ئىككىنچى باسقۇچقا كىرگەن Marvel، قىساسكارلاردىكى ئاساسلىق پالۋان كىنولىرىنىڭ داۋامى ئارقىلىق ماركىسىنى داۋاملىق تونۇتۇپلا قالماي، تېخىمۇ كەڭرى بولغان كائىنات تۇپرىقىنى ئېچىش ئۈچۈن كۈچەشكە باشلىدى. كۆپچىلىكنىڭ قىزغىن ئالقىشىغا ئېرىشكەن «سامانيولى قوغدىغۇچىلىرى» مارۋىل كائىناتىنىڭ ئەڭ چوڭقۇر قاتلاملىرىغىچە يېتىپ بارغان بولسا، چۈمۈلە ئادەم فىلىمىدە تەسۋىرلەنگەن مىكرو دۇنيا تەسۋىرى كۆپچىلىكنى يەنىلا ئۆزىگە قاتتىق جەلپ قىلدى. ھالبۇكى، Marvel كائىناتىنىڭ كېڭىيىپ بېرىشىغا ئەگىشىپ، «چەكسىز ئەڭگۈشتەر»نى تالىشىش جېڭىدىن ئىبارەت كەلگۈسىدىكى مارۋىل كىنولىرىنى بىر-بىرىگە باغلاپ تۇرىدىغان بۇ ھېكايە ھالقىسىمۇ بارا-بارا كۆرۈرمەنلەرنىڭ نەزىرىگە سىڭىپ كىرىشكە باشلىدى. شۇنى كېسىپ ئېيتىشقا بولىدۇكى، بۇ مەزگىلدىكى مارۋىل تېخىمۇ كېڭىيىشچانلىققا ئىگە بولغان غايەت زور بىر كىنو كائىناتىنى بەرپا قىلدى دېيىشكە بولىدۇ.

تۆمۈر ئادەم 3 2013

بېلەت كىرىمى: 1 مىليارد 215 مىليون دوللار، دۇنيا بويىچە 7-ئورۇندا

كىنو كائىناتىنىڭ 2-باسقۇچىدىكى تۇنجى فىلىم بولۇش سۈپىتى بىلەن، تۆمۈر ئادەم3 ئەسلى كومىكتىكى ھالاكەت گىردابىدىكى ۋىرۇس يۈرۈشلۈكلىرىدىن ۋەقەلىكنى تېما قىلىپ تاللاپ ئىشلەتكەن، ئەمما ئۆزلەشتۈرۈشگەندىن كېيىنكى پەرق بىر قەدەر چوڭ بولغاچقا، ئەسلى كومىكتىدىكى بىر قىسىم ئوبرازلار ئوتتۇرىغا چىقمىغان، سەلبىي كاتتىۋاش مەن غوجامنىمۇ بىر قورچاق شەكلىدىلا ئوتتۇرىغا چىقارغان. بىراق فىلىمدىكى تۆمۈر ئادەمنىڭ ئىدىيىسىدىكى داۋالغۇش تەسۋىرلىرى يەنىلا مۇۋاپىقىيەتلىك چىققان دېيىشكە بولىدۇ.

پالۋاننىڭ غەيۋىتى: ئەسلى بۇ كىنو تۇنجى قېتىملىق جۇڭگو-ئامېرىكا ھەمكارلىقىدا سۈرەتكە ئېلىنغان فىلىم بولۇپ، كېيىن جۇڭگو ھۆكۈمىتى تەرەپنىڭ جۇڭگو-ئامېرىكا ھەمكارلىقىدا فىلىم ئىشلەش قائىدىسىگە يېڭى ماددىلارنى قاتقانلىقتىن، ئاخىرىدا يەنىلا چەتئەلدىن ئىمپورت قىلىنغان فىلىم شەكلىدە چوڭ قۇرۇقلۇقتا قويۇلغان.

چاقماق پالۋان 2 2013

بېلەت كىرىمى: 640 مىليون دوللار

چاقماق پالۋان 2 نىڭ 2-باسقۇچلۇق كىنو كائىناتىغا نىسبەتەن ئەھمىيىتى زور دېيىشكە بولىدۇ، فىلىمنىڭ ئاخىرىدا بىزگە كائىنات كۇبىنى ئاشكارىلايدۇ، لوكىنىڭ خىسلەتلىك ھاسىسى قاتارلىق قوراللارنىڭ ھەممىسى ئەسلىدىكى 6 تال تەڭداشسىز ئەڭگۈشتەرنىڭ بىرى بولۇپ، ئەڭگۈشتەر توپلاشتىن ئىبارەت بۇ ھېكايە بۆلىكى رەسمىي ھالدا ئوتتۇرىغا چىقىدۇ.

