ئامېرىكا ئارىزونا شىتاتى ئۇنىۋېرسىتېتىنىڭ تەتقىقاتچىلىرى ئاياللارنىڭ باشقىلار بىلەن تاكاللىشىپ ئاچچىقلانغاندا ئىناۋىتىنى چۈشۈرۈپ قويىدىغانلىقىنى، لېكىن ئەرلەرنىڭ دەل ئەكسىچە بولىدىغانلىقىنى بايقىغان. تەتقىقاتچىلار 210 ئوغۇل-قىز ئوقۇغۇچىنى تەقلىدىي سوتقا قاتناشتۇرۇپ، ئۇلارغا بىر ئەر «گۇماندار»نىڭ ئايالىنى ئۆلتۈرمەكچى بولغانلىقى سەۋەبلىك ئەرز قىلىنغانلىقى توغرىسىدىكى بايانىنى ئاڭلاتقۇزغان. ئوقۇغۇچىلىرى باياننى ئاڭلاپ بولغاندىن كېيىن ئالدى بىلەن «گۇماندار»نىڭ جىنايىتنىڭ ھەقىقەتەن بار يوقلۇقى توغرىسىدا مۇنازىرە قىلىشقان. بۇ چاغدا تەتقىقاتچىلار ئۆزىنىڭ قارىشىدا چىڭ تۇرغان ئەرلەرنىڭ مۇنازىرىدە ئاسانلا ئاچچىقلايدىغانلىقىنى، ئۇلارنىڭ بۇ خىل ھەرىكىتىنىڭ باشقىلارنىڭ ھۆكۈمىدە تەۋرىنىش پەيدا قىلغان، لېكىن ئاياللارنىڭ باشتىكى تاللىشتا تېخىمۇ چىڭ تۇرىدىغانلىقىنى بايقىغان.

تەتقىقاتچىلار ئاخىرقى نەتىجىگە ئاساسەن مۇنداق يەكۈن چىقارغان: ئەرلەر ئاچچىقلاپ تۇرۇپ قارىشىنى ئىپادىلىگەندە، كىشىلەر ئۇنىڭكىنى تېخىمۇ ئىشەنچلىك، دەپ قارايدىكەن؛ لېكىن ئاياللار ئوخشاش قاراشنى ئاچچىقلىنىپ ئىپادىلىسە، كىشىلەر ئۇنى ھېسسىياتقا بېرىلىپ قارار چىقىرىۋاتىدۇ، دەپ قارايدىكەن.