Adobe CS2 رەسمىي نەشىرى يۈرۈشلۈكلىرى پۈتۈنلەي ھەقسىز | Photoshop/Illustrator/Acrobat/Premiere
Adobe نىڭ يۈرۈشلۈك مەھسۇلاتلىرىنى تىلغا ئالغاندا، كۆپچىلىكنىڭ ئېسىگە تۇنجى بولۇپ كېلىدىغىنى Photoshop بولۇشى مۇمكىن. لايىھەلەش ساھەسىدە ھۆكۈمرانلىق ئورنىدا تۇرۇۋاتقان بۇ يۇمشاق دېتال تاكى ھازىرغىچە ئورنىنى تېخى بوشاتقىنى يوق. لېكىن، سۈرەت لايىھەلەشنى قىلچە بىلمەيدىغان تورداشلارمۇ ئارزۇلاپ قاچىلىۋالىدىغان بۇ يۇمشاق دېتالنىڭ نەچچە مىڭ دوللار ئىكەنلىگىنى بەلكىم خېلى كۆپ تورداشلار بىلمەسلىگى مۇمكىن.
بىراق، بۈگۈن كىشىنى خۇشال قىلىدىغان يەنە بىر خەۋەر يېتىپ كەلدى! Adobe شىركىتى ھازىر ئورگان تەرەپتىن Creative Suite 2 Premium(قىسقارتىلىپ CS2 دەپ ئاتىلىدۇ) يۈرۈشلۈك مەھسۇلاتلىرىنى پۈتۈنلەي ھەقسىز چۈشۈرۈش ۋە ئاكتىپلاشقا تەمىنلەپتۇ! بۇ تورداشلار ئۈچۈن، ھېچ بولمىسا ئاز بىر قىسىم تورداشلار ئۈچۈن ئالاھىدە خۇشخەۋەر بولۇپ ھېسابلىنىدۇ!
Windows 8 ھەقىقىي نەشىرى پەقەت 98 يۈەنگە تەمىنلەنگەندىن كېيىن، نۇرغۇن تورداشلار ئوغرىلىقچە ئىشلىتىۋاتقىلى 10 يىلدىن ئاشقان ساختا سىستېما بىلەن خوشلاشقان ئىدى، گەرچە نۇرغۇن يۇمشاق دېتاللارنىڭ ئورنىغا ئىقتىدارى شۇنىڭ بىلەن تەڭ، ھەتتا ئېشىپ چۈشىدىغان ھەقسىز يۇمشاق دېتاللارنى دەسسەتكىلى بولسىمۇ، بىراق Adobe Photoshop نىڭ ئورنىغا دەسسەتكۈدەك تۈزۈك نامزات يوق ئىدى. بۇ ماڭا ئوخشاش ھەقىقىي نەشىردىكى مەشغۇلات سىستېمىسىدا ھەقىقىي نەشىردىكى يۇمشاق دېتاللارنى ئىشلىتىشنى ئىستەپ يۈرگەن تورداشلار ئۈچۈن ئىلاجىسىزلىقتىن باشقا نەرسە ئەمەس ئەلۋەتتە.
ھازىر مانا ئاخىرى ئورگان تەرەپتىن Indesgn/InCopy/Audition/Premiere/Acrobat pro/Illustrator ۋە Photoshop لارنى ئۆز ئىچىگە ئالغان ھەقسىز Adobe CS2 يۈرۈشلۈكلىرى تەمىنلىنىپتۇ، بىر يۈرۈش CS يۇمشاق دېتاللىرىنىڭ باھاسى 1.5 تۈمەندىن ئاشىدۇ، يالغۇز PS نىڭ ئۆزىلا 4000 سوم! گەرچە Adobe ھەقسىز تەمىنلەنگەن يۈرۈشلۈكلەر ئەڭ يېڭى CS6 بولمىسىمۇ، بىراق ھېلىھەم كىشىنى ھەيران قالدۇرغۇدەك دەرىجىدە دېيىشكە بولىدۇ.
