++VC بولسا ئىقتىدارى ئىنتايىن كۈچلۈك بولغان كۆرۈنمە يۈزلۈك پروگرامما لايىھىلەش (ئېچىش) قۇرالى.

1993-يىلى ئامېرىكا مىكروسوفت شىركىتى VC++ نىڭ 1.0 نەشرىنى(نۇسخىسى) ئېلان قىلغاندىن كېيىن، ئۇنىڭ يېڭى نەشرى ئۈزلۈكسىز بارلىققا كېلىشىگە ئەگىشىپ،  ئۇ كەسپىي پروگراممىرلارنىڭ ئەڭ ئاۋۋال تاللايدىغان پروگرامما ئېچىش قورالى بولۇپ قالدى. بۇلارنىڭ ئىچىدە ئەڭ مۇدا بولغان، كەڭ ئومۇملاشقان نەشرى بولسا Visual C++ 6.0.  ھازىر ئۇنىڭ ئەڭ يېڭى نەشرى Visual C++ 2010.

ئۇنىڭ ئىسمىدىنلا شۇنى بېلەلەيمىزكى، ئۇ C++  تىلىنى پروگرامما ئېچىش تىلى قىلغان.  ئۇ visual studio ( بىر يۈرۈش پروگرامما ئېچىش قۇراللىرى توپلىمى ) نىڭ بىر ئەزاسى.

Visual Studio 6.0 بولسا .Net قۇرۇلمىسىنى قوللىمايدىغان ئەڭ ئاخىرقى بىر توپلىمى.ئۇنىڭدىن كېيىنكى 7.0 نەشرىدىن باشلاپ بۇ قۇرۇلمىنى قوللايدۇ.  ئۇ VC دىن باشقا يەنە تۆۋەندىكىدەك پروگرامما ئېچىش قوراللىرىنى ئۆز ئىچىگە ئالىدۇ:
VB, VF, VJ قاتارلىقلار.

ئۇنداقتا VC دىن پايدىلىنىپ نېمىلەرنى قىلغىلى، قانداق يۇمشاق دېتاللارنى تۈزگىلى بولىدۇ؟
1. VC بولسا ئاساسلىق Windows مەشغۇلات سىستېمىسىدا ئىجرا بولىدىغان، سىستېما دەرىجىلىك يۇمشاق دېتال تۈزۈشكە ئىشلىتىلىدۇ.
2. ئۇنىڭدىن پايدىلىنىپ ھەرخىل ئۈسكۈنىلەرنىڭ قوزغاتقۇچ پروگراممىلىرى(驱动程序) تۈزۈلىدۇ. مەسلەن: كۆرسىتىش كارتىسى(显卡)، ئاۋاز كارتىسى(声卡) دېگەندەك.
3. VC دا تۈزۈلگەن پروگراممىلارنىڭ ئىجرا بولۇش ئۈنۈمى يۇقىرى (يەنى سۈرئىتى تىز، مۇقىم). ئەگەر سىستېمىغا نىسبەتەن تەلەپ ئىنتايىن يوقىرى بولغاندا، مۇشۇ VC دىن   پايدىلىنىپ تۈزۈلسە ياخشى بولىدۇ.
4. VC يەنە يەككە پىلاستىنكىلىق ماشىنا (单片机)، ئىشلەپچىقىرىشنى باشقۇرۇش ئۈسكىنىلىرى قاتارلىقلارنىڭ پروگراممىلىرىنى تۈزۈشكىمۇ كۆپرەك ئىشلىتىلىدۇ.
5. VC ئۈنۈمى يۇقىرى، ئەپچىل،  كىچىك بولغان com كونروللىغۇچ (com组件) ۋە DLL لەرنى ئېچىشقا ئىنتايىن ماس كېلىدۇ.
6. ئۇنىڭدا ياخشى بولغان ئالاقىلىشىش پروگراممىلىرىنى ئېچىشقا بولىدۇ. مەسلەن: QQ ۋە بىر قىسىم ئالاقىلىشىش قوراللىرى مۇشۇ VC  دىن پايدىلىنىپ تۈزۈلگەن.
7. ئۇنىڭدىن پايدىلىنىپ يەنە، ئۈنۈمى يوقىرى، ئەپچىل بولغان ھۆججەت مەشغۇلاتى پروگراممىلىرىنى ئېچىشقا بولىدۇ.
8. يەنە ئۇندىن باشقا، ئۇنىڭدىن پايدىلىنىپ يۇقىرى ئۈنۈملۈك ساندان مەشغۇلاتى پروگراممىلىرىنى ئېچىشقا بولىدۇ. مەسلەن: تاللا بازىرى باشقۇرۇش سىستېمىسى، بانكا ھېسابات سىستېمسى قاتارلىقلار.
9. VC بولسا CAD پروگراممىلىرىنى تۈزۈشتىكى بىردىنبىر تاللاش.
10. VC بولسا كۆپ مۇساپە (多线程)، تور ئالاقە ۋە تەقسىملىمە ئىشلىتىشچان پروگراممىلىرىنى (分布式应用) ئېچىشتا، باشقا ئېچىش قوراللىرىدا يوق بولغان ئەۋزەللىكلەرگە ئىگە.
VCدا MFC دېگەن بىر ئۇقۇم بار بولۇپ، بۇ توغرىسىدا كېيىنكى يازمامدا تەپسىلى توختىلىمەن.