تەپەككۇر مېۋىلىرى

1.رىقابەتچىسى يوق ئادەم بىر بولسا ھەممىدىن كۈچلۈك ،بىربولسا ھەممىدىن ئاجىز ئادەمدۇر.

2.كۆز ئالدىڭدىكى دۈشمەن -ۋاقتىڭنى زايە قىلۋاتقان ئادەمدۇر.

3.سالاپەت كىيىم-كېچەكتىن،كامالەت كىتاپ-ژورنال ۋە ئەمىلىيەتتىن كېلىدۇ.

4.ئەمەلى ھەركەت -مۇناردەك ئاشكارە تۇرغان ھەقىقەت.

5.پۇلدار ئايغا ئوخشايدۇ: بىردە ھىلال ،بىردە يېرىم ،بەزىدە تۇلۇن ،بەزىدە يوق؛ ئالىملار كۈنگە ئوخشايدۇ:ھەمىشە ئىللىق ،ئسسىق ،نۇرلۇق .يۇرۇق.

6.مىنىڭچە ،دۇنيا ئۈچ خىل كىشىدىن تەركىپ تاپقان:بىرى،ئۆزى ئويلىغاننى قىلالايدىغانلار؛يەنە بىرى،باشقىلارنى دورىيالايدىغانلار،ئۈچۈنچى بىر خىلى بولسا ،ئويلاشقىمۇ دوراشقىمۇ ،جۈرئەت قىلالمايدىغانلار .

7.تارىختا نام قالدۇرۇپ ،شۆھرەت  قازانغۇچىلار نىڭ كۆپۇنچىسى ئەڭ دەسلەپ باشقىلارنى ئۈزىگە ماسلاشتۇرۇشقا تىرىشماستىن،بەلكى ئۆزى دەسلەپ باشقىلارغا قانداق ماسلىشىشنى بىلگەن  كىشلەردۇر.

8.ۋاقىتنىڭ  قىممىتى شۇيەردىكى ،ئۇ تۈنۈگۈن بەرگەننى بۈگۈن  بەرمەيدۇ.

9.(1)كېچە -ئۆز قوينىغا  ئىنساننىڭ تالاي شەرمەندىلىكىنى يوشۇرغان.

(2)كېچە - جەسەتلەر بىلەن تولغان مەھشەرگاھ.

(3)كېچە -مۇۋاپىقيەت ۋە مەغلۇبىيەت ئۇرىقىنى ساقلايدىغان بالياتقۇ.

(4)كېچە - ئازغۇن ئىنسانلارغا ھايۋاناتلار دۇنياسى ،ھايۋانلارغا  ھەم شۇ.

(5)كېچە- دەرت -ھەسرەت تارتقۇچىلارنىڭ ئازاپ يېشىنى خەقتىن يۇشۇردىغان خالى جاي.

(6)كېچە - تەتقىقاتچىنىڭ تەجىربىخانىسى، ھارغان پۇقرالارنىڭ ئارامگاھى ،كەيىپ -ساپاچىلارنىڭ ئىشرەتخانىسى،تەقۋادارلارنىڭ سەجدىگاھىدۇر.

10.ئادەم ئازاپلانغاندا بىر بولسا  ئۈزىنى چۈشىنىدۇ،بىر بولسا ئۆزگىدىن نەپرەتلىندۇ.