بەيدۇ تورى خەۋىرى لەگلەك تورى تەرجىمىسى .

جەڭ مەيدانىدا جىددىي ئەھۋالغا يۇلۇققاندا دالا ئاپتوموبىلى ياكى تىك ئۇچار ئايروپىلانغىلا تايىنىۋېلىشقا بولمايدۇ . بۇنىڭ ئۈچۈن ئامېرىكا ھەربىي تەرەپ ئىزچىل ئۇچالايدىغان خاممېرنى تەتقىق قىلىپ ،ئۇنىڭ قۇرۇقلۇقتا يول يۈرۈش بىلەن بىرگە تىك ئۇچار ئايروپىلانغا ئوخشاش كۆك ئاسماندا پەرۋاز قىلىشىنى ئۈمىت قىلغان ئىدى .

بۇ يىلنىڭ بېشىدا قارا چەۋەنداز دەپ ئاتالغان سۇدىمۇ قۇرۇقلۇقتىمۇ يۈرەلەيدىغان جەڭ ماشىنىسىنىڭ قۇملۇقتا تۇنجى قېتىم ئۇچقاندىكى كۆرۈنىشى يېقىندا توردا ئاشكارىلاندى . قارا چەۋەنداز ناملىق جەڭ ماشىنىسى قۇرۇقلۇقتا ماڭغاندا تۆت چاقلىق خاممېرى ماركىلىق ئاپتوموبىل بىلەن ھېچقانچە پەرقلەنمەيدۇ . قۇرۇقلۇقتا خەتەر كۆرۈلگەن ھامان بۇ جەڭ ماشىنىسى دەرھال تىك ئۇچار ئايروپىلانغا ئۆزگىرىپ خەتەرلىك جايدىن تېزلىكتە ئايرىلىدۇ .سەككىز پىرقىرىغۇچنىڭ ياردىمىدە ،قارا چەۋەنداز ناملىق جەڭ ماشىنىسىنىڭ ئۇچۇش سۈرئىتى سائىتىگە 241 كىلومېتىرغا يېتىدۇ . نۆۋەتتە تۇنجى قېتىم ئۇچقان قارا چەۋەنداز ناملىق جەڭ ماشىنىسى پۈتۈنلەي كومپيوتېر ئارقىلىق يىراقتىن كونترول قىلىنىدۇ .

ئامېرىكا ھەربىي تەرەپنىڭ پىلاننىڭ بويىچە ، بۇ جەڭ ماشىنىسى كەلگۈسىدە ماددىي ئەشيا تولۇقلاش ۋە يارىدارلارنى يۆتكەش قاتارلىق كۆپ خىل ۋەزىپىلەرنى ئۆتەيدىكەن . يىراق ئارىلىقتىن كونترول قىلىش بۇ جەڭ ماشىنىسىنىڭ ناچار ھاۋا رايى ۋە مۇھىتنىڭ چەكلىمىسىگە ئۇچرىماي ھەرقانداق ۋاقىتتا توسالغۇسىز يۈرەلەيدىغانلىقىدىن دېرەك بېرىدۇ .

ئامېرىكا ھەربىي دائىرلىرى كەلگۈسىدە قارا چەۋەنداز ناملىق جەڭ ماشىنىسىنى ئادەم ھەيدەيدىغان ، ھەم ئېھتىياجغا ئاساسەن ئادەم ھەيدەش بىلەن يىراق ئارىلىقتىن كونترول قىلىشنى ئۆزئارا ئالماشتۇرغىلى بولىدىغان قىلىپ لاھىيلەشنى ئەمەلگە ئاشۇرىدىكەن . ئەمما بۇ جەڭ ماشىنىسى يەر يۈزىدىن ئاران 3 مېتىر ئېگىزلىكتە ئۇچالايدۇ . تەخمىنەن 450 كىلوگرام يۈك تۇشالايدۇ . داۋاملىق ئۇچۇش ئىقتىدارى چەكلىك .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK