سەكراتتىكى جوبسنىڭ ئېيىتقانلىرى

ھازىرقى ئورنىڭىز: باش بەت > ئەدەبىيات > تەرمىلەر > تەپەككۇر مېۋىلىرى >

يوللىغۇچى : guzal110 يوللىغان ۋاقىت : 2014-02-19 17:34:43

بەلكىم سىز بىر نەچچە دوللار خەجلەپ، «ئالما» ماركىلىق تېلېفونغا ئېرىشەلىشىڭىز مۇمكىن. ھالبۇكى، ساناپمۇ تۈگەتكىلى بولمايدىغان بايلىقى بار جوبسنى پۇل ئەزرائىلنىڭ قولىدىن تارتىۋالالمىدى. تالانت ئىگىسى جوبس تەڭرىنىڭ دەرگاھىغا كەتتى، بىراق ئۇ مېڭىشتىن ئىلگىرى بىزگە مۇنداق ۋەسىيەت قالدۇردى:

ھەرگىز ئېغىر بېسىم ئاستىدا خىزمەت قىلماڭ، بولمىسا ئۆزىڭىزنى چارچىتىپ، ئۆلۈمگە تۇتۇپ بېرىسىز، بۇنداق ئاقىۋەتنى ئەخمەقلىق، دەپ بىلىڭ!
يادىڭىزدا بولسۇن، سىزدە بارى پەقەت تەن، ساغلاملىق بولمىسا، ھاياتتىكى ھەر قانداق بىر خوشاللىقتىن بەھرىمان بولالمايسىز، دۇنيادا بۇنىڭدىنمۇ چوڭ زىيان بولماس!
دوختۇر ھاياتىڭىزنى قۇتقۇزغۇچى بولالمايدۇ، پەقەت ئۆزىڭىزنى ئۆزىڭىز قۇتقۇزالايسىز، كۈتۈنۈش ۋە ئۆزىنى ئاسراش ھەر قانداق قۇتقۇزۇشتىن ئۈستۈن تۇرىدۇ!
ئادەم بەدەل تۆلىگەنلىكى ئىشتىن پايدا ئالالىشى ناتايىن، پەقەت مەنپەئەت ئۈستىدىلا باش قاتۇرماي ئۈزلۈكسىز بەدەل تۆلىگەندىلا، ھامان بىر كۈنى ئەڭ بۈيۈك دارامەتكە ئېرىشىسىز.
سىزگە مۇھەببەت بەرگەنلەرگە ھەرگىز سەل قارىماڭ، تاكى ھەممە قۇرۇپ ئۆزىڭىز قاقشالغا ئايلانغان چاغدا، ھاياتنى چۈشىنىش پۇرسىتىگە ئىگە بولۇشنىڭ ھېچقانداق ئەھمىيىتى يوق.

شۇنداق، ئىشنى قانۇنىيەتكە بېقىپ قىلىڭ، تۇرمۇشنىڭ ھۇزۇرىدىن بەھرىلىنىشنى ھەرگىز ئۇنتۇپ قالماڭ، ھاياتتىكى ھەر بىر كۈندىن ھەر قاچان ھۇزۇرلىنىش سىزنىڭ ھوقۇقىڭىز.

پەرھات مەمەت تەرجىمىسى
مەنبە: ئۈرۈمچى كەچلىك گېزىتى

ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.