گوگېل شىركىتى ئاندرويىد شىركىتى سېتىۋېلىپ ئاندرويىد سىستېمىسىنى ياساپ پۈتتۈرگەندىن كىيىن تەيۋەندىكى  HTCشىركىتى بىلەن ھەمكارلىشىپ، تۇنجى ئاندرويىد تېلېفۇن G1 نى بازارغا سالدى،تېلېفوننىڭ سىستېمىسى گوگېلنىڭ قاتتىق دېتاللىرىHTC نىڭ بولغاچقا بىرقانچە خىل ئىسىم بىلەن ئاتالدى.

مەسىلەن : G1، HTC G1 ، HTCDreamG1، GoogleDream ،Gphone قاتارلىقلار .

مەيلى قانداق ئاتىمايلى بۇ بىر يۇقىرى ئىقتىدارلىق ئەقلى  تېلېفۇن ،بۇ  تېلېفۇنغا 528MHz لىق مەركىزى بىر تەرەپ قىلغۇچ ، 256 مىگابايىتلىق ROM ۋە 192 لىق Ram ئىشلىتىلگەن .كۆپ ۋاسىتە ساقلىغۇچنى قوللايدۇ.ئېكرانى 3.2 لىك چوڭ سىزىمچان ئېكران ،تېلىكامىراسىنىڭ ئېنىقلىق دەرىجسى 320 مىڭ ،تۇلۇق ئىقتىدارلىق كونۇپكا تاختىسى ئىشلىتىلگەن ،كۆك چىش ،ۋايفاي قاتارلىق ئۇچۇر ئالماشتۇرغۇچى ئۈسكۈنىلەر بېكىتىلگەن ،سىمسىز تور مۇھىتى بار شارائىتتا ھەقسىز تورغا چىقىشنى ئەمەلگە ئاشۇرغىلى بولىدۇ.

يۇمشاق دېتال جەھەتتە مۇزىكا قويغۇچ ،فىلىم قويغۇچ ،يەرشارى ئورۇن بەلگىلەش سىستېمىسى...قاتارلىق دېتاللار تەمىنلەنگەن، ئۈچىنچى تەرەپ دېتالى ئارقىلىق ئىقتىدارىنى كېڭەيتكىلى بولىدۇ.

ھازىرقى توردىكى باھاسى 1200 سوم ئالدى كەينىدە ، 2010-يىلى 7-ئايدا ئىشلەپ چىقىرىلىشتىن توختىتىدى، توردىن 100 پىرسەنتلىك يېڭى مال سېتۋالالمايسىز.

ئۈرۈمچىدىكى جوڭسەن  تېلېفۇن بازىرىغا بارسىڭىز ئىككىنچى قول    تېلېفۇنىنى مىڭ سوملار ئەتراپىدا ئالالايسىز.

ئارتۇقچىلىقى :باشقا ئاندرويىد  تېلېفۇنلارغا سېلىشتۇرغاندا باھا جەھەتتە ئەرزان ،توردا ئۈچىنچى تەرەپ يېڭىلاش بولاقلىرى كۆپ ، پۈتۈن ئىقتىدارلىق كۇنۇپكا تاختىسى ئىشلىتىلگەن بولغاچقا دەسلەپكى ئىشلەتكۈچىلەرگە قۇلايلىق ئېلىپ كەلگەن.

كەمچىلىكى: كۆرۈنىشى سەل سەترەك قىزلار ئىشلىتىشكە ماس كەلمەيدۇ.

ئۆلچەملىك تېڭشىغۇچ ئېغىزى ئىشلىتىلمىگەن ئەسلى زاۋۇت تەمىنلىگەن تىڭشىغۇچنى بۇزۇپ قويسىڭىز ئاۋارىچىلىق ،ئەسلى زاۋۇت تەمىنلىگەن تىڭشىغۇچىنىڭ ئۆزىمۇ سەل قوپال ،چوڭراق لاھىيلەنگەن. ئېكران چوڭ بولغاچقا توك سەرپىياتى يۇقىرى. ۋايفاي قاتارلىق تور ئالاقە ئۈسكىنىسى ئۇچۇق شارائىتتا توك تېخىمۇ تىز خوراپ كېتىدۇ.

سېتىۋالغاندا دىققەت قىلىدىغان ئىشلار :تەيۋەندە ئوخشىتىپ ياسالغان نەشرى كۆپ دىققەت قىلمىسىڭىز ئالدىنىپ قالىسىز.

ئىشلىتىشتىن تەسىرات: مەن بۇ تېلېفۇننى ئىشلىتىۋاتقىنى يېرىم يىل بولدى، سىستېمىنى خالىغانچە ئالماشتۇرالايمەن، ئۆزۈم  بولاق ياساپ تەييارلىۋالغان، خۇددىي كومپيۇتېرغا گوست سىستېما قاچىلغانداكلا  سىستېما قاچلايمەن، ئۆزى ئەرزان ، بۇزۇلۇپ كىتەرمۇ دەپ ئەنسىرمەيمەن، باشقا ئاندرويىد تېلېفۇنلاردا بار ئىقتىدارنىڭ ھەممىسى بار، ئۇيغۇرچىنى قوللايدىغان قىلۋالدىم. ئىقتىدارى مۇكەممەلراق بولغان بولاقتىن بىرنى ياساپ، كىينچە بىلوگدا تارقىتىشنى ئويلىشىۋاتىمەن.