شۇ يەر ۋاقتى 24-دېكابىر، ئابى شىنزۇ ياپونىيەنىڭ 97-نۆۋەتلىك باش ۋەزىرى بولۇپ سايلاندى

جۇڭگو ئاخبارات ئاگېنتلىقى ، 24-دېكابىر تېلېگراممىسى : ياپونىيە ئورتاق ئاگېنتلىقىنىڭ خەۋىرىگە قارىغاندا ، ياپونىيەنىڭ 188-قېتىملىق پەۋقۇلئاددە پارلامېنت يىغىنى شۇ يەر ۋاقتى 24-دېكابىر ئېچىلغان ، چۈشتىن كېيىنكى ئاۋام پالاتا ۋە كېڭەش پالاتا ئومۇمىي يىغىنىدا ئۆتكۈزۈلگەن باش ۋەزىرنى تاللاش سايلىمىدا ، ئەركىن دېموكراتلار پارتىيەسىنىڭ باشلىقى ئابى شىنزۇ 470 بېلەتنىڭ 328ىگە ئېرىشىشتەك مۇتلەق ئۈستۈنلۈك بىلەن ياپونىيەنىڭ 97-نۆۋەتلىك باش ۋەزىرى بولۇپ سايلانغان . يىغىندا يەنە سابىق دىپلوماتىيە ۋەزىرى ماچىمۇرا نوبۇكو ئاۋام پالاتاسىنىڭ باشلىقى بولۇپ سايلانغان .

ئىگىلىنىشىچە ، بۇ قېتىمقى پەۋقۇلئاددە دۆلەت يىغىنى 26-دېكابىرغىچە جەمئىي ئۈچ كۈن ئېچىلىدىكەن . 3-نۆۋەتلىك ئابى شىنزۇ ئىچكى كابىنېتى خان ئوردىسىدا ئۆتكۈزۈلىدىغان باش ۋەزىرنىڭ ۋەزىپىگە ئولتۇرۇش مۇراسىمى ۋە ئىچكى كابىنېتنى مۇئەييەنلەشتۈرۈش مۇراسىمىدىن كېيىن رەسمىي يولغا قويۇلىدىكەن .

ئابى شىنزۇ شۇ يەر ۋاقتى 24-دېكابىر كەچ باش ۋەزىر سارىيىدا مۇخبىرلارنى كۈتۈۋېلىش يىغىنى ئاچىدىكەن .