يېقىندا 腾讯 شىركىتى يېڭى بىر ئەۋلاد WebQQ مەھسۇلاتىنى ئوتتۇرىغا چىقاردى، بۇ قېتىم ئوتتۇرىغا چىققان WebQQ 2.0 دە 腾讯 نىڭ ئاساسەن بارلىق مۇلازىمەتلىرى بىرىكتۈرىۋېتىلگەن بولۇپ، بۇ ھەرگىزمۇ ئەسلىدىكى ئاددى ھالدىكى WebQQ ئەمەس ئىدى، بۇ مۇلازىمەتلەر ئىچىدە ئىزدىگۈچ، توركۆرگۈ، WebQQ، مۇزىكا، ئېلخەت، مىكرو بلوگ، كىرگۈزگۈچ قاتارلىق ئىقتىدارلار قوشۇلغان بولۇپ، تورغا يۆتكەلگەن مەشغۇلات سىستىمىسى(WebOS)نىڭ دەسلەپكى گەۋدىسىنى شەكىللەندۈرۈپ بولغان ئىدى…

بەلكىم سىز توركۆرگۈ يۈزىدە F11 كۇنۇپكىسىنى باسقان چېغىڭىزدا ئاندىن مەلۇم نەرسىلەرنى ھېس قىلىشىڭىز، WebQQ2.0 نىڭ ھەرگىزمۇ ئاددى ھالدىكى پاراڭلىشىش قورالى ئەمەسلىكىنى، ئۇنىڭ بىر مۇكەممەل ھالدىكى Web مەشغۇلات سېستىمىسى يۆنىلىشىگە قاراپ ماڭغانلىقىنى ھېس قىلىشىڭىز مۇمكىن. سىز بۇ تور مەشغۇلات سېستىمىسىدا ھەرخىل مۇلازىمەتلەر ئارقىلىق ئۆز ئېھتىياجىڭىزنى قاندۇرسىڭىز بولىدۇ. بۇ قېتىم Google نىڭ ChromeOS مەشغۇلات سېستىمىسى بازارغا سېلىنماي تۇرۇپلا، 腾讯 يېڭى بىر ئەۋلاد تور مەشغۇلات سېستىمىسى ئۇقۇمىنى بىزگە تاشلاپ بەردى، ئەمدى بۇنىڭدىن قانداق پايلىنىش، قانداق تەرەققى قىلدۇرۇش پۈتۈنلەي بىزگە باغلىق.
ئەلۋەتتە WebQQ 2.0 غا ئوخشاش بۇ خىل توردىكى مەشغۇلات سۇپىلىرىنىڭ ئىستىقبالىنى ئىنتايىن پارلاق دەپ ئويلايمەن، 腾讯 نىڭ بۇ مەھسۇلاتىنىڭ تەقدىرى قانداق بولىدۇ؟ بۇ ھەقتە يەنىلا تورداشلار بىلەن ئۆز-ئارا پىكىر ئالماشتۇرۇپ بېقىشنى بەكمۇ خالايمەن.

WebQQ 2.0 نىڭ مەنزىلى | مەنبەسى: torhumar.com