يۈرەكتىكى يارقىن تىلەكلەر

ساداقەتجان ھاجى

دوستۇم ياخشى كۆڭلۈمدىن ساڭا ئامەت تىلەيمەن.
ئۆزۈم جاپا چەكسەممۇ ساڭا راھەت تىلەيمەن.

بەختىڭ ئۈچۈن باش ئەگمەي ياشىغۇم بار يول ئىزدەپ،
ساڭا مەڭگۈ ئېگىلمەس قەددى-قامەت تىلەيمەن.

قانات بولۇپ قايرىلماس پەرۋازىڭغا ھەر ۋاقىت،
ئارزۇيۇڭغا مۇناسىپ شانۇ-شەۋكەت تىلەيمەن.

گۈللەر ئۈنسۇن يولۇڭدا، بەختىڭ بولسۇن قولۇڭدا.
ئۆمۈرۋايەت غولىماس تاجۇ-دۆلەت تىلەيمەن.

ئامەت دىگەن ئىنسانغا يەتتە نۆۋەت كىلەرمىش.
لىكىن ساڭا تەڭرىمدىن يەتمىش نۆۋەت تىلەيمەن.

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
(1995-يىل 12-ماي. قەشقەر
«تۇرپان گېزىتى» 1997-يىل 6-ئاينىڭ 20-كۈنى)
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