يەر شارى تورىنىڭ 12-ئىيۇندىكى خەۋىرى (ئانا تۇپراق تورى تەرجىمىسى): رۇسىيە ئاۋازى رادىئو ئىستانسىسى 6-ئاينىڭ 12-كۈنى خەۋەر قىلىشىچە، ش ئا ئە ت دىكى ئەمەلدارلارنىڭ بىلدۈرۈشىچە، ش ئا ئە ت كېڭىشى 11-ئىيۇن ئىراق موسۇل شەھىردە يۈز بەرگەن تۈركىيەنىڭ دىپلوماتىيە خادىملىرىنى تۇتقۇن قىلىش ۋەقەسى ھەققىدە جىددىي يىغىن ئاچقان. يىغىن تۈركىيەنىڭ تەلىپى بويىچە ئېچىلغان بولۇپ، يىغىندا كېڭەشكەن.
ئۇنىڭ دېيىشىچە، تۈركىيە ش ئا ئە ت دىكى شىرىكلىرىگە موسۇلنىڭ ئەھۋالىنى دوكلات قىلغان، تۈركىيەنىڭ باش كونسۇلنى ئۆز ئىچىگە ئالغان پۇقرالىرى موسۇلدا تۇتقۇن قىلىنغان.
ئۇنىڭ كۆرسىتىشىچە، بۇ يىغىندا ش ئا ئە ت ئەھدىنامىسىنىڭ 4-ماددىسىنى ئىشقا سېلىش مەسىلىسىنى سۆھبەتلەشمىگەن. مەزكۇر ماددىدا ئەگەر بىرەر ئىتتىپاقدىشى ئۆز زېمىنىنىڭ پۈتۈنلىكىگە تەھدىت كۆرۈلدى دەپ قارىسا، ش ئا ئە ت دىكى ئىتتىپاقداشلىرى بىلەن كېڭىشىشى بەلگىلەنگەن. ئۇ يەنە ش ئا ئە ت نىڭ نۆۋەتتە تۈركىيە دائىرلىرىنىڭ ھېچقانداق ياردەم تەلىپىنى تاپشۇرۇۋالمىغانلىقىنى ئېيتقان.
ئاشقۇن قوراللىق تەشكىلات «ئىراق ۋە لەۋەنت ئىسلام دۆلىتى»نىڭ ئەزالىرى 6-ئاينىڭ 11-كۈنى تۈركىيەنىڭ موسۇلدا تۇرۇشلۇق كونسۇلخانىسىنى ئىشغال قىلىۋېلىپ، باش كونسۇل، دىپلوماتىيە ئەمەلدارى ۋە باشقا خىزمەتچى خادىملاردىن بولۇپ 49 ئادەمنى تۇتقۇن قىلىۋالدى. دەسلەپكى ماتېرىياللاردا كۆرسىتىلىشىچە، ئۇلار نۆۋەتتە قوراللىق ئۇنسۇلارنىڭ شەھەر ئىچىدىكى باش ئىشتابىدا ئىكەن.
پۈتكۈل نىنىۋىيە ئۆلكىسى قوراللىق ئۇنسۇرلارنىڭ كونتروللىقىدا تۇرماقتا. ئۇلار يەنە كىركۇك ئۆلكىسىنىڭ بىر قاتار ئاھالىلەر رايونى ھەمدە شىمالدىكى سالاھىدىن ئۆلكىسىنىڭ مەركىزى تىكرىت شەھىرىنى ئىشغال قىلىۋالدى.
ئانا تۇپراق تورى تەرجىمە قىلدى.
