سۇرىيەدە ئەسەد كۈچلىرىنىڭ بومباردىمانلىرى داۋاملاشماقتا؛ ئوخشاش بولمىغان شەھەرلەردىكى ھۇجۇملاردا بالىلار قوشۇلۇپ 105 ئادەم ھاياتىدىن ئايرىلدى.
ئەسەد كۈچلىرىنىڭ ھۇجۇملىرىدا ھەلەبتە 43، دەمەشقتە 38، ئىدلىب، ھۇمۇس، دېرئا ۋە لازىقىييە شەھەرلىرىدە 24 ئادەم ئۆلدى؛ ئۆلگەنلەرنىڭ 22 سىنىڭ كىچىك بالا ئىكەنلىكى بىلدۈردى .
سۇرىيە ھاۋا ئارمىيەسىگە قاراشلىق ئۇرۇش ئايروپىلانلىرى ۋە تىك ئۇچار ئايروپىلانلىرىنىڭ ۋارىل بومبىسى بىلەن ھۇجۇم قىلىۋاتقانلىقى ئەسكەرتىلمەكتە.
ھەلەبتىكى ھۇجۇملاردا كۆپلىگەن ئۆي – ماكانلارنىڭ گۆمۈرۈلۈپ چۈشكەنلىكى، چۆل دوختۇرخانىلىرىدا يارىدارلار ئۈچۈن جىددىي قان ئېھتىياجى بارلىقىنىڭ ئېلان قىلىنغانلىقى بىلدۈرۈلدى.
ئۆكتىچىلەر بولسا، ھەلەبكە قارىتىلغان ھاۋا ھۇجۇملىرى داۋاملاشقان تەقدىردە، 22- يانۋاردا چاقىرىلىدىغان ئىككىنچى نۆۋەتلىك جەنۋە يىغىنىغا ئىشتىراك قىلمايدىغانلىقىنى جاكارلىدى.
يەنە بىر تەرەپتىن، جۈمە كۈنى موسكۋادا سۇرىيەدىكى خىمىيەلىك قوراللارنى تازىلاش مەسىلىسى بويىچە يىغىن چاقىرىلىدۇ.
يىغىنغا رۇسىيە، ئامېرىكا قوشما ئىشتاتلىرى، بىرلەشكەن دۆلەتلەر تەشكىلاتى (ب د ت) ، سۇرىيە ۋە خىمىيەلىك قورال چەكلەش تەشكىلاتىنىڭ مۇتەخەسسىسلىرى ئىشتىراك قىلىدۇ.
