ﻫﯧﻴﺖ ﺑﻮﻟﺴﺎ ﻧﯧﻤﯩﺪﯨﮕﻪﻥ ﻳﺎﺧﺸﻰ! ﻗﺎﻧﻐﯘﭼﻪ ﺑﯩﺮ ﺋﯘﺧﻠﯩﯟﺍﻟﯩﺪﯨﻜﻪﻧﻤﻪﻥ. ﻫﯧﭽﻜﯩﻢ ﺩﻩﺭﺳﻤﯘ ﺋﯚﺗﻤﻪﻳﺪﯨﻜﻪﻥ، ﻫﯧﭽﻜﯩﻢ ﻳﻮﻗﻠﯩﻤﯩﻤﯘ ﻗﯩﻠﻤﺎﻳﺪﯨﻜﻪﻥ، ﺳﺎﺋﻪﺕ ﺋﺎﻟﺘﯩﺪﻩ ﻣﻪﺟﺒﯘﺭﯨﻲ ﮔﯩﻤﻨﺎﺳﺘﯩﻜﯩﻐﺎ ﭼﯩﻘﻤﺎﻳﺪﯨﻜﻪﻧﻤﯩﺰ، ﻣﻪﻛﺘﻪﭘﻨﯩﯔ ﺳﯜﺭﻟﯜﻙ ﺋﯩﺸﯩﻚ ﺑﺎﻗﺎﺭﻟﯩﺮﻯ ﺋﯩﺸﯩﻜﻨﯩﻤﯘ ﺗﺎﻗﯩﯟﺍﻟﻤﺎﻳﺪﯨﻜﻪﻥ.... ﺑﯘﻻﺭﻧﻰ ﺑﯘﺭﯗﻥ ﺋﻪﺟﻪﺏ ﻫﯧﺲ ﻗﯩﻠﻤﺎﭘﺘﯩﻜﻪﻧﻤﯩﻨﺎ؟ ﺋﯘﻧﯩﯔ - ﺑﯘﻧﯩﯔ ﺑﻪﺭﮔﻪﻥ ﻫﯧﻴﺘﻠﯩﻘﻠﯩﺮﯨﻐﺎ، ﺗﻮﻏﺮﺍﻣﭽﯩﻠﯩﺮﯨﻐﺎ ﮔﻮﻝ ﺑﻮﻟﯘﭖ، ﺑﯩﻐﻪﻡ ﺋﻮﻳﻨﺎﭖ ﻫﯧﻴﺘﻨﯩﯔ ﻣﻪﻥ ﺋﯜﭼﯜﻥ ﺑﯘﻧﭽﻪ ﭼﻮﯓ ﺋﻪﺭﻛﯩﻨﻠﯩﻚ، ﺑﯘﻧﭽﻪ ﻛﯚﭖ ﺋﺎﺭﺍﻡ ﺋﯧﻠﯩﺶ ﭘﯘﺭﺳﯩﺘﻰ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﻮﻳﻠﯩﻨﯩﺸﻘﯩﻤﯘ ﭘﯘﺭﺳﻪﺕ ﻳﻪﺗﻤﻪﭘﺘﯩﻜﻪﻥ - ﺩﻩ!
ﺑﯩﭽﺎﺭﻩ ﺋﺎﻧﺎﻡ ﻛﯚﺯ ﺋﺎﻟﺪﯨﻤﻐﺎ ﻛﯧﻠﯩﯟﺍﺗﯩﺪﯗ، ﻗﻮﻟﯘﻡ ﺗﯩﺘﺮﻩﭖ ﻛﻪﺗﺘﻰ. ﻳﯩﻐﻠﯩﯟﯦﺘﯩﺪﯨﻐﺎﻥ ﺑﻮﻟﺪﯗﻡ - ﺩﻩ! ﺋﺎﻫ، ﺑﯩﭽﺎﺭﻩ ﻛﯚﺯﯛﻡ، ﻧﯧﻤﻪ ﮔﯘﻧﺎﻫ ﻗﯩﻠﻐﺎﻥ ﺑﻮﻟﻐﯩﻴﺘﺘﯩﯔ!؟ (ﻫﯧﻴﺘﻨﯩﯔ ﺋﺎﺧﯩﺮﻗﻰ ﺑﯩﺮ ﻛﯜﻧﻰ ﺑﻮﻟﺴﺎ ﻛﯧﺮﻩﻙ) ﺋﯘ ﺑﯩﺰﻧﯩﯔ ﻳﺎﺗﺎﻗﻘﺎ ﺋﺎﺳﻤﺎ ﺭﻩﺳﯩﻢ ﺳﺎﺗﻘﯩﻠﻰ ﻛﯩﺮﯨﭙﺘﯘ. ﻧﯧﻤﯩﺸﻘﯩﻤﯘ ﻳﺎﺗﺎﻗﻘﺎ ﻛﯩﺮﮔﻪﻧﺪﯨﻤﻪﻥ؟! ﺗﯘﺭﯗﭘﻼ، ﺋﯘ ﺑﯩﺰﻧﯩﯔ ﻳﺎﺗﺎﻗﻘﺎ ﺋﯚﺯﯨﻨﻰ ﺳﺎﺗﻘﯩﻠﻰ ﻛﯩﺮﮔﻪﻧﺪﻩﻙ ﺗﯘﻳﯘﻟﯘﭖ ﻛﻪﺗﺘﻰ. «ﻫﯘ، ﺋﯩﭙﻼﺱ!» ﺩﻩﯞﻩﺗﺘﯩﻢ ﺋﯩﭽﯩﻤﺪﻩ. ﺋﯘ ﺗﯧﺨﻰ ﻣﺎﯕﺎ ﺋﺎﻟﯩﻴﯩﭗ ﻳﯜﺭﯨﺪﯗ. ﺑﯘﻧﺪﺍﻕ ﻗﯩﻠﯩﺪﯨﻐﺎﻧﻐﺎ ﻧﯧﻤﻪ ﻫﻪﻗﻘﻰ ﺋﯘﻧﯩﯔ!؟ «ﺳﻪﻥ ﺗﺎﺯ ﺩﯦﮕﯜﭼﻪ، ﻣﻪﻥ ﺗﺎﺯ ﺩﻩﯞﺍﻻﻱ» ﺩﯦﮕﻪﻥ ﺷﯘ - ﺩﻩ! ﺷﯘﻻﺭﻧﻰ ﺋﻮﻳﻼﭖ، ﺋﺎﭼﭽﯩﻘﯩﻤﺪﺍ ﺋﺎﭼﻘﯘﭼﯘﻣﻨﻰ ﺋﯧﻠﯩﭗ ﭼﯩﻘﯩﭗ ﻛﻪﺗﺘﯩﻢ. ﭼﯩﻘﯩﭗ ﻛﯧﺘﯩﯟﯦﺘﯩﭗ، ﻳﻪﻧﻪ ﺑﯩﺮﯨﮕﻪ ﺋﯘﭼﺮﺍﭖ ﻗﺎﻟﺪﯨﻢ. ﻛﯚﯕﻠﯜﻣﺪﻩ ﺋﯘﻧﯩﯔ ﻛﯚﺯﯛﻣﻨﯩﯔ ﺋﯩﭽﯩﮕﻪ ﻗﺎﺭﺍﭖ ﺗﯘﺭﯗﭖ ﻣﯧﻨﻰ ﺋﺎﻟﺪﺍﯞﺍﺗﻘﺎﻧﻠﯩﻘﯩﻨﻰ ﻳﻮﻗﻘﺎ ﭼﯩﻘﯩﺮﯨﺸﻘﺎ ﺗﯩﺮﯨﺸﺘﯩﻢ. ﺋﯘ ﻛﯚﺯﯛﻣﮕﻪ ﺑﯘﺭﯗﻧﻼ ﺋﯩﭙﭙﯩﺘﯩﻨﻰ ﻳﻮﻗﺎﺗﻘﺎﻥ ﻗﯩﺰﺩﻩﻙ ﻛﯚﺭﯛﻣﺴﯩﺰ ﯞﻩ ﺑﯩﺌﻪﺗﯩﯟﺍﺭ ﻛﯚﺭﯛﻧﮕﻪﻧﯩﺪﻯ. ﺋﯘﻧﯩﯔ ﻳﯘﻣﺮﺍﻥ ﻗﻪﻟﺒﯩﺪﯨﻜﻰ ﭘﺎﻛﻠﯩﻖ، ﺳﻪﻣﯩﻤﯩﻴﻠﯩﻜﻠﻪﺭ ﺋﺎﻟﻠﯩﻘﺎﭼﺎﻥ ﻏﺎﻳﯩﺐ ﺑﻮﻟﻐﺎﻧﯩﺪﻯ. ﺋﻪﻣﺪﻯ ﺳﻪﻥ ﺑﯩﺮ ﺋﯚﻣﯜﺭ ﺋﺎﻟﯩﻴﺠﺎﻧﺎﺑﻠﯩﻖ، ﭘﺎﻛﻠﯩﻘﻘﺎ ﺋﯩﻨﺘﯩﻠﯩﭗ، ﺋﻪﻣﻤﺎ ﻳﯧﺘﻪﻟﻤﻪﻱ ﺋﯚﺗﻪﺭﺳﻪﻧﻤﯘ؟! ﻛﯚﺯﻟﯩﺮﯨﻤﮕﻪ ﺋﺎﭼﭽﯩﻘﻘﺎ ﺋﻮﺧﺸﺎﺵ ﺑﯩﺮ ﻧﻪﺭﺳﻪ ﻗﺎﭘﻠﯩﺸﯩﯟﺍﻟﺪﻯ. ﻣﻪﻥ ﻧﻮﻣﯘﺱ ﻛﯜﭼﯩﮕﻪ ﺗﺎﻳﯩﻨﯩﭙﻼ ﭘﻪﻟﻪﻣﭙﻪﻳﺪﯨﻦ ﻳﯜﮔﯜﺭﮔﯩﻨﯩﻤﭽﻪ ﭼﯜﺷﯜﭖ ﻛﻪﺗﺘﯩﻢ. ﻣﻪﻥ ﺷﯘ ﺗﺎﭘﺘﯩﻤﯘ ﺋﯘﻧﻰ ﺋﻮﻳﻼﯞﺍﺗﺎﺗﺘﯩﻢ. ﻣﻪﻥ ﻧﯧﻤﯩﺸﻘﺎ ﻫﻪ ﺩﯦﺴﯩﻼ ﺋﯚﺯﯛﻣﮕﻪ ﺩﯛﺷﻤﻪﻧﻠﯩﻚ ﻗﯩﻠﻐﺎﻥ ﺋﺎﺩﻩﻣﻠﻪﺭﻧﻰ ﺋﻮﻳﻼﻳﺪﯨﻐﺎﻧﺪﯨﻤﻪﻥ؟! ﺋﻪﺳﻠﯩﺪﻩ ﺋﻪﺗﺮﺍﭘﯩﻤﺪﯨﻜﻰ ﻧﯘﺭﻏﯘﻥ ﺋﺎﺩﻩﻣﻠﻪﺭ ﺭﻭﻫﯩﻤﻨﻰ ﺳﯘﻧﺪﯗﺭﯗﺵ ﺋﯜﭼﯜﻥ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﭗ ﻛﻪﻟﮕﻪﻧﯩﻜﻪﻥ، ﻟﯧﻜﯩﻦ ﻣﻪﻥ ﺑﯘﻧﻰ ﺑﻪﻙ ﻛﯧﭽﯩﻜﯩﭗ ﺳﯧﺰﯨﭗ ﻗﺎﭘﺘﯩﻤﻪﻥ. ﺩﯦﮕﻪﻧﺪﻩﻙ، ﻣﯧﻨﯩﯔ ﺭﻭﻫﯩﻢ ﺳﯘﻧﯘﭘﺘﯘ، ﭼﯜﻧﻜﻰ، ﻣﻪﻥ ﺋﯘ ﻣﯘﺋﺎﻣﯩﻠﻪ ﯞﻩ ﺳﯚﺯﻟﻪﺭﻧﻰ ﺧﺎﻟﯩﺲ ﯞﻩ ﺳﻪﻣﯩﻤﯩﻲ ﺩﻩﭖ ﺋﻮﻳﻠﯩﯟﺍﭘﺘﯩﻜﻪﻧﻤﻪﻥ. ﺋﯚﺯﯛﻣﻤﯘ ﺋﯚﺗﯜﭖ ﻛﻪﺗﻜﻪﻥ ﺑﯩﺮ ﺳﺎﺭﺍﯓ! ﻛﯩﻢ ﻣﯧﻨﻰ ﻛﯚﯕﯜﻟﻨﯩﯔ ﻛﻪﻳﻨﯩﮕﻪ ﻛﯩﺮﺳﯘﻥ ﺩﻩﭘﺘﯘ!؟
ﻫﻪﻣﻤﯩﮕﻪ ﺋﯚﭺ ﺑﻮﻟﺪﯗﻡ. ﺋﯚﺯﯛﻣﮕﻪ، ﺋﯚﺯ - ﺋﯚﺯﯛﻣﻨﯩﯔ ﻛﯜﻟﯜﺷﻠﯩﺮﯨﮕﻪ، ﻳﯩﻐﻼﺷﻠﯩﺮﯨﻐﺎ، ﺩﻭﺳﺘﻠﯩﺮﯨﻤﻐﺎ، ﺩﯛﺷﻤﻪﻧﻠﯩﺮﯨﻤﮕﻪ، ﺗﻮﻧﯘﻳﺪﯨﻐﺎﻥ- ﺗﻮﻧﯘﻣﺎﻳﺪﯨﻐﺎﻧﻼﺭﻏﺎ، ﺳﯚﺯﻟﻪﯞﺍﺗﻘﺎﻥ- ﺳﯚﺯﻟﯩﻤﻪﻳﯟﺍﺗﻘﺎﻧﻼﺭﻏﺎ.... ﻫﻪﻣﻤﯩﮕﻪ ﺋﯚﭺ ﺑﻮﻟﺪﯗﻡ!!!
ﺳﯩﺮﺗﻘﺎ ﭼﯩﻘﻘﯘﻡ ﻛﯧﻠﯩﯟﺍﺗﯩﺪﯗ. ﺑﻪﻟﻜﯩﻢ ﺩﻩﺭﯞﺍﺯﯨﻨﯩﯔ ﺳﯩﺮﺗﯩﺪﺍ ﻣﯧﻨﻰ ﺑﻪﺯﻟﻪﻳﺪﯨﻐﺎﻥ ﺑﯩﺮﻩﺭ ﺋﯩﺶ ﺑﺎﺭﺩﯗ. ﺩﻩﺭﯞﺍﺯﺍ ﺳﯩﺮﺗﯩﺪﺍ ﺋﯘﻧﭽﻪ ﺟﻪﻟﭗ ﻗﯩﻼﺭﻟﯩﻖ ﻧﻪﺭﺳﯩﻠﻪﺭﻧﯩﯔ ﺑﻮﻟﯘﺷﻰ ﻧﺎﺗﺎﻳﯩﻦ، ﻟﯧﻜﯩﻦ ﺑﯘ ﺩﻩﺭﯞﺍﺯﺍ ﻗﺎﻧﭽﻪ ﭼﯩﯔ ﺗﺎﻗﺎﻟﻐﺎﻧﺴﯩﺮﻯ، ﻣﯧﻨﯩﯔ ﺷﯘﻧﭽﻪ ﭼﯩﻘﯩﭗ ﺑﺎﻗﻘﯘﻡ ﻛﯧﻠﯩﺪﯗ. ﺩﻩﺭﯞﺍﺯﯨﻨﻰ ﺗﺎﻗﯩﯟﺍﻟﻐﺎﻧﻤﯩﺪﯗ؟ ﻛﺎﺭﯨﺪﻭﺭﺩﯨﻜﻰ ﺳﺎﺋﻪﺕ 6ﺩﯨﻦ 56ﻧﻰ ﻛﯚﺭﺳﯩﺘﯩﭗ ﺗﯘﺭﯗﭘﺘﯘ. ﺋﻪﮔﻪﺭ ﺗﯚﺕ ﻣﯩﻨﯘﺕ ﺋﯩﭽﯩﺪﻩ ﺩﻩﺭﯞﺍﺯﺍ ﺋﺎﻟﺪﯨﻐﺎ ﺑﯧﺮﯨﭗ ﺑﻮﻻﻟﯩﺴﺎﻡ ﭼﯩﻘﯩﭗ ﻛﯧﺘﻪﻟﯩﮕﯜﺩﻩﻛﻤﻪﻥ.
