يىلدا بىر قېتىم ئۆتكۈزىلىدىغان كىنو ساھەسىدىكى قابىللارنى باھالاپ چىقىدىغان ئوسكار ئاكادېمىيە مۇكاپاتى، شۈبھىسىزكى كىنو مەستانىلىرى ئۈچۈن ئەڭ تەقەززا بولىدىغان پائالىيەتلەرنىڭ بىرى بولۇپ ھېسابلىنىدۇ. بۇ كېچىلىكتە پۈتۈن دۇنيادىكى نەچچە مىليونلىغان كىنو مەستانىسى ۋە كىنو ئۈچۈن ئۆزىنى بېغىشلىغۇچىلار بىرلىكتە، كىشىنى ھاياجانغا سالىدىغان مىنۇتلارغا شاھىد بولىدۇ ۋە مەستانىلەر ئۆزىنىڭ مەبۇدىسىنىڭ شان-شەرەپلىرى ئۈچۈن كۆز-ياشلىرىنى تۆكۈشىدۇ…

بۇ يىلقى 85-نۆۋەتلىك ئوسكار ئاكادېمىيە مۇكاپاتى(The 85th Annual Academy Awards) نەچچە كۈن ئاۋال غەلبىلىك يېپىلدى. كېچىلىكنى نەچچە يىللارقىغا قارىغاندا بەك قىززىدى دېيىشكە بولمىسىمۇ، بىراق ھەر ھالدا ئۇتۇقلۇق بولدى دېيىشكە بولىدۇ. ئۇنىڭدىن باشقا، بۇ يىل ئىشلەنگەن كىنو-فىلىملەر مەيلى سىنارىيە جەھەتتىن بولسۇن، كۆرۈنمە ئۈنۈم جەھەتتىن بولسۇن، ئاۋاز ئۈنۈمى جەھەتتىن بولسۇن، كىيىم-كېچەك لايىھەسى جەھەتتىن بولسۇن ياكى ئارتېستلار قوشۇنى جەھەتتىن بولسۇن، ئىنتايىن كۈچلۈك دېيىشكە بولىدۇ. شۇ سەۋەبتىن مەلۇم كىنو ياكى ئارتېستنىڭ خېلى كۆپ تۈردە مۇكاپات ئالغان ئەھۋالمۇ بار. شۇنىڭدەك، بۇ يىل يەنە 9 ياشلىق بىر قىز ئەڭ مۇنەۋۋەر ئايال ئارتېستلار قاتارىدا ئىسمى ئاتىلىپ، ئوسكاردىكى يېڭى رېكورت – يېشى ئەڭ كىچىك ئەڭ مۇنەۋۋەر ئايال ئارتېست ئىسمى ئاتىلىش مۇكاپاتى رېكورتنى ياراتتى. مۇشۇنىڭدەك، دۆلەت، مىللەت، جىنس، ئىرق، ياش چەكلىمىسىگە ئۇچرىمايدىغان پائالىيەتلەر كىشىنىڭ زوقىنى قوزغىماي قالمايدۇ. ئۇنداقتا قۇرۇق گەپنى قويۇپ، بۇداقى مۇكاپاتقا ئېرىشكەن بىر قىسىم كىنو-فىلىملەر ھەققىدە توختىلايلى.

ئەڭ نادىر قىسقا كارتون فىلىم مۇكاپاتى – قەغەز ئادەم

تورخۇماردا تېخى يېقىندا تونۇشتۇرۇپ ئۆتكەن قەغەز ئادەم(PaperMan) فىلىمى مەزكۇر تور بېكەتنىڭ ئۆزىدىلا تورداشلارنىڭ كۈچلۈك ئىنكاسىنى قوزغىغان ئىدى. فىلىمدىكى كۈچلۈك ئىپادىلەش كۈچى ۋە مۇۋاپىقىيەتلىك يورۇتۇلغان بىر مەيدان مۇھەببەت ھېكايىسى كىشىنى ھوزۇرلاندۇرماي قالمايدۇ. ۋەھالەنكى، بۇ فىلىم بۇدا ئەڭ نادىر كارتون قىسقا فىلىم مۇكاپاتىنى ئالدى. بۇ فىلىم توغرىسىدا تەپسىلىي چۈشەنچىگە ئىگە بولماقچى بولسىڭىز: قېنى مەرھەمەت.

ئەڭ نادىر كارتون فىلىم مۇكاپاتى – Brave

بۇ يىل ئىسمى ئاتالغان كارتون فىلىملەر ئىچىدە، بىر قەدەر داڭق قوزغىغان ئىككى كارتون فىلىمنىڭ بىرسى 无敌破坏王، يەنە بىرسى مۇشۇ Brave(قەيسەر). ئەلۋەتتە، ھەر ئىككى فىلىمنىڭ ئۇسلۇبى ئۆزگىچە بولسىمۇ، باھالاش ھەيئىتىدىكىلەر ئەڭ ئاخىرىدا بۇ مۇكاپاتنى Brave غا بەردى. بۇ كىنو توغرىسىدا تېخىمۇ تەپسىلىي چۈشەنچىگە ئىگە بولاي دېسىڭىز – قېنى مەرھەمەت.

ئەڭ نادىر چەتئەل تىلىدىكى فىلىم – Amour

بۇ پېنسىيەگە چىققان ئىككى مۇزىكا ئوقۇتقۇچىسىنىڭ مۇھەببىتى تەسۋىرلىنىدىغان فىلىم بولۇپ، بۇ قېتىمقى ئوسكاردا ھەرقايسى تۈرلەردە ئىسمى بەكلا كۆپ ئاتالدى، شۇنداقلا ئەڭ نادىر چەتئەل تىلىدىكى فىلىم مۇكاپاتىنى ئالدى. قىززىققۇچىلار بولسا تۆۋەندىكى ئورۇندىن چۈشۈرۈپ كۆرۈپ باقسا بولىدۇ.

Amour خەنچە خەتلىك نۇسخىسى    |    مەنبە: تورخۇمار

ئەڭ مۇنەۋۋەر ئىجادى مۇزىكا مۇكاپاتى – Skyfall

بۇ تۈردە ئىسمى ئاتالغان ئوخشاش تۈردىكى فىلىملەردىن 悲惨世界، ئېيىق تەددي ۋە Life of Pi قاتارلىقلار بار، كۆرۈنۈپ تۇرۇشتىكى رىقابەتچىلەر خېلىلا كۈچلۈك. بىراق ئەڭ ئاخىرىدا Adele يەنىلا ئۆزىنىڭ Skyfall سى بىلەن يېڭىپ چىقىپ تۇنجى قېتىملىق ئوسكار قەدىمىنى ئوڭۇشلۇق بېسىۋالدى. ئەلۋەتتە، مەزكۇر ناخشىنى مەنمۇ قەۋەتلا ياقتۇرىمەن، 007 نىڭ بۇ كىنوسىغا قارىغاندا، مەزكۇر ناخشىسى تېخىمۇ ئۇتۇقلۇق چىققان دېيىشكە بولىدۇ. تۆۋەندە مۇشۇ ناخشا كىرىشتۈرۈلگەن كىنونىڭ ئۆزىدىكى MTV نى كۆرۈپ ئۆتەيلى.

ئەڭ نادىر گىرىم ۋە ئەڭ نادىر ئاۋاز ئۈنۈمى مۇكاپاتى – 悲惨世界

فرانسىيە چوڭ ئىنقىلابىنى ئارقا كۆرۈنۈش قىلىپ ئىشلەنگەن، نۇرغۇن كلاسسىك كۆرۈنۈشلەردىن تەركىب تاپقان فىلىم بولۇپ، مۇزىكىلىق تىياتىردىن ئۆزگەرتىپ ئىشلەنگەن. مەزكۇر فىلىمنى تېخى كۆرگۈدەك بولمىدىم، بىراق ئوسكاردا ئىسمى ئەڭ كۆپ ئاتالغان ۋە مۇكاپاتنىمۇ كۆپ ئالغان فىلىمنىڭ بىرى مۇشۇ. قارىماققا پۈتۈن كىنودا ناخشا ئېيتىپلا چىقىدىغاندەك تۇرىدۇ.

