شىنخۇا تورى، مىلان، 16-ئۆكتەبىر تېلېگراممىسى: گوۋۇيۈەننىڭ زۇڭلىسى لى كېچياڭ شۇ يەر ۋاقتى 16-ئۆكتەبىر چۈشتىن بۇرۇن مىلاندا تايلاند زۇڭلىسى بايۈ بىلەن كۆرۈشتى.

لى كېچياڭ مۇنۇلارنى بىلدۈردى: خەلقئارا بوران-چاپقۇن ۋە تايلاندنىڭ ئىچكى ۋەزىيىتىدە قانداق ئۆزگىرىش بولۇشىدىن قەتئىينەزەر، جۇڭگو-تايلاند مۇناسىۋىتى باشتىن-ئاخىر ساغلام، مۇقىم تەرەققىي قىلدى، ئىككى دۆلەتنىڭ ئەنئەنىۋى دوستلۇقىدا ئۆزگىرىش بولمىدى. جۇڭگو-تايلاند مۇناسىۋىتىنىڭ تەرەققىياتى پەقەت ئىككى تەرەپكىلا پايدىلىق بولۇپلا قالماي، بەلكى يەنە رايون، ھەتتا ئاسىيانىڭ تەرەققىياتىنى مۇھىم پۇرسەتلەر بىلەن تەمىن ئېتىدۇ.

جۇڭگو تەرەپ تايلاند تەرەپ بىلەن بىرلىكتە يۇقىرى قاتلاملار ئالاقىسىنى ساقلاپ، ئىككى دۆلەت ھاسىل قىلغان ئورتاق تونۇش ۋە كېلىشىملەرنى ئوبدان ئەمەلىيلەشتۈرۈپ، يۇقىرى سۈرئەتلىك تۆمۈر يول ئۇل ئەسلىھەلەر قۇرۇلۇشى، دېھقانچىلىق مەھسۇلاتلىرى، ئىقتىساد-سودا، پۇل مۇئامىلە قاتارلىق ساھەلەردىكى ئەمەلىي ھەمكارلىقنى بىر تۇتاش ئىلگىرى سۈرۈپ، ئادىمىيەت ئالماشتۇرۇشى ۋە خادىملار ئالاقىسىنى كېڭەيتىپ، جۇڭگو-تايلاند مۇناسىۋىتىنى تەرەققىي قىلدۇرۇپ، ئىككى دۆلەت خەلقىگە بەخت ئاتا قىلىشنى خالايدۇ.