پۇل-مۇئامىلە ۋاقىت گېزىتى تورىنىڭ 5-فېۋرال خەۋىرى: بىر دوكلاتتا كۆرسىتىلىشىچە، نۆۋەتتە دۇنيانىڭ قەرز سەۋىيەسى يەر شارى پۇل-مۇئامىلە كىرىزىسى پارتلاشتىن بۇرۇنقى 2007-يىلدىكىدىن يۇقىرى بولغان، بۇنىڭدا جۇڭگونىڭ قەرزى بىلەن ئىقتىساد كۆلىمى ئامېرىكىنىڭكىدىن ئېشىپ كەتكەن.
مەسلىھەت بېرىش ئورگىنى ماكىنسېينىڭ ھېسابلاش نەتىجىسىگە ئاساسلانغاندا، يەر شارىنىڭ قەرز سەۋىيەسى 5 تىرىلىئون 700 مىليارد ئامېرىكا دوللىرىدىن ئېشىپ 20 تىرىلىئون ئامېرىكا دوللىرىغا يېقىنلاشقان، ئېشىش سۈرئىتى ئىقتىسادنىڭ ئېشىش سۈرئىتىدىن كۆپ ئېشىپ كەتكەن. قەرز بىلەن دۆلەت ئىچى ئىشلەپچىقىرىش ئومۇمىي قىممىتى (GDP) نىسبىتى %270 دىن ئېشىپ %286 كە يەتكەن.
ماكىنسېينىڭ 47 دۆلەتنىڭ قەرز ئەھۋالىنى تەكشۈرۈشىدە كۆرسىتىلىشىچە، ئۆتكەن 8 يىلدىكى داۋالغۇشنىڭ ئومۇميۈزلۈك «پىشاڭسىزلاشتۇرۇش» مەشغۇلاتىنى (يەنى قەرزنى تېخىمۇ بىخەتەر سەۋىيەگە چۈشۈرۈش) ئىلگىرى سۈرۈشىنى ئۈمىد قىلىش گۈدەكلىك ئىكەن. دوكلاتتا ئالاقىدار تەرەپلەرنىڭ «يېڭى تەدبىر قوللىنىپ» قەرز كىرىزىسىنىڭ كەلگۈسىدە قايتا يۈز بېرىشىنىڭ ئالدىنى ئېلىشقا مۇراجىئەت قىلغان.
جۇڭگونىڭ ئومۇمىي قەرز سەۋىيەسى (پۇل-مۇئامىلە كەسپى قەرزىنى ئۆز ئىچىگە ئالىدۇ) 2007-يىلدىن بۈگۈنگىچە 3 ھەسسىگە يېقىن ئاشقان، نۆۋەتتە سەۋىيەسى GDPنىڭ %282 گە باراۋەر ئىكەن. بۇ نىسبەتەن ئامېرىكىنىڭكىدىنمۇ يۇقىرى. ماكېنسىينىڭ بىلدۈرۈشىچە، جۇڭگونىڭ ئومۇمىي قەرز سەۋىيەسى «قارىماققا كونترول قىلغىلى بولىدىغان» بولسىمۇ، ئەمما بۇ قەرز سەۋىيەسى جۇڭگونىڭ تەرەققىي قىلغان ئىقتىسادىي گەۋدىلەرنىڭ ئۇزۇن مەزگىل نىسبەتەن تۆۋەن ئىقتىسادىي ئېشىشىنى تولۇقلاش ئىقتىدارىنى چەكلەپ قويىدىكەن.
تەرجىمىدە: ئوكيان