悲惨世界 نى چۈشۈرۈش    |    مەنبە: تورخۇمار

ئەڭ نادىر ئاۋاز كىرىشتۈرۈش مۇكاپاتى – 007/بىنلادېننى قەستلەش

بىنلادېننى قەستلەش ناملىق بۇ فىلىممۇ مەزكۇر ئوسكاردىكى يارقىن نۇقتىلارنىڭ بىرسى بولۇپ ھېسابلىنىدۇ. بۇ فىلىمدە رول ئالغان ئايال باش ئارتېستمۇ ئەڭ مۇنەۋۋەر ئايال باش پېرسوناژ قاتارىدا ئىسمى ئاتالدى. فىلىمنىڭ ۋەقەلىكى ئاساسلىقى تيۇلىن ئەترىتىنىڭ بازا تەشكىلاتىنىڭ كاتتىۋېشى بىنلادېنغا بەرگەن ئەڭ ئاخىرقى قېتىملىق زەربىسىنى قانات يايدۇرۇپ ئىشلەنگەن. فىلىمنى تېخى كۆرۈپ باقمىدىم، فىلىمدە بىنلادېن چىقامدۇ يوق ئۇنىمۇ بىلمەيمەن. قىززىقىدىغانلار كۆرۈپ باقساڭلار بولىدۇ.

بىنلادېننى قەستلەش(مەنزىل)     |     مەنبە: تورخۇمار

مەزكۇر مۇكاپاتقا ئېرىشكەن يەنە بىر نادىر فىلىم – 007:Skyfall. ئۈستىدە بۇ فىلىمنىڭ ناخشىسى ھەققىدە توختىلىپ ئۆتكەن. فىلىمنىڭ مەزمۇنى، ئاساسلىقى ئانا مېھرىگە قانمىغان ئىككى قېرى ئالاھىدە خادىم ئوتتۇرىسىدىكى زىددىيەت تەسۋىرلىنىدۇ. 007 مەستانىلىرىنىڭ بىر كۆرۈپ قويۇشىغا ئەرزىيدۇ.

007:Skyfall نى چۈشۈرۈش     |   مەنبە: تورخۇمار

ئەڭ مۇنەۋۋەر كۆرۈنمە ئۈنۈم مۇكاپاتى – Life Of Pi

بۇ يىلقى ئوسكاردا ئەڭ چوڭ غەلبە قىلغۇچى شەك شۈبھىسىزكى – Life Of Pi دۇر. مەزكۇر فىلىم 8 تۈردە ئىسمى ئاتىلىپ تۆت تۈردە ئوسكار مۇكاپاتى ئالدى. مۇشۇ ئەڭ مۇنەۋۋەر كۆرۈنمە ئۈنۈم مۇكاپاتىدا Life Of Pi بىلەن بىر قاتاردا ئىسمى ئاتالغان رەقىبلىرىدىن، 普鲁米修斯، خوببېتلار، قار مەلىكە ۋە ئوۋچى، قىساسكارلار ئىتتىپاقى قاتارلىق فىلىملەر بار. كۆرۈنۈپ تۇرۇپتىكى، كىنو ئېكرانىدا كىشىنى زىل-زىلىگە سالغۇدەك كۆرۈنۈشلەرگە ئىگە بۇ كىنولار ئىچىدە، كۆرۈنمە ئۈنۈم جەھەتتىن يېڭىپ چىقىش ھەقىقەتەن ئاسان ئەمەس. Life Of Pi دىكى چىرايلىق كۆرۈنۈشلەرنى تېخى يېقىندا ئايرىم توختىلىپ ئۆتكەن، ناۋادا شۇ توغرىسىدىكى تەپسىلاتلارغا قىززىقسىڭىز، قېنى مەرھەمەت.

ئەڭ مۇنەۋۋەر ئايال باش پېرسوناژ -  Jennifer Lawrence

ئەمدى 22 ياشقا كىرگەن ياش ئارتېست Jennifer Lawrence باشقا رەقىبلىرىنى يېڭىپ، 乌云背后的幸福线 دېگەن فىلىمدىكى قالتىس رول ئېلىش ماھارىتى بىلەن، بۇ قېتىمقى ئوسكاردا كىنو خانىشى بولدى. ناۋادا بۇ فىلىمغا قىززىققۇچىلار بولسا چۈشۈرۈپ كۆرۈپ باقساڭلار بولىدۇ.

