ئوقۇش باشلاندى، تولۇق 2-يىللىقتىكى بارلىق ئوقۇغۇچىلارغا دەرس بىرىدىغان بولدۇم، ئۆتكەن مەۋسۇم 15 سىنىپقا دەرس بەرگەن ئىدىم، بۇ ماۋسۇم 14 سىنىپ بولدى، يامان يىرى مەن دەرس بىرىۋاتقان تولۇقسىز 1-يىللىقتىكى تۆت سىنىپنى كەسپى كومپيۇتېر بولمىغان كومپيۇتېردىن تۈزۈك بىر نەرسە بىلمەيدىغان خەنزۇ ئايال ئوقۇتقۇچىغا ئۇنىمىسا ئۇنىماي ئۆتىسە دەپ زورلاپ تۇتقۇزۇپ قويدى، مەكتەپتىمۇ ئامال يوق ئىكەن، مەكتەپتە بار كومپيۇتېر ئوقۇتقۇچىسى (كەسىپ ئوقۇغان) ھازىر مەن بوپ قالدىم، ماڭا قويۇپ بەرسە ھەممە سىنىپقا دەرس ئۆتكۈم بار، لىكىن ئۇنداق دىگىنى بولمايدىكەن، نورما 14 سائەت ئىكەن. بۇيىل مەكتەپكە ئالاھىدە شىتاتلىق ئوقۇتقۇچىلاردىن يەنە خېلى ئالدىكەن، كومپيۇتېردىن ئوقۇش پۈتتۈردىغانلار غەيرەت قىلىڭلار، يېنىمغا كەلسەڭلار چوقۇم رازى بولىسىلەر.

كۆڭلۈمنىڭ بىر يەرلىرى يېرىم بولدى، چۈنكى تولۇقسىزدىكى تۆت سىنىپ ئوقۇغۇچۇم ئەمدى بىر مەۋسۇم ئويۇن ئويناپلا كىتىدۇ، تۈزۈك بىر نەرسە ئۈگنەلمەيدۇ، نىمىشقا دەمسىز؟ ئۇلار خەنزۇچە گەپلەرنى چۈشنەلمەيدۇ، مۇئەللىم سۆزلىسە خىيالىدا يوق ئويۇنىنى ئوينايدۇ، «ئوينىما، ئۇيغۇرچە خەت بېشىنى ئۆگۈنۈپ ئاناڭغا كومپيۇتېردا يۈرەك سۆزلىرىڭنى بېسىپ چىقىرىپ بەر، بوۋاڭ-مۇماڭنىڭ رەسىمىنى فوتوشوپتا چىرايلىق رامكىغا ئېلىپ بوۋا،موما سىنى سۆيىمەن دەپ ئۈستىگە خەت يېزىپ، رامكىغا ئېلىپ ئۇلارغا سوۋغا قىل» دەيدىغان، ئۇيغۇرچە سۆزلەپ ئادەم بولۇش توغرىسىدا سۆزلەپ بىردىغان ئوقۇتقۇچسى يوق، شۇڭا ئاشۇ 200 ئوقۇغۇچىم ئۈچۈن كۆڭلۈم يېرىم، ھەي...

ئۈچ كۈندىن بېرى ماۋۇ ئۇبۇنتۇ دىگەن ئاداشنىڭ مۇلازىمىتىر نۇسخىسىنى قاچىلاپ بولالمىدىم، نورمال قاچىلاندى كاساپەت، لىكىن ئۈستەل يۈزىنى قاچىلاپ قوزغاتسام نورمال كىرگىنى بولماي ئىچىمنى بەك سىقتى، ھەقىقىي كومپيۇتېرغا ئىككى قېتىم قاچىلاپ سىناپ باقتىم، مەۋھۇم كومپيۇتېرغا تۆت قېتىم قاچىلاپ مەغلۇپ بولدۇم، ئاخىرى ئۈستەل نۇسخىسنى قاچىلاشقا مەجبۇر بولدۇم، ئۆزەمچە بىر مۇلازىمىتىر بەرپا قىلماقچى ۋە تور بىكەت قۇرۇپ باقماقچى بولىۋاتىمەن، LAMP ۋە LNMPA ئويناپ باقماقچى بولىۋاتىمەن، ئەگىشىدىغانلار بارمۇ؟

نۇرقۇت تورىدىكى چارۋىچى ئەپەندىنىڭ كۆرسەتمىللىرىگە ئاساسەن دۇراپىل دىگەن سىستېما بىلەن تونۇشۇپ چىقتىم بىر قانچە سىن دەرسلىكىنىمۇ كۆرۈپ باقتىم، كارامەت سىستېما ئىكەن، تور بىكەت سىستېمىللىرنىڭ ئىچىدە ماندا كەڭ تاشا لايىھەلەنگەن پروگراممىنى كۆرۈپ باقماپتىكەنمەن، ھەيران قالدىم، ئالدىراپ بىر نەرسىگە ھەيران قالمايتىم، مۇشۇ خەتلىرىمنى ئوقۇۋاتقان ئۆگەنگۈچى ھەۋەسكارلارغا دۇراپىلنى بىر كۆرۈپ چىقىشنى تەۋىسىيە قىلىمەن. دېڭىز ئىكەن، دېڭىز بولغاندىمۇ ھەسەل دېڭىزى دەڭە...

