لوقمان ھەكىمنىڭ بايانى

   ئاڭلاشلارغا قارىغاندا لوقمان ھەكىمنىڭ ئالدىغا بىر توپ كىشى كېسەل كۆرسەتكىلى كېلىپ ئۇنىڭدىن ھىكمەتكە ئائىت سوئاللارنى سوراشتى، ئۇلاردىن بىرى:
ئەي لوقمان ھەكىم، سەن پالانى يەردە پادىچىلىق قىلغان كىشى ئەمەسمۇ؟‏- دەپ سورىدى.
‏   - ھە، شۇ پادىچى مەن بولىمەن‏- دەپ جاۋاپ بەردى لوقمان ھەكىم،-مانا ھازىر كۆرۈپ تۇرۇپسەن، داڭلىق ھەكىممەن.
‏   - بۇ دەرىجىگە قانداق ئېرىشتىڭ؟ دەپ سورىدى ئۇ كىشى يەنە.
لوقمان ھەكىم ئۇنىڭغا:
   - ئامانەتكە خىيانەت قىلماسلىقتىن، بىلگىنىمنى ئايىماسلىقتىن، باشقىلارغا ياخشى سۆز بىلەن مەسلىھەت بېرىشتىن باش تارتماسلىقتىن، توختىماي تىرىشچانلىق كۆرسىتىشتىن، بالا-قازالارغا چىداشتىن، ئۆزۈمنى باشقىلاردىن تۆۋەن ساناشتىن.‏- دەپ جاۋاپ بەردى.