ﻗﯩﺰﯨﻞ رەﯕﻠﯩﻚ ﻓﻮرد (ﮬﯧﻜﺎﻳﻪ)

 [ﮔﯧﺮﻣﺎﻧﯩﻴﻪ]ﺋﯧﺪﯨﺖ ﺷﯩﻤﯩﺲ

      ﺗﻮﻟﯘق ﻗﻮراﻟﻼﻧﻐﺎن ﺋﯩﻜﻜﻰ ﻗﺎرا ﻧﯩﻴﻪت ﺑﺎﻧﻜﯩﻨﯩﯔ ﻛﺎﺳﺴﯩﺮﯨﻨﻰ ﻣﯩﻠﺘﯩﻖ ﺑﯩﻠﻪن ﻗﻮرﻗﯘﺗﯘپ ﺑﺎرﻟﯩﻖ ﭘﯘﻟﻨﻰ ﺋﯧﻠﯩﺸﻘﺎ ﻗﯩﺴﺘﯩﺪى. ﺑﺎﻧﻜﯩﻐﺎ ﻛﯩﺮﮔﻪن ﺧﯧﺮﯨﺪارﻻرﻧﯩﻤﯘ ﺗﺎﻣﻐﺎ ﻗﺎرﯨﺘﯩﭗ ﻗﻮﻳﺪى.ﺑﯘ ﻗﺎراﻧﯩﻴﻪﺗﻠﻪرﻧﯩﯔ ﮬﻪرﯨﻜﯩﺘﻰ ﺋﯩﻨﺎﺗﻴﯩﻦ ﭼﺎﻗﻘﺎن ﺑﻮﻟﯘپ، ﻛﯚز ﻳﯘﻣﯘپ ﺋﺎﭼﻘﯘﭼﻪ ﺋﺎرﯨﻠﯩﻘﺘﺎ ﭘﯘﻟﻨﻰ ﻗﺎﭼﯩﻼپ ﺑﺎﻧﻜﯩﺪﯨﻦ ﭼﯩﻘﯩﭙﻼ ﻗﯩﺰﯨﻞ رەﯕﻠﯩﻚ ﻓﻮرد ﻣﺎرﻛﯩﻠﯩﻖ ﺋﺎﭘﺘﻮﻣﻮﺑﯩﻠﻐﺎ ﭼﯩﻘﯩﭗ ﻏﺎﻳﯩﭗ ﺑﻮﻟﯘﺷﺘﻰ. ﺋﯘﻻرﻧﯩﯔ ﻣﯧﯖﯩﺸﯩﻐﺎ ﺑﺎﻧﻜﺎ ﺧﺎدﯨﻤﻠﯩﺮى ﻳﯜﮔﯜرۈﺷﯜپ ﻛﻮﭼﯩﻐﺎ ﭼﯩﻘﯩﺸﺘﻰ، ﺋﯘﻻرﻧﯩﯔ ﺋﯩﭽﯩﺪە ﺑﯩﺮەﻳﻠﻪن ﻓﻮرد ﺋﺎﭘﺘﻮﻣﻮﺑﯩﻠﻨﯩﯔ ﺗﺎﺧﺘﺎ ﻧﻮﻣﯘرﯨﻨﻰ ﻳﯧﺰﯨﯟﯦﻠﯩﺸﻘﺎ ﺋﯜﻟﮕﯜردى. ﺋﻮن ﺑﻪش ﻣﯩﻨﯘت ﺋﯩﭽﯩﺪە ﺳﺎﻗﭽﯩﻼر ﻧﻪخ ﻣﻪﻳﺪاﻧﻐﺎ ﻳﯧﺘﯩﭗ ﻛﯧﻠﯩﺸﺘﻰ، ﺳﺎﻗﭽﻰ ﺑﺎﺷﻠﯩﻘﻰ ﺑﺮاﻧﺖ ﻣﯧﻠﻤﯘ ﺋﺎرﻗﯩﺪﯨﻨﻼ ﻳﯧﺘﯩﭗ ﻛﻪﻟﺪى. ﻧﻪخ ﻣﻪﻳﺪاﻧﺪا ﺑﻮﻟﻐﯘﭼﯩﻼر ﺳﺎﻗﭽﻰ ﺑﺎﺷﻠﯩﻘﯩﻐﺎ ﻓﻮرد ﺋﺎﭘﺘﻮﻣﻮﺑﯩﻠﻨﯩﯔ ﺋﺎﻻﮬﯩﺪﯨﻠﯩﻜﯩﻨﻰ ﺋﯧﻴﺘﯩﭗ ﺑﻪردى، ﺳﺎﻗﭽﻰ ﺑﺎﺷﻠﯩﻘﻰ ﺷﯘ ﮬﺎﻣﺎن ﭘﯜﺗﯜن ﻣﻪﻣﻠﯩﻜﻪﺗﻜﻪ ﺗﯘﺗﯘش ﺑﯘﻳﺮۇﻗﻰ ﺗﺎرﻗﺎﺗﺘﻰ.دﯦﻠﻮ ﻳﯜز ﺑﯧﺮﯨﭗ ﻳﯧﺮﯨﻢ ﺳﺎﺋﻪت ﺋﯩﭽﯩﺪە 250ﻛﯩﻠﻮﻣﯧﺘﯩﺮ ﻳﯩﺮاﻗﻠﯩﻘﺘﺎ ﭼﺎرﻻش ﺋﯧﻠﯩﭗ ﺑﯧﺮﯨﯟاﺗﻘﺎن ﺳﺎﻗﭽﯩﻤﯘ ﺋﻪﮬﯟاﻟﻨﯩﯔ ﺗﻪﭘﺴﯩﻼﺗﯩﺪﯨﻦ ﺧﻪۋەر ﺗﯧﭙﯩﭗ ﺑﻮﻟﺪى. ﺳﺎﻗﭽﻰ ﺋﻪﻣﻪﻟﺪارى ﻛﻠﯧﻨﻜﯥ ﻳﯧﺸﯩﻞ رەﯕﻠﯩﻚ ۋوﻟﻜﺴﯟاﮔﯧﻦ ﻣﺎرﻛﯩﻠﯩﻖ ﺋﺎﭘﺘﻮﻣﻮﺑﯩﯩﻨﻰ ﮬﻪﻳﺪەپ ﻳﻮﻟﻨﻰ ﭼﺎرﻟﯩﻐﺎچ ﻳﯧﻨﯩﺪﯨﻜﻰ ﮬﻪﻣﺮﯨﻴﻰ ﻟﯘﻧﯧﺮدﯨﻦ ﺳﻮرﯨﺪى: _ ﻳﯧﺮﯨﻤﻰ ﮬﻪرﭘﺘﯩﻦ ﺗﯜزۈﻟﮕﻪن ...... ABC دﯦﮕﻪﻧﺪەك ﺋﺎﭘﺘﻮﻣﻮﺑﯩﻞ ﻧﻮﻣﯘر ﺗﺎﺧﺘﯩﺴﯩﻨﻰ ﺋﺎﯕﻼپ ﺑﺎﻗﻘﺎﻧﻤﯩﺪﯨﯖﯩﺰ؟ دەل ﺷﯘ ۋاﻗﯩﺘﺘﺎ ﺋﯘ ﺗﯘﺗﻘﯘن ﻗﯩﻠﯩﻨﻐﺎن ﮬﯧﻠﯩﻘﻰ ﻓﻮرد ﻣﺎرﻛﯩﻠﯩﻖ ﺋﺎﭘﺘﻮﻣﻮﺑﯩﻠﻨﻰ ﻛﯚرۈپ ﻗﺎﻟﺪﯨﺪە، ﺋﯘﭼﻘﺎﻧﺪەك ﻗﻮﻏﻼپ ﻳﺎﻧﺪاپ ﺋﯚﺗﺘﻰ: _ دەل ﺋﺎﺷﯘ ﺷﯘ، ﺋﺎﭘﺘﻮﻣﻮﺑﯩﻞ ﺗﯩﭙﯩﻤﯘ، رەﯕﮕﯩﻤﯘ، ﻧﻮﻣﯘرﯨﻤﯘ دەل ﺋﺎﺷﯘ! _ 45 ﻣﯩﻨﯘﺗﺘﺎ 250ﻛﯩﻠﻮﻣﯧﺘﯩﺮ ﻳﯜرﮔﻪﻧﻤﯩﺪۇ؟_ ﮬﻪﻳﺮاﻧﻠﯩﻘﺘﺎ ﺳﻮرﯨﺪى ﻟﯘﻧﯧﺮ. ﺋﯘﻻر ﻓﻮرد ﻣﺎرﻛﯩﻠﯩﻖ ﺋﯘ ﺋﺎﭘﺘﻮﻣﻮﺑﯩﻠﻨﻰ ﺗﻮﺳﺘﻰ، ﺋﺎﭘﺘﻮﻣﻮﺑﯩﻠﺪا ﺑﯩﺮﻻ ﺋﺎدەم ﺋﻮﻟﺘﯘراﺗﺘﻰ. ﺷﻮﭘﯘر ﺗﺎﻗﻪﺳﯩﺰﻟﯩﻚ ﺑﯩﻠﻪن: _ ﺑﺎﺷﻘﻼر ﺋﺎﭘﺘﻮﻣﻮﺑﯩﻠﯩﯖﯩﺰﻧﻰ ﺗﻮﺳﯩﺴﺎ ﺳﯩﺰﻧﯩﯖﻤﯘ ﺋﺎﭼﭽﯩﻘﯩﯖﯩﺰ ﻛﯧﻠﯩﺪﯨﻐﺎﻧﺪۇ، _ دﯦﺪى. _ ﭘﯩﺮاۋﯨﯖﯩﺰ ﺑﯩﻠﻪن ﻳﻮل ﻳﯜرۈش ﻛﯧﻨﯩﺸﻜﯩﯖﯩﺰﻧﻰ ﭼﯩﻘﯩﺮﯨﯔ، _ دﯦﺪى ﻛﻠﯧﻨﻜﯥ ﺑﯘﻳﺮۇق ﺗﻪﻟﻪﭘﭙﯘزﯨﺪا. _ ﻣﺎﻧﺎ، _ ﺷﻮﭘﯘر ﺷﯘﻧﺪاق دەپ ﻛﯧﻨﯩﺸﻜﯩﻠﻪرﻧﻰ دﯦﺮﯨﺰﯨﺪﯨﻦ ﭼﯩﻘﺎردى. _ ﺋﺎﻟﻔﺮﯦﺪ ﺳﯧﺪﺗﺎر...ﺑﯘ ﻓﻮرد ﺋﺎﭘﺘﻮﻣﻮﺑﯩﻞ ﺋﯚزﯨﯖﯩﺰﻧﯩﯖﻤﯘ؟ _ ﺋﺎﭘﺘﻮﻣﻮﺑﯩﻠﻰ ﺑﻮﻟﯘش ﺟﯩﻨﺎﻳﻪت ﺋﻪﻣﻪﺳﺘﯘ،_ دﯦﺪى ﺳﯧﺪﺗﺎر ﺋﺎﭼﭽﯩﻖ ﺑﯩﻠﻪن. _ ﺋﻪﻟﯟەﺗﺘﻪ ﺋﯘﻧﺪاق ﺑﻮﻟﻤﺎﻳﺪۇ.

