-
ﺑﯜﮔﯜﻥ ﺋﻪﺗﯩﮕﻪﻥ ﺋﯩﺪﺍﺭﯨﻐﺎ ﻳﯧﻘﯩﻦ ﻳﻪﺭﺩﯨﻜﻰ ﺑﯩﺮ ﻳﺎﻳﻤﯩﻨﯩﯔ ﺋﺎﻟﺪﯨﺪﺍ ﻧﺎﺷﺘﺎ ﻗﯩﻠﺪﯨﻢ. ﻳﯧﻨﯩﻤﺪﺍ ﺋﯩﻜﻜﻰ ﻛﯩﺸﻰ ﺳﯚﺯﻟﯩﺸﯩﯟﺍﺗﺎﺗﺘﻰ. ﺋﯘﻻﺭ ﺋﯚﺯ ﺋﯩﺸﻠﯩﺮﯨﻨﯩﯔ ﻳﺎﻣﺎﻥ ﺋﻪﻣﻪﺱ ﻛﯧﺘﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺳﯚﺯﻟﻪﺷﺘﻰ. ﺑﯩﺮﻩﻳﻠﻪﻧﻨﯩﯔ "ﺑﺎﺯﺍﺭﻏﺎ ﺋﯩﺶ ﻗﯩﻠﻤﯩﻐﯩﻠﻰ ﺋﯘﺯﯗﻥ ﺑﻮﻟﺪﻯ" ﺩﯦﮕﻪﻥ ﮔﯧﭙﯩﺪﯨﻦ ﺗﺎﻣﭽﻰ، ﻳﺎﻏﺎﭼﭽﻰ ﻳﺎﻛﻰ ﺷﯘﻧﯩﯖﺪﻩﻙ ﺑﯩﺮﻩﺭ ﻛﻪﺳﯩﭗ ﺋﯩﮕﯩﺴﻰ ﺋﯩﻜﻪﻧﻠﯩﻜﯩﻨﻰ ﭘﻪﻣﻠﯩﺪﯨﻢ. ﻳﻪﻧﻪ ﺑﯩﺮﻩﻳﻠﻪﻥ ﺑﯩﺮ ﻧﺎﻫﯩﻴﻪ ﺑﺎﺯﯨﺮﯨﺪﯨﻦ 70 ﻛﯩﻠﻮﻣﯧﺘﯩﺮ ﻳﯩﺮﺍﻗﺘﺎ ﺑﯩﺮ ﺋﯩﺸﻨﯩﯔ ﺑﺎﺭﻟﯩﻘﯩﻨﻰ ﺩﯦﺪﻯ، ﻳﻪﻧﻪ ﺑﯩﺮﺳﻰ ﺳﻪﻝ ﻳﯩﺮﺍﻕ ﻛﯚﺭﯛﯞﯨﺪﻯ، ﺋﯘﻧﯩﯔ ﭘﯘﻟﯩﻨﯩﯔ ﺋﻮﺑﺪﺍﻧﻠﯩﻘﯩﻨﻰ ﺩﯦﺪﻯ. ﺋﺎﻧﺪﯨﻦ ﺋﯘﻻﺭ ﻳﻪﻧﻪ ﺋﻪﻫﯟﺍﻝ ﺳﻮﺭﺍﺷﺘﻰ. ﺑﯩﺮﺳﻰ ﺋﯚﺯﯨﻨﯩﯔ ﺑﯩﺮ ﺗﺎﺋﯩﭙﯩﺪﯨﻦ 10 ﻳﯩﻠﺪﯨﻦ ﺑﯧﺮﻯ ﭘﯘﻟﯩﻨﻰ ﺋﺎﻻﻟﻤﺎﻱ ﺳﻮﺗﻼﺷﻘﺎﻧﻠﯩﻘﻰ، ﺳﻮﺗﺘﺎ ﺗﯧﻨﯩﯟﺍﻟﻐﺎﻧﻠﯩﻘﻰ، ﺳﻮﺗﭽﯩﻨﯩﯔ ﺗﯧﻨﯩﯟﺍﻟﻐﯘﭼﯩﻨﻰ ﺗﯩﻠﻠﯩﻐﺎﻧﻠﯩﻘﻰ، ﻛﯧﻴﯩﻦ ﻣﯘﺭﻩﺳﺴﻪﮔﻪ ﻛﻪﻟﮕﻪﻧﻠﯩﻜﻰ، ﻟﯧﻜﯩﻦ ﺋﯘﻻﺭﻧﯩﯔ ﻗﻪﺭﯨﺰ ﻗﺎﻳﺘﯘﺭﯗﺵ ﯞﺍﻗﺘﯩﻨﻰ 12- ﺋﺎﻳﻨﯩﯔ 25- ﻛﯜﻧﯩﮕﻪ ﺗﻮﻏﺮﯨﻼﭖ ﻗﻮﻳﻐﺎﻧﻠﯩﻘﯩﻨﻰ ﺩﯦﺪﻯ. ﻗﺎﺭﯨﻐﺎﻧﺪﺍ ﺋﯘ ﺳﻮﺗﺘﯩﻦ ﺋﺎﻧﭽﻪ ﻧﺎﺭﺍﺯﻯ ﺋﻪﻣﻪﺱ ﺋﯩﺪﻯ. ﺑﯘ ﮔﻪﭘﺘﯩﻦ ﻛﯧﻴﯩﻨﻼ ﺳﻮﺕ ﯞﻩﻗﻪﺳﯩﻨﻰ ﺳﯚﺯﻟﯩﮕﯜﭼﻰ ﻗﺎﺭﺷﻰ ﺗﻪﺭﻩﭘﻨﯩﯔ ﺋﺎﻧﯩﺴﯩﻨﯩﯔ ﺋﻪﻫﯟﺍﻟﯩﻨﻰ ﺳﻮﺭﯨﺪﻯ. ﻗﺎﺭﺷﻰ ﺗﻪﺭﻩﭖ "ﻳﺎﻣﺎﻥ ﺋﻪﻣﻪﺱ ﺗﯘﺭﺩﻯ، ﻟﯧﻜﯩﻦ ﻳﺎﺷﯩﻨﯩﭗ ﻗﺎﻟﺪﻯ" ﺩﯦﺪﻯ. ﻗﺎﺭﺷﻰ ﺗﻪﺭﻩﭖ "ﻳﺎﺷﯩﻨﯩﭗ ﻗﺎﻟﺪﻯ" ﺩﻩﭖ ﺗﻪﻛﺮﺍﺭﻟﯩﺪﻯ. ﺋﻪﻫﯟﺍﻝ ﺳﻮﺭﯨﻐﯘﭼﻰ ﺋﺎﻟﻼﻫﻨﯩﯔ ﺋﺎﻧﯩﻨﻰ ﺭﺍﺯﻯ ﻗﯩﻠﯩﺶ ﻫﻪﻗﻘﯩﺪﯨﻜﻰ ﻛﺎﻻﻣﯩﻨﻰ ﺋﯚﺯ ﺗﯩﻠﯩﻐﺎ ﺋﺎﻳﻼﻧﺪﯗﺭﯗﭖ ﺑﺎﻳﺎﻥ ﻗﯩﻠﺪﻯ. ﺋﺎﻧﺪﯨﻦ ﺋﯘﻧﯩﯖﻐﺎ ﻣﯘﻧﺪﺍﻕ ﺩﯦﺪﻯ: - ﺋﺎﺩﺍﺵ، ﺑﯩﺰﻧﯩﯔ ﺗﺎﭘﻘﺎﻥ ﭘﯘﻟﯩﻤﯩﺰﻧﻰ ﻳﯩﻐﺴﺎ ﺑﯩﺮ-ﺋﯩﻜﻜﻰ ﻣﯩﻠﻴﻮﻧﺪﯨﻦ ﺋﯧﺸﯩﭗ ﻛﯧﺘﯩﺪﯗ، ﻟﯧﻜﯩﻦ ﺑﯩﺰ ﺋﯘ ﭘﯘﻟﻼﺭﻧﻰ ﺗﯘﺗﺎﻟﻤﺎﻱ ﻗﺎﻟﺪﯗﻕ، ﻫﯧﻠﯩﻤﯘ ﺧﯘﺩﺍﻏﺎ ﺷﯜﻛﺮﻯ ﭘﯘﻝ ﺩﯦﮕﻪﻧﻨﻰ ﺗﺎﭘﯩﺪﯨﻜﻪﻧﻤﯩﺰ، ﺗﯧﭙﯩﯟﺍﺗﯩﻤﯩﺰ. ﺋﻪﯓ ﻣﯘﻫﯩﻤﻰ ﺑﯩﺰ ﺋﺎﺗﺎ-ﺋﺎﻧﯩﻤﯩﺰﻧﻰ ﺭﺍﺯﻯ ﻗﯩﻠﺴﺎﻕ ﺑﻮﻟﯩﺪﯨﻜﻪﻥ، ﺑﯩﺰﻧﯩﻤﯘ ﺧﯘﺩﺍ ﺋﯚﺯ ﺩﻩﺭﮔﺎﻫﯩﻐﺎ ﺋﯧﻠﯩﭗ ﻛﯧﺘﯩﺪﯗ، ﺑﯜﮔﯜﻧﻤﯘ، ﺋﻪﺗﯩﻤﯘ ﺑﯩﻠﻤﻪﻳﻤﯩﺰ، ﺋﯘ ﺩﯗﻧﻴﺎﺩﺍ ﺧﯘﺩﺍﻧﯩﯔ ﺋﺎﻟﺪﯨﺪﺍ ﻳﯜﺯﯨﻤﯩﺰ ﻳﻮﺭﯗﻕ ﺑﻮﻟﯘﺵ ﺋﯜﭼﯜﻥ ﺋﺎﻧﯩﻤﯩﺰﻧﯩﯔ ﺑﻪﻙ ﻫﯚﺭﻣﯩﺘﯩﻨﻰ ﻗﯩﻠﺴﺎﻕ ﺑﻮﻟﯩﺪﯨﻜﻪﻥ، ﻛﯜﻧﺪﻩ ﺑﯩﺮ ﻗﯧﺘﯩﻢ ﻳﻮﻗﻼﻳﻠﻰ، ﻫﻪﺭ ﻗﺎﻧﭽﻪ ﺋﺎﻟﺪﯨﺮﺍﺵ ﺑﻮﻟﺴﺎﻗﻤﯘ ﻳﻮﻗﻼﭖ ﺗﯘﺭﺍﻳﻠﻰ، ﺳﯩﻠﯩﻨﯩﯔ ﺋﺎﻧﺎﯕﻠﯩﻨﻰ ﻣﻪﻥ ﺑﯩﻠﯩﻤﻪﻥ، ﺋﺎﭼﭽﯩﻘﻰ ﻳﺎﻣﺎﻧﺮﺍﻕ، ﻟﯧﻜﯩﻦ ﺋﺎﺩﺍﺵ، ﻫﻪﺭﻗﺎﻧﭽﻪ ﺋﺎﭼﭽﯩﻘﻼﻧﺴﯩﻤﯘ ﺋﯘ ﺋﺎﻧﺎ، ﺳﯩﻠﻪ ﻫﻪﺭﮔﯩﺰ ﮔﻪﭖ ﻳﺎﻧﺪﯗﺭﻣﺎﻱ ﻛﯜﻧﺪﻩ ﺑﯩﺮ ﻗﯧﺘﯩﻢ ﻳﻮﻗﻼﭖ ﺗﯘﺭﯗﯕﻼ.... ﺑﯘ ﭼﺎﻏﺪﺍ ﺋﺎﺑﺪﯗﻟﻼﻧﯩﯔ "ﺋﺎﻧﺎ" ﺩﯦﮕﻪﻥ ﻧﺎﺧﺸﯩﺴﯩﻨﯩﯔ ﺋﺎﺭﻟﯩﻘﯩﺪﯨﻜﻰ ﺑﯩﺮ ﺟﯜﻣﻠﻪ ﺳﯚﺯﻯ ﺋﯧﺴﯩﻤﮕﻪ ﻛﻪﻟﺪﻯ. ﻣﻪﻥ ﻣﺎﺭﺍﻟﺒﯧﺸﯩﺪﺍ ﻳﻪﺭ ﺗﻪﯞﺭﯨﮕﻪﻥ ﭼﺎﻏﺪﺍ ﺑﺎﺷﻘﯩﻼﺭﺩﯨﻦ ﺋﺎﺑﺪﯗﻟﻼﻧﯩﯔ ﻣﻮﺷﯘ ﻳﻪﺭ ﺗﻪﯞﺭﻩﺷﺘﻪ ﺗﺎﻻﭘﻪﺗﻜﻪ ﺋﯘﭼﺮﯨﻐﺎﻥ ﺑﺎﺭﻟﯩﻖ ﺋﺎﻧﯩﻼﺭﻏﺎ ﺑﯧﻐﯩﺸﻼﭖ ﺑﯩﺮ ﻧﺎﺧﺸﺎ ﺋﻮﻗﯘﻏﺎﻧﻠﯩﻘﯩﻨﻰ ﺋﺎﯕﻼﭖ، ﺋﺎﺑﺪﯗﻟﻼﻧﯩﯔ ﺑﯘ ﺋﯩﺸﯩﺪﯨﻦ ﺗﻪﺳﯩﺮﻟﻪﻧﮕﻪﻧﯩﺪﯨﻢ، ﻛﯧﻴﯩﻦ ﺑﯘ ﻧﺎﺧﺸﯩﻨﻰ ﺋﺎﯕﻼﭖ ﺋﯘﻧﯩﯔ ﻣﯘﺯﯨﻜﯩﺴﻰ، ﺗﯧﻜﯩﺴﺘﯩﻨﯩﯔ ﺳﻪﯞﯨﻴﯩﺴﯩﻨﯩﯔ ﻳﯘﻗﯩﺮﯨﻠﯩﻘﯩﻐﺎ ﻗﺎﺗﺘﯩﻖ ﻫﻪﻳﺮﺍﻥ ﻗﺎﻟﻐﺎﻧﯩﺪﯨﻢ. ﺑﯩﺮ ﭼﺎﻏﻼﺭﺩﺍ ﻣﻪﻥ ﺑﯘ ﻧﺎﺧﺸﯩﻨﻰ ﻛﯜﻧﺪﻩ ﺋﯩﺸﺘﯩﻦ ﻗﺎﻳﺘﻘﺎﻧﺪﺍ ﺋﺎﯕﻼﺷﻨﻰ ﺋﺎﺩﻩﺕ ﻗﯩﻠﻐﺎﻧﯩﺪﯨﻢ، ﻧﺎﺧﺸﺎ ﺋﺎﺭﻟﯩﻘﯩﺪﺍ ﺋﺎﺑﺪﯗﻟﻼ ﻗﯩﺴﺘﯘﺭﻏﺎﻥ ﺳﯚﺯﻟﻪﺭ ﻣﺎﯕﺎ ﺯﯨﻴﺎﺩﻩ ﺗﻪﺳﯩﺮﻟﯩﻚ، ﻛﺎﺗﺘﺎ ﺑﯩﺮ ﻧﯘﺗﯘﻗﺘﻪﻙ ﺗﯘﻳﯘﻻﺗﺘﻰ. "ﺋﻪﺳﺴﺎﻻﻣﯘ ﺋﻪﻳﻜﯘﻡ، ﻧﺎﯞﺍ ﺋﯜﻥ-ﺳﯩﻦ ﻣﻪﺭﻛﯩﺰﻯ ﺑﯩﺰ ﺋﯜﭼﯜﻥ ﻫﺎﺯﯨﺮﻟﯩﻐﺎﻥ ﻣﺎﻧﺎ ﻣﻮﺷﯘ ﻣﻪﺷﺮﻩﭖ ﺳﻮﺭﯗﻧﻰ ﺋﺎﺭﻗﯩﻠﯩﻖ، ﻛﻪﯓ ﺳﻮﺭﯗﻥ ﺋﻪﻫﻠﻰ ﺑﯩﻠﻪﻥ ﺑﯩﺮﻟﯩﻜﺘﻪ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺭﺍﻳﻮﻧﻼﺭﺩﯨﻜﻰ ﺑﺎﺭﻟﯩﻖ ﺋﺎﻧﯩﻼﺭﺩﯨﻦ ﻗﯩﺰﻏﯩﻦ ﻫﺎﻝ ﺳﻮﺭﺍﻳﻤﯩﺰ ﯞﻩ ﺋﻪﯓ ﺋﺎﻟﯩﻲ ﺳﺎﻻﻣﯩﻤﯩﺰﻧﻰ ﻳﻮﻟﻼﻳﻤﯩﺰ!" ﻫﯜﻧﻪﺭﯞﻩﻧﻨﯩﯔ ﻣﯘﻫﺘﺎﺟﺴﯩﺰ ﻫﺎﻟﺪﺍ ﺋﯚﺯ ﻛﯜﻧﯩﻨﻰ ﺋﯧﻠﯩﯟﺍﺗﻘﺎﻧﻠﯩﻘﯩﻨﻰ، ﺑﯩﺮﻣﯘﻧﭽﻪ ﭘﯘﻝ ﺗﺎﭘﻘﺎﻧﻠﯩﻘﻰ، ﺋﺎﻧﯩﺴﯩﻨﻰ ﺋﻮﻳﻠﯩﻐﺎﻧﻠﯩﻘﻰ ﻣﯧﻨﻰ ﺗﻪﺳﯩﺮﻟﻪﻧﺪﯛﺭﺩﻯ. ﺩﻩﺭﯞﻩﻗﻪ ﺑﯘ ﺑﯩﺮ ﺋﺎﺩﺩﯨﻲ ﺋﯩﺶ. ﻟﯧﻜﯩﻦ ﻫﻪﻣﻤﯩﻼ ﺗﻪﺭﻩﭘﺘﻪ ﻧﻪﺱ ﺑﺎﺳﻘﺎﻧﺪﻩﻙ ﺗﯘﻳﯘﻟﯩﺪﯨﻐﺎﻥ ﻣﻮﺷﯘ ﻛﯜﻧﺪﻩ ﻛﯩﭽﯩﻜﻜﯩﻨﻪ ﺋﯩﺸﻼﺭﻣﯘ ﺋﺎﺩﻩﻣﻨﻰ ﻫﺎﻳﺎﺟﺎﻧﻐﺎ ﺳﺎﻟﯩﺪﯨﻜﻪﻥ. ﺋﺎﺩﻩﻣﻠﻪﺭ ﺑﯩﺮ ﻛﯩﺸﻠﯩﻚ ﺧﯩﺰﻣﻪﺕ ﺋﯜﭼﯜﻥ ﺑﻪﻙ ﺟﺎﭘﺎ ﺗﺎﺭﺗﯩﭗ ﻛﯧﺘﯩﯟﺍﺗﯩﺪﯗ. ﺷﯘ ﺧﯩﺰﻣﻪﺗﻜﻪ ﺋﯧﺮﯨﺸﻜﻪﻧﻠﻪﺭ ﮔﯚﺷﻨﻰ ﻳﯧﮕﻪﻧﺴﯩﺮﻯ ﺭﻩﯕﮕﻰ ﺗﺎﺗﯩﺮﯨﭗ، ﻏﻪﻡ-ﺋﻪﻧﺪﯨﺸﯩﺪﯨﻦ ﻗﯘﺗﯘﻻﻟﻤﺎﻱ ﺋﻪﻧﺴﯩﺰﻟﯩﻚ ﺋﯩﭽﯩﺪﻩ ﻳﺎﺷﺎﯞﺍﺗﯩﺪﯗ. ﺋﺎﺗﯩﻼﺭ ﺑﯩﺰﮔﻪ "ﺑﺎﻻﻡ ﻫﯚﻧﯩﺮﯨﻤﻨﻰ ﺋﯚﮔﯩﻨﯩﯟﺍﻝ، ﻣﻪﻧﺪﯨﻦ ﻛﯧﻴﯩﻦ ﻗﺎﻟﺴﺎﯓ، ﺧﺎﺭﻟﯩﻘﺘﺎ، ﻣﯘﻫﺘﺎﺟﻠﯩﻘﺘﺎ ﻗﺎﻟﻤﺎﻳﺴﻪﻥ" ﺩﯦﮕﻪﻥ ﺋﯩﺪﻯ. ﻣﺎﻧﺎ ﺑﯘ ﮔﻪﭘﻠﻪﺭﻧﻰ ﺑﯩﺰ ﺷﯘ ﭼﺎﻏﻼﺭﺩﺍ ﭼﯜﺷﻪﻧﻤﯩﮕﻪﻥ ﺋﯩﺪﯗﻕ. ﭼﯜﻧﻜﻰ ﺑﯩﺰ ﻣﯘﻫﺘﺎﺟﻠﯩﻖ، ﺧﺎﺭﻟﯩﻖ ﺩﯦﮕﻪﻧﻨﯩﯔ ﻧﯧﻤﯩﻠﯩﻜﯩﻨﻰ ﺑﯩﻠﻤﻪﻳﺘﺘﯘﻕ. ﺑﯩﺰ ﻣﻪﻛﺘﻪﭘﻠﻪﺭﺩﻩ ﺋﺎﺗﺎ-ﺋﺎﻧﯩﻤﯩﺰ ﺋﻪﯞﻩﺗﻜﻪﻥ ﭘﯘﻟﻐﺎ ﭼﯩﺮﺍﻳﻠﯩﻖ ﻛﯩﻴﯩﻤﻠﻪﺭﻧﻰ ﻛﯩﻴﯩﭗ، ﻗﻮﻟﺘﯘﻗﯩﻤﯩﺰﻧﻰ ﻛﯩﺘﺎﺑﻨﻰ ﻗﯩﺴﺘﯘﺭﯗﯞﯦﻠﯩﭗ ﻗﯩﺰﻻﺭ ﺑﯩﻠﻪﻥ ﻛﯜﻟﻜﻪ-ﭼﺎﻗﭽﺎﻕ ﺑﯩﻠﻪﻥ ﻣﺎﯕﺴﺎﻕ، ﺋﯚﺯﯨﻤﯩﺰﻧﻰ ﺟﺎﻫﺎﻧﺪﯨﻜﻰ ﺟﯩﻤﻰ ﺋﯩﺸﻼﺭﻧﻰ ﺑﯩﻠﯩﺪﯨﻐﺎﻧﺪﻩﻙ ﻫﯧﺲ ﻗﯩﻼﺗﺘﯘﻕ. ﻟﯧﻜﯩﻦ ﺑﯩﺰ 17 ﻳﯩﻞ ﺋﯚﮔﻪﻧﮕﻪﻥ ﻧﻪﺭﺳﯩﻠﻪﺭ ﺑﯩﻠﻪﻥ ﭘﻪﻗﻪﺕ ﻫﯚﻛﯜﻣﻪﺗﻜﻪ ﻳﺎﻟﻠﯩﻨﯩﭗ ﺋﯩﺸﻠﻪﺵ ﺋﺎﺭﻗﯩﻠﯩﻖ ﺟﺎﻥ ﺑﺎﻗﻘﯩﻠﯩﻼ ﺑﻮﻻﺗﺘﻰ، ﺋﯘﻧﯩﯖﺴﯩﺰ ﺑﯩﺰ ﺑﯩﺮ ﭘﺎﻱ ﺋﺎﻳﺎﻏﻨﻰ ﻳﺎﻣﺎﭖ ﺑﻪﺵ ﻣﻮﭼﻪﻥ ﺋﺎﻟﻐﯘﺩﻩﻙ ﻫﯜﻧﻪﺭ ﻳﻮﻕ ﺋﯩﺪﻯ. ﺋﺎﺗﯩﻼﺭ ﺑﯩﺰﺩﯨﻦ ﺑﺎﻻﭖ "ﺑﯘ ﻣﻪﻛﺘﻪﭘﻨﻰ ﺗﯜﮔﻪﺗﻜﻪﻧﺪﯨﻦ ﻛﯧﻴﯩﻦ ﻧﯧﻤﻪ ﺑﻮﻟﯩﺴﻪﻥ؟" ﺩﻩﻳﺘﺘﻰ. ﺑﯩﺰ ﺑﯘ ﺳﯘﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﻩﻟﻤﻪﻳﺘﺘﯘﻕ، ﺷﯘﻧﯩﯔ ﺑﯩﻠﻪﻥ ﻳﺎ ﺋﯘﻻﺭﻧﻰ ﻧﺎﺩﺍﻧﻐﺎ ﭼﯩﻘﯩﺮﯨﺪﯨﻐﺎﻥ ﻳﺎ ﺋﯚﺯﯨﻤﯩﺰﻧﻰ ﻧﺎﺩﺍﻧﻐﺎ ﭼﯩﻘﯩﺮﯨﺪﯨﻐﺎﻥ ﺟﺎﯞﺍﺑﺘﯩﻦ ﺑﯩﺮﻧﻰ ﺑﯧﺮﻩﺗﺘﯘﻕ. ﺋﻮﻳﻠﯩﺴﺎﻡ ﺋﯘﻻﺭﻏﺎ ﻣﺎﺗﯧﻤﺎﺗﯩﻜﺎ، ﺧﯩﻤﯩﻴﻪ، ﺋﻪﺩﻩﺑﯩﻴﺎﺕ، ﻓﯩﺰﯨﻜﺎ... ﺩﯦﮕﻪﻧﺪﻩﻙ ﭘﻪﻧﻠﻪﺭ ﻫﻪﻗﻘﯩﺪﻩ ﭼﯜﺷﻪﻧﭽﻪ ﺑﯧﺮﯨﺸﻠﯩﺮﯨﻤﯩﺰﻧﯩﯔ ﺋﯚﺯﻯ ﺋﯘﭼﯩﻐﺎ ﭼﯩﻘﻘﺎﻥ ﻧﺎﺩﺍﻧﻠﯩﻖ ﺋﯩﺪﻯ. ﭼﯜﻧﻜﻰ ﺋﺎﺗﯩﻼﺭ ﺑﯘﻧﺪﺍﻕ ﻗﯘﺭﯗﻕ ﮔﻪﭘﻠﻪﺭﻧﯩﯔ ﺯﺍﺩﯨﻼ ﺋﺎﻗﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﻪﺗﺘﻰ! ﺋﯘﻻﺭ ﭘﻪﻗﻪﺕ ﺑﯘ ﭘﻪﻧﻠﻪﺭﻧﯩﯔ ﻗﺎﻳﺴﻰ ﻫﯜﻧﻪﺭ ﺗﯜﺭﯨﮕﻪ ﻛﯩﺮﯨﺪﯨﻐﺎﻧﻠﯩﻘﻰ، ﺑﯘ ﻫﯜﻧﻪﺭ ﺑﯩﻠﻪﻥ ﻛﻪﻟﮕﯜﺳﯩﺪﻩ ﻣﯘﻫﺘﺎﺟﻠﯩﻖ ﯞﻩ ﺧﺎﺭﻟﯩﻘﺘﯩﻦ ﻳﯩﺮﺍﻕ ﻳﺎﺷﯩﻴﺎﻻﻳﺪﯨﻐﺎﻥ-ﻳﺎﺷﯩﻴﺎﻟﻤﺎﻳﺪﯨﻐﺎﻧﻠﯩﻘﯩﻤﯩﺰﻏﺎ ﻛﯚﯕﯜﻝ ﺑﯚﻟﻪﺗﺘﻰ. ﺑﯩﺰ ﻓﯩﺰﯨﻜﯩﺪﺍ ﺋﻮﻗﯘﻏﺎﻥ ﺑﯩﻠﻪﻥ ﺋﯚﻳﺪﯨﻜﻰ ﺭﺍﺩﯨﺌﻮﻧﻰ ﺋﻮﯕﺸﯩﻴﺎﻟﻤﺎﻳﺘﺘﯘﻕ، ﺑﯩﺌﻮﻟﻮﮔﯩﻴﻪﺩﻩ ﺋﻮﻗﯘﻏﺎﻥ ﺑﯩﻠﻪﻥ ﭘﺎﺗﻘﺎﻕ ﮔﺎﺯﻯ ﻳﺎﺳﯩﻴﺎﻟﻤﺎﻳﺘﺘﯘﻕ، ﺟﯩﻦ ﭼﯩﺮﺍﻏﻘﺎ ﭘﯩﻠﯩﻜﻤﯘ ﻳﺎﺳﯩﻴﺎﻟﻤﺎﻳﺘﺘﯘﻕ. ﺑﯩﺰ ﺑﯘ ﻫﺎﻟﯩﻤﯩﺰﻧﻰ ﻛﯚﺭﮔﻪﻥ ﺋﺎﺗﯩﻼﺭ ﺑﯩﺰﻧﯩﯔ ﺗﻪﻗﺪﯨﺮﯨﻤﯩﺰﻧﻰ ﺧﯘﺩﺍﻏﺎ ﺗﺎﭘﺸﯘﺭﯗﭖ ﺋﺎﺭﺗﯘﻕ ﮔﻪﭖ ﻗﯩﻠﻤﺎﻳﺘﺘﻰ، ﺑﯩﺰ ﺋﻮﻗﯘﺵ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ ﺋﯚﺯ ﺗﻪﻗﺪﯨﺮﯨﻤﯩﺰﻧﻰ ﻫﯚﻛﯜﻣﻪﺗﻜﻪ ﺗﺎﭘﺸﯘﺭﺍﺗﺘﯘﻕ.... ﺗﯜﻧﯜﮔﯜﻥ ﻛﻪﭺ ﺑﯩﺮﻩﻳﻠﻪﻥ ﺑﯩﻠﻪﻥ ﻣﻪﻧﯩﯟﯨﻲ ﺑﺎﻳﻠﯩﻖ ﻫﻪﻗﻘﯩﺪﻩ ﺳﯚﺯﻟﯩﺸﯩﭗ ﻗﺎﻟﺪﯗﻕ. ﺑﯘﻧﯩﯔ ﺯﺍﺩﻯ ﻧﯧﻤﯩﮕﻪ ﺋﻪﺳﻘﺎﺗﯩﺪﯨﻐﺎﻧﻠﯩﻘﯩﻨﻰ ﺯﺍﺩﯨﻼ ﺑﯩﻠﻪﻟﻤﯩﺪﯨﻢ، ﺋﯘﻣﯘ ﺷﯘﻧﺪﺍﻗﺮﺍﻕ ﻛﻪﻳﭙﯩﻴﺎﺗﻘﺎ ﻛﻪﭖ ﻗﺎﻟﻐﺎﻧﻠﯩﻘﯩﻨﻰ ﺩﯦﺪﻯ. ﭼﯜﻧﻜﻰ ﺑﯩﺰﺩﻩ ﺋﯘ ﺋﯧﺸﯩﭗ-ﺗﯧﺸﯩﭗ ﺗﯘﺭﻏﺎﻥ، ﻟﯧﻜﯩﻦ ﺋﯘﻧﻰ ﻳﺎ ﺋﯩﺸﻠﻪﺗﻜﯩﻠﻰ، ﻫﯧﭻ ﺑﻮﻟﻤﯩﻐﺎﻧﺪﺍ ﺟﯧﻨﯩﻤﯩﺰﻧﻰ ﺑﯧﻘﯩﺸﻘﺎ ﺳﻪﺭﭖ ﻗﯩﻠﻐﯩﻠﻰ ﺑﻮﻟﻤﺎﻳﯟﺍﺗﺎﺗﺘﻰ. ﺗﻮﻏﺮﺍ، ﻫﺎﻣﯩﻨﻰ ﺑﯩﺮﻛﯜﻧﻰ ﺋﻪﺳﻘﺎﺗﯩﺪﯗ، ﻟﯧﻜﯩﻦ ﺋﺎﺩﻩﻡ ﺋﯚﻟﯜﭖ ﻛﯧﺘﯩﺪﯗ. ﺑﯩﺰﻧﯩﯔ ﺩﻩﯞﺭﯨﻤﯩﺰﺩﻩ ﻣﻪﻧﯩﯟﯨﻲ ﺑﺎﻳﻠﯩﻖ ﺑﯩﻠﻪﻧﻼ ﻳﺎﺷﯩﻐﺎﻥ ﻛﯩﺸﯩﻠﻪﺭ ﺋﯩﺖ ﺋﯚﻟﯜﻣﯩﺪﻩ ﻗﯩﻴﻨﯩﻠﯩﭗ ﺋﯚﻟﺪﻯ. ﺋﯘﻻﺭ ﺋﺎﺗﺎ-ﺋﺎﻧﯩﺴﯩﺪﯨﻦ ﻗﺎﻏﯩﺶ ﺋﺎﻟﺪﻯ. ﭼﯜﻧﻜﻰ ﻗﻮﺭﺳﯩﻘﯩﺪﺍ ﻟﯩﻖ ﭘﻮﻕ ﺑﯩﻠﻪﻥ ﺑﯩﻠﯩﻢ ﻗﺎﭼﯩﻠﯩﻐﺎﻥ ﺑﯘ ﺯﯨﻴﺎﻟﯩﻴﻼﺭ، ﺋﺎﻟﯩﻤﻼﺭﻧﻰ ﺩﻭﺧﺘﯘﺭﺧﺎﻧﯩﻨﯩﯔ ﭘﯘﻝ ﺋﯧﻠﯩﺶ ﺗﯚﺷﯜﻛﻠﯩﺮﻯ ﺗﻮﻧﯘﻣﯩﺪﻯ، ﻳﻪﺭﻟﯩﻚ ﺑﯧﺮﯨﺪﯨﻐﺎﻥ ﮔﯚﺭﻛﺎﺭﻣﯘ ﺗﻮﻧﯘﻣﯩﺪﻯ. ﺋﻮﻗﯘﯞﺍﺗﻘﺎﻥ ﭼﺎﻏﻠﯩﺮﯨﻤﺪﺍ ﺑﯩﺮ ﻧﻪﭼﭽﻪ ﺋﻮﻗﯘﺗﻘﯘﭼﯩﻨﯩﯔ ﺋﯚﻟﯜﻛﻰ ﻳﺎﺕ ﻳﯘﺭﺗﺘﺎ ﻗﺎﻟﺪﻯ، ﺋﯘﻧﻰ ﺋﯩﺸﻠﻪﺗﻜﻪﻥ ﺗﻪﺷﻜﯩﻞ ﺑﯩﺰﺩﯨﻦ ﺋﯩﺌﺎﻧﻪ ﻳﯩﻐﯩﭗ ﺋﺎﺭﺍﻥ ﺩﯦﮕﻪﻧﺪﻩ ﺋﻪﻛﻪﻟﺪﻯ. ﺑﯩﺮ ﺑﯩﻠﯩﻤﻠﯩﻚ ﺋﻮﻗﯘﺗﻘﯘﭼﻰ ﺑﺎﺭ ﺋﯩﺪﻯ، ﺋﯘ ﺋﺎﻕ ﻗﺎﻥ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﺪﻯ، ﺑﯩﺰ ﺋﯩﺌﺎﻧﻪ ﻳﯩﻐﺪﯗﻕ. ﻛﯜﻟﻜﯩﻠﯩﻚ ﻳﯧﺮﻯ ﺋﯘﻧﯩﯔ ﻣﺎﺋﺎﺷﯩﻨﻰ ﺗﯘﺗﯘﭖ ﻗﺎﻟﺪﻯ، ﻧﯧﻤﯩﺸﻘﺎ ﺩﯦﮕﻪﻥ ﺳﯘﺋﺎﻟﻐﺎ، "ﺳﯩﺰ ﺧﯩﺰﻣﻪﺗﻜﻪ ﭼﯩﻘﻤﯩﺴﯩﯖﯩﺰ ﻗﺎﻧﺪﺍﻕ ﻣﺎﺋﺎﺵ ﺑﻪﺭﮔﯩﻠﻰ ﺑﻮﻟﯩﺪﯗ؟" ﺩﯦﮕﻪﻥ ﺟﺎﯞﺍﺑﻨﻰ ﺋﺎﻟﺪﻯ، ﺋﯘ ﺋﺎﺧﯩﺮ ﺋﯚﻟﻪﻣﯩﺠﺎﻥ ﺗﯧﯩﻨﯩﻨﻰ ﺳﯚﺭﻩﭖ ﺧﯩﺰﻣﻪﺗﻜﻪ ﭼﯩﻘﺘﻰ.... ﺋﻪﻳﻨﻰ ﭼﺎﻏﺪﺍ ﻣﻪﻥ ﺑﯘ ﺋﯩﺸﻼﺭﺩﯨﻦ ﻗﺎﺗﺘﯩﻖ ﭼﯚﭼﯩﺪﯨﻢ ﺩﻩﭖ ﺋﻮﻳﻠﯩﻐﺎﻧﯩﺪﯨﻢ، ﻟﯧﻜﯩﻦ ﻛﯧﻴﻨﻜﻰ ﺭﯦﺌﺎﻟﻠﯩﻖ ﻣﯧﻨﻰ ﺭﺍﺳﺘﯩﻨﻼ ﭼﯚﭼﯜﺗﺘﻰ. ﮔﻪﺭﭼﻪ ﺑﯧﺸﯩﻤﻐﺎ ﺋﯘﻧﭽﻪ ﺋﯧﻐﯩﺮ ﻛﯜﻧﻠﻪﺭ ﻛﻪﻟﻤﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺷﯘﻧﺪﺍﻕ ﺑﯩﺮ ﻛﯜﻥ ﻛﻪﻟﺴﻪ ﺋﯚﺯﯛﻣﻨﯩﯔ ﻫﻪﻗﯩﻘﻪﺗﻪﻥ ﺧﺎﺭﻟﯩﻖ ﯞﻩ ﻣﯘﻫﺎﺟﻠﯩﻖ ﺋﯩﻠﻜﯩﺪﻩ ﻗﯩﻴﻨﯩﻠﯩﭗ ﻛﯧﺘﯩﺪﯨﻐﺎﻧﻠﯩﻘﯩﻢ ﺋﯧﻨﯩﻖ ﺋﯩﺪﻯ. ﻣﻪﺳﯩﻠﻪ ﺑﺎﻳﺎﻥ ﺑﯩﻠﻪﻥ ﻫﻪﻝ ﺑﻮﻟﻤﺎﻳﺪﯗ. ﻣﻮﺷﯘ ﻛﯜﻧﻠﻪﺭﺩﻩ ﻣﻪﻥ ﺑﺎﻳﻼﺭ ﯞﻩ ﻛﻮﻣﭙﺎﺭﺗﯩﻴﯩﻨﯩﯔ ﻏﻪﻳﯟﯨﺘﯩﻨﻰ ﻗﯩﻠﻐﺎﻧﻼﺭﻧﯩﯔ ﮔﯧﭙﯩﻨﻰ ﺋﺎﯕﻠﯩﻤﺎﺱ ﺑﻮﭖ ﻛﻪﺗﺘﯩﻢ، ﭼﯜﻧﻜﻰ ﻫﻪﺭ ﺋﯩﻜﻜﯩﻠﯩﺴﻰ ﭘﺎﺭﻻﻕ ﻛﯧﻠﻪﭼﯩﻜﻰ ﺋﯜﭼﯜﻥ ﺋﯩﺘﻨﯩﯔ ﺟﺎﭘﺎﺳﯩﻨﻰ ﺗﺎﺭﺗﯩﭗ ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﯩﺪﻯ، ﻗﺎﺧﺸﯩﻐﯘﭼﻰ ﻳﺎﻛﻰ ﺋﯘﻧﯩﯔ ﺋﺎﺗﺎ-ﺑﯘﯞﯨﺴﻰ ﺋﯘﻧﺪﺍﻕ ﺑﻪﺩﻩﻝ ﺗﯚﻟﻪﺷﻨﻰ ﺧﺎﻟﯩﻤﯩﻐﺎﻧﻠﯩﻘﻰ ﺋﯜﭼﯜﻥ، ﮔﯧﭙﻰ ﮔﻪﭖ ﺑﻮﻟﻤﺎﻱ ﻗﺎﻟﻐﺎﻧﺪﺍ ﻗﺎﺧﺸﺎﺵ ﺑﯩﻠﻪﻥ ﺋﯚﺯﯨﻨﻰ ﺋﺎﯗﯗﻧﺪﯗﺭﯗﺷﯩﻘﺎ ﻣﻪﺟﺒﯘﺭ. ﺋﻪﺳﯩﺮﻟﻪﺭﺩﯨﻦ ﺑﯧﺮﻯ ﻫﯜﻧﻪﺭﯞﻩﻧﻠﻪﺭ ﺋﻪﺗﯩﯟﺍﺭﻻﻧﺪﻯ، ﺑﯩﺰﻧﯩﯔ ﺩﻩﯞﺭﯨﻤﯩﺰﺩﻩ ﻳﻪﻧﻪ ﺑﯩﺮ ﺗﯜﺭﻛﯜﻡ ﻛﯩﺸﯩﻠﻪﺭ ﻫﯜﻧﯩﺮﻯ، ﭘﻪﻣﯩﮕﻪ ﺗﺎﻳﯩﻨﯩﭗ ﺑﺎﺷﻘﯩﻼﺭﺩﯨﻦ ﻳﺎﺧﺸﻰ ﻳﺎﺷﺎﯞﺍﺗﯩﺪﯗ، ﻛﯩﺸﯩﻠﻪﺭ ﺋﯘﻻﺭﺩﯨﻦ ﭘﺎﺕ-ﭘﺎﺕ ﻗﺎﺧﺸﺎﭖ ﻗﻮﻳﯩﺪﯗ، ﻗﺎﺧﺸﺎﺷﻘﺎ ﺑﺎﻫﺎﻧﻪ ﺗﺎﭘﺎﻟﯩﻤﯩﺴﺎ، ﺋﯘﻻﺭﻧﻰ ﻫﺎﻛﺎﯞﯗﺭﻟﯘﻗﻘﺎ ﭼﯩﻘﯩﺮﯨﺪﯗ. ﺑﺎﻳﻼﺭ، ﺋﺎﺩﯞﯗﻛﺎﺗﻼﺭ، ﺋﯩﻨﮋﯨﻨﯩﺮﻻﺭ، ﺑﻮﻏﺎﻟﺘﯩﺮﻻﺭ ﯞﻩ ﺷﯘﻧﯩﯖﺪﻩﻙ ﺋﺎﻗﯩﺪﯨﻐﺎﻥ ﺋﯩﺸﻼﺭﻧﻰ ﻗﯩﻠﯩﭗ ﭘﯘﻝ ﯞﻩ ﻳﯜﺯ ﺗﯧﭙﯩﯟﺍﺗﻘﺎﻧﻼﺭ ﻫﺎﻛﺎﯞﯗﺭ ﺑﻮﻟﯘﺷﻰ ﻛﯧﺮﻩﻙ، ﭼﯜﻧﻜﻰ ﺋﯘﻻﺭ ﺑﯜﮔﯜﻧﻜﻰ ﻛﯜﻧﺪﻩ ﺧﺎﺭﻻﻧﻤﺎﻱ، ﺋﻪﺗﯩﯟﺍﺭﻟﯩﻨﯩﭗ ﻳﺎﺷﺎﺵ ﺋﯜﭼﯜﻥ ﺋﯩﺘﻨﯩﯔ ﻛﯜﻧﯩﻨﻰ ﻛﯚﺭﮔﻪﻥ، ﺟﺎﭘﺎ ﺗﺎﺭﺗﻘﺎﻥ، ﺧﻮﺭﻻﻧﻐﺎﻥ، ﺋﯘﻻﺭ ﺋﻪﺷﯘ ﻳﯩﻠﻼﺭﺩﯨﻜﻰ ﺟﺎﭘﺎﻟﯩﺮﯨﻨﻰ ﺑﺎﺷﻘﯩﻼﺭﻏﺎ ﻛﯧﺮﯨﻠﯩﭗ- ﻛﯧﻜﯩﺮﯨﺶ، ﺋﯘﻻﺭﻧﻰ ﻛﯚﺯﮔﻪ ﺋﯩﻠﻤﺎﺳﻠﯩﻖ، ﺗﻪﻛﻪﺑﺒﯘﺭﻟﯘﻕ ﺑﯩﻠﻪﻥ ﭼﯩﻘﯩﺮﯨﯟﺍﻟﻤﯩﺴﺎ ﻗﺎﻧﺪﺍﻕ ﭼﯩﻘﯩﺮﯨﺪﯗ؟ ﭼﻮﻗﯘﻡ ﻳﺎﺧﺸﻰ، ﺑﺎﻳﺎﺷﺎﺕ ﻳﺎﺷﺎﺵ ﻛﯧﺮﻩﻙ! ﻟﯧﻜﯩﻦ ﻫﻪﺭﻗﺎﻧﺪﺍﻕ ﺑﯩﺮ ﺋﺎﺩﺍﻣﻨﯩﯔ ﺋﯚﺯﯨﻨﻰ ﺧﺎﺭﻻﺵ ﺋﻪﺭﻛﯩﻨﻠﯩﻜﯩﻤﯘ ﺑﺎﺭ....
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.