- ﺋﺎﺭﻗﺎﯕﻐﺎ ﻳﺎﻥ! - ﺩﻩﺭﯞﺍﺯﯨﯟﻩﻥ ﺋﻮﻗﺘﻪﻙ ﻳﯜﮔﯜﺭﯛﭖ ﻛﻪﻟﮕﻪﻥ ﺑﯩﺮ ﺋﻮﻏﯘﻝ ﺑﺎﻟﯩﻐﺎ ﯞﺍﺭﻗﯩﺮﯨﺪﻯ.
- ﺑﻪﻙ ﺟﯩﺪﺩﯨﻲ ﺋﯩﺶ....
- ﺋﺎﺭﻗﺎﯕﻐﺎ ﻳﺎﻥ ﺩﻩﻳﻤﻪﻥ، ﮔﺎﺳﻤﯘ ﺳﻪﻥ؟!
- ﺋﺎﭼﺎﻡ ﺩﻭﺧﺘﯘﺭﺧﺎﻧﻰ....
- ﺳﺎﺋﻪﺕ ﻳﻪﺗﺘﻪ ﺑﻮﻟﺪﻯ!
- ﺧﯘﺵ ﺑﻮﭖ ﻛﯧﺘﻪﻱ، ﻣﯧﻨﻰ ﭼﯩﻘﯩﺮﯨﯟﻩﺗﺴﯩﯖﯩﺰ، ﺑﻪﻙ ﺟﯩﺪﺩﯨﻲ ﺋﯩﺸﺘﻰ، ﻣﻪﻥ ﺑﻮﻟﻤﯩﺴﺎﻡ....
- ﺳﯧﻨﯩﯖﺪﻩﻙ ﻳﺎﻟﻐﺎﻧﭽﯩﻼﺭﻧﻰ ﺟﯩﻖ ﻛﯚﺭﮔﻪﻧﻤﻪﻥ. ﻓﺎﻛﯘﻟﺘﯧﺘﺘﯩﻦ ﺧﻪﺕ ﺋﻪﻛﻪﻝ! ﺑﻮﻟﻤﯩﺴﺎ ﺳﯩﻨﯩﭙﯩﯖﻐﺎ ﻛﯩﺮﯨﭗ ﻛﯩﺘﯩﺒﯩﯖﻨﻰ ﺋﻮﻗﯘ! ﭘﯩﺸﯘﺭﯗﭖ ﻗﻮﻳﻐﺎﻥ ﻧﯧﻤﻪ ﺑﺎﺭﻣﯘ ﺳﺎﯕﺎ ﺗﺎﻻﺩﺍ!؟
- ﺋﺎﭼﺎﻡ....
- ﻧﯧﻤﺎﻧﺪﺍﻕ ﭘﺎﯓ ﻗﯘﻻﻕ ﻛﺎﺳﻜﻰ ﻧﯧﻤﯩﺴﻪﻥ ! ﭼﯩﻘﯩﺸﻘﺎ ﺑﻮﻟﻤﺎﻳﺪﯗ! ﻛﯚﺯﯛﯕﮕﻪ ﺗﺎﻗﯩﺸﯩﭗ ﺗﯘﺭﻏﺎﻥ ﻣﺎﯞﯗ ﺗﺎﺧﺘﯩﻨﻰ ﻛﯚﺭﻣﯩﺪﯨﯖﻤﯘ! ﻳﺎﻥ !!!
- ﺑﯘ ﺗﯜﺭﻣﯩﻤﯘ ﻳﺎ ﻣﻪﻛﺘﻪﭘﻤﯘ!؟
- ﻫﻪ، ﺳﯧﻨﯩﯖﺪﻩﻙ ﺋﯚﻛﺘﻪﻣﺪﯨﻦ ﺑﯩﺮﻧﻰ ﺗﺎﭘﺎﻟﻤﺎﻱ ﻳﯜﺭﻩﺗﺘﯩﻢ! ﻛﯧﻠﻪ ﮔﯘﻱ، ﺗﯜﺭﻣﯩﻨﯩﯔ ﻧﯧﻤﯩﻠﯩﻜﯩﻨﻰ ﺑﯩﺮ ﻛﯚﺭﺳﯩﺘﯩﭗ ﻗﻮﻳﺎﻱ!
