ئۆتكەن يىللىق دۇنيا كىنو بېلەت كىرىمىنىڭ ئېشىشىغا جۇڭگو تۈرتكە بولدى

ئامېرىكا «نىيۇيورك ۋاقىت گېزىتى» تور بېتى 3-ئاينىڭ 12-كۈنى گېزىتى خەۋىرىگە ئاساسلانغاندا، بۇ جەمئىيەتنىڭ يىللىق سانلىق مەلۇماتنى تەكشۈرۈشتە كۆرسىتىلىشچە، 2014-يىلى پۈتكۈل دۇنيانىڭ كىنو بىلەت كىرىمى ئېشىپ 36 مىليارد 400 مىليون ئامېرىكا دوللىرى (تەخمىنەن 230 مىليارد يۈەن)غا يەتكەن، بۇنىڭ ئىچىدە 10 مىليارد 400 مىليون ئامېرىكا دوللىرى ئامېرىكا ۋە كانادادىن كەلگەن، جۇڭگونىڭ كىنو بىلەت كىرىمى تۆت مىليارد 800 مىليون ئامېرىكا دوللىرىغا يېتىپ، ئوخشاش مەزگىلگە سېلىشتۇرغاندا %34 ئاشقان.

بۇ دوكلاتتا يېڭىچە مەزمۇنلار يوق ، چۈنكى ئامېرىكىنىڭ كىنو بىلەت كىرىمىنىڭ تۆۋەنلىشى ۋە چەتئەلنىڭ ئېشىش ۋەزىيىتى ئۆتكەن يىلى كۆپ قىسىم ۋاقىت ئىچىدە ناھايىتى كۆرۈنەرلىك بولغان. بىراق، تەكشۈرۈش جەريانىدا كىنو كۆرگۈچىلەرنىڭ ئادىتىنىڭ ئۆزگىرىش ۋەزىيىتى ئەگەر ئىزچىل تۆۋەنلىسە، كىنو مەزمۇنىغا تەسىر كۆرسىتىشى مۇمكىن، شۇنداقلا كىنو تىجارىتى ۋە يارىتىلىشىدا ئۆزگىرىش بولۇشى مۇمكىن.

 

خەۋەردە كۆرسىتىلىشچە، بىر كۆرۈنەرلىك ئۆزگىرىش بولسا، ئۆتكەن يىلى، دۆلەت ئىچىدە 50 ياشتىن 59 ياشقىچە بولغان كىنو كۆرگۈچىلەر ئىچىدە، كىشى بېشىغا سېتىۋالىدىغان بىلەت سانى ئېشىپ 3.1 پارچىگە يېتىپ، ئۆتكەن بەش يىلنىڭ ھەرقانداق بىر يىلىدىن يۇقىرى بولغان. 40 ياشتىن 49 ياشقىچە بولغان كىشىلەر توپى ئىچىدە كىنو كۆرىدىغانلارنىڭ نىسبىتىمۇ كۆرۈنەرلىك كىچىك كۆلەمدە ئاشقان. 40 ياشتىن تۆۋەن بولغان كىشىلەر توپى ئىچىدە كىشى بېشىغا سېتىۋالىدىغان بىلەت سانى ئومۇميۈزلۈك ئازلىغان. ئوخشاش مەزگىلگە سېلىشتۇرغاندا تۆۋەنلىشى ئەڭ ئېغىر بولغىنى 25 ياشتىن 39 ياشقىچە بولغان ئادەم توپى بولۇپ، تۆۋەنلەش كۆلىمى %20گە يېقىن بولغان.

دوكلاتتا كۆرسىتىلىشچە، ئومۇمىي جەھەتتىن قارىغاندا، ئامېرىكىنىڭ ئۆزىدە كىشى بېشىغا سېتىلغان بىلەت سانى ئازلاپ 3.7 پارچىگە يەتكەن، 2005، 2006 ۋە 2007-يىلدىكى 4.4 پارچىدىن ئىبارەت يۇقىرى قىممەتكە سېلىشتۇرغاندا، تەخمىنەن %16 ئازلىغان.

 

گەرچە ئامېرىكا ۋە كانادانىڭ 3D ئېكرانىنىڭ سانى 16 مىڭ 146 گە يېتىپ، 2013-يىلغا سېلىشتۇرغاندا 364ى كۆپەيگەن بولسىمۇ، بىراق 3D كىنوسىنىڭ بىلەت كىرىمى %21 تۆۋەنلىگەن، 2013-يىلدىكى بىر مىليارد 800 مىليون ئامېرىكا دوللىرىدىن تۆۋەنلەپ بىر مىليارد 400 مىليون ئامېرىكا دوللىرى بولغان. 2010 -يىلدىكى ئىككى مىليارد 200 مىليون ئامېرىكا دوللىرىلىق يۇقىرى قىممەتكە سېلىشتۇرغاندا، 2014-يىلدىكى 3Dكىنو بىلەت كىرىمىنىڭ تۆۋەنلەش كۆلىمى %36 تىن ئاشقان.

كىنوچىلىقنى بىر ئېشىش ئەھۋالى بولسا، ئۆتكەن يىلى ئاساسلىق كىنو-تېلېۋىزىيە شىركىتى ۋە تارماق شىركەتلىرىنىڭ كىنو مىقدارى، 2006-يىلدىن بۇيان تۇنجى قېتىم ئېشىپ، 2013-يىلدىكى 114 قىسىمدىن 136 قىسىمغا يەتكەن.

دۆلەت ئىچى تارقاتقان كىنونىڭ ئومۇمىي سانى %7 ئاشقان، 659 قىسىمدىن ئېشىپ 707 قىسىمغا يېتىپ، ئۇزاق مەزگىل تەرەققىيات ۋەزىيىتى داۋاملاشتۇرغان. بۇ ۋەزىيەت نىسبەتەن كىچىك بولغان مۇستەقىل كىنولارغا تۈرتكە بولغان. ئۇلار دائىم پەقەت بىر نەچچە كىنوخانىلاردا قويغاندىن كېيىن، ۋىدېئو قويۇش مۇلازىمىتىگە يۆتكەلگەن.