‹‹مەدەنىيەت ۋە مەۋجۇتلىقىمىز››دىن تۇغۇلغان ئويلار

   مائارىپىمىزغا شامال تەگسە بىزگە زۇكام تىگىدۇ ، زۇكام تەگسە چۇقۇم بىز ئۆپكە ياللۇغى ، ئۆپكە ياللۇغىغا گرىپتار بولغاندا بولسا ، مۇقەررەركى بىز راكقا مۇپتىلا.

ئابدۇرېھىم دۆلەت

مائارىپ _ تەرەققىياتنىڭ ئاچقۇچى. دۆلەتنى تەرەققى قىلدۇرۇشنىڭ ئاساسى. مائارىپ گۈللەنسە ، دۆلەت روناق تاپىدۇ. مائارىپ ھالاك بولسا ، دۆلەتنىڭ روناق تېپىشىدىن ئۈمۈد كۈتكىلى بولمايدۇ. مائارىپى ھالاك بولغان مىللەت مۇقەررەركى ھالاكەتكە يۈزلىنىدۇ. مائارىپ _ بارلىق ئىشلىرىمىزنىڭ ئاساسى.

قەدىمدىن تارتىپ ، ھازىرغىچە ، چەتئەلدىن تارتىپ ، جۇڭگۇغۇچە تارىخ بەتلىرىنى ، دەۋر بەتلىرىنى ۋاراقلاپ كۆرسەك ، مائارىپنى گۈللەندۈرۈشنى ئويلىمىغان ، مائارىپنى ئالدىنىقى ئورۇنغا قويمىغان، مائارىپقا مەبلەغ سالمىغان ، مائارىپ ئارقىلىق دۆلەتنى تەرەققى قىلدۇرۇپ ، پۇقرالارنىڭ ئىدىيىۋى – ئاڭ ساپاسىنى يوقۇرى كۆتىرمىگەن ، بىلىم قۇرۇلمىسىنى يېڭلمىغان ، قانچىلىك بەدەل تۆلەشتىن قەتئىنەزەر مائارىپنى راۋاجلاندۇرمىغان ، ئۆزلىرىنىڭ خەلقئارالىق ئورنىنى يۇقۇرى كۆتىرىشنى ئويلىمىغان دۆلەت ، مللەت بولمىسا كېرەك.

قارايدىغان بولساق ، يەھۇدى مللىتى تارىختا قاتتىق ئىزىلىش ، خورلىنىش، مالمانچىلىق ، خاترجەمسىزلىك ، ئاچارچىلىق سەۋەبىدىن يوقلىش گردابىغا بېرىپ قالغان ، ھازىرقى دەۋىردە باش كۆترىپ تەرەققى قىلغان ، پۈتكۈل دۇنيانى كونتۇرۇللۇق ئاستىغا ئالغان ، دۇنياغا تەسىر كۆرسىتەلەيدىغان كۈچلۈك دۆلەتكە ئايلاندى. مۇنداق گەپلەر بارغۇ: بىر يەھۇدى چۈشكۈرسە ، پۈتكۈل دۇنيا خاترجەمسىزلىنىدۇ. بىر يەھۇدى زۇكامداپ قالسا پۈتكۈل دۇنياغا كېسەل تىگىدۇ. بۇ ، مللەتنىڭ روناق تېپىپ گۈللىنىشى مائارىپقا كۈڭۈل بۈلۈش ، مائارىپنى تەرەقى قىلدۇرۇشنى بارلىق ئىشلارنىڭ ئالدىغا قويغانلىقنىڭ نەتىجىسى ئىكەنلىكىنى كۆرسىتىدۇ.

