ئەلجەزىرە تورىنىڭ 11-نويابر خەۋىرى: غەززە رايونىنى كونترول قىلىۋاتقان خاماس ھۆكۈمىتى خەلقئارا مېدىيەلەر بىلەن خاماسنىڭ ئالاقە قىلىشى ئۈچۈن تۇنجى ئايال باياناتچىسىنى تەيىنلىگەن.
خاماسنىڭ تۇنجى ئايال باياناتچىسى ئىسرە ئەل-مودئاللاھ بۇ يىل 23 ياشقا كىرگەن بولۇپ، ئەنگلىيە تەلەپپۇزىدىكى ئىنگلىز تىلىنى راۋان سۆزلەيدۇ، يېڭىچە قىياپەتتە خاماس بىلەن ئۆز دۆلىتىنىڭ پۇقرالىرى ۋە خەلقئارا جامائەت ئارىسىدىكى دوستانە ئالاقىنى ئىلگىرى سۈرىدۇ.
ئىسرە مودئاللاھ غەززەدىكى ئىشخانىسىدا زىيارەتنى قوبۇل قىلغاندا:«بىز ئوخشىمىغان ۋە ئالاھىدە تىلغا ئىگە بولۇشنى كۈتمەكتىمىز، بىز مەسىلىلەرنى تېخىمۇ ئىنسانىيلاشتۇرىمىز» دېگەن.
ئىسرە مودئاللاھ ئېرىدىن ئاجرىشىپ كەتكەن ئايال بولۇپ، 4 ياشلىق قىزى بار، خاماس ھەرىكىتىگە قاتناشمىغان. خاماسنىڭ باشقا ئەمەلدارلىرىدەك ئىشخانىسىغا باش مىنىستىر خانىيەنىڭ باش سۈرىتىنى ئېسىۋالمىغان.
