-
2011-01-11
جان ئىچىدە - [سەرخىل گۈللەر بېغى]
جان ئىچىدە
ئابدۇقادىر جالالىدىن
مېھمىنىم بار مېھمان ئىچىدە،
ساھىبخان مەن گۈلخان ئىچىدە.
بولسۇن دېدىم ھالىمنى ئايان،
چاينىڭ ئىچىدە، نان ئىچىدە.
مېھمىنىم بار مېھمان ئىچىدە،
ساھىبخان مەن گۈلخان ئىچىدە.
بىر تۈپ رەيھان ئۆستۈرۈپ قويدۇم،
ئەلگە پىنھان ئىمان ئىچىدە،
بىلسەڭ ئۇنى باھارىم مەڭگۈ،
تەننىڭ ئىچىدە، جان ئىچىدە.
مېھمىنىم بار مېھمان ئىچىدە،
ساھىبخان مەن گۈلخان ئىچىدە.
(1986-يىل. قەشقەر)
收藏到:Del.icio.us