ئوباما قىرىمغا قارىتا مەبلەغ سېلىشنى چەكلەش بۇيرۇقىنى ئېلان قىلدى
تېڭشۈن ئىقتىساد تورىنىڭ 20-دېكابىر خەۋىرى: ئامېرىكا پىرېزىدېنتى ئوباما 12-ئاينىڭ 19-كۈنى قىرىمغا قارىتا مەبلەغ سېلىشنى چەكلەش بۇيرۇقىنى ئېلان قىلىپ، بۇ يىلنىڭ بېشىدا رۇسىيە يۇتىۋالغان يېرىم ئارال رايونىغا جازا يۈرگۈزۈشنى يولغا قويدى.
ئوباما جۈمە كۈنى مەمۇرىي بۇيرۇق ئىمزالاپ، قىرىمغا قارىتا ياۋروپا ئىتتىپاقى پەيشەنبە كۈنى ئېلان قىلغىنىغا ئوخشىشپ كېتىدىغان ئىقتىسادىي چەكلەش ۋاسىتىسىنى يولغا قويدى. بۇيرۇقتا ئامېرىكا كارخانىلىرى ياكى شەخسىيلەرنىڭ قىرىمغا مەبلەغ سېلىشى چەكلەنگەن بولۇپ، ئامېرىكىلىقلار ياكى ئامېرىكا كارخانىلىرى قىرىمدا ئۆي ياكى كارخانا سېتىۋالسا بولمايدىكەن، يەنە قىرىم رايونىدىكى كارخانىلارنى مەبلەغ ئويۇشتۇرۇش بىلەن تەمىنلىسىمۇ بولمايدىكەن.
ئوباما پەيشەنبە كۈنى بىر پارچە قانۇن لايىھەسىنى ئىمزالىغان بولۇپ، بۇنىڭدا رۇسىيەگە قارىتىلغان يېڭى جازا يۈرگۈزۈش چارىلىرىنى ماقۇللىغان. ئەمما ئۇ يەنە ياۋروپا ئىتتىپاقى ماسلاشمىغان ئەھۋال ئاستىدا قانۇن لايىھەسىدىكى جازالاش چارىلىرىنى ۋاقتىنچە ئىجرا قىلمايدىغانلىقىنى ئېيتقان. ئامېرىكا ياۋروپا ئىتتىپاقى بىلەن ئاللىقاچان كېشىلىپ بولغانلىقتىن قىرىمغا جازا يۈرگۈزۈش ناھايىتى تېزلا يولغا قويۇلىدۇ.
تەرجىمىدە: ھاجىم
