بىكۇننىڭ ھېكمەتلىرىدىن
 

* ئىشىق-مۇھەببەتكە زىيادە بېرىلىش شۈبىسىزكى، ئىنساننىڭ قەدىر-قىممىتىنى چۈشۈرۈۋېتىدۇ.
* ئوبدان ئىشنى ھەددىدىن زىيادە ماختاش ماھىيەتتە پەس كۆرۈش ۋە ھەسەتتۇر.
* كىشىلىك ھاياتتا يالغۇز ئۆزىڭىزگىلا تايىنىپلا ۋۇجۇتقا چىقارغىلى بولمايدىغان قانچىلىك ئىش بارلىقىنى ئوبدان ئويلاپ باقسىڭىزلا، دوسلۇقنىڭ قانچىلىك پايدىسى بارلىقىنى ھېس قىلالايسىز.
* ئاسان غەزەپلىنىش بىر خىل پەس خۇسۇسىيەت، ئۇنىڭغا گىرىپتار بولغۇچىلار ئومۇمەن تۇرمۇشتىكى ئەڭ ئاجىز كىشىلەردۇر.
* مۇغەمبەرلەر بىلىمنى كۆزگە ئىلمايدۇ، ھاماقەتلەر بىلىمگە ھەۋەس قىلمايدۇ، ئەقىللىق كىشىلەرلا بىلىمنى ئۆگىنىش ۋە ئىشلىتىشكە ماھىر كېلىدۇ.
* ئوڭدىن كەلگەن تەلەيگە لازىم بولىدىغان گۈزەل ئەخلاق ئۆزىنى تۇتىۋېلىشتۇر.

ئەھمەد تاشتۆمۈر تەييارلىغان.
مەنبە: ئۈرۈمچى كەچلىك گېزىتى