گەرچە ھازىر نۇرغۇن ئادەم ئەركىن مۇھەببەتنى تەرغىب قىلىدىغان بولسىمۇ، لېكىن رېئال تۇرمۇشتا مۇھەببەتلىشىۋاتقان ئىككى ئادەمنىڭ ھېسسىيات مۇناسىۋىتى ئىككى تەرەپنىڭ ئائىلىسى، جەمئىيەت قاتارلىق ھەر خىل ئامىللارنىڭ تەسىرىگە ئۇچراپ تۇرىدۇ. ھىندىستاندا ۋارنا تۈزۈمى يولغا قويۇلغان شۇنداقلا نىكاھ مەسلىسى جەمەت (ئائىلە) تەرىپىدىن بەلگىلىنىدىغان بولغاچقا، نۇرغۇنلىغان ئاشىق-مەشۇقلار ئۆزى خالايدىغان ھەمراھنى تاللاشقا ئامالسىز قالىدۇ. لېكىن يېقىندىن بۇيان، ھىندىستاندا <ھەقىقىي مۇھەببەت زەربىدار ئەترىتى> دەيدىغان بىر تەشكىلات مەيدانغا كەلگەن بولۇپ، مەزكۇر تەشكىلاتتىكىلەر ئۆز ئارا مۇھەببەتلىشىۋاتقان ئاشىق-مەشۇقلارنى دىنىي ئېتىقاد، جەمەت (ئائىلە) شۇنداقلا جەمئىيەتنىڭ ئاسارىتىدىن قۇتۇلدۇرۇپ، ئاشىق-مەشۇقلارنى مۇراد-مەقستىگە يەتكۈزۈشكە ياردەم قىلىشنى مەقسەت قىلغانىدى.

       خەۋەردە ئېيتىلىشىچە، <ھەقىقىي مۇھەببەت زەربىدار ئەترىتى> ئەڭ دەسلىپىدە پەقەت تۆتلا كىشىدىن تەشكىل تاپقان تەشكىلات بولۇپ، ئۇلار تېلىفون، تور شۇنداقلا ۋە باشقا ھەر خىل شەكىللەر ئارقىلىق ئاشىق-مەشۇقلارغا بىخەتەر بولغان تۇرالغۇ بېرىش، ئاشىق-مەشۇقلارنى جەمەتىنىڭ قولىدىن قۇتقۇزۇپ چىقىش شۇنداقلا ئادەم ئەۋەتىپ ئاشىق-مەشۇقلارنى قوغداش قاتارلىق ياردەملەر بىلەن تەمىنلىگەن. ئەگەر بۇ ئاشىق-مەشۇقلار قانۇندا بەلگىلىگەن نىكاھلىنىش يېشىغا يەتسە، مەزكۇر تەشكىلاتتىكىلار ئاشىق-مەشۇقلارغا توي مۇراسىمى ئۆتكۈزۈپ بەرگەن. مەزكۇر تەشكىلاتتىكىلەر ئالتە يىلدىن بېرى 4000 جۈپتىن ئارتۇق ئاشىق-مەشۇقلارنىڭ قېچىپ كېتىشىگە ياردەم قىلغان بولۇپ، بۇنىڭ ئەمەلگە ئېشىشىغا نۇرغۇن پىدائىيلار شۇنداقلا باستېر (نىكاھ گۇۋاھچىسى) لار ياردەم قىلغان.