乌云背后的幸福线 نى چۈشۈرۈش     |     مەنبە: تورخۇمار

ئەڭ مۇنەۋۋەر ئەر باش پېرسوناژ – Daniel Day Lewis

ئۈچ قېتىم ئوسكار كىنو شاھى بولغان Daniel Day Lewis بۇدا ئامېرىكىنىڭ سابىق زۇڭتۇڭى Lincoln ئوبرازىنى ئوڭۇشلۇق يارىتىپ تاماشىبىنلارنى ھاڭ-تاڭ قالدۇردى دېيىشكە بولىدۇ. فىلىمدە سابىق ئەلباش لىنكولىننىڭ قەستكە ئۇچراشتىن تۆت ئاي بۇرۇنقى كەچۈرمىشلىرى تەسۋىلەنگەن بولۇپ، خىلمۇ-خىل قىيىنچىلىقلارنى يېڭىپ ئاخىرىدا ئامېرىكىنى بىرلىككە كەلتۈرگەنلىكى ھەققىدە ئىشلار تەسۋىرلىنىدۇ. توردىكى بىر خەۋەردىن كۆرۈشۈمچە،  فىلىم ئىشلىگۈچىلەر Daniel Day Lewis نى مەزكۇر فىلىمدە رول ئېلىشقا 5 قېتىم تەكلىپ قىلىپ ئىزچىل رەت قىلىنغان ئىكەن، Daniel Day Lewis نىڭ رەت قىلىش سەۋەبى بولسا، ئۇ لىنكولىننى تېخى چۈشەنمەيدىغانلىقىنى، بۇ ئوبرازنى تولۇق تەتقىق قىلىۋاتقانلىقىنى، تاكى لىنكولىن ئوبرازى ئىچىگە چۆكۈپ كىرمىگۈچە بۇ رولنى ئېلىشنى خالىمايدىغانلىقى ئىكەنمىش. ناۋادا بۇ فىلىمگە قىززىقسىڭىز، چۈشۈرۈپ كۆرۈپ باقسىڭىز بولىدۇ.

Lincoln نى چۈشۈرۈش(مەنزىل)     |    مەنبە: تورخۇمار

ئەڭ مۇنەۋۋەر رېژىسور – 李安

تەيۋەنلىك رېژىسور  李安 نىڭ ئەڭ مۇنەۋۋەر رېژىسور مۇكاپاتى ئېلىپ ئوسكار سەھنىسىگە چىقىشى، Life Of Pi نىڭ مۇۋەپپىقىيىتىگە يەنە بىر مۆھۈرنى باستى. بۇ 李安 نىڭ ئۈچىنچى قېتىملىق ئوسكار مۇكاپاتى ئېلىشى بولۇپ ھېسابلىنىدۇ.

ئەڭ نادىر فىلىم مۇكاپاتى – Argo

كۆپ قېتىملىق ئىسمى ئاتىلىشلاردىن كېيىن، ئوسكاردىكى ئەڭ كاتتا مۇكاپات، يەنى ئەڭ نادىر كىنو-فىلىم مۇكاپاتى Argo غا بېرىلدى. مۇكاپاتنى ئامېرىكا 1-خانىمى مىشېل ئوباما ئۆزى ئېلان قىلدى. مەزكۇر فىلىم ھەقىقىي بولغان ۋەقەدىن ئۆزگەرتىپ ئىشلەنگەن بولۇپ، ئىراقتىكى تۇتقۇنلۇق كىرزىسى، نۆۋەتتە قىززىق ئوتتۇرا شەرق مەسىلىسى ۋە تېرورېزىم، شۇنداقلا يەنە ھوللىيۋودقا بولغان تەنە ئارىلاشتۇرۇپ ئىشلەنگەن. ناۋادا قىززىقۇچىلار بولسا چۈشۈرۈپ كۆرۈپ باقسا بولىدۇ.

Argo نى چۈشۈرۈش    |     مەنبە: تورخۇمار

85-قېتىملىق ئوسكار ئاكادېمىيە مۇكاپاتىنى تارقىتىش مۇراسىمى

ئاخىرىدا بۇ قېتىملىق ئوسكار مۇكاپاتىنى تارقىتىش مۇراسىمى كېچىلىكىنىڭ ئادرېسىنى قالدۇرۇپ قوياي. قىزىل پالازدا ماڭىدىغان يەرلىرىنى كۆرمىسەكمۇ بولار، كېچىلىكنىڭ ئەھۋالىغا قىززىقىدىغانلار چۈشۈرۈپ كۆرۈپ باقساڭلار بولىدۇ.

85-قېتىملىق ئوسكار مۇراسىمى كېچىلىكى    |     مەنبە: تورخۇمار