جۇڭگو ئاخبارات تورىنىڭ 6-ئاۋغۇست خەۋىرى: دۇنيا سەھىيە تەشكىلاتى 8-ئاينىڭ 6-كۈنى ئېلان قىلغان ئەڭ يېڭى دوكلاتتا دېيىلىشىچە، 8-ئاينىڭ 4-كۈنىگىچە، گۋېنىئا، لىبىرىيە، سېرالىئون ۋە نېگىرىيەدە جەمئىي دوكلات قىلىنغان ئېبولا ۋىرۇسىدا يۇقۇملانغان بىمار 1711 يەتكەن، ئۇلارنىڭ 932 نەپىرى ئۆلگەن. دۇنيا سەھىيە تەشكىلاتى 6-ئاۋغۇست جىددىي يىغىن ئېچىپ يۇقۇم ئەھۋالىنى مۇزاكىرە قىلغان.
دۇنيا سەھىيە تەشكىلاتى دېيىشىچە، گۋېنىئادا بۇ ۋىرۇس بىلەن ئۆلگەنلەر يەنىلا ئەڭ كۆپ بولۇپ، 363 بىمار قازا قىلغان. بۇ دۆلەتتە بىمارنىڭ سانى 495 كە يەتكەن. سېرالىئون نۆۋەتتە يەنىلا يۇقۇملانغانلار ئەڭ كۆپ دۆلەت بولۇپ، نۆۋەتتە 691 بىمار بايقالغان، بۇنىڭدا 286 ئادەم ئۆلگەن.
دۇنيا سەھىيە تەشكىلاتى بىرلا ۋاقىتتا نۆۋەتتە ئامېرىكا ۋە فىلىپپىندا ئېبولا ۋىرۇسى بىلەن يۇقۇملىنىش دوكلاتىنى تاپشۇرۇۋالمىغان. ئامېرىكا كېسەللىكلەرنى كونترول قىلىش ۋە ئالدىنى ئېلىش مەركىزى بىلدۈرۈشىچە، ئېبولا ۋىرۇسىغا قارىتىلغان يېڭى دورا تېخى سىناق باسقۇچىدا بولۇپ، نۆۋەتتە يەنىلا ئېبولا ۋىرۇسىنىڭ ئالدىنى ئالىدىغان ۋاكسىنا يوق ئىكەن.