ﻛﯚﺯﻩﺗﭽﻰ ﻫﯧﻠﯩﻘﻰ ﺑﺎﻟﯩﻨﯩﯔ ﭘﺎﺗﯩﯖﯩﺪﯨﻦ ﻗﺎﻣﺎﻟﻼﭖ ﺗﯘﺗﯘﭖ، ﻗﺎﻳﺴﯩﺪﯗﺭ ﺑﯩﺮ ﺋﯚﻳﮕﻪ ﺋﯧﻠﯩﭗ ﻛﯩﺮﯨﭗ ﻛﻪﺗﺘﻰ. ﺋﯘ ﺋﻪﻣﺪﻯ ﺩﻭﺧﺘﯘﺭﺧﺎﻧﯩﺪﯨﻜﻰ ﺋﺎﭼﯩﺴﯩﻨﯩﻤﯘ ﺋﯘﻧﺘﯘﭖ ﻗﯧﻠﯩﭗ، ﺋﯚﺯ ﺟﯧﻨﻰ ﺑﯩﻠﻪﻥ ﻗﺎﻟﺪﻯ ﺑﻮﻟﻐﺎﻱ، ﺑﻮﺷﺎﭖ ﭘﺎﺧﭙﺎﻗﺘﻪﻛﻼ ﺑﻮﻟﯘﭖ، ﻫﯧﻠﯩﻘﻰ ﻛﯚﺯﻩﺗﭽﯩﻨﯩﯔ ﻛﯜﭼﻠﯜﻙ ﻗﻮﻟﻠﯩﺮﻯ ﺋﺎﺭﯨﺴﯩﺪﺍ ﭘﯘﺗﻰ ﻳﻪﺭﮔﻪ ﺗﯧﮕﯩﭗ- ﺗﻪﮔﻤﻪﻱ ﻛﯚﺯﺩﯨﻦ ﻏﺎﻳﯩﺐ ﺑﻮﻟﺪﻯ. ﺋﻮﻥ ﻣﯩﯔ ﺋﻮﻗﯘﻏﯘﭼﯩﺴﻰ ﺑﺎﺭ ﺑﯘ ﻣﻪﻛﺘﻪﭘﺘﻪ ﺋﺎﺯ ﺑﻮﻟﻐﺎﻧﺪﯨﻤﯘ ﺗﯚﺕ ﻣﯩﯔ ﺋﻪﺭﻛﻪﻙ ﺑﺎﺭﺩﯗ (ﻫﯧﭽﺒﻮﻟﻤﯩﻐﺎﻧﺪﺍ ﻓﯩﺰﯨﺌﻮﻟﻮﮔﯩﻴﻪ ﻧﯘﻗﺘﯩﺴﯩﺪﯨﻦ ﺑﻮﻟﺴﯩﻤﯘ ﺷﯘﻧﺪﺍﻕ). ﺗﯚﺕ ﻣﯩﯔ ﺋﻪﺭﻛﻪﻙ ﺋﺎﺭﯨﺴﯩﺪﯨﻦ ﺑﯩﺮﻩﺭﺳﯩﻨﯩﯔ ﻣﻪﻛﺘﻪﭘﻨﯩﯔ ﺋﺎﺭﺍﻥ ﺋﯚﺭﻩ ﺗﯘﺭﯗﯞﺍﺗﻘﺎﻥ ﺋﻪﻧﺠﺎﻥ ﺗﺎﻣﻠﯩﻖ ﻗﻮﺭﻏﺎﻧﭽﯩﺴﯩﻨﻰ ﺑﯩﺮﻻ ﺗﯩﭙﯩﭗ، ﺑﯩﺮ ﻗﯩﺰ ﭘﺎﺗﻘﯘﺩﻩﻙ ﺗﯚﺷﯜﻙ ﺋﺎﭼﺎﻟﻤﺎﻳﯟﺍﺗﻘﯩﻨﯩﻐﺎ ﻫﻪﻳﺮﺍﻥ ﻗﺎﻟﻤﺎﻳﻤﻪﻥ، ﻗﯩﻠﭽﻪ ﻫﻪﻳﺮﺍﻥ ﻗﺎﻟﻤﺎﻳﻤﻪﻥ! ﺑﻪﻟﻜﯩﻢ ﺑﯘﺭﯗﻥ ﻫﻪﻳﺮﺍﻥ ﻗﺎﻻﺭ ﺑﻮﻟﻐﯩﻴﺘﺘﯩﻢ، ﻟﯧﻜﯩﻦ ﻫﺎﺯﯨﺮ ﻛﯚﻧﯜﭖ ﻗﺎﻟﺪﯨﻢ. ﺑﯧﺸﯩﻤﻐﺎ ﻛﯜﻥ ﭼﯜﺷﺴﻪ، ﺳﯩﻨﯩﭙﺘﯩﻜﻰ 30 ﺋﻮﻏﯘﻟﺪﯨﻦ ﺑﯩﺮﻩﺭﺳﻰ ﻣﻪﻥ ﺋﯜﭼﯜﻥ ﺩﯛﺷﻤﯩﻨﯩﻤﮕﻪ ﻫﻮﻣﯩﻴﯩﭗ ﻗﻮﻳﯩﺪﯗ، ﺩﯦﮕﻪﻥ ﺧﺎﻡ ﺗﻪﻣﻪﺩﻩ ﺋﻪﻣﻪﺳﻤﻪﻥ.
