سوسىلو بىلەن روھانى ئىسرائىلىيەنىڭ ھۇجۇمىنى توسۇشنى مەسلىھەتلەشتى

جۇڭگو ئاخبارات ئاگېنتلىقى جاكارتا 12-ئىيۇل تېلگىراممىسى. ھىندونېزىيە زۇڭتۇڭى سوسىلو يېقىندا ئۇزۇن يوللۇق تېلېفون ئارقىلىق ئىران زۇڭتۇڭى روھانى بىلەن سۆزلىشىپ، ئىسرائىلىيەنىڭ قوراللىق ھۇجۇم ھەركىتىنى قانداق ھەمكارلىشىپ توسۇشنى مەسلىھەتلەشتى.
شۇ يەردىكى تاراتقۇلار 12-ئىيۇل سوسىلونىڭ تېلېفوندا قىلغان سۆزىنى نەقىل كەلتۈرۈپ، سوسىلونىڭ يېقىندا ئىش بېجىرىش ئورنىدا ئىچكى كابېنت ئومۇمىي يىغىنى ئۆتكۈزۈپ، زۇڭتۇڭ سايلىمى ئۆتكۈزۈلگەندىن كېيىنكى ھىندونېزىيەنىڭ ئەڭ يېڭى ۋەزىيىتى ۋە پەلەستىننىڭ غەززا رايۇنىدا يۈز بەرگەن ئۇرۇشنى ئۆز ئىچىگە ئالغان بىرقانچە تۈرلۈك قارالمىلارنى مۇزاكىرە قىلغانلىقىنى ئېيىتتى. خەۋەردە غەززادا يۈز بەرگەن سىياسىي زوراۋانلىققا قارىتا ھىندونېزىيەنىڭ 45 يىلىق ئاساسىي قانۇنغا ئاساسەن ئىزچىل پەلەستىننىڭ مۇستەقىللىقىنى قوللاپ كەلگەنلىكى، بۇ قېتىمقى ئىچكى كابېنت يىغىنىدا ھىندونېزىيە ھۆكۈمىتىنىڭ ئىسرائىلىيەنىڭ ھەربىي ھۇجۇمىغا ئۇچراۋاتقان ۋە ئىنتايىن خەتەر ئىچىدە تۇرىۋاتقان پەلەستىن خەلقىگە كۆڭۈل بۆلگەنلىكى ھەمدە ھۆكۈمەتنىڭ بۇندىن كېيىن قوللىنىشقا تېگىشلىك قەدەم-باسقۇچلىرى ئويلىشىلغانلىقى ئېيتىلدى.