ئامېرىكا كاپىتانى 2 2014

بېلەت كىرىمى: توققۇز باشلىق يىلان گۇرۇھىنىڭ قايتا قەد كۆتۈرىشى، Shield نىڭ تاقىلىشى قاتارلىق ۋەقەلىكلەرنىڭ ئوتتۇرىغا چىقىشىدىن باشقا، مەزكۇر بۆلۈمنىڭ يارقىن نۇقتىسى يەنىلا مارۋېلنىڭ ئۇنۋېرسال بىرىكتۈرۈش ئىقتىدارىدا دېيىشكە بولىدۇ. رەھبەرلىك رولىنى ئويناۋاتقان ئامېرىكا كاپىتانىنىڭ فىلىمدىكى ئىپادىسى قالتىس چىققان.

پالۋاننىڭ غەيۋىتى: فىلىمنىڭ رېژىسورى روز ئاكا-ئىنىلەر 突袭 يۈرۈشلۈك فىلىملىرىنىڭ تەسىرىگە بەك ئۇچرىغاچقىمىكىن، ئامېرىكا كاپىتانى2 نىڭ ھەرىكەتلىك كۆرۈنۈشلىرى ئالدىنقى بۆلۈمگە قارىغاندا خېلىلا كۆپ ۋە نادىر چىققان.

سامانيولى قوغدىغۇچىلىرى 2014

بېلەت كىرىمى: 770 مىليون دوللار

سامانيولى قوغدىغۇچىلىرى مارۋىل بىلەن دىسىي شىركىتى بىرلىشىپ قالسا، ئانچە تايىنى يوق بىر گۇرۇپپا گوروزلىنىمۇ قىزاتىپ چولپان قىلىۋېتىدىغان ئىقتىدارىنىڭ بارلىقىنى دۇنياغا تونۇتۇپ قويدى. فىلىمدىكى كۆپ مىقداردىكى ئامېرىكا مودا مەدەنىيىتى ئېلىمېنتلىرى ۋە كلاسسىك ناخشىلار فىلىمگە كۈچلۈك تەسىر كۈچى قوشقان ئاساستا بىزگە بىر مەيدان كائىنات كومىدىيىسىنى تاشلاپ بەردى. ئۇنىڭدىن باشقا مەزكۇر فىلىممۇ مارۋىل كائىناتىغا بىر دانە تەڭداشسىز ئەڭگۈشتەر تولۇقلاپ بەردى.

پالۋاننىڭ غەيۋىتى: فىلىمدىكى باش پېرسوناژنىڭ رولىنى ئالغان ئارتېس كرېسنىڭ كومىدىيە ۋە يۇمۇرغا تولغان ئىپادىسى بۇ ئارتېسنى شۇ فىلىم بىلەنلا 1-سەپتىكى چولپانلارنىڭ قاتارىغا تىزىپ قويدى. يېقىندا قويۇلغان 侏罗纪世界 فىلىمىدىمۇ بۇ يىگىت ئېگىز پاشنىلىق ئاياق بىلەن دېنوزاۋېردىن تېز قاچىدىغان بىر چوكاننى ئېلىپ خېلى كۆپ پۇل سۈپىرىۋالدى.

قىساسكارلار 2 2015

بېلەت كىرىمى: بىر مىليارد 400 مىليون دوللار، دۇنيا بويىچە 3-ئورۇندا

ئىككىنچى باسقۇچنىڭ يۇقىرى پەللىسى بولۇش سۈپىتى بىلەن، قىساسكارلار 2 ئەسلى كومىكتىكى داڭلىق سەلبىي كاتتىۋاش ئۇلتراننى ئوتتۇرىغا چىقاردى. 快银 بىلەن 红女巫 نىڭ دەسلىۋىدە سەلبىي پېرسوناژ سۈپىتىدە ئوتتۇرىغا چىقىشى، كەينىدىن قىساسكارلارنىڭ قوينىغا ئۆزىنى ئېتىشى، 幻视 نىڭ چاقماق پالۋاننىڭ بولقىسىنى يېنىكلا كۆتۈرىۋېتىشى بىلەن قىساسكارلار يەنە بىر قېتىم تولۇق يىغىلدى.

