(تۇنجى  تەسىرات  )
 
        تەبەسسۇم – ئابدۇشۈكۈر مۇھەممەتئىمىنىڭ قەلىمىدە پەلسەپەۋى ئىبارىلەر بىلەن يۈكسەكلىككە كۆتۈرۈلدى .  مەنمۇ ئۇ ئەسەرنى ئەپلەپ -  سەپلەپلا ئۇقۇغان ، تەبەسسۇم بىز ئۈچۈن ئانچە ناتۇنۇش  بولمىسا كېرەك .   مونالىزانىڭ تەبەسسۇمى دەل فىلىمدىكى كەسىرىننىڭ تەبەسسۇمى . گەرچە تىلى پۈتۈنلەي ئىنگىلىز تىلىدىكى بۇ فىلىمنى يۈزدە يۈز چۈشەنمىسەممۇ ، لىكىن ئاساساى مەزمۇنىنى چۈشەندىم ، ھېس قىلدىم .
        مەن بۇ فىلىمنى مىنىڭ ئۇقۇتۇش ئىشلىرىمغا ئازراق بولسىمۇ ياردىمى تىگىپ قالارمىكىن دىگەن نىيەتتە كۆرگەنىدىم ، ئەپسۇس كىشىنى ھاياجانغا سالىدىغان كۆرىنىشلەر ئاز ئىكەن .ئويلىغىنىمدەك نادىر فىلىممۇ ئەمەسكەن .شۇنداقتىمۇ فىلىمدە يەنە بىر قىسىم كىشىنى ئويغا سالىدىغان كۆرىنىشلەرمۇ بار .فىلىمدىكى ئۇقۇغۇچىلار بىزنىڭ رىئاللىقتىكى ئۇقۇغۇچىلارغا قارىغاندا تىرىشچان ، جۈرئەتلىك ئىكەن .
         تۇنجى سائەتلىك دەرىستىكى تۇيغۇ ، گاڭگىراش ، قورقۇنچ ،كىشىنى ئەنسىزلىككە سالىدۇ . مەن تۇنج سائەتلىك دەرىسىمنى قانداق ئۆتكەن بولغىيدىم . تەبەسسۇم ئىلكىدە ؟؟ ياكى ئاتالمىش تۇنجى سائەتتە نۇپۇز تىكلەش مەقسىتىدە ؟؟؟ بۇلار ھازىر ئىسىمدە يوق ، ئەمما مەن ئويلىنىۋاتىمەن ، نۇپۇزنى قانداق تىكلەش كېرەك ، نىمە بىلەن تىكلەش كېرەك  ؟؟ بىزدىكىسى باشقۇرۇش ھۇقۇقىمۇ ؟؟
        مەن ئويلىنىۋاتىمەن ، يېڭى بىر تەپەككۈر ئۇچقۇنىنى كۆرگەندە ، يېڭى بىرخىل ئەھۋالغا دۇچ كەلگەندە ، ھەر قېتىملىق ئىمتىھان نەتىجىسىنى كۆرگەندە ، ئۇقۇغۇچىلىرىم بىلەن ئازارلىشىپ قالغاندا . مەن دەرىسنى قانداق ئۆتۈشۈم كېرەك ، نىمىلەرنى ئۆتۈشۈم كېرەك ، دەرىسلىكتىكى ئۆلۈك قائىدىلەرنى  ۋە ياكى ھازىر قوللىنىۋاتقان سەۋىيەنى ئۆستۈرۈش ياكى ئۇقۇغۇچىلارنى يېڭىچە ئوي پىكىرنى ئويلاشقا دەۋەت قىلىش ، شۇنداق مۇھىتنى كىچىككىنە بولسىمۇ يارتىشقا تىرىشىش قاتارلىق مىنىڭ نەزىرىمدىكى تېخى يىتەرلىك بولمىغان ئۇسۇللار  ، ئۈنۈملىك بۇلۇش بولماسلىقىنى بىلمەيمەن ، ھازىرقى ئۇقۇغۇچىلىرىم تەجىربە ئوبىكتى ، بەك ئەپسۇس .
         مەن ئۈزۈمدىن رازى ئەمەس ، ئۈزۈم ئويلىغاننى ۋايىغا يەتكۈزۈپ ئۇرۇنلىيالمىدىم ، زور دەرىجىدە كۈچ سەرىپ قىلىشىم كېرەك ، چۈنكى مەن بىلىمنىلا ئۈگىتىۋاتمايمەن ، ھەم شۇنداق قىلماسلىق ئۈچۈن تىرىشىۋاتىمەن . 
           كۈنلىرىم جىدىيلىك ، ئويلىنىش ۋە ئۆز گىرىش ئىچىدە ئۆتىۋاتىدۇ . مەن مۇشۇلارنىڭ تېخمۇ كۈچىيىشىنى ئۈمىت قىلىمەن ، ئەمەلىيەتتە مەن ئۇقۇغۇچىلارنىلا تەربىيەلەۋاتمايمەن ، ئۈزۈمنىمۇ مۇكەممەللەشتۈرىۋاتىمەن. ماڭا مەنسۇپ بولغان ھەقىقى تەبەسسۇمنى ئىزدەش ئۈچۈن تىرىشىۋاتىمەن ، بەلكى تەبەسسۇم كەينىدىكى تەنھالىق ۋە ساختىلىق ئەمەس .  
        مونالىزانىڭ تەبەسسۇمىنى ئۇقۇغۇچىلىرىم ھېس قىلالارمۇ ؟؟؟؟~!!

2009-يىلى 4-ئاينىڭ 27- كۈنى كەچ