ھەقسىز ھەقىقى نەشىردىكى Adobe CS2 يۈرۈشلۈكلىرى ھەققىدە:
نەچچە يىللار ئاۋال بىر لايىھەلىگۈچى ماڭا، Photoshop نىڭ %30 ئىقتىدارىنى بىلسىڭىز پۈتۈنلەي ھاجىتىڭىزدىن چىقالايسىز دېگەن ئىدى. گەرچە Adobe CS2 يۈرۈشلۈكلىرى نەچچە يىلنىڭ ئالدىدىكى كونا مەھسۇلات بولسىمۇ، بىراق ئەمەلىيەتتە ئىقتىدار جەھەتتە ئەڭ يېڭى CS6 بىلەن ئۇنچە كۆپ پەرقمۇ يوق، خېلى كۆپ تورداشلارنىڭ ھاجىتىدىن تامامەن چىقالايدۇ. ئۇنىڭدىن باشقا، بۇ يۈرۈشلۈكلەرنىڭ Windows نەشىرىدىن باشقا يەنە، Mac نەشىرىمۇ تەمىنلەنگەن. بۇ بىر قىسىم ئالما مەھسۇلاتلىرى بىلەن قىزغىن مۇھەببەتلىشىۋاتقان تورداشلار ئۈچۈن تېخىمۇ ھاياجانلىنارلىق خۇشخەۋەر ھېسابلىنىدۇ.
كىشىنى بىر ئاز ئۈمىدسىزلەندۈرىدىغان يېرى شۇكى، بۇ قېتىم ھەقسىز تەمىنلەنگەن Adobe CS2 يۈرۈشلۈكلىرى پۈتۈنلەي ئېنگلىزچە، ناۋادا سىزنىڭ ئېنگلىزچىڭىز ياخشى بولسا، ئۇنداقتا سىزگە So Easy، ناۋادا ئۇنداق بولمىسا، بەك ئەنسىرەشنىڭمۇ ھاجىتى يوق. ئىشقىلىپ دائىم PS ئىشلىتىپ كېلىۋاتقان سىز ئۈچۈن، قايسى كۇنۇپكا ۋە تىزىملىكنىڭ نېمە ئىقتىدارى بارلىقى يادقا بولۇپ كەتتىغۇ دەيمەن؟ تېزلەتمە كۇنۇپكا ئارقىلىق PS ئوينايدىغان ئۇستىلارغىغۇ گەپ كەتمەس. ئۇنىڭدىن باشقا، بۇ قېتىملىق ھەقسىز تەمىنلەش پائالىيىتى قاچانغىچە داۋاملىشىدۇ بۇ تېخى ئېنىق ئەمەس. ئالدىنقى كۈنى ئېلان قىلىنغان بىر پارچە خەۋەردە دېيىلىشىچە، Adobe شىركىتى 2-ئاينىڭ 13-كۈنىدىن باشلاپ CS2 يۈرۈشلۈكلىرى ۋە Acrobat 7 نىڭ ئاكتىپلاش مۇلازىمېتىرىنى توختىتىدىكەن، شۇڭا تورداشلارنىڭ يەنىلا ۋاقىتنى چىڭ تۇتۇشىنى ئۈمىد قىلىمەن.
Adobe CS2 Premium گە ھەقسىز ئېرىشىش:
Adobe CS2 Premium كەسپىي نەشىرىنى چۈشۈرۈش بېتىگە كىرىپ، Adobe CS2 يۈرۈشلۈكلىرى ياكى يۈرۈشلۈكلەر ئىچىدىكى ئايرىم يۇمشاق دېتاللارنىڭ Windows ياكى Mac نۇسخىسىنى تاللاپ چۈشىرىۋالساق بولىدۇ. ھەر بىر مەھسۇلاتنىڭ ئوڭ تەرىپىدە ھەقىقىي نەشىرىگە خاس بولغان قاچىلاش تەرتىپ نومۇرى بار.
