جۇڭگو ئاخبارات تورىنىڭ 25-دېكابر خەۋىرى: چەتئەل ئاخبارات تورلىرىنىڭ خەۋىرىگە ئاساسلانغاندا، تۈركىيەنىڭ خىيانەتچىلىك سەتچىلىكىگە پېتىپ قالغان ئىككى مىنىستىرى 12-ئاينىڭ 25-كۈنى ئىستېپا بەرگەنلىكىنى جاكارلىغان.
تۈركىيە ئىچكى ئىشلار مىنىستىرى مۇئەممەر گۈلەر ۋە ئىقتىساد مىنىستىرى زەفەر چاغلايان ئىستېپا بەرگەنلىكىنى جاكارلىغان.
تۈركىيە ساقچىلىرى پۈتۈن كۈچى بىلەن خىيانەتچىلىك ۋە پارا بېرىش قىلمىشىنى تازىلاۋاتقان بولۇپ، شۇ جاي ۋاقتى 12-ئاينىڭ 17-كۈنى ئىچكى ئىشلار مىنىستىرى مۇئەممەر گۈلەرنىڭ ئوغلى ۋە ئىقتىساد مىنىستىرى زەفەر چاغلاياننىڭ ئوغلىنى ئۆز ئىچىگە ئالغان 24 ئادەمنى قولغا ئالغان ئىدى.
تۈركىيە باش مىنىستىرى رەجەپ تايىپ ئەردوغان بۇ قېتىمقى تەكشۈرۈشنى «مەينەت تۇزاق» دەپ ئاتىغان. ئەردوغاننىڭ قارىشىچە، بۇ قېتىمقى تەكشۈرۈشنىڭ سىياسىي مۇددىئاسى بولۇپ، ئەردوغان ھۆكۈمىتىگە قارىتىلغان. ئۇ يەنە بۇ قېتىمقى تەكشۈرۈشنىڭ يازدىكى كەڭ كۆلەملىك قارشىلىق كۆرسىتىش ھەرىكەتلىرى بىلەن مۇناسىۋىتى بارلىقىنى ئېيتقان.
تۈركىيە سىياسىي تەھلىلچىلىرىنىڭ كۆرسىتىشىچە، بۇ قېتىمقى تۇيۇقسىز تەكشۈرۈش باش مىنىستىر ئەردوغان بىلەن ئىسلام تەرەپدارلىرىدىن بولغان گۈلەن ھەرىكىتى ئارىسىدىكى ئىختىلاپنى چوڭقۇرلاشتۇرغان.
تەرجىمىدە: نەپرەت
