نورمال چوڭلۇقتىكى بىر تال غولپىياز بىلەن بىر دانە ئالمىنى ئېزىپ ئارىلاشتۇرغاندىن كېيىن ھاسىل بولغان شەربەتكە ئىككى قوشۇق ھەسەلنى قوشۇپ كۈنىگە ئۈچ قېتىم، ھەر قېتىمدا بىر قوشۇقتىن ئىچسە بوغۇز ياللۇغىغا شىپا بولىدۇ.
سۈتتە قاينىتىپ قويۇلغان غولپىيازنى يىرىڭلىق قاپارتقۇ ھەم چىقاندەك يارىلارنىڭ ئۈستىگە سۈركىسە، شىپا بولىدۇ.
قۇلاق ئاغرىغاندا دورىلانغان پاختىنى غولپىياز سۈيىگە چىلاپ قۇلاق ئىچىگە سېلىپ بەرسە، قۇلاق ئاغرىقنى پەسەيتكىلى بولىدۇ.
ئېزىپ پىشۇرۇلغان غولپىيازنىڭ كانايدىكى ۋە ئۆپكىدىكى بەلغەملەرنى بوشىتىپ چىقىرىشقا پايدىسى بار،ئەگەر قوي مېيى بىلەن بىرلىكتە قايناتسا، داۋالاش ئۈنۈمى تېخىمۇ يۇقىرى بولىدۇ.
غولپىياز بېشىنى ئىنچىكە توغرا بىر قوشۇق شېكەر بىلەن ئارىلاشتۇرۇپ بەرسە، بىر سائەتتىن كېيىن تاتلىقى چىقىدۇ، ئۇنى شامالداپ قالغان، زۇكام بولغان، يۆتەلگەن ۋاقىتلاردا كىچىك قوشۇقتا بىر قوشۇقتىن كۈنىگە5-6 قېتىمدىن ئىچىپ بەرسە، ئۈنۈمى ياخشى بولىدۇ.
غول پىياز پوستىنى قاينىتىپ چاچ يۇيسا چاچتىكى كېپەكنى يوقاتقىلى ھەم چاچنىڭ پارقىراقلىقىنى، يۇمشاقلىقىنى ساقلىغىلى بولىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