Adobe CS2 Premium كەسپىي نەشىرىنى چۈشۈرۈش بېتى: مەرھەمەت | مەنبە: تورخۇمار
- يازمىنىڭ ئـورنى: [يۇمشاق دېتاللار]
- ھالقىلىق ســــۆز: Adobe، photoshop، ps، سۈرەت، لايىھەلەش، يۇمشاق دېتال، ھەقسىز
- يازمــا ئاۋاتلىقى: ھازىر نەقمەيدان كەيپىياتى ئۆلچىنىۋاتىدۇ...
- يوللانـغان ۋاقىت: 2013-يىلى 01-ئاينىڭ 08-كۈنى
- يازما مەنزىلى: adobe-cs2-free.html [كۆچۈرىۋېلىش] (باشقا يەردە مەنبە ۋە ئۇلانمىنى ئەسكەرتىپ ئېلان قىلسىڭىز بولىدۇ)
- ئالدىنقى يازما > IE 10 رەسمىي نەشىرى – Windows 7 دە ئىشلەيدىغان Internet Explorer 10 تور كۆرگۈسى ئېلان قىلىندى
- كېيىنكى يازما > iPhone دىكى كۆپ تىللىق ھەقسىز لۇغەت – بىلكان كۆپ تىللىق لۇغىتى ۋە بىلكان ئەرەپچە لۇغىتى
- 404 خاتالىق ئۇچۇرى: كۆرىۋاتقىنىڭىز فوتو-سۈرەت ئەمەس، كۆزىڭىزگە ئالدانماڭ!
- راست-يالغانلىقىنى ئۇققىلى بولمايدىغان سۈرەت – پىرىنسىپى زادى قانداقتۇ؟ ئەجىبا ھۆججەتنى ئېچىش ئۇسۇلىمدىكى خاتالىقمىدۇ؟
- 美图秀秀 نى تاشلاڭ ئەمدى، PhotoShop مۇ يانفۇنغا كۆچتى | كۆچمە نۇسخىدىكى PhotoShop Touch
- قىزىلكۆزلەر دىققەت: نېمىشقا چاقماق لامپا(闪光灯) ئىشلىتىپ سۈرەت تارتقاندا ئادەمنىڭ كۆزى قىزىل چىقىپ قالىدۇ؟
- تاتلىق ئەسلىمە-ئاچچىق ھەقىقەت | Goldberg بىر ئائىلە كىشىلىرىنىڭ ھايات مۇساپىسىدىكى تەدىرىجى تەرەققىياتى
- iOS سۇپىسىدىكى مېۋە چاناش تۈرىدىكى بىر يۈرۈش ئويۇنلار بۈگۈن ھەممىسى پۈتۈنلەي ھەقسىزكەن!
- كومىدىيە ۋە مۇھەببەتكە تولغان بىر يۈرۈش ئالبوم – دۇنيادىكى ئەڭ ياخشى ئاتا
- شىشىخالدا رەسىم ياساش، ھەرقانداق رەسىمىڭىزنى نەچچە سكونتتىلا شىشىخالدا ياسالغان رەسىمگە ئايلاندۇرغىلى بولىدۇ
- ئىككى يىگىت 1993-يىلى Flash نى ئىجاد قىپتىكەن، ھازىر ئۇلار نېمە ئىش قىلىۋاتقاندۇ؟
- Bump – يانفوننى يېنىكلا مىدىرلىتىپ iPhone دىن Android قا ھۆججەت يوللاش! سۈرەتلىرىڭىز كومپيۇتېرغا ئۇچۇپلا بارىدۇ!
ۋاھ،،دىۋان.. دەسلەپ قىلدۇققۇ مانا ..
ھەجەپ زېركتۈردى ماۋۇا، دىۋان دىۋان دەپ.
مۇشۇ خەتنى كۆرسەملا…..
بۇ بەك كاتتا خۇش خەۋەر بولسا كىرەك…،،،ئەتتىگەندىلا ماڭا ئۇچىراپ قاپتۇ،،،
«مەرھەمەت » نى باسسام ئىچىلمايدىغۇ ،، بۇ نىمە بولغۇنى… تەكشۇرۇپ باقامسىز تورخۇمار ئەپەندىم ، رەھمەت
ئىچىلدى ئىچىلدى …
پۈتۈنلەي ئېنگىلىزچە بولسا …. مەن ئىشلتەلمىگۈدەكمەن
يان تېلىفۇن نۇسخىسىنى ئىشپ باققانلار بارمۇ بۇ يۇمشاق دېتالنىڭ؟android نەشىرىدىكىنى…
ئاللا ئاللا مانا بۇ ھەقىقىي خۇشخەۋەركەن… ئەمما AE نىڭ يوقلىقى مېنى ئېگىز ئاسمانغا ئۇچۇپ چىقىپ، بىراقلا يەرگە بەك چۈشۈپ كەتكەندەك قىلىپ قويدى… تېما ئىگىسىگە رەھمەت، ھېچ بولمىسا PR بىلەن PS بار ئىكەن…
ئىنگلىزچە بىلمەيدىغان تورداشلار خەنزۇچە نەشرىنى چۈشۈرۈپ ئىشلىتىڭلار، لىكىن نەشرى ماۋۇ ئىنگلىزچە نەشرىدىن سەل تۆۋەن ئوخشايدۇ، تەپسىلاتىنى cnbeta دىن كۆرۈپ بېقىڭلار، ئىنكاسنى يانفۇندا يازغاچقا ئادرىسىنى قالدۇرۇشقا ئامالسىزمەن…
بۇنىڭغا ئوخخو دېمەي ئامال يوق
ئوخىخو
مەن سىلەرگە دىسەم، بىزنىڭ خوجايىن 7 Photoshop نى ئىشلىتىدۇ دەيمەن، بىز بولساق Photoshop8 نى ئىشلىتىمىز.
cs6دىگەن كاساپەتكە ئۇيغۇرچىنى بىۋاستە كىرگۈگىلى بۇلىدىكەن ئەمەسما …
ئۇنداق ئەمەستۇ. مەن ئەجەپ ھېس قىلمىدىمغۇ. ياردىمىڭىزنى ئايىمىغايسىز… تەپسىلىيرەك بىر دەپ بېرەلەمسىز؟
@خيال: phptpshp cs6 نىڭ تەھرېرلەش(bianji) تىزىملىكىنى ئېچىپ، ئەڭ ئاستىدىكى باش تاللاش(shouxuanxiang) نى باسسىڭىز يېزىق تاللاش بار، شۇيەردىن ئوتتۇرا – شەرىق تىللىرىنى تاللاپ مۇقۇمداپ، قايتا قوزغاتسىڭىزلا ئەلكاتىپ بىلەن بىمالال ئۇيغۇرچە كىرگۈزەلەيسىزكەن.
ئاللا ئاللا ما ئىشنى كۆرۈڭ… قايتا قوزغىتىمىز دەڭ… مەن قايتا قوزغاتمايلا كىرگۈزسەم، يەنە شۇ بۇرۇنقىدەكلا تۇرغانتى، ئۇيغۇرچە كىرگۈزىدىغانغا يەنە بار ئوخشايدۇ دەپ، ئەسلىگە كەلتۈرۈپ قويۇپتىمەن ئەمەسمۇ. كۆپ تەشەككۈر…
دىۋان دىگەن ھەممە مۇنبەرلەردە بار خۇددى سىز سارستەك يامىراپ كەتكەندەك ، بۇنىڭغا ئامال يوق،،،