Win8 نىڭ ئىستىمالچىلار نۇسخىسىنى قاچىلاپ ئىشلىتىۋاتىمەن، ماڭا مىكروسوفىتنىڭ مەھسۇلاتلىرى ئانچە بەك يارىمايتى(گەرچە كۈندە شۇلارنىڭ ياسىغان نەرسىللىرىنى ئىشلەتسەممۇ)، ماۋۇ قېتىم Win8 بەك ياراپ قالدى، مۇشۇ خەتلەرنى ھەم مۇشۇ سېستىمىدىكى كىرگۈزگۈچتە ئۆزىنىڭ تېكىست دىتالىغا يېزىۋاتىمەن، تەسىرات ئىنتايىن بەلەن.

ئاندرويىد تېلېفوندىن ئۈچنى بۇزۇپ ئولتۇردۇم، شۇنىڭ بىلەن ئاندرويىد ھەققىدىكى ئىزدىنىشلىرىم توختاپ قالدى، مەۋھۇم كومپيۇتېردا ئوينايدىغان ئوخشايمەن ئەمدى، قاچىلىغان ئۇبۇنتۇغا ئېكلىپىس قاچىلاپ ئاندرويىد ئۈگنۈشىمنى باشلىۋالسام بولغۇدەك...

بۇرادىرىمنىڭ ئېيتىشىچە يېقىندا كانادادا PYCON 2012 SANTA CLARA ئۆتكۈزۈلىپتۇ، بۇيەردە نۇرغۇن كىشىلەر يىغىلىپ ھەرخىل مۇسابىقىلەرنى ئۆتكۈزۈپتۇ، مەسىلەن: مەلۇم بىر مەسلىنى پروگراممىدا ئەڭ تىز بىر تەرەپ قىلىش، ئەڭ قىسقا كود بىلەن بىر تەرەپ قىلىش دىگەندەك... بۇ مۇسابقىگە قاتناشقان كىشىلەر بەك كۆپ ئىكەن، قوللىغان شىركەتلەرنىڭ تىزىملىكىنى كۆرسىڭىزلا بۇ مۇسابىقىنىڭ قانچىلىك قىززىغانلىقىنى ھىس قىلالايسىز(ئاۋۇ خەتلەرنى گوگېلدىن ئىزدىسىڭىزلا بىكەتنى تاپالايسىز).

مەكتەپتە ئىشلەش خېلى كۆڭۈللۈك بولىۋاتىدۇ، بالىلارغا ئۆزۈم ياخشى كۆرگەن مۇھىم مەزمۇنلارنى سۆزلەيمەن، خالىسام ئەدەپ-ئەخلاق، خالىسام بىلىم ئۈگىتىمەن، 8 سائەتتىن خىزمەت قىلسام ھەپتىدە 40 سائەت خىزمەت قىلدىكەنمەن، لىكىن ھەپتىدە 14 سائەت دەرس ئۆتىمەن، قالغان 26 سائەت مىنىڭ ئۆگۈنۈش ۋاقتىم، مۇقۇم كىرىم، مۇقۇم ئۆگۈنۈش ئۆيى... شارائىت ئەمدى خېلى پىشىپ يىتىلگەندەك تۇرىدۇ، يۇقىرى سۈرئەت بىلەن ئىلگىرلەش ئۈچۈن ياخشى كۆرگەن نەرسىللىرىمنىڭ ھەممىنى كۆرىۋاتىمەن.
Android، Ubuntu،Durapel دىگەندەك سىستېمىلار، C#،Java،javas،Python دىگەندەك تىللار، MYSql،NoSQL،Sqlite دىگەندەك ساندانلار، Xmpp دىگەندەك كىلىشىمنامىلەر، ئۇيغۇرچە سۆزدىن تۈپ سۆزنى ئايرىش، سۆز ئىستاستىكىلاش، ئۇيغۇرچە توربىكەتلەردىكى مەزمۇنلارنى كومپيۇتېرغا يىغىش دىگەندەك سامان نەقىدىكى ھەۋەسلىرىم ماڭا خۇشاللىق ئاتا قىلىۋاتىدۇ، ئاللاغا مىڭ شۈكرى كۈنلىرىم يامان ئەمەس. تەن ساق بولسىلا قالغان ئىشلار چوڭ مەسىلە ئەمەس...