ئاناتىلىم تورتۇراسى

版权声明：转载时请以超链接形式标明文章原始出处和作者信息及本声明
logs/36566986.html

    ئاناتىلىم تورتۇراسى قۇرۇلۇپ دەل 58 كۈن بولغاندا تۇنجى ئېلان كىرىمنى تاپشۇرۇپ ئالدىم، ئاللاھقا مىڭ مەرتىۋە شۈكرى. بۇ جەرياندا مېنى يېقىندىن قوللىغان بارلىق ئەزىز قېرىنداشلىرىمنىڭ مۇبارەك تېنىنىڭ ئامان، ئىشلىرىنىڭ ئۇتۇقلۇق بولۇشىنى چىن كۆڭلۈمدىن تىلەيمەن. ئادەمنىڭ كۆڭۈل شېشسىنى تۇنجى قېتىم چاققان ئىشلار مەيلى قانچە كىچىك بولۇشىدىن قەتئىينەزەر  بەك چوڭقۇر تەسىر قالدۇرىدۇ. گەرچە بۇ كىرىمدىن بېيىپ كەتكىمىگەن بولساممۇ، لېكىن كىشىنىڭ ئەجىر– مېھنىتىنىڭ باشقىلار تەرىپىدىن ئېتراپ قىلىنىشى (بۇنى دوستلىرىمنىڭ قىممەتلىك ۋاقتىنى چىقىرىپ ئېرىنمەي، زېرىكمەي ئېلانلارنى كۆرۈپ قويۇشى دېيىشكىمۇ بولىدۇ) ھەقىقەتەن زور خوشاللىق ۋە چەكسىز بەخىت.
    دەسلەپتە كۆپ قىسىم بلوگچى تورداشلارغا ئوخشاشلا بلوگگېرئەددىس ئېلانىنى قويغان ئىدىم، ئۇزاققا قالماي ئۇيغۇر بلوگگېرلار توپىدا بىر قانچە پىشقەدەم بلوگچىلارنىڭ يول كۆرسىتىشى بىلەن ئاۋارىچىلىق بولسىمۇ ئىشەنچىلىك، مۇقىم بولغان  دۆلەت ئىچىدىكى ئەڭ چوڭ ئىككى ئېلان شىركىتىدىن يىگاۋ ۋە ئەلىئانا ئېلانلىرى ئىلتىماس قىلىنغان.
    يىگاۋ ئېلانىغا قاراپ تۇرسام سەل شەھۋانىي ئېلان سۆزلىرىنى قوشىۋېلىپ بارىدۇ، شۇنىڭ بىلەن بۇنىڭدىن پۈتۈنلەي قول ئۈزۈپ ئەلىئانا ئېلانىنى چىڭ تۇتتۇم، شۇنداق قىلىپ تورتۇرا قۇرۇلۇپ 2 ھەپتىدەك ۋاقىت شۇنداق ئۆتۈپ كەتتى. ئەلىئانىغا ئۇدا 5 قېتىم ئىلتىماس سۇنساممۇ تەستىقلانماي تۇرىۋىرىپ يەنە بىر ھەپتە ئۆتۈپ كەتتى، كېيىن بىلسەم ئۇلار تورتۇرانىڭ ئەسلىدىكى ئالما ئۇسلۇبىنى بەك ئاددى دەپ باھالاپ تەستىقلىماي تۇرىۋېرىپتۇ، بىر تەرەپتىن مۇلازىمەتچىلەرگە ئەھۋال مەلۇم قىلىپ خەت يېزىپ، يەنە بىر تەرەپتىن كود ئوقۇشنى ئۆگېنىپ ئەڭ سىپتا چىققان ئاناتىلىم بلوگىنىڭ ئۆزگىچە ئۇسلۇبىنى ئۇيغۇرچىلاشتۇرۇپ چىققاندىن كېيىن، ئۇسلۇبنى ئالماشتۇرۇپ ئىلتىماس سۇنسام دەرھال تەستىقلاندى. تۇنجى كۈنىلا بىر قانچە بلوگچىلار ھە– ھۇ دېيىشىپ بېرىپ ئىككى يۈەندىن ئارتۇق كىرىم بوپتۇ، بەش كۈن بولغاندا ئۆز– ئارا ئېلان چېكىشىمىز دېيىشىپ يۈرۈپ 5 يۈەنگە چىقتى. ئالدىنقى شەرت، قائىدىگە خىلاپلىق قىلىپ قويماسلىق بولغاچقا، ئېلان قائىدىسىنىڭ ئەلمى– تەلمىنى ئازراق بىلگۈچە بەك چوڭ ھەرىكەت ئېلىپ بارماي تۇردۇم. كېيىنكى كۈنلىرى كىرىم نەچچە مودىن بولدى، لېكىن ھېساباتنى بوغىۋىدى 30 يۈەندىن سەل ئېشىپتۇ، ئەلىئانا رەسمىيەت ھەققى دەپ 4 يۈەن تۇتۇۋاپتۇ، شۇنىڭ بىلەن 26 يۈەن ساپ كىرىم قاپتۇ. بۈگۈن بۇ كىرىمنىڭ يېرىمىنى بانكا ھېساباتىمغا يۆتكەپ، يېرىمىغا باشقا بلوگلارنىڭ ئېلان ئورنىدىن ئېلان سېتىۋىلىپ ئىشلىتىپ كۆرسەم بىردەك نورمال.

    بۇ جەرياندا ماڭا بىر ئىش بەك تەسىر قىلغاچ ئېلان كىرىمى قىلىشتىن زادى قول ئۈزمىدىم. ئاناتىلىم قۇرۇلغاندىن تارتىپ بىر ئاماللارنى قىلىپ توختىماي تېما يوللاپ، تەشۋىقاتنى كۈچەيتىپ دىگۈدەك قىلىپ يۈرۈپ كۈنلۈك زىيارىتىنى 100 دىن چۈشۈرۈپ باقمىغان، پېقىرنىڭ نەزىرىچە بولغاندا مۇشۇنداق بولغاندىلا بلوگنىڭ بۇنىڭدىن كېيىنكى نورمال تەرەققىياتى، زىيارەت سانىغا كاپالەتلىك قىلغىلى بولىدۇ ۋە نورمال ئېلان سودىسى قىلىشقا بولىدۇ دەپ ئويلايتتىم. چۈنكى پېقىر بىر ئايدا ئاز بولسا 100 يۈەن كىرىم بولۇپ قالار دىگەننىڭ ھېسابىنى قىلىپ يۈرگەن، لېكىن ئەلىئانىنىڭ تەشەببۇس قىلغان  ۋاقىتلىق ھېسابلاش ئېلان ئورنى باھاسى ئەڭ يۇقىرى بولغاندا ھەپتىلىكى 0.48 يۈەن بولدى. مەن بۇنى بەك ئاز كۆردۈم. لېكىن باشقا تور بەتلەرنىڭ ئەھۋالىنى ئىزدەپ يۈرۈپ بىر ئاددى خەنزۇچە بلوگنىڭ كۈنلۈك ئېلان ئورنىنى 0.02 يۈەن، يەنى 2 تىيىن بىلەن ھېسابلاپ سودا قىلىۋاتقانلىقىنى بايقىدىم، قىزىقىپ تەپسىلىي ئۇچۇرلىرىغا قاراپ ھەيران بولۇپ ئاغزىمنى ئېچىپ قالدىم، گەرچە بلوگدىكى ئەلىدادا سودا ئۇچۇرلىرى ، ئىگىلىك يارىتىشقا دائىر ماقالىلەر خېلىلا ياخشى بولسىمۇ(ئەلۋەتتە، خەنزۇچە تور بەتلەردە بۇنداق ياخشى مەزمۇنلار بار تور بەتلەر ساماندەك)، بۇ تور بەتنىڭ كۈندىلىك ئوتتۇرىچە زىيارەت سانى5 كىمۇ بارمايدىكەن. لېكىن شۇنداقتىمۇ ئۇنىڭ قويغان بۇنچە تۆۋەن باھاسى يەنىلا بۇ ئېلان ئورنىنى 48 ئادەمنىڭ سېتىۋېلىشىغا مۇيەسسەر قىپتۇ. قاراڭ بۇ پۇلنىڭ ئومۇمىسىنى ھېسابلىسىڭىز بىر يۈەنگىمۇ توشمايدۇ، لېكىن بۇنىڭ بىلەن يەنە باشقىلارنىڭ شۇنداق ئەرزان ئېلان باھا ئورنىنى سېتىۋېلىپ داۋاملىق تەشۋىق قىلغىلى، شۇ 48 ئادەمنىڭ بەرگەن ياخشى باھاسىدىن يىغىلغان 48 نۇمۇر ئارقىلىق ئۆز ئېلان ئورنىنى قايتا– قايتا قېتىملاپ ئەلىئانا ئالاھىيدە ئېلان ئورنىدا ھەقسىز تەشەببۇس قىلغىلى بولىدۇ. شۇڭا دوستۇم، مەن ئويلايمەن ئۇيغۇرچە بلوگ يېزىپ مەزمۇنىنى ھەپتىدە بىر يېڭىلاپ بەرسىڭىزمۇ سىزنىڭ زىيارەت قېتىم سانىڭىز يۇقىرىدا تىلغا ئالغان تور بەتتىن ئاشىدۇ. جاپا كۆرمەي ئېلان ئىلتىماس قىلىپ قويۇڭ، باھانى مۇۋاپىق قويسىڭىزلا «تاما– تاما كۆل تولار» دىگەننىڭ تېگىگە يېتىسىز.  
    بۇنىڭدىن يەنە بىر ھېس قىلغان نەرسەم شۇكى پېقىردەك بلوگ سېپىگە يېڭى كىرگەنلەر ئۈچۈنمۇ كەڭ قېرىنداشلارنىڭ قوللىشى بىلەن شۇنچە زور ئېلان كىرىمى بوپتۇ. بۇ بىز ئۇيغۇرلارنىڭ ئىناق، ئىتتىپاق ۋە ئۆز– ئارا ياردەم قىلىدىغان روھىنى يەنە بىر قېتىم تولۇق ئىسپاتلاپ تۇرۇپتۇ.
ئاللاھ خالىسا قېرىنداشلارنىڭ قوللىشى ئارقىسىدا ئۇيغۇر بلوگچىلىقى كۈنسىرى راۋاجلانغۇسى!