ئېسىمدە قېلىشىچە، ئالما مەھسۇلاتلىرى ئۇچۇرلىرى، ھەر خىل ئەپ ئۇچۇرى بىلەن تەمىنلەيدىغان، ئانچە-مۇنچە ئايفون ۋە فوتوگراپچىلىق تېخنىكىسى بىلەن ھەپىلىشىدىغان پاسىبان ئاغامنىڭ بلوگىنى ئايفوندا زىيارەت قىلسا شۇنداق پەچچەت چىقاتتى، ئىچىم قىزىغانتى دېسە. ئەمدى بىلسەم، بۇنىمۇ قىستۇرما ئارقىلىق جايلايدىكەنمىز. خوش، بىر قانچە سائەت ئىزدىنىشىم ئاستىدا ئەقلىيفونلاردا بلوگنى رەتلەپ چىقىرىپ بېرىدىغان قىستۇرما WPtouchنىڭ كۆرۈنمە يۆزىنى ئۇيغۇرچىلاشتۇرۇپ چىقتىم، ماڭا ئىشىنىڭكى، ئەمدى ھەر قانداق تېلىفوندا بلوگىمىز پەچچەت چىققۇسى!…

قىستۇرما ھەققىدە

يىقىندا سەزمە ئىكرانلىق ئۈسكۈنىلەرنىڭ جاھاننامە ئىقتىدارى قوللىنىشمچانلىققا قاراپ يۈزلەنگەن بولسىمۇ ، كىچىك ئىكرانلىق ئالاقىلىشىش ئۈسكۈنىلىرىنىڭ توربەتنى زىيارەت قىلغاندىكى ئۈنۈمى ئادەمنى قانائەتلەندۈرەلمىگەچ ، بلوگگېرلارنى يېڭىچە ئۇسۇلدا بلوگنى تېلىفوندا ئەپلىك، ئاز ھەجىم ئىگەللەيدىغان قىلىشنى ئارزۇ قىلاتتى. ئەلۋەتتە، بۇنداق قىستۇرمىلار WordPress ساھەسىدە ناھايىتى كۆپ، بۈگۈن بلوگگېر تورداشلارغا تونۇشتۇرغان بۇ قىستۇرما بولسا دەل مۇشۇ قىستۇرمىلار ئىچىدە ئەڭ ئۈنۈملۈك ۋە ئەڭ ئىقتىدارلىق بولغان بىرى بولۇپ، ئەڭ مۇھىمى بۇ قىستۇرمىنىڭ تېلىفون كۆرۈنمە يۆزىدىكى ھالىتى – ئۇيغۇرچە!…

قىستۇرما ئالاھىدىلىكى

WPtouchقىستۇرمىسى -  iPod, iPhone, iPad, Android, 黑莓, Palm OSقاتارلىق كۆپ ئىشلىتىلىدىغان سەزمە ئۈسكۈنىلەردە ۋوردپرېسدە قۇرۇلغان بېكەت ياكى بلوگنى باشقىچە ئۈنۈمدە زىيارەت قىلىنىشنى قوللايدۇ. خالىسىڭىز ئاشۇ ئۈسكۈنىلەردىكى كۆرۈنۈش شەكىللىرى ياكى پاسونلىرىنىمۇ ئۆزىڭىزنىڭ خاھىشىدا تەڭشىۋالسىڭىز بولىدۇ. ئەلۋەتتە، بۇ قىستۇرمىنىڭ ھەقلىق نەشىرىدە قىلالايسىز. ئەمما بىز ئىشلىتىۋاتقان ھەقسىز نۇسخىسىمۇ بولاپ قويىدۇ. سىزگە دېسەم، ھەقسىز نەشىرىنىڭمۇ ئىقتىدارى ناھايتى كۈچلۈك بولۇپ ، مەنچە ھەقلىق نەشىرىنى ئىشلىتشنىڭمۇ ھاجىتى يوق . ئەگەر ئۇسلۇبقا ئېنىقلىما بىرىشكە توغرا كەلسە ، پەقەت defaultنى ئۆزگەرتىش ئارقىلىق بۇ مەقسەتكە يەتكىلى بولىدۇ . قىستۇرما تەمىنلىگەن ئاشۇ كۈچلۈك ئۆزى ئېنىقلىما بىرىش ئىقتىدارىنىڭ شەخسى بىلوگلارغا نېسبەتەن ھىچقانچە پايدىسى بولمىسىمۇ ، ئەمما تەكشى ئىكرانلىق ئۈسكۈنىلەرنىڭ ئىكران چوڭ ، تور بەت سىغدۇرمىچانلىقىنى ئاشۇرۇشتا ئالاھىدە ئۈنۈملۈك بولسا كېرەك.

ئۇنىڭدىن باشقا، قىستۇرما تەمىنلىگەن سۈكۈتتىكى ئۇسلۇپ ئىقتىدارى ناھايتىمۇ كۈچلۈك بولۇپ ، ھەتتا AJAXنىڭ يازما يوللاش ئىقتىدارىمۇ بار . ئەمما بەت يۈزى قۇرۇلمىسى ياخشى بولمايلا قالماي ، قول تىقىپ ئشلەشنى خالايدىغان ساۋاقداشلارنىڭ ئۆزگەرتىشىگە ۋە ئەلالاشتۇرۇشىغا قالدۇرۇلدى .

قىستۇرمىنىڭ ئۈنۈمىدىن كۆرۈنۈشلەر

يۇقارقىسى كەمىنىنىڭ Iphone 3GS قورالىدا ئۇيغۇربەگنىڭ كەپىسىنى زىيارەت قىلغاندىكى كۆرۈنۈشلەر.

قىستۇرمىنى چۈشۈرۈش & چۈشۈرۈش

ئەسكەرتىش: مەزكۇر قىستۇرمىنى تارقىتىپ بولغۇچە، ئورگان تەرەپتىن يېڭى نەشىرىنى تارقىتىپ بوپتۇ، قاچىلاپ ئىشلەتكەن تورداشلارنىڭ ئالدىراپ يېڭىلىۋەتمەسلىكىنى ئۈمىد قىلىمىز، مەلۇم سەۋەبلەر تۈپەيلى قىستۇرمىدىكى خاتالىق ياكى كۆرۈلگەن مەسىلىلەرنى ئوڭشاش پىلانىمىز يوق، ئۆزىمىزمۇ كۆپ قېتىم سىناپ ئاندىن تارقاتقان ئىدۇق، قىستۇرمىنى قاچىلاپ قوزغىتىپ قويساڭلارلا بولىدۇ.