جۇڭگونىڭ ئىككىنچى پەسىللىك ئىقتىسادىي ئېشىشى ئاستىلىدى
جۇڭگو دۆلەتلىك سىتاتىستىكا ئىدارىسى جۇڭگونىڭ ئىككىنچى پەسىللىك ئىقتىسادىي سانلىق مەلۇماتلىرىنى ئېلان قىلغان بولۇپ، GDP ئېشىشى ئاستىلاپ %7.6 بولغان.
ئىلگىرى ئىقتىسادشۇناسلار ئومۇميۈزلۈك ھالدا جۇڭگونىڭ ئىككىنچى پەسىللىك GDP ئېشىشى بىرىدىن پەسىلدىكى %8.1 دىن %7.6 كە تۆۋەنلەيدىغانلىقىنى مۆلچەرلىگەن ئىدى.
جۇڭگو مەركىزىي بانكىسى 7-ئاينىڭ 6-كۈنىدىن باشلاپ ماس قەدەمدە ئامانەت ئۆسۈم نىسبىتىنى تۆۋەنلىتىدىغانلىقىنى جاكارلىغان ئىدى، بۇ بىر ئاي ئىچىدە ئىككىنچى قېتىم ئۆسۈمنى تۆۋەنلىتىشى، كىشىلەر جۇڭگونىڭ ئىككىنچى پەسىللىك GDP سى ئېھتىمال ھالسىزلىنىشى مۇمكىن دەپ پەرەز قىلغان.
جۇڭگو ھۆكۈمىتى 2012-يىللىق GDP نىڭ ئۆسۈش نىشانىنى %7.5 دەپ بېكىتكەن بولۇپ، نۇرغۇن تەھلىلچىلەر بۇ سان ئۆسۈشنىڭ تۆۋەن چېكى، نىشان ئەمەس دەپ قارىغان؛ ئىقتىسادشۇناسلارنىڭ بىلدۈرۈشىچە، %7.6 لىك ئېشىش نىسبىتى گەرچە ھۆكۈمەتنىڭ نىشانىدىن يۇقىرى بولسىمۇ، ئەمما ھۆكۈمەتنىڭ تېخىمۇ كۆپ ۋاستە قوللىنىپ ئىقتىسادنى سىلجىتىشىنى ئىلگىرى سۈرىدىكەن.
ماكرولۇق ئىقتىسادنىڭ كۆرسەتكۈچى بولۇش سۈپىتى بىلەن، جۇڭگو ھۆكۈمىتى ۋە خۇيفېڭ ياساش سانائىتى سېتىۋېلىش كۆرسەتكۈچىنىڭ ئىككىلىسىلا 7 ئايدىن بۇيانقى ئەڭ تۆۋەن نۇقتىنى ئېلان قىلغان. گەرچە پەسىل ئامىللىرى بولسىمۇ، ئەمما يەنىلا جۇڭگو ئىقتىسادىنىڭ ياخشى ئەمەسلىكىنى كۆرسىتىپ بەرگەن.
