رۇسىيە زۇڭتۇڭى پۇتىن تۈنۈگۈن مۇنداق دېدى: ھەر قانداق سىرتقى كۈچ-ھەربىي جەھەتتىن رۇسىيەدىن ئېشىپ كېتىش ھەم رۇسىيەگە تۈرلۈك بېسىم ئىشلىتىشنى خام خىيال قىلماسلىقى كېرەك، رۇسىيە مۇشۇنداق تەۋەككۈلچىلىك قىلمىشلىرىغا تەڭ ئىنكاس قايتۇرىدۇ.

رۇسىيە زۇڭتۇڭى تور بېكىتى ئېلان قىلغان خەۋەرگە قارىغاندا، پۇتىن شۇ كۈنى «ۋەتەن قوغدىغۇچىلار كۈنى»نى تەبرىكلەش مۇزىكا كونسېرتىدا مۇنداق دەپ كۆرسەتكەن: رۇسىيە ئارمىيەسى بۈگۈنكى دەۋرنىڭ تەلىپىگە ئاساسەن، ئۆز قۇرۇلۇشىنى ئۈزلۈكسىز كۈچەيتىپ، رۇسىيە ئارمىيەسىنىڭ جابدۇق سەۋىيەسىنى ئۆستۈرۈشنى مەقسەت قىلغان ئۇلۇغ پىلاننى ئوڭۇشلۇق يولغا قويۇۋاتىدۇ، رۇسىيە يېقىنقى يىللاردىن بۇيان ئارمىيەنى باشقۇرۇش سەۋىيەسىنى ئۆستۈرۈشتىمۇ نۇرغۇن خىزمەتلەرنى ئىشلىدى.

ئۇ مۇنداق دېدى: رۇسىيە داۋاملىق بارلىق تىرىشچانلىقلارنى كۆرسىتىپ، ئارمىيەنىڭ ئەمەلىي كۈچىنى ئۆستۈرىدۇ، مەيلى قانداق ئەھۋال بولسۇن، ئارمىيە قۇرۇلۇشىنى پىلانىنى ئورۇنلايدۇ، بۇنىڭغا گۇمان كەتمەيدۇ.