بۇ بولسا 64 ياشلىق بوۋاي مانۇئېل باررانتېسنىڭ ھېكايىسى، مانۇئېل باررانتېس ئىسىملىك بۇ بوۋاي كوستارىكادىكى سان ئىسىدرو دېگەن جايدىن بولۇپ، مانۇئېل ئىسىملىك بۇ بوۋاي ئىلگىرى سومكىسىنى يۈدۈپلا ساياھەتكە چىقىپ ياۋروپا ۋە جەنۇبىي ئامېرىكا قىتئەسىدىكى 18 دۆلەتكە بارغانىدى. بوۋاي ئۆزى بارغان جايدىكى كىشىلەرنىڭ ناچار ھاۋارايىدىن ساقلىنىش ئۈچۈن ئۆڭكۈردە تۇرۇۋاتقانلىقىنى كۆرگەندىن كېيىن، ئۇنىڭدىمۇ تۇيۇقسىزلا ئىلھام پەيدا بولغان:<مەنمۇ يەر ئاستى ئوردىسىدا تۇرۇشنى ئويلاپ قالدىم . شۇنىڭ بىلەن مانۇئېل ئىسىملىك بۇ بوۋاي مەلۇم يەرنى تاللاپ بېكىتكەندىن كېيىن ئۆڭكۈر كولاشقا تەييارلانغان.

بوۋاي ئۆڭكۈر كولاش جەريانىدا ھېچقانداق چوڭ تىپتىكى توپا قېزىش ماشىنىسىنىڭ ياردىمىگە ئېھتىياجلىق بولمىغان. بوۋاي پەقەت ئۆزىنىڭ بىر جۈپ قولىغا تايىنىپ، بىر گۈرجەك، بىر جوتۇ شۇنداقلا ئۆزىنىڭ تەۋرەنمەس ئىرادىسىگە تايىنىپ ئۆڭكۈرنى كولاشقا كىرىشىپ كەتكەن. مانۇئېل ئىسىملىك بوۋاي ياش ۋاقتىدا كان ئىشچىسى بولۇپ ئىشلەپ باققان بولغاچقا، يەر كولاش تەجرىبىسى ناھايىتى مول ئىدى.

بوۋاينىڭ ئۆيدىكىلىرى دەسلىپىدە بوۋاينىڭ بۇ ئويىنى ئېتىراپ قىلمىغان بولۇپ، بوۋاينىڭ بىر قىزى ئۇنى ئەقىلگە سىغمايدىغان ئىش قىلىۋاتىدۇ، ناۋادا ياخشى بىر تەرەپ قىلالمىسا يەر ئۆرۈلۈپ چۈشۈپ ئۇنى بېسىۋىلىشى مۇمكىن دەپ ئويلىغان. لېكىن بوۋاي ئاللىقاچان قاتتىق ئىرادىگە كەلگەن بولغاچقا، باشقىلارنىڭ قانداق قارىشى بىلەن قىلچە كارى بولمىغان. شۇنداق قىلىپ، مانۇئېل بوۋاي بىر كۈن،بىر كۈندىن توپتوغرا 12 يىل توپا قازغان. ئەڭ ئاخىرىدا، بۇ كاج بوۋاي يانار تاغ ماگمىسىنى قېزىش ئارقىلىق بۇ شەھەرنىڭ يەر ئاستىغا كۆلىمى تەخمىنەن نەچچە يۈز مېتىر كېلىدىغان تۇرالغۇ كولاپ چىققان ھەم بۇ يەرگە توپولاندىيا (Topolandia) دەپ نام بەرگەن.