يەنە قارىساق ، ياپۇنيە مېيجى يىلدىكى يېڭللىقا كۆچۈش ھەركىتى ئېلىپ بېرىش ئارقىلىق مەغلۇبىيەتنى غەلبىگە ، ۋەيرانچىلىقنى تەرەققىياتقا ئايلاندۇرغان. بۇمۇ مائارىپنى ئەڭ ئاساسلىق ئورۇنغا قويۇش ، مائارىپ ئارقىلىق دۆلەتنى تەرەققى قىلدۇرۇشنى ئەمەلگە ئاشۇرغانلىقۇ؟

دۆلىتىمىزگە قارىساق ، مائارىپ ئارقىلىق ئادەم تەربيىلەش ، كۇڭزى زامانىدىن داۋام ئەتكەن ئېسىل ئەنئەنىگە ۋارسلىق قىۋاتىمىزغۇ؟

رايۇنىمىز مائارىپىغا جۈملىدىن مللىتىمىز مائارىپىغا قارايدىغان بولساق ، مەھمۇد قەشقىرى، يۈسۈپ خاس ھاجىپلار …. ئادەم تەربىيىلەشنىڭ قانداق تەربىيىلەشنىڭ يوللىرنى بىزگە قالدۇرغان. يېقىنقى دۋر بەتلىرىگە قارىساق ، ئابدۇقادىر داموللام ئىلىم پەننى تەشۋىق قىلىپ خەلقنى نادانلىق ، خوراپاتلىق ، قالاقلىق پاتقىقىدىن قۇتۇلدۇرۇش ھەركىتى ئېلىپ بارغان. مەشھۇر مائارىپچى مەمتېلى ئەپەندى قوزغىغان يېڭىچە مائارىپ ھەركىتى دىيارىمىزنىڭ ھەر قايسى جايلىرىغا ئۆز تەسىرنى كۆرسەتكەن. يۇقارقىلار مللىتىمىزنىڭ چاڭقاق دىللىرىغا ، قاغجىراپ كەتكەن مەنىۋىيىتگە تەسىر كۆرسىتپ ، خەلقىمىزنىڭ ئارىسىغا مەرىپەت ئورۇقىنى چېچىپ ، دەۋرىلىك ئويغۇنۇش ھالىتىنى شەكللەندۈردى. تارىخ ھەر قانچە رەھىمسىز بولسىمۇ ، مللىتىمىزنىڭ رەھمسىزلىك ئالدىدا تىز پۈككىنى، باش ئەككىنى يوق. ئەكسىچە ، رەھمسىزلىك ئۈستىدىن غالىپ كىلىپ ، ئەجدادلىرىمىز چاچقان مەرىپەت ئورۇقىنى پۈتۈن ۋۇجۇدى بىلەن ئۈندۈرۈپ ، بېخلاندۇرۇپ ، خەلقىمىز ئارىسىدا ھەممە ياققا ھىدىنى تارقىتىپ ، ئادەمنى ئۆزىگە تارتالايدىغان ، ئەقلنى لال قىلدىغان پورەكلەپ ئېچلغان گۈللەرنى بارلىققا كەلتۈدى.

بۈگۈنكى دەۋىر پەن – تېخنىكىدا يېڭىلىق يارتىلغان ، ئۇچۇرلاشقان ، پەن – مائارىپ ئىشلىرى راۋاجلانغان ، خەلق تۇرمۇشى ياخشىلانغان ، مەنىۋىيىتى ئوزۇقلانغان ، گۈللەپ ياشناش ۋەزىيىتى بارلىققا كەلگەن ، ئەۋزەل شارائىتلار ھازىرلانغان ، ھەممە تەرەقىيات ئۈچۈن تىرىشچانلىق كۆرسىتىۋاتقان_ ۋاقىت.

دەۋر قەدىمى تىزلەشمەكتە. ئەل – قۇۋۇملار ئۆزىنى كۈچەيتىش ، قۇدرەت تاپقۇزۇشتا زور تىرشچانلىقنى كۆرسەتمەكتە. ئىزدەنمەكتە. بىزمۇ بۇنىڭدىن مۇستەسنا ئەمەس. لىكىن…؟

ئاخرنى داۋاملاشتۇرالمىدىم. داۋاملىق تىرشچانلىق كۆرسىتىپ ئاخرنى يازىمەن. شۇڭا ، ئوقۇرمەنلەرنىڭ ئەپۇ قىلىشىنى سورايمەن. چۈشىنىشىڭلارنى ئۈمۈد قىلىمەن.