پايدىلىنىش ئۇچۇلىرى تورى 21- مارت خەۋىرى: باغداش تورىدىن: ئابلىمىت تەرجىمىسى

ئامېرىكا بلۇمبېرىگ ئاخبارات تورىنىڭ 3- ئاينىڭ 17- كۈنىدىكى خەۋىرىگە قارىغاندا، گەرچە 2014- يىلدىن بۇيان ئامېرىكا دوللىرىنىڭ قىممىتى ئىزچىل ئۆسكەن بولسىمۇ، ئامېرىكا ياسىمىچىلىق كەسپى يەنىلا ئىشلەپچىقىرىش ئۈنۈمىنىڭ يەر شارى بۇيىچە 1- ئورۇندا تۇرىدىغانلىقى، ئەمگەك كۈچى بازىرىنىڭ جانلىقلىقى، تۆۋەن باھالىق ئېنېرگىيە مەنبەسى ۋە غايەت زور دۆلەت ئىچى بازىرى قاتارلىق ئامىللار سەۋەبدىن كۆپ مەنپەئەتكە ئېرىشكەن. بۇ ئوكسفورد ئىقتىسادى مەسلىھەتچىلىك جەمئىيىتىنىڭ بىر تۈرلۈك يېڭى تەتقىقاتىنىڭ خۇلاسىسى بولۇپ ھېسابلىنىدۇ. مەزكۇر تەتقىقات ئورنىنىڭ بايقىشىچە، ئامېرىكا ياسىمىچىلىق كەسپىنى يەنىلا « جاھاندا تەڭدىشى يوق » دېيىشكە بولىدىكەن.

خەۋەردە يەنە مۇنداق دېيىلگەن: سانلىق مەلۇماتلار كىشىگە چوڭقۇر تەسىر بېرىدۇ، ئامېرىكىدا ھەر بىر ياللانما خادىمنىڭ ياسىمىچىلىق كەسپىدىكى مەھسۇلات ئىشلەپچىقىرىش مىقدارى 2003- يىلدىن 2016- يىلغىچە بولغان ئارىلىقتا %40 ئاشتى، ئەمما گېرمانىيە ۋە ئەنگىلىيەنىڭ ئايرىم-ئايرىم %15 ۋە %30 ئاشتى. گەرچە ھىندىستان بىلەن جۇڭگونىڭ ئىشلەپچىقىرىش ئۈنۈمى بىر ھەسسە ئاشقان بولسىمۇ، ئەمما ئامېرىكىنىڭ ئىشلەپچىقىرىش ئۈنۈمى يەنىلا بۇ ئىككى دۆلەتنىڭ ئىشلەپچىقىرىش ئۈنۈمىدىن %80~%90 كىچە يۇقىرى.

ئىككى تەھلىلچى يەنە مۇنداق دېگەن: جۇڭگودا ئىش ھەققىنىڭ ئۆسۈش چاستۇتىسى ئىشلەپچىقىرىش ئۆنۈمىنىڭ ئۆسۈش چاستۇتىسى ۋە خەلق پۇلىنىڭ قىممىنىڭ ئېشىش قەدىمىدىن تېز بولغانلىقتىن، جۇڭگونىڭ بىرلىك ئەمگەك كۈچى تەننەرخى ئامېرىكىنىڭكىدىن پەقەت %4 لا تۆۋەن.