      ﺋﻪﻣﻤﺎ ﺳﯩﺰ ﺑﯩﺮ دﯦﻠﻮﻧﯩﯔ ﮔﻤﺎﻧﺪارى ﺑﻮﻟﻐﺎﭼﻘﺎ ﺳﯩﺰﻧﻰ ﺗﯘﺗﻘﯘن ﻗﯩﻠﯩﯟاﺗﯩﻤﯩﺰ. _ ﻧﯧﻤﻪ دﯦﻠﻮ؟ ﻗﺎﺗﯩﻠﻠﯩﻖ؟ ﺑﺎﻧﻜﺎ ﺑﯘﻻﺷﻤﯘﻳﻪ؟ _ ﺗﻮﻏﺮا ﺋﯧﻴﺘﺘﯩﯖﯩﺰ ﺳﯩﺰ دەل ﺑﺎﻧﻜﺎ ﺑﯘﻻش دﯦﻠﻮﺳﯩﻨﯩﯔ ﮔﯘﻣﺎﻧﺪارى. ﺋﯩﻜﻜﯩﻨﭽﻰ ﻛﯜﻧﻰ ﺳﺎﻗﭽﻰ ﺑﺎﺷﻠﯩﻘﻰ ﺑﺮاﻧﺖ ﻣﯧﻞ ﺳﯧﺪﺗﺎرﻧﻰ ﺳﻮراق ﻗﯩﻠﺪى. _ ﺑﯩﺰ ﺋﻪﻣﺪﯨﻼ ﺋﯧﺮﯨﺸﻜﻪن ﻳﯧﯖﻰ ﻳﯩﭗ ﺋﯘﭼﯩﻐﺎ ﺋﺎﺳﺎﺳﻪن ﺳﯩﯧﻨﻰ ﺑﯩﺮ ﻗﯧﺘﯩﻤﻠﯩﻖ ﺑﺎﻧﻜﺎ ﺑﯘﻻش دﯦﻠﻮﺳﯩﻐﺎ ﻗﺎﺗﻨﺎﺷﻘﺎن دەپ ﮔﯘﻣﺎن ﻗﯩﻠﯩﻤﯩﺰ. _ ﻣﻪن ﮔﯘﻧﺎﮬﺴﯩﺰ. _ راﺳﺖ، ﮬﺎزﯨﺮﭼﻪ ﺗﯧﺨﻰ ﺟﯩﻨﺎﻳﯩﺘﯩﯖﻨﻰ ﺋﯩﺴﭙﺎﺗﻠﯩﻐﯘدەك ﭘﺎﻛﯩﺖ ﻳﻮق. _ دﯦﻤﻪﻛﭽﻰ ﺑﻮﻟﻐﯩﻨﯩﯖﯩﺰ ﻗﺎﻳﺴﻰ ﺑﺎﻧﻜﺎ؟ _ ﮬﯧﻨﯩﺴﺒﺎخ ﺑﺎزﯨﺮﯨﺪﯨﻜﻰ رﯦﻴﺪﯦﻞ ﺟﻪﻣﻪﺗﻰ ﺑﺎﻧﻜﯩﺴﻰ. _ ﮬﯧﻨﯩﺴﺒﺎخ؟ ﺑﯘ ﺑﺎزار ﻗﻪﻳﻪردە؟ _ ﺑﯘ ﻳﻪردﯨﻦ ﺗﻪﺧﻤﯩﻨﻪن 250ﭼﻪﻛﯩﻠﻮﻣﯧﺘﯩﺮ ﻛﯧﻠﯩﺪۇ. _ ﺋﯘﻧﺪاﻗﺘﺎ ﻣﻪن ﻗﺎﻧﺪاق ۋاﻗﯩﺘﺘﺎ ﺑﯘﻻﯕﭽﯩﻠﯩﻖ ﻗﯩﻠﯩﭙﺘﯩﻤﻪن؟ _ ﺗﯜﻧﯜﮔﯜن ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪت ﺋﯩﻜﻜﻰ ﻳﯧﺮﯨﻤﺪە. _ ﮬﻪ، ﺗﯜﻧﯜﮔﯜن؟ _ ﺳﯧﺪﺗﺎر ﻏﻪزەپ ﺑﯩﻠﻪن ۋارﻗﯩﺮﯨﺪى _ دﯦﻠﻮ ﻳﯜز ﺑﯧﺮﯨﭗ 45 ﻣﯩﻨﯘﺗﺘﯩﻦ ﻛﯧﻴﯩﻦ ﻣﯧﻨﻰ ﺗﯘﺗﺘﯘﯕﻼر، ﺋﻪﻣﻤﺎ ﻣﻪن ﺋﯘﭼﺎﻏﺪا دﯦﻠﻮ ﺳﺎدﯨﺮ ﺑﻮﻟﻐﺎن ﺟﺎﻳﺪﯨﻦ 250ﻛﯩﻠﻮﻣﯧﺘﯩﺮ ﻳﯩﺮاﻗﻠﯩﻘﺘﺎ ﺋﯩﺪﯨﻢ! _ دەل ﻣﯘﺷﯘ ﺑﯩﺰ ﺗﺎزا ﭼﯜﺷﯩﻨﻪﻟﻤﻪﻳﯟاﺗﻘﺎن ﻧﯘﻗﺘﺎ، ﺋﻪﻣﻤﺎ دﯦﻠﻮ ﺳﺎدﯨﺮ ﻗﯩﻠﻐﺎﻧﻼر ﭼﯩﻘﯩﭗ ﻗﺎﭼﻘﺎن ﺋﺎﭘﺘﻮﻣﻮﺑﯩﻠﻤﯘ ﻗﯩﺰﯨﻞ رەﯕﻠﯩﻚ ﻓﻮرد، ﻧﻮﻣﯘر ﺗﺎﺧﺘﯩﺴﯩﻤﯘ ﺳﯧﻨﯩﯖﻜﻰ ﺑﯩﻠﻪن ﺋﻮﺧﺸﺎش. _ ﺷﯘﻧﺪاق ﺑﻮﻟﻐﺎن ﺗﻪﻗﺪﯨﺮدﯨﻤﯘ ﻣﻪن ﺳﯩﻠﻪرﮔﻪ ﻳﺎردەم ﻗﯩﻼﻟﻤﯩﻐﯘدەﻛﻤﻪن، ﺳﯩﺰ ﻣﯧﻨﻰ ﻗﻮﻳﯘۋﯦﺘﺸﯩﯖﯩﺰ ﻛﯧﺮەك. _ ﻣﯘﻧﺪاق ﻗﯩﻤﺎﻳﻤﯘ ﺑﺎﺷﻘﺎ ﺋﺎﻣﺎﻟﯩﻤﯩﺰ ﻗﺎﻟﻤﯩﺪى. ﺷﯘﻧﯩﯔ ﺑﯩﻠﻪن ﺑﺮاﻧﺖ ﻣﯧﻞ ﺗﻪﺳﺘﯩﻖ ﺳﯧﻠﯩﭗ ﺳﯧﺪﺗﺎرﻧﻰ ﻗﻮﻳﯘۋەﺗﺘﻰ. ﺑﯘ ﻗﯧﺘﯩﻤﻘﻰ ﺑﯘﻻﯕﭽﯩﻠﯩﻖ دﯦﻠﻮﺳﯩﺪا ﺑﯘﻻﯕﭽﯩﻼر رﯦﻴﺪﯦﻞ ﺟﻪﻣﻪﺗﻰ ﺑﺎﻧﻜﯩﺴﯩﺪﯨﻦ ﺟﻪﻣﺌﯩﻲ 75ﻣﯩﯔ ﻣﺎرك ﺑﯘﻻپ ﻛﻪﺗﻜﻪن ﺋﯩﺪى. ﺑﻪﺧﺘﻜﻪ ﻳﺎرﯨﺸﺎ ﺑﺎﻧﻜﺎ ﺧﺎدﯨﻤﻰ ﺑﯘﻻﯕﭽﯩﻼرﻏﺎ ﭘﯜﺗﯜﻧﻠﻪي ﺗﯩﺰﯨﻤﻠﯩﻨﯩﭗ ﺑﻮﻟﯘﻧﻐﺎن ﭘﯘﻟﻼرﻧﻰ ﺋﯧﻠﯩﭗ ﺑﻪرﮔﻪن ﺑﻮﻟﻐﺎﭼﻘﺎ ﭘﯘل ﺗﻪﺗﻘﯩﻘﺎت ﺋﻮرﻧﯩﺪﯨﻜﯩﻠﻪر ۋە ﺳﺎﻗﭽﯩﻼرﻧﺎﮬﺎﻳﺘﻰ ﺗﯧﺰﻻ ﺑﯘﻻﻧﻐﺎن ﭘﯘﻟﻼرﻧﯩﯔ ﻧﻮﻣﯘرﯨﻨﻰ ﭘﯜﺗﯜﻧﻠﻪي ﺋﯩﮕﯩﻠﻪپ ﺑﻮﻟﺪى. ﺷﯘﻧﺪاق ﺑﻮﻟﻐﺎﻧﺪﯨﻤﯘ ﺑﯘﻻﯕﭽﯩﻼرﻧﻰ ﺗﯘﺗﯘش ﺋﺎﺳﺎن ﺋﻪﻣﻪس ﺋﯩﺪى، ﺑﯘ ﻧﯘﻗﺘﯩﻨﻰ ﺑﺮاﻧﺖ ﻣﯧﻞ ﺋﻮﺑﺪان ﺑﯩﻠﻪﺗﺘﻰ. ﺑﯘﻻﯕﭽﯩﻼر ﮬﻪﻳﺪەپ ﻗﺎﭼﻘﺎن ﻗﯩﺰﯨﻞ رەﯕﻠﯩﻚ ﻓﻮرد ﺋﺎﭘﺘﻮﻣﻮﺑﯩﻞ ﮔﻮﻳﺎ ﻳﻪر ﻳﯘﺗﻘﺎﻧﺪەﻛﻼ ﻏﺎﻳﯩﭗ ﺑﻮﻟﯘپ، ﺋﺎرﻗﯩﺪﯨﻨﻼ ﺑﺎﺷﻘﺎ ﺑﯩﺮ راﻳﻮﻧﺪا ﭘﻪﻳﺪا ﺑﻮﻟﺪى، ﺋﯘﻧﯩﯔ ﺋﯜﺳﺘﯩﮕﻪ ﺋﺎﭘﺘﻮﻣﻮﺑﯩﻠﻨﯩﯔ ﺋﯩﮕﯩﺴﻰ ﺑﯘ دﯦﻠﻮ ﺑﯩﻠﻪن ﻗﯩﻠﭽﻪ ﻣﯘﻧﺎﺳﯩﯟەﺗﺴﯩﺰ ﺋﯩﺪى. ﻳﺎق، ﭼﻮﻗﯘم ﻣﯘﻧﺎﺳﯩﯟەﺗﻠﯩﻚ! ﺑﺮاﻧﺖ ﻣﯧﻞ ﻗﺎﻳﺘﺎ_ﻗﺎﻳﺘﺎ ﺋﻮﻳﻠﯩﻨﯩﭗ ﺗﻪﭘﺴﯩﻠﯩﻲ ﻛﯜزەﺗﻜﻪﻧﺪﯨﻦ ﻛﯧﻴﯩﻦ ﺷﯘﻧﻰ ﺑﺎﻳﻘﯩﺪﯨﻜﻰ، ﺑﯘﻻﯕﭽﯩﻼرﻧﯩﯔ ﺋﺎﭘﺘﻮﻣﻮﺑﯩﻠﻰ ﺑﯩﻠﻪن ﺳﯧﺪﺗﺎرﻧﯩﯔ ﺋﺎﭘﺘﻮﻣﻮﺑﯩﻠﯩﻨﯩﯔ ﺑﯩﺮ ﻳﯧﺮى روﺷﻪن ﭘﻪرﻗﻠﯩﻖ ﺋﯩﺪى. ﻳﻪﻧﻪ ﺑﯩﺮ ﺑﯘﻻﯕﭽﯩﻠﯩﻖ ﻳﯜز ﺑﻪردى، ﻳﻪﻧﯩﻼ ﺋﯩﻜﻜﻰ ﺋﺎدەم ﻗﯩﺰﯨﻞ رەﯕﻠﯩﻚ ﻓﻮردﻧﻰ ﮬﻪﻳﺪەپ ﻗﺎﭼﺘﻰ. ﻳﻪﻧﻪ ﺋﻮﺧﺸﺎﺷﻼ ﺑﯩﺮ ۋاﻗﯩﺘﺘﺎ ﺳﺎﻗﭽﯩﻼرﻧﯩﯔ ﻧﻪزەرى ﺳﯧﺪﺗﺎرﻏﺎ ﻣﻪرﻛﻪزﻟﻪﺷﺘﻰ. ﺋﯜﭼﯩﻨﭽﻰ ﺑﯘﻻﯕﭽﯩﻠﯩﻖ دﯦﻠﻮﺳﻰ ﻳﯜز ﺑﻪردى، دﯦﻠﻮ ﺳﺎدﯨﺮ ﻗﯩﻠﯩﺶ ﺋﯘﺳﻠﯘﺑﻰ ﺋﺎﻟﺪﯨﻨﻘﻰ ﺋﯩﻜﻜﻰ ﻗﯧﺘﯩﻤﺪﯨﻜﯩﺴﯩﮕﻪ ﺋﻮﭘﻤﯘ_ﺋﻮﺧﺸﺎش ﺋﯩﺪى. ﺑﯘ ﻧﯚۋەت ﺳﯧﺪﺗﺎر ﻳﻮل دوﻗﻤﯘﺷﯩﺪﯨﻜﻰ ﺋﺎﭘﺘﻮﻣﻮﺑﯩﻠﻨﻰ ﺗﻮﺧﺘﯩﺘﯩﺶ ﺗﺎﺧﺘﯩﺴﯩﻐﺎ دﯨﻘﻘﻪت ﻗﯩﻠﻤﺎﻳﻼ ﺋﯚﺗﯜپ ﻛﻪﺗﺘﻰ، ﻗﺎﺗﻨﺎش ﺗﻪرﺗﯩﯟﯨﮕﻪ ﻣﻪﺳﺌﯘل ﺑﻮﻟﯘپ ﺗﯘرۇۋاﺗﻘﺎن ﺑﯩﺮ ﺳﺎﻗﭽﻰ ﺑﯘﻧﻰ ﻛﯚردى.

