مەمۇرلار ئىمتىھانى ياخشى بىرەي دىسىڭىز كۆرۈپ بېقىڭ ! مەمۇرلار ئىمتىھانى مۇنازىرە مۇنبىرى

         مەمۇرلار ئىمتىھانى بىرىدىغانلار ماۋۇ توربىكەتكە كىرىپ كۆرۈپ بېقىڭلار ،بۇ توربىكەت  مەمۇرلار ئىمتىھانى    مۇنازىرە مۇنبىرى بۇلۇپ مەمۇرلۇق ئىمتىھانىغا دائىر ھەرخىل ماتىرياللار، تەقلىد سۇئال ، ئالدىنقى يىللاردىكى ھەقىقى سۇئاللار ، ئىمتىھان تەييارلىقىدىكى دىقەت قىلىدىغان ئىشلار ، ئىمتىھان بىرىش تېخنىكىلىرى ۋە ئىمتىھانغا تىزىملاتقان ھەرخىل مەسىلەرگە جاۋاپ تاپقىلى بۇلىدۇ .( ئەسكەرتىپ قوياي بۇ توربىكەت خەنزۇچە .) يەنە بۇ توربىكەتنىڭ ھەرقايسى ئولكە ، ئاپتۇنۇم رايۇنلارنىڭ مەمۇرلار ئىمتىھانى ئۈچۈن مەخسۇس سەھىپىلەر تەسىس قىلىنغان . خېلى ئەسقېتىپ قالغۇدەك

بىر نەچچە كۈندىن بىرى ئۇقۇغۇچىلاردىن مەۋسۈملىك ئىمتىھان ئېلىۋاتىمىز  . مەنمۇ ئۆ زسىنىپىمنىڭ نەتىجىسىگە ئالاھىدە دىققەت قىلىۋاتاتتىم . چۈنكى مەن ئۆز سىنىپمدىكى ئۇقۇغۇچىلىرىمدىن ناھايىتى زور ئۈمۈت كۈتكەنىدىم . يىللىقلار بۇيىچە ئەڭ ياخشى ، ھەتتا مەكتەپ بۇيىچە ئەڭ ياخشى نەتىجىنى قولغا كەلتۈرىدۇ دەپ ئويلىغانىدىم . ئەپسۇس ، ئىمتىھان نەتىجىلىرىنىڭ ئاخىرى چىقمايلا ئۈمىتسىزلىنىپ قالدىم . ھازىرغىچە ئالغان بىر قىسىم ئىمتھانلارنىڭ نەتىجىسى ھەقىقەتەن ئوخشاش يىللىقتىكىلەرگە سېلىشتۇرغاندا سەل-پەل ياخشى بولسىمۇ ، ئەمما مىنىڭ كۈتكىنىمدەك ياخشى ئەمەس ئىدى .ئەڭ مۇھىمى لاياقەتلىك نىسبىتى ناھايىتى تۆۋەن  ،ھەتتا بەزى پەنلەرنىڭ نەتىجىسىنى كۆرسە  بىر مەۋسۈمدىن بىرى ئۇقۇغۇچىلارغا ھېچ نەرسە ئۈگىتەلمىگەندەك ھېسياتقا كىلىپ قالاتتى .

تەبەسسۇم – ئابدۇشۈكۈر مۇھەممەتئىمىنىڭ قەلىمىدە پەلسەپەۋى ئىبارىلەر بىلەن يۈكسەكلىككە كۆتۈرۈلدى .  مەنمۇ ئۇ ئەسەرنى ئەپلەپ -  سەپلەپلا ئۇقۇغان ، تەبەسسۇم بىز ئۈچۈن ئانچە ناتۇنۇش  بولمىسا كېرەك .   مونالىزانىڭ تەبەسسۇمى دەل فىلىمدىكى كەسىرىننىڭ تەبەسسۇمى . گەرچە تىلى پۈتۈنلەي ئىنگىلىز تىلىدىكى بۇ فىلىمنى يۈزدە يۈز چۈشەنمىسەممۇ ، لىكىن ئاساساى مەزمۇنىنى چۈشەندىم ، ھېس قىلدىم .
        مەن بۇ فىلىمنى مىنىڭ ئۇقۇتۇش ئىشلىرىمغا ئازراق بولسىمۇ ياردىمى تىگىپ قالارمىكىن دىگەن نىيەتتە كۆرگەنىدىم ، ئەپسۇس كىشىنى ھاياجانغا سالىدىغان كۆرىنىشلەر ئاز ئىكەن .ئويلىغىنىمدەك نادىر فىلىممۇ ئەمەسكەن .شۇنداقتىمۇ فىلىمدە يەنە بىر قىسىم كىشىنى ئويغا سالىدىغان كۆرىنىشلەرمۇ بار .فىلىمدىكى ئۇقۇغۇچىلار بىزنىڭ رىئاللىقتىكى ئۇقۇغۇچىلارغا قارىغاندا تىرىشچان ، جۈرئەتلىك ئىكەن

مەن ئۇقۇتقۇچى بولغان بىر يىلدىن بۇيان ئۈزۈمنىڭ ئۇقۇتقۇچىلىققا خېلى ماسلىشىپ قالغانلىقىمنى ھېس قىلىپ قالدىم . دەسلەپكى تەجىربىسىزلىكلەردىن ، داۋاملىق ئۇقۇتۇش ئۇسۇلىنى ئالماشتۇرۇشتىن ، ئۇقۇغۇچىلارغا بولغان كونتىرولسىزلىقتىن تەدرىجى ئىزىغا چۈشۈش ، مۇقىملىنىش باسقۇچىغا قاراپ ماڭدىم . ئۇقۇتۇشتىكى مەقسىتىممۇ ئايدىڭلىشىشقا باشلىدى . ئۇقۇتقۇچى بۇلۇشتىن بۇرۇنقى ئۇقۇتۇش ھەققىدىكى « بىلىمنىلا ئۈگىتىشنى قوللىماسلىق » خىيالىممۇ تېخىمۇ مۇكەممەللىشىشكە ، چوڭقۇرلىشىشقا ، دائىرىسىمۇ كېڭىيىشكە باشلىدى . مەن ھازىرقى  ئۇقۇتۇش(دەرىس ئۈتۈش )  مەقسىتىنى ھېچكىمگە تۇلۇق دەپ باقمىغان ، توغرىسى دىيىشكە پېتىنالمىغان ، چۈنكى باشقا ئۇقۇتقۇچىلارنىڭ بۇ خىل ئۇقۇتۇشنى چۈشەنمەسلىكىنى ، مىنى مەسخىرە قىلىشىدىن قورققان . ئەلىۋەتتە ئۇقۇتۇش ئۇسۇلىنى باشقىلارغا دىگىلى ، چۈشۈندۇرگىلى   بۇلىدۇ ، ئەممە قوللىنىش ئۇنچە ئوڭاي ئىش ئەمەس .