بىر قىسىم سېستىمىنى يېڭىدىن قاچىلىغان دوستلار ئۈچۈن، ئەڭ ئاۋال قىلىدىغان ئىش : بارلىق قاتتىق دېتاللارنىڭ قوزغاتقۇچ پروگراممىسىنى قاچىلاپ، نورمال خىزمەت ھالىتىگە ئەكىلىش. گەرچە مىكروسوفتنىڭ ئەڭ يېڭى مەشغۇلات سېستىمىسى Windows 7 ئۆزىدە زور تۈركۈمدىكى قاتتىق دېتال قوزغاتقۇچ پروگراممىلىرىنى تەمىنلىگەن بولسىمۇ، بىراق بىر قىسىم يېڭى سېتىۋېلىنغان كومپيۇتېرلاردىكى ئۈسكۈنىلەر ياكى ئىلگىرىكى قاتتىق دېتاللىرىمىزنىڭ ئەڭ يېڭى قوزغاتقۇچ پروگراممىلىرىنى تېپىپ قاچىلاشتا قىينىلىمىز. ئۇنداقتا قانداق قىلىش كېرەك؟

驱动精灵 بولسا دەل مۇشۇ ئېھتىياجنى چىقىش قىلىپ تۈزۈلگەن يۇمشاق دېتال بولۇپ، سىزگە ياردەملىشىپ كومپيۇتېرىڭىزدىكى مۇتلەق كۆپ قىسىم قاتتىق دېتاللار، مەسىلەن، پرىنتېر، سىنكارتا، ئۈنكارتا، ئاساسى تاختا قاتارلىقلارنىڭ ئەڭ يېڭى قوزغاتقۇچ پروگراممىسىنى ئاپتوماتىك ئىزدەپ تېپىپ ئورنىتىپ بېرەلەيدۇ. ئەلۋەتتە، ئەڭ يېڭى قوزغاتقۇچ پروگراممىسى سىزنىڭ قاتتىق دېتاللىرىڭىزنىڭ ئەڭ ياخشى خىزمەت ھالىتىگە كېلىشىنىڭ ئالدىنقى كاپالىتى بولۇپ ھېسابلىنىدۇ.

تەدبىركارنىڭ كومپيۇتېرىنىڭ سەپلىمىسى بىر قەدەر كونا بولۇپ، Windows 7 نى قاچىلىغاندىن كېيىن، ئۈنكارتىدىن باشقا بارلىق قاتتىق دېتاللارنىڭ قوزغاتقۇچ پروگراممىلىرىنى سېستىما ئۆزى ئاپتوماتىك ئورناتقان ئىدى. بىراق يېقىندىن بېرى بىر مەسىلە مېنى بەك بىئارام قىلىشقا باشلىدى. يەنى FireFox تا تور بېكەت زىيارەت قىلغان ۋاقتىمدا، ناۋادا شۇ تور بېكەتتە Flash ئېلىمېنتى بىر قەدەر كۆپ بولسا، ئۇ ھالدا CPU بىردەمدىلا 90% كە چىقىۋالاتتى. ئەلۋەتتە، بۇنىڭدىن باشقا يەنە سىنكارتامنىڭ Windows XP دىكى بىر قىسىم تەڭشەكلىرىنى Windows 7 دىن تاپالماي قالغان ئىدىم. تاساددىپىي پۇرسەتتە، 驱动精灵 نى ئىشلىتىش جەريانىدا، بۇ قورالنىڭ قوزغاتقۇچ پروگراممىلارنى ئاپتوماتىك ئىزدەپ تېپىپ يېڭىلاپ بېرىش ئىقتىدارى بارلىقىنى بايقاپ قالدىم ۋە توردىن ئەڭ يېڭى نەشىردىكى 驱动精灵 2011 Beta نۇسخىسىنى چۈشۈرۈپ سىناپ باقتىم. قىسقىغىنە تەكشۈرۈشتىن كېيىن، 驱动精灵 مېنىڭ ئۈنكارتا، سىنكارتا، توركارتىسى، ئاساسى تاختا قاتارلىق قاتتىق دېتاللىرىمنىڭ قوزغاتقۇچ پروگراممىسىنىڭ ئەڭ يېڭى ھالەتتە ئەمەسلىگىنى، يېڭىلاش ئارقىلىق تېخىمۇ يۇقىرى بولغان خىزمەت ئۈنۈمىگە ئېرىشەلەيدىغانلىقىمنى ئەسكەرتتى. شۇنىڭ بىلەن ھەممىسىگە يېڭىلاش بۇيرۇقى بېرىپ قويدۇم. 10 مىنۇت ئىچىدە بارلىق قوزغاتقۇچلارنى تېپىپ يېڭىلاپ بولدى ۋە قايتا قوزغىتىش ئۇچۇرى كۆرۈندى. قايتا قوزغاتقاندىن كېيىن، تۇنجى ھېس قىلغىنىم، مەشغۇلات سۈرئىتى ئىلگىرىكىدىن روشەن راۋانلىشىپتۇ، ئەڭ مۇھىمى FireFox تا Flash قىستۇرۇلغان بېكەتنى زىيارەت قىلغىنىمدا، سۈرئەت بۇرۇنقىدىن خېلىلا كۆرۈنەرلىك دەرىجىدە تېزلەشكەنلىكىنى بايقىدىم.

驱动精灵 2011 نىڭ ئاساسلىق كۆرۈنمە يۈزى:

ناۋادا، سىزمۇ قاتتىق دېتاللىرىڭىزنىڭ قوزغاتقۇچ پروگراممىسىنى تاپالمايۋاتقان بولسىڭىز، ياكى ئەڭ يېڭى ھالەتتىكى قوزغاتقۇچ پروگراممىلىرىنى ئورناتماقچى بولسىڭىز، ئۇنداقتا 驱动精灵 بىر سىناپ بېقىشىڭىزغا ئەرزىيدۇ.

چۈشۈرۈش مەنزىلى:

驱动精灵 2011 Beta |    مەنبە: torhumar.com