ﺗﺎﻏﺪﯨﻦ ﭼﯜﺷﻜﻪﻥ ﻻﻱ ﺳﯘﻧﻰ،
ﺳﯜﺯﯛﭖ ﺋﯩﭽﻪﺭ ﺋﻪﺭ ﺑﺎﺭﻣﯘ؟
ﻧﯘﺯﯗﻙ ﺑﯧﺸﯩﻐﺎ ﻛﯜﻥ ﭼﯜﺷﺘﻰ،
ﺋﯧﻠﯩﭗ ﻗﺎﭼﺎﺭ ﺋﻪﺭ ﺑﺎﺭﻣﯘ؟!
ﻣﻪﻥ ﻳﺎ ﺋﯩﻨﻘﯩﻼﺑﭽﻰ ﺑﻮﻟﻤﯩﺴﺎﻡ، ﻫﻪﺩﺩﯨﻤﺪﯨﻦ ﺋﯧﺸﯩﭗ ﻧﯧﻤﯩﺪﻩﭖ ﻧﯘﺯﯗﮔﯘﻣﻨﯩﯔ ﻗﻮﺷﺎﻗﻠﯩﺮﯨﻨﻰ ﺋﻪﺳﻜﻪ ﺋﯧﻠﯩﭗ ﻳﯜﺭﯨﻤﻪﻥ؟!
«ﻧﯘﺭ ﺋﻮﻏﻠﯩﻤﻪﻥ!» ﺩﯦﮕﻪﻧﻠﻪﺭ ﺗﯜﻥ ﺑﺎﻏﺮﯨﻐﺎ ﺳﯩﯖﯩﭗ ﻛﻪﺗﺘﻰ، ﺷﻪﭘﻪﺭﻩﯕﺪﻩﻙ ﻗﯘﻳﺎﺷﻘﺎ ﻣﻪﯕﮕﯜ ﺋﺎﺳﯩﻲ ﻳﯜﺭﻩﻛﻠﻪﺭ ﺋﯘﻻﺭﻧﯩﯔ ﯞﯨﺠﺪﺍﻧﯩﻨﻰ ﺳﯧﺘﯩﭗ ﺗﺎﻣﺎﻛﺎ ﭼﻪﻛﻤﻪﻛﺘﻪ....
ﻣﻪﻥ ﺋﻪﻣﺪﻯ ﻛﺎﻟﺘﺎ ﻳﻮﭘﻜﺎﻣﻨﻰ ﺳﯧﻠﯩﯟﯦﺘﯩﭗ، ﭘﺎﺩﯨﭽﻰ ﺋﯩﺸﺘﯩﻨﯩﻤﻨﻰ ﻛﯩﻴﯩﯟﺍﻻﻱ، ﺗﺎﻣﺪﯨﻦ ﺋﺎﺭﺗﯩﻠﯩﺸﻘﺎ ﺋﺎﺳﺎﻧﺮﺍﻕ ﺑﻮﻻﺭ....
11 - ﺳﯧﻨﺘﻪﺑﯩﺮ
ﻛﻮﻧﺴﭙﯩﻚ ﺋﻮﻗﯘﻟﯘﯞﺍﺗﯩﺪﯗ. ﻣﻪﻥ ﻳﻪﻧﯩﻼ ﻣﺎﻟﯩﻤﺎﻥ ﻛﺎﻟﻼﻣﺪﯨﻜﻰ ﭼﯘﯞﺍﻟﭽﺎﻕ ﺋﻮﻱ - ﺧﯩﻴﺎﻟﻠﯩﺮﯨﻤﻨﻰ ﺟﯩﺠﺎﺵ ﺑﯩﻠﻪﻥ ﺑﯘ ﯞﺍﻗﯩﺘﻨﻰ ﺋﯚﺗﻜﯜﺯﯛﯞﺍﺗﯩﻤﻪﻥ. ﺋﯧﭽﯩﺮﻗﯩﻐﺎﻥ ﺋﻪﺳﻠﯩﻤﯩﻠﻪﺭ ﺭﻭﻫﯩﻤﻨﻰ ﺋﯧﻜﻪﻛﺪﻩﭖ ﺋﯘﭘﺮﯨﺘﯩﭗ ﺑﻮﻟﺪﻯ. ﻗﺎﭘﻘﺎﺭﺍ ﻛﯜﻧﺪﯛﺯ ﻗﺎﭘﻘﺎﺭﺍ ﻗﯘﺯﻏﯘﻥ ﺑﻮﻟﯘﭖ، ﻛﯚﺯ ﭼﺎﻧﺎﻗﻠﯩﺮﯨﻤﻨﻰ ﻏﺎﺟﺎﭖ ﻳﯜﺭﻣﻪﻛﺘﻪ. ﺳﻮﺋﺎﻟﻠﯩﺮﯨﻢ ﻣﯧﻨﻰ ﺗﻪﻧﻪﭘﭙﯘﺱ ﻗﯩﻠﺪﯗﺭﻣﺎﻱ، ﺗﻮﺧﺘﯩﻤﺎﻱ ﻛﺎﭘﺸﯩﭗ ﺩﻩﺭﺱ ﺋﯚﺗﻤﻪﻛﺘﻪ. ﺳﯩﻨﺎﻗﻼﺭﻧﯩﯔ ﭼﻪﻛﭽﻪﻳﮕﻪﻥ ﻛﯚﺯﻟﯩﺮﻯ ﻗﻪﻟﺒﯩﻤﻨﻰ ﺗﯩﺘﻤﺎﻗﺘﺎ. ﺋﯚﺯ ﻛﯚﻟﻪﯕﮕﻪﻡ ﺗﺎﻣﺎﺷﺎﻣﻨﻰ ﻛﯚﺭﻣﻪﻛﭽﻰ ﺑﻮﻟﯘﭖ ﻫﯩﺠﺎﻳﻤﺎﻗﺘﺎ. ﻣﻪﻥ ﺧﯩﻴﺎﻝ ﺳﯜﺭﯛﭖ ﺋﻮﻟﺘﯘﺭﯗﭖ، ﺋﯚﺯ - ﺋﯚﺯﯛﻣﻨﻰ ﺋﺎﻟﺪﯨﻤﺎﻗﺘﯩﻤﻪﻥ. ﺑﻪﺯﯨﺪﻩ ﻛﺎﺭﯨﯟﺍﺕ ﺋﯜﺳﺘﯩﺪﯨﻜﻰ ﺗﻪﻧﻤﯘ ﺭﻭﻫﯩﻤﺪﯨﻦ ﭼﯩﻘﯩﭗ ﻛﯧﺘﯩﺪﯨﻐﯘ؟ ﺋﻪﺗﺮﺍﭘﯩﻤﺪﺍ ﻧﯘﺭﻏﯘﻥ ﻧﻪﺭﺳﻪ ﺑﺎﺭ: ﺗﻮﭘﺎ ﺑﺎﺳﻘﺎﻥ ﺗﻪﻛﭽﻪ، ﺗﻮﺭ ﺑﺎﻏﻠﯩﻐﺎﻥ ﺑﯘﻟﯘﯓ، ﻗﺎﻻﻳﻤﯩﻘﺎﻥ ﺟﯩﺠﺎﻟﻐﺎﻥ ﺋﯜﺳﺘﻪﻝ، ﺗﯧﺘﯩﻘﺴﯩﺰ ﻛﻮﻧﺴﭙﯩﻚ، ﻣﺎﯕﻤﺎﻳﺪﯨﻐﺎﻥ ﺳﺎﺋﻪﺕ، ﻟﻪﯞ ﺳﯩﺰﯨﻠﻐﺎﻥ ﻛﯚﻙ ﺋﯩﺸﻜﺎﭖ، ﺳﯜﻳﻰ ﻳﻮﻕ ﭼﺎﻳﺪﺍﻥ، ﭼﯧﭽﯩﻠﯩﭗ ﻳﺎﺗﻘﺎﻥ ﺳﯜﭘﯜﺭﮔﯩﻠﻪﺭ....ﻣﯘﺋﻪﻟﻠﯩﻤﻨﯩﯔ ﺋﺎﻳﯩﻐﯩﺪﯨﻜﻰ ﺗﻮﭘﺎ ﺋﯚﺭﻟﻪﭖ ﺗﯘﺭﻏﺎﻥ ﻳﻪﺭ... ﻣﻪﻧﯩﺴﯩﺰ، ﻫﻪﻣﻤﯩﺴﻰ ﻣﻪﻧﯩﺴﯩﺰ! ﺋﻪﺗﺮﺍﭘﯩﻤﺪﯨﻜﻰ ﺋﺎﺩﻩﻣﻠﻪﺭﺩﻩﻛﻼ.... ﻏﺎﺟﯩﻠﯩﭗ ﺋﯘﭘﺮﯨﻐﺎﻥ ﻛﻮﻧﺎ ﺳﯚﯕﻪﻛﻨﻰ، ﻛﺎﻟﻼﻡ ﺯﺍﺩﯨﻼ ﻗﻮﺑﯘﻝ ﻗﯩﻼﻟﻤﺎﻳﯟﺍﺗﯩﺪﯗ.
ﺭﻩﺯﯨﻞ ﻗﻪﻟﺒﯩﻤﮕﻪ ﺋﻮﺧﺸﺎﺵ، ﺋﺎﻫ، ﺑﯩﭽﺎﺭﻩ ﺩﯦﻜﺎﺑﯩﺮ،
ﻗﺎﻟﺪﯨﯔ ﻗﺎﺭﻧﯩﯔ ﺋﺎﺳﺘﯩﺪﺍ. ....
«ﺋﺎﻫ، ﺳﯧﻨﻰ...»ﺩﯦﮕﻪﻥ ﺗﯘﺭﺍﻗﻠﯩﻖ ﺳﯚﺯﻣﯘ،
ﻛﻪﺗﺘﻰ ﻗﺎﺭﻏﺎ ﻛﯚﻣﯜﻟﯜﭖ.
ﻗﺎﻟﺪﻯ ﻣﺎﯕﺎ، ﺑﺎﻏﺎﺷﻼﭖ ﺗﯘﺭﻏﺎﻥ
- ﺳﯚﻳﯜﻣﻠﯜﻙ ﻳﺎﻟﻐﯘﺯﻟﯘﻗﯘﻡ.
ﺑﯘ ﺩﯗﻧﻴﺎﺩﯨﻜﻰ ﻗﻮﺭﻗﯘﻧﭽﺎﻗﻼﺭ،
ﺋﯚﺯﯨﺪﯨﻦ ﺑﺎﺷﻘﯩﻨﻰ ﻛﯧﺘﯩﺪﯗ ﺗﺎﺷﻼﭖ.
ﯞﯨﺠﺪﺍﻥ... ﺳﺎﻗﯩﯟﺍﺗﻘﺎﻥ ﻳﺎﺷﻠﯩﺮﯨﻨﻰ،
ﻗﺎﺭﺍ ﻛﯚﺯﻟﯩﺮﯨﮕﻪ ﻳﯜﺭﯛﻳﺪﯗ ﺑﺎﺷﻼﭖ...
.... «ﺳﺎﻟﻐﺎ ﺗﯧﺸﻰ» ﭼﺎﻗﯩﺮﺍﺭ ﻣﯧﻨﻰ،
ﻛﺮﻭﺭﺍﻥ ﺋﺎﻧﺎ ﺗﯩﻜﯩﺪﯗ ﺋﻮﺗﻠﯘﻕ ﻛﯚﺯﯨﻨﻰ،
ﺋﻮﻏﯘﺯ ﺑﻮﯞﺍﻣﻨﯩﯔ ﻳﯘﯕﻠﯘﻕ ﻛﯚﻛﺴﯩﮕﻪ.
ﻣﻪﻧﭽﯘ؟ ﻳﻮﺗﻘﺎﻧﻐﺎ ﻣﯧﻬﺮﯨﻢ ﺑﺎﺭ ﺷﯘﻧﭽﻪ....
19 - ﺩﯦﻜﺎﺑﯩﺮ
ﻣﻪﻥ ﺋﯚﺯﯛﻣﻤﯘ ﺳﻪﺯﻣﯩﮕﻪﻥ ﻫﺎﻟﺪﺍ ﺑﺎﺭﺍ - ﺑﺎﺭﺍ ﻛﻮﭼﺎ ﺋﺎﭘﺘﻮﺑﯘﺳﯩﻐﺎ ﺋﻮﺧﺸﺎﭖ ﻗﺎﻟﻐﯩﻨﯩﻤﻨﻰ، ﭘﺎﻛﻠﯩﻚ، ﺳﻪﺑﯩﻴﻠﯩﻜﻨﯩﯔ ﻣﻪﻧﺪﯨﻦ ﺋﺎﺳﺘﺎ - ﺋﺎﺳﺘﺎ ﻳﯩﺮﺍﻗﻼﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻫﯧﺲ ﻗﯩﻠﯩﯟﺍﺗﯩﻤﻪﻥ. ﺗﯧﺘﯩﻘﺴﯩﺰ ﭼﺎﻗﭽﺎﻗﻼﺭ، ﺑﻪﺩﯨﻨﯩﻤﺪﻩ ﺳﻮﻳﻠﯩﻐﺎﻥ ﻗﻮﻟﻼﺭ، ﻟﻪﯞﻟﯩﺮﯨﻤﺪﻩ ﻗﺎﻟﺪﯗﺭﻏﺎﻥ ﺋﯩﺰﻻﺭ .... ﺋﯘﻧﺪﺍﻗﺘﺎ ﻣﻪﻥ ﺯﺍﺩﻯ ﻗﺎﻧﺪﺍﻕ ﻗﯩﻠﯩﺸﯩﻢ ﻛﯧﺮﻩﻙ؟ ﺑﯩﺮ ﺋﺎﺩﻩﻣﻨﯩﯔ، ﺑﻮﻟﯘﭘﻤﯘ ﺑﯩﺮ ﻗﯩﺰﻧﯩﯔ ﺋﯚﺯ ﺋﯩﭙﭙﯩﺘﻰ ﯞﻩ ﻗﯩﺰﻟﯩﻖ ﻗﻪﺩﯨﺮ - ﻗﯩﻤﻤﯩﺘﯩﻨﻰ ﻳﻮﻗﺎﺗﻤﺎﻱ ﻳﯩﻠﻼﺭﻧﻰ ﺋﯚﺗﻜﯜﺯﯛﺷﻰ ﺋﯜﭼﯜﻥ ﺯﺍﺩﻯ ﻧﯧﻤﯩﻠﻪﺭ ﻻﺯﯨﻢ؟ ﺋﯩﻨﺴﺎﻧﻨﻰ ﻧﺎﭘﺎﻛﻠﯩﻘﺘﯩﻦ، ﮔﯘﻧﺎﻫﺘﯩﻦ ﺳﺎﻗﻼﭖ ﻗﺎﻟﻐﯘﭼﻰ ﻛﯜﭺ ﺯﺍﺩﻯ ﻧﯧﻤﻪ؟! ﺋﻪﺟﻪﺑﺎ، ﺳﺎﭘﻤﺎ ﻛﻪﺷﻜﻪ ﺋﻮﺧﺸﺎﭖ ﻗﺎﻟﻐﺎﻥ ﺑﯘ ﺗﻪﻥ ﺋﯜﭼﯜﻥ ﺑﯘﻻﺭﻧﻰ ﺋﻮﻳﻠﯩﻨﯩﺸﻨﯩﯔ ﻳﻪﻧﻪ ﻫﺎﺟﯩﺘﻰ ﻗﺎﻟﺪﯨﻤﯘ؟! (ﻳﺎﺯ ﺋﺎﺧﺸﯩﻤﻰ)
________ داۋامى بار
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.