      ﺳﺎﻗﭽﻰ ﺷﯘ ﮬﺎﻣﺎن ﺳﯧﺪﺗﺎرﻏﺎ ﺋﺎﭘﺘﻮﻣﻮﺑﯩﻠﻨﻰ ﭼﻪﺗﻜﻪ ﺗﺎرﺗﯩﭗ ﺗﻮﺧﺘﯩﺘﯩﺸﻘﺎ ﺑﯘﻳﺮﯨﺪى، ﮬﻪﻣﺪە: _ ﺑﯘ ﻳﻪردە ﺋﺎﭘﺘﻮﻣﻮﺑﯩﻠﻨﻰ ﺗﻮﺧﺘﯩﺘﯩﺶ ﺗﺎﺧﺘﯩﺴﻰ ﺗﯘرﻏﺎﻧﻠﯩﻘﯩﻨﻰ ﻛﯚرﻣﯩﺪﯕﯩﺰﻣﺎ؟ ﻧﯧﻤﯩﺸﻘﺎ ﺗﻮﺧﺘﺎﺗﻤﺎﻳﺴﯩﺰ؟ _ ﺋﺎھ ﺗﻪﯕﺮﯨﻢ! ﺑﯘ ﻳﻪردە ﺋﺎﭘﺘﻮﻣﻮﺑﯩﻞ ﺗﻮﺧﺘﯩﺘﯩﺶ ﺗﺎﺧﺘﯩﺴﻰ ﺑﺎرﻣﯩﺪى، ﻛﯚرﻣﻪﭘﺘﯩﻤﻪن، ﻛﻪﭼﯜرۈڭ، ﻣﯘﻧﺪﯨﻦ ﻛﯧﻴﯩﻦ دﯨﻘﻘﻪت ﻗﯩﻼي. _ ﻛﻪﭼﯜرۈم ﺳﻮرﯨﻐﺎن ﺑﯩﻠﻪن ﺋﯩﺶ ﭘﯜﺗﻤﻪﻳﺪۇ، 10ﻣﺎرك ﺟﻪرﯨﻤﺎﻧﻪ تاپشۇرىشىڭىز ﻛﯧﺮەك. _ ﻣﯘﻧﺪﯨﻦ ﻛﯧﻴﯩﻦ ﭼﻮﻗﯘم دﯨﻘﻘﻪت ﻗﯩﻠﯩﻤﻪن، _ ﺳﯧﺪﺗﺎر ﺷﯘﻧﺪاق دﯦﮕﯩﻨﯩﭽﻪ ﺟﻪرﯨﻤﺎﻧﯩﻨﻰ ﺗﺎﭘﺸﯘردﯨﺪە، ﻳﻮﻟﯩﻐﺎ ﻣﺎﯕﺪى. ﺋﯩﻜﻜﻰ ﻛﯜﻧﺪﯨﻦ ﻛﯧﻴﯩﻦ ﺳﯧﺪﺗﺎر ﺟﯩﻨﺎﻳﻰ ﺋﯩﺸﻼر رازۋﯦﺪﻛﺎ ﺑﯚﻟﯜﻣﻰ ﺗﻪرﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﺪى. ﺳﯧﺪﺗﺎر ﻧﺎرازﯨﻠﯩﻖ ﺑﯩﻠﺪۈدى، ﺑﯘﻧﻰ ﺋﺎﯕﻠﯩﻐﺎن ﺳﺎﻗﭽﻰ ﺑﺎﺷﻠﯩﻘﻰ ﺑﺮاﻧﺖ ﻣﯧﻞ ﺋﯘﻧﯩﯖﻐﺎ: _ ﺳﯧﻨﯩﯔ ﮬﯧﻨﯩﺴﺒﺎخ، ﭘﺎرﻣﯩﺴﺘﺎد، روﺳﻼۋ ﻗﺎﺗﺎرﻟﯩﻖ ﺋﯜچ ﺟﺎﻳﺪا ﺑﯘﻻﯕﭽﯩﻠﯩﻘﻘﺎ ﻗﺎﺗﻨﺎﺷﻘﺎﻧﻠﯩﻘﯩﯖﻐﺎ ﺗﻮﻟﯘق دەﻟﯩﻞ ﺋﯩﺴﭙﺎﺗﻘﺎ ﺋﯧﺮﯨﺸﺘﯘق. _ ﻳﻪﻧﻪ ﺟﯚﻳﻠﯜۋاﺗﯩﺴﯩﺰ، _ دﯦﺪى ﺳﯧﺪﺗﺎر ﺋﺎﭼﭽﯩﻘﻠﯩﻨﯩﭗ، _ ﻣﯧﻨﯩﯔ ﺋﯘ ﻳﻪرﻟﻪردە ﺋﻪﻣﻪﺳﻠﯩﻜﯩﻢ ﺳﯩﺰﮔﻪ ﺋﺎﻳﺪﯨﯔ. _ ﺋﺎرﯨﻠﯩﻖ ﻳﯩﺮاق ﺑﻮﻟﻐﯩﻨﻰ ﺋﯜﭼﯜن ﻣﻪن ﺋﯘ ﻳﻪردە ﺋﻪﻣﻪس دﯦﻤﻪﻛﭽﯩﻤﯘ؟ ﺑﯘ ﺧﯧﻠﻰ ﺑﻮﻟﯩﺪﯨﻐﺎن ﺑﺎﮬﺎﻧﻪ ﺋﯩﻜﻪن، ﺋﻪﻣﻤﺎ ﺗﻮﻟﯘق ﺳﻪۋەب ﺑﻮﻻﻟﻤﺎﻳﺪۇ، ﺋﻪﻣﻪﻟﯩﻴﻪﺗﺘﻪ ﺳﻪن ﺷﯘ ﺑﯘﻻﯕﭽﯩﻼرﻧﯩﯔ ﺑﯩﺮﯨﺴﻪن، ﭘﻪﻗﻪت ﮬﻪر ﻗﯧﺘﯩﻤﻘﻰ دﯦﻠﻮدا ﺋﺎﻣﺎﻟﻨﯩﯔ ﺑﯧﺮﯨﭽﻪ ﺑﯩﺰﮔﻪ ﺋﺎۋارﯨﭽﯩﻠﯩﻖ ﺗﯧﭙﯩﭗ ﺑﻪردﯨﯔ. _ ﺑﯘ ﻣﯧﻨﯩﯔ ﺧﺎﺗﺎﻟﯩﻘﻢ ﺋﻪﻣﻪس. _ ﺳﻪن ﻗﻪﺳﺘﻪن ﺷﯘﻧﺪاق ﻗﯩﻠﺪﯨﯔ، _ ﻛﯧﺴﯩﭗ ﺋﯧﻴﺘﺘﻰ ﺑﺮاﻧﺖ، _ ﻣﯘﺷﯘ ﻗﯧﺘﯩﻤﻘﻰ دﯦﻠﻮﻧﻰ ﺋﯧﻠﯩﭗ ﺋﯧﻴﺘﺎﻳﻠﻰ ﺳﻪن ﻗﻪﺳﺘﻪن ﺋﺎﭘﺘﻮﻣﻮﺑﯩﻞ ﺗﻮﺧﺘﯩﺘﯩﺶ ﺗﺎﺧﺘﯩﺴﯩﻨﻰ ﻛﯚرﻣﻪﺳﻜﻪ ﺳﯧﻠﯩﯟاﻟﺪﯨﯔ. _ ﺑﯘ ﮬﻪﻗﯩﻘﻪﺗﻪن ﻛﻪﭼﯜرۈﺷﻜﻪ ﺑﻮﻟﻤﺎﻳﺪﯨﻐﺎن ﻗﺎﺋﯩﺪﯨﮕﻪ ﺧﯩﻼپ ﻗﯩﻠﻤﯩﺶ، ﺋﻪﻣﻤﺎ ﺑﯘﻧﺪﯨﻦ ﻛﯧﻴﯩﻦ ﻗﻪﺗﺌﯩﻲ ﺳﺎدﯨﺮ ﻗﯩﻠﻤﺎﻳﻤﻪن. _ ﺑﻪﻟﻜﯩﻢ ﺋﯧﻴﺘﻘﯩﻨﯩﯔ ﺗﻮﻏﺮﯨﺪۇ، ﺑﯩﺮ ﺳﺎﻗﭽﻰ ﺋﺎﭘﺘﻮﻣﻮﺑﯩﻞ ﺗﻮﺧﺘﯩﺘﯩﺶ ﺗﺎﺧﺘﯩﺴﯩﻨﯩﯔ ﻳﯧﻨﯩﺪا ﺗﯘرﺳﺎ ﺳﻪن ﺋﯘﻧﯩﯔ دﯨﻘﻘﯩﺘﯩﻨﻰ ﺗﺎرﺗﯩﺶ ﺋﯜﭼﯜن ﻗﻪﺳﺘﻪن ﺋﺎﭘﺘﻮﻣﻮﺑﯩﻠﻨﻰ ﺗﻮﺧﺘﺎﺗﻤﯩﺪﯨﯔ. ﺳﯧﻨﯩﯔ ﭘﯩﻼﻧﯩﯔ ﺋﻪﻣﻪﻟﮕﻪ ﺋﺎﺷﺎﻳﻼ دەپ ﻗﺎﻟﻐﺎﻧﯩﺪى. ﺋﻪﻣﻤﺎ ﺗﻪﻟﯩﻴﯩﯔ ﻳﻮﻗﻜﻪن، ﺑﯩﺰﻧﯩﯔ دﯨﻘﻘﯩﺘﯩﻤﯩﺰﻧﻰ ﺗﺎرﺗﯩﭗ ﻗﻮﻳﺪۇق، ﺑﯩﺰ ﺑﯘﻻﯕﭽﯩﻠﯩﻖ دﯦﻠﻮﺳﻰ ﺑﯩﻠﻪن ﻣﯘﻧﺎﺳﯩﯟەﺗﻠﯩﻚ ﺑﻮﻟﯩﺸﻰ ﻣﯜﻣﻜﯩﻦ دەپ ﺋﻮﻳﻠﯩﺪۇق. _ ﻧﯧﻤﻪ ﺳﯩﺰ ﻣﯧﻨﻰ ﺑﯘﻻﯕﭽﻰ دەپ ﺋﻮﻳﻼپ ﻗﺎﻟﻤﯩﻐﺎﻧﺴﯩﺰ... _ ﺳﯧﻨﯩﯔ ﭘﯩﻼﻧﯩﯔ ﮬﻪﻗﯩﻘﻪﺗﻪن ﻗﺎﻟﺘﯩﺴﻜﻪن، ﺳﻪن ﺋﯩﻜﻜﻰ ﺷﯧﺮﯨﻚ ﺗﯧﭙﯩﭗ ﺋﯚزۈﯕﻨﯩﯔ ﺋﺎﭘﺘﻮﻣﻮﺑﯩﻠﯩﻐﺎ ﺋﻮﺧﺸﺎش ﻳﻪﻧﻪ ﺑﯩﺮ ﺋﺎﭘﺘﻮﻣﻮﺑﯩﻞ ﺑﯩﻠﻪن ﺑﯘﻻﯕﭽﯩﻠﯩﻘﻘﺎ ﺳﺎﻟﺪﯨﯔ، ﺋﯩﺶ ﭘﯜﺗﯜﺷﻰ ﺑﯩﻠﻪﻧﻼ ﺳﻪن ﻳﻪﻧﻪ ﺑﯩﺮ ﻗﯩﺰﯨﻞ ﻓﻮرد ﺋﺎﭘﺘﻮﻣﻮﺑﯩﻠﻨﻰ ﮬﻪﻳﺪەپ ﭼﯩﻘﯩﭗ ﺳﺎﻗﭽﯩﻼرﻧﯩﯔ دﯨﻘﻘﯩﺘﯩﻨﻰ ﺗﺎرﺗﺘﯩﯔ، ﺳﻪن ﻣﯘﻧﺪاق ﻗﯩﻠﺴﺎڭ ﺑﯘﻻﯕﭽﯩﻠﯩﻖ ﻗﯩﻠﻐﺎن ﺋﺎﭘﺘﻮﻣﻮﺑﯩﻞ ﺋﺎﺳﺎﻧﻼ ﻗﯧﭽﯩﭗ ﻛﯧﺘﯩﺪۇدە. _ ﺑﯘ ﮬﯧﭽﻨﯧﻤﯩﻨﻰ ﺋﯩﺴﭙﺎﺗﻠﭗ ﺑﯧﺮەﻟﻤﻪﻳﺪۇ، ﻣﯧﻨﻰ ﻗﻮﻳﯘۋﯦﺘﯩﺸﯩﯖﯩﺰ ﻛﯧﺮەك، _ ﺳﯧﺪﺗﺎرﻧﯩﯔ ﭼﯩﺮاﻳﻰ ﺗﺎﺗﯩﺮﯨﺸﻘﺎ ﺑﺎﺷﻠﯩﺪى. _ ﭘﯩﻼﻧﯩﯔ ﮬﻪرﻗﺎﻧﭽﻪ ﺋﺎﻗﯩﻼﻧﻪ ﺑﻮﻟﻐﺎن ﺑﯩﻠﻪن، ﺋﺎﭘﺘﻮﻣﻮﺑﯩﻞ ﺗﻮﺧﺘﯩﺘﯩﺶ ﺗﺎﺧﺘﯩﺴﯩﻨﻰ ﻗﻪﺳﺘﻪن ﻛﯚرﻣﻪﺳﻜﻪ ﺳﯧﻠﯩﺶ ﮬﻪﻣﻤﻪ ﺋﯩﺸﻨﻰ ﺋﺎﺷﻜﺎرﯨﻼپ ﻗﻮﻳﺪى، ﺳﻪن ﺳﺎﻗﭽﯩﻐﺎ ﺗﺎﭘﺸﯘرﻏﺎن10ﻣﺎرك ﺟﻪرﯨﻤﺎﻧﻪ، ﺷﯘ ﺳﺎﻗﭽﻰ ﺋﺎﺷﯘ ﻛﯜﻧﻰ ﺋﺎﻟﻐﺎن ﺑﯩﺮدﯨﻦ ﺑﯩﺮ ﺟﻪرﯨﻤﺎﻧﻪ ﭘﯘل ﺋﯩﻜﻪن، ﺋﯘﻧﯩﯔ ﺋﯜﺳﺘﯩﮕﻪ ﺋﯘ ﭘﯘل دەل ﮬﯧﺴﺴﯩﺒﺎخ ﺑﺎﻧﻜﯩﺴﯩﺪﯨﻦ ﺑﯘﻻﻧﻐﺎن ﭘﯘل ﺋﯩﻜﻪن. ﺑﯘﻧﻰ ﺋﺎﯕﻠﯩﻐﺎن ﺳﯧﺪﺗﺎرﻧﯩﯔ ﺋﯩﻜﻜﻰ ﭘﯘﺗﻰ ﺷﯘ ﮬﺎﻣﺎن ﭘﺎﻟﻪچ ﺑﻮﻟﯘپ ﺗﯩﺰﻟﯩﻨﯩﭗ ﻗﺎﻟﺪﯨﺪە: _ ﺑﯘ ﺋﺎﭘﺘﻮﻣﻮﺑﯩﻞ ﺗﻮﺧﺘﯩﺘﯩﺶ ﺗﺎﺧﺘﯩﺴﻰ ﺋﯚﻣﺮۈﻣﺪە ﺋﻪڭ ﺋﯧﻐﯩﺮ ﺑﻪدەل ﺗﯚﻟﻪﺗﺘﻰ،_ دەپ ﻏﻮدۇرﯨﺪى. <تەرﺟﯩﻤﯩﻠﻪر.ﺗﻪرﻣﯩﻠﯩﺮى> ژۇرﻧﯩﻠﯩﻨﯩﯔ 2007_ﻳﯩﻠﻠﯩﻖ 4_ﺳﺎﻧﯩﺪﯨﻦ ﺋﺎﺑﺪۇﺷﯜﻛﯜر ﺋﺎﺑﺪۇﻛﯧﺮﯨﻢ ﺋﺎرﻏﯘ ﺗﻪرﺟﯩﻤﯩﺴﻰ