ئامېرىكا تاراتقۇلىرىنىڭ خەۋىرىگە قارىغاندا، يېقىندا فىرانسىيەلىك بىر ئەر رۇسىيەلىك ئايالىنى چامادانغا سېلىپ پولشاغا ئوغۇرلۇقچە كىرمەكچى بولغىنىدا، پولشا چېگرا ساقچىلىرى تەرىپىدىن قولغا ئىلىنغان.
تېرېسپول چېگرا ساقچىلىرىنىڭ ئېيتىشىچە، ئۇلار بىر فىرانسىيەلىك يولۇچىنىڭ چامادانىنى تەكشۈرۈپ، ئىچىدە تۈگۈلۈپ ياتقان بىر ئايالنى بايقىغان. بۇ ئايال ياۋروپا ئىتتىپاقىدىكى دۆلەتنىڭ پۇقراسى بولمىغانلىقىم ئۈچۈن چىگرادىن ئۆتكەندە توسقۇنلۇققا ئۇچرىشىم مۇمكىن، دەپ ئويلاپ، بۇ ئەخمەقانە ئامالنى ئويلاپ تاپقان.
نۆۋەتتە بۇ ئەر-ئايال چىگرادىن ئوغۇرلۇقچە ئۆتۈش جىنايىتى بىلەن تۇتۇپ تۇرۇلغان بولۇپ، ئۈچ يىللىق قاماق جازاسىغا تارتىلىشى مۇمكىنكەن.
چېگراغا مەسئۇل خادىمنىڭ ئېيتىشىچە، بۇ ئايال گەرچە ياۋروپا ئىتتىپاقىدىكى دۆلەتنىڭ پۇقراسى بولمىسىمۇ، توي قىلغانلىقىنى ئىسپاتلايدىغان ھۈججەت بولسىلا چېگرادىن ئۆتەلەيدىكەن.