دانالار ھېكمەتلىرىدىن
كۆمۈرنى تۇتقان كىشىنىڭ قولىغا قارا يۇققاندەك، يامانلار بىلەن يۈرگەن كىشىگە ئۇنىڭ يامانلىقى يۇقىدۇ.
ــــ ئەلىشىر نەۋائىي
ياخشى نىيەتلىك كىشىلەر ئىززەت تاپىدۇ.
ـــــ ئەبۇناسىر فارابى
ئالدىراقسانلىق ھەممىگە يامانلىق ئېلىپ كېلىدۇ.
ـــــ يۈسۈپ خاس ھاجىپ
ياخشى ئىشلارغا ئېغىرلىق قىلمىغىن، يامان ئىشلارغا يېنىكلىك قىلمىغىن.
ـــــ مۇھەممەد بىننى ئابدۇللا خاراباتى
ساۋاب بىلەن ياخشىلىق ئەل ئارىسىدىن تېپىلىدۇ.
ـــــ يۈسۈپ خاس ھاجىپ
ئىلىم ـ يۈرۈشى چىرايلىق بىر ئاتكى، كىمكى ئۇنىڭغا مىنەلىسە خارلىق كۆرمەيدۇ.
ـــــ مۇھەممەد بىننى ئابدۇللا خاراباتى
ھېكمەت بىلەن ئەقىل كىشىگە زىبۇزىننەتتۇر.
ـــــ ئەلشىر نەۋائىي
دىلنى بىلىم بىلەن يورۇتقان كىشى كور بولسىمۇ، جاھاننى ئەينەن كۆرەلەيدۇ.
ـــــ مۇھەممەد بىننى ئابدۇللا خاراباتى
بارچە ھاياتلىق بىلەن بىلەن ئۆز قەدرىنى تاپىدۇ.
ـــــ يۈسۈپ خاس ھاجىب
ئادەم بىلىمى بىلەن تونۇلىدۇ. بىلىمسىز ئادەم تىرىك تۇرسىمۇ، ئۆلۈكتەكلا كۆزگە كۆرۈنمەيدۇ. بىلىملىك كىشى ئۆزى ئۆلسىمۇ نامى ئۆلمەيدۇ. بىلىمسىزلەر تىرىك بولسىمۇ نامى ئۆلۈك بولىدۇ.
ـــــ ئەھمەد يۈكنەكى
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.