دۆلەت مۇداپىئە مىنستىرلىقىنىڭ ئاخبارات باياناتچىسى ياڭ يۈجۈن تۈنۈگۈن ئامېرىكىنىڭ تەيۋەنگە قورال سېتىپ بېرىشى توغرىسىدا سۆز قىلىپ مۇنداق دېدى: تەيۋەن مەسىلىسى جۇڭگونىڭ ئىگىلىك ھوقۇقى ۋە زېمىن پۈتۈنلۈكىگە مۇناسىۋەتلىك بولۇپ، جۇڭگونىڭ يادرولۇق مەنپەئەتىگە چېتىلىدۇ. جۇڭگو ھەر قانداق چەتئەل ھۆكۈمىتىنىڭ تەيۋەنگە قورال سېتىپ بېرىشگە قەتئىي قارشى تۇرىدۇ. ئامېرىكىنىڭ قىلمىشى جۇڭگو بىلەن ئامېرىكىنىڭ ئۈچ بىرلەشمە ئاخباراتى بولۇپمۇ، «17-ئاۋغۇست ئاخباراتى»نىڭ پرىنسىپىغا خىلاپلىق قىلغانلىق، جۇڭگونىڭ ئىچكى ئىشلىرىغا ئارىلاشقانلىق، جۇڭگونىڭ ئىگىلىك ھوقۇقى ۋە بىخەتەرلىك مەنپەئەتىگە، ئىككى قىرغاق مۇناسىۋىتىنىڭ تىنچ تەرەققىياتى ۋە تەيۋەننىڭ تىنچلىقى مۇقىملىقىغا زىيان يەتكۈزگەنلىك. ياڭ يۈجۈن مۇنۇلارنى تەكىتلىدى: جۇڭگو ئارمىيەسىنىڭ دۆلەتنىڭ ئىگىلىك ھوقۇقى ۋە زېمىن پۈتۈنلۈكىنى قوغداش مەسىلىسىدىكى مەيدانى قەتئىي، ئېنىق. ئامېرىكىنىڭ تەيۋەنگە قورال سېتىپ بېرىشتەك خاتا قىلمىشى جۇڭگو بىلەن ئامېرىكا ئارمىيەلىرىنىڭ مۇناسىۋىتىگە تەسىر يەتكۈزمەي قالمايدۇ. بىز ئامېرىكىنى جۇڭگو ئامېرىكا ئۈچ بىرلەشمە ئاخباراتى ۋە تەيۋەن مەسىلىسىدە جۇڭگوغا بەرگەن كەسكىن ۋەدىسىگە ئەمەل قىلىپ، تەيۋەنگە قورال سېتىپ بېرىش تۈرىنى ئەمەلدىن قالدۇرۇپ، تەيۋەنگە قورال سېتىپ بېرىش ۋە ئامېرىكا تەيۋەن ئارمىيەلىرى ئالاقىسىنى توختۇتۇپ، جۇڭگو بىلەن ئامېرىكىنىڭ ئىككى دۆلەت، ئىككى ئارمىيە مۇناسىۋىتى ۋە تەيۋەننىڭ تىنچلىقى مۇقىملىقىغا يەنىمۇ زىيان يەتكۈزۈشتىن ساقلىنىشقا كۈچلۈك دەۋەت قىلىمىز.