مىسىر ھۆكۈمىتى، مۇسۇلمان قېرىنداشلارنى ‹تېررورلۇق تەشكىلات› دەپ ئېلان قىلدى
مىسىرنىڭ رەسمىي خەۋەر ئاگېنتلىقى (مېنا) نىڭ خەۋىرىگە ئاساسلانغاندا ۋاقىتلىق باش مىنىستىر ھازىم ئەلبىبلاۋى، دەقھەلىييەدە مەيدانغا كېلىپ 14 ئادەمنىڭ ئۆلۈمى ۋە 96 ئادەمنىڭ يارىلىنىشىنى كەلتۈرۈپ چىقارغان پارتلاشتىن كېيىن، مۇسۇلمان قېرىنداشلار تەشكىلاتى (ئىخۋان) نى ‹تېررورلۇق تەشكىلاتى› دەپ ئېلان قىلدى.
خەۋەردە، مىسىر مىنىستىرلار كېڭىشىنىڭ باياناتچىسى ۋە باش مىنىستىرنىڭ مەتبۇئات ئىشلىرى باش مەسلىھەتچىسى شەرىف شەۋقىنىڭ، ‹بىبلاۋى بۇ قارارنى ئىخۋاننىڭ قان تۆكىدىغان ۋە مىسىرنىڭ ئامانلىقى بىلەن ئوينىشىدىغان بىر تېررورلۇق تەشكىلاتى سۈپىتىدە ناچار يۈزىنى نامايان قىلىشىدىن كېيىن چىقاردى› دېگەنلىكى بىلدۈردى .
