ﺯﺍﻣﺎﻧﻨﯩﯔ ﺑﯘﺯﯗﻗﻠﯘﻗﻰ ﯞﻩ ﺩﻭﺳﺘﻼﺭﻧﯩﯔ ﯞﺍﭘﺎﺳﯩﺰﻟﯩﻘﻰ ﺑﺎﻳﺎﻧﯩﺪﺍ » ﺩﯦﮕﻪﻥ ﺑﺎﺑﻠﯩﺮﯨﺪﺍ ﻣﺎﻧﺎ ﻣﯘﺷﯘ ﺋﯜﻣﯩﺪﺳﯩﺰﻟﯩﻜﻨﯩﯔ ﺋﯩﻘﺮﺍﺭﻯ ﻗﻪﺳﯩﺪﻩ ﺷﻪﻛﻠﯩﺪﻩ ﺋﯩﭙﺎﺩﯨﻠﻪﻧﮕﻪﻥ . ﻣﯘﺋﻪﻟﻠﯩﭗ ﺑﯘ ﺑﺎﺑﻼﺭﻧﯩﯔ ﺳﻪﺭﻟﻪﯞﮬﯩﺴﯩﻨﻰ ﺋﯩﻠﮕﯩﺮﯨﻜﯩﺪﻩﻙ « ﻳﯜﺳﯜﭖ ﺋﯘﻟﯘﻍ ﺧﺎﺱ ﮬﺎﺟﯩﭗ » ﺩﻩﭖ ﺋﻪﻣﻪﺱ ، ﭘﻪﻗﻪﺕ « ﻳﯜﺳﯜﭖ » ﺩﻩﭘﻼ ﺋﺎﺗﯩﻐﺎﻥ .
ﺋﻮﺗﺘﯘﺭﺍ ﺋﻪﺳﯩﺮ ﻗﺎﻧﯘﻧﺸﯘﻧﺎﺳﻠﯩﻘﻰ ﺗﺎﺭﯨﺨﯩﺪﯨﻜﻰ ﺋﯘﻟﯘﻏﯟﺍﺭ ﺋﯩﺪﯨﻴﯩﻨﯩﯔ ﻣﯘﺋﻪﻟﻠﯩﭙﻰ ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﺋﯩﺪﯨﻴﯩﯟﻯ ﺗﺮﺍﮔﯧﺪﯨﻴﯩﻠﯩﺮﯨﻨﻰ ﺋﻪﺳﻠﯩﮕﯩﻨﯩﻤﯩﺰﺩﻩ ﻛﯚﺯ ﺋﺎﻟﺪﯨﻤﯩﺰﺩﺍ ﻓﺎﺭﺍﺑﯩﻨﯩﯖﻤﯘ ، ﺋﻪﮬﻤﻪﺩ ﻳﯜﻛﻨﻪﻛﯩﻨﯩﯖﻤﯘ ، ﻧﺎﯞﺍﻳﯩﻨﯩﯖﻤﯘ ، ﺟﯜﻣﻠﯩﺪﯨﻦ ﺋﻮﺗﺘﯘﺭﺍ ﺋﻪﺳﯩﺮ ﺧﯩﻴﺎﻟﯩﻲ - ﻏﺎﻳﯩﯟﻯ ﺋﯩﻨﺘﯩﻠﯩﺶ ﺋﻪﺯﯨﻤﻪﺗﻠﯩﺮﯨﻨﯩﯔ ﺷﯘﻧﺪﺍﻕ ﺗﺎﺭﯨﺨﯩﻲ ﺗﺮﺍﮔﯧﺪﯨﻴﯩﺴﻰ ﻧﺎﻣﺎﻳﻪﻥ ﺑﻮﻟﯩﺪﯗ . ﺋﯘﻻﺭﻧﯩﯔ ﺋﯩﻠﻐﺎﺭ ﺳﯩﻴﺎﺳﯩﻲ ﺋﯩﺠﺘﯩﻤﺎﺋﯩﻲ ﻛﯚﺯ ﻗﺎﺭﺍﺷﻠﯩﺮﻯ ﺋﯩﻨﺴﺎﻧﯩﻴﻪﺗﻨﯩﯔ ﻏﺎﻳﯩﯟﻯ ﺟﻪﻣﺌﯩﻴﻪﺕ ﺋﯩﺰﻟﯩﻨﯩﺸﻠﯩﺮﻯ ﻳﻮﻟﯩﺪﺍ ﻣﺎﺭﻛﺴﯩﺰﻣﭽﻪ ﺑﻮﻟﻐﺎﻥ ﺋﯘﺯﺍﻕ ﺟﺎﭘﺎﻟﯩﻖ ﻛﯜﺭﻩﺵ ﺗﺎﺭﯨﺨﯩﺪﺍ ﺋﯚﺯﯨﻨﯩﯔ ﺗﯧﮕﯩﺸﻠﯩﻚ ﺋﻮﺭﻧﯩﻐﺎ ﺋﯩﮕﻪ ﺑﻮﻟﯘﺷﻰ ﻣﯘﻗﻪﺭﺭﻩﺭ .


(ﺗﺎﺭﯨﺨﯩﻲ ﻣﯩﺮﺍﺱ «ﻗﯘﺗﺎﺩﻏﯘ ﺑﯩﻠﯩﻚ» ﮬﻪﻗﻘﯩﺪﻩ ﺑﺎﻳﺎﻥ)ﺩﯨﻦ ﺋﯧﻠﯩﻨﺪﻯ