مۇھەببەت

 ( دىرۇنا-رۇسىيە شائىرى)

  دىرۇنا Юлия Друнина رۇسىيەلىك داڭلىق ئايال شائىرە. 1924-يىلى تۇغۇلغان، 2 -دۇنيا ئۇرۇشى مەزگىلىدە ئۆزىنىڭ سۆيگۈ لىرىكىلىرى بىلەن داڭ قازانغان بولۇپ1991-يىلى 11-ئايدا ئۆزىنى ئۆلتۈرىۋالغان.
      مۇھەببەت كىرپىك قاقماي بۇ كېچە يەنە ،
سوئال قويۇپ چىقتىڭ ئۆزۈڭگە.
دېدىڭ، «ئۇ ئانچىلا چىرايلىق ئەمەس».
جاۋاپ بەردى لېكىن يۈرىكىڭ :
«ھىچقىسى يوق بولدى قىلغىن بەس».

ئۇخلىيالماي ياتتىڭ ئۆرۈلۈپ،
ئۇزاق-ئۇزاق خىياللار سۈرۈپ:
چىنمۇ سۆزى ۋە ياكى ساختا...
دېدىڭ ئاخىر: «ئۇ ئانچىلا ئەقىللىق ئەمەس!»

جاۋاپ بەردى لېكىن يۈرىكىڭ :
«ھىچقىسى يوق بولدى قىلغىن بەس».
شۇئان سېنى باستى تەشۋىش غەم،
ھەممە ۋەيران تۈگەشتىڭ شۇ دەم.
يۈرىكىڭگە سۆزلىدىڭ يەنە:
«تۈگىشىپسەن ئامىتىڭ كەلمەس!»
جاۋاپ بەردى لېكىن يۈرىكىڭ :
«ھىچقىسى يوق بولدى قىلغىن بەس».

------1972-يىلى .