ئەزىزتۈرك: ئەدەبىيات مەن ئۈچۈن ئاددى بىر ھەۋەس ئەمەس بەلكى شېرىن مەسئۇلىيەت.(بىلوگدىكى تېمىلار UKIJ Tuz Tom خەت نۇسخىسىدا تەييارلانغان. نورمال كۆرۈنمىسە، خەت نۇسخىسىنى بۇ يەرنى چېكىپ چۈشۈرۈپ، font ئىچىگە قاچىلاڭ!)

  • 2010-10-02

    مەشرەپ (غەزەل) - [سەرخىل گۈللەر بېغى]

    مۇھەممەتئىلى زۇزۇن تەشنائى 

    ئانا يۇرتۇم ئارا تۆھپە - مىراس بىباھا مەشرەپ،

    بۇغۇلغان دەم - نەپەسلەرگە شىپالىق ساپ ئاۋا مەشرەپ.

     

    كامالەت تاپتى قوينۇڭدا مۇقام - ئەلنەغمە، جانبازلىق،

    ئەزەلدىن زاتى ئۇيغۇرغا ئىجازەتسىز راۋا مەشرەپ.

     

    بېغى سەن قان - قېرىنداشلىق، ئىناقلىق، جان كۆيەرلىكنىڭ،

    ھوسۇل - بەھرىڭ ئاداۋەتلىك جاراھەتكە داۋا مەشرەپ.

     

    يەنە سەن كاتتا سەيناسى ئۇلۇغ ئىنسانىي خىسلەتنىڭ،

    سېنىڭدە ئەنئەنە رەسمى - يوسۇن، شەرمى - ھايا، مەشرەپ.

     

    يەنە يۈكسەل، قۇياشتەك پارلىسۇن پاك روھى مىللەتنىڭ،

    باغاش ئەتسۇن بۇ ئالەمنى ئېسىل نەغمە - ناۋا، مەشرەپ.

     

       ‹مەشرەپ› ناملىق توپلامدىن يوللاندى.


    历史上的今天：


    收藏到：Del.icio.us