پالۋاننىڭ غەيۋىتى: قىساسكارلار 2 ئۈچىنچى باسقۇچ ئۈچۈن قاتۇرۇلغان تاش بولۇش سۈپىتى بىلەن، فىلىمدە كۆپ مىقداردا كېيىنكى باسقۇچقا تەييارلىق ئۇچۇرلىرىنى كۆرۈرمەنلەرگە سۇندى، مەسىلەن، ئىچكى جەڭ(تۆمۈر پالۋان VS ئامېرىكا كاپىتانى)، 灭霸 نىڭ قەد كۆتۈرىشى دېگەندەك.

چۈمۈلە ئادەم 2015

قىساسكارلار 2 دىن كېيىنكى باشقا فىلىملەرگە قارىغاندا، چۈمۈلە ئادەمنىڭ داۋرىڭى ئانچە بولمىدى. ئەمما فىلىمدە يورۇتۇلغان مىكرو دۇنيا قارىشى مارۋىلنىڭ يېڭىلىق يارىتىشتىكى ئىقتىدارىنى يەنە بىر قېتىم ئىسپاتلاپ بەردى، قارا يۇمۇرغا تولغان بۇ فىلىم مارۋىلنىڭ يەنە بىر خىل ئۇسلۇبتىكى مۇۋەپپىقىيەتلىك ئەسىرىنىڭ بىرى بولۇپ ھېسابلىنىدۇ. ئەمدى چۈمۈلە پالۋاننىڭ كېيىنكى ئىپادىسىنى ئىچكى جەڭدە كۆرۈشكە تەشنامىز.

پالۋاننىڭ غەيۋىتى: چۈمۈلە پالۋاننى سۈرەتكە ئېلىش خىزمىتى مارۋىلغا نىسبەتەن ئاسانغا توختىمىدى، ئومۇمىي ۋەزىيەتنى ئاساس قىلغان مارۋىل كائىناتى بىلەن رېژىسورنىڭ شەخسى قارىشى زىت كەلگەچ، دەسلەپكى رېژىسور Geek مۇ مارۋىل بىلەن قېيدىشىپ چاپاننى مۆرىگە ئارتىپلا چىقىپ كەتكەن پېتى خەۋىرى يوق، ئاخىرى يەنە بىر سولتەك دويەن سۈرەتكە ئېلىپ تۈگەتتى.

ئۇنىڭدىن باشقا ئىككىنچى باسقۇچقا تەۋە مەزمۇنلاردىن يەنە Marvel بىلەن ABC تېلىۋېزىيەسىنىڭ ھەمكارلىقىدا قويۇلىۋاتقان Shield ئىدارىسى، ئالاھىدە خادىم كارتېر دېگەن تىياتىلارمۇ بار. مەزكۇر تىياتىرلار ئۆز-ئالدىغا ۋەقەلىك راۋاجى بولۇشتىن سىرت، ئەڭ چوڭ ئەۋزەللىكى، پۈتكۈل تىياتىرنىڭ راۋاجى Marvel كىنو كائىناتى بىلەن ماس قەدەمدە. قىززىققۇچىلار كۆرۈپ باقساڭلار بولىدۇ.

شۇنداق قىلىپ Marvel كىنو كائىناتى 2-باسقۇچ ھەققىدە توختىلىدىغانلىرىمىز تۈگىدى. 3-باسقۇچتىكى كىنولار تېخى قويۇلغىنى يوق. بىراق Marvel تەرەپ ئاللىقاچان قويۇلىدىغان فىلىملەرنىڭ ۋاقتى ۋە نامىنى ئاشكارە قىلىپ بولدى. بۇلارنىڭ ئىچىدە كىشىنى ئەڭ تەقەززا قىلىدىغىنى، كېلەر يىلى قويۇلىدىغان ئامېرىكا كاپىتانى3: ئىچكى جەڭ ھېسابلىنىدۇ. 3-باسقۇچ توغرىسىدا يەنە ۋاقىت بولسا داۋاملىق